ᱯᱩᱡᱟ ᱵᱟᱛᱨᱟ
ᱯᱩᱡᱟ ᱵᱟᱛᱨᱟ ᱥᱟᱦ (ᱡᱟᱱᱟᱢ ᱒᱗ ᱚᱠᱴᱚᱵᱚᱨ ᱑᱙᱗᱕) ᱫᱚ ᱢᱤᱫ ᱥᱤᱧᱚᱛᱤᱭᱟᱹ-ᱟᱢᱮᱨᱤᱠᱟᱱ ᱟᱠᱴᱨᱮᱥ, ᱢᱚᱰᱮᱞ ᱟᱨ ᱥᱩᱯᱩᱨ ᱥᱤᱠᱟᱹᱨᱤᱭᱟᱹ ᱠᱟᱱᱟᱭ ᱾ ᱩᱱᱤ ᱫᱚ ᱦᱤᱱᱫᱤ ᱯᱷᱤᱞᱢ ᱨᱮᱜᱮᱭ ᱠᱟ. ᱑᱙᱙᱓ ᱥᱮᱨᱢᱟ ᱨᱮ ᱯᱷᱮᱢᱤᱱᱟ ᱢᱤᱥ ᱤᱱᱰᱤᱭᱟ ᱨᱮ ᱨᱟᱱᱚᱨ-ᱟᱯ ᱥᱤᱨᱯᱟᱹᱭ ᱟᱢᱮᱴ ᱞᱮᱫᱟ ᱟᱨ ᱯᱷᱮᱢᱤᱱᱟ ᱢᱤᱥ ᱤᱱᱰᱤᱭᱟ ᱤᱱᱴᱚᱨᱱᱮᱥᱱᱟᱞ ᱑᱙᱙᱓ ᱨᱮ ᱥᱤᱧᱚᱛ ᱫᱤᱥᱚᱢ ᱨᱤᱱᱤᱡ ᱥᱚᱦᱮᱛ ᱮ ᱛᱟᱦᱮᱸ ᱠᱟᱱᱟᱭ ᱾
ᱮᱛᱚᱦᱚᱵ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱵᱚᱛᱨᱟ ᱫᱚ ᱒᱗ ᱚᱠᱴᱚᱵᱚᱨ ᱑᱙᱗᱕ ᱥᱟᱞᱮᱨᱮ ᱥᱤᱧᱚᱛᱤᱭᱟᱹ ᱯᱷᱩᱨᱜᱟᱹᱞ ᱨᱮ ᱠᱚᱞᱚᱱᱮᱞ ᱨᱚᱵᱤ ᱵᱚᱛᱨᱟ ᱟᱨ ᱢᱤᱥ ᱤᱱᱰᱤᱭᱟ (᱑᱙᱗᱑) ᱨᱮᱱ ᱦᱮᱯᱨᱟᱣᱤᱭᱟᱹ ᱱᱤᱞᱟᱢ ᱵᱚᱛᱨᱟ ᱟᱜ ᱜᱷᱟᱨᱚᱸᱡᱽ ᱨᱮᱭ ᱡᱟᱱᱟᱢ ᱞᱮᱱᱟ ᱾ ᱩᱱᱤᱭᱟᱜ ᱵᱟᱨᱭᱟ ᱵᱚᱭᱦᱟ ᱢᱮᱱᱟᱜ ᱠᱚᱣᱟ᱾ ᱩᱱᱤ ᱫᱚ ᱥᱤᱧᱚᱛ ᱨᱮᱱᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱨᱟᱡᱽᱟᱹᱨᱤ ᱥᱤᱨᱯᱷᱟᱹ, ᱯᱚᱨᱚᱢ ᱵᱤᱨ ᱪᱟᱠᱨᱚ ᱛᱮ ᱥᱤᱨᱯᱷᱟ. ᱟᱠᱟᱱ ᱥᱚᱦᱤᱫ ᱫᱚᱥᱟᱨ ᱞᱤᱴᱮᱱᱮᱱᱴ ᱚᱨᱩᱱ ᱠᱷᱮᱛᱟᱨᱯᱟᱞ ᱥᱟᱶ ᱥᱟᱹᱜᱟᱹᱭ ᱢᱮᱱᱟᱜᱼᱟ ᱾
ᱵᱚᱛᱨᱟ ᱫᱚ ᱟᱡᱟᱜ ᱜᱤᱫᱽᱨᱟ. ᱚᱠᱛᱚ ᱨᱮ ᱟᱡᱟᱜ ᱜᱷᱟᱨᱚᱸᱡᱽ ᱥᱟᱶᱛᱮ ᱞᱩᱫᱷᱤᱭᱟᱱᱟ ᱨᱮ ᱛᱟᱦᱮᱸ ᱠᱟᱱᱟᱭ ᱾ ᱟᱥᱲᱟ ᱨᱮ ᱩᱱᱤ ᱫᱚ ᱢᱤᱫ ᱠᱷᱮᱞᱚᱸᱰᱤᱭᱟ. ᱠᱟᱱᱟᱭ ᱟᱨ ᱒᱐᱐ ᱟᱨ ᱔᱐᱐ ᱢᱤᱴᱚᱨ ᱫᱟᱥ ᱨᱮ ᱡᱤᱛᱠᱟᱹᱨ ᱞᱮᱱᱟᱭ ᱾ ᱩᱱᱤ ᱫᱚ ᱯᱷᱚᱨᱜᱩᱥᱚᱱ ᱠᱚᱞᱮᱡᱽ, ᱯᱩᱱᱮ ᱠᱷᱚᱱ ᱮᱠᱚᱱᱚᱢᱤᱠᱥ ᱨᱮ ᱜᱨᱮᱡᱩᱮᱴ ᱟᱠᱟᱱᱟᱭ ᱟᱨ ᱥᱤᱢᱵᱤᱭᱚᱥᱤᱥ, ᱯᱩᱱᱮ ᱠᱷᱚᱱ ᱢᱟᱨᱠᱮᱴᱤᱝ ᱨᱮ ᱮᱢᱵᱤᱮ (MBA) ᱮ ᱦᱟᱢᱮᱴ ᱟᱠᱟᱫᱟ ᱾ ᱑᱙᱙᱓ ᱥᱟᱞᱮ ᱨᱮ ᱢᱤᱥ ᱤᱱᱴᱚᱨᱱᱮᱥᱱᱟᱞ ᱵᱤᱭᱩᱴᱤ ᱯᱤᱜᱟᱢᱮᱱᱴ ᱡᱤᱛᱠᱟᱹᱨ ᱟᱠᱟᱫᱟ ᱾
ᱠᱮᱨᱤᱭᱚᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱜᱤᱫᱨᱟᱹ ᱚᱠᱛᱚ ᱨᱮᱜᱮ ᱩᱱᱤ ᱫᱚ ᱯᱟᱨᱴ ᱴᱟᱭᱤᱢ ᱠᱟᱹᱢᱤ ᱞᱮᱠᱟᱛᱮ ᱢᱚᱰᱮᱞᱤᱝ ᱮᱛᱚᱦᱚᱵ ᱞᱮᱫ-ᱟ ᱾ ᱩᱱᱤ ᱫᱚ ᱟᱡᱟᱜ ᱞᱤᱨᱤᱞ ᱥᱟᱵᱚᱱ ᱵᱮᱯᱟᱨ ᱞᱟᱹᱜᱤᱫ ᱛᱮ ᱡᱚᱛᱚ ᱠᱷᱚᱱ ᱵᱟᱰᱟᱭᱚᱜ ᱠᱟᱱᱟᱭ ᱾ ᱩᱱᱤ ᱫᱚ ᱥᱤᱧᱚᱛ ᱨᱮ ᱦᱮᱰ ᱟᱨ ᱥᱳᱞᱰᱟᱨᱥ ᱨᱮᱭᱟᱜ ᱯᱩᱭᱞᱩ ᱨᱚᱲᱼᱦᱚᱲ ᱮ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱒᱕᱐ ᱠᱷᱚᱱ ᱵᱟᱹᱲᱛᱤ ᱢᱚᱰᱮᱞᱤᱝ ᱤᱵᱷᱮᱱᱴ ᱟᱨ ᱠᱷᱚᱵᱚᱨ ᱠᱮᱢᱯᱮᱱ ᱨᱮ ᱥᱮᱞᱮᱫ ᱟᱠᱟᱱᱟᱭ ᱾ ᱑᱙᱙᱓ ᱥᱟᱞᱮ ᱨᱮ ᱢᱤᱥ ᱤᱱᱰᱤᱭᱟ ᱤᱱᱴᱚᱨᱱᱮᱥᱱᱟᱞ ᱞᱮᱠᱟᱛᱮ ᱡᱤᱛᱠᱟᱹᱨ ᱞᱮᱱ ᱛᱟᱭᱚᱢ ᱩᱱᱤᱭᱟᱜ ᱧᱩᱛᱩᱢ ᱦᱮᱡ ᱮᱱᱟ ᱾ ᱩᱱᱤ ᱫᱚ ᱥᱤᱧᱚᱛ ᱨᱮ ᱢᱤᱫᱴᱟᱹᱝ ᱪᱮᱛᱟᱱ ᱢᱚᱰᱮᱞ ᱮ ᱵᱮᱱᱟᱣ ᱮᱱᱟ ᱾ ᱩᱱᱤ ᱫᱚ ᱥᱤᱧᱚᱛ ᱟᱨ ᱵᱟᱦᱨᱮ ᱫᱤᱥᱚᱢ ᱨᱮ ᱒᱕᱐ ᱠᱷᱚᱱ ᱵᱟᱹᱲᱛᱤ ᱯᱷᱮᱥᱚᱱ ᱥᱳ ᱨᱮ ᱥᱮᱞᱮᱫ ᱞᱮᱱᱟᱭ ᱾ ᱩᱱᱤ ᱫᱚ ᱯᱟᱨᱟᱡᱽ ᱥᱟᱨᱤᱥ ᱨᱤᱱᱤᱡ ᱢᱤᱫ ᱟᱢᱵᱟᱥᱮᱰᱚᱨ ᱠᱟᱱᱟᱭ ᱾
ᱵᱤᱨᱥᱟᱛ ᱯᱷᱤᱞᱢ ᱥᱴᱩᱰᱤᱭᱳ ᱥᱟᱶ ᱠᱚᱱᱴᱨᱚᱠᱴ ᱨᱮ ᱥᱮᱞᱮᱫᱚᱜ ᱢᱟᱬᱟᱝ ᱨᱮ ᱟᱡᱟᱜ ᱥᱮᱪᱮᱫ ᱯᱩᱨᱟᱹᱣ ᱞᱟᱹᱜᱤᱫ ᱵᱚᱛᱨᱟ ᱫᱚ ᱟᱭᱢᱟ ᱚᱯᱷᱚᱨ ᱠᱚᱭ ᱵᱟᱧᱪᱟᱣ ᱞᱮᱫ-ᱟ ᱾ ᱑᱙᱙᱗ ᱥᱟᱞ ᱨᱮ ᱟᱡᱟᱜ ᱯᱩᱭᱞᱩ ᱯᱷᱤᱞᱢ ᱵᱤᱨᱥᱟᱥᱴ ᱛᱟᱦᱮᱸ ᱠᱟᱱᱟ ᱾ ᱚᱱᱟ ᱛᱟᱭᱚᱢ ᱟᱨ ᱢᱤᱫᱴᱟᱝ ᱯᱷᱤᱞᱢ ᱵᱷᱟᱭᱤ ᱦᱚᱸᱭ ᱵᱮᱱᱟᱣ ᱞᱮᱱᱟ ᱾ ᱩᱱᱤ ᱫᱚ ᱒᱐ ᱜᱚᱴᱟᱝ ᱯᱷᱤᱞᱢ ᱨᱮ ᱠᱟᱹᱢᱤ ᱞᱮᱫᱟᱭ ᱾ ᱚᱱᱟ ᱠᱚᱫᱚ ᱦᱩᱭᱩᱜ ᱠᱟᱱᱟ ᱦᱟᱥᱤᱱᱟ ᱢᱚᱱ ᱡᱚᱭᱜᱤ, ᱫᱤᱞ ᱱᱮ ᱯᱤᱨ ᱭᱟᱫ ᱠᱤᱭᱟ ᱟᱨ ᱠᱟᱦᱤᱱ ᱯᱭᱟᱨ ᱱᱟ ᱦᱳ ᱡᱚᱭᱮ ᱾ ᱒᱐᱐᱔ ᱨᱮ ᱠᱟᱱ ᱯᱷᱤᱞᱢ ᱯᱷᱮᱥᱴᱤᱵᱷᱮᱞ ᱨᱮ ᱟᱡᱟᱜ ᱢᱤᱫ ᱯᱷᱤᱞᱢ, ᱛᱟᱡᱽ ᱢᱚᱦᱚᱞ: ᱮᱱ ᱮᱴᱟᱨᱱᱚᱞ ᱞᱚᱵᱽ ᱥᱴᱳᱨᱤ, ᱢᱤᱫ ᱱᱟᱜᱟᱢᱤᱭᱟᱹ ᱤᱯᱷᱚᱠ ᱮ ᱥᱚᱫᱚᱨ ᱞᱮᱫ ᱛᱟᱦᱮᱸᱫ ᱾ ᱱᱩᱭ ᱫᱚ ᱮᱥᱤᱭᱟᱱ ᱮᱠᱟᱰᱮᱢᱤ ᱚᱯᱷ ᱯᱷᱤᱞᱢ ᱮᱸᱰ ᱴᱮᱞᱤᱵᱷᱤᱡᱚᱱ, ᱚᱱᱚᱭᱫᱟ ᱨᱮᱱ ᱤᱱᱴᱚᱨᱱᱮᱥᱱᱟᱞ ᱯᱷᱤᱞᱢ ᱮᱸᱰ ᱴᱮᱞᱤᱵᱷᱤᱡᱚᱱ ᱠᱞᱚᱵᱽ ᱨᱮᱱ ᱡᱤᱣᱤ ᱫᱷᱟᱣ ᱥᱚᱦᱮᱫ ᱠᱟᱱᱟᱭ ᱾
ᱵᱚᱛᱨᱟ ᱫᱚ ᱥᱟᱢᱟᱝ ᱥᱤᱧᱚᱛ ᱨᱮᱱᱟᱜ ᱯᱷᱤᱞᱢ ᱠᱚᱨᱮ ᱦᱚᱸᱭ ᱠᱟ.ᱢᱤ ᱟᱠᱟᱫ-ᱟ, ᱚᱱᱟ ᱠᱚ ᱢᱩᱫᱽ ᱨᱮ ᱯᱮᱭᱟ ᱢᱟᱞᱟᱭᱟᱞᱟᱢ ᱯᱷᱤᱞᱢ ᱟᱨ ᱵᱟᱨᱭᱟ ᱛᱟᱢᱤᱞ ᱯᱷᱤᱞᱢ ᱨᱮ ᱠᱟ.ᱢᱤ ᱟᱠᱟᱫ-ᱟ, ᱚᱱᱟ ᱠᱚ ᱢᱩᱫᱽ ᱨᱮ ᱑᱙᱙᱕ ᱥᱟᱞ ᱨᱮᱱᱟᱜ ᱯᱷᱤᱞᱢ ᱟᱥᱟᱭ ᱨᱮ ᱠᱟ.ᱢᱤ ᱟᱠᱟᱫ-ᱟ ᱾
ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱵᱚᱛᱨᱟ ᱫᱚ ᱚᱨᱛᱷᱚᱯᱮᱰᱤᱠ ᱥᱤᱨᱡᱚᱱ ᱥᱚᱱᱩ ᱮᱥ. ᱟᱦᱞᱩᱣᱟᱞᱤᱭᱟ ᱫᱚ ᱙ ᱯᱷᱮᱵᱽᱨᱩᱣᱟᱨᱤ ᱒᱐᱐᱓ ᱨᱮ ᱱᱟᱶᱟ ᱫᱤᱞᱞᱤ ᱨᱮ ᱡᱟᱱᱟᱢ ᱞᱮᱱᱟᱭ ᱟᱨ ᱞᱚᱥ ᱮᱸᱡᱮᱞᱥ, ᱠᱮᱞᱤᱯᱷᱳᱨᱱᱤᱭᱟ ᱨᱮᱭ ᱛᱷᱟᱯᱚᱱ ᱞᱮᱱᱟᱭ ᱾ ᱡᱟᱱᱩᱣᱟᱨᱤ ᱒᱐᱑᱑ ᱨᱮ, ᱩᱱᱤ ᱫᱚ ᱟᱢᱮᱨᱤᱠᱟ ᱨᱮᱱᱟᱜ ᱢᱤᱫ ᱠᱳᱨᱴ ᱨᱮ ᱵᱟᱯᱞᱟ ᱞᱟᱹᱜᱤᱫ ᱯᱷᱤᱞᱰᱤᱝ ᱞᱮᱫ-ᱟ, ᱡᱟᱦᱟᱸ ᱨᱮ ᱩᱱᱤ ᱫᱚ ᱵᱟᱹᱲᱤᱡ ᱵᱷᱮᱜᱟᱨ ᱵᱷᱮᱜᱟᱨ ᱮ ᱢᱮᱱ ᱞᱮᱫ-ᱟ ᱾
ᱵᱚᱛᱨᱟ ᱫᱚ ᱑᱙ ᱡᱩᱱ ᱒᱐᱑᱙ ᱨᱮ ᱮᱠᱴᱚᱨ ᱱᱟᱵᱟᱵ ᱥᱟᱦ ᱥᱟᱶ ᱟᱡᱟᱜ ᱥᱟᱹᱜᱟᱹᱭ ᱵᱟᱰᱟᱭ ᱞᱮᱫᱼᱟ ᱾ ᱱᱩᱠᱩ ᱫᱚ ᱔ ᱡᱩᱞᱟᱭ ᱒᱐᱑᱙ ᱦᱤᱞᱚᱜ ᱫᱤᱞᱞᱤ ᱨᱮ ᱟᱨᱭᱟ ᱥᱟᱢᱟᱡᱽ ᱟᱹᱨᱤᱪᱟᱹᱞᱤ ᱞᱮᱠᱟᱛᱮ ᱠᱚ ᱵᱟᱯᱞᱟ ᱞᱮᱱᱟ ᱾