ᱯᱨᱮᱨᱱᱟ ᱵᱷᱟᱢᱵᱽᱨᱤ

ᱯᱨᱮᱨᱱᱟ ᱵᱷᱟᱢᱵᱽᱨᱤ (ᱡᱟᱱᱟᱢ ᱑᱒ ᱥᱮᱯᱴᱮᱢᱵᱚᱨ ᱑᱙᱙᱒) ᱫᱚ ᱢᱤᱫ ᱵᱷᱟᱨᱚᱛᱤᱭᱚ ᱢᱟᱨᱮ ᱴᱮᱱᱤᱥ ᱠᱷᱮᱞᱚᱸᱰᱤᱭᱟᱹ ᱠᱟᱱᱟᱭ᱾ ᱯᱨᱮᱨᱱᱟ ᱵᱷᱟᱢᱵᱽᱨᱤ ᱫᱚ ᱞᱮᱛᱟᱲ ᱯᱩᱱ ᱫᱷᱟᱣ ᱚᱞ ᱤᱱᱰᱤᱭᱟ ᱱᱮᱥᱱᱟᱞ ᱴᱮᱱᱤᱥ ᱪᱟᱢᱯᱤᱭᱟᱱᱥᱤᱯ ᱡᱤᱛᱠᱟᱹᱨᱚᱜ ᱨᱮᱱᱟᱜ ᱨᱮᱠᱚᱨᱰ ᱫᱚᱦᱚ ᱟᱠᱟᱫᱟ, ᱟᱨ ᱒᱐᱑᱙ ᱨᱮ ᱫᱚᱥᱟᱨ ᱴᱷᱟᱶ ᱨᱮᱭ ᱛᱟᱦᱮᱸ ᱠᱟᱱᱟ᱾ ᱩᱱᱤ ᱫᱚ ᱥᱤᱧᱚᱛ ᱨᱤᱱᱤᱡ ᱢᱟᱨᱮ ᱫᱤᱥᱚᱢ ᱜᱚᱢᱠᱮ ᱥᱨᱤᱢᱟᱹᱛᱤ ᱯᱨᱚᱛᱤᱵᱷᱟ ᱯᱟᱴᱤᱞ ᱴᱷᱮᱱ ᱠᱷᱚᱱ ᱠᱷᱮᱞᱚᱸᱰ ᱨᱮ ᱥᱚᱨᱮᱥ ᱞᱟᱹᱜᱤᱫ ᱥᱤᱨᱯᱷᱟᱹ ᱮ ᱧᱟᱢ ᱟᱠᱟᱫᱟ᱾

ᱠᱮᱨᱤᱭᱚᱨ

ᱟᱱᱠᱤᱛᱟ ᱨᱟᱭᱱᱟ ᱫᱚ ᱥᱚᱱᱟ ᱢᱮᱰᱟᱞ ᱮ ᱡᱤᱛᱠᱟᱹᱨ ᱞᱮᱱᱟ ᱟᱨ ᱯᱨᱮᱨᱱᱟ ᱵᱷᱟᱢᱵᱽᱨᱤ (ᱵᱟᱱᱟᱨ ᱥᱤᱧᱚᱛ) ᱫᱚ ᱑᱒ ᱟᱱᱟᱜ ᱮᱛᱚᱢ ᱮᱥᱤᱭᱟᱱ ᱠᱷᱮᱞᱚᱸᱰ ᱒᱐᱑᱖ ᱨᱮ ᱑᱐ ᱯᱷᱮᱵᱽᱨᱩᱣᱟᱨᱤ ᱒᱐᱑᱖ ᱨᱮ ᱜᱩᱣᱟᱦᱟᱴᱤ ᱨᱮ ᱛᱤᱨᱞᱟᱹ ᱠᱚᱣᱟᱜ ᱥᱤᱝᱜᱮᱞᱥ ᱨᱮ ᱨᱩᱯᱟᱹ ᱢᱮᱰᱟᱞ ᱮ ᱡᱤᱛᱠᱟᱹᱨ ᱞᱮᱱᱟ᱾

ᱵᱷᱟᱢᱵᱽᱨᱤ ᱫᱚ ᱞᱮᱛᱟᱲ ᱯᱩᱱ ᱫᱷᱟᱣ ᱚᱞ ᱤᱱᱰᱤᱭᱟ ᱱᱮᱥᱱᱟᱞ ᱴᱮᱱᱤᱥ ᱪᱟᱢᱯᱤᱭᱟᱱᱥᱤᱯ ᱡᱤᱛᱠᱟᱹᱨᱚᱜ ᱨᱮᱱᱟᱜ ᱨᱮᱠᱚᱨᱰ ᱫᱚᱦᱚ ᱟᱠᱟᱫᱟ᱾

ᱩᱱᱤ ᱫᱚ ᱒᱐ ᱡᱩᱱ ᱒᱐᱑᱖ ᱨᱮ ᱧᱟᱢ ᱟᱠᱟᱱ ᱡᱮᱜᱮᱛ ᱨᱮ ᱱᱚᱢᱵᱚᱨ ᱓᱕᱘ ᱨᱮᱭᱟᱜ ᱠᱮᱨᱤᱭᱚᱨ-ᱪᱮᱛᱟᱱ ᱥᱤᱝᱜᱮᱞᱥ ᱨᱮᱝᱠᱤᱝ ᱢᱮᱱᱟᱜ ᱛᱟᱭᱟ᱾ ᱵᱷᱟᱢᱵᱽᱨᱤ ᱫᱚ ᱟᱭᱤᱴᱤᱮᱯᱷ ᱛᱤᱨᱞᱟᱹ ᱥᱟᱨᱠᱤᱴ ᱨᱮ ᱢᱚᱬᱮ ᱜᱚᱴᱟᱝ ᱥᱤᱝᱜᱮᱞᱥ ᱟᱨ ᱯᱮᱭᱟ ᱰᱚᱵᱚᱞᱥ ᱴᱟᱭᱤᱴᱮᱞ ᱮ ᱡᱤᱛᱠᱟᱹᱨ ᱟᱠᱟᱫᱟ᱾

ᱰᱤᱥᱮᱢᱵᱚᱨ ᱒᱐᱑᱙ ᱨᱮ, ᱯᱨᱮᱨᱱᱟ ᱫᱚ ᱮᱛᱚᱢ ᱮᱥᱤᱭᱟᱱ ᱠᱷᱮᱞᱚᱸᱰ ᱨᱮ ᱥᱤᱧᱚᱛ ᱞᱟᱹᱜᱤᱫ ᱵᱟᱨᱭᱟ ᱥᱚᱱᱟ ᱢᱮᱰᱟᱞ ᱮ ᱡᱤᱛᱠᱟᱹᱨ ᱞᱮᱱᱟ᱾ ᱒᱐᱑᱖ ᱨᱮᱦᱚᱸ, ᱩᱱᱤ ᱫᱚ ᱚᱸᱰᱮ ᱛᱤᱨᱞᱟᱹ ᱠᱚᱣᱟᱜ ᱥᱤᱝᱜᱮᱞᱥ ᱨᱮ ᱨᱩᱯᱟᱹ ᱢᱮᱰᱟᱞ ᱮ ᱡᱤᱛᱠᱟᱹᱨ ᱞᱮᱱᱟ᱾ ᱒᱐᱑᱘ ᱨᱮ, ᱩᱱᱤ ᱫᱚ ᱫᱤᱞᱞᱤ ᱚᱞᱤᱢᱯᱤᱠ ᱠᱷᱮᱞᱚᱸᱰ ᱨᱮ ᱥᱤᱝᱜᱮᱞᱥ ᱟᱨ ᱰᱚᱵᱚᱞᱥ ᱨᱮ ᱡᱤᱛᱠᱟᱹᱨᱤᱭᱟᱹᱭ ᱛᱟᱦᱮᱸ ᱠᱟᱱᱟ᱾

ᱡᱟᱱᱩᱣᱟᱨᱤ ᱒᱐᱑᱒ ᱨᱮ, ᱵᱷᱟᱢᱵᱽᱨᱤ ᱫᱚ ᱥᱤᱧᱚᱛ ᱯᱷᱮᱰ ᱠᱟᱯ ᱫᱚᱞ ᱞᱟᱹᱜᱤᱫ ᱟᱡᱟᱜ ᱮᱛᱚᱦᱚᱵ ᱮ ᱠᱚᱨᱟᱣ ᱞᱮᱫᱟ᱾ ᱯᱷᱮᱰ ᱠᱟᱯ ᱨᱮ ᱥᱤᱧᱚᱛ ᱞᱟᱹᱜᱤᱫ ᱠᱷᱮᱞ ᱠᱟᱛᱮ, ᱵᱷᱟᱢᱵᱽᱨᱤ ᱭᱟᱜ ᱡᱤᱛᱠᱟᱹᱨ-ᱟᱫ ᱨᱮᱠᱚᱨᱰ ᱫᱚ ᱕-᱓ ᱢᱮᱱᱟᱜᱼᱟ᱾

ᱟᱯᱱᱟᱨᱟᱜ ᱡᱤᱭᱚᱱ

ᱯᱨᱮᱨᱱᱟ ᱫᱚ ᱟᱡᱤᱡ ᱵᱚᱭᱦᱟ ᱯᱨᱚᱛᱤᱠ ᱵᱷᱟᱢᱵᱽᱨᱤ ᱠᱳᱪᱤᱝ ᱮᱢ ᱟᱫᱮ ᱛᱟᱦᱮᱸᱫ, ᱡᱟᱦᱟᱸᱭ ᱫᱚ ᱯᱨᱳᱯᱷᱮᱥᱚᱱᱟᱞ ᱴᱮᱱᱤᱥ ᱠᱷᱮᱞᱚᱸᱰᱤᱭᱟᱹ ᱦᱚᱸᱭ ᱛᱟᱦᱮᱸ ᱠᱟᱱᱟ᱾ ᱩᱱᱤ ᱫᱚ ᱥᱤᱝᱜᱮᱞᱥ ᱟᱨ ᱰᱚᱵᱚᱞᱥ ᱨᱮ ᱚᱞ ᱤᱱᱰᱤᱭᱟ ᱱᱮᱥᱱᱟᱞ ᱪᱟᱢᱯᱤᱭᱟᱱᱥᱤᱯ ᱮ ᱡᱤᱛᱠᱟᱹᱨ ᱞᱮᱫᱟ᱾ ᱵᱷᱟᱢᱵᱽᱨᱤ ᱭᱤᱡ ᱠᱟᱠᱟ ᱛᱟᱠᱚᱣᱤᱡ ᱜᱤᱫᱽᱨᱟᱹ, ᱭᱩᱠᱤ ᱵᱷᱟᱢᱵᱽᱨᱤ, ᱫᱚ ᱮᱴᱤᱯᱤ ᱡᱮᱜᱮᱛ ᱴᱩᱨ ᱨᱮ ᱯᱨᱳᱯᱷᱮᱥᱚᱱᱟᱞ ᱠᱟᱱᱟᱭ, ᱡᱟᱦᱟᱸ ᱨᱮ ᱡᱮᱜᱮᱛ ᱨᱮ ᱱᱚᱢᱵᱚᱨ ᱘᱓ ᱨᱮᱭᱟᱜ ᱠᱮᱨᱤᱭᱚᱨ-ᱪᱮᱛᱟᱱ ᱨᱮᱝᱠᱤᱝ ᱢᱮᱱᱟᱜ ᱛᱟᱭᱟ᱾ ᱵᱷᱟᱢᱵᱽᱨᱤ ᱫᱚ ᱟᱱᱠᱤᱛᱟ ᱵᱷᱟᱢᱵᱽᱨᱤ ᱟᱨ ᱥᱟᱱᱟ ᱵᱷᱟᱢᱵᱽᱨᱤ ᱨᱤᱱᱤᱡ ᱦᱩᱰᱤᱧ ᱠᱟᱠᱟ ᱛᱟᱠᱚᱣᱤᱡ ᱜᱤᱫᱽᱨᱟᱹ ᱦᱚᱸ ᱠᱟᱱᱟᱭ, ᱡᱟᱦᱟᱸᱭ ᱫᱚ ᱵᱟᱱᱟᱨ ᱨᱤᱴᱟᱭᱟᱨᱰ ᱠᱷᱮᱞᱚᱸᱰᱤᱭᱟᱹ ᱠᱟᱱᱟ ᱠᱤᱱ᱾ ᱯᱨᱮᱨᱱᱟ ᱫᱚ ᱡᱟᱢᱤᱭᱟ ᱢᱤᱞᱤᱭᱟ ᱤᱥᱞᱟᱢᱤᱭᱟ, ᱱᱟᱣᱟ ᱫᱤᱞᱞᱤ ᱠᱷᱚᱱ ᱮᱢᱵᱤᱮ ᱥᱟᱞᱟᱜ ᱮ ᱜᱽᱨᱮᱡᱩᱣᱮᱴ ᱟᱠᱟᱱᱟ᱾ ᱩᱱᱤ ᱫᱚ ᱟᱭᱩᱥ ᱴᱚᱱᱰᱚᱱ ᱥᱟᱞᱟᱜ ᱮ ᱵᱟᱯᱞᱟ ᱟᱠᱟᱱᱟ, ᱡᱟᱦᱟᱸᱭ ᱫᱚ ᱪᱟᱨᱴᱚᱨᱰ ᱮᱠᱟᱣᱩᱱᱴᱮᱱᱴ ᱠᱟᱱᱟᱭ᱾