ᱯᱩᱞᱳᱢᱤ ᱜᱷᱚᱛᱚᱠ
_Poulomi_Ghatak_of_India_in_an_action_against_Zhenhua_Vivian_Tan_of_Australia,_at_Yamuna_Sports_Complex,_in_New_Delhi_on_October_06_2010_(cropped).jpg) ᱒᱐᱑0 ᱨᱮ ᱯᱩᱞᱳᱢᱤ ᱜᱷᱚᱛᱚᱠ | ||||||||||||||
| ᱠᱷᱮᱞᱚᱸᱰᱤᱭᱟᱹ ᱩᱯᱩᱨᱩᱢ | ||||||||||||||
|---|---|---|---|---|---|---|---|---|---|---|---|---|---|---|
| ᱡᱟᱱᱟᱢ | ᱡᱟᱱᱩᱣᱟᱨᱤ ᱓, ᱑᱙᱘᱓ ᱠᱚᱞᱠᱟᱛᱟ, ᱯᱚᱪᱷᱤᱢ ᱵᱟᱝᱞᱟ | |||||||||||||
| ᱡᱤᱭᱚᱱ ᱥᱚᱦᱮᱫ | Soumyadeep Roy | |||||||||||||
ᱥᱤᱨᱯᱷᱟᱹ ᱨᱮᱭᱟᱜ ᱠᱟᱛᱷᱟ
| ||||||||||||||
ᱯᱩᱞᱳᱢᱤ ᱜᱷᱚᱛᱚᱠ ( ᱡᱟᱱᱟᱢ ᱓ ᱡᱟᱱᱩᱣᱟᱨᱤ ᱑᱙᱘᱓) ᱫᱚ ᱥᱤᱧᱚᱛ ᱨᱮᱱᱟᱜ ᱯᱚᱪᱷᱤᱢ ᱵᱟᱝᱞᱟ ᱨᱤᱱᱤᱡ ᱢᱤᱫ ᱴᱮᱵᱩᱞ ᱴᱮᱱᱤᱥ ᱠᱷᱮᱞᱚᱸᱰᱤᱭᱟ. ᱩᱱᱤ ᱫᱚ ᱯᱮᱭᱟ ᱡᱩᱱᱤᱭᱚᱨ ᱡᱟᱹᱛᱤᱭᱟᱹᱨᱤ ᱪᱟᱢᱯᱤᱭᱟᱱᱥᱤᱯ (᱑᱙᱙᱖, ᱑᱙᱙᱘ ᱟᱨ ᱑᱙᱙᱙) ᱥᱟᱶᱛᱮ ᱑᱙᱙᱘ ᱠᱷᱚᱱ ᱒᱐᱑᱖ ᱫᱷᱟᱹᱵᱤᱡ ᱗ ᱥᱤᱱᱤᱭᱚᱨ ᱡᱟᱹᱛᱤᱭᱟᱹᱨᱤ ᱪᱟᱢᱯᱤᱭᱟᱱᱥᱤᱯ ᱦᱚᱸᱭ ᱡᱤᱛᱠᱟᱹᱨ ᱞᱮᱱᱟ ᱾ ᱑᱙᱙᱘ ᱨᱮ ᱩᱱᱤ ᱫᱚ ᱥᱤᱱᱤᱭᱚᱨ ᱡᱟᱹᱛᱤᱭᱟᱹᱨᱤ ᱟᱨ ᱡᱩᱱᱤᱭᱚᱨ ᱡᱟᱹᱛᱤᱭᱟᱹᱨᱤ ᱪᱟᱢᱯᱤᱭᱟᱱᱥᱤᱯ ᱵᱟᱱᱟᱨ ᱡᱤᱛᱠᱟᱹᱨ ᱞᱮᱱᱟᱭ ᱾ ᱯᱩᱞᱳᱢᱤ ᱫᱚ ᱒᱐᱐᱖ ᱥᱮᱨᱢᱟ ᱨᱮ ᱢᱮᱞᱵᱚᱨᱱ ᱨᱮ ᱠᱚᱢᱚᱱᱣᱮᱞᱛᱷ ᱠᱷᱮᱞ ᱨᱮ ᱟᱨ ᱒᱐᱐᱐ ᱠᱷᱚᱱ ᱒᱐᱐᱘ ᱥᱮᱨᱢᱟ ᱨᱮ ᱠᱚᱢᱚᱱᱣᱮᱞᱛᱷ ᱪᱟᱢᱯᱤᱭᱟᱱᱥᱤᱯ ᱨᱮ ᱥᱤᱧᱚᱛ ᱫᱤᱥᱚᱢ ᱨᱤᱱᱤᱡ ᱥᱚᱦᱮᱛ ᱮ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱑᱖ ᱵᱚᱪᱷᱚᱨ ᱩᱢᱮᱨ ᱨᱮ ᱥᱤᱰᱱᱤ ᱚᱞᱚᱢᱯᱤᱠ ᱨᱮᱭ ᱠᱷᱮᱞ ᱞᱮᱫ ᱛᱟᱦᱮᱸᱫ ᱾ ᱒᱐᱐᱗ ᱥᱟᱞᱮ ᱨᱮ ᱤᱱᱰᱤᱭᱟᱱ ᱚᱯᱮᱱ ᱯᱷᱟᱭᱱᱟᱞ ᱨᱮ ᱦᱚᱸᱭ ᱠᱷᱮᱞ ᱞᱮᱫ ᱛᱟᱦᱮᱸᱫ ᱾ ᱩᱱᱤ ᱫᱚ ᱑᱙᱙᱒ ᱥᱟᱞᱮ ᱨᱮ ᱠᱷᱮᱞ ᱮ ᱮᱛᱚᱦᱚᱵ ᱞᱮᱫ-ᱟ ᱟᱨ ᱚᱱᱟ ᱛᱟᱭᱚᱢ ᱛᱮᱜᱮ ᱥᱮᱪᱮᱫ ᱪᱮᱛᱟᱱ ᱨᱮᱭ ᱥᱮᱱ ᱮᱱᱟ ᱾
ᱯᱩᱞᱳᱢᱤ ᱫᱚ ᱒᱐᱑᱘ ᱥᱮᱨᱢᱟ ᱨᱮ ᱤᱱᱰᱤᱭᱟᱱ ᱴᱮᱵᱽᱞ ᱴᱮᱱᱤᱥ ᱯᱷᱮᱰᱮᱨᱮᱥᱚᱱ (ITF) ᱦᱚᱛᱮᱛᱮ ᱒᱒ ᱟᱱᱟᱜ ᱴᱷᱟᱶ ᱮ ᱟᱢᱮᱴ ᱟᱠᱟᱫ-ᱟ ᱾[᱑]
ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱯᱩᱞᱳᱢᱤ ᱜᱷᱚᱛᱚᱠ ᱫᱚ ᱓ ᱡᱟᱱᱩᱣᱟᱨᱤ ᱑᱙᱘᱓ ᱥᱟᱞᱮᱨᱮ ᱠᱚᱞᱠᱟᱛᱟ, ᱯᱚᱪᱷᱤᱢ ᱵᱟᱝᱞᱟ, ᱥᱤᱧᱚᱛ ᱨᱮ ᱡᱟᱱᱟᱢ ᱞᱮᱱᱟᱭ ᱾ ᱩᱱᱤ ᱫᱚ ᱥᱩᱵᱷᱟᱥ ᱪᱚᱸᱫᱽᱨᱚ ᱜᱷᱟᱴᱚᱠ ᱟᱜ ᱠᱩᱲᱤ ᱠᱟᱱᱟᱭ, ᱡᱟᱦᱟᱸᱭ ᱫᱚ ᱟᱡᱟᱜ ᱡᱤᱭᱚᱱ ᱡᱚᱛᱚ ᱚᱠᱛᱚ ᱨᱮ ᱜᱮ ᱥᱚᱦᱚᱫ ᱮ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱴᱚᱵᱚᱞ ᱴᱮᱱᱤᱥ ᱠᱷᱮᱞ ᱵᱟᱵᱚᱫ ᱛᱮ ᱪᱤᱛᱟᱹᱨ ᱵᱮᱱᱟᱣ ᱨᱮ ᱦᱚᱸ ᱫᱟᱣ ᱮ ᱧᱟᱢᱟ ᱾ ᱩᱱᱤ ᱫᱚ ᱙ ᱥᱮᱨᱢᱟ ᱩᱢᱮᱨ ᱨᱮ ᱴᱮᱵᱩᱞ ᱴᱮᱱᱤᱥ ᱠᱮᱨᱤᱭᱚᱨ ᱮ ᱮᱛᱚᱦᱚᱵ ᱞᱮᱫ-ᱟ ᱾
ᱯᱩᱞᱳᱢᱤ ᱫᱚ ᱱᱟᱣᱟ ᱱᱟᱞᱟᱱᱫᱟ ᱦᱟᱭ ᱥᱠᱩᱞ ᱨᱮᱭ ᱯᱟᱲᱦᱟᱣ ᱞᱮᱱᱟ ᱟᱨ ᱛᱟᱭᱚᱢ ᱛᱮ ᱠᱚᱞᱠᱟᱛᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮᱱᱟᱜ ᱡᱳᱜᱟᱢᱚᱭᱟ ᱫᱮᱵᱤ ᱠᱚᱞᱮᱡᱽ ᱨᱮᱭ ᱯᱟᱲᱦᱟᱣ ᱞᱮᱱᱟ ᱾ ᱒᱐᱑᱐ ᱠᱚᱢᱚᱱᱣᱮᱞᱛᱷ ᱜᱮᱢᱥ ᱛᱟᱭᱚᱢ ᱩᱱᱤ ᱫᱚ ᱥᱩᱢᱤ ᱫᱤᱯ ᱨᱚᱭ ᱥᱟᱶᱮ ᱵᱟᱯᱞᱟ ᱮᱱᱟ, ᱡᱟᱦᱟᱸᱭ ᱫᱚ ᱯᱨᱚᱯᱷᱮᱥᱚᱱᱟᱞ ᱴᱮᱱᱤᱥ ᱠᱷᱮᱞᱚᱸᱰᱤᱭᱟ. ᱠᱟᱱᱟᱭ ᱾[᱒]
ᱠᱮᱨᱤᱭᱚᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱑᱙᱙᱒ ᱥᱮᱨᱢᱟ ᱨᱮ ᱙ ᱥᱮᱨᱢᱟ ᱩᱢᱮᱨ ᱨᱮ ᱟᱡᱟᱜ ᱴᱮᱵᱩᱞ ᱴᱮᱱᱤᱥ ᱡᱤᱭᱚᱱ ᱮᱛᱚᱦᱚᱵ ᱞᱮᱫᱟ᱾ ᱩᱱᱤ ᱫᱚ ᱴᱚᱞᱞᱤᱜᱩᱸᱡᱽ ᱵᱚᱭᱥᱚᱠᱷᱤ ᱥᱚᱝᱜᱷᱟ ᱨᱮ ᱜᱮᱭ ᱥᱮᱞᱮᱫ ᱞᱮᱱᱟ ᱾ ᱩᱱᱤ ᱫᱚ ᱑᱖ ᱵᱚᱪᱷᱚᱨ ᱩᱢᱮᱨ ᱨᱮ ᱳᱞᱤᱢᱯᱤᱠ ᱠᱷᱮᱞ ᱨᱮᱭ ᱥᱮᱞᱮᱫ ᱞᱮᱱᱟ ᱾ ᱩᱱᱤ ᱫᱚ ᱥᱚᱨᱚᱛ ᱠᱚᱢᱚᱞ ᱟᱨ ᱚᱸᱠᱤᱛᱟ ᱫᱟᱥ ᱥᱟᱶ ᱟᱭᱢᱟ ᱠᱷᱮᱞ ᱠᱚ ᱠᱷᱮᱞ ᱞᱮᱫ-ᱟ ᱾ ᱤᱱᱟᱹ ᱛᱟᱭᱚᱢ ᱤᱱᱟᱹ ᱫᱚ ᱴᱚᱯ ᱒ ᱴᱷᱟᱶ ᱮ ᱟᱢᱮᱴ ᱞᱮᱫ-ᱟ ᱾
ᱩᱱᱤ ᱫᱚ ᱮᱥᱤᱭᱟᱱ ᱴᱮᱵᱩᱞ ᱴᱮᱱᱤᱥ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱪᱟᱢᱯᱤᱭᱟᱱᱥᱤᱯ, ᱠᱚᱨᱤᱭᱟ ᱨᱮ; ᱨᱟᱥᱤᱭᱟ ᱚᱯᱮᱱ ᱨᱮ; ᱡᱟᱯᱟᱱ ᱨᱮ ᱴᱳᱭᱳᱴᱟ ᱠᱚᱯ ᱨᱮ; ᱡᱟᱨᱢᱟᱱᱤ ᱟᱨ ᱯᱳᱞᱤᱥ ᱚᱯᱮᱱ ᱨᱮ; ᱒᱐᱐᱖ ᱨᱮ ᱫᱳᱦᱟ ᱟᱨ ᱪᱤᱞᱤ ᱚᱯᱮᱱ ᱨᱮ ᱑᱕ ᱟᱱᱟᱜ ᱮᱥᱤᱭᱟᱱ ᱠᱷᱮᱞ ᱨᱮ ᱥᱤᱧᱚᱛ ᱫᱤᱥᱚᱢ ᱨᱤᱱᱤᱡ ᱥᱚᱦᱮᱛ ᱮ ᱛᱟᱦᱮᱸ ᱠᱟᱱᱟ ᱾ ᱒᱐᱐᱗ ᱨᱮ, ᱩᱱᱤ ᱫᱚ ᱠᱨᱳᱭᱮᱥᱤᱭᱟ ᱨᱮ ᱣᱟᱨᱞᱰ ᱴᱮᱵᱩᱞ ᱴᱮᱱᱤᱥ ᱪᱟᱢᱯᱤᱭᱟᱱᱥᱤᱯ ᱨᱮ, ᱵᱷᱤᱭᱮᱛᱱᱟᱢ ᱨᱮ ᱜᱳᱞᱰᱮᱱ ᱨᱟᱠᱮᱴ ᱪᱟᱢᱯᱤᱭᱟᱱᱥᱤᱯ ᱟᱨ ᱤᱱᱫᱳᱱᱮᱥᱤᱭᱟ ᱨᱮ ᱤᱱᱴᱚᱨᱱᱮᱥᱱᱟᱞ ᱚᱯᱮᱱ ᱴᱩᱨᱱᱟᱢᱮᱱᱴ ᱨᱮᱭ ᱠᱷᱮᱞ ᱞᱮᱫ-ᱟ ᱾ ᱱᱚᱶᱟ ᱥᱮᱨᱢᱟ ᱨᱮ ᱩᱱᱤ ᱚᱥᱴᱨᱤᱭᱟ, ᱯᱷᱨᱟᱱᱥ ᱟᱨ ᱡᱟᱨᱢᱟᱱᱤ ᱚᱯᱮᱱ ᱨᱮ ᱫᱤᱥᱚᱢ ᱨᱤᱱᱤᱡ ᱠᱷᱮᱞᱚᱸᱰᱤᱭᱟ. ᱒᱐᱑᱐ ᱨᱮ ᱠᱚᱢᱚᱱ ᱣᱮᱞᱛᱷ ᱜᱮᱢᱥ ᱨᱮ ᱥᱤᱞᱵᱷᱚᱨ ᱢᱮᱰᱟᱞ ᱮ ᱟᱢᱮᱴ ᱞᱮᱫ-ᱟ ᱾ ᱩᱱᱤ ᱫᱚ ᱒᱐᱑᱒ ᱮᱥᱤᱭᱟᱱ ᱜᱮᱢᱥ ᱨᱮ ᱴᱮᱵᱩᱞ ᱴᱮᱱᱤᱥ ᱠᱳᱣᱟᱨᱴᱟᱨᱯᱷᱟᱭᱱᱟᱞ ᱨᱮᱭ ᱦᱮᱡ ᱞᱮᱱᱟ ᱾ ᱒᱐᱑᱒ ᱚᱞᱤᱢᱯᱤᱠ ᱨᱮ ᱦᱚᱸ ᱟᱡᱟᱜ ᱧᱩᱛᱩᱢ ᱛᱟᱦᱮᱸ ᱠᱟᱱᱟ ᱾
ᱱᱤᱛᱚᱜ ᱒᱐᱑᱔ ᱨᱮ ᱩᱱᱤ ᱫᱚ ᱯᱟᱠᱤᱥᱛᱟᱱ ᱨᱮ ᱟᱱᱠᱤᱛᱟ ᱫᱟᱥ ᱥᱟᱶ ᱮᱥᱤᱭᱟᱱ ᱜᱮᱢᱥ ᱨᱮ ᱦᱚᱸᱭ ᱠᱷᱮᱞ ᱟᱠᱟᱫᱟ ᱟᱨ ᱡᱤᱛᱠᱟᱹᱨ ᱦᱚᱸᱭ ᱟᱢᱮᱴ ᱟᱠᱟᱫᱟ ᱾ ᱱᱚᱶᱟ ᱦᱮᱯᱨᱟᱣ ᱨᱮ ᱩᱱᱤ ᱫᱚ ᱥᱚᱨᱚᱛᱷ ᱠᱚᱢᱚᱞ ᱥᱟᱶ ᱢᱤᱠᱥᱰᱚᱵᱮᱞ ᱦᱚᱸᱭ ᱠᱷᱮᱞ ᱞᱮᱫ ᱛᱟᱦᱮᱸᱫ, ᱢᱮᱱᱠᱷᱟᱱ ᱩᱱᱤ ᱫᱚ ᱵᱟᱭ ᱫᱟᱲᱮ ᱞᱮᱱᱟ ᱾ ᱟᱡᱟᱜ ᱴᱟᱞᱮᱱᱴ ᱞᱟᱹᱜᱤᱫ ᱟᱡᱟᱜ ᱮᱱᱮᱡ ᱫᱚ ᱟᱹᱰᱤ ᱢᱟᱨᱟᱝ ᱠᱟᱱᱟ ᱾ ᱑᱙᱙᱘ ᱠᱷᱚᱱ ᱒᱐᱐᱗ ᱫᱷᱟᱹᱵᱤᱡ ᱟᱡᱟᱜ ᱧᱩᱛᱩᱢ ᱨᱮ ᱯᱮᱭᱟ ᱡᱩᱱᱤᱭᱚᱨ ᱡᱟᱹᱛᱤᱭᱟᱹᱨᱤ ᱪᱟᱢᱯᱤᱭᱟᱱᱥᱤᱯ ᱟᱨ ᱯᱮᱭᱟ ᱥᱤᱱᱤᱭᱚᱨ ᱡᱟᱹᱛᱤᱭᱟᱹᱨᱤ ᱪᱟᱢᱯᱤᱭᱟᱱᱥᱤᱯ ᱢᱮᱱᱟᱜᱼᱟ ᱾
ᱱᱤᱛᱚᱜ ᱯᱩᱞᱳᱢᱤ ᱫᱚ ᱵᱷᱟᱨᱚᱛ ᱯᱮᱴᱨᱚᱞᱤᱭᱚᱢ ᱨᱮ ᱟᱥᱤᱥᱴᱮᱱᱴ ᱢᱮᱱᱮᱡᱟᱨ, ᱥᱯᱳᱴᱥ ᱞᱮᱠᱟᱛᱮ ᱠᱟᱹᱢᱤ ᱠᱟᱱᱟᱭ ᱾ ᱩᱱᱤ ᱫᱚ PSPB ᱨᱤᱱᱤᱡ ᱥᱚᱦᱮᱛ ᱠᱟᱱᱟᱭ ᱾
ᱯᱩᱨᱟᱹᱣ ᱟᱨ ᱥᱟᱨᱦᱟᱣ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ᱠᱚᱢᱚᱱᱣᱮᱞᱛᱷ ᱒᱐᱐᱖ (ᱵᱨᱳᱸᱡᱽ)
- ᱠᱩᱲᱤ ᱦᱚᱯᱚᱱ ᱴᱤᱢ, ᱥᱟᱯᱷ ᱠᱷᱮᱞ, ᱒᱐᱐᱖ (ᱜᱳᱞᱰ)
- ᱠᱩᱲᱤ ᱜᱟᱛᱮ, SAF ᱠᱷᱮᱞ, ᱒᱐᱐᱖ (ᱜᱳᱞᱰ)
- ᱠᱩᱲᱤ ᱜᱟᱛᱮ, US Open, ᱒᱐᱐᱖ (ᱥᱤᱞᱵᱟᱨ)
- ᱠᱚᱢᱚᱱᱣᱮᱞᱛᱷ ᱪᱟᱢᱯᱤᱭᱟᱱᱥᱤᱯ, ᱒᱐᱐᱗ (ᱵᱨᱳᱸᱡᱽ)
- ᱡᱟᱹᱛᱤᱭᱟᱹᱨᱤ ᱪᱟᱢᱯᱤᱭᱟᱱᱥᱤᱯ, ᱒᱐᱐᱕ (ᱵᱨᱳᱸᱡᱽ)
"ᱡᱟᱹᱛᱤᱭᱟᱹᱨᱤ ᱪᱟᱢᱯᱤᱭᱟᱱᱥᱤᱯ, ᱒᱐᱐᱖ (ᱜᱳᱞᱰ) ᱠᱩᱲᱤ ᱥᱤᱝᱜᱚᱞ, ᱡᱟᱹᱛᱤᱭᱟᱹᱨᱤ ᱪᱟᱢᱯᱤᱭᱟᱱᱥᱤᱯ, ᱒᱐᱐᱖ (ᱥᱤᱞᱵᱷᱚᱨ)
- ᱡᱟᱹᱛᱤᱭᱟᱹᱨᱤ ᱪᱟᱢᱯᱤᱭᱟᱱᱥᱤᱯ, ᱒᱐᱐᱗ (ᱜᱳᱞᱰ)
- ᱠᱩᱲᱤ ᱠᱚᱣᱟᱜ ᱥᱤᱝᱜᱚᱞ, ᱡᱟᱹᱛᱤᱭᱟᱹᱨᱤ ᱪᱟᱢᱯᱤᱭᱟᱱᱥᱤᱯ, ᱒᱐᱐᱗ (ᱜᱳᱞᱰ)
- ᱠᱚᱢᱚᱱᱣᱮᱞᱛᱷ ᱒᱐᱑᱐ (ᱥᱤᱞᱵᱷᱚᱨ)
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ "Table Tennis Federation of India 2018 Ranking" (PDF). Table Tennis Federation of India. 8 August 2018. Archived from the original (PDF) on 7 December 2022. Retrieved 27 August 2018.
- ↑ "From TT court to grand courtship". The Telegraph. Archived from the original on 25 April 2018. Retrieved 2017-05-13.