ᱯᱟ.ᱴᱷᱩᱣᱟ. ᱜᱟᱛᱮ
🌍 ᱡᱟᱛᱤᱥᱚᱝᱜᱷᱚ (United Nations)
🔹 ᱢᱤᱫᱴᱟᱝ ᱳᱭᱛᱤᱦᱟᱥᱤᱠ ᱯᱚᱨᱡᱟᱞᱳᱪᱳᱱᱟ, ᱱᱤᱛᱤ ᱟᱨ ᱩᱫᱫᱮᱥᱥᱚ
1. ᱳᱭᱛᱤᱦᱟᱥᱤᱠ ᱯᱚᱨᱡᱟᱞᱳᱪᱳᱱᱟ (Historical Overview of the United Nations)ᱺ
ᱡᱟᱛᱤᱥᱚᱝᱜᱷᱚ (United Nations ᱥᱮ UN) ᱦᱩᱭᱩᱜ ᱠᱟᱱᱟ ᱢᱤᱫᱴᱟᱝ ᱟᱱᱛᱚᱨᱡᱟᱛᱤᱠ ᱥᱚᱝᱚᱥᱛᱷᱟ ᱡᱟᱦᱟ ᱫᱚ 25 ᱚᱠᱴᱳᱵᱚᱨ, 1945 ᱥᱟᱦᱤᱛ ᱨᱮ ᱫᱚᱥᱟᱨ ᱡᱮᱜᱮᱫ ᱞᱟ.ᱲᱦᱟ.ᱭ ᱛᱟᱭᱚᱢ ᱛᱷᱟᱯᱚᱱ ᱞᱮᱱᱟ। ᱱᱚᱣᱟ ᱨᱮᱭᱟᱜ ᱢᱩᱬᱩᱫ ᱞᱚᱠᱠᱷᱚ ᱛᱟᱦᱮ ᱠᱟᱱᱟ — ᱡᱮᱜᱮᱫ ᱨᱮ ᱥᱟᱱᱛᱤ, ᱱᱤᱨᱟᱯᱚᱛᱛᱟ ᱟᱨ ᱥᱚᱦᱚᱡᱳᱜᱤᱛᱟ ᱵᱚᱡᱟᱭ ᱫᱚᱦᱚ।
ᱯᱚᱴᱚᱵᱷᱩᱢᱤᱺ ᱯᱩᱭᱞᱩ ᱡᱮᱜᱮᱫ ᱞᱟ.ᱲᱦᱟ.ᱭ ᱛᱟᱭᱚᱢ ᱡᱟᱛᱤᱯᱩᱧᱡᱚ (League of Nations) ᱜᱚᱴᱷᱚᱱ ᱦᱩᱭ ᱞᱮᱱᱟ, ᱢᱮᱱᱠᱷᱟᱱ ᱚᱱᱟ ᱚᱱᱠᱟ ᱵᱷᱟᱵ ᱛᱮ ᱞᱟ.ᱲᱦᱟ.ᱭ ᱟᱨ ᱠᱟ.ᱭᱡᱟ. ᱟᱴᱚᱠ ᱛᱮ ᱵᱮᱨᱛᱷᱚ ᱞᱮᱱᱟᱭ। ᱫᱚᱥᱟᱨ ᱡᱮᱜᱮᱫ ᱞᱟ.ᱲᱦᱟ.ᱭ ᱨᱮᱭᱟᱜ ᱵᱚᱛᱚᱨᱟᱱ ᱚᱵᱷᱤᱜᱜᱚᱛᱟ ᱛᱟᱭᱚᱢ ᱡᱮᱜᱮᱫ ᱨᱮᱱ ᱱᱮᱛᱟ ᱠᱚ ᱵᱩᱡᱽ ᱧᱟᱢ ᱠᱮᱫᱟ ᱠᱚ ᱡᱮ ᱢᱤᱫᱴᱟᱝ ᱫᱟᱲᱮᱭᱟᱱ ᱟᱨ ᱠᱟᱢᱤ ᱞᱮᱠᱟᱱᱟᱜ ᱟᱱᱛᱚᱨᱡᱟᱛᱤᱠ ᱥᱚᱝᱥᱛᱷᱟ ᱞᱟᱠᱛᱤᱭᱟ।
ᱛᱷᱟᱯᱚᱱᱺ 1941 ᱥᱟᱦᱤᱛ ᱨᱮ ᱡᱩᱠᱛᱚᱨᱟᱥᱴᱨᱚ ᱨᱮᱱ ᱯᱨᱮᱥᱤᱰᱮᱱᱴ ᱯᱷᱨᱟᱝᱞᱤᱱ ᱰᱤ. ᱨᱩᱡᱵᱷᱮᱞᱴ ᱟᱨ ᱵᱨᱤᱴᱮᱱ ᱨᱮᱱ ᱯᱨᱚᱫᱷᱟᱱ ᱢᱚᱱᱛᱨᱤ ᱩᱭᱤᱱᱮᱥᱴᱚᱱ ᱪᱟᱨᱪᱤᱞ “ᱟᱴᱟᱞᱟᱱᱴᱤᱠ ᱥᱚᱱᱚᱫ” (Atlantic Charter) ᱠᱤᱱ ᱥᱚᱫᱚᱨ ᱠᱮᱫᱟ, ᱡᱟᱦᱟᱨᱮ ᱢᱤᱫᱴᱟᱝ ᱱᱟᱣᱟᱱ ᱡᱮᱜᱮᱫ ᱥᱚᱝᱥᱛᱷᱟ ᱨᱮᱭᱟᱜ ᱫᱷᱟᱨᱚᱱᱟ ᱥᱟᱵ ᱨᱟᱠᱟᱵ ᱦᱩᱭ ᱞᱮᱱᱟ। 1945 ᱥᱟᱦᱤᱛ ᱨᱮ ᱥᱟᱱ ᱯᱷᱨᱟᱱᱥᱤᱥᱠᱳ ᱥᱚᱢᱢᱮᱞᱚᱱ ᱨᱮ (San Francisco Conference) 50 ᱜᱚᱴᱟᱝ ᱫᱤᱥᱚᱢ ᱡᱟᱛᱤᱥᱚᱝᱜᱷᱚ ᱥᱚᱱᱚᱫ (UN Charter) ᱠᱚ ᱥᱩᱦᱤ ᱠᱮᱫᱟ। 24 ᱚᱠᱴᱳᱵᱚᱨ, 1945 ᱥᱟᱦᱤᱛ ᱨᱮ ᱡᱟᱛᱤᱥᱚᱝᱜᱷᱚ ᱟᱱᱩᱥᱴᱷᱟᱱᱤᱠ ᱵᱷᱟᱵ ᱛᱮ ᱠᱟᱢᱤ ᱠᱟᱥᱱᱤ ᱠᱚᱭ ᱮᱦᱚᱵ ᱞᱮᱫᱟ। ᱚᱱᱟ ᱢᱟᱦᱟ ᱫᱚ United Nations Day ᱞᱮᱠᱟᱛᱮ ᱯᱟᱞᱟᱣᱚᱜ-ᱟ।
2. ᱡᱟᱛᱤ ᱥᱚᱝᱜᱷᱚ ᱨᱮᱭᱟᱜ ᱱᱤᱛᱤ (Principles of the United Nations)ᱺ ᱡᱟᱛᱤᱥᱚᱝᱜᱷᱚ ᱥᱚᱱᱚᱫ ᱨᱮᱭᱟᱜ (UN Charter) 2 ᱱᱚᱝ. ᱚᱱᱩᱪᱪᱷᱮᱫ ᱨᱮ ᱥᱚᱝᱥᱛᱷᱟ ᱟᱜ ᱢᱳᱣᱞᱤᱠ ᱱᱤᱛᱤ ᱠᱚ ᱢᱮᱱ ᱟᱠᱟᱱᱟ। ᱱᱚᱣᱟ ᱠᱚᱫᱚ ᱦᱩᱭᱩᱜ ᱠᱟᱱᱟ —
1. ᱥᱟᱨᱵᱚᱵᱷᱳᱶᱢᱚ ᱥᱚᱢᱚᱛᱟ (Sovereign Equality): ᱥᱟᱱᱟᱢ ᱥᱚᱫᱚᱥᱥᱚ ᱨᱟᱥᱴᱨᱚ ᱥᱚᱢᱟᱱ ᱢᱟ.ᱱ ᱟᱨ ᱟ.ᱭᱫᱟ.ᱨ ᱠᱚ ᱧᱟᱢ-ᱟ।
2. ᱥᱟᱱᱛᱤ ᱯᱩᱨᱱᱚ ᱵᱷᱟᱵ ᱛᱮ ᱵᱤᱨᱳᱫᱷ ᱢᱩᱪᱟᱹᱫ (Peaceful Settlement of Disputes): ᱥᱚᱫᱚᱥᱥᱚ ᱨᱟᱥᱴᱨᱚ ᱠᱚ ᱞᱟ.ᱲᱦᱟ.ᱭ ᱫᱚ ᱵᱟᱝ, ᱜᱟᱞᱚᱪ ᱛᱟᱞᱟᱛᱮ ᱵᱤᱨᱳᱫᱷ ᱠᱚ ᱪᱟᱵᱟᱭᱟ।
3. ᱫᱟᱲᱮ ᱵᱟᱝ ᱯᱨᱚᱭᱳᱜ (Prohibition of Force): ᱟᱱᱛᱚᱨᱡᱟᱛᱤᱠ ᱥᱟ.ᱜᱟ.ᱭ ᱠᱷᱮᱛᱨᱚ ᱨᱮ ᱟᱠᱠᱨᱚᱢᱚᱱᱟᱛᱛᱚᱠ ᱫᱟᱲᱮ ᱯᱨᱚᱭᱳᱜ ᱵᱟᱝ ᱜᱟᱱᱚᱜ-ᱟ।
4. ᱚᱵᱷᱚᱱᱛᱚᱨᱤᱱᱚ ᱥᱮ ᱵᱷᱤᱛᱤᱨ ᱨᱮᱱᱟᱜ ᱵᱤᱥᱚᱭ ᱨᱮ ᱵᱟᱝ ᱦᱚᱥᱛᱚᱠᱷᱮᱯ (Non- intervention): ᱡᱟᱦᱟᱭ ᱨᱟᱥᱴᱨᱚ ᱟᱜ ᱵᱷᱤᱛᱤᱨ ᱨᱮᱱᱟᱜ ᱵᱮᱯᱟᱨ ᱨᱮ ᱡᱟᱛᱤᱥᱚᱝᱜᱷᱚ ᱥᱮ ᱮᱴᱟᱜ ᱡᱟᱦᱟᱭ ᱨᱟᱥᱴᱨᱚ ᱵᱟᱭ ᱦᱚᱥᱛᱚᱠᱷᱮᱯ-ᱟ।
5. ᱟᱱᱛᱚᱨᱡᱟᱛᱤᱠ ᱥᱚᱦᱚᱡᱳᱜᱤᱛᱟ (International Cooperation): ᱥᱟᱱᱛᱤ, ᱱᱤᱨᱟᱯᱚᱛᱛᱟ, ᱩᱛᱱᱟ.ᱣ ᱟᱨ ᱢᱟᱱᱚᱵᱟᱫᱷᱤᱠᱟᱨ ᱠᱷᱮᱛᱨᱚ ᱨᱮ ᱟᱯᱟᱱ ᱟᱯᱤᱱ ᱥᱮ ᱯᱚᱨᱚᱥᱯᱚᱨ ᱥᱟᱣ ᱜᱚᱲᱚ ᱦᱩᱭᱩᱜ-ᱟ।
3. ᱡᱟᱛᱤᱥᱚᱝᱜᱷᱚ ᱟᱜ ᱩᱫᱫᱮᱥᱥᱚ (Objectives of the United Nations)ᱺ ᱡᱟᱛᱤᱥᱚᱝᱜᱷᱚ ᱥᱚᱱᱚᱫ ᱨᱮᱭᱟᱜ ᱯᱩᱭᱞᱩ ᱚᱱᱩᱪᱪᱷᱮᱫ (Article 1) ᱟᱜ ᱢᱩᱬᱩᱫ ᱩᱫᱫᱮᱥᱥᱚ ᱠᱚ ᱚᱞ ᱢᱮᱱᱟᱜ - ᱟ। ᱚᱱᱟ ᱠᱚᱫᱚ ᱦᱩᱭᱩᱜ ᱠᱟᱱᱟ —
1. ᱟᱱᱛᱚᱨᱡᱟᱛᱤᱠ ᱥᱟᱱᱛᱤ ᱟᱨ ᱱᱤᱨᱟᱯᱚᱛᱛᱟ ᱵᱚᱡᱟᱭ ᱫᱚᱦᱚ, ᱞᱟ.ᱲᱦᱟ.ᱭ ᱯᱨᱚᱛᱤᱨᱳᱫᱷ, ᱱᱤᱨᱚᱥᱛᱨᱤᱠᱚᱨᱚᱱ (ᱦᱟᱛᱤᱭᱟᱹᱨ ᱟᱨ ᱥᱟᱢᱚᱨᱤᱠ ᱫᱟᱲᱮ ᱠᱚᱢᱟᱣ) ᱟᱨ ᱠᱟ.ᱭᱡᱟ. ᱥᱚᱢᱟᱫᱷᱟᱱ।
2. ᱨᱟᱥᱴᱨᱚ ᱥᱩᱢᱩᱝ ᱢᱩᱫᱽ ᱨᱮ ᱜᱟᱛᱮ ᱥᱟ.ᱜᱟ.ᱭ ᱩᱛᱱᱟ.ᱣ। ᱟᱛᱛᱚᱱᱤᱭᱚᱱᱛᱨᱚᱱ ᱨᱮᱭᱟᱜ ᱟ.ᱭᱫᱟ.ᱨ (Right of self-determination) ᱟᱨ ᱥᱚᱢᱟᱱ ᱟ.ᱭᱫᱟ.ᱨ ᱛᱟᱞᱟᱛᱮ ᱜᱟᱛᱮ ᱥᱟ.ᱜᱟ.ᱭ ᱵᱮᱨᱮᱫ ᱨᱟᱠᱟᱵ।
3. ᱟᱱᱛᱚᱨᱡᱟᱛᱤᱠ ᱜᱚᱲᱚ ᱥᱮ ᱥᱚᱦᱚᱡᱳᱜᱤᱛᱟ ᱵᱟᱲᱛᱤ ᱠᱟᱣᱰᱤ ᱟᱨᱤ ᱩᱛᱱᱟ.ᱣ, ᱥᱟᱣᱛᱟ ᱟᱨᱤ ᱚᱜᱽᱜᱨᱚᱜᱚᱛᱤ (ᱥᱟᱢᱟᱝ ᱥᱮᱱ ᱞᱟᱦᱟ ᱤᱫᱤ), ᱥᱮᱪᱮᱫ, ᱥᱟᱶᱟᱨ, ᱥᱟᱸᱬᱮᱥ, ᱞᱟᱠᱪᱟᱨ ᱟᱨ ᱢᱟᱱᱚᱵᱟᱫᱷᱤᱠᱟᱨ ᱨᱮᱭᱟᱜ ᱩᱛᱱᱟ.ᱣ।
4. ᱢᱤᱫᱴᱟᱝ ᱠᱮᱱᱫᱨᱚ ᱞᱮᱠᱟᱛᱮ ᱠᱟᱢᱤ ᱮᱢᱟᱱ ᱫᱤᱥᱚᱢ ᱠᱚ ᱢᱤᱫ ᱠᱟᱛᱮ ᱟᱱᱛᱚᱨᱡᱟᱛᱤᱠ ᱥᱚᱢᱚᱥᱥᱟ ᱥᱚᱢᱟᱫᱷᱟᱱ ᱞᱟᱜᱤᱫ ᱢᱤᱫ ᱞᱮᱠᱟᱱ ᱯᱚᱫᱚᱠᱠᱷᱮᱯ ᱦᱟᱛᱟᱣ।
ᱩᱯᱚᱥᱚᱝᱦᱟᱨᱺ
ᱡᱟᱛᱤᱥᱚᱝᱜᱷᱚ ᱵᱮᱨᱮᱫ ᱨᱮᱭᱟᱜ ᱢᱩᱬᱩᱫ ᱚᱡᱮ ᱫᱚ ᱛᱟᱦᱮ ᱠᱟᱱᱟ ᱡᱮᱜᱮᱫ ᱞᱟ.ᱲᱦᱟ.ᱭ ᱨᱮᱭᱟᱜ ᱯᱩᱱᱚᱨᱟᱵᱨᱤᱛᱛᱤ ᱴᱮᱠᱟᱣ ᱟᱨ ᱡᱮᱜᱮᱫ ᱡᱟᱠᱟᱛ ᱨᱮ ᱥᱟᱱᱛᱤ ᱛᱷᱟᱯᱚᱱ। ᱛᱷᱟᱯᱚᱱ ᱛᱟᱭᱚᱢ ᱠᱷᱚᱱ ᱜᱮ ᱱᱚᱣᱟ ᱫᱚ ᱮᱢᱟᱱ ᱞᱮᱠᱟᱱᱟᱜ ᱥᱟᱱᱛᱤ ᱨᱚᱠᱠᱷᱟ ᱢᱤᱥᱚᱱ, ᱢᱟᱱᱚᱵᱤᱠ ᱜᱚᱲᱚ, ᱫᱟᱨᱤᱫᱫᱨᱚ ᱪᱟᱵᱟ, ᱥᱮᱪᱮᱫ, ᱥᱟᱶᱟᱨ ᱟᱨ ᱡᱚᱞᱚᱵᱟᱭᱩ ᱟᱨᱩ ᱯᱷᱮᱨᱟᱣ ᱥᱮ ᱯᱚᱨᱤᱵᱚᱨᱛᱚᱱ ᱢᱚᱳᱠᱟᱵᱤᱞᱟ ᱨᱮ ᱜᱩᱨᱩᱛᱛᱚ ᱯᱩᱨᱱᱚ ᱵᱷᱩᱢᱤᱠᱟᱭ ᱫᱚᱦᱚ ᱟᱠᱟᱫᱟ। ᱡᱩᱫᱤ ᱦᱚ ᱱᱤᱨᱟᱯᱚᱛᱛᱟ ᱯᱚᱨᱤᱥᱚᱫ ᱟᱜ ᱵᱷᱮᱴᱳ ᱠᱷᱚᱢᱚᱛᱟ, ᱢᱟᱨᱟᱝ ᱫᱟᱲᱮ ᱠᱚᱣᱟᱜ ᱯᱨᱚᱵᱷᱟᱵ ᱮᱢᱟᱱ ᱚᱡᱮ ᱛᱮ ᱱᱚᱣᱟ ᱨᱮᱭᱟᱜ ᱠᱟᱢᱤ ᱠᱟᱥᱱᱤ ᱤᱫᱤᱠᱟᱛᱮ ᱠᱟ.ᱭᱡᱟ. ᱢᱮᱱᱟᱜ ᱜᱮᱭᱟ, ᱮᱱᱛᱮ ᱨᱮᱦᱚ ᱟᱱᱛᱚᱨᱡᱟᱛᱤᱠ ᱥᱚᱦᱚᱡᱳᱜᱤᱛᱟ ᱟᱨ ᱢᱟᱱᱚᱵᱚᱛᱟ ᱥᱮᱵᱟ ᱨᱮ ᱡᱟᱛᱤᱥᱚᱝᱜᱷᱚ ᱛᱤᱦᱤᱧ ᱦᱚ ᱚᱯᱚᱨᱤᱦᱟᱨᱡᱚ ᱥᱚᱝᱥᱛᱷᱟ।