ᱯᱨᱚᱥᱟᱱᱛᱤ ᱥᱤᱝ

ᱯᱨᱚᱥᱟᱱᱛᱤ ᱥᱤᱝ (ᱡᱟᱱᱟᱢ ᱕ ᱢᱮ ᱑᱙᱘᱔, ᱵᱟᱨᱟᱬᱟᱥᱤ, ᱩᱛᱚᱨ ᱯᱨᱚᱫᱮᱥ) ᱵᱷᱟᱨᱚᱛᱤᱭᱚ ᱡᱟᱹᱛᱤᱭᱟᱹᱨᱤ ᱛᱤᱨᱞᱟᱹ ᱠᱚᱣᱟᱜ ᱵᱟᱥᱠᱮᱴᱵᱚᱞ ᱴᱤᱢ ᱨᱮᱱᱟᱜ ᱢᱤᱫ ᱥᱩᱴᱤᱝ ᱜᱟᱨᱰ ᱠᱟᱱᱟᱭ᱾ ᱩᱱᱤ ᱫᱚ ᱵᱷᱟᱨᱚᱛ ᱨᱮᱱ ᱯᱩᱭᱞᱩ ᱵᱟᱥᱠᱮᱴᱵᱚᱞ ᱠᱷᱮᱞᱚᱸᱰᱤᱭᱟᱹ ᱠᱟᱱᱟᱭ ᱡᱟᱦᱟᱸᱭ ᱫᱚ ᱒᱐᱑᱙ ᱨᱮ ᱡᱟᱹᱛᱤᱭᱟᱹᱨᱤ ᱱᱟᱜᱟᱨᱤᱠ ᱥᱤᱨᱯᱷᱟᱹ ᱯᱚᱫᱽᱢᱚ ᱥᱨᱤ ᱠᱚ ᱪᱟᱞ ᱟᱫᱮᱭᱟ᱾ ᱩᱱᱤ ᱫᱚ ᱒᱐᱑᱗ ᱨᱮ ᱭᱩᱣᱟ ᱢᱟᱢᱞᱟ ᱟᱨ ᱠᱷᱮᱞ ᱢᱟᱢᱞᱟ, ᱵᱷᱟᱨᱚᱛ ᱥᱚᱨᱠᱟᱨ ᱯᱟᱦᱴᱟ ᱠᱷᱚᱱ ᱚᱨᱡᱩᱱ ᱥᱤᱨᱯᱷᱟᱹ ᱥᱟᱶᱛᱮ ᱠᱚ ᱢᱟᱱ ᱥᱚᱢᱟᱱ ᱟᱠᱟᱫᱮᱭᱟ᱾ ᱩᱱᱤ ᱫᱚ ᱩᱛᱚᱨ ᱯᱨᱚᱫᱮᱥ ᱥᱚᱨᱠᱟᱨ ᱯᱟᱦᱴᱟ ᱠᱷᱚᱱ ᱠᱷᱮᱞ ᱴᱚᱴᱷᱟ ᱨᱮ ᱒᱐᱑᱖-᱑᱗ ᱥᱟᱞ ᱨᱮᱱᱟᱜ ᱧᱩᱛᱩᱢᱟᱱ ᱨᱟᱬᱤ ᱞᱚᱠᱥᱢᱤ ᱵᱟᱭ ᱵᱨᱮᱵᱷᱟᱨᱤ ᱥᱤᱨᱯᱷᱟᱹ ᱛᱮᱦᱚᱸ ᱠᱚ ᱢᱟᱱ ᱥᱚᱢᱟᱱ ᱟᱠᱟᱫᱮᱭᱟ᱾

ᱩᱱᱤ ᱫᱚ ᱛᱟᱞᱮᱱᱴ ᱟᱭᱰᱮᱱᱴᱤᱯᱷᱤᱠᱮᱥᱚᱱ ᱮᱱᱰ ᱰᱮᱵᱽᱞᱚᱯᱢᱮᱱᱴ ᱠᱚᱢᱤᱴᱤ ᱒᱐᱒᱔ ᱨᱮᱱ ᱥᱚᱦᱮᱫ ᱠᱟᱱᱟᱭ, ᱠᱷᱮᱞᱳ ᱤᱱᱰᱤᱭᱟ ᱠᱷᱮᱞ ᱢᱟᱢᱞᱟ ᱢᱚᱱᱛᱨᱟᱞᱚᱭ, ᱵᱷᱟᱨᱚᱛ ᱥᱚᱨᱠᱟᱨ ᱯᱟᱦᱴᱟ ᱠᱷᱚᱱ᱾ ᱩᱱᱤ ᱫᱚ ᱒᱐᱒᱔, ᱵᱷᱟᱨᱚᱛ ᱥᱚᱨᱠᱟᱨ ᱨᱮᱱᱟᱜ ᱧᱩᱛᱩᱢᱟᱱ ᱮᱞ ᱤᱱᱰᱤᱭᱟ ᱠᱟᱣᱱᱥᱤᱞ ᱚᱯᱷ ᱥᱯᱳᱨᱴᱥ ᱨᱮᱱ ᱥᱚᱦᱮᱫ ᱠᱟᱱᱟᱭ᱾

ᱯᱨᱚᱥᱟᱱᱛᱤ ᱫᱚ ᱒᱐᱐᱖ ᱠᱚᱢᱚᱱᱣᱮᱞᱛᱷ ᱜᱮᱢᱥ, ᱒᱐᱑᱐ ᱨᱮ ᱪᱤᱱ ᱨᱮᱱᱟᱜ ᱜᱩᱣᱟᱝᱡᱳᱣ ᱨᱮ ᱑᱖ ᱟᱱᱟᱜ ᱮᱥᱤᱭᱟᱱ ᱜᱮᱢᱥ ᱟᱨ ᱒᱐᱑᱔ ᱨᱮ ᱤᱱᱪᱤᱭᱳᱱ ᱨᱮ ᱑᱗ ᱟᱱᱟᱜ ᱮᱥᱤᱭᱟᱱ ᱜᱮᱢᱥ ᱨᱮ ᱡᱟᱹᱛᱤᱭᱟᱹᱨᱤ ᱴᱤᱢ ᱮ ᱨᱮᱯᱨᱮᱡᱮᱱᱴ ᱞᱮᱫᱟ᱾^[᱑]^[᱒] ᱩᱱᱤᱨᱮᱱ ᱢᱤᱥᱨᱟᱛ ᱫᱤᱵᱽᱭᱟ ᱥᱤᱝ, ᱟᱠᱟᱝᱠᱷᱟ ᱥᱤᱝ, ᱟᱨ ᱯᱨᱚᱛᱤᱢᱟ ᱥᱤᱝ, ᱦᱚᱸ ᱵᱷᱟᱨᱚᱛᱤᱭᱚ ᱡᱟᱹᱛᱤᱭᱟᱹᱨᱤ ᱛᱤᱨᱞᱟᱹ ᱠᱚᱣᱟᱜ ᱵᱟᱥᱠᱮᱴᱵᱚᱞ ᱴᱤᱢ ᱨᱮ ᱨᱮᱯᱨᱮᱡᱮᱱᱴ ᱟᱠᱟᱫᱟ᱾ ᱟᱨ ᱢᱤᱫ ᱢᱤᱥᱨᱟᱛ, ᱯᱨᱤᱭᱟᱝᱠᱟ ᱥᱤᱝ, ᱢᱤᱫ ᱡᱟᱹᱛᱤᱭᱟᱹᱨᱤ ᱤᱱᱥᱴᱤᱴᱭᱩᱴ ᱚᱯᱷ ᱥᱯᱳᱨᱴᱥ ᱵᱟᱥᱠᱮᱴᱵᱚᱞ ᱠᱳᱪ ᱠᱟᱱᱟᱭ᱾^[᱓] ᱢᱤᱫ ᱥᱟᱶᱛᱮ ᱩᱱᱠᱩ ᱫᱚ ᱥᱤᱝ ᱢᱤᱥᱨᱟᱛ ᱞᱮᱠᱟᱛᱮ ᱠᱚ ᱵᱟᱰᱟᱭᱚᱜᱼᱟ᱾

ᱠᱷᱮᱞ ᱠᱮᱨᱤᱭᱚᱨ

ᱯᱨᱚᱥᱟᱱᱛᱤ ᱫᱚ ᱒᱐᱐᱒ ᱨᱮ ᱵᱷᱟᱨᱚᱛᱤᱭᱚ ᱛᱤᱨᱞᱟᱹ ᱠᱚᱣᱟᱜ ᱵᱟᱥᱠᱮᱴᱵᱚᱞ ᱴᱤᱢ ᱨᱮᱭ ᱥᱮᱞᱮᱫ ᱞᱮᱱᱟ ᱟᱨ ᱩᱥᱟᱹᱨᱟ ᱜᱮ ᱱᱚᱣᱟ ᱨᱮᱱ ᱠᱟᱯᱴᱟᱱ ᱮ ᱵᱮᱱᱟᱣ ᱮᱱᱟ᱾ ᱩᱱᱤ ᱫᱚ ᱓ ᱟᱱᱟᱜ ᱮᱥᱤᱭᱟᱱ ᱤᱱᱰᱳᱨ ᱜᱮᱢᱥ ᱨᱮ ᱠᱟᱯᱴᱟᱱ ᱞᱮᱠᱟᱛᱮ ᱠᱷᱮᱞ ᱞᱮᱫᱟ ᱡᱟᱦᱟᱸ ᱫᱚ ᱓᱐ ᱚᱠᱴᱚᱵᱚᱨ - ᱘ ᱱᱚᱵᱷᱮᱢᱵᱚᱨ ᱒᱐᱐᱙ ᱨᱮ ᱵᱷᱤᱭᱮᱛᱱᱟᱢ ᱨᱮ ᱦᱩᱭ ᱞᱮᱱ ᱛᱟᱦᱮᱸᱫ ᱡᱟᱦᱟᱸᱨᱮ ᱴᱤᱢ ᱫᱚ ᱨᱩᱯᱟᱹ ᱢᱮᱰᱟᱞ ᱮ ᱡᱤᱛᱠᱟᱹᱨ ᱞᱮᱱᱟ᱾ ᱯᱨᱚᱥᱟᱱᱛᱤ ᱫᱚ ᱒᱐᱑᱑ ᱨᱮ ᱥᱨᱤᱞᱚᱝᱠᱟ ᱨᱮ ᱥᱟᱣᱛᱷ ᱮᱥᱤᱭᱟᱱ ᱵᱤᱪ ᱜᱮᱢᱥ ᱨᱮ ᱥᱚᱱᱟ ᱢᱮᱰᱟᱞ ᱮ ᱡᱤᱛᱠᱟᱹᱨ ᱞᱮᱱᱟ᱾

ᱯᱨᱚᱥᱟᱱᱛᱤ ᱥᱤᱝ ᱫᱚ ᱵᱷᱟᱨᱚᱛ ᱨᱮ ᱡᱟᱹᱥᱛᱤ ᱥᱟᱡᱟᱣ ᱟᱠᱟᱱ ᱛᱤᱨᱞᱟᱹ ᱵᱟᱥᱠᱮᱴᱵᱚᱞ ᱠᱷᱮᱞᱚᱸᱰᱤᱭᱟᱹ ᱠᱟᱱᱟᱭ᱾ ᱩᱱᱤ ᱫᱚ ᱵᱷᱟᱨᱚᱛ ᱨᱮᱱ ᱴᱚᱯ ᱯᱩᱱᱭᱟᱹ ᱮ ᱜᱽᱨᱮᱰ ᱯᱞᱮᱭᱟᱨ ᱠᱷᱚᱱ ᱢᱤᱫ ᱦᱚᱲ ᱠᱟᱱᱟᱭ ᱡᱟᱦᱟᱸᱭ ᱫᱚ ᱵᱟᱥᱠᱮᱴᱵᱚᱞ ᱯᱷᱮᱰᱮᱨᱮᱥᱚᱱ ᱚᱯᱷ ᱤᱱᱰᱤᱭᱟ ᱟᱨ ᱟᱭᱤᱮᱢᱡᱤ-ᱨᱤᱞᱟᱭᱚᱱᱥ ᱦᱚᱛᱮᱛᱮ ᱥᱯᱚᱱᱥᱚᱨ ᱦᱩᱭ ᱟᱠᱟᱱᱟ᱾

ᱩᱱᱤ ᱫᱚ ᱵᱷᱟᱨᱚᱛ ᱨᱮ ᱡᱟᱹᱛᱤᱭᱟᱹᱨᱤ ᱪᱟᱢᱯᱤᱭᱚᱱᱥᱤᱯ, ᱡᱟᱹᱛᱤᱭᱟᱹᱨᱤ ᱜᱮᱢᱥ ᱟᱨ ᱯᱷᱮᱰᱮᱨᱮᱥᱚᱱ ᱠᱟᱯ ᱨᱮ ᱒᱒ ᱜᱚᱴᱟᱝ ᱢᱮᱰᱟᱞ ᱮ ᱡᱤᱛᱠᱟᱹᱨ ᱟᱠᱟᱫᱟ᱾ ᱩᱱᱤ ᱫᱚ ᱢᱤᱫ ᱯᱚᱱᱚᱛ ᱴᱤᱢ ᱞᱟᱹᱜᱤᱫ ᱡᱟᱹᱛᱤᱭᱟᱹᱨᱤ ᱪᱟᱢᱯᱤᱭᱚᱱᱥᱤᱯ ᱨᱮ ᱥᱤᱱᱤᱭᱚᱨ ᱴᱷᱟᱶ ᱨᱮ ᱡᱟᱹᱥᱛᱤ ᱢᱮᱰᱟᱞ ᱢᱮᱱᱟᱜ ᱨᱮᱱᱟᱜ ᱡᱟᱹᱛᱤᱭᱟᱹᱨᱤ ᱨᱮᱠᱚᱨᱰ ᱮ ᱫᱚᱦᱚ ᱟᱠᱟᱫᱟ᱾ ᱩᱱᱤ ᱫᱚ ᱵᱷᱟᱨᱚᱛ ᱨᱮᱱ ᱯᱩᱭᱞᱩ ᱛᱤᱨᱞᱟᱹ ᱵᱟᱥᱠᱮᱴᱵᱚᱞ ᱠᱷᱮᱞᱚᱸᱰᱤᱭᱟᱹ ᱠᱟᱱᱟᱭ ᱡᱟᱦᱟᱸᱭ ᱫᱚ ᱢᱤᱫ ᱒᱐᱐᱖ ᱠᱚᱢᱚᱱᱣᱮᱞᱛᱷ ᱜᱮᱢᱥ ᱟᱨ ᱵᱟᱨᱭᱟ ᱮᱥᱤᱭᱟᱱ ᱜᱮᱢᱥ ᱒᱐᱑᱐, ᱒᱐᱑᱔ ᱨᱮ ᱡᱟᱹᱛᱤᱭᱟᱹᱨᱤ ᱴᱤᱢ ᱨᱮ ᱨᱮᱯᱨᱮᱡᱮᱱᱴ ᱟᱠᱟᱫᱟ᱾

ᱩᱱᱤ ᱫᱚ ᱮᱥᱤᱭᱟᱱ ᱮᱠᱟᱰᱮᱢᱤ ᱚᱯᱷ ᱯᱷᱤᱞᱢ ᱮᱱᱰ ᱴᱮᱞᱤᱵᱤᱡᱚᱱ ᱨᱮᱱᱟᱜ ᱡᱮᱜᱮᱛᱤᱭᱟᱹᱨᱤ ᱛᱤᱨᱞᱟᱹ ᱯᱷᱤᱞᱢ ᱯᱷᱳᱨᱚᱢ ᱨᱮᱱ ᱦᱚᱸ ᱥᱚᱦᱮᱫ ᱠᱟᱱᱟᱭ᱾ ᱯᱨᱚᱥᱟᱱᱛᱤ ᱥᱤᱝ ᱫᱚ ᱵᱷᱟᱨᱚᱛ ᱨᱮᱱ ᱯᱩᱭᱞᱩ ᱟᱨ ᱢᱤᱫ ᱮᱱᱟᱜ ᱵᱟᱥᱠᱮᱴᱵᱚᱞ ᱠᱷᱮᱞᱚᱸᱰᱤᱭᱟᱹ ᱠᱟᱱᱟᱭ ᱡᱟᱦᱟᱸᱭᱟᱜ ᱧᱩᱛᱩᱢ ᱛᱮ ᱵᱤ ᱠᱭᱩᱵᱽ (ᱵᱚᱥᱠᱤ ᱵᱟᱥᱠᱮᱴᱵᱚᱞ ᱵᱟᱱᱟᱨᱟᱥ) ᱧᱩᱛᱩᱢ ᱛᱮ ᱢᱤᱫ ᱰᱳᱠᱭᱩᱢᱮᱱᱴᱟᱨᱤ ᱯᱷᱤᱞᱢ ᱢᱮᱱᱟᱜᱼᱟ ᱡᱟᱦᱟᱸ ᱫᱚ ᱢᱟᱱᱚᱛᱟᱱ ᱥᱚᱛᱭᱚᱡᱤᱛ ᱨᱟᱭ ᱯᱷᱤᱞᱢ ᱯᱷᱮᱥᱴᱤᱵᱷᱮᱞ ᱨᱮ ᱴᱚᱯ ᱑᱙ ᱯᱷᱤᱞᱢ ᱨᱮ ᱵᱟᱪᱷᱟᱣ ᱟᱠᱟᱱᱟ᱾

ᱥᱟᱹᱠᱷᱭᱟᱹᱛ

↑ "Asian Games 2014: Indian women basketball team to fight for fifth position". sportskeeda. 29 September 2014. Retrieved 22 August 2017.
↑ Chakraborty, Amlan. "Singh sisters defy gender bias to excel in basketball". IN (in Indian English). Archived from the original on 5 March 2016. Retrieved 2018-04-28.
↑ "Prashanti Singh on Basketball". 2011-08-04. Retrieved 2018-04-28.

ᱵᱟᱦᱨᱮ ᱡᱚᱱᱚᱲ

Profile at EuroBasket
Official Website Archived ᱒᱐᱒᱓-᱐᱓-᱒᱕ at the Wayback Machine.

[1] "Asian Games 2014: Indian women basketball team to fight for fifth position". sportskeeda. 29 September 2014. Retrieved 22 August 2017.

[2] Chakraborty, Amlan. "Singh sisters defy gender bias to excel in basketball". IN (in Indian English). Archived from the original on 5 March 2016. Retrieved 2018-04-28.

[3] "Prashanti Singh on Basketball". 2011-08-04. Retrieved 2018-04-28.

[᱑]

[᱒]

[᱓]