ᱯᱩᱡᱟ ᱨᱩᱯᱟᱨᱮᱞ
ᱯᱩᱡᱟ ᱨᱩᱯᱟᱨᱮᱞ ᱫᱚ ᱢᱤᱫ ᱵᱷᱟᱨᱚᱛᱤᱭᱚ ᱮᱠᱴᱨᱮᱥ ᱠᱟᱱᱟᱭ ᱡᱟᱦᱟᱸᱭ ᱵᱚᱞᱤᱣᱩᱰ ᱢᱩᱵᱷᱤ ᱟᱨ ᱴᱤᱵᱷᱤ ᱥᱤᱨᱤᱡ ᱨᱮ ᱧᱮᱞᱚᱜᱼᱟᱭ᱾ ᱩᱱᱤ ᱫᱤᱞᱣᱟᱞᱮ ᱫᱩᱞᱦᱟᱱᱤᱭᱟ ᱞᱮ ᱡᱟᱭᱮᱸᱜᱮ ᱨᱮ ᱟᱡᱟᱜ ᱧᱩᱛᱩᱢᱟᱱ ᱨᱳᱞ "ᱪᱷᱩᱴᱠᱤ" ᱞᱮᱠᱟᱛᱮ ᱵᱷᱟᱹᱜᱤ ᱩᱯᱨᱩᱢ ᱢᱮᱱᱟᱜ ᱛᱟᱭᱟ, ᱱᱚᱣᱟ ᱫᱚ ᱥᱤᱧᱚᱛ ᱨᱮᱱᱟᱜ ᱟᱹᱰᱤ ᱥᱟᱠᱥᱮᱥᱯᱷᱩᱞ ᱯᱷᱤᱞᱢ ᱠᱷᱚᱱ ᱢᱤᱫ ᱠᱟᱱᱟ᱾ ᱩᱱᱤ ᱮᱠᱞᱟ ᱛᱤᱸᱜᱩ ᱠᱳᱢᱮᱰᱤᱭᱟᱱ ᱟᱨ ᱥᱮᱨᱮᱧᱤᱭᱟᱹ ᱵᱮᱜᱚᱨ ᱟᱭᱢᱟ ᱯᱞᱮ ᱨᱮ ᱦᱚᱸ ᱠᱟᱹᱢᱤ ᱟᱠᱟᱫᱟ᱾
ᱮᱛᱚᱦᱚᱵ ᱡᱤᱭᱚᱱ ᱟᱨ ᱥᱮᱪᱮᱫ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱯᱩᱡᱟ ᱨᱩᱯᱟᱨᱮᱞ ᱫᱚ ᱢᱩᱢᱵᱟᱭ ᱨᱮ ᱡᱟᱱᱟᱢ ᱞᱮᱱᱟᱭ᱾ ᱩᱱᱤ ᱵᱷᱟᱵᱱᱟ ᱨᱩᱯᱟᱨᱮᱞ ᱨᱮᱱ ᱵᱚᱭᱦᱟ ᱟᱨ ᱥᱳᱱᱟᱠᱥᱤ ᱥᱤᱱᱦᱟ ᱨᱮᱱ ᱠᱩᱡᱤᱱ ᱠᱟᱱᱟᱭ᱾ ᱩᱱᱤ ᱢᱩᱢᱵᱟᱭ ᱨᱮ ᱟᱡᱟᱜ ᱥᱮᱪᱮᱫ ᱮ ᱯᱩᱨᱟᱹᱣ ᱠᱮᱫᱟ ᱟᱨ ᱤᱱᱰᱟᱥᱴᱨᱤᱭᱟᱞ ᱥᱟᱭᱠᱳᱞᱳᱡᱤ ᱨᱮ ᱢᱟᱥᱴᱟᱨ ᱨᱮᱭᱟᱜ ᱰᱤᱜᱽᱨᱤ ᱢᱮᱱᱟᱜ ᱛᱟᱭᱟ᱾
ᱠᱟᱹᱢᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱯᱩᱡᱟ ᱨᱩᱯᱟᱨᱮᱞ ᱑᱙᱙᱓ ᱥᱟᱞ ᱨᱮ ᱢᱤᱫ ᱜᱤᱫᱽᱨᱟᱹ ᱟᱨᱴᱤᱥᱴ ᱞᱮᱠᱟᱛᱮ ᱵᱚᱞᱤᱣᱩᱰ ᱯᱷᱤᱞᱢ ᱨᱮ ᱧᱮᱞ ᱮᱦᱚᱵ ᱠᱮᱫᱟ᱾ ᱩᱱᱤ ᱯᱩᱭᱞᱩ ᱡᱮᱠᱤ ᱥᱨᱳᱯᱷ ᱟᱨ ᱥᱟᱦᱨᱩᱠᱷ ᱠᱷᱟᱱ ᱥᱴᱟᱨᱤᱝ ᱠᱤᱝ ᱟᱱᱠᱟᱞ ᱨᱮ ᱧᱮᱞ ᱞᱮᱱᱟᱭ, ᱟᱨ ᱫᱤᱞᱣᱟᱞᱮ ᱫᱩᱞᱦᱟᱱᱤᱭᱟ ᱞᱮ ᱡᱟᱭᱮᱸᱜᱮ ᱨᱮ "ᱪᱩᱴᱠᱤ" ᱞᱮᱠᱟᱛᱮ ᱟᱡᱟᱜ ᱨᱳᱞ ᱛᱟᱞᱟᱛᱮ ᱡᱟᱹᱛᱤᱭᱟᱹᱨᱤ ᱞᱮᱠᱟᱛᱮ ᱧᱩᱛᱩᱢ ᱮ ᱧᱟᱢ ᱠᱮᱫᱟ᱾ ᱯᱩᱡᱟ ᱚᱱᱟ ᱛᱟᱭᱚᱢ ᱟᱭᱢᱟ ᱢᱩᱵᱷᱤ ᱟᱨ ᱴᱤᱵᱷᱤ ᱥᱤᱨᱤᱡ ᱨᱮ ᱠᱟᱹᱢᱤ ᱟᱠᱟᱫᱟᱭ, ᱚᱱᱟ ᱢᱩᱫᱽ ᱨᱮ ᱟᱢᱤᱛ ᱥᱟᱦᱱᱤ ᱠᱤ ᱞᱤᱥᱴ, ᱮᱠᱥ: ᱯᱟᱥᱴ ᱤᱡ ᱯᱨᱮᱡᱮᱱᱴ, ᱒᱔ (ᱵᱷᱟᱨᱚᱛᱤᱭᱚ ᱴᱤᱵᱷᱤ ᱥᱤᱨᱤᱡ) ᱟᱨ ᱡᱟᱵᱟᱱ ᱥᱚᱸᱵᱷᱟᱞᱠᱮ ᱥᱮᱞᱮᱫ ᱢᱮᱱᱟᱜᱼᱟ᱾