ᱯᱟᱨᱵᱷᱤᱱᱟ ᱟᱦᱟᱸᱜᱟᱨ
ᱯᱟᱨᱵᱷᱤᱱᱟ ᱟᱦᱟᱸᱜᱟᱨ (ᱡᱟᱱᱟᱢ ᱫᱚ ᱥᱨᱤᱱᱚᱜᱚᱨ, ᱡᱟᱹᱢᱢᱩ ᱟᱨ ᱠᱟᱹᱥᱢᱤᱨ ᱨᱮ) ᱫᱚ ᱡᱟᱹᱢᱢᱩ ᱟᱨ ᱠᱟᱹᱥᱢᱤᱨ ᱨᱮᱱᱟᱜ ᱮᱥᱳᱥᱤᱭᱮᱥᱟᱱ ᱚᱯᱷ ᱯᱮᱨᱮᱱᱴᱥ ᱚᱯᱷ ᱰᱤᱥᱟᱯᱤᱭᱟᱨᱰ ᱯᱟᱨᱥᱚᱱᱥ (ᱮᱯᱤᱰᱤᱯᱤ) ᱨᱮᱱᱤᱡ ᱵᱩᱱᱭᱟᱹᱫᱤᱭᱟᱹ ᱟᱨ ᱪᱮᱭᱟᱨᱯᱟᱨᱥᱚᱱ ᱠᱟᱱᱟᱭ᱾
ᱯᱟᱨᱵᱷᱤᱱᱟ ᱟᱦᱟᱸᱜᱟᱨ, ᱱᱳᱵᱮᱞ ᱯᱤᱥ ᱯᱨᱟᱭᱤᱡᱽ ᱒᱐᱐᱕ ᱞᱟᱹᱜᱤᱫ ᱮ ᱵᱟᱪᱷᱚᱱ ᱞᱮᱱᱟ᱾ ᱩᱱᱤ ᱫᱚ ᱒᱐᱑᱗ ᱥᱟᱞᱮ ᱨᱮ ᱦᱤᱭᱩᱢᱮᱱ ᱨᱟᱭᱤᱴᱥ ᱞᱟᱹᱜᱤᱫ ᱨᱟᱯᱷᱴᱳ ᱯᱨᱟᱭᱤᱡᱽ ᱮ ᱡᱤᱛᱠᱟᱹᱨ ᱞᱮᱱᱟ "ᱡᱳᱨ ᱠᱟᱛᱮ ᱵᱟᱭ ᱧᱮᱞ ᱧᱟᱢᱚᱜ ᱨᱮᱱᱟᱜ ᱵᱤᱨᱳᱫᱷ ᱞᱟᱹᱜᱤᱫ" ᱟᱨ ᱡᱟᱹᱢᱢᱩ ᱟᱨ ᱠᱟᱹᱥᱢᱤᱨ ᱨᱮ ᱦᱤᱸᱥᱟᱹ ᱨᱮᱱᱟᱜ ᱵᱷᱤᱠᱴᱤᱢ ᱠᱚ ᱞᱟᱹᱜᱤᱫ ᱤᱱᱥᱟᱯᱷ ᱮ ᱠᱷᱚᱡᱽ ᱞᱮᱫᱟ᱾ ᱩᱱᱤ ᱫᱚ ᱒᱐᱑᱙ ᱞᱟᱹᱜᱤᱫ ᱡᱮᱜᱮᱛ ᱨᱮᱱ ᱑᱐᱐ ᱯᱨᱮᱨᱟᱱᱟ ᱟᱨ ᱯᱨᱚᱵᱷᱟᱣᱥᱟᱞᱤ ᱛᱤᱨᱞᱟᱹ ᱠᱚᱣᱟᱜ ᱞᱤᱥᱴ ᱵᱤᱵᱤᱥᱤ ᱑᱐᱐ ᱣᱩᱢᱮᱱ ᱢᱩᱫᱽ ᱨᱮ ᱧᱩᱛᱩᱢ ᱮ ᱚᱞ ᱞᱮᱱᱟ᱾
ᱯᱟᱨᱵᱷᱤᱱᱟ ᱫᱚ 'ᱠᱟᱹᱥᱢᱤᱨ ᱨᱮᱱ ᱟᱭᱨᱚᱱ ᱞᱮᱰᱤ' ᱢᱮᱱᱛᱮ ᱠᱚ ᱢᱮᱛᱟᱭᱟ᱾ ᱩᱱᱤ ᱫᱚ ᱥᱤᱧᱚᱛ ᱢᱤᱰᱤᱭᱟ ᱪᱮᱱᱮᱞ ᱥᱤᱮᱱᱮᱱ ᱟᱭᱤᱵᱤᱮᱱ ᱦᱚᱛᱮᱛᱮ ᱢᱤᱫ ᱮᱣᱟᱨᱰ ᱞᱟᱹᱜᱤᱫ ᱮ ᱵᱟᱪᱷᱟᱣ ᱞᱮᱱᱟ ᱡᱟᱦᱟᱸ ᱫᱚ ᱩᱱᱤ ᱥᱤᱧᱚᱛ ᱢᱤᱰᱤᱭᱟ ᱠᱷᱚᱱ ᱠᱟᱹᱥᱢᱤᱨ ᱦᱚᱲ ᱠᱚᱣᱟᱜ ᱦᱟᱹᱥᱩ ᱟᱨ ᱫᱩᱠᱷ ᱤᱫᱤ ᱠᱟᱛᱮ ᱫᱷᱳᱠᱟᱣᱟᱞᱟ ᱩᱫᱷᱟᱹᱣ ᱪᱮᱛᱟᱱ ᱨᱮ ᱟᱯᱚᱛᱤ ᱠᱟᱛᱮ ᱵᱟᱛᱤᱞ ᱠᱟᱛᱮᱭ ᱨᱩᱣᱟᱹᱲ ᱠᱮᱫᱟ᱾
ᱮᱥᱳᱥᱤᱭᱮᱥᱟᱱ ᱚᱯᱷ ᱯᱮᱨᱮᱱᱴᱥ ᱚᱯᱷ ᱰᱤᱥᱟᱯᱤᱭᱟᱨᱰ ᱯᱟᱨᱥᱚᱱᱥ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱯᱟᱨᱵᱷᱤᱱᱟ ᱫᱚ ᱑᱙᱙᱔ ᱥᱟᱞᱮ ᱨᱮ "ᱮᱥᱳᱥᱤᱭᱮᱥᱟᱱ ᱚᱯᱷ ᱯᱮᱨᱮᱱᱴᱥ ᱚᱯᱷ ᱰᱤᱥᱟᱯᱤᱭᱟᱨᱰ ᱯᱟᱨᱥᱚᱱᱥ" ᱮ ᱮᱛᱚᱦᱚᱵ ᱠᱮᱫᱟ ᱡᱳᱨ ᱠᱟᱛᱮ ᱵᱟᱭ ᱧᱮᱞ ᱧᱟᱢᱚᱜ ᱠᱷᱟᱹᱛᱤᱨ ᱜᱟᱭᱮᱵ ᱦᱚᱲ ᱠᱚᱣᱟᱜ ᱜᱷᱟᱨᱚᱸᱡᱽ ᱨᱮᱱ ᱥᱚᱦᱮᱫ ᱠᱚ ᱜᱚᱲᱚ ᱮᱢ ᱟᱨ ᱡᱩᱢᱤᱫᱽ ᱞᱟᱹᱜᱤᱫ ᱟᱨ ᱠᱟᱹᱥᱢᱤᱨ ᱨᱮ ᱵᱟᱝ ᱤᱪᱷᱟ ᱠᱟᱛᱮ ᱜᱟᱭᱮᱵ ᱨᱮᱱᱟᱜ ᱟᱢᱫᱟᱡᱽ ᱘-᱑᱐,᱐᱐᱐ ᱠᱮᱥ ᱨᱮ ᱥᱤᱧᱚᱛ ᱥᱚᱨᱠᱟᱨ ᱪᱮᱛᱟᱱ ᱨᱮ ᱡᱟᱹᱥᱛᱤ ᱯᱨᱮᱥᱟᱨ ᱮᱢ ᱞᱟᱹᱜᱤᱫ᱾ ᱱᱚᱣᱟ ᱜᱟᱶᱛᱟ ᱫᱚ ᱮᱥᱤᱭᱟᱱ ᱯᱷᱮᱰᱮᱨᱮᱥᱚᱱ ᱮᱜᱮᱸᱥᱴ ᱤᱱᱵᱷᱚᱞᱟᱱᱴᱟᱨᱤ ᱰᱤᱥᱟᱯᱤᱭᱟᱨᱮᱸᱥᱤᱥ ᱨᱮᱱᱟᱜ ᱦᱤᱸᱥ ᱠᱟᱱᱟ᱾
ᱮᱥᱳᱥᱤᱭᱮᱥᱟᱱ ᱚᱯᱷ ᱯᱮᱨᱮᱱᱴᱥ ᱚᱯᱷ ᱰᱤᱥᱟᱯᱤᱭᱟᱨᱰ ᱯᱟᱨᱥᱚᱱᱥ ᱨᱮᱱᱤᱡ ᱠᱳ-ᱯᱷᱟᱣᱱᱰᱟᱨ ᱟᱨ ᱪᱮᱭᱟᱨᱢᱮᱱ ᱯᱟᱨᱵᱷᱤᱱᱟ ᱟᱦᱟᱸᱜᱟᱨ ᱫᱚ ᱯᱷᱤᱞᱤᱯᱟᱭᱤᱱᱥ (᱒᱐᱐᱐), ᱛᱷᱟᱭᱤᱞᱮᱸᱰ (᱒᱐᱐᱓), ᱤᱱᱰᱳᱱᱮᱥᱤᱭᱟ (᱒᱐᱐᱕), ᱪᱤᱭᱟᱝ ᱢᱟᱭᱤ (᱒᱐᱐᱖), ᱡᱮᱱᱮᱵᱷᱟ (᱒᱐᱐᱘), ᱠᱮᱢᱵᱳᱰᱤᱭᱟ (᱒᱐᱐᱙) ᱟᱨ ᱞᱚᱱᱰᱚᱱ (᱒᱐᱑᱔) ᱨᱮ ᱮᱯᱤᱰᱤᱯᱤ ᱨᱮᱱᱟᱜ ᱠᱟᱹᱨᱚᱱ ᱮ ᱩᱫᱩᱜ ᱥᱚᱫᱚᱨ ᱟᱠᱟᱫᱟ᱾
ᱭᱩᱱᱤᱵᱷᱟᱨᱥᱤᱴᱤ ᱚᱯᱷ ᱣᱮᱥᱴᱢᱤᱱᱤᱥᱴᱟᱨ ᱨᱮ ᱞᱮᱠᱪᱟᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱟᱦᱟᱸᱜᱟᱨ ᱫᱚ ᱒᱐᱑᱔ ᱥᱟᱞᱮ ᱨᱮ ᱞᱚᱱᱰᱚᱱ ᱨᱮᱱᱟᱜ ᱭᱩᱱᱤᱵᱷᱟᱨᱥᱤᱴᱤ ᱚᱯᱷ ᱣᱮᱥᱴᱢᱤᱱᱤᱥᱴᱟᱨ ᱨᱮ ᱨᱚᱲ ᱞᱮᱱᱟ᱾