ᱯᱟᱯᱟᱲᱟᱢ
 ᱪᱷᱟᱱᱠᱟᱣ ᱯᱟᱯᱟᱲᱟᱢ | |
| ᱮᱴᱟᱜ ᱧᱩᱛᱩᱢ | ᱯᱟᱯᱚᱲ, ᱯᱟᱯᱟᱲᱟᱢ, ᱯᱚᱯᱯᱟᱲᱟᱢ, ᱯᱟᱯᱟᱨ |
|---|---|
| ᱠᱚᱨᱥ | ᱡᱩᱴᱤᱡ ᱡᱚᱢᱟᱜ |
| ᱢᱩᱬ ᱤᱱᱜᱨᱤᱰᱮᱸᱴ | ᱢᱟᱹᱥᱨᱤ ᱫᱟᱹᱞ, ᱪᱟᱱᱟ ᱫᱟᱹᱞ, ᱢᱚᱴᱚᱨ, ᱟᱹᱞᱩ, ᱪᱟᱞᱣ ᱦᱚᱞᱚᱝ |
| ᱞᱮᱠᱟᱱ ᱵᱷᱮᱯᱮᱫ | ᱦᱚᱞᱚᱝ ᱯᱟᱯᱚᱲ, ᱥᱟᱜᱚ ᱯᱟᱯᱚᱲ, ᱢᱚᱥᱚᱞᱟ ᱯᱟᱯᱚᱲ, ᱨᱟᱹᱥᱩᱱ ᱯᱟᱯᱚᱲ, ᱠᱟᱱᱴᱷᱟᱲ ᱯᱟᱯᱚᱲ, ᱢᱟᱹᱨᱤᱪ ᱯᱟᱯᱚᱲ |
| |
ᱯᱟᱯᱟᱲᱚᱢ ᱫᱚ ᱦᱩᱭᱩᱜ ᱠᱟᱱᱟ ᱵᱷᱟᱨᱚᱛ ᱦᱩᱰᱤᱧ ᱢᱟᱨᱟᱝ ᱨᱮ ᱨᱮᱭᱟᱜ ᱢᱤᱫᱴᱮᱱ ᱡᱚᱢᱟᱜ᱾ ᱦᱚᱲᱮᱡ ᱫᱟᱹᱞ ᱨᱮᱭᱟᱜ ᱥᱤᱯᱤ ᱜᱚᱞ ᱨᱤᱫ ᱠᱟᱛᱮ ᱥᱩᱱᱩᱢ ᱨᱮ ᱟᱹᱣᱨᱤ ᱠᱷᱟᱨᱟᱯ-ᱠᱷᱩᱨᱩᱵ ᱦᱟᱹᱵᱤᱡ ᱠᱚ ᱤᱥᱤᱥᱱᱟ᱾ ᱮᱴᱟᱜ ᱦᱚᱞᱚᱝ ᱡᱮᱞᱮᱠᱟ ᱢᱟᱹᱥᱨᱤ, ᱠᱟᱵᱽᱞᱤ ᱢᱚᱴᱚᱨ, ᱪᱟᱣᱞᱤ ᱦᱚᱞᱚᱝ, ᱴᱟᱯᱤ-ᱳᱠᱟ, ᱠᱚᱫᱮ ᱥᱮ ᱟᱹᱞᱩ ᱮᱢᱟᱱ ᱦᱚᱸ ᱵᱮᱵᱚᱦᱟᱨ ᱜᱮᱭᱟ᱾ ᱯᱟᱯᱟᱲᱟᱢ ᱫᱚ ᱵᱷᱟᱨᱚᱛ, ᱯᱟᱠᱤᱥᱛᱟᱱ, ᱵᱟᱝᱞᱟᱫᱮᱥ, ᱱᱮᱯᱟᱞ, ᱥᱨᱤᱞᱚᱝᱠᱟ ᱟᱨ ᱠᱮᱨᱟᱵᱤᱭᱟᱱ ᱤᱥᱚᱢ ᱠᱚ ᱨᱮ ᱡᱚᱴᱤᱡ ᱡᱚᱢᱟᱜ ᱞᱮᱠᱟ ᱥᱟᱢᱟᱝᱟ᱾
ᱮᱴᱤᱢᱚᱞᱚᱡᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱯᱟᱯᱟᱲᱟᱢ ᱫᱚ ᱛᱟᱹᱢᱤᱞ ᱟᱹᱲᱟᱹ ᱯᱟᱯᱯᱟᱴᱟᱢ ᱠᱷᱚᱱ ᱛᱩᱢᱟᱹᱞ ᱟᱠᱟᱱᱟ, ᱟᱨ ᱱᱚᱣᱟ ᱫᱚ ᱥᱟᱱᱥᱠᱨᱤᱛ ᱯᱟᱯᱟᱨᱴ ᱠᱷᱚᱱ ᱦᱟᱛᱟᱣ ᱟᱠᱟᱱᱟ (ᱚᱠᱟ ᱫᱚ ᱟᱨᱦᱚᱸ ᱯᱨᱟᱠᱤᱛ ᱠᱷᱚᱱ ᱦᱟᱛᱟᱣ ᱟᱠᱟᱱᱟ᱾ ᱡᱚᱭᱱ ᱟᱨ ᱵᱩᱫᱷ ᱥᱟᱶᱦᱮᱫ ᱨᱮ ᱱᱚᱣᱟ ᱫᱚ ᱪᱟᱯᱴᱟ ᱡᱚᱢᱟᱜ ᱢᱮᱱᱛᱮ ᱥᱚᱫᱚᱨ ᱢᱮᱱᱟᱜ-ᱟ᱾ ᱱᱚᱣᱟ ᱫᱚ ᱟᱨᱦᱚᱸ ᱫᱽᱨᱟᱵᱤᱲᱤᱭᱟᱱ ᱯᱟᱨᱯᱩᱟᱴᱴᱩ ᱠᱷᱚᱱ ᱦᱚᱸ ᱚᱢᱚᱱ ᱫᱟᱲᱮ ᱫᱟᱲᱮᱭᱟᱜ-ᱟ, ᱡᱟᱸᱦᱟᱸ ᱨᱮᱭᱟᱜ ᱢᱮᱱᱮᱛ ᱫᱚ ᱦᱩᱭᱩᱜ ᱠᱟᱱᱟ "ᱢᱟᱹᱥᱨᱤ ᱰᱟᱹᱞ ᱯᱤᱴᱷᱟᱹ"᱾ ᱯᱟᱯᱟᱲᱟᱢ ᱨᱮᱭᱟᱜ ᱟᱭᱢᱟ ᱠᱤᱥᱤᱢ ᱢᱮᱱᱟᱜ-ᱟ ᱡᱮᱞᱮᱠᱟ ᱦᱤᱱᱫᱤ ᱯᱟᱯᱚᱲ ᱟᱨ ᱠᱟᱱᱱᱟᱲᱟ ᱦᱟᱯᱯᱟᱞᱟ᱾
ᱴᱚᱴᱷᱟᱠᱤᱭᱟᱹ ᱵᱷᱮᱜᱟᱨᱠᱚ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱠᱟᱯᱯᱟ ᱯᱟᱯᱟᱲᱟᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱠᱟᱯᱯᱟ ᱯᱟᱯᱟᱲᱟᱢ ᱫᱚ ᱫᱟᱹᱠᱷᱤᱱ ᱵᱷᱟᱨᱚᱛ ᱠᱮᱨᱮᱞᱟ ᱯᱚᱱᱚᱛ ᱨᱮᱭᱟᱜ ᱢᱤᱫ ᱠᱤᱥᱤᱢ ᱠᱟᱱᱟ᱾ ᱱᱚᱣᱟ ᱫᱚ ᱢᱟᱞᱟᱭᱟᱞᱚᱢ ᱯᱟᱹᱨᱥᱤ ᱛᱮ ᱢᱩᱞ ᱡᱤᱱᱤᱥ ᱠᱟᱯᱯᱟ (ᱮᱫᱮᱞ ᱥᱟᱝ) ᱠᱷᱚᱱ ᱮᱢᱚᱱ ᱟᱠᱟᱱᱟ᱾ ᱱᱚᱣᱟ ᱫᱚ ᱟᱨᱦᱚᱸ ᱢᱟᱟᱨᱟᱪᱤᱱᱤ, ᱪᱮᱱᱤ ᱯᱟᱯᱟᱲᱟᱢ/ ᱟᱯᱯᱟᱞᱟᱢ ᱟᱨ ᱠᱟᱥᱟᱣᱟ ᱯᱟᱯᱟᱲ ᱦᱚᱸ ᱠᱚ ᱢᱮᱛᱟᱜ-ᱟ᱾
ᱠᱟᱯᱯᱟ ᱯᱟᱯᱟᱲᱟᱢ ᱨᱮᱭᱟᱜ ᱢᱩᱞ ᱡᱤᱱᱤᱥ ᱠᱚ ᱫᱚ ᱟᱨᱟᱜ ᱢᱟᱹᱨᱤᱪ, ᱜᱚᱞ ᱢᱟᱹᱨᱤᱪ, ᱡᱤᱨᱟ ᱟᱨ ᱦᱤᱝ ᱮᱢᱟᱱ᱾