ᱯᱟᱨᱳ ᱡᱮᱡᱟᱹᱛᱤᱭᱟᱹᱨᱤ ᱩᱰᱟᱹᱱ ᱰᱟᱹᱦᱤ
| ᱯᱟᱨᱳ ᱡᱮᱡᱟᱹᱛᱤᱭᱟᱹᱨᱤ ᱩᱰᱟᱹᱱ ᱰᱟᱹᱦᱤ སྤ་རོ་གནམ་ཐང༌། | |||||||||||
|---|---|---|---|---|---|---|---|---|---|---|---|
 ᱯᱟᱨᱳ ᱩᱰᱟᱹᱱ ᱰᱟᱹᱦᱤ | |||||||||||
| ᱡᱟᱭᱚᱝᱜᱚᱥ | |||||||||||
| ᱩᱰᱟᱹᱱ ᱰᱟᱹᱦᱤ ᱞᱮᱠᱟᱱ | ᱥᱟᱱᱟᱢ ᱦᱚᱲ (Public) | ||||||||||
| ᱪᱟᱪᱞᱟᱣᱤᱭᱟᱹ | ᱵᱷᱩᱴᱟᱱ ᱨᱮᱱᱟᱜ ᱥᱤᱵᱷᱤᱞ ᱮᱵᱤᱭᱮᱥᱚᱱ ᱵᱤᱵᱷᱟᱜᱽ | ||||||||||
| ᱥᱮᱵᱟᱜ ᱠᱟᱱᱟ | ᱛᱷᱤᱢᱯᱩ ᱟᱨ ᱯᱟᱨᱳ | ||||||||||
| ᱞᱚᱠᱮᱥᱚᱱ | ᱯᱟᱨᱳ, ᱯᱟᱨᱳ ᱦᱚᱱᱚᱛ, ᱵᱷᱩᱴᱟᱱ | ||||||||||
| ᱩᱥᱩᱞ AMSL | ft / ᱒,᱒᱓᱕ m | ||||||||||
| ᱠᱚ-ᱚᱨᱰᱤᱱᱟᱴᱥ | 27°24′32″N 089°25′14″E / 27.40889°N 89.42056°ECoordinates: 27°24′32″N 089°25′14″E / 27.40889°N 89.42056°E | ||||||||||
| ᱣᱮᱵᱽᱥᱟᱭᱤᱴ | paroairport.com | ||||||||||
| ᱫᱟᱹᱲᱦᱚᱨ | |||||||||||
| |||||||||||
ᱯᱟᱨᱳ ᱡᱮᱡᱟᱹᱛᱤᱭᱟᱹᱨᱤ ᱩᱰᱟᱹᱱ ᱰᱟᱹᱦᱤ (Dzongkha: སྤ་རོ་གནམ་ཐང༌།; English: Paro International Airport) (IATA: PBH, ICAO: VQPR) ᱫᱚ ᱵᱷᱩᱴᱟᱱ ᱨᱮᱱᱟᱜ ᱯᱩᱱᱭᱟᱹ ᱩᱰᱟᱹᱱ ᱰᱟᱹᱦᱤ ᱢᱩᱫᱽ ᱨᱮ ᱢᱤᱫᱴᱟᱹᱝ ᱩᱰᱟᱹᱱ ᱰᱟᱹᱦᱤ ᱠᱟᱱᱟ᱾ ᱱᱚᱶᱟ ᱫᱚ ᱯᱟᱨᱳ ᱠᱷᱚᱱ ᱖ ᱠᱤᱞᱚᱢᱤᱴᱚᱨ (᱓.᱗ ᱢᱟᱭᱤᱞ; ᱓.᱒ ᱱᱚᱴᱤᱠᱟᱞ ᱢᱟᱭᱤᱞ) ᱥᱟᱺᱜᱤᱧ ᱨᱮ ᱯᱟᱨᱳ ᱪᱷᱩ ᱜᱟᱰᱟ ᱫᱷᱟᱨᱮ ᱨᱮ ᱢᱮᱱᱟᱜ ᱢᱤᱫ ᱜᱟᱹᱦᱤᱨ ᱵᱮᱰᱟ ᱨᱮ ᱢᱮᱱᱟᱜᱼᱟ᱾ ᱕,᱕᱐᱐ ᱢᱤᱴᱚᱨ (᱑᱘,᱐᱐᱐ ᱯᱷᱩᱴ) ᱩᱥᱩᱞ ᱵᱩᱨᱩ ᱛᱮ ᱜᱷᱮᱨᱟᱣ ᱮᱥᱮᱫ ᱟᱠᱟᱱ, ᱱᱚᱶᱟ ᱫᱚ ᱡᱮᱜᱮᱛ ᱨᱮᱱᱟᱜ ᱡᱚᱛᱚ ᱠᱷᱚᱱ ᱪᱮᱞᱮᱧᱡᱤᱝ ᱩᱰᱟᱹᱱ ᱰᱟᱹᱦᱤ ᱢᱮᱱᱛᱮ ᱞᱮᱠᱷᱟᱜᱼᱟ, ᱟᱨ ᱟᱹᱰᱤ ᱠᱚᱢ ᱜᱟᱱ ᱯᱟᱭᱞᱚᱴ ᱠᱚᱜᱮ ᱱᱚᱸᱰᱮ ᱩᱰᱟᱹᱱ ᱜᱟᱹᱰᱤ ᱟᱬᱜᱚ ᱞᱟᱹᱜᱤᱫ ᱥᱟᱨᱴᱤᱯᱷᱤᱠᱮᱴ ᱠᱚ ᱧᱟᱢ ᱟᱠᱟᱫᱟ᱾
ᱯᱟᱨᱳ ᱠᱷᱚᱱ ᱩᱰᱟᱹᱣ ᱟᱨ ᱟᱬᱜᱚ ᱞᱟᱹᱜᱤᱫ ᱫᱚ ᱥᱩᱢᱩᱝ ᱧᱮᱞᱚᱜ ᱞᱮᱠᱟᱱ ᱦᱚᱭ-ᱦᱤᱥᱤᱫ (visual meteorological conditions) ᱛᱟᱦᱮᱸᱱ ᱡᱚᱠᱷᱮᱡ ᱜᱮ ᱦᱩᱭ ᱫᱟᱲᱮᱭᱟᱜᱼᱟ ᱟᱨ ᱱᱚᱶᱟ ᱫᱚ ᱥᱤᱧ ᱵᱮᱲᱟ ᱨᱮ ᱵᱮᱨ ᱨᱟᱠᱟᱵ ᱠᱷᱚᱱ ᱵᱮᱨ ᱦᱟᱥᱩᱨ ᱫᱷᱟᱹᱵᱤᱡ ᱜᱮ ᱥᱤᱢᱤᱛ ᱢᱮᱱᱟᱜᱼᱟ᱾ ᱒᱐᱑᱑ ᱥᱟᱞ ᱫᱷᱟᱹᱵᱤᱡ ᱯᱟᱨᱳ ᱩᱰᱟᱹᱱ ᱰᱟᱹᱦᱤ ᱫᱚ ᱵᱷᱩᱴᱟᱱ ᱨᱮᱱᱟᱜ ᱢᱤᱫᱴᱟᱹᱝ ᱜᱮ ᱩᱰᱟᱹᱱ ᱰᱟᱹᱦᱤ ᱛᱟᱦᱮᱸ ᱠᱟᱱᱟ᱾ ᱱᱚᱶᱟ ᱩᱰᱟᱹᱱ ᱰᱟᱹᱦᱤ ᱫᱚ ᱥᱚᱲᱚᱠ ᱰᱟᱦᱟᱨ ᱛᱮ ᱯᱟᱨᱳ ᱥᱚᱦᱚᱨ ᱠᱷᱚᱱ ᱖ ᱠᱤᱞᱚᱢᱤᱴᱚᱨ ᱟᱨ ᱯᱟᱨᱳ-ᱛᱷᱤᱢᱯᱩ ᱥᱚᱲᱚᱠ ᱦᱚᱛᱮᱛᱮ ᱛᱷᱤᱢᱯᱩ ᱠᱷᱚᱱ ᱕᱔ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ᱾
ᱱᱟᱜᱟᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱑᱙᱖᱘ ᱥᱟᱞ ᱨᱮ, ᱥᱤᱧᱚᱛᱤᱭᱟᱹ ᱵᱚᱨᱰᱚᱨ ᱨᱳᱰᱥ ᱚᱨᱜᱟᱱᱟᱭᱡᱮᱥᱚᱱ ᱯᱟᱨᱳ ᱵᱮᱰᱟ ᱨᱮ ᱢᱤᱫᱴᱟᱹᱝ ᱩᱰᱟᱹᱱ ᱯᱟᱴᱴᱤ ᱵᱮᱱᱟᱣ ᱞᱮᱫᱼᱟ, ᱡᱟᱦᱟᱸ ᱫᱚ ᱮᱛᱚᱦᱚᱵ ᱨᱮ ᱵᱷᱩᱴᱟᱱ ᱨᱟᱡᱚᱥᱴᱷᱤ ᱥᱚᱨᱠᱟᱨ ᱯᱟᱦᱴᱟ ᱠᱷᱚᱱ ᱥᱤᱧᱚᱛᱤᱭᱟᱹ ᱥᱮᱱᱟ ᱯᱷᱟᱹᱫᱽ ᱞᱟᱹᱜᱤᱫ ᱦᱮᱞᱤᱠᱚᱯᱴᱚᱨ ᱚᱯᱟᱨᱮᱥᱚᱱ ᱞᱮᱠᱟᱛᱮ ᱵᱮᱵᱷᱟᱨᱚᱜ ᱠᱟᱱ ᱛᱟᱦᱮᱸᱫ᱾ ᱵᱷᱩᱴᱟᱱ ᱨᱮᱱᱟᱜ ᱯᱩᱭᱞᱩ ᱮᱭᱟᱨᱞᱟᱭᱤᱱ, ᱰᱨᱩᱠ ᱮᱭᱟᱨ, ᱕ ᱮᱯᱨᱤᱞ ᱑᱙᱘᱑ ᱨᱮ ᱨᱚᱭᱮᱞ ᱪᱟᱨᱴᱟᱨ ᱦᱚᱛᱮᱛᱮ ᱛᱷᱟᱯᱚᱱ ᱞᱮᱱᱟ᱾
ᱯᱟᱨᱳ ᱩᱰᱟᱹᱱ ᱰᱟᱹᱦᱤ ᱫᱚ ᱫᱚᱨᱭᱟ ᱟᱴᱮᱫ ᱠᱷᱚᱱ ᱒,᱒᱓᱕ ᱢᱤᱴᱚᱨ (᱗,᱓᱓᱒ ᱯᱷᱩᱴ) ᱩᱥᱩᱞ ᱨᱮ ᱢᱤᱫ ᱜᱟᱹᱦᱤᱨ ᱵᱮᱰᱟ ᱨᱮ ᱢᱮᱱᱟᱜᱼᱟ ᱟᱨ ᱕,᱕᱐᱐ ᱢᱤᱴᱚᱨ (᱑᱘,᱐᱐᱐ ᱯᱷᱩᱴ) ᱩᱥᱩᱞ ᱵᱩᱨᱩ ᱛᱮ ᱜᱷᱮᱨᱟᱣ ᱮᱥᱮᱫ ᱟᱠᱟᱱᱟ᱾ ᱩᱰᱟᱹᱱ ᱰᱟᱹᱦᱤ ᱫᱚ ᱑,᱒᱐᱐ ᱢᱤᱴᱚᱨ (᱓,᱙᱐᱐ ᱯᱷᱩᱴ) ᱨᱟᱱᱣᱮ ᱥᱟᱶᱛᱮ ᱵᱮᱱᱟᱣ ᱞᱮᱱᱟ᱾
᱑᱙᱙᱐ ᱨᱮ, ᱯᱟᱨᱳ ᱩᱰᱟᱹᱱ ᱰᱟᱹᱦᱤ ᱨᱮᱱᱟᱜ ᱨᱟᱱᱣᱮ ᱑,᱔᱐᱒ ᱠᱷᱚᱱ ᱑,᱙᱖᱔ ᱢᱤᱴᱚᱨ (᱔,᱖᱐᱐ ᱠᱷᱚᱱ ᱖,᱔᱔᱕ ᱯᱷᱩᱴ) ᱫᱷᱟᱹᱵᱤᱡ ᱡᱤᱞᱤᱧ ᱠᱮᱫᱼᱟ ᱟᱨ ᱦᱟᱢᱟᱞ ᱩᱰᱟᱹᱱ ᱜᱟᱹᱰᱤ ᱞᱟᱹᱜᱤᱫ ᱛᱮ ᱠᱮᱴᱮᱡ ᱠᱮᱫᱼᱟ ᱠᱚ᱾ ᱩᱰᱟᱹᱱ ᱜᱟᱹᱰᱤ ᱞᱟᱹᱜᱤᱫ ᱢᱤᱫᱴᱟᱹᱝ ᱦᱮᱸᱜᱚᱨ (hangar) ᱵᱮᱱᱟᱣ ᱞᱮᱱᱟ, ᱡᱟᱦᱟᱸ ᱫᱚ ᱯᱟᱨᱳ ᱩᱰᱟᱹᱱ ᱰᱟᱹᱦᱤ ᱩᱛᱷᱱᱟᱹᱣ ᱯᱨᱚᱡᱮᱠᱴ ᱨᱮᱱᱟᱜ ᱢᱤᱫ ᱦᱟᱹᱴᱤᱧ ᱞᱮᱠᱟᱛᱮ ᱥᱤᱧᱚᱛ ᱥᱚᱨᱠᱟᱨ ᱦᱚᱛᱮᱛᱮ ᱠᱟᱹᱣᱰᱤ ᱜᱚᱲᱚ ᱮᱢ ᱦᱩᱭ ᱞᱮᱱᱟ᱾
᱒᱑ ᱱᱚᱵᱷᱮᱢᱵᱚᱨ ᱑᱙᱘᱘ ᱨᱮ, ᱰᱨᱩᱠ ᱮᱭᱟᱨ ᱨᱮᱱᱟᱜ ᱯᱩᱭᱞᱩ ᱡᱮᱴ, BAe 146-100, ᱯᱟᱨᱳ ᱩᱰᱟᱹᱱ ᱰᱟᱹᱦᱤ ᱨᱮ ᱥᱮᱴᱮᱨ ᱞᱮᱱᱟ᱾ ᱒᱐᱐᱓ ᱨᱮ, ᱰᱨᱩᱠ ᱮᱭᱟᱨ BAe 146 ᱵᱚᱫᱚᱞ ᱞᱟᱹᱜᱤᱫ ᱮ ᱠᱷᱚᱡᱽ ᱠᱮᱫᱼᱟ ᱟᱨ ᱑᱙ ᱚᱠᱴᱚᱵᱚᱨ ᱒᱐᱐᱔ ᱨᱮ ᱮᱭᱟᱨᱞᱟᱭᱤᱱ ᱨᱮᱱᱟᱜ ᱯᱩᱭᱞᱩ Airbus A319-100 ᱯᱟᱨᱳ ᱨᱮ ᱥᱮᱴᱮᱨ ᱞᱮᱱᱟ᱾
ᱵᱩᱫᱫᱷᱚ ᱮᱭᱟᱨ ᱚᱜᱚᱥᱴ ᱒᱐᱑᱐ ᱨᱮ ᱯᱟᱨᱳ ᱨᱮ ᱪᱟᱨᱴᱟᱨ ᱚᱯᱟᱨᱮᱴ ᱞᱟᱹᱜᱤᱫ ᱯᱩᱭᱞᱩ ᱡᱮᱡᱟᱹᱛᱤᱭᱟᱹᱨᱤ ᱮᱭᱟᱨᱞᱟᱭᱤᱱ ᱵᱮᱱᱟᱣ ᱮᱱᱟ᱾ ᱛᱟᱥᱤ ᱮᱭᱟᱨ, ᱵᱷᱩᱴᱟᱱ ᱨᱮᱱᱟᱜ ᱯᱩᱭᱞᱩ ᱯᱨᱟᱭᱵᱷᱮᱴ ᱮᱭᱟᱨᱞᱟᱭᱤᱱ, ᱰᱤᱥᱮᱢᱵᱚᱨ ᱒᱐᱑᱑ ᱨᱮ ᱮᱛᱚᱦᱚᱵ ᱞᱮᱱᱟ᱾ ᱒᱐᱑᱘ ᱥᱟᱞ ᱫᱷᱟᱹᱵᱤᱡ ᱛᱮ, ᱩᱰᱟᱹᱱ ᱰᱟᱹᱦᱤ ᱨᱮ ᱓᱙᱗,᱕᱙᱙ ᱜᱟᱱ ᱯᱟᱥᱮᱱᱡᱚᱨ ᱠᱚ ᱦᱮᱡ ᱥᱮᱱ ᱞᱮᱱᱟ ᱟᱨ ᱖,᱗᱖᱑ ᱩᱰᱟᱹᱱ ᱜᱟᱹᱰᱤ ᱩᱰᱟᱹᱱ ᱰᱟᱹᱦᱤ ᱦᱚᱛᱮᱛᱮ ᱦᱮᱸᱰᱮᱞ ᱞᱮᱱᱟ᱾
ᱥᱩᱵᱤᱫᱷᱟ ᱠᱚ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱱᱚᱶᱟ ᱩᱰᱟᱹᱱ ᱰᱟᱹᱦᱤ ᱨᱮ ᱢᱤᱫᱴᱟᱹᱝ ᱒,᱒᱖᱕ ᱢᱤᱴᱚᱨ (᱗,᱔᱓᱑ ᱯᱷᱩᱴ) ᱟᱥᱯᱷᱟᱞᱴ ᱨᱟᱱᱣᱮ ᱢᱮᱱᱟᱜᱼᱟ, ᱟᱨ ᱢᱤᱫᱴᱟᱹᱝ ᱴᱟᱨᱢᱤᱱᱟᱞ ᱵᱤᱞᱰᱤᱝ ᱢᱮᱱᱟᱜᱼᱟ ᱡᱟᱦᱟᱸ ᱫᱚ ᱑᱙᱙᱙ ᱥᱟᱞ ᱨᱮ ᱪᱟᱹᱞᱩ ᱞᱮᱱᱟ᱾ ᱒᱐᱒᱒ ᱨᱮ, ᱱᱚᱶᱟ ᱨᱮᱱᱟᱜ ᱵᱷᱤᱛᱨᱤ ᱨᱮ ᱟᱹᱰᱤ ᱜᱟᱱ ᱠᱟᱹᱨᱤ (art) ᱡᱤᱱᱤᱥ ᱠᱚ ᱥᱮᱞᱮᱫ ᱠᱟᱛᱮ ᱱᱟᱣᱟ ᱛᱮ ᱥᱟᱡᱟᱣ ᱞᱮᱱᱟ᱾
ᱮᱭᱟᱨᱞᱟᱭᱤᱱᱥ ᱟᱨ ᱥᱮᱱᱚᱜ ᱴᱷᱟᱶ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]| ᱮᱭᱟᱨᱞᱟᱭᱤᱱᱥ | ᱥᱮᱱᱚᱜ ᱴᱷᱟᱶ |
|---|---|
| ᱵᱷᱩᱴᱟᱱ ᱮᱭᱟᱨᱞᱟᱭᱤᱱᱥ | ᱵᱮᱝᱠᱚᱠ–ᱥᱩᱵᱚᱨᱱᱚᱵᱷᱩᱢᱤ, ᱫᱤᱞᱞᱤ, ᱠᱟᱴᱷᱢᱟᱱᱰᱩ, ᱠᱚᱞᱠᱟᱛᱟ, ᱯᱚᱠᱷᱨᱟ–ᱡᱮᱡᱟᱹᱛᱤᱭᱟᱹᱨᱤ
ᱨᱤᱛᱩ ᱡᱟᱹᱱᱤ: ᱜᱟᱭᱟ, ᱦᱚᱝᱠᱚᱝ, ᱦᱚ ᱪᱤ ᱢᱤᱱ ᱥᱤᱴᱤ, ᱢᱩᱢᱵᱟᱭ–ᱪᱷᱚᱛᱨᱚᱯᱚᱛᱤ ᱥᱤᱵᱟᱡᱤ |
| ᱰᱨᱩᱠ ᱮᱭᱟᱨ | ᱵᱟᱜᱽᱰᱚᱜᱽᱨᱟ, ᱵᱮᱝᱠᱚᱠ–ᱥᱩᱵᱚᱨᱱᱚᱵᱷᱩᱢᱤ, ᱫᱤᱞᱞᱤ, ᱰᱷᱟᱠᱟ, ᱫᱩᱵᱟᱭ–ᱡᱮᱡᱟᱹᱛᱤᱭᱟᱹᱨᱤ, ᱜᱮᱞᱮᱯᱷᱩ, ᱜᱩᱣᱟᱦᱟᱴᱤ, ᱡᱟᱠᱟᱨ (Jakar), ᱠᱟᱴᱷᱢᱟᱱᱰᱩ, ᱠᱚᱞᱠᱟᱛᱟ, ᱥᱤᱝᱜᱟᱯᱩᱨ, ᱛᱨᱟᱥᱤᱜᱟᱝ (Trashigang)
ᱨᱤᱛᱩ ᱡᱟᱹᱱᱤ: ᱜᱟᱭᱟ, ᱠᱩᱣᱟᱞᱟᱞᱟᱢᱯᱩᱨ–ᱡᱮᱡᱟᱹᱛᱤᱭᱟᱹᱨᱤ, ᱢᱩᱢᱵᱟᱭ–ᱪᱷᱚᱛᱨᱚᱯᱚᱛᱤ ᱥᱤᱵᱟᱡᱤ
ᱪᱟᱨᱴᱟᱨ : ᱦᱚ ᱪᱤ ᱢᱤᱱ ᱥᱤᱴᱤ, ᱦᱚᱝᱠᱚᱝ |
ᱟᱨᱦᱚᱸ ᱧᱮᱞ ᱢᱮ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱵᱟᱦᱨᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ] |
ᱣᱤᱠᱤᱢᱤᱰᱤᱭᱟ ᱠᱚᱢᱚᱱᱥ ᱨᱮ ᱯᱟᱨᱳ ᱩᱰᱟᱹᱱ ᱰᱟᱹᱦᱤ ᱵᱟᱵᱚᱛᱫᱽ ᱛᱮ ᱨᱮᱫ ᱢᱮᱱᱟᱜᱼᱟ ᱾. |