ᱯᱨᱤᱭᱟᱢᱟᱱᱤ

ᱯᱨᱤᱭᱟ ᱢᱟᱱᱤ ᱨᱟᱡᱽ^[᱑]^[᱒]^[᱓] (ᱡᱟᱱᱟᱢ ᱧᱩᱛᱩᱢ ᱫᱚ ᱟᱭᱭᱟᱨ; ᱡᱟᱱᱟᱢ ᱔ ᱡᱩᱱ ᱑᱙᱘᱔^[᱔]^[᱕]), ᱡᱟᱦᱟᱸᱭ ᱫᱚ ᱯᱨᱚᱯᱷᱮᱥᱚᱱᱟᱞ ᱞᱮᱠᱟᱛᱮ ᱯᱨᱤᱭᱟᱢᱟᱱᱤ ᱧᱩᱛᱩᱢ ᱛᱮ ᱵᱟᱰᱟᱭᱚᱜ ᱠᱟᱱᱟ, ᱢᱤᱫ ᱵᱷᱟᱨᱚᱛᱤᱭᱚ ᱮᱠᱴᱨᱮᱥ ᱠᱟᱱᱟᱭ, ᱡᱟᱦᱟᱸᱭ ᱫᱚ ᱛᱮᱞᱩᱜᱩ, ᱛᱟᱢᱤᱞ, ᱢᱟᱞᱟᱭᱟᱞᱚᱢ, ᱦᱤᱱᱫᱤ ᱟᱨ ᱠᱟᱱᱱᱟᱲᱟ ᱯᱷᱤᱞᱢ ᱨᱮ ᱠᱟᱹᱢᱤ ᱟᱭ᱾ ᱩᱱᱤ ᱫᱚ ᱢᱤᱫ ᱡᱟᱹᱛᱤᱭᱟᱹᱨᱤ ᱯᱷᱤᱞᱢ ᱟᱣᱟᱨᱰ, ᱯᱮᱭᱟ ᱯᱷᱤᱞᱢᱯᱷᱮᱭᱟᱨ ᱟᱣᱟᱨᱰᱥ ᱥᱟᱣᱛᱷ ᱟᱨ ᱢᱤᱫ ᱛᱟᱢᱤᱞᱱᱟᱰᱩ ᱯᱚᱱᱚᱛ ᱯᱷᱤᱞᱢ ᱟᱣᱟᱨᱰ ᱮ ᱧᱟᱢ ᱟᱠᱟᱫᱟ᱾

ᱯᱨᱤᱭᱟᱢᱟᱱᱤ ᱫᱚ ᱒᱐᱐᱓ ᱨᱮᱭᱟᱜ ᱛᱮᱞᱩᱜᱩ ᱯᱷᱤᱞᱢ ᱮᱣᱟᱨᱮ ᱟᱴᱟᱜᱟᱰᱩ ᱥᱟᱶ ᱟᱡᱟᱜ ᱠᱮᱨᱤᱭᱚᱨ ᱮ ᱮᱛᱚᱦᱚᱵ ᱞᱮᱫᱟ᱾ ᱩᱱᱤ ᱫᱚ ᱨᱟᱢ (᱒᱐᱐᱙), ᱯᱩᱛᱷᱤᱭᱟ ᱢᱩᱠᱷᱟᱢ (᱒᱐᱐᱙), ᱨᱟᱣᱟᱱᱟᱱ (᱒᱐᱑᱐), ᱟᱨ ᱯᱨᱟᱱᱪᱤᱭᱮᱴᱴᱟᱱ ᱮᱱᱰ ᱫᱟ ᱥᱮᱱᱴ (᱒᱐᱑᱐) ᱨᱮ ᱠᱟᱹᱢᱤ ᱟᱠᱟᱫᱟ᱾ ᱩᱱᱤ ᱫᱚ ᱛᱟᱢᱤᱞ ᱨᱚᱢᱟᱱᱴᱤᱠ ᱰᱨᱟᱢᱟ ᱯᱟᱨᱩᱛᱷᱤᱵᱷᱤᱨᱟᱱ (᱒᱐᱐᱗) ᱨᱮ ᱢᱤᱫ ᱨᱮᱯ ᱨᱮᱱᱟᱜ ᱥᱤᱠᱟᱨ ᱮᱱᱮᱡ ᱠᱟᱛᱮ ᱧᱩᱛᱩᱢ ᱮ ᱠᱟᱢᱟᱣ ᱞᱮᱫᱟ, ᱡᱟᱦᱟᱸ ᱫᱚ ᱩᱱᱤ ᱫᱚ ᱵᱮᱥᱴ ᱮᱠᱴᱨᱮᱥ ᱞᱟᱹᱜᱤᱫ ᱡᱟᱹᱛᱤᱭᱟᱹᱨᱤ ᱯᱷᱤᱞᱢ ᱟᱣᱟᱨᱰ ᱟᱨ ᱯᱷᱤᱞᱢᱯᱷᱮᱭᱟᱨ ᱟᱣᱟᱨᱰ ᱯᱷᱚᱨ ᱵᱮᱥᱴ ᱮᱠᱴᱨᱮᱥ – ᱛᱟᱢᱤᱞ ᱮ ᱧᱟᱢ ᱞᱮᱫᱟ᱾ ᱩᱱᱤ ᱫᱚ ᱛᱷᱤᱨᱟᱠᱠᱟᱛᱷᱟ (᱒᱐᱐᱘) ᱞᱟᱹᱜᱤᱫ ᱯᱷᱤᱞᱢᱯᱷᱮᱭᱟᱨ ᱟᱣᱟᱨᱰ ᱯᱷᱚᱨ ᱵᱮᱥᱴ ᱮᱠᱴᱨᱮᱥ – ᱢᱟᱞᱟᱭᱟᱞᱚᱢ ᱟᱨ ᱪᱟᱨᱩᱞᱟᱛᱷᱟ (᱒᱐᱑᱒) ᱞᱟᱹᱜᱤᱫ ᱯᱷᱤᱞᱢᱯᱷᱮᱭᱟᱨ ᱟᱣᱟᱨᱰ ᱯᱷᱚᱨ ᱵᱮᱥᱴ ᱮᱠᱴᱨᱮᱥ – ᱠᱟᱱᱱᱟᱲᱟ ᱦᱚᱸ ᱮ ᱡᱤᱛᱠᱟᱹᱨ ᱟᱠᱟᱱᱟ᱾ ᱩᱱᱤ ᱫᱚ ᱤᱫᱚᱞᱞᱮ ᱨᱟᱢᱟᱭᱟᱱᱟ (᱒᱐᱑᱖), ᱡᱟᱣᱟᱱ (᱒᱐᱒᱓) ᱟᱨ ᱟᱨᱴᱤᱠᱤᱞ ᱓᱗᱐ (᱒᱐᱒᱔) ᱨᱮ ᱦᱚᱸ ᱠᱟᱹᱢᱤ ᱟᱠᱟᱫᱟ᱾

ᱮᱛᱚᱦᱚᱵ ᱡᱤᱭᱚᱱ

ᱯᱨᱤᱭᱟᱢᱟᱱᱤ ᱫᱚ ᱵᱟᱝᱜᱟᱞᱳᱨ, ᱠᱚᱨᱱᱟᱴᱚᱠ ᱨᱮ ᱢᱤᱫ ᱛᱟᱢᱤᱞ ᱯᱟᱞᱟᱠᱠᱟᱰ ᱟᱭᱭᱟᱨ ᱜᱷᱟᱨᱚᱸᱡᱽ ᱨᱮ ᱡᱟᱱᱟᱢ ᱟᱨ ᱦᱟᱨᱟ ᱵᱩᱨᱩ ᱟᱠᱟᱱᱟ᱾ ᱟᱡ ᱵᱟᱵᱟ, ᱵᱟᱥᱩᱫᱮᱵᱟᱱ ᱢᱟᱱᱤ ᱟᱭᱭᱟᱨ, ᱢᱤᱫ ᱯᱞᱟᱱᱴᱮᱥᱚᱱ ᱵᱮᱯᱟᱨ ᱨᱮᱱᱟᱜ ᱢᱟᱹᱞᱤᱠ ᱠᱟᱱᱟᱭ ᱟᱨ ᱟᱡ ᱮᱸᱜᱟᱛ, ᱢᱟᱨᱮ ᱡᱟᱹᱛᱤᱭᱟᱹᱨᱤ ᱞᱮᱵᱮᱞ ᱵᱮᱰᱢᱤᱱᱴᱚᱱ ᱠᱷᱮᱞᱚᱸᱰᱤᱭᱟᱹ, ᱞᱟᱛᱷᱟᱢᱟᱱᱤ ᱟᱭᱭᱟᱨ, ᱭᱩᱱᱤᱭᱚᱱ ᱵᱮᱸᱠ ᱚᱯᱷ ᱤᱱᱰᱤᱭᱟ ᱨᱮ ᱢᱤᱫ ᱵᱮᱸᱠ ᱢᱮᱱᱮᱡᱚᱨ ᱮ ᱛᱟᱦᱮᱸ ᱠᱟᱱᱟ᱾ ᱩᱱᱤ ᱫᱚ ᱟᱡᱟᱜ ᱟᱥᱲᱟ ᱥᱮᱨᱢᱟ ᱨᱮ ᱠᱟᱧᱪᱤᱯᱩᱨᱚᱢ ᱥᱤᱞᱠ, ᱤᱨᱚᱰ ᱵᱷᱟᱨᱟᱱᱤ ᱥᱤᱞᱠᱥ ᱟᱨ ᱞᱚᱠᱷᱢᱤ ᱥᱤᱞᱠᱥ ᱞᱟᱹᱜᱤᱫ ᱢᱚᱰᱮᱞᱤᱝ ᱮ ᱠᱚᱨᱟᱣ ᱞᱮᱫᱟ᱾ ᱡᱚᱠᱷᱚᱱ ᱩᱱᱤ ᱫᱚ ᱑᱒ ᱟᱱᱟᱜ ᱥᱴᱮᱱᱰᱟᱨᱰ ᱨᱮ ᱛᱟᱦᱮᱸ ᱠᱟᱱᱟ, ᱛᱚᱠᱷᱚᱱ ᱛᱟᱢᱤᱞ ᱰᱤᱨᱮᱠᱴᱚᱨ ᱵᱷᱟᱨᱚᱛᱤᱨᱟᱡᱟ ᱩᱱᱤ ᱫᱚ ᱯᱷᱤᱞᱢ ᱤᱱᱰᱚᱥᱴᱨᱤ ᱥᱟᱶ ᱮ ᱩᱯᱨᱩᱢ ᱞᱮᱫᱮᱭᱟ᱾ ᱟᱥᱲᱟ ᱨᱮ ᱛᱟᱦᱮᱸ ᱠᱟᱛᱮ, ᱩᱱᱤ ᱫᱚ ᱮᱠᱥᱴᱨᱟᱠᱚᱨᱤᱠᱩᱞᱟᱨ ᱮᱠᱴᱤᱵᱷᱤᱴᱤᱥ ᱟᱨ ᱠᱷᱮᱞᱚᱸᱰ ᱨᱮ ᱟᱹᱰᱤ ᱜᱚᱨᱚᱡᱽ ᱮ ᱛᱟᱦᱮᱸ ᱠᱟᱱᱟ᱾ ᱩᱱᱤ ᱫᱚ ᱠᱟᱨᱱᱟᱴᱤᱠ ᱵᱷᱚᱠᱟᱞᱤᱥᱴ, ᱠᱟᱢᱟᱞᱟ ᱠᱟᱭᱞᱟᱥ ᱤᱡ ᱜᱚᱲᱚᱢ ᱠᱩᱲᱤ ᱠᱟᱱᱟᱭ᱾ ᱩᱱᱤ ᱫᱚ ᱯᱷᱤᱞᱢ ᱮᱠᱴᱨᱮᱥ, ᱵᱤᱫᱽᱭᱟ ᱵᱟᱞᱟᱱ ᱤᱡ ᱠᱟᱹᱠᱤ ᱠᱩᱲᱤ ᱟᱨ ᱯᱞᱮᱵᱮᱠ ᱥᱮᱨᱮᱧᱤᱭᱟᱹ, ᱢᱟᱞᱜᱩᱰᱤ ᱥᱩᱵᱷᱟ ᱤᱡ ᱵᱷᱟᱹଣᱡᱤ ᱠᱟᱱᱟᱭ᱾^[᱖]

ᱯᱨᱤᱭᱟᱢᱟᱱᱤ ᱫᱚ ᱥᱨᱤ ᱚᱨᱚᱵᱤᱱᱫᱚ ᱢᱮᱢᱳᱨᱤᱭᱟᱞ ᱟᱥᱲᱟ, ᱵᱮᱝᱜᱟᱞᱩᱨᱩ ᱟᱨ ᱚᱱᱟ ᱛᱟᱭᱚᱢ ᱵᱤᱥᱚᱯ ᱠᱚᱴᱚᱱ ᱣᱤᱢᱮᱱᱥ ᱠᱨᱤᱥᱴᱤᱭᱟᱱ ᱠᱚᱞᱮᱡᱽ, ᱵᱮᱝᱜᱟᱞᱩᱨᱩ ᱨᱮ ᱥᱮᱪᱮᱫ ᱮ ᱦᱟᱛᱟᱣ ᱞᱮᱫᱟ᱾ ᱟᱡᱟᱜ ᱟᱥᱲᱟ ᱥᱮᱪᱮᱫ ᱯᱩᱨᱟᱹᱣ ᱠᱟᱛᱮ, ᱩᱱᱤ ᱫᱚ ᱯᱨᱤᱸᱴ ᱮᱰᱵᱷᱟᱨᱴᱟᱭᱤᱡᱽᱢᱮᱱᱴ ᱞᱟᱹᱜᱤᱫ ᱢᱚᱰᱮᱞᱤᱝ ᱮ ᱠᱚᱨᱟᱣ ᱞᱮᱫᱟ᱾ ᱤᱱᱟᱹ ᱛᱟᱭᱚᱢ ᱩᱱᱤ ᱫᱚ ᱠᱚᱨᱮᱥᱯᱚᱱᱰᱮᱱᱥ ᱦᱚᱛᱮᱛᱮ ᱥᱟᱭᱠᱳᱞᱳᱡᱤ ᱨᱮ ᱵᱮᱪᱞᱚᱨ ᱚᱯᱷ ᱟᱨᱴᱥ ᱨᱮᱱᱟᱜ ᱰᱤᱜᱽᱨᱤ ᱮ ᱦᱟᱛᱟᱣ ᱞᱮᱫᱟ᱾ ᱩᱱᱤ ᱫᱚ ᱤᱝᱞᱤᱥ, ᱛᱟᱢᱤᱞ, ᱢᱟᱞᱟᱭᱟᱞᱚᱢ, ᱠᱟᱱᱱᱟᱲᱟ, ᱛᱮᱞᱩᱜᱩ ᱟᱨ ᱦᱤᱱᱫᱤ ᱯᱟᱹᱨᱥᱤ ᱠᱚ ᱟᱹᱰᱤ ᱱᱟᱯᱟᱭ ᱛᱮ ᱨᱚᱲ ᱫᱟᱲᱮᱭᱟᱜᱼᱟ᱾ ᱰᱤᱨᱮᱠᱴᱚᱨ ᱯᱷᱟᱡᱤᱞ ᱩᱱᱤ ᱥᱟᱶ ᱮ ᱥᱮᱴᱮᱨ ᱞᱮᱱᱟ, ᱟᱨ ᱩᱱᱤ ᱫᱚ ᱟᱡᱟᱜ ᱵᱚᱨᱰ ᱵᱤᱱᱤᱰ ᱢᱟᱬᱟᱝ ᱨᱮ ᱚᱱᱟ ᱚᱯᱷᱟᱨ ᱮ ᱵᱟᱹᱜᱤ ᱞᱮᱫᱟ ᱟᱨ ᱢᱩᱪᱟᱹᱫ ᱨᱮ ᱩᱱᱤ ᱫᱚ ᱛᱟᱢᱤᱞ ᱯᱷᱤᱞᱢ ᱨᱮ ᱯᱩᱭᱞᱩ ᱫᱷᱟᱣ ᱮ ᱮᱱᱮᱡ ᱞᱮᱫᱟ᱾^[᱗]

ᱥᱟᱹᱠᱷᱭᱟᱹᱛ

↑ "Priyamani Raj: Look forward to expanding career in Hindi film industry". The Statesman. 13 May 2020.
↑ "Priyamani likes to live life simple". The New Indian Express. 8 February 2024.
↑ "Priyamani Canchannel Media interview".
↑ P.K. Ajith Kumar (13 June 2008). "Director's actor". The Hindu. Retrieved 19 April 2016.
↑ "Birthday Exclusive: Priyamani". Deccan Chronicle. Archived from the original on 21 September 2016. Retrieved 19 April 2016.
↑ "Not going to ask Vidya Balan for advice: Priyamani". Deccan Chronicle. Archived from the original on 12 May 2012. Retrieved 18 May 2012.
↑ "Candid eye candy". India Today (in ᱟᱝᱜᱽᱨᱮᱡᱤ). 12 February 2011. Retrieved 2023-09-17.

ᱵᱟᱦᱨᱮ ᱡᱚᱱᱚᱲ

ᱯᱨᱤᱭᱟᱢᱟᱱᱤ (ᱤᱱᱴᱚᱨᱱᱮᱴ ᱢᱩᱵᱷᱤ ᱰᱟᱴᱟᱵᱮᱥ ᱨᱮ)
ᱤᱱᱥᱴᱟᱜᱨᱟᱢ ᱨᱮ ᱯᱨᱤᱭᱟᱢᱟᱱᱤ

[1] "Priyamani Raj: Look forward to expanding career in Hindi film industry". The Statesman. 13 May 2020.

[2] "Priyamani likes to live life simple". The New Indian Express. 8 February 2024.

[Priyamani_interview_CANCHANNELMEDIA-3] "Priyamani Canchannel Media interview".

[The_Hindu.com-4] P.K. Ajith Kumar (13 June 2008). "Director's actor". The Hindu. Retrieved 19 April 2016.

[5] "Birthday Exclusive: Priyamani". Deccan Chronicle. Archived from the original on 21 September 2016. Retrieved 19 April 2016.

[6] "Not going to ask Vidya Balan for advice: Priyamani". Deccan Chronicle. Archived from the original on 12 May 2012. Retrieved 18 May 2012.

[7] "Candid eye candy". India Today (in ᱟᱝᱜᱽᱨᱮᱡᱤ). 12 February 2011. Retrieved 2023-09-17.

[᱑]

[᱒]

[᱓]

[᱔]

[᱕]

[᱖]

[᱗]