ᱯᱩᱥᱯᱨᱟᱡᱽ ᱥᱤᱝ
| ᱯᱩᱥᱯᱨᱟᱡᱽ ᱥᱤᱝ | |
|---|---|
| ᱥᱮᱪᱮᱫ ᱢᱚᱱᱛᱨᱤ, ᱢᱚᱫᱷᱭᱚ ᱯᱨᱚᱫᱮᱥ ᱥᱚᱨᱠᱟᱨ | |
| ᱟᱹᱢᱟᱹᱞᱤ ᱨᱮ ᱑᱙᱙᱓ – ᱑᱙᱙᱘ | |
| ᱢᱚᱫᱷᱭᱚ ᱯᱨᱚᱫᱮᱥ ᱵᱤᱫᱷᱟᱱᱥᱚᱵᱷᱟ ᱨᱤᱱᱤᱡ ᱥᱚᱦᱮᱛ | |
| ᱟᱹᱢᱟᱹᱞᱤ ᱨᱮ ᱑᱙᱙᱐ – ᱒᱐᱐᱓ | |
| ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | ᱯᱨᱮᱢ ᱞᱟᱞ ᱢᱤᱥᱨᱟ |
| ᱛᱟᱭᱚᱢ ᱟᱹᱢᱟᱹᱞᱤᱭᱟᱹ | ᱨᱟᱡᱮᱱᱫᱨᱚ ᱥᱩᱠᱞᱟ |
| ᱵᱟᱪᱷᱱᱟᱣ ᱮᱞᱟᱠᱟ | ᱨᱤᱣᱟ |
| ᱯᱟᱨᱥᱚᱱᱟᱞ ᱵᱤᱵᱚᱨᱚᱱ | |
| ᱡᱟᱱᱟᱢ | ᱓ ᱡᱩᱞᱟᱭ ᱑᱙᱖᱐ [᱑] |
| ᱡᱟᱹᱛᱤᱭᱟᱹᱨᱤ | ᱥᱤᱧᱚᱛᱤᱭᱟᱹ |
| ᱨᱟᱡᱽᱟᱹᱨᱤ ᱫᱚᱞ | ᱵᱷᱟᱨᱚᱛᱤᱭᱚ ᱡᱚᱱᱛᱟ ᱯᱟᱨᱴᱤ |
| ᱮᱴᱟᱜ ᱨᱟᱡᱽᱟᱹᱨᱤ ᱥᱟᱹᱜᱟᱹᱭ | ᱯᱷᱩᱨᱜᱟᱹᱞ |
| ᱦᱚᱯᱚᱱ | ᱢᱳᱦᱮᱱᱟ ᱥᱤᱝ, ᱫᱤᱵᱽᱭᱟᱨᱟᱡᱽ ᱥᱤᱝ |
| ᱜᱳ/ᱵᱟᱵᱟ | ᱢᱚᱦᱟᱨᱟᱡᱟ ᱢᱟᱨᱴᱟᱱᱰ ᱥᱤᱝ, ᱢᱚᱦᱟᱨᱟᱹᱱᱤ ᱯᱨᱚᱵᱤᱱ ᱠᱩᱢᱟᱨᱤ |
| ᱚᱲᱟᱜ | ᱨᱤᱣᱟ, ᱢᱚᱫᱷᱭᱚ ᱯᱨᱚᱫᱮᱥ |
| ᱠᱟᱹᱢᱤ | ᱨᱟᱡᱽᱟᱹᱨᱤᱭᱟᱹ |
ᱯᱩᱥᱯᱨᱟᱡᱽ ᱥᱤᱝ ᱟᱨᱵᱟᱝ ᱯᱩᱥᱯᱟᱨᱟᱡᱽ ᱥᱤᱝ ᱫᱚ ᱨᱤᱣᱟ ᱨᱤᱱᱤᱡ “ᱵᱚᱜᱷᱮᱞ ᱨᱟᱡᱽᱵᱚᱝᱥᱚ ᱨᱤᱱᱤᱡ ᱵᱚᱝᱥᱚᱡᱽ” ᱠᱟᱱᱟᱭ ᱟᱨ ᱫᱤᱜᱽᱵᱷᱤᱡᱚᱭ ᱥᱤᱝ ᱥᱚᱨᱠᱟᱨ ᱨᱮ ᱢᱚᱫᱷᱭᱚ ᱯᱨᱚᱫᱮᱥ ᱯᱚᱱᱚᱛ ᱨᱤᱱᱤᱡ ᱢᱟᱨᱮ ᱢᱚᱱᱛᱨᱤ ᱛᱟᱦᱮᱸ ᱠᱟᱱᱟᱭ ᱾ ᱟᱡᱤᱡ ᱠᱩᱲᱤ ᱜᱤᱫᱽᱨᱟᱹ ᱫᱚ ᱢᱳᱦᱤᱱᱟ ᱥᱤᱝ[᱒] ᱥᱤᱧᱚᱛᱤᱭᱟᱹ ᱴᱮᱞᱤᱵᱷᱤᱡᱚᱱ ᱮᱠᱴᱨᱮᱥ ᱠᱟᱱᱟᱭ ᱟᱨ ᱠᱚᱲᱟ ᱜᱤᱫᱽᱨᱟᱹ ᱫᱚ ᱫᱤᱵᱽᱭᱟᱨᱟᱡᱽ ᱥᱤᱝ ᱫᱚ ᱥᱤᱨᱢᱳᱨ, ᱨᱤᱣᱟ ᱠᱷᱚᱱ ᱵᱤᱡᱮᱯᱤ ᱵᱤᱫᱷᱟᱱ ᱥᱚᱵᱷᱟ ᱥᱚᱦᱮᱛ ᱠᱟᱱᱟᱭ ᱾
ᱯᱩᱥᱯᱨᱟᱡᱽ ᱥᱤᱝ ᱫᱚ ᱥᱤᱧᱚᱛᱤᱭᱟᱹ ᱨᱟᱡᱽᱟᱹᱨᱤᱭᱟᱹ ᱟᱨ ᱡᱤᱣᱤ ᱡᱤᱭᱟᱹᱞᱤ ᱥᱩᱥᱟᱹᱨᱤᱭᱟᱹ ᱢᱟᱨᱛᱚᱱᱰ ᱥᱤᱝ ᱤᱡ ᱦᱚᱯᱚᱱ ᱠᱟᱱᱟᱭ ᱾ ᱩᱱᱤ ᱫᱚ ᱢᱚᱦᱟᱨᱟᱡᱟ ᱜᱩᱞᱚᱵᱽ ᱥᱤᱝ ᱤᱡ ᱦᱚᱯᱚᱱ ᱠᱟᱱᱟᱭ, ᱡᱟᱦᱟᱸᱭ ᱫᱚ ᱵᱨᱤᱴᱤᱥ ᱨᱟᱡᱽ ᱚᱠᱛᱚ ᱨᱮ ᱥᱤᱧᱚᱛ ᱨᱮ ᱨᱤᱣᱟ ᱨᱟᱡᱚᱥᱴᱤ ᱨᱤᱱᱤᱡ ᱢᱩᱪᱟᱹᱫ ᱨᱟᱡᱟ ᱛᱟᱦᱮᱸ ᱠᱟᱱᱟᱭ ᱾ ᱑᱙᱗᱑ ᱥᱮᱨᱢᱟ ᱨᱮ ᱥᱚᱨᱠᱟᱨ ᱦᱚᱛᱮᱛᱮ ᱥᱤᱧᱚᱛᱤᱭᱟᱹ ᱨᱟᱡᱽ ᱜᱷᱟᱨᱚᱸᱡᱽ ᱨᱮᱱᱟᱜ ᱯᱨᱤᱵᱷᱤ ᱯᱟᱨᱥ ᱟᱨ ᱧᱩᱛᱩᱢ ᱠᱚ ᱵᱚᱫᱚᱞ ᱞᱮᱫᱟ, ᱚᱱᱟ ᱫᱷᱟᱹᱨᱤᱡ ᱢᱟᱨᱛᱚᱱᱰ ᱥᱤᱝ ᱫᱚ ᱨᱤᱣᱟ ᱨᱤᱱᱤᱡ ᱠᱨᱟᱣᱱ ᱯᱨᱤᱱᱥ ᱮ ᱛᱟᱦᱮᱸ ᱠᱟᱱᱟᱭ ᱾[᱓]
ᱮᱛᱚᱦᱚᱵ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱯᱩᱥᱯᱨᱟᱡᱽ ᱥᱤᱝ ᱫᱚ ᱓ ᱡᱩᱞᱟᱭ ᱑᱙᱖᱐ ᱥᱟᱞ ᱨᱮ ᱢᱚᱫᱷᱭᱚ ᱯᱨᱚᱫᱮᱥ, ᱥᱤᱧᱚᱛ ᱨᱮ ᱡᱟᱱᱟᱢ ᱞᱮᱱᱟᱭ ᱾ ᱑᱙᱙᱕ ᱥᱟᱞ ᱨᱮ ᱟᱡ ᱵᱟᱵᱟ ᱜᱩᱨ ᱛᱟᱭᱚᱢ ᱩᱱᱤ ᱫᱚ ᱨᱤᱣᱟ ᱨᱤᱱᱤᱡ ᱢᱚᱦᱟᱨᱟᱡᱟ ᱞᱮᱠᱟᱛᱮᱭ ᱛᱟᱦᱮᱸ ᱮᱱᱟ ᱾ ᱟᱡ ᱟᱭᱳᱣᱟᱜ ᱧᱩᱛᱩᱢ ᱫᱚ ᱢᱚᱦᱟᱨᱟᱹᱱᱤ ᱯᱨᱚᱵᱤᱱ ᱠᱩᱢᱟᱨᱤ ᱠᱟᱱᱟᱭ ᱾ ᱯᱩᱥᱯᱨᱟᱡᱽ ᱥᱤᱝ ᱟᱜ ᱮᱨᱟ ᱟᱜ ᱧᱩᱛᱩᱢ ᱫᱚ ᱢᱟᱫᱷᱩ ᱥᱤᱝ ᱠᱟᱱᱟ ᱾ ᱱᱩᱠᱤᱱ ᱨᱤᱱ ᱫᱚ ᱢᱤᱫ ᱠᱚᱲᱟ ᱜᱤᱫᱽᱨᱟᱹ ᱟᱨ ᱢᱤᱫ ᱠᱩᱲᱤ ᱜᱤᱫᱽᱨᱟᱹ ᱢᱮᱱᱟᱜ ᱠᱤᱱᱟ ᱾
ᱨᱟᱡᱽᱟᱹᱨᱤ ᱠᱟᱹᱢᱤ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱯᱩᱥᱯᱨᱟᱡᱽ ᱥᱤᱝ ᱑᱙᱙᱐ ᱨᱮ ᱨᱤᱣᱟ ᱵᱟᱪᱷᱱᱟᱣ ᱴᱚᱴᱷᱟ ᱠᱷᱚᱱ ᱠᱚᱝᱜᱽᱨᱮᱥ ᱠᱟᱱᱰᱤᱰᱮᱴ ᱞᱮᱠᱟᱛᱮ ᱵᱤᱫᱷᱟᱱ ᱥᱚᱵᱷᱟ ᱵᱟᱪᱷᱱᱟᱣ ᱨᱮ ᱡᱤᱛᱠᱟᱹᱨ ᱠᱟᱛᱮ ᱨᱟᱡᱽᱟᱹᱨᱤ ᱨᱮᱭ ᱥᱮᱞᱮᱫ ᱞᱮᱱᱟ ᱾ ᱩᱱᱤ ᱫᱚ ᱱᱤᱛᱚᱜᱟᱜ ᱯᱨᱮᱢᱞᱟᱞ ᱢᱤᱥᱨᱟ ᱥᱟᱞᱟᱜ ᱒᱗,᱕᱔᱖ ᱵᱷᱳᱴ ᱛᱮ ᱡᱤᱛᱟᱹᱣ ᱮᱱᱟ ᱾ ᱩᱱᱤ ᱫᱚ ᱑᱙᱙᱓ ᱟᱨ ᱑᱙᱙᱘ ᱨᱮᱱᱟᱜ ᱵᱟᱪᱷᱱᱟᱣ ᱨᱮ ᱟᱡᱟᱜ ᱡᱤᱛᱠᱟᱹᱨ ᱠᱟᱹᱢᱤ ᱫᱚᱦᱚ ᱞᱮᱫᱟᱭ, ᱡᱚᱠᱷᱚᱱ ᱩᱱᱤ ᱫᱚ ᱒᱐᱐᱓ ᱥᱟᱞ ᱨᱮ ᱵᱤᱡᱮᱯᱤ ᱯᱟᱨᱥᱮᱛ ᱨᱟᱡᱮᱱᱫᱨᱚ ᱥᱩᱠᱞᱟ ᱴᱷᱮᱱ ᱠᱷᱚᱱ ᱦᱟᱨ ᱮᱱᱟᱭ ᱾[᱔][᱕]
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ "Rewah Princely State". www.indianrajputs.com. Retrieved 24 March 2023.
- ↑ "The Princess Diary". www.archive.indianexpress.com. 7 Jan 2012. Retrieved 23 March 2023.
- ↑ "REWA: THERE'S MORE TO THIS MAJESTIC GREENLAND THAN WHITE TIGER". www.thedailyguardian.com. 11 June 2021. Archived from the original on 23 March 2023. Retrieved 23 March 2023.
- ↑ "Pushparaj Singh, Maharaja of Rewa, returns to Congress". The Times of India. 28 September 2018. Retrieved 23 March 2023.
- ↑ "King of Rewa Pushpraj Singh back in Congress after 15 years". www.newindiaexpress.com. 28 September 2018. Retrieved 23 March 2023.