ᱯᱨᱚᱛᱤᱠᱥᱟ ᱞᱳᱱᱠᱟᱨ
| ᱯᱨᱚᱛᱤᱠᱥᱟ ᱞᱳᱱᱠᱟᱨ | |
|---|---|
| ᱫᱤᱥᱚᱢᱤᱭᱟᱹ | ᱥᱤᱧᱚᱛᱤᱭᱟᱹ |
| ᱮᱴᱟᱜ ᱧᱩᱛᱩᱢ | ᱯᱨᱚᱛᱤᱠᱥᱟ ᱞᱳᱱᱠᱟᱨ |
| ᱠᱟᱹᱢᱤ | ᱮᱠᱴᱨᱮᱥ |
| ᱧᱩᱢᱱᱟᱢ | ᱫᱟᱢᱤᱱᱤ ᱨᱮ ᱫᱟᱢᱤᱱᱡ ᱞᱮᱠᱟᱛᱮ |
ᱯᱨᱚᱛᱤᱠᱥᱟ ᱞᱳᱱᱠᱟᱨ ᱫᱚ ᱢᱤᱫ ᱵᱷᱟᱨᱚᱛᱤᱭᱚ ᱮᱠᱴᱨᱮᱥ ᱠᱟᱱᱟᱭ ᱡᱟᱦᱟᱸᱭ ᱫᱚ ᱵᱟᱹᱲᱛᱤ ᱠᱟᱛᱮ ᱦᱤᱱᱫᱤ ᱟᱨ ᱢᱟᱨᱟᱴᱷᱤ ᱯᱷᱤᱞᱢ ᱟᱨ ᱴᱮᱞᱤᱵᱤᱡᱚᱱ ᱥᱤᱨᱤᱡ ᱨᱮ ᱧᱮᱞ ᱟᱠᱟᱱᱟ᱾[᱑] ᱩᱱᱤ ᱫᱚ ᱰᱤᱰᱤ ᱥᱟᱦᱭᱟᱫᱽᱨᱤ ᱨᱮ ᱩᱪᱷᱟᱹᱱᱚᱜ ᱠᱟᱱ ᱢᱟᱨᱟᱴᱷᱤ ᱴᱤᱵᱷᱤ ᱥᱤᱨᱤᱭᱟᱞ ᱫᱟᱢᱤᱱᱤ ᱨᱮ ᱢᱩᱬ ᱴᱟᱭᱤᱴᱮᱞ ᱨᱳᱞ ᱠᱷᱮᱞ ᱞᱟᱹᱜᱤᱫ ᱵᱟᱹᱲᱛᱤ ᱩᱯᱨᱩᱢ ᱢᱮᱱᱟᱜ ᱛᱟᱭᱟ᱾[᱒]
ᱮᱛᱚᱦᱚᱵ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱞᱳᱱᱠᱟᱨ ᱨᱮᱱ ᱟᱯᱟᱛ ᱫᱚ ᱢᱤᱫ ᱰᱚᱠᱴᱚᱨ ᱮ ᱛᱟᱦᱮᱸ ᱠᱟᱱᱟ ᱟᱨ ᱟᱡ ᱮᱸᱜᱟᱛ ᱫᱚ ᱢᱤᱫ ᱢᱟᱪᱮᱫ ᱮ ᱛᱟᱦᱮᱸ ᱠᱟᱱᱟ᱾[᱓] ᱑᱐ ᱟᱱᱟᱜ ᱫᱷᱟᱹᱵᱤᱡ ᱟᱡᱟᱜ ᱥᱠᱩᱞ ᱯᱟᱲᱦᱟᱣ ᱯᱩᱨᱟᱹᱣ ᱠᱟᱛᱮ, ᱩᱱᱤ ᱫᱚ ᱟᱨᱴᱥ ᱮ ᱵᱟᱪᱷᱟᱣ ᱠᱮᱫᱟ ᱟᱨ ᱛᱷᱤᱭᱮᱴᱟᱨ ᱨᱮ ᱟᱡᱟᱜ ᱢᱚᱱᱮ ᱞᱟᱜᱟᱣ ᱠᱮᱫᱟ᱾ ᱮᱛᱚᱦᱚᱵ ᱨᱮ ᱩᱱᱤ ᱫᱚ ᱚᱣᱨᱚᱝᱜᱟᱵᱟᱫᱽ ᱨᱮ ᱥᱟᱠᱥᱮᱥᱯᱷᱩᱞ ᱮ ᱛᱟᱦᱮᱸ ᱠᱟᱱᱟ, ᱛᱟᱭᱚᱢ ᱛᱮ ᱩᱱᱤ ᱫᱚ ᱢᱩᱢᱵᱟᱭ ᱮ ᱥᱮᱱ ᱮᱱᱟ᱾
ᱠᱮᱨᱤᱭᱟᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱞᱳᱱᱠᱟᱨ ᱫᱚ ᱟᱡᱟᱜ ᱮᱠᱴᱤᱝ ᱠᱮᱨᱤᱭᱟᱨ ᱵᱟᱲᱛᱤ ᱞᱟᱹᱜᱤᱫ ᱢᱩᱢᱵᱟᱭ ᱮ ᱩᱪᱟᱹᱲ ᱮᱱᱟ᱾ ᱩᱱᱤ ᱫᱚ ᱢᱟᱨᱟᱴᱷᱤ ᱟᱨ ᱦᱤᱱᱫᱤ ᱯᱟᱹᱨᱥᱤ ᱨᱮ ᱟᱭᱢᱟ ᱴᱤᱵᱷᱤ ᱥᱤᱨᱤᱭᱟᱞ ᱨᱮ ᱠᱟᱹᱢᱤ ᱟᱠᱟᱫᱟ᱾ ᱰᱤᱰᱤ ᱥᱟᱦᱭᱟᱫᱽᱨᱤ ᱨᱮ ᱥᱚᱢᱟᱱ ᱧᱩᱛᱩᱢ ᱨᱮᱭᱟᱜ ᱴᱤᱵᱷᱤ ᱥᱳ ᱨᱮ ᱫᱟᱢᱤᱱᱤ ᱟᱜ ᱢᱩᱬ ᱨᱳᱞ ᱠᱷᱮᱞ ᱠᱟᱛᱮ, ᱩᱱᱤ ᱫᱚ ᱱᱚᱣᱟ ᱞᱟᱹᱜᱤᱫ ᱵᱟᱰᱟᱭ ᱧᱟᱢ ᱮᱱᱟ᱾ ᱟᱡᱟᱜ ᱦᱤᱱᱫᱤ ᱴᱤᱵᱷᱤ ᱥᱤᱨᱤᱭᱟᱞ ᱠᱟᱦᱟᱱᱤ ᱱᱟᱦᱤ.... ᱡᱤᱵᱚᱱ ᱦᱟᱭ ᱫᱚ ᱢᱟᱨᱟᱴᱷᱤ ᱨᱮ ᱵᱟᱥᱩᱫᱷᱟ ᱞᱮᱠᱟᱛᱮ ᱨᱤᱢᱮᱰ ᱦᱩᱭ ᱞᱮᱱᱟ᱾ ᱩᱱᱤ ᱫᱚ ᱵᱟᱱᱟᱨ ᱥᱤᱨᱤᱭᱟᱞ ᱨᱮ ᱢᱩᱬ ᱨᱳᱞ ᱮ ᱠᱷᱮᱞ ᱞᱮᱫᱟ᱾ ᱩᱱᱤ ᱫᱚ ᱫᱩᱨᱫᱚᱨᱥᱚᱱ ᱪᱮᱛᱟᱱ ᱨᱮ ᱪᱩᱢᱵᱚᱱ ᱟᱠᱟᱫ ᱯᱩᱭᱞᱩ ᱛᱤᱨᱞᱟᱹᱭ ᱛᱟᱦᱮᱸ ᱠᱟᱱᱟ᱾ ᱩᱱᱤ ᱫᱚ ᱵᱭᱳᱢᱠᱮᱥ ᱵᱟᱠᱥᱤ ᱨᱮᱭᱟᱜ ᱢᱤᱫ ᱮᱯᱤᱥᱳᱰ ᱨᱮ ᱢᱤᱫ ᱵᱷᱮᱢᱯ ᱠᱷᱮᱞ ᱚᱠᱛᱚ ᱪᱩᱢᱵᱚᱱ ᱮ ᱠᱚᱨᱟᱣ ᱞᱮᱫᱟ᱾
ᱴᱤᱵᱷᱤ ᱥᱤᱨᱤᱭᱟᱞ ᱥᱟᱶᱛᱮ, ᱩᱱᱤ ᱫᱚ ᱟᱭᱢᱟ ᱢᱟᱨᱟᱴᱷᱤ ᱟᱨ ᱦᱤᱱᱫᱤ ᱯᱟᱹᱨᱥᱤ ᱯᱷᱤᱞᱢ ᱨᱮ ᱦᱚᱸ ᱠᱟᱹᱢᱤ ᱟᱠᱟᱫᱟ᱾ ᱢᱟᱨᱟᱴᱷᱤ ᱯᱷᱤᱞᱢ ᱵᱷᱮᱴ (᱒᱐᱐᱒) ᱨᱮ ᱥᱩᱫᱷᱟ ᱭᱟᱜ ᱯᱚᱨᱴᱨᱮᱭᱟᱞ, ᱢᱤᱫ ᱟᱭᱳ ᱡᱟᱦᱟᱸᱭ ᱫᱚ ᱟᱡᱟᱜ ᱵᱟᱯᱞᱟ ᱵᱟᱹᱛᱤᱞ ᱛᱟᱭᱚᱢ ᱟᱡ ᱨᱮᱱ ᱦᱚᱯᱚᱱ ᱠᱷᱚᱱ ᱵᱷᱮᱜᱟᱨᱚᱜ ᱠᱟᱱᱟᱭ, ᱱᱚᱣᱟ ᱫᱚ ᱩᱱᱤ ᱟᱣᱟᱨᱰ ᱟᱨ ᱥᱟᱨᱦᱟᱣ ᱮ ᱡᱤᱛᱠᱟᱹᱨ ᱦᱚᱪᱚ ᱟᱫᱮᱭᱟ᱾ ᱩᱱᱤ ᱫᱚ ᱒᱐᱐᱗ ᱯᱷᱤᱞᱢ ᱮᱣᱫᱷᱮ ᱥᱮ ᱟᱟᱵᱷᱟᱞ ᱨᱮ ᱢᱤᱫ ᱦᱩᱰᱤᱧ ᱜᱤᱫᱽᱨᱟᱹ ᱨᱮᱱ ᱟᱭᱳ ᱭᱮ ᱠᱷᱮᱞ ᱞᱮᱫᱟ, ᱡᱟᱦᱟᱸ ᱨᱮ ᱟᱡ ᱨᱮᱱ ᱦᱚᱯᱚᱱ ᱫᱚ ᱟᱡ ᱨᱮᱱ ᱟᱭᱳ ᱵᱟᱵᱟ ᱟᱜ ᱵᱟᱯᱞᱟ ᱵᱟᱹᱛᱤᱞ ᱟᱨ ᱟᱡ ᱮᱸᱜᱟᱛ ᱟᱜ ᱫᱚᱲᱦᱟ ᱵᱟᱯᱞᱟ ᱥᱟᱶ ᱵᱟᱭ ᱡᱚᱲᱟᱣ ᱫᱟᱲᱮᱭᱟᱜ ᱠᱟᱱᱟ᱾ ᱩᱱᱤ ᱫᱚ ᱟᱭᱢᱟ ᱵᱚᱞᱤᱣᱩᱰ ᱯᱷᱤᱞᱢ ᱨᱮ ᱠᱟᱹᱢᱤ ᱟᱠᱟᱫᱟ, ᱱᱚᱣᱟ ᱨᱮ ᱱᱟᱜᱮᱥ ᱠᱩᱠᱩᱱᱩᱨ ᱦᱚᱛᱮᱛᱮ ᱰᱤᱨᱮᱠᱴ ᱟᱠᱟᱱ ᱯᱩᱱᱭᱟᱹ ᱯᱷᱤᱞᱢ ᱦᱚᱸ ᱥᱮᱞᱮᱫ ᱢᱮᱱᱟᱜᱼᱟ ᱡᱮᱞᱮᱠᱟ ᱤᱠᱵᱟᱞ, ᱫᱳᱨ, ᱟᱥᱟᱭᱮᱱ ᱟᱨ ᱢᱳᱰ᱾
ᱩᱱᱤ ᱫᱚ ᱠᱤᱪᱷᱩ ᱢᱟᱨᱟᱴᱷᱤ ᱯᱞᱮᱭ ᱨᱮ ᱦᱚᱸ ᱠᱟᱹᱢᱤ ᱟᱠᱟᱫᱟ᱾
ᱱᱤᱡᱮᱨᱟᱜ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱞᱳᱱᱠᱟᱨ ᱫᱚ ᱢᱟᱨᱟᱴᱷᱤ ᱥᱠᱨᱤᱱᱯᱞᱮ ᱚᱱᱚᱞᱤᱭᱟᱹ ᱯᱨᱚᱥᱟᱱᱛ ᱫᱟᱞᱵᱷᱤ ᱥᱟᱶ ᱵᱟᱯᱞᱟ ᱟᱠᱟᱱᱟ᱾[᱔][᱕]
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ Aparna Nair (23 January 2012). "National Youth Festival starts at Nagpur varsity". The Times of India. Archived from the original on 3 January 2013. Retrieved 20 June 2012.
- ↑ Shabdagandha Kulkarni (7 July 2003). "सक्सेस स्टोरी – प्रतीक्षा लोणकर – मुंबईने संघर्ष शिकवला". Maharashtra Times (in Marathi). Archived from the original on 26 January 2013. Retrieved 21 June 2012.
{{cite news}}: CS1 maint: unrecognized language (link) - ↑ "प्रेक्षकांनीच कंटाळवाण्या मालिका पाहू नयेत". Sakal (in Marathi). 17 January 2012. Archived from the original on 30 November 2012. Retrieved 21 June 2012.
{{cite news}}: CS1 maint: unrecognized language (link) - ↑ "Marriage mantra". Mid-Day. 31 January 2006. Retrieved 21 June 2012.
- ↑ "विवाहसंस्था". Maharashtra Times (in Marathi). 9 March 2012. Archived from the original on 26 August 2014. Retrieved 21 June 2012.
{{cite news}}: CS1 maint: unrecognized language (link)
ᱵᱟᱦᱨᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ᱯᱨᱚᱛᱤᱠᱥᱟ ᱞᱳᱱᱠᱟᱨ (ᱤᱱᱴᱚᱨᱱᱮᱴ ᱢᱩᱵᱷᱤ ᱰᱟᱴᱟᱵᱮᱥ ᱨᱮ)