ᱯᱟᱦᱟᱲᱤ ᱦᱚᱲ (ᱱᱮᱯᱟᱞ)
पहाडी/पर्वतिया | |
|---|---|
| ᱜᱩᱴ ᱦᱚᱲ ᱮᱞ | |
| ᱑᱕,᱐᱑᱕[᱑] | |
| ᱰᱷᱮᱨ ᱧᱚᱜ ᱦᱚᱲ ᱮᱞ ᱢᱮᱱᱟᱜ ᱠᱚ ᱴᱚᱴᱷᱟ | |
 ᱱᱮᱯᱟᱞ | |
| ᱫᱷᱚᱨᱚᱢ | |
ᱰᱮᱦᱮᱨ ᱞᱮᱠᱷᱟ:-  ᱦᱤᱱᱫᱩ ᱫᱷᱚᱨᱚᱢ ᱙᱑.᱑᱗% (᱒᱐᱑᱑)[᱒]ᱠᱚᱢ ᱞᱮᱠᱷᱟ:- ᱤᱥᱟᱹᱭ ᱫᱷᱚᱨᱚᱢ | |
| ᱥᱩᱯᱩᱨ ᱥᱟᱹᱜᱟᱹᱭᱟᱱ ᱡᱟᱹᱛ ᱠᱚ | |
| ᱠᱷᱟᱥ ᱦᱚᱲ, ᱜᱚᱲᱣᱟᱞᱤ, ᱠᱩᱢᱟᱩᱱᱤ, ᱱᱮᱯᱟᱞᱤ[᱓] |
ᱯᱟᱦᱟᱲᱤ ᱦᱚᱲ (ᱫᱮᱵᱽᱱᱟᱜᱽᱨᱤ: पहाडी; sa; Pahāḍi, ᱟᱨᱦᱚᱸ ᱯᱟᱦᱟᱲᱤ ᱟᱨ ᱯᱟᱹᱨᱵᱟᱹᱛᱤ ᱠᱚ ᱢᱮᱛᱟᱠᱚᱣᱟ) ᱫᱚ ᱱᱮᱯᱟᱞ ᱨᱮᱭᱟᱜ ᱵᱩᱨᱩ ᱴᱚᱴᱷᱟ (ᱯᱟᱦᱟᱹᱲ) ᱨᱮ ᱛᱟᱦᱮᱸᱱ ᱠᱟᱱ ᱢᱤᱫ ᱤᱱᱰᱚ-ᱟᱨᱭᱟᱱ ᱜᱟᱶᱛᱟ ᱠᱟᱱᱟ ᱠᱚ᱾ ᱢᱮᱱᱠᱷᱟᱱ, ᱰᱮᱦᱮᱨ ᱯᱟᱦᱟᱲᱤ ᱠᱚᱫᱚ ᱢᱟᱨᱟᱝ ᱯᱟᱦᱟᱲᱤ ᱥᱚᱢᱟᱡᱽ ᱵᱷᱤᱛᱤᱨ ᱨᱮᱭᱟᱜ ᱜᱷᱟᱴᱚᱠ ᱩᱯᱚᱜᱟᱶᱛᱟ ᱟᱨ ᱡᱟᱹᱛ ᱨᱮᱱ ᱦᱚᱲ ᱞᱮᱠᱟᱛᱮ ᱠᱚ ᱩᱯᱨᱩᱢᱚᱜᱼᱟ, ᱡᱮᱞᱠᱟ ᱵᱨᱟᱢᱚᱬ (ᱱᱮᱯᱟᱞ ᱨᱮ ᱵᱟᱦᱩᱱ), ᱠᱷᱟᱹᱛᱨᱤᱭᱟᱹ (ᱱᱮᱯᱟᱞ ᱨᱮ ᱪᱷᱮᱛᱨᱤ) ᱟᱨ ᱫᱚᱞᱤᱛ᱾ᱯᱟᱦᱟᱲᱤ ᱧᱩᱛᱩᱢ ᱫᱚ ᱯᱟᱦᱟᱹᱲ (पहाड) ᱠᱷᱚᱱ ᱦᱮᱡ ᱟᱠᱟᱱᱟ, ᱡᱟᱦᱟᱸ ᱨᱮᱭᱟᱜ ᱢᱟᱱᱮ ᱫᱚ "ᱵᱩᱨᱩ", ᱟᱨ ᱱᱚᱶᱟ ᱫᱚ ᱦᱤᱢᱟᱞᱚᱭ ᱨᱮᱭᱟᱜ ᱵᱩᱨᱩ ᱴᱚᱴᱷᱟ ᱨᱮᱭᱟᱜ ᱞᱟᱛᱟᱨ ᱥᱮᱫ ᱴᱚᱴᱷᱟ ᱥᱟᱶ ᱡᱚᱲᱟᱣ ᱢᱮᱱᱟᱜᱼᱟ ᱡᱟᱦᱟᱸ ᱨᱮ ᱯᱟᱦᱟᱲᱤ ᱠᱚ ᱠᱚ ᱛᱟᱦᱮᱸᱱᱟ᱾ ᱱᱮᱯᱟᱞᱤ ᱟᱹᱨᱛᱷ ᱨᱮ ᱥᱟᱫᱷᱟᱨᱚᱱ ᱞᱮᱠᱟᱛᱮ ᱯᱟᱦᱟᱲᱤ ᱠᱚᱫᱚ ᱢᱩᱬᱩᱛ ᱠᱷᱟᱥ ᱦᱚᱲ ᱞᱮᱠᱟᱛᱮ ᱠᱚ ᱞᱮᱠᱷᱟᱜᱼᱟ, ᱡᱟᱦᱟᱸ ᱫᱚ ᱱᱩᱠᱩ ᱤᱱᱰᱚ-ᱟᱨᱭᱟᱱ ᱡᱟᱹᱛᱤ ᱠᱚᱣᱟᱜ ᱛᱤᱵᱵᱚᱛᱤᱭᱟᱹ ᱥᱮ ᱡᱚᱱᱚᱡᱟᱛᱤ ᱠᱷᱚᱱ ᱦᱮᱡ ᱟᱠᱟᱱ ᱡᱮᱞᱠᱟ ᱢᱟᱜᱟᱨ, ᱛᱟᱢᱟᱝ, ᱜᱩᱨᱩᱝ, ᱠᱤᱨᱟᱛ ᱮᱢᱟᱱ ᱠᱚ ᱥᱟᱶ ᱵᱷᱮᱜᱟᱨᱮ ᱩᱫᱩᱜᱟ᱾ ᱯᱟᱦᱟᱲᱤ ᱫᱚ ᱥᱩᱢᱩᱝ ᱵᱷᱩᱜᱚᱞ ᱦᱚᱸᱭ ᱵᱷᱮᱜᱟᱨ ᱫᱟᱲᱮᱭᱟᱜᱼᱟ᱾[᱔][᱕][᱖][᱗][᱘]
ᱯᱟᱹᱨᱥᱤᱠᱚ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱯᱟᱦᱟᱲᱤ ᱦᱚᱲᱠᱚ ᱫᱚ ᱱᱮᱯᱟᱞᱤ ᱞᱮᱠᱟᱱ ᱤᱱᱰᱚ-ᱟᱨᱭᱟᱱ ᱯᱟᱹᱨᱥᱤᱠᱚ ᱠᱚ ᱨᱚᱲ-ᱟ᱾
ᱡᱤᱭᱚᱱ ᱫᱷᱟᱨᱟ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱯᱟᱦᱟᱲᱤ ᱠᱚ, ᱢᱟᱫᱷᱮᱥᱤ ᱦᱚᱲ ᱠᱚ ᱞᱮᱠᱟ ᱪᱟᱥᱤ ᱦᱚᱲ ᱫᱚ ᱵᱟᱝ ᱠᱟᱱᱟ ᱠᱚ, ᱢᱮᱱᱠᱷᱟᱱ ᱰᱮᱦᱮᱨ ᱦᱚᱲ ᱫᱚ ᱵᱟᱹᱲᱛᱤ ᱟᱭ ᱞᱟᱹᱜᱤᱫ ᱮᱴᱟᱜ ᱠᱟᱹᱢᱤ ᱠᱚ ᱦᱚᱸ ᱠᱚ ᱱᱤᱨᱵᱷᱚᱨᱟ᱾ ᱵᱩᱨᱩ ᱫᱷᱟᱨᱮ ᱨᱮ ᱯᱟᱣᱞᱤ ᱪᱟᱥ ᱠᱟᱛᱮ, ᱩᱱᱠᱩᱣᱟᱜ ᱢᱩᱬᱩᱛ ᱯᱷᱚᱥᱚᱞ ᱫᱚ ᱟᱹᱞᱩ ᱟᱨ ᱪᱟᱣᱞᱮ ᱠᱟᱱᱟ᱾ ᱮᱴᱟᱜ ᱯᱷᱚᱥᱚᱞ ᱠᱚᱫᱚ ᱦᱩᱭᱩᱜ ᱠᱟᱱᱟ ᱜᱩᱦᱩᱢ, ᱡᱚᱣᱟ, ᱯᱤᱭᱟᱡᱽ, ᱵᱤᱞᱟᱹᱛᱤ, ᱛᱟᱢᱟᱠᱩ, ᱟᱨ ᱮᱴᱟᱜ ᱟᱹᱨᱩᱣᱟᱹ᱾ ᱯᱟᱦᱟᱲᱤ ᱪᱟᱥᱤ ᱠᱚᱫᱚ ᱰᱟᱝᱨᱟ, ᱵᱷᱤᱰᱤ, ᱢᱮᱨᱚᱢ, ᱟᱨ ᱜᱟᱹᱭ ᱠᱚ ᱠᱚ ᱟᱹᱥᱩᱞᱟ᱾ᱰᱮᱦᱮᱨ ᱩᱥᱩᱞ ᱡᱟᱹᱛᱤ ᱨᱮᱱ ᱯᱟᱦᱟᱲᱤ ᱠᱚᱫᱚ ᱥᱮᱱᱟ ᱨᱮᱱ ᱦᱚᱲ, ᱪᱟᱥᱤ ᱟᱨ ᱥᱤᱵᱤᱞ ᱥᱮᱵᱟ ᱨᱮᱱ ᱠᱟᱹᱢᱤᱭᱟᱹ ᱠᱟᱱᱟ ᱠᱚ, ᱟᱨ ᱞᱟᱛᱟᱨ ᱡᱟᱹᱛᱤ ᱨᱮᱱ ᱯᱟᱦᱟᱲᱤ ᱠᱚᱫᱚ ᱟᱭᱢᱟ ᱞᱮᱠᱟᱱ ᱠᱟᱹᱢᱤ ᱠᱚ ᱠᱚ ᱠᱟᱹᱢᱤᱭᱟ ᱡᱮᱞᱠᱟ ᱥᱚᱱᱟᱨ, ᱪᱟᱢᱲᱟ ᱠᱟᱹᱢᱤ, ᱫᱚᱨᱡᱤ, ᱥᱮᱨᱮᱧᱤᱭᱟᱹ, ᱨᱩᱭᱤᱭᱟᱹ, ᱟᱨ ᱡᱚᱜᱟᱲᱤᱭᱟᱹ᱾ ᱰᱮᱦᱮᱨ ᱯᱟᱦᱟᱲᱤ ᱠᱚᱫᱚ ᱩᱞ ᱠᱚ ᱥᱩᱛᱟᱹᱢᱟ, ᱢᱮᱱᱠᱷᱟᱱ ᱥᱩᱢᱩᱝ ᱞᱟᱛᱟᱨ ᱡᱟᱹᱛᱤ ᱨᱮᱱ ᱠᱚᱫᱚ ᱠᱤᱪᱨᱤᱡᱽ ᱠᱚ ᱛᱮᱱᱟ᱾ ᱩᱥᱩᱞ ᱡᱟᱹᱛᱤ ᱨᱮᱱ ᱯᱟᱦᱟᱲᱤ ᱠᱚ, ᱡᱮᱞᱠᱟ ᱪᱷᱮᱛᱨᱤ ᱟᱨ ᱩᱱᱠᱩᱣᱟᱜ ᱴᱷᱟᱹᱠᱩᱨᱤ ᱩᱯᱚ-ᱡᱟᱹᱛᱤ, ᱜᱚᱴᱟ ᱥᱟᱦ ᱥᱟᱥᱚᱱ (᱑᱗᱖᱘–᱒᱐᱐᱘) ᱫᱷᱟᱹᱵᱤᱡ ᱥᱚᱨᱠᱟᱨᱤ ᱟᱨ ᱥᱮᱱᱟ ᱠᱟᱹᱢᱤ ᱨᱮᱭᱟᱜ ᱡᱟᱜᱟ ᱠᱚᱨᱮ ᱞᱚᱜᱽᱵᱷᱚᱜᱽ ᱮᱠᱟᱫᱷᱤᱠᱟᱨ ᱠᱚ ᱫᱚᱦᱚ ᱞᱮᱫᱟ᱾
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ National Statistics Office (2021). National Population and Housing Census 2021, Caste/Ethnicity Report. Government of Nepal (Report).
- ↑ Central Bureau of Statistics (2014). Population monograph of Nepal (PDF) (Report). Vol. II. Government of Nepal.
- ↑
incorporates text from in the public domain. Andrea Matles Savada, ed. (1991). Nepal: A Country Study. Federal Research Division. Social Classes and Stratification. incorporates text from in the public domain. Andrea Matles Savada, ed. (1991). Nepal: A Country Study. Federal Research Division. Ethnic Groups. - ↑ Lewis, M. Paul, ed. (2009). "Languages of Nepal". Ethnologue: Languages of the World (16 ed.). Dallas, Texas: SIL International. Retrieved 2011-05-08.
- ↑ "Pahādī". Encyclopædia Britannica online. Encyclopædia Britannica. Retrieved 2011-05-07.
- ↑ incorporates text from in the public domain. Andrea Matles Savada, ed. (1991). Nepal: A Country Study. Federal Research Division. Language.
- ↑ incorporates text from in the public domain. Andrea Matles Savada, ed. (1991). Nepal: A Country Study. Federal Research Division. The Hill Region.
- ↑ incorporates text from in the public domain. Andrea Matles Savada, ed. (1991). Nepal: A Country Study. Federal Research Division. Ethnic Groups.
