ᱯᱩᱨᱱᱟ ᱡᱚᱜᱚᱱᱱᱟᱛᱷᱚᱱ
| ᱯᱩᱨᱱᱟ ᱡᱚᱜᱚᱱᱱᱟᱛᱷᱚᱱ | |
|---|---|
 | |
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱰᱤᱥᱮᱢᱵᱚᱨ ᱒᱒, ᱑᱙᱗᱒ ᱛᱩᱱᱤᱥ, ᱴᱛᱩᱱᱤᱥᱤᱭᱟ |
| ᱫᱤᱥᱚᱢᱤᱭᱟᱹ | ᱟᱢᱮᱨᱤᱠᱟᱱ |
| ᱥᱮᱪᱮᱫ | University of Brasília University of Maryland, College Park (BA) Pace University |
| ᱠᱟᱹᱢᱤ | ᱮᱠᱴᱨᱮᱥ |
| ᱠᱟᱹᱢᱤ ᱚᱠᱛᱚ | 2001-ᱱᱤᱛ |
| ᱡᱤᱭᱚᱱ ᱥᱚᱦᱮᱫ | ᱟᱡᱟᱫᱽ ᱳᱢᱮᱱ (m. 2003) |
| ᱦᱚᱯᱚᱱ | 1 |
ᱯᱩᱨᱱᱟ ᱡᱚᱜᱚᱱᱱᱟᱛᱷᱚᱱ (ᱡᱟᱱᱟᱢ ᱒᱒ ᱰᱤᱥᱮᱢᱵᱚᱨ ᱑᱙᱗᱒)[᱑] ᱫᱚ ᱢᱤᱫ ᱟᱢᱮᱨᱤᱠᱟ ᱨᱤᱱᱤᱡ ᱯᱨᱚᱰᱭᱩᱥᱚᱨ ᱟᱨ ᱮᱠᱴᱨᱮᱥ ᱠᱟᱱᱟᱭ ᱾ ᱩᱱᱤ ᱫᱚ HBO ᱰᱨᱟᱢᱟ ᱢᱤᱱᱤᱥᱤᱨᱤᱡᱽ The Night Of ᱨᱮ ᱥᱟᱯᱷᱟᱨ ᱠᱷᱟᱱ ᱞᱮᱠᱟᱛᱮᱭ ᱠᱟ.ᱢᱤ ᱟᱠᱟᱫᱟ, ᱟᱨ ᱱᱮᱴᱯᱷᱞᱤᱠᱥ ᱴᱤᱸᱰᱤ ᱠᱚᱢᱮᱰᱤ ᱥᱤᱨᱤᱡᱽ Never Have I Ever ᱨᱮ ᱱᱟᱞᱤᱱᱤ ᱵᱷᱤᱥᱣᱟᱠᱩᱢᱟᱨ ᱞᱮᱠᱟᱛᱮᱭ ᱠᱟ.ᱢᱤ ᱟᱠᱟᱫᱟ।
ᱡᱚᱜᱚᱱᱱᱟᱛᱷᱚᱱ ᱫᱚ ᱱᱤᱨᱵᱷᱚᱭᱟ ᱧᱩᱛᱩᱢᱟᱱ ᱯᱨᱚᱰᱭᱩᱥᱚᱨ ᱦᱚᱸᱭ ᱛᱟᱦᱮᱸ ᱠᱟᱱᱟ ᱾ ᱱᱤᱨᱵᱷᱚᱭᱟ ᱫᱚ "ᱢᱟᱹᱱᱢᱤ ᱟᱹᱭᱫᱟᱹᱨᱤ ᱛᱷᱤᱭᱮᱴᱚᱨ ᱨᱮᱱᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱟᱨ ᱞᱟᱹᱠᱛᱤᱭᱟᱱ ᱴᱷᱟᱶ ᱠᱷᱚᱱ ᱢᱤᱫᱴᱟᱹᱝ" ᱢᱮᱱᱛᱮ ᱠᱚ ᱢᱟᱱᱟᱣ ᱵᱟᱛᱟᱣ ᱞᱮᱫᱼᱟ ᱾ ᱱᱚᱣᱟ ᱫᱚ ᱥᱤᱧᱚᱛ ᱨᱮᱱᱟᱜ ᱠᱩᱲᱤ ᱠᱚᱣᱟᱜ ᱟᱹᱢᱟᱹᱞᱮᱛ ᱨᱮᱱᱟᱜ ᱱᱟᱜᱟᱢ ᱨᱮ ᱢᱤᱫ ᱢᱩᱬ ᱚᱠᱛᱚ ᱞᱮᱠᱟᱛᱮ ᱠᱚ ᱢᱟᱱᱟᱣ ᱵᱟᱛᱟᱣᱮᱫᱼᱟ ᱾
ᱡᱚᱜᱚᱱᱱᱟᱛᱷᱚᱱ ᱫᱚ ᱒᱐᱒᱑ ᱟᱨ ᱒᱐᱒᱒ ᱨᱮ ᱜᱳᱞᱰᱦᱟᱣᱩᱥ ᱦᱚᱛᱮᱛᱮ ᱟᱢᱮᱨᱤᱠᱟ ᱨᱮ "ᱴᱚᱯ ᱑᱐ ᱢᱚᱥᱴ ᱤᱢᱯᱮᱠᱴᱤᱵᱷᱚᱞ ᱮᱥᱤᱭᱟᱱᱥ" ᱨᱮ ᱧᱩᱛᱩᱢ ᱟᱠᱟᱱᱟ ᱾ ᱯᱤᱯᱩᱞ ᱢᱮᱜᱟᱡᱤᱱ ᱟᱡᱟᱜ ᱒᱐᱒᱔ ᱨᱮᱱᱟᱜ 'The Beautiful Issue' ᱨᱮ ᱟᱡᱟᱜ ᱧᱩᱛᱩᱢ ᱮ ᱥᱚᱫᱚᱨ ᱞᱮᱫᱼᱟ ᱟᱨ ᱵᱷᱮᱨᱵᱷ ᱢᱮᱜᱟᱡᱤᱱ ᱒᱐᱑᱔ ᱨᱮ ᱥᱤᱧᱚᱛ ᱨᱮᱱᱟᱜ ᱕᱐ ᱟᱹᱰᱤ ᱢᱩᱬᱩᱛ ᱠᱩᱲᱤ ᱠᱚ ᱢᱩᱫᱽ ᱨᱮ ᱟᱡᱟᱜ ᱧᱩᱛᱩᱢ ᱮ ᱥᱚᱫᱚᱨ ᱞᱮᱫᱼᱟ ᱾[᱒]
ᱮᱛᱚᱦᱚᱵ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱡᱚᱜᱚᱱᱱᱟᱛᱷᱚᱱ ᱫᱚ ᱛᱩᱱᱤᱥ, ᱛᱩᱱᱤᱥᱤ ᱨᱮ ᱵᱚᱥᱚᱱᱛᱷᱟ ᱡᱚᱜᱚᱱᱱᱟᱛᱷᱚᱱ ᱟᱨ ᱡᱤ. ᱡᱚᱜᱚᱱᱱᱟᱛᱷᱚᱱ, ᱢᱤᱫ ᱥᱤᱧᱚᱛᱤᱭᱟᱹ ᱰᱤᱯᱞᱚᱢᱮᱴ, ᱒᱒ ᱰᱤᱥᱮᱢᱵᱚᱨ, ᱑᱙᱗᱒ ᱨᱮ ᱩᱱᱤ ᱫᱚ ᱯᱟᱠᱤᱥᱛᱟᱱ, ᱟᱭᱟᱨᱞᱮᱱᱰ, ᱥᱤᱧᱚᱛ, ᱵᱨᱟᱡᱤᱞ ᱟᱨ ᱟᱨᱡᱮᱱᱴᱤᱱᱟ ᱨᱮᱭ ᱦᱟᱨᱟ ᱵᱩᱨᱩ ᱞᱮᱱᱟᱭ ᱟᱨ ᱛᱟᱢᱤᱞ, ᱦᱤᱱᱫᱤ, ᱤᱝᱞᱤᱥ, ᱥᱯᱮᱱᱤᱥ ᱟᱨ ᱯᱚᱨᱛᱩᱜᱤᱡᱽ ᱯᱟᱹᱨᱥᱤ ᱛᱮᱭ ᱨᱚᱲᱟ ᱾ ᱡᱚᱜᱚᱱᱱᱟᱛᱷᱚᱱ ᱫᱚ ᱢᱟᱨᱤᱞᱮᱱᱰ ᱡᱮᱜᱮᱛ ᱵᱤᱨᱫᱟᱹᱜᱟᱲ, ᱠᱚᱞᱮᱡᱽ ᱯᱟᱨᱠ ᱠᱷᱚᱱ ᱚᱱᱚᱞᱤᱭᱟᱹ ᱞᱮᱠᱟᱛᱮ ᱢᱟᱪᱮᱛ ᱞᱮᱠᱟᱛᱮ ᱢᱟᱲᱟᱝ ᱨᱮ ᱵᱨᱟᱥᱤᱞᱤᱭᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮ ᱥᱮᱞᱮᱫ ᱞᱮᱱᱟᱭ ᱾ ᱩᱱᱤ ᱫᱚ ᱯᱟᱭᱥ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮ ᱮᱠᱴᱚᱨᱥ ᱥᱴᱩᱰᱤᱭᱳ ᱰᱨᱟᱢᱟ ᱟᱥᱲᱟ ᱨᱮ ᱟᱠᱴᱤᱝ ᱨᱮ ᱢᱟᱥᱴᱚᱨ ᱚᱯᱷ ᱯᱷᱟᱭᱱ ᱟᱨᱴᱥ ᱨᱮ ᱯᱟᱲᱦᱟᱣ ᱞᱟᱹᱜᱤᱫ ᱥᱠᱚᱞᱟᱨᱥᱤᱯ ᱮ ᱧᱟᱢ ᱞᱮᱫ-ᱟ ᱾ ᱯᱩᱭᱞᱩ ᱥᱮᱨᱢᱟ ᱛᱟᱭᱚᱢ ᱩᱱᱤ ᱫᱚ ᱚᱞ ᱪᱤᱠᱤ ᱵᱟᱧᱪᱟᱣ ᱮᱱ ᱨᱮᱦᱚᱸ ᱟᱡᱟᱜ ᱢᱟᱪᱮᱛ ᱮᱞᱤᱡᱮᱵᱷᱮᱴ ᱠᱮᱢᱯ ᱟᱜ ᱜᱚᱲᱚ ᱛᱮ ᱩᱱᱤ ᱫᱚ ᱟᱠᱴᱤᱝ ᱮ ᱯᱟᱲᱦᱟᱣ ᱮᱱᱟ ᱾ ᱡᱚᱜᱚᱱᱱᱟᱛᱷᱚᱱ ᱫᱚ ᱵᱟᱨᱚᱣ ᱜᱨᱩᱯ ᱨᱮ ᱴᱨᱮᱱᱤᱝ ᱞᱮᱫᱟᱭ ᱡᱟᱦᱟᱸᱨᱮ ᱱᱤᱛᱚᱜ ᱫᱚ ᱵᱳᱨᱰ ᱟᱨ ᱠᱚᱢᱯᱟᱱᱤ ᱢᱮᱢᱵᱚᱨ ᱠᱟᱱᱟᱭ ᱾ ᱟᱠᱴᱚᱨ ᱞᱮᱠᱟᱛᱮ ᱟᱡᱟᱜ ᱠᱮᱨᱤᱭᱚᱨ ᱢᱟᱬᱟᱝ ᱨᱮ, ᱡᱚᱜᱚᱱᱱᱟᱛᱷᱚᱱ ᱟᱡᱟᱜ ᱠᱳᱵᱷᱜᱟᱨᱞᱥ ᱟᱨ ᱤᱱᱰᱤᱭᱟᱱᱥ (Cowgirls & Indians) ᱠᱚᱱᱥᱚᱞᱴᱮᱱᱥᱤ ᱮᱛᱚᱦᱚᱵ ᱞᱟᱹᱜᱤᱫ TBWA\Worldwide, Ogilvy, ᱟᱨ Deutsch Inc. ᱞᱮᱠᱟᱱ ᱮᱡᱮᱱᱥᱤ ᱨᱮ ᱑᱕ ᱥᱮᱨᱢᱟ ᱠᱟᱹᱢᱤ ᱞᱮᱫᱟᱭ ᱾
ᱠᱮᱨᱤᱭᱚᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱡᱚᱜᱚᱱᱱᱟᱛᱷᱚᱱ ᱫᱚ ᱵᱤᱜᱽ ᱞᱤᱴᱞ ᱞᱟᱭ, ᱵᱮᱴᱟᱨ ᱠᱚᱞ ᱥᱟᱣᱞ ᱟᱨ ᱨᱟᱢᱤ ᱞᱮᱠᱟᱱ ᱴᱤᱵᱷᱤ ᱥᱳ ᱨᱮ ᱨᱤᱠᱚᱨᱰᱤᱝ ᱯᱟᱨᱴᱤ ᱠᱚᱭ ᱟᱢᱮᱴ ᱟᱠᱟᱫᱟ ᱾ ᱩᱱᱤ ᱫᱚ The Blacklist ᱨᱮ Blacklister #44 ᱮ ᱠᱷᱮᱞ ᱞᱮᱫ ᱛᱟᱦᱮᱸᱫ ᱟᱨ ᱑᱘ ᱟᱱᱟᱜ ᱥᱮᱨᱢᱟ ᱨᱮᱱᱟᱜ ᱰᱟᱵᱞ-ᱥᱮᱡᱚᱱ-ᱯᱷᱤᱱᱮᱞ ᱮᱯᱤᱥᱚᱰ ᱞᱟᱹᱜᱤᱫ ᱞᱚ ᱮᱸᱰ ᱚᱰᱚᱨ: ᱥᱯᱮᱥᱤᱭᱟᱞ ᱵᱷᱤᱠᱴᱤᱢ ᱭᱩᱱᱤᱴ ᱨᱮ ᱜᱚᱥᱴᱤ ᱞᱤᱰ ᱞᱮᱠᱟᱛᱮᱭ ᱛᱟᱦᱮᱸ ᱞᱮᱱᱟ ᱾ ᱒᱐᱑᱗ ᱨᱮ, ᱩᱱᱤ ᱫᱚ A24 ᱯᱷᱤᱞᱢ Share ᱨᱮ ᱢᱤᱫᱴᱟᱹᱝ ᱞᱤᱰ ᱮ ᱠᱷᱮᱞ ᱞᱮᱫ ᱛᱟᱦᱮᱸᱫ ᱾ Share ᱫᱚ ᱒᱐᱑᱙ ᱥᱟᱞ ᱨᱮ ᱥᱟᱱᱰᱟᱱᱥ ᱯᱷᱤᱞᱢ ᱯᱷᱮᱥᱴᱤᱵᱷᱮᱞ ᱨᱮ ᱩᱫᱩᱜ ᱥᱚᱫᱚᱨ ᱞᱮᱱᱟ, ᱟᱨ ᱚᱱᱟ ᱛᱟᱭᱚᱢ ᱛᱮ HBO ᱦᱚᱛᱮᱛᱮ ᱦᱟᱛᱟᱣ ᱞᱮᱱᱟ ᱾
ᱡᱚᱜᱚᱱᱱᱟᱛᱷᱚᱱ ᱫᱚ ᱒᱐᱑᱑ ᱨᱮ ᱦᱤᱱᱫᱤ ᱥᱤᱱᱮᱢᱟ ᱯᱷᱤᱞᱢ ᱫᱤᱞᱞᱤ ᱵᱮᱞᱤ ᱨᱮ ᱢᱤᱫ ᱠᱷᱚᱵᱚᱨᱤᱭᱟᱹ ᱞᱮᱠᱟᱛᱮ ᱟᱡᱟᱜ ᱨᱳᱞ ᱞᱟᱹᱜᱤᱫ ᱛᱮ ᱟᱹᱰᱤ ᱥᱟᱨᱦᱟᱣ ᱮ ᱧᱟᱢ ᱞᱮᱫᱼᱟ ᱾ ᱵᱷᱤᱞᱮᱡᱽ ᱵᱷᱳᱭᱥ ᱫᱚᱭ ᱢᱮᱱ ᱟᱠᱟᱫᱟ ᱡᱮ, "ᱱᱚᱣᱟ ᱨᱮᱱ ᱡᱚᱛᱚ ᱠᱷᱚᱱ ᱱᱟᱯᱟᱭ ᱥᱟᱵᱷᱚᱨᱥᱤᱵᱽ ᱮᱞᱮᱢᱮᱱᱴ ᱫᱚ ᱯᱩᱨᱱᱟ ᱡᱚᱜᱚᱱᱱᱟᱛᱷᱚᱱ ᱠᱟᱱᱟᱭ ᱾ ᱩᱱᱤ ᱫᱚ ᱡᱮᱨᱳᱠᱥᱮᱰ, ᱯᱮᱰᱮᱥᱴᱮᱞᱰ ᱥᱩᱯᱩᱨᱤ ᱠᱚᱣᱟᱜ ᱥᱚᱨᱮᱥ ᱦᱩᱞᱥᱟᱹᱭ ᱠᱷᱚᱱ ᱢᱤᱫ ᱥᱟᱨᱦᱟᱣᱟᱱ ᱵᱷᱮᱜᱟᱨ ᱠᱟᱱᱟ ᱾" ᱢᱩᱢᱵᱟᱭ ᱢᱤᱨᱚᱨ ᱨᱮ ᱚᱞ ᱟᱠᱟᱱᱟ, "ᱯᱩᱨᱱᱟ ᱡᱚᱜᱚᱱᱱᱟᱛᱷᱚᱱ ᱫᱚ ᱢᱤᱫ ᱵᱷᱮᱜᱟᱨ ᱵᱷᱮᱜᱟᱨ ᱦᱚᱲ ᱠᱟᱱᱟᱭ, ᱩᱱᱤ ᱫᱚ ᱟᱹᱰᱤ ᱱᱟᱯᱟᱭ ᱜᱮᱭᱟ ᱟᱨ ᱱᱟᱯᱟᱭ ᱜᱮᱭ ᱠᱟᱹᱢᱤᱭᱟ ᱾" ᱰᱮᱭᱞᱤ ᱱᱤᱣᱥ ᱟᱨ ᱮᱱᱮᱞᱤᱥᱤᱥ (Daily News and Analysis) ᱯᱚᱛᱚᱵ ᱨᱮ ᱚᱞ ᱟᱠᱟᱱᱟ ᱡᱚᱜᱚᱱᱱᱟᱛᱷᱚᱱ ᱫᱚ ᱱᱚᱶᱟ ᱯᱷᱤᱞᱢ ᱨᱮᱭ ᱧᱮᱞᱚᱜ ᱠᱟᱱᱟ, ᱟᱨ "ᱡᱚᱜᱚᱱᱱᱟᱛᱷᱚᱱ ᱟᱜ ᱵᱷᱳᱦᱮᱢᱤᱭᱟᱱ ᱥᱠᱥᱮᱯᱮᱞ" ᱫᱚ "ᱱᱚᱶᱟ ᱯᱷᱤᱞᱢ ᱨᱮᱱ ᱢᱩᱬᱩᱛ ᱟᱨ ᱥᱟᱹᱨᱤ 'ᱦᱮᱨᱳᱤᱱ' ᱠᱷᱚᱱ ᱢᱤᱫ ᱱᱟᱯᱟᱭ ᱵᱷᱮᱜᱟᱨ ᱢᱮᱱᱟᱜᱼᱟ, ᱡᱟᱦᱟᱸᱭ ᱫᱚ ᱟᱵᱚ ᱧᱮᱞᱚᱜ ᱠᱟᱱ ᱜᱮᱭᱟ᱾" ᱚᱞᱴᱩᱠ ᱞᱚᱝᱡ (Outlook Lounge) ᱨᱤᱱᱤᱡ ᱚᱱᱚᱞᱤᱭᱟᱹ ᱫᱚ ᱡᱚᱜᱚᱱᱱᱟᱛᱷᱚᱱ ᱟᱜ ᱮᱱᱮᱡ ᱫᱚ "ᱱᱮᱦᱮᱲᱮ ᱮᱱᱮᱡ ᱨᱮ ᱢᱤᱫ ᱢᱟᱨᱥᱟᱞ ᱵᱤᱨᱫᱟᱹᱜᱟᱲ" ᱛᱟᱦᱮᱸ ᱠᱟᱱᱟ ᱢᱮᱱᱛᱮᱭ ᱞᱟᱹᱭ ᱥᱚᱫᱚᱨ ᱟᱠᱟᱫᱟ ᱾ ᱒᱐᱑᱙ ᱥᱟᱞ ᱨᱮ, ᱯᱷᱤᱞᱢ ᱠᱚᱢᱯᱟᱱᱤᱭᱚᱱ ᱦᱚᱛᱮᱛᱮ ᱫᱤᱞᱞᱤ ᱵᱮᱞᱤ ᱫᱚ ᱒᱕ ᱜᱚᱴᱟᱝ ᱵᱚᱞᱤᱣᱩᱰ ᱯᱷᱤᱞᱢ ᱠᱚ ᱢᱩᱫᱽ ᱨᱮ ᱢᱤᱫᱴᱟᱹᱝ ᱧᱩᱛᱩᱢ ᱮ ᱧᱟᱢ ᱞᱮᱫᱼᱟ ᱾
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ "In Conversation With Poorna Jagannathan". Grazia India. July 30, 2023. Retrieved August 11, 2024.
- ↑ "Power Catalyst: Poorna Jagannathan | Verve Magazine". June 24, 2014. Archived from the original on April 21, 2023. Retrieved April 21, 2023.
ᱵᱟᱦᱨᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ] |
ᱣᱤᱠᱤᱢᱤᱰᱤᱭᱟ ᱠᱚᱢᱚᱱᱥ ᱨᱮ ᱯᱩᱨᱱᱟ ᱡᱚᱜᱚᱱᱱᱟᱛᱷᱚᱱ ᱵᱟᱵᱚᱛᱫᱽ ᱛᱮ ᱨᱮᱫ ᱢᱮᱱᱟᱜᱼᱟ ᱾. |
- [http:// ᱢᱩᱠᱷᱭᱟᱹ ᱣᱮᱵᱽᱥᱟᱭᱤᱴ]
- ᱯᱩᱨᱱᱟ ᱡᱚᱜᱚᱱᱱᱟᱛᱷᱚᱱ (ᱤᱱᱴᱚᱨᱱᱮᱴ ᱢᱩᱵᱷᱤ ᱰᱟᱴᱟᱵᱮᱥ ᱨᱮ)
