ᱯᱟᱞᱞᱚᱵᱤ ᱯᱷᱟᱣᱡᱽᱫᱟᱨ
ᱯᱟᱞᱞᱚᱵᱤ ᱯᱷᱟᱣᱡᱽᱫᱟᱨ (ᱡᱟᱱᱟᱢ ᱒᱐ ᱰᱤᱥᱮᱢᱵᱚᱨ ᱑᱙᱗᱙) ᱫᱚ ᱢᱤᱫ ᱥᱤᱧᱚᱛᱤᱭᱟᱹ ᱛᱤᱨᱞᱟᱹ ᱠᱟᱱᱟᱭ ᱡᱟᱦᱟᱸᱭ ᱫᱚ ᱩᱥᱩᱞ ᱵᱩᱨᱩ ᱨᱮ ᱢᱚᱴᱚᱨ ᱥᱟᱭᱠᱮᱞ ᱪᱟᱞᱟᱣ ᱟᱨ ᱟᱡᱟᱜ ᱥᱟᱶᱛᱟᱨᱤ ᱠᱟᱹᱢᱤ ᱞᱟᱹᱜᱤᱫ ᱟᱹᱰᱤ ᱜᱮ ᱵᱟᱰᱟᱭᱚᱜᱼᱟ ᱾ ᱟᱡᱟᱜ ᱠᱟᱹᱢᱤ ᱠᱚᱫᱚ ᱞᱤᱢᱠᱟ ᱵᱩᱠ ᱚᱯᱷ ᱨᱮᱠᱚᱨᱰᱥ ᱨᱮ ᱟᱭᱢᱟ ᱯᱩᱭᱞᱩ ᱞᱮᱠᱟᱛᱮ ᱩᱯᱨᱩᱢ ᱮᱢ ᱟᱠᱟᱱᱟ ᱾
ᱮᱛᱚᱦᱚᱵ ᱡᱤᱭᱚᱱ ᱟᱨ ᱵᱮᱠᱜᱽᱨᱟᱣᱩᱱᱰ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱯᱟᱞᱞᱚᱵᱤ ᱯᱷᱟᱣᱡᱽᱫᱟᱨ ᱫᱚ ᱟᱜᱽᱨᱟ, ᱩᱛᱚᱨ ᱯᱨᱚᱫᱮᱥ, ᱥᱤᱧᱚᱛ ᱨᱮᱭ ᱡᱟᱱᱟᱢ ᱞᱮᱱᱟ ᱾ ᱟᱡ ᱵᱟᱵᱟ ᱫᱚ ᱟᱥᱚᱠ ᱯᱷᱟᱣᱡᱽᱫᱟᱨ ᱠᱟᱱᱟᱭ, ᱢᱤᱫ ᱨᱤᱴᱟᱭᱟᱨ ᱟᱠᱟᱱ ᱤᱞᱮᱠᱴᱨᱤᱠᱟᱞ ᱤᱧᱡᱤᱱᱤᱭᱟᱨ ᱾ ᱩᱱᱤ ᱫᱚ ᱯᱩᱭᱞᱩ ᱢᱚᱴᱚᱨ ᱥᱟᱭᱠᱮᱞ ᱪᱟᱞᱟᱣ ᱨᱮ ᱑᱔ ᱥᱮᱨᱢᱟ ᱩᱢᱮᱨ ᱨᱮ ᱠᱩᱥᱤᱭ ᱫᱮᱠᱷᱟᱣ ᱞᱮᱫ ᱛᱟᱦᱮᱸᱫ, ᱟᱡ ᱵᱟᱵᱟ ᱣᱟᱜ ᱢᱚᱴᱚᱨ ᱥᱟᱭᱠᱮᱞ ᱮ ᱪᱟᱞᱟᱣ ᱞᱮᱫ ᱛᱟᱦᱮᱸᱫ ᱾ ᱩᱱᱤ ᱫᱚ ᱒᱐᱐᱔ ᱨᱮ ᱵᱟᱯᱞᱟ ᱮᱱᱟ, ᱒ ᱜᱤᱫᱽᱨᱟᱹ ᱢᱮᱱᱟᱜ ᱠᱤᱱ ᱛᱟᱭᱟ ᱟᱨ ᱱᱟᱣᱟ ᱫᱤᱞᱞᱤ ᱨᱮ ᱵᱟᱥᱟ ᱟᱠᱟᱱᱟ ᱾
ᱠᱮᱨᱤᱭᱚᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱯᱟᱞᱞᱚᱵᱤ ᱯᱷᱟᱣᱡᱽᱫᱟᱨ ᱫᱚ ᱱᱟᱣᱟ ᱫᱤᱞᱞᱤ ᱨᱮ ᱢᱤᱫ ᱨᱟᱭᱤᱰᱤᱝ ᱜᱩᱴ ᱨᱮ ᱥᱮᱞᱮᱫ ᱠᱟᱛᱮ ᱟᱡᱟᱜ ᱨᱟᱭᱤᱰᱤᱝ ᱠᱮᱨᱤᱭᱚᱨ ᱮ ᱮᱛᱚᱦᱚᱵ ᱠᱮᱫᱼᱟ ᱾ ᱟᱡᱟᱜ ᱯᱩᱭᱞᱩ ᱧᱩᱛᱩᱢᱟᱱ ᱠᱟᱹᱢᱤ ᱫᱚ ᱒᱐᱑᱕ ᱨᱮ ᱛᱟᱦᱮᱸ ᱠᱟᱱᱟ, ᱢᱟᱱᱟ ᱯᱟᱥ ᱫᱷᱟᱹᱵᱤᱡ ᱢᱤᱫ ᱥᱳᱞᱳ ᱨᱟᱭᱤᱰ ᱡᱟᱦᱟᱸ ᱫᱚ ᱕᱖᱓᱘ ᱢᱤᱴᱚᱨ ᱩᱥᱩᱞ ᱨᱮ ᱥᱟᱢᱩᱱᱫᱟᱨ ᱟᱴᱮᱫ ᱠᱷᱚᱱ ᱑᱘᱗᱗᱔ ᱯᱷᱩᱴ ᱪᱮᱛᱟᱱ ᱨᱮ ᱛᱟᱦᱮᱸ ᱠᱟᱱᱟ, ᱤᱱᱟᱹ ᱚᱠᱛᱚ ᱫᱷᱟᱹᱵᱤᱡ ᱡᱮᱜᱮᱛ ᱨᱮᱱᱟᱜ ᱡᱚᱛᱚ ᱠᱷᱚᱱ ᱪᱮᱛᱟᱱ ᱢᱚᱴᱚᱨ ᱫᱟᱲᱮ ᱟᱱ ᱯᱟᱥ ᱛᱟᱦᱮᱸ ᱠᱟᱱᱟ ᱾ ᱟᱡᱟᱜ ᱱᱚᱣᱟ ᱠᱟᱹᱢᱤ ᱫᱚ ᱞᱤᱢᱠᱟ ᱵᱩᱠ ᱚᱯᱷ ᱨᱮᱠᱚᱨᱰᱥ ᱦᱚᱛᱮᱛᱮ ᱩᱯᱨᱩᱢ ᱮᱢ ᱦᱩᱭ ᱞᱮᱱᱟ ᱾ ᱚᱱᱟ ᱥᱮᱨᱢᱟ ᱩᱱᱤ ᱫᱚ ᱢᱤᱫ ᱥᱤᱝᱜᱚᱞ ᱴᱨᱤᱯ ᱨᱮ ᱕᱐᱐᱐ ᱢᱤᱴᱚᱨ ᱪᱮᱛᱟᱱ ᱨᱮ ᱤᱨᱟᱹᱞ ᱵᱩᱨᱩ ᱯᱟᱥ ᱫᱷᱟᱹᱵᱤᱡ ᱪᱟᱞᱟᱣ ᱠᱟᱛᱮ ᱟᱨᱢᱤᱫ ᱨᱮᱠᱚᱨᱰ ᱮ ᱵᱮᱱᱟᱣ ᱠᱮᱫᱼᱟ ᱾ ᱚᱱᱟ ᱛᱟᱭᱚᱢ ᱯᱟᱞᱞᱚᱵᱤ ᱫᱚ ᱵᱩᱨᱩ ᱨᱮ ᱪᱟᱞᱟᱣ ᱫᱚᱦᱚ ᱠᱮᱫᱼᱟ ᱟᱨ ᱱᱟᱣᱟ ᱯᱟᱥ ᱟᱨ ᱥᱟᱹᱜᱤᱧ ᱦᱚᱨ ᱠᱚᱭ ᱫᱟᱯᱟᱞ ᱠᱮᱫᱼᱟ ᱾ ᱫᱤᱥᱚᱢ ᱨᱮᱱᱟᱜ ᱟᱭᱢᱟ ᱦᱟᱹᱴᱤᱧ ᱨᱮ ᱠᱟᱨᱚᱱ ᱵᱟᱰᱟᱭ ᱪᱟᱞᱟᱣ ᱠᱟᱛᱮ ᱦᱚᱸ ᱩᱱᱤ ᱥᱟᱶᱛᱟᱨᱤ ᱠᱟᱹᱢᱤ ᱮ ᱠᱚᱨᱟᱣ ᱠᱮᱫᱼᱟ ᱾ ᱒᱐᱑᱗ ᱨᱮ ᱯᱟᱞᱞᱚᱵᱤ ᱫᱚ ᱥᱤᱧᱚᱛ ᱨᱮᱱᱟᱜ ᱞᱟᱫᱟᱠ ᱴᱚᱴᱷᱟ ᱛᱮᱭ ᱪᱟᱞᱟᱣ ᱮᱱᱟ ᱟᱨ ᱕᱘᱐᱓ ᱢᱤᱴᱚᱨ ᱩᱥᱩᱞ ᱨᱮ ᱩᱢᱞᱤᱝ ᱞᱟ ᱯᱟᱥ ᱮ ᱡᱷᱟᱹᱞ ᱠᱮᱫᱼᱟ ᱥᱮ ᱑᱙᱓᱒᱓ ᱯᱷᱩᱴ, ᱚᱱᱟ ᱫᱚ ᱠᱚᱨᱟᱣ ᱦᱚᱲ ᱯᱩᱭᱞᱩ ᱦᱚᱲ ᱮ ᱛᱟᱦᱮᱸ ᱠᱟᱱᱟ ᱾ ᱩᱢᱞᱤᱝ ᱞᱟ ᱯᱟᱥ ᱫᱚ ᱱᱤᱛᱚᱜ ᱡᱮᱜᱮᱛ ᱨᱮᱱᱟᱜ ᱡᱚᱛᱚ ᱠᱷᱚᱱ ᱪᱮᱛᱟᱱ ᱢᱚᱴᱚᱨ ᱫᱟᱲᱮ ᱟᱱ ᱯᱟᱥ ᱠᱟᱱᱟ ᱾
ᱥᱟᱶᱛᱟᱨᱤ ᱠᱟᱹᱢᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱯᱟᱞᱞᱚᱵᱤ ᱫᱚ ᱵᱤᱱᱼᱥᱚᱨᱠᱟᱨᱤ ᱥᱚᱝᱜᱚᱴᱷᱚᱱ ᱟᱨ ᱩᱛᱚᱨ ᱯᱨᱚᱫᱮᱥ ᱯᱚᱱᱚᱛ ᱨᱮᱱᱟᱜ ᱛᱤᱨᱞᱟᱹ ᱟᱨ ᱜᱤᱫᱽᱨᱟᱹ ᱵᱤᱵᱷᱟᱜ ᱥᱟᱞᱟᱜ ᱛᱤᱨᱞᱟᱹ ᱟᱨ ᱜᱤᱫᱽᱨᱟᱹ ᱦᱮᱞᱯᱞᱟᱭᱤᱱ ᱑᱘᱑ ᱟᱨ ᱛᱤᱨᱞᱟᱹ ᱟᱨ ᱜᱤᱫᱽᱨᱟᱹ ᱠᱚᱣᱟᱜ ᱥᱚᱢᱚᱨᱛᱷᱟᱱ ᱞᱟᱹᱜᱤᱫ "ᱵᱮᱴᱤ ᱵᱟᱪᱟᱣᱳ, ᱵᱮᱴᱤ ᱯᱟᱲᱦᱟᱣᱳ" ᱠᱮᱢᱯᱮᱱ ᱨᱮᱱᱟᱜ ᱵᱨᱟᱸᱰ ᱮᱢᱵᱟᱥᱟᱰᱟᱨ ᱞᱮᱠᱟᱛᱮ ᱠᱟᱹᱢᱤ ᱟᱠᱟᱫᱼᱟ ᱾
ᱴᱮᱞᱤᱵᱤᱡᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱯᱟᱞᱞᱚᱵᱤ ᱫᱚ ᱴᱮᱞᱤᱵᱤᱡᱚᱱ ᱨᱮ ᱟᱨ ᱰᱤᱰᱤ ᱱᱮᱥᱱᱟᱞ ᱥᱟᱞᱟᱜ ᱢᱮᱰᱤᱭᱟ ᱚᱲᱟᱜ ᱠᱚ ᱥᱮᱞᱮᱫ ᱠᱟᱛᱮ ᱨᱮᱜᱩᱞᱟᱨ ᱢᱮᱰᱤᱭᱟ ᱤᱱᱴᱟᱨᱵᱷᱤᱭᱩ ᱮ ᱮᱢᱟ ᱾