ᱯᱨᱚᱵᱷᱩ ᱫᱚᱭᱟᱞ ᱥᱤᱝ
| ᱵᱤᱦᱟᱨ ᱵᱤᱫᱷᱟᱱᱥᱚᱵᱷᱟ ᱨᱤᱱᱤᱡ ᱥᱚᱦᱮᱛ (ᱮᱢ.ᱮᱞ.ᱮ) | |
|---|---|
| ᱟᱹᱢᱟᱹᱞᱤ ᱨᱮ ᱑᱙᱘᱕ – ᱑᱙᱙᱐ | |
| ᱵᱟᱪᱷᱱᱟᱣ ᱮᱞᱟᱠᱟ | ᱢᱤᱨᱜᱚᱸᱡᱽ ᱵᱤᱫᱷᱟᱱᱥᱚᱵᱷᱟ ᱵᱟᱪᱷᱱᱟᱣ ᱴᱚᱴᱷᱟ |
| ᱟᱹᱢᱟᱹᱞᱤ ᱨᱮ ᱑᱙᱙᱐ – ᱑᱙᱙᱕ | |
| ᱵᱟᱪᱷᱱᱟᱣ ᱮᱞᱟᱠᱟ | ᱢᱤᱨᱜᱚᱸᱡᱽ ᱵᱤᱫᱷᱟᱱᱥᱚᱵᱷᱟ ᱵᱟᱪᱷᱱᱟᱣ ᱴᱚᱴᱷᱟ |
| ᱟᱹᱢᱟᱹᱞᱤ ᱨᱮ ᱒᱐᱐᱐ – ᱒᱐᱐᱕ | |
| ᱵᱟᱪᱷᱱᱟᱣ ᱮᱞᱟᱠᱟ | ᱢᱤᱨᱜᱚᱸᱡᱽ ᱵᱤᱫᱷᱟᱱᱥᱚᱵᱷᱟ ᱵᱟᱪᱷᱱᱟᱣ ᱴᱚᱴᱷᱟ |
| ᱯᱟᱨᱥᱚᱱᱟᱞ ᱵᱤᱵᱚᱨᱚᱱ | |
| ᱨᱟᱡᱽᱟᱹᱨᱤ ᱫᱚᱞ | ᱡᱚᱱᱛᱟ ᱫᱚᱞ (ᱭᱩᱱᱟᱭᱴᱮᱰ) |
| ᱮᱴᱟᱜ ᱨᱟᱡᱽᱟᱹᱨᱤ ᱥᱟᱹᱜᱟᱹᱭ | ᱨᱟᱥᱴᱨᱤᱭᱚ ᱡᱚᱱᱛᱟ ᱫᱚᱞ ᱥᱤᱧᱚᱛᱤᱭᱟᱹ ᱡᱟᱹᱛᱤᱭᱟᱹᱨᱤ ᱠᱚᱝᱜᱽᱨᱮᱥ ᱥᱚᱢᱚᱛᱟ ᱯᱟᱨᱴᱤ |
| ᱥᱟᱹᱜᱟᱹᱭ | ᱨᱟᱡᱮᱥ ᱥᱤᱝ ᱠᱩᱥᱣᱟᱦᱟ (ᱵᱷᱟᱹᱜᱽᱱᱟᱹ) |
| ᱠᱟᱹᱢᱤ | ᱨᱟᱡᱽᱟᱹᱨᱤᱭᱟᱹ |
ᱯᱨᱚᱵᱷᱩ ᱫᱚᱭᱟᱞ ᱥᱤᱝ ᱫᱚ ᱵᱤᱦᱟᱨ ᱨᱤᱱᱤᱡ ᱢᱤᱫ ᱥᱤᱧᱚᱛᱤᱭᱟᱹ ᱨᱟᱡᱽᱟᱹᱨᱤᱭᱟᱹ ᱛᱟᱦᱮᱸ ᱠᱟᱱᱟᱭ, ᱡᱟᱦᱟᱸᱭ ᱫᱚ ᱵᱤᱦᱟᱨ ᱨᱤᱱᱤᱡ ᱜᱳᱯᱟᱞᱜᱚᱸᱡᱽ ᱦᱚᱱᱚᱛ ᱨᱮᱱᱟᱜ ᱢᱤᱨᱜᱚᱸᱡᱽ ᱵᱤᱫᱷᱟᱱᱥᱚᱵᱷᱟ ᱵᱟᱪᱷᱱᱟᱣ ᱴᱚᱴᱷᱟ ᱠᱷᱚᱱ ᱯᱮ ᱫᱷᱟᱣ ᱵᱤᱦᱟᱨ ᱵᱤᱫᱷᱟᱱᱥᱚᱵᱷᱟ ᱨᱤᱱᱤᱡ ᱥᱚᱦᱮᱛ ᱞᱮᱠᱟᱛᱮᱭ ᱠᱟᱹᱢᱤ ᱟᱠᱟᱫᱼᱟ ᱾ ᱥᱤᱝ ᱫᱚ ᱞᱟᱞᱩ ᱯᱨᱚᱥᱟᱫᱽ ᱭᱟᱫᱚᱵᱽ ᱟᱜ ᱟᱹᱭᱩᱨ ᱛᱮ ᱨᱟᱥᱴᱨᱤᱭᱚ ᱡᱚᱱᱛᱟ ᱫᱚᱞ ᱨᱤᱱᱤᱡ ᱥᱚᱦᱮᱛ ᱮ ᱛᱟᱦᱮᱸ ᱠᱟᱱᱟᱭ ᱟᱨ ᱥᱩᱵᱷᱟᱥ ᱯᱨᱚᱥᱟᱫᱽ ᱭᱟᱫᱚᱵᱽ ᱟᱜ ᱦᱚᱯᱚᱱ ᱮᱨᱟ ᱞᱮᱠᱟᱛᱮᱭ ᱵᱟᱰᱟᱭᱚᱜ ᱠᱟᱱ ᱛᱟᱦᱮᱸᱫ ᱾ ᱥᱤᱝ ᱫᱚ ᱥᱤᱧᱚᱛᱤᱭᱟᱹ ᱡᱟᱹᱛᱤᱭᱟᱹᱨᱤ ᱠᱚᱝᱜᱽᱨᱮᱥ ᱟᱨ ᱥᱚᱢᱚᱛᱟ ᱯᱟᱨᱴᱤ ᱥᱟᱶ ᱮᱴᱟᱜ ᱨᱟᱡᱽᱟᱹᱨᱤ ᱯᱟᱨᱴᱤ ᱨᱤᱱᱤᱡ ᱥᱚᱦᱮᱫ ᱞᱮᱠᱟᱛᱮ ᱦᱚᱸᱭ ᱠᱟᱹᱢᱤ ᱟᱠᱟᱫᱼᱟ ᱾[᱑]
ᱨᱟᱡᱽᱟᱹᱨᱤ ᱠᱟᱹᱢᱤ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱯᱨᱚᱵᱷᱩ ᱫᱚᱭᱟᱞ ᱥᱤᱝ ᱫᱚ ᱵᱤᱦᱟᱨ ᱨᱮᱱᱟᱜ ᱜᱳᱯᱟᱞᱜᱚᱸᱡᱽ ᱦᱚᱱᱚᱛ ᱨᱤᱱᱤᱡ ᱢᱤᱫ ᱵᱟᱥᱤᱱᱫᱟ ᱛᱟᱦᱮᱸ ᱠᱟᱱᱟᱭ ᱟᱨ ᱩᱱᱤ ᱫᱚ ᱢᱤᱨᱜᱚᱸᱡᱽ ᱵᱤᱫᱷᱟᱱᱥᱚᱵᱷᱟ ᱵᱟᱪᱷᱱᱟᱣ ᱴᱚᱴᱷᱟ ᱨᱮᱱᱟᱜ ᱮ ᱩᱫᱩᱜ ᱞᱮᱫᱼᱟ, ᱡᱟᱦᱟᱸ ᱫᱚ ᱒᱐᱑᱐ ᱠᱷᱚᱱ ᱦᱚᱛᱷᱩᱣᱟ ᱵᱤᱫᱷᱟᱱᱥᱚᱵᱷᱟ ᱵᱟᱪᱷᱱᱟᱣ ᱴᱚᱴᱷᱟ ᱧᱩᱛᱩᱢ ᱛᱮ ᱵᱟᱰᱟᱭᱚᱜ ᱠᱟᱱ ᱛᱟᱦᱮᱸᱫ ᱾ ᱥᱤᱝ ᱫᱚ ᱠᱳᱭᱨᱤ ᱡᱟᱹᱛᱤ ᱨᱤᱱᱤᱡ ᱠᱟᱱᱟᱭ ᱟᱨ ᱱᱚᱣᱟ ᱵᱟᱪᱷᱱᱟᱣ ᱴᱚᱴᱷᱟ ᱨᱮ, ᱚᱠᱟᱨᱮ ᱟᱡᱟᱜ ᱡᱟᱹᱛ ᱨᱤᱱ ᱦᱚᱲ ᱠᱚᱣᱟᱜ ᱟᱹᱰᱤ ᱜᱟᱱ ᱦᱚᱲ ᱢᱮᱱᱟᱜ ᱠᱚᱣᱟ, ᱚᱱᱰᱮ ᱩᱱᱤ ᱟᱡᱟᱜ ᱥᱟᱶᱛᱟ ᱨᱮ ᱵᱷᱟᱜᱮ ᱫᱟᱵᱚᱱ ᱛᱟᱦᱮᱸ ᱠᱟᱱᱟ ᱾[᱑] ᱩᱱᱤ ᱫᱚ ᱯᱩᱭᱞᱩ ᱫᱷᱟᱣ ᱑᱙᱘᱕ ᱥᱟᱞ ᱨᱮᱱᱟᱜ ᱵᱤᱦᱟᱨ ᱵᱤᱫᱷᱟᱱᱥᱚᱵᱷᱟ ᱵᱟᱪᱷᱱᱟᱣ ᱨᱮ ᱱᱚᱣᱟ ᱴᱚᱴᱷᱟ ᱠᱷᱚᱱ ᱥᱤᱧᱚᱛᱤᱭᱟᱹ ᱡᱟᱹᱛᱤᱭᱟᱹᱨᱤ ᱠᱚᱝᱜᱽᱨᱮᱥ ᱨᱮᱱᱟᱜ ᱵᱟᱪᱷᱱᱟᱣ ᱪᱤᱱᱦᱟᱹ ᱨᱮ ᱡᱤᱛᱟᱹᱣ ᱮᱱᱟᱭ ᱾ ᱚᱱᱟ ᱛᱟᱭᱚᱢ ᱑᱙᱙᱐ ᱥᱟᱞ ᱨᱮ ᱵᱤᱦᱟᱨ ᱵᱤᱫᱷᱟᱱᱥᱚᱵᱷᱟ ᱵᱟᱪᱷᱱᱟᱣ ᱨᱮ ᱟᱡ ᱫᱚᱥᱟᱨ ᱫᱷᱟᱣ ᱮ ᱡᱤᱛᱠᱟᱹᱨ ᱞᱮᱱᱟ ᱾ ᱑᱙᱘᱕ ᱥᱟᱞ ᱨᱮ ᱩᱱᱤ ᱫᱚ ᱡᱚᱱᱛᱟ ᱫᱚᱞ ᱨᱤᱱᱤᱡ ᱨᱟᱡᱽᱢᱚᱝᱜᱚᱞ ᱢᱤᱥᱨᱟ ᱮ ᱦᱟᱨᱟᱣ ᱞᱮᱫᱮ ᱛᱟᱦᱮᱸᱫ, ᱟᱨ ᱑᱙᱙᱐ ᱥᱟᱞ ᱨᱮ ᱩᱱᱤ ᱫᱚ ᱠᱚᱢᱭᱩᱱᱤᱥᱴ ᱯᱟᱨᱴᱤ ᱚᱯᱷ ᱤᱱᱰᱤᱭᱟ (ᱢᱟᱨᱠᱥᱤᱥᱴ) ᱨᱤᱱᱤᱡ ᱵᱤᱥᱣᱚᱱᱟᱛᱷ ᱥᱤᱝ ᱮ ᱦᱟᱨᱟᱣ ᱞᱮᱫᱮ ᱛᱟᱦᱮᱸᱫ ᱾ ᱑᱙᱙᱕ ᱥᱟᱞ ᱨᱮ ᱵᱤᱦᱟᱨ ᱵᱤᱫᱷᱟᱱᱥᱚᱵᱷᱟ ᱵᱟᱪᱷᱱᱟᱣ ᱨᱮ ᱥᱤᱝ ᱫᱚ ᱥᱤᱧᱚᱛᱤᱭᱟᱹ ᱡᱟᱹᱛᱤᱭᱟᱹᱨᱤ ᱠᱚᱝᱜᱽᱨᱮᱥ ᱨᱤᱱᱤᱡ ᱠᱟᱱᱰᱤᱰᱮᱴ ᱞᱮᱠᱟᱛᱮᱭ ᱵᱚᱞᱚ ᱞᱮᱱ ᱛᱟᱦᱮᱸᱫ, ᱢᱮᱱᱠᱷᱟᱱ ᱱᱚᱣᱟ ᱨᱮ ᱩᱱᱤ ᱫᱚ ᱢᱚᱠᱯᱟ ᱨᱤᱱᱤᱡ ᱵᱤᱥᱣᱚᱱᱟᱛᱷ ᱥᱤᱝ ᱴᱷᱮᱱ ᱠᱷᱚᱱ ᱮ ᱦᱟᱨᱟᱣ ᱮᱱᱟ ᱾ ᱢᱮᱱᱠᱷᱟᱱ, ᱒᱐᱐᱐ ᱥᱟᱞ ᱨᱮᱱᱟᱜ ᱵᱤᱦᱟᱨ ᱵᱤᱫᱷᱟᱱᱥᱚᱵᱷᱟ ᱵᱟᱪᱷᱱᱟᱣ ᱨᱮ ᱩᱱᱤ ᱫᱚ ᱛᱮᱥᱟᱨ ᱫᱷᱟᱣ ᱡᱤᱛᱠᱟᱹᱨ ᱠᱟᱛᱮ ᱱᱚᱣᱟ ᱴᱷᱟᱶ ᱫᱚᱦᱚᱭ ᱨᱮ ᱠᱚ ᱜᱚᱲᱚ ᱞᱮᱫᱮᱭᱟ ᱾ ᱱᱩᱭ ᱫᱚ ᱥᱚᱢᱚᱛᱟ ᱯᱟᱨᱴᱤ ᱨᱮᱭᱟᱜ ᱵᱟᱪᱷᱱᱟᱣ ᱪᱤᱱᱦᱟᱹ ᱨᱮᱭ ᱵᱟᱪᱷᱚᱱ ᱞᱮᱱᱟ ᱾[᱒]
ᱥᱤᱝ ᱫᱚ ᱒᱐᱐᱔ ᱥᱟᱞ ᱨᱮ ᱞᱳᱠᱥᱚᱵᱷᱟ ᱵᱟᱪᱷᱱᱟᱣ ᱨᱮ ᱦᱚᱸᱭ ᱞᱟᱹᱲᱦᱟᱹᱭ ᱞᱮᱱᱟ ᱛᱟᱦᱮᱸᱫ ᱾ ᱜᱳᱯᱟᱞᱜᱚᱸᱡᱽ ᱞᱳᱠᱥᱚᱵᱷᱟ ᱵᱟᱪᱷᱱᱟᱣ ᱴᱚᱴᱷᱟ ᱠᱷᱚᱱ ᱵᱟᱪᱷᱱᱟᱣ ᱮᱱᱟᱭ, ᱡᱟᱦᱟᱸ ᱫᱚ ᱥᱤᱰᱭᱩᱞ ᱡᱟᱹᱛᱤ ᱦᱚᱲ ᱠᱚ ᱞᱟᱹᱜᱤᱫ ᱮ ᱫᱚᱦᱚ ᱞᱮᱫ ᱛᱟᱦᱮᱸᱫ ᱾ ᱩᱱᱤ ᱫᱚ ᱡᱚᱱᱛᱟ ᱫᱚᱞ (ᱭᱩᱱᱟᱭᱴᱮᱰ) ᱨᱮᱱᱟᱜ ᱵᱟᱪᱷᱱᱟᱣ ᱪᱤᱱᱦᱟᱹ ᱨᱮ ᱞᱟᱞᱩ ᱯᱨᱚᱥᱟᱫᱽ ᱭᱟᱫᱚᱵᱽ ᱤᱡ ᱥᱟᱸᱜᱟᱛ ᱠᱚᱲᱟ ᱥᱟᱫᱷᱩ ᱭᱟᱫᱚᱵᱽ ᱵᱤᱨᱩᱫᱷ ᱨᱮ ᱞᱟᱹᱲᱦᱟᱹᱭ ᱮᱱᱟ ᱾ ᱢᱮᱱᱠᱷᱟᱱ ᱩᱱᱤ ᱫᱚ ᱦᱟᱨᱟᱣ ᱮᱱᱟᱭ ᱾[᱓]
᱒᱐᱐᱘ ᱥᱟᱞ ᱨᱮ ᱩᱱᱤ ᱫᱚ ᱟᱭᱢᱟ ᱫᱤᱱ ᱫᱷᱟᱹᱨᱤᱡ ᱟᱡᱟᱨ ᱠᱟᱛᱮᱭ ᱵᱚᱸᱜᱟ ᱛᱟᱞᱟᱭᱮᱱᱟ ᱾[᱔] ᱥᱤᱝ ᱤᱡ ᱵᱷᱟᱹᱜᱽᱱᱟᱹ ᱨᱟᱡᱮᱥ ᱥᱤᱝ ᱠᱩᱥᱣᱟᱦᱟ ᱫᱚ ᱨᱟᱥᱴᱨᱤᱭᱚ ᱡᱚᱱᱛᱟ ᱫᱚᱞ ᱨᱤᱱᱤᱡ ᱥᱚᱦᱮᱛ ᱠᱟᱱᱟᱭ ᱟᱨ ᱜᱳᱯᱟᱞᱜᱚᱸᱡᱽ ᱨᱮ ᱨᱟᱡᱟᱫᱽ ᱟᱜ ᱦᱚᱱᱚᱛ ᱭᱩᱱᱤᱴ ᱨᱤᱱᱤᱡ ᱯᱟᱨᱥᱮᱛ ᱞᱮᱠᱟᱛᱮᱭ ᱛᱟᱦᱮᱸ ᱠᱟᱱᱟ ᱾ ᱒᱐᱒᱐ ᱥᱟᱞ ᱨᱮᱱᱟᱜ ᱵᱤᱦᱟᱨ ᱵᱤᱫᱷᱟᱱᱥᱚᱵᱷᱟ ᱵᱟᱪᱷᱱᱟᱣ ᱨᱮ, ᱩᱱᱤ ᱫᱚ ᱢᱤᱨᱜᱚᱸᱡᱽ-ᱦᱟᱛᱷᱩᱣᱟ ᱵᱤᱫᱷᱟᱱᱥᱚᱵᱷᱟ ᱵᱟᱪᱷᱱᱟᱣ ᱴᱚᱴᱷᱟ ᱠᱷᱚᱱ ᱯᱩᱱ ᱫᱷᱟᱣ ᱵᱤᱫᱷᱟᱱ ᱥᱚᱵᱷᱟ ᱥᱚᱦᱮᱛ ᱛᱟᱦᱮᱸᱱ ᱡᱚᱱᱛᱟ ᱫᱚᱞ (ᱭᱩᱱᱟᱭᱴᱮᱰ) ᱨᱤᱱᱤᱡ ᱨᱟᱢ ᱥᱮᱵᱚᱠ ᱥᱤᱝ ᱠᱩᱥᱣᱟᱦᱟ ᱫᱚ ᱦᱟᱨᱟᱣ ᱠᱟᱛᱮ ᱯᱩᱭᱞᱩ ᱫᱷᱟᱣ ᱵᱤᱫᱷᱟᱱᱥᱚᱵᱷᱟ ᱥᱚᱦᱮᱛ ᱮ ᱵᱮᱱᱟᱣ ᱮᱱᱟ ᱾[᱕][᱖]
ᱟᱨᱦᱚᱸ ᱧᱮᱞ ᱢᱮ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- 1 2 "LALOO CAUGHT IN THREE-WAY TICKET TUSSLE". The Telegraph. Retrieved 4 May 2024.
The argument of Prabhu Dayal, a Koiri leader, is that he could win the seat on the strength of Koiri votes. There are about 1.75 lakh Koiri voters in the constituency, which borders Uttar Pradesh.
- ↑ "लालू प्रसाद यादव के पैतृक गांव की इस सीट कभी नहीं जीता RJD का उम्मीदवार, अब जेडीयू का है दबदबा". Aajtak. 6 October 2020. Archived from the original on 2023-02-21. Retrieved 4 May 2024.
- ↑ "Caste arithmetic at play as JD(U), RJD set to slug it out in Gopalganj". The Times of India. 10 May 2019. Archived from the original on 4 May 2024. Retrieved 4 May 2024.
- ↑ "Three-time MLA dead". Hindustan Times. Archived from the original on 4 May 2024. Retrieved 4 May 2024.
- ↑ "Bihar Election: लालू के 'घर' में ही अब तक एक बार भी नहीं जीत सका है राजद, 35 साल से जीत के इंतजार में कांग्रेस". Jansatta. October 2020. Archived from the original on 2022-08-20. Retrieved 2024-05-04.
- ↑ "ग्राउंड रिपोर्ट: लालू के पैतृक गांव पहुंचा ईटीवी भारत, यहां हर चेहरा दिखा उदास". 18 October 2020. Archived from the original on 2020-11-01. Retrieved 2024-05-04.