ᱯᱟᱨᱳ
| ᱯᱟᱨᱳ སྤ་རོ་ | |
|---|---|
| ᱵᱟᱡᱟᱨ | |
.jpg) ᱪᱮᱛᱟᱱ ᱠᱷᱚᱱ ᱯᱟᱨᱳ ᱥᱚᱦᱚᱨ | |
  ᱯᱟᱨᱳ | |
| Coordinates: 27°26′N 89°25′E / 27.433°N 89.417°ECoordinates: 27°26′N 89°25′E / 27.433°N 89.417°E | |
| ᱫᱤᱥᱚᱢ | ᱵᱷᱩᱴᱟᱱ |
| ᱦᱚᱱᱚᱛ | ᱯᱟᱨᱳ ᱦᱚᱱᱚᱛ |
| ᱩᱥᱩᱞ | 2200 ᱢᱤᱴᱚᱨ (7200 ᱯᱷᱩᱴ) |
| ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ | (᱒᱐᱑᱗) |
| • ᱞᱮᱠᱷᱟᱜᱩᱴ | ᱑᱑,᱔᱔᱘ |
| BTT (ᱭᱩᱴᱤᱥᱤ+᱖) | |
ᱯᱟᱨᱳ (Dzongkha: སྤ་རོ་) ᱫᱚ ᱵᱷᱩᱴᱟᱱ ᱨᱮᱱᱟᱜ ᱯᱟᱨᱳ ᱜᱷᱟᱹᱴᱤ ᱨᱮ ᱢᱮᱱᱟᱜ ᱯᱟᱨᱳ ᱦᱚᱱᱚᱛ ᱨᱮᱱᱟᱜ ᱢᱤᱫ ᱵᱟᱡᱟᱨ ᱟᱨ ᱥᱟᱥᱚᱱᱤᱭᱟᱹ ᱢᱟᱹᱪᱤ ᱠᱟᱱᱟ᱾[᱑] ᱱᱚᱶᱟ ᱫᱚ ᱢᱤᱫ ᱱᱟᱜᱟᱢᱤᱭᱟᱹ ᱵᱟᱡᱟᱨ ᱠᱟᱱᱟ ᱡᱟᱦᱟᱸ ᱨᱮ ᱟᱭᱢᱟ ᱫᱷᱚᱨᱚᱢ ᱴᱷᱟᱶ ᱟᱨ ᱱᱟᱜᱟᱢᱤᱭᱟᱹ ᱫᱚᱞᱟᱱ ᱠᱚ ᱢᱮᱱᱟᱜᱼᱟ᱾ ᱱᱚᱸᱰᱮ ᱯᱟᱨᱳ ᱡᱮᱡᱟᱹᱛᱤᱭᱟᱹᱨᱤ ᱩᱰᱟᱹᱱ ᱰᱟᱹᱦᱤ ᱦᱚᱸ ᱢᱮᱱᱟᱜᱼᱟ, ᱡᱟᱦᱟᱸ ᱫᱚ ᱵᱷᱩᱴᱟᱱ ᱨᱮᱱᱟᱜ ᱢᱤᱫᱴᱟᱹᱝ ᱥᱩᱢᱩᱝ ᱡᱮᱡᱟᱹᱛᱤᱭᱟᱹᱨᱤ ᱩᱰᱟᱹᱱ ᱰᱟᱹᱦᱤ ᱠᱟᱱᱟ᱾ ᱯᱟᱨᱳ ᱩᱰᱟᱹᱱ ᱰᱟᱹᱦᱤ ᱨᱮ ᱵᱷᱩᱴᱟᱱ ᱮᱭᱟᱨᱞᱟᱭᱤᱱᱥ ᱟᱨ ᱰᱨᱩᱠ ᱮᱭᱟᱨ ᱦᱚᱛᱮᱛᱮ ᱥᱮᱵᱟ ᱮᱢᱚᱜ ᱠᱟᱱᱟ᱾
ᱵᱮᱱᱟᱣ ᱠᱟᱹᱨᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱢᱩᱬᱩᱛ ᱥᱚᱲᱚᱠ ᱨᱮ ᱟᱭᱢᱟ ᱥᱮᱫᱟᱭ ᱟᱜ ᱥᱟᱡᱟᱣ ᱟᱠᱟᱱ ᱚᱲᱟᱜ ᱠᱚ ᱢᱮᱱᱟᱜᱼᱟ᱾[᱒] ᱰᱩᱝᱥᱮ ᱞᱦᱟᱠᱷᱟᱝ (᱑᱕ ᱥᱟᱭ ᱥᱮᱨᱢᱟ ᱨᱮᱱᱟᱜ ᱢᱚᱱᱫᱤᱨ) ᱟᱨ ᱩᱜᱽᱭᱮᱱ ᱯᱮᱨᱞᱤ ᱯᱮᱞᱮᱥ ᱫᱚ ᱱᱟᱣᱟ ᱯᱩᱞ ᱥᱩᱨ ᱨᱮ ᱢᱮᱱᱟᱜᱼᱟ᱾ ᱨᱟᱡᱽ ᱜᱷᱟᱨᱚᱸᱡᱽ ᱨᱤᱱ ᱥᱚᱦᱮᱫ ᱠᱚ ᱯᱟᱨᱳ ᱨᱮ ᱛᱟᱦᱮᱸᱱ ᱚᱠᱛᱚ ᱨᱮ ᱱᱚᱶᱟ ᱯᱮᱞᱮᱥ ᱨᱮᱠᱚ ᱛᱟᱦᱮᱸᱱᱟ᱾[᱒] ᱱᱚᱶᱟ ᱥᱩᱨ ᱨᱮ ᱢᱟᱨᱮ ᱯᱩᱞ ᱟᱨ ᱨᱤᱱᱯᱩᱝ ᱡᱚᱝ ᱢᱮᱱᱟᱜᱼᱟ᱾ ᱧᱩᱛᱩᱢᱟᱱ ᱦᱚᱴᱮᱞ ᱠᱚ ᱢᱩᱫᱽ ᱨᱮ ᱳᱞᱟᱛᱷᱟᱝ ᱦᱚᱴᱮᱞ ᱢᱮᱱᱟᱜᱼᱟ ᱡᱟᱦᱟᱸ ᱫᱚ ᱟᱹᱰᱤ ᱪᱚᱨᱚᱠ ᱥᱟᱡᱟᱣ ᱠᱟᱛᱮ ᱵᱮᱱᱟᱣ ᱟᱠᱟᱱᱟ᱾[᱒] ᱯᱟᱨᱳ ᱠᱷᱚᱱ ᱑᱐ ᱠᱤᱞᱚᱢᱤᱴᱚᱨ (᱖.᱒ ᱢᱤᱞ) ᱵᱟᱦᱨᱮ ᱨᱮ ᱧᱩᱛᱩᱢᱟᱱ ᱯᱟᱨᱳ ᱛᱟᱠᱥᱟᱝ (ᱴᱟᱭᱜᱚᱨᱥ ᱱᱮᱥᱴ) ᱵᱩᱫᱫᱷᱚ ᱢᱚᱱᱫᱤᱨ ᱟᱨ ᱟᱥᱨᱚᱢ ᱢᱮᱱᱟᱜᱼᱟ᱾ ᱟᱫᱚᱢ ᱵᱷᱩᱴᱟᱱ ᱦᱚᱲ ᱠᱚᱣᱟᱜ ᱯᱟᱹᱛᱭᱟᱹᱣ ᱢᱮᱱᱟᱜᱼᱟ ᱡᱮ ᱯᱚᱫᱽᱢᱚᱥᱚᱢᱵᱷᱚᱵᱽ (ᱜᱩᱨᱩ ᱨᱤᱱᱯᱚᱪᱮ) ᱛᱤᱵᱵᱚᱛ ᱠᱷᱚᱱ ᱢᱤᱫ ᱰᱟᱹᱜᱽᱨᱤ ᱪᱮᱛᱟᱱ ᱨᱮ ᱫᱮᱡ ᱠᱟᱛᱮ ᱱᱚᱶᱟ ᱴᱷᱟᱶ ᱛᱮᱭ ᱩᱰᱟᱹᱣ ᱦᱮᱡ ᱞᱮᱱᱟ᱾[᱓] ᱴᱟᱭᱜᱚᱨᱥ ᱱᱮᱥᱴ ᱢᱚᱱᱫᱤᱨ ᱛᱮ ᱥᱮᱱᱚᱜ ᱞᱟᱹᱜᱤᱫ ᱢᱤᱫ ᱯᱟᱦᱴᱟ ᱠᱷᱚᱱ ᱯᱮ ᱴᱟᱲᱟᱝ ᱜᱟᱱ ᱚᱠᱛᱚ ᱞᱟᱜᱟᱣᱼᱟ᱾ ᱴᱟᱭᱜᱚᱨᱥ ᱱᱮᱥᱴ ᱠᱷᱚᱱ ᱯᱟᱨᱳ ᱵᱟᱡᱟᱨ ᱨᱮᱱᱟᱜ ᱢᱚᱡᱽ ᱧᱮᱞᱚᱜᱼᱟ᱾[᱒] ᱑᱖ ᱠᱤᱞᱚᱢᱤᱴᱚᱨ (᱙.᱙ ᱢᱤᱞ) ᱡᱤᱞᱤᱧ ᱢᱤᱫ ᱥᱚᱲᱚᱠ ᱜᱷᱟᱹᱴᱤ ᱪᱮᱛᱟᱱ ᱥᱮᱫ ᱟᱨ ᱢᱤᱫᱴᱟᱹᱝ ᱨᱟᱹᱯᱩᱫ ᱟᱠᱟᱱ ᱠᱤᱞᱟ-ᱢᱚᱱᱫᱤᱨ, ᱰᱨᱩᱠᱭᱮᱞ ᱡᱚᱝ ᱥᱮᱫ ᱪᱟᱞᱟᱣ ᱟᱠᱟᱱᱟ, ᱡᱟᱦᱟᱸ ᱫᱚ ᱑᱙᱕᱑ ᱥᱟᱞᱮ ᱨᱮ ᱥᱮᱸᱜᱮᱞ ᱛᱮ ᱱᱟᱥᱮ ᱱᱟᱥᱮ ᱨᱟᱹᱯᱩᱫ ᱞᱮᱱᱟ᱾[᱒] ᱯᱟᱨᱳ ᱨᱮ ᱵᱷᱩᱴᱟᱱ ᱨᱮᱱᱟᱜ ᱡᱚᱛᱚ ᱠᱷᱚᱱ ᱩᱥᱩᱞ ᱫᱚᱞᱟᱱ, ᱛᱟ-ᱡᱚᱝ ᱢᱮᱱᱟᱜᱼᱟ, ᱡᱟᱦᱟᱸ ᱫᱚ ᱒᱒ ᱢᱤᱴᱚᱨ (᱗᱒ ᱯᱷᱩᱴ) ᱩᱥᱩᱞᱟ ᱟᱨ ᱖ ᱛᱟᱞᱟ ᱢᱮᱱᱟᱜᱼᱟ᱾ ᱱᱚᱶᱟ ᱫᱚ ᱑᱖᱔᱙ ᱥᱟᱞᱮ ᱨᱮ ᱵᱮᱱᱟᱣ ᱯᱩᱨᱟᱹᱣ ᱞᱮᱱᱟ᱾[᱔]
ᱩᱰᱟᱹᱱ ᱰᱟᱹᱦᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱯᱟᱨᱳ ᱩᱰᱟᱹᱱ ᱰᱟᱹᱦᱤ ᱫᱚ "ᱡᱮᱜᱮᱛ ᱨᱮᱱᱟᱜ ᱡᱚᱛᱚ ᱠᱷᱚᱱ ᱟᱸᱴ ᱵᱮᱯᱟᱨᱤ ᱩᱰᱟᱹᱱ ᱰᱟᱹᱦᱤ" ᱞᱮᱠᱟᱛᱮ ᱵᱟᱰᱟᱭᱚᱜᱼᱟ᱾[᱕] ᱩᱰᱟᱹᱱ ᱰᱟᱹᱦᱤ ᱨᱮ ᱢᱤᱫᱴᱟᱹᱝ ᱥᱩᱢᱩᱝ ᱨᱟᱱᱣᱮ ᱢᱮᱱᱟᱜᱼᱟ᱾ ᱩᱰᱟᱹᱱ ᱜᱟᱹᱰᱤ ᱠᱚ ᱕,᱕᱐᱐ ᱢᱤᱴᱚᱨ (᱑᱘,᱐᱔᱔ ᱯᱷᱩᱴ ᱗ ᱤᱸᱪ) ᱦᱮᱢᱟᱞ ᱵᱩᱨᱩ ᱪᱚᱴ ᱥᱩᱨ ᱛᱮ ᱯᱟᱨᱳᱢᱚᱜᱼᱟ, ᱟᱨ ᱑,᱙᱘᱐ ᱢᱤᱴᱚᱨ (᱖,᱔᱙᱖ ᱯᱷᱩᱴ ᱑ ᱤᱸᱪ) ᱨᱟᱱᱣᱮ ᱡᱤᱞᱤᱧ ᱫᱚ ᱦᱚᱭ ᱨᱮᱱᱟᱜ ᱠᱚᱢ ᱜᱟᱹᱞᱤᱢ ᱠᱷᱟᱹᱛᱤᱨ ᱟᱹᱰᱤ ᱟᱸᱴ ᱜᱮᱭᱟ᱾ ᱚᱱᱟ ᱠᱷᱟᱹᱛᱤᱨ, ᱟᱹᱰᱤ ᱠᱚᱢ ᱩᱰᱟᱹᱱ ᱜᱟᱹᱰᱤ ᱪᱟᱞᱟᱣᱤᱭᱟᱹ (᱒᱐᱒᱓ ᱫᱷᱟᱹᱵᱤᱡ ᱒᱔ ᱡᱚᱱᱟ)[᱖] ᱜᱮ ᱚᱸᱰᱮ ᱵᱮᱯᱟᱨᱤ ᱩᱰᱟᱹᱱ ᱜᱟᱹᱰᱤ ᱪᱟᱞᱟᱣ ᱞᱟᱹᱜᱤᱫ ᱫᱟᱣ ᱠᱚ ᱧᱟᱢ ᱟᱠᱟᱫᱼᱟ᱾ ᱥᱮᱨᱢᱟ ᱨᱮ ᱓᱐,᱐᱐᱐ ᱜᱟᱱ ᱦᱚᱲ ᱩᱰᱟᱹᱱ ᱰᱟᱹᱦᱤ ᱛᱮᱠᱚ ᱦᱤᱡᱩᱜᱼᱟ᱾
ᱠᱤᱞᱟ ᱜᱚᱱᱯᱟ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱠᱤᱞᱟ ᱜᱚᱱᱯᱟ, ᱡᱟᱦᱟᱸ ᱫᱚ ᱠᱤᱞᱟ ᱰᱮᱪᱮᱱ ᱭᱟᱝᱥᱮ ᱢᱮᱱᱛᱮ ᱦᱚᱸ ᱵᱟᱰᱟᱭᱚᱜᱼᱟ, ᱱᱚᱶᱟ ᱜᱚᱱᱯᱟ ᱫᱚ ᱪᱳᱜᱽᱭᱟᱞ ᱱᱳᱨᱵᱩ (ᱰᱨᱩᱵᱽᱛᱷᱳᱵᱽ ᱪᱤᱞᱠᱟᱨᱣᱟ ᱨᱤᱱᱤᱡ ᱗᱐ ᱯᱤᱲᱦᱤ ᱵᱚᱝᱥᱚ) ᱟᱨ ᱴᱮᱱᱯᱟ ᱠᱩᱪᱮ ᱦᱚᱛᱮᱛᱮ ᱟᱨᱮ ᱟᱱᱟᱜ ᱨᱟᱵᱽᱡᱩᱝ ᱚᱠᱛᱚ ᱨᱮ ᱛᱷᱟᱯᱚᱱ ᱞᱮᱱᱟ᱾[᱗] ᱱᱚᱶᱟ ᱫᱚ ᱩᱱ ᱠᱷᱚᱱ ᱱᱤᱛ ᱫᱷᱟᱹᱵᱤᱡ ᱥᱟᱫᱷᱩ ᱢᱟᱹᱭ (nuns) ᱠᱚ ᱞᱟᱹᱜᱤᱫ ᱢᱤᱫ ᱢᱚᱱᱫᱤᱨ ᱠᱟᱱᱟ᱾
ᱰᱨᱟᱝᱜᱽᱭᱮ ᱜᱚᱱᱯᱟ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱰᱨᱟᱝᱜᱽᱭᱮ ᱜᱚᱱᱯᱟ ᱢᱚᱱᱫᱤᱨ ᱫᱚ ᱑᱖ ᱥᱟᱭ ᱥᱮᱨᱢᱟ ᱨᱮ ᱢᱤᱫ ᱧᱩᱛᱩᱢᱟᱱ ᱵᱩᱫᱫᱷᱚ ᱜᱩᱨᱩ ᱵᱟᱨᱟᱣᱟᱯᱟ ᱜᱭᱟᱞᱛᱥᱮᱱ ᱯᱮᱞᱡᱟᱝ ᱦᱚᱛᱮᱛᱮ ᱛᱷᱟᱯᱚᱱ ᱞᱮᱱᱟ᱾ ᱢᱚᱱᱫᱤᱨ ᱫᱚ ᱢᱤᱫ ᱵᱩᱨᱩ ᱪᱮᱛᱟᱱ ᱨᱮ ᱵᱮᱱᱟᱣ ᱟᱠᱟᱱᱟ, ᱡᱟᱦᱟᱸ ᱫᱚ ᱰᱨᱟᱝ-ᱜᱽᱭᱮ ᱞᱮᱠᱟ, ᱚᱱᱟᱛᱮ ᱱᱚᱶᱟ ᱫᱚ ᱰᱨᱟᱝᱜᱽᱭᱮ ᱜᱚᱱᱯᱟ ᱧᱩᱛᱩᱢ ᱛᱮ ᱵᱟᱰᱟᱭᱮᱱᱟ᱾ ᱱᱚᱶᱟ ᱫᱚ ᱢᱚᱬᱮ ᱜᱚᱴᱟᱝ ᱡᱤᱞᱤᱧ-ᱡᱤᱭᱚᱱ ᱢᱤᱥᱮᱨᱟ ᱠᱚ ᱢᱩᱫᱽ ᱨᱮ ᱢᱩᱬᱩᱛ ᱵᱚᱸᱜᱟ ᱛᱟᱥᱤ ᱛᱥᱮᱨᱤᱝᱢᱟ ᱟᱜ ᱯᱚᱵᱤᱛᱨᱚ ᱴᱷᱟᱶ ᱢᱮᱱᱛᱮ ᱢᱟᱱᱟᱣ ᱵᱟᱛᱟᱣ ᱢᱮᱱᱟᱜᱼᱟ᱾ ᱩᱱᱤ ᱨᱤᱱ ᱮᱴᱟᱜ ᱯᱩᱱ ᱵᱩᱦᱤᱱ ᱠᱚᱫᱚ ᱡᱚᱝᱰᱨᱟ ᱠᱷᱟ, ᱜᱟᱝᱴᱮᱱ ᱜᱚᱱᱯᱟ, ᱰᱩᱯ ᱥᱟᱨᱤ ᱟᱨ ᱴᱮᱝᱪᱮᱱ ᱜᱚᱱᱯᱟ ᱨᱮᱠᱚ ᱛᱟᱦᱮᱸᱱᱟ ᱢᱮᱱᱛᱮ ᱠᱟᱛᱷᱟ ᱢᱮᱱᱟᱜᱼᱟ᱾ ᱙ ᱟᱱᱟᱜ ᱨᱟᱵᱽᱡᱩᱝ ᱚᱠᱛᱚ ᱨᱮ, ᱢᱤᱫ ᱛᱤᱵᱵᱚᱛᱤ ᱡᱟᱱᱟᱢ ᱨᱩᱣᱟᱹᱲ ᱴᱨᱩᱞᱠᱩ ᱜᱭᱮᱞᱛᱥᱮᱱ ᱯᱮᱞ, ᱡᱟᱦᱟᱸᱭ ᱫᱚ ᱜᱭᱟᱞᱣᱟ ᱜᱭᱟᱞᱛᱥᱮᱱ ᱨᱤᱱᱤᱡ ᱪᱮᱞᱟᱭ ᱛᱟᱦᱮᱸ ᱠᱟᱱᱟ, ᱵᱩᱫᱫᱷᱚ ᱟᱜ ᱵᱷᱚᱵᱤᱥᱭᱚᱛ ᱠᱟᱛᱷᱟ ᱯᱟᱸᱡᱟ ᱠᱟᱛᱮ ᱛᱤᱵᱵᱚᱛ ᱨᱮᱱᱟᱜ ᱵᱟᱭᱭᱩᱞ ᱠᱷᱚᱱ ᱵᱷᱩᱴᱟᱱ ᱛᱮ ᱟᱡᱟᱜ ᱥᱟᱸᱜᱷᱟᱨ ᱮ ᱮᱛᱚᱦᱚᱵ ᱞᱮᱫᱼᱟ᱾ ᱩᱱᱤ ᱫᱚ ᱫᱤᱥᱚᱢ ᱨᱮᱱᱟᱜ ᱟᱭᱢᱟ ᱯᱚᱵᱤᱛᱨᱚ ᱴᱷᱟᱶ ᱠᱚᱭ ᱧᱮᱞ ᱠᱮᱫᱟ ᱟᱨ ᱢᱩᱪᱟᱹᱫ ᱨᱮ, ᱯᱟᱨᱳ ᱥᱮᱴᱮᱨ ᱠᱟᱛᱮ ᱵᱩᱨᱩ ᱪᱮᱛᱟᱱ ᱨᱮ ᱛᱟᱦᱮᱸᱱ ᱨᱮᱱᱟᱜ ᱮ ᱴᱷᱟᱹᱣᱠᱟᱹ ᱠᱮᱫᱟ᱾ ᱑᱕᱑᱐ ᱥᱟᱞᱮ ᱨᱮ, ᱩᱱᱤ ᱫᱚ ᱰᱨᱟᱝᱜᱽᱭᱮ ᱜᱳᱭᱮᱢᱵᱟᱭ ᱵᱮᱱᱟᱣ ᱠᱮᱫᱟ ᱟᱨ 'ᱵᱟᱨᱟ ᱠᱟᱡᱭᱩᱫ' ᱥᱤᱠᱷᱱᱟᱹᱛ ᱯᱟᱥᱱᱟᱣ ᱞᱟᱹᱜᱤᱫ ᱢᱤᱫ ᱦᱩᱰᱤᱧ ᱵᱩᱫᱫᱷᱚ ᱟᱥᱲᱟᱭ ᱛᱷᱟᱯᱚᱱ ᱠᱮᱫᱟ᱾ ᱩᱱᱤ ᱫᱚ ᱡᱚᱝᱰᱨᱟᱠᱷᱟ ᱞᱦᱟᱠᱷᱟᱝ ᱞᱮᱠᱟᱱ ᱟᱭᱢᱟ ᱮᱴᱟᱜ ᱢᱚᱱᱫᱤᱨ ᱠᱚᱦᱚᱸᱭ ᱵᱮᱱᱟᱣ ᱞᱮᱫᱼᱟ᱾ ᱜᱭᱮᱞᱛᱥᱮᱱ ᱯᱮᱞ ᱟᱜ ᱜᱩᱨ ᱛᱟᱭᱚᱢ, ᱛᱟᱭᱚᱢ ᱛᱮ ᱢᱚᱱᱫᱤᱨ ᱫᱚ ᱞᱟᱢ ᱠᱷᱟ ᱱᱭᱟ ᱠᱚ ᱦᱚᱛᱮᱛᱮ ᱫᱚᱠᱷᱚᱞ ᱞᱮᱱᱟ ᱛᱤᱱ ᱡᱚᱦᱚᱜ ᱩᱱᱠᱩ ᱥᱟᱥᱚᱱ ᱨᱮᱠᱚ ᱦᱮᱡ ᱮᱱᱟ᱾ ᱴᱨᱩᱞᱠᱩ ᱱᱩᱢᱠᱷᱟ ᱜᱭᱮᱞᱛᱥᱮᱱ ᱫᱚ ᱞᱦᱟᱠᱷᱟᱝ ᱟᱡᱟᱜ ᱛᱤ ᱨᱮᱭ ᱦᱟᱛᱟᱣ ᱠᱮᱫᱟ ᱟᱨ ᱩᱱᱤ ᱨᱤᱱ ᱡᱟᱱᱟᱢ ᱨᱩᱣᱟᱹᱲ ᱠᱚ ᱥᱟᱥᱚᱱ ᱠᱚ ᱛᱚᱸᱜᱮ ᱫᱚᱦᱚ ᱠᱮᱫᱟ᱾ ᱛᱤᱱ ᱡᱚᱦᱚᱜ ᱡᱷᱟᱵᱽᱰᱨᱩᱝ ᱱᱜᱟᱣᱟᱝ ᱱᱟᱢᱜᱭᱮᱞ ᱵᱷᱩᱴᱟᱱ ᱮ ᱦᱮᱡ ᱮᱱᱟ, ᱩᱱᱠᱩ ᱫᱚ ᱞᱟᱢ ᱠᱷᱟ ᱱᱜᱟ ᱠᱷᱚᱱ ᱢᱚᱱᱫᱤᱨ ᱠᱚ ᱨᱩᱣᱟᱹᱲ ᱟᱹᱜᱩ ᱠᱮᱫᱟ ᱟᱨ ᱫᱚᱥᱟᱨ ᱰᱨᱩᱵᱽᱪᱮᱱ, ᱡᱤᱢᱵᱟ ᱜᱭᱮᱞᱛᱥᱮᱱ ᱫᱚ ᱱᱚᱶᱟ ᱨᱮᱱᱟᱜ ᱫᱟᱹᱭᱠᱟᱹ ᱦᱟᱛᱟᱣ ᱞᱟᱹᱜᱤᱫ ᱮ ᱢᱮᱛᱟᱫᱮᱭᱟ᱾ ᱱᱟᱣᱟ ᱛᱮ ᱵᱮᱱᱟᱣ ᱨᱩᱣᱟᱹᱲ ᱛᱟᱭᱚᱢ, ᱛᱟᱠᱥᱟᱝ ᱞᱟᱢᱟ ᱠᱚᱦᱚᱸ ᱵᱟᱦᱟᱞ ᱞᱮᱱᱟ ᱠᱚ᱾ ᱵᱟᱨᱟᱣᱟ ᱜᱭᱮᱞᱛᱥᱮᱱ ᱫᱚ ᱞᱟᱢ ᱠᱷᱟ ᱱᱜᱟ ᱠᱚ ᱢᱩᱫᱽ ᱨᱮ ᱢᱤᱫᱴᱟᱹᱝ ᱠᱟᱱᱟᱭ᱾ ᱩᱱᱤ ᱫᱚ ᱴᱮᱱᱪᱮᱝ ᱪᱳᱭᱞᱤᱝ ᱜᱟᱛᱥᱮᱞ ᱜᱚᱱᱯᱟ ᱨᱮᱱᱟᱜ ᱢᱤᱫ ᱢᱚᱱᱫᱤᱨ ᱮ ᱵᱮᱱᱟᱣ ᱞᱮᱫᱼᱟ᱾[᱗]
ᱯᱚᱵᱤᱛᱨᱚ ᱴᱷᱟᱶ ᱠᱚ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱯᱟᱨᱳ ᱜᱷᱟᱹᱴᱤ ᱟᱨ ᱚᱱᱟ ᱥᱩᱨ ᱥᱩᱯᱩᱨ ᱴᱚᱴᱷᱟ ᱨᱮ ᱟᱭᱢᱟ ᱯᱚᱵᱤᱛᱨᱚ ᱴᱷᱟᱶ ᱠᱚ ᱢᱮᱱᱟᱜᱼᱟ:
- ᱛᱟᱠᱛᱥᱟᱝ
- ᱥᱮᱨᱞᱩᱝ ᱢᱚᱱᱫᱤᱨ
- ᱛᱟᱪᱳᱜ ᱯᱩᱞ
- ᱟᱫᱚᱢ
- ᱰᱨᱩᱜᱽᱭᱮᱞ
- ᱯᱟᱨᱳ ᱡᱚᱝ
- ᱥᱟᱝᱪᱳᱭᱠᱷᱳᱨ
- ᱛᱟᱪᱳᱜ ᱢᱚᱱᱫᱤᱨ
- ᱴᱮᱱᱪᱮᱱ ᱪᱳᱭᱞᱤᱝ ᱱᱚᱱᱱᱟᱨᱤ
- ᱜᱳᱨᱟᱱᱟ
- ᱠᱤᱞᱟ ᱜᱳᱭᱮᱱᱯᱟ
- ᱛᱥᱷᱮᱴᱳ ᱜᱳᱭᱮᱱᱯᱟ
- ᱡᱚᱝᱰᱨᱟ ᱠᱷᱟ
- ᱵᱩᱢᱰᱨᱟ
- ᱰᱟᱝᱠᱟᱞᱟ
- ᱛᱟᱨᱟ ᱢᱚᱱᱫᱤᱨ
- ᱠᱩᱭᱮᱝᱜᱟ ᱪᱳᱞᱤᱝ ᱜᱳᱭᱮᱱᱯᱟ
- ᱡᱟᱱᱟ ᱜᱳᱭᱮᱱᱯᱟ
- ᱰᱳᱵᱽᱡᱤ ᱡᱚᱝ
- ᱭᱮᱴᱳ ᱜᱳᱭᱮᱱᱯᱟ
- ᱥᱮᱨᱞᱩᱝ ᱜᱳᱭᱮᱱᱯᱟ
- ᱰᱩᱝᱛᱥᱷᱮ ᱞᱦᱟᱠᱷᱟᱝ
- ᱢᱤᱱᱰᱩ ᱜᱳᱭᱮᱱᱯᱟ
- ᱪᱩᱝᱯᱷᱩ
- ᱞᱦᱟᱰᱤᱝ
- ᱡᱩᱨᱤ ᱡᱚᱝ
- ᱜᱟᱢᱡᱟ ᱞᱳᱭ ᱜᱳᱭᱮᱱᱯᱟ
- ᱱᱮᱭᱯᱷᱩᱝ ᱜᱳᱭᱮᱱᱯᱟ
- ᱛᱟ-ᱡᱚᱝ
- ᱵᱩᱢᱨᱤ
- ᱡᱚᱭᱞᱟ
- ᱠᱚᱨᱢᱟ ᱜᱳᱭᱮᱱᱯᱟ
- ᱛᱥᱷᱟᱢᱰᱨᱟ ᱜᱳᱭᱮᱱᱯᱟ
- ᱜᱟᱱᱴᱮ ᱯᱮᱞᱮᱥ
- ᱞᱮᱢᱪᱮ ᱜᱳᱭᱮᱱᱯᱟ
- ᱛᱟᱪᱳᱜ ᱢᱚᱱᱫᱤᱨ
ᱦᱚᱭ ᱦᱤᱥᱤᱫ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱯᱟᱨᱳ ᱨᱮ ᱨᱚᱦᱚᱲ-ᱨᱟᱵᱟᱝ ᱩᱯ-ᱠᱨᱟᱱᱛᱤᱭᱚ ᱩᱥᱩᱞ ᱦᱚᱭ ᱦᱤᱥᱤᱫ (Köppen Cwb) ᱢᱮᱱᱟᱜᱼᱟ᱾
| ᱪᱟᱸᱫᱚ | ᱡᱟᱱ | ᱯᱷᱮᱵᱽ | ᱢᱟᱨᱪ | ᱮᱯᱨᱤᱞ | ᱢᱮ | ᱡᱩᱱ | ᱡᱩᱞᱟᱭ | ᱟᱜᱚᱥᱴ | ᱥᱮᱯᱴ | ᱚᱠᱴᱚ | ᱱᱚᱵᱷᱮ | ᱰᱤᱥᱮ | ᱥᱮᱨᱢᱟ |
|---|---|---|---|---|---|---|---|---|---|---|---|---|---|
| ᱨᱮᱠᱚᱨᱰ ᱪᱮᱛᱟᱱ °C (°F) | 25.0
(77.0) |
24.5
(76.1) |
28.0
(82.4) |
29.0
(84.2) |
31.0
(87.8) |
30.0
(86.0) |
31.0
(87.8) |
32.0
(89.6) |
30.0
(86.0) |
27.0
(80.6) |
26.0
(78.8) |
23.0
(73.4) |
32.0
(89.6) |
| ᱫᱤᱱᱟᱹᱢ ᱜᱚᱲ ᱪᱮᱛᱟᱱ °C (°F) | 13.2
(55.8) |
15.0
(59.0) |
17.9
(64.2) |
20.6
(69.1) |
22.7
(72.9) |
24.6
(76.3) |
25.0
(77.0) |
24.9
(76.8) |
23.3
(73.9) |
20.7
(69.3) |
16.9
(62.4) |
14.6
(58.3) |
20.0
(67.9) |
| ᱫᱤᱱᱟᱹᱢ ᱜᱚᱲ °C (°F) | 6.2
(43.2) |
8.2
(46.8) |
11.1
(52.0) |
14.2
(57.6) |
17.0
(62.6) |
19.6
(67.3) |
20.6
(69.1) |
20.3
(68.5) |
18.8
(65.8) |
15.0
(59.0) |
10.8
(51.4) |
7.6
(45.7) |
14.1
(57.4) |
| ᱫᱤᱱᱟᱹᱢ ᱜᱚᱲ ᱞᱟᱛᱟᱨ °C (°F) | −0.9
(30.4) |
1.3
(34.3) |
4.3
(39.7) |
7.8
(46.0) |
11.2
(52.2) |
14.5
(58.1) |
16.1
(61.0) |
15.7
(60.3) |
14.2
(57.6) |
9.3
(48.7) |
4.7
(40.5) |
0.5
(32.9) |
8.2
(46.8) |
| ᱨᱮᱠᱚᱨᱰ ᱞᱟᱛᱟᱨ °C (°F) | −9.0
(15.8) |
−6.5
(20.3) |
−4.0
(24.8) |
0.0
(32.0) |
2.0
(35.6) |
5.8
(42.4) |
11.0
(51.8) |
10.0
(50.0) |
6.0
(42.8) |
0.0
(32.0) |
−5.0
(23.0) |
−9.0
(15.8) |
−9.0
(15.8) |
| ᱜᱚᱲ ᱡᱟᱹᱲᱤ mm (inches) | 7.1
(0.28) |
13.0
(0.51) |
22.2
(0.87) |
33.8
(1.33) |
58.7
(2.31) |
80.9
(3.19) |
161.2
(6.35) |
112.7
(4.44) |
87.9
(3.46) |
48.8
(1.92) |
1.5
(0.06) |
2.9
(0.11) |
630.7
(24.83) |
| ᱜᱚᱲ ᱡᱟᱹᱲᱤ ᱢᱟᱦᱟᱸ | 0.7 | 2.1 | 3.7 | 6.4 | 9.7 | 12.5 | 18.5 | 17.4 | 13.3 | 4.3 | 0.2 | 0.5 | 89.3 |
| ᱜᱚᱲ ᱨᱮᱞᱮᱴᱤᱵᱷ ᱦᱭᱩᱢᱤᱰᱤᱴᱤ (%) | 69.8 | 67.7 | 65.6 | 66.5 | 67.6 | 70.6 | 77.4 | 76.7 | 76.5 | 70.0 | 66.7 | 69.0 | 70.3 |
| ᱯᱷᱮᱰᱟᱛ ᱑: National Center for Hydrology and Meteorology[᱘] | |||||||||||||
| ᱯᱷᱮᱰᱟᱛ ᱒: World Meteorological Organization (rainy days 1996–2018)[᱙] | |||||||||||||
ᱪᱤᱛᱟᱹᱨ ᱠᱚ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ᱯᱟᱨᱳ ᱨᱮᱱᱟᱜ ᱢᱤᱫ ᱥᱚᱲᱚᱠ
ᱯᱟᱨᱳ ᱨᱮ ᱫᱚᱠᱟᱱ ᱠᱚ
ᱠᱭᱤᱪᱷᱩ ᱞᱦᱟᱠᱷᱟᱝ- ᱨᱤᱱᱯᱩᱝ ᱡᱚᱝ
- ᱵᱷᱩᱴᱟᱱ ᱨᱮᱱᱟᱜ ᱡᱟᱹᱛᱤᱭᱟᱹᱨᱤ ᱢᱤᱣᱡᱤᱭᱚᱢ
ᱯᱟᱨᱳ ᱛᱟᱠᱥᱟᱝ- ᱯᱟᱨᱳ ᱪᱷᱩ ᱪᱮᱛᱟᱱ ᱨᱮ ᱱᱭᱟᱢᱟᱭ ᱡᱟᱢ ᱨᱮᱱᱟᱜ ᱧᱮᱞ
- ᱯᱟᱨᱳ ᱩᱰᱟᱹᱱ ᱰᱟᱹᱦᱤ ᱴᱟᱨᱢᱤᱱᱟᱞ
ᱟᱨᱦᱚᱸ ᱧᱮᱞ ᱢᱮ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ National Geospatial-Intelligence Agency
- 1 2 3 4 5 "In The Kingdom Of Bhutan". Global Sapiens. 6 October 2002. Retrieved 11 July 2008.
- ↑ Pommaret, Francoise (2006). Bhutan Himalayan Mountains Kingdom (5th ed.). Odyssey Books and Guides. pp. 136–7.
- ↑ "Bhutan | Statistics". Emporis. Archived from the original on May 11, 2015. Retrieved 2022-05-03.
- ↑ Paro Airport, atlas obscura (website), accessed 3 December 2014
- ↑ Toledo, Joanne (2023-09-26). "Shockingly Few Pilots Are Cleared to Land at Paro International Airport". Aviation Property Network. Retrieved 2025-07-28.
- 1 2 Seeds of faith. 1. Thimphu: KMT Publ. 2008. ISBN 978-99936-22-42-0 .
- ↑ "Climate Data Book of Bhutan, 2018" (PDF). National Center for Hydrology and Meteorology. Retrieved 18 February 2025.
- ↑ "World Weather Information Service – Paro". World Meteorological Organization. Retrieved 20 February 2025.
ᱵᱟᱦᱨᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ] |
ᱣᱤᱠᱤᱢᱤᱰᱤᱭᱟ ᱠᱚᱢᱚᱱᱥ ᱨᱮ ᱯᱟᱨᱳ ᱥᱚᱦᱚᱨ ᱵᱟᱵᱚᱛᱫᱽ ᱛᱮ ᱨᱮᱫ ᱢᱮᱱᱟᱜᱼᱟ ᱾. |
- Wikivoyage ᱠᱷᱚᱱ ᱯᱟᱨᱳ ᱥᱟᱸᱜᱷᱟᱨ ᱜᱟᱭᱰ
- ᱯᱟᱨᱳ ᱥᱚᱦᱚᱨ ᱠᱚᱧᱮ ᱵᱮᱝᱜᱚᱞ ᱴᱩᱨᱤᱡᱟᱢ ᱠᱷᱚᱱ ᱯᱟᱨᱳ ᱥᱤᱴᱤ ᱥᱟᱸᱜᱷᱟᱨ ᱜᱟᱭᱰ
- ᱯᱟᱨᱳ ᱨᱮ ᱧᱮᱞ ᱡᱚᱝ ᱴᱷᱟᱶ ᱠᱚ