ᱯᱩᱱᱟᱠᱷᱟ
| ᱯᱩᱱᱟᱠᱷᱟ སྤུ་ན་ཁ་ | |
|---|---|
| ᱥᱟᱥᱚᱱᱤᱭᱟᱹ ᱛᱟᱞᱢᱟ | |
| ᱯᱩᱱᱟᱠᱷᱟ ᱡᱚᱝ ᱟᱨ ᱢᱳ ᱪᱩ ᱜᱟᱰᱟ ᱯᱩᱱᱟᱠᱷᱟ ᱡᱚᱝ ᱟᱨ ᱢᱳ ᱪᱩ ᱜᱟᱰᱟ | |
| ᱵᱷᱩᱴᱟᱱ ᱨᱮ ᱯᱩᱱᱟᱠᱷᱟ ᱨᱮᱱᱟᱜ ᱴᱷᱟᱶ ᱵᱷᱩᱴᱟᱱ ᱨᱮ ᱯᱩᱱᱟᱠᱷᱟ ᱨᱮᱱᱟᱜ ᱴᱷᱟᱶ | |
| Coordinates: 27°35′N 89°51.5′E / 27.583°N 89.8583°ECoordinates: 27°35′N 89°51.5′E / 27.583°N 89.8583°E | |
| ᱫᱤᱥᱚᱢ | ᱵᱷᱩᱴᱟᱱ |
| ᱦᱚᱱᱚᱛ | ᱯᱩᱱᱟᱠᱷᱟ ᱡᱚᱝᱠᱷᱟᱜᱽ |
| ᱮᱨᱤᱭᱟ | |
| • ᱞᱮᱠᱷᱟᱜᱩᱴ | 1110 ᱠᱤᱢᱤ২ (430 ᱜᱟᱺᱴ ᱢᱟᱭᱤᱞ) |
| ᱩᱥᱩᱞ | 1242 ᱢᱤᱴᱚᱨ (4075 ᱯᱷᱩᱴ) |
| ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ | (᱒᱐᱑᱗) |
| • ᱞᱮᱠᱷᱟᱜᱩᱴ | ᱖,᱒᱖᱒ |
| BTT (ᱭᱩᱴᱤᱥᱤ+᱐᱖:᱐᱐) | |
| ᱣᱮᱵᱽᱥᱟᱭᱤᱴ | www.punakha.gov.bt/en |
ᱯᱩᱱᱟᱠᱷᱟ (ᱡᱚᱝᱠᱷᱟ: སྤུ་ན་ཁ་) ᱫᱚ ᱵᱷᱩᱴᱟᱱ ᱨᱮᱱᱟᱜ ᱒᱐ ᱜᱚᱴᱟᱝ ᱦᱚᱱᱚᱛ ᱢᱩᱫᱽ ᱨᱮ ᱯᱩᱱᱟᱠᱷᱟ ᱡᱚᱝᱠᱷᱟᱜᱽ ᱨᱮᱱᱟᱜ ᱢᱤᱫ ᱥᱟᱥᱚᱱᱤᱭᱟᱹ ᱛᱟᱞᱢᱟ ᱠᱟᱱᱟ᱾ ᱑᱙᱕᱕ ᱥᱟᱞ ᱨᱮ ᱨᱟᱡᱽᱜᱟᱲ ᱛᱷᱤᱢᱯᱷᱩ ᱨᱮ ᱵᱟᱝ ᱩᱪᱟᱹᱲ ᱦᱟᱹᱵᱤᱡ ᱯᱩᱱᱟᱠᱷᱟ ᱫᱚ ᱵᱷᱩᱴᱟᱱ ᱨᱮᱱᱟᱜ ᱨᱟᱡᱽᱜᱟᱲ ᱟᱨ ᱥᱚᱨᱠᱟᱨᱟᱜ ᱢᱟᱹᱪᱤ ᱛᱟᱦᱮᱸ ᱠᱟᱱᱟ᱾ ᱱᱚᱣᱟ ᱫᱚ ᱛᱷᱤᱢᱯᱷᱩ ᱠᱷᱚᱱ ᱗᱒ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ, ᱟᱨ ᱨᱟᱡᱽᱜᱟᱲ ᱠᱷᱚᱱ ᱜᱟᱹᱰᱤ ᱛᱮ ᱥᱮᱱᱚᱜ ᱞᱟᱹᱜᱤᱫ ᱓ ᱴᱟᱲᱟᱝ ᱚᱠᱛᱚ ᱞᱟᱜᱟᱜᱼᱟ᱾ ᱛᱷᱤᱢᱯᱷᱩ ᱠᱷᱚᱱ ᱵᱷᱮᱜᱟᱨ, ᱱᱚᱸᱰᱮ ᱫᱚ ᱨᱟᱵᱟᱝ ᱨᱤᱛᱩ ᱨᱮ ᱵᱮᱥ ᱩᱨᱜᱩᱢ ᱟᱨ ᱥᱤᱛᱩᱝ ᱨᱤᱛᱩ ᱨᱮ ᱞᱚᱞᱚ ᱛᱟᱦᱮᱸᱱᱟ᱾ ᱱᱚᱣᱟ ᱫᱚ ᱫᱚᱨᱭᱟ ᱟᱴᱮᱫ ᱠᱷᱚᱱ ᱑,᱒᱐᱐ ᱢᱤᱴᱚᱨ ᱪᱮᱛᱟᱱ ᱨᱮ ᱢᱮᱱᱟᱜᱼᱟ, ᱟᱨ ᱵᱷᱩᱴᱟᱱ ᱨᱮᱱᱟᱜ ᱵᱟᱨᱭᱟ ᱢᱩᱬᱩᱛ ᱜᱟᱰᱟ, ᱯᱷᱳ ᱪᱩ ᱟᱨ ᱢᱳ ᱪᱩ ᱨᱮᱱᱟᱜ ᱵᱮᱰᱟ ᱫᱷᱟᱨᱮ ᱨᱮ ᱦᱳᱲᱳ ᱫᱚ ᱢᱩᱬᱩᱛ ᱪᱟᱥ ᱞᱮᱠᱟᱛᱮ ᱦᱩᱭᱩᱜᱼᱟ᱾ ᱱᱚᱣᱟ ᱦᱚᱱᱚᱛ ᱨᱮ ᱡᱚᱝᱠᱷᱟ ᱯᱟᱹᱨᱥᱤ ᱜᱮ ᱵᱟᱹᱲᱛᱤ ᱠᱚ ᱨᱚᱲᱟ᱾
ᱯᱩᱝᱛᱷᱟᱝ ᱰᱮᱣᱟᱪᱮᱱ ᱜᱤ ᱯᱷᱚᱰᱨᱟᱝ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱢᱩᱬᱩᱛ ᱚᱱᱚᱞ: ᱯᱩᱱᱟᱠᱷᱟ ᱡᱚᱝ ᱯᱩᱝᱛᱷᱟᱝ ᱰᱮᱣᱟᱪᱮᱱ ᱜᱤ ᱯᱷᱚᱰᱨᱟᱝ (ᱢᱟᱨᱟᱝ ᱠᱩᱥᱤ ᱨᱮᱱᱟᱜ ᱨᱟᱡᱽᱵᱷᱚᱵᱚᱱ) ᱥᱮ ᱯᱩᱱᱟᱠᱷᱟ ᱡᱚᱝ ᱫᱚ ᱑᱖᱓᱗ ᱥᱟᱞ ᱨᱮ ᱡᱷᱟᱵᱽᱰᱨᱩᱝ ᱱᱟᱜᱟᱣᱟᱝ ᱱᱟᱢᱜᱭᱟᱞ ᱟᱜ ᱟᱸᱫᱮ ᱛᱮ ᱛᱩᱭᱵᱤ ᱡᱟᱣ ᱵᱟᱞᱤᱯ ᱦᱚᱛᱮᱛᱮ ᱵᱮᱱᱟᱣ ᱞᱮᱱᱟ ᱟᱨ ᱱᱚᱣᱟ ᱫᱚ ᱵᱟᱨ ᱥᱮᱨᱢᱟ ᱚᱠᱛᱚ ᱨᱮ ᱯᱩᱨᱟᱹᱣ ᱞᱮᱱᱟ ᱢᱮᱱᱛᱮ ᱵᱟᱰᱟᱭᱚᱜᱼᱟ᱾ ᱱᱚᱣᱟ ᱫᱚ ᱫᱤᱥᱚᱢ ᱨᱮᱱᱟᱜ ᱡᱚᱛᱚ ᱠᱷᱚᱱ ᱪᱚᱨᱚᱠ ᱡᱚᱝ (ᱫᱩᱨᱜᱚ) ᱠᱟᱱᱟ᱾ ᱱᱚᱣᱟ ᱫᱚ ᱡᱮ ᱠᱷᱮᱱᱯᱳ ᱟᱜ ᱟᱹᱭᱩᱨ ᱛᱮ ᱵᱷᱩᱴᱟᱱ ᱨᱮᱱᱟᱜ ᱛᱟᱞᱢᱟ ᱫᱷᱚᱨᱚᱢ ᱜᱟᱶᱛᱟ ᱨᱮᱱᱟᱜ ᱨᱟᱵᱟᱝ ᱨᱤᱛᱩ ᱨᱮᱱᱟᱜ ᱛᱟᱦᱮᱸᱱ ᱴᱷᱟᱶ ᱠᱟᱱᱟ᱾ ᱡᱚᱝ ᱨᱮ ᱨᱟᱝᱡᱩᱝ ᱠᱟᱥᱟᱨᱯᱟᱱᱤ ᱥᱟᱶᱛᱮ ᱮᱛᱚᱢ ᱰᱨᱩᱠᱯᱟ ᱠᱟᱜᱽᱭᱩ ᱟᱥᱲᱟ ᱨᱮᱱᱟᱜ ᱟᱹᱰᱤ ᱯᱚᱵᱤᱛᱨᱚ ᱥᱟᱢᱟᱱ ᱠᱚ ᱟᱨ ᱡᱷᱟᱵᱽᱰᱨᱩᱝ ᱱᱟᱜᱟᱣᱟᱝ ᱱᱟᱢᱜᱭᱟᱞ ᱟᱨ ᱴᱮᱨᱴᱚᱱ ᱯᱚᱫᱽᱢᱚ ᱞᱤᱝᱯᱟ ᱟᱜ ᱯᱚᱵᱤᱛᱨᱚ ᱥᱚᱨᱤᱨ ᱨᱮᱱᱟᱜ ᱦᱟᱹᱴᱤᱧ ᱠᱚ ᱫᱚᱦᱚ ᱢᱮᱱᱟᱜᱼᱟ᱾ ᱑᱙᱐᱗ ᱥᱟᱞ ᱨᱮ, ᱯᱩᱱᱟᱠᱷᱟ ᱡᱚᱝ ᱨᱮ ᱵᱷᱩᱴᱟᱱ ᱨᱤᱱᱤᱡ ᱯᱩᱭᱞᱩ ᱨᱟᱡᱟ ᱞᱮᱠᱟᱛᱮ ᱩᱜᱽᱭᱮᱱ ᱣᱟᱝᱪᱩᱠ ᱟᱜ ᱨᱟᱡᱽ ᱚᱵᱷᱤᱥᱮᱠ ᱦᱩᱭ ᱞᱮᱱᱟ᱾ ᱯᱮ ᱥᱮᱨᱢᱟ ᱛᱟᱭᱚᱢ, ᱯᱩᱱᱟᱠᱷᱟ ᱨᱮ ᱢᱤᱫ ᱪᱩᱠᱛᱤ ᱥᱩᱦᱤ ᱞᱮᱱᱟ ᱡᱟᱦᱟᱸ ᱨᱮ ᱵᱨᱤᱴᱤᱥ ᱠᱚ ᱵᱷᱩᱴᱟᱱ ᱨᱮᱱᱟᱜ ᱵᱷᱤᱛᱨᱤ ᱢᱟᱢᱞᱟ ᱨᱮ ᱵᱟᱝ ᱟᱠᱴᱟᱣ ᱞᱟᱹᱜᱤᱫ ᱠᱚ ᱨᱮᱵᱮᱱ ᱞᱮᱱᱟ ᱟᱨ ᱵᱷᱩᱴᱟᱱ ᱫᱚ ᱵᱨᱤᱴᱮᱱ ᱟᱡᱟᱜ ᱵᱤᱫᱮᱥ ᱢᱟᱢᱞᱟ ᱪᱟᱞᱟᱣ ᱞᱟᱹᱜᱤᱫ ᱮ ᱟᱱᱩᱢᱚᱛᱤ ᱮᱢᱟᱫ ᱠᱚ ᱛᱟᱦᱮᱸᱫ᱾ ᱑᱗᱘᱐, ᱑᱗᱘᱙, ᱑᱘᱐᱒, ᱑᱘᱓᱑, ᱑᱘᱔᱙ ᱟᱨ ᱑᱙᱘᱖ ᱥᱟᱞ ᱨᱮ ᱥᱮᱸᱜᱮᱞ ᱛᱮ ᱡᱚᱝ ᱫᱚ ᱟᱫᱷᱟ ᱱᱚᱥᱴᱚ ᱞᱮᱱᱟ᱾ ᱑᱘᱙᱗ ᱨᱮ ᱢᱤᱫ ᱫᱷᱟᱹᱨᱛᱤ ᱞᱟᱲᱟᱣ ᱟᱨ ᱑᱙᱙᱔ ᱨᱮ ᱵᱟᱱ ᱦᱚᱸ ᱦᱩᱭ ᱞᱮᱱᱟ᱾[᱑] ᱯᱩᱱᱟᱠᱷᱟ-ᱣᱟᱝᱰᱩ ᱵᱮᱰᱟ ᱨᱮ ᱯᱷᱳ ᱪᱩ ᱟᱨ ᱢᱳ ᱪᱩ ᱜᱟᱰᱟ ᱨᱮᱱᱟᱜ ᱧᱟᱯᱟᱢ ᱴᱷᱟᱶ ᱨᱮ ᱢᱮᱱᱟᱜ ᱠᱷᱟᱹᱛᱤᱨ, ᱡᱚᱝ ᱫᱚ ᱜᱞᱮᱥᱤᱭᱟᱨ ᱯᱩᱠᱷᱨᱤ (GLOF) ᱠᱷᱟᱹᱛᱤᱨ ᱦᱩᱭᱩᱜ ᱠᱟᱱ ᱵᱟᱱ ᱠᱷᱚᱱ ᱟᱹᱰᱤ ᱵᱚᱛᱚᱨ ᱨᱮ ᱢᱮᱱᱟᱜᱼᱟ᱾ ᱢᱤᱫ ᱱᱟᱣᱟ ᱨᱤᱯᱳᱨᱴ ᱞᱮᱠᱟᱛᱮ, ᱑᱙᱕᱗, ᱑᱙᱖᱐ ᱟᱨ ᱑᱙᱙᱔ ᱥᱟᱞ ᱨᱮ ᱯᱩᱱᱟᱠᱷᱟ ᱡᱚᱝ ᱨᱮ ᱵᱟᱱ ᱠᱷᱟᱹᱛᱤᱨ ᱠᱷᱹᱛᱤ ᱦᱩᱭ ᱞᱮᱱᱟ᱾[᱒] ᱒᱐᱑᱐ ᱥᱟᱞ ᱨᱮᱱᱟᱜ ᱢᱟᱨᱪ ᱪᱟᱸᱫᱚ ᱨᱮ, ᱜᱟᱰᱟ ᱠᱚ ᱜᱟᱹᱦᱤᱨ ᱠᱟᱛᱮ ᱟᱨ ᱰᱷᱤᱯ ᱠᱚ ᱩᱥᱩᱞ ᱠᱟᱛᱮ ᱵᱟᱱ ᱠᱷᱚᱱ ᱡᱚᱝ ᱫᱩᱜ ᱫᱚᱦᱚᱭ ᱞᱟᱹᱜᱤᱫ ᱠᱟᱹᱢᱤ ᱮᱦᱚᱵ ᱞᱮᱱᱟ᱾ ᱑᱗ ᱟᱱᱟᱜ ᱥᱟᱭ ᱥᱮᱨᱢᱟ ᱨᱮ ᱡᱚᱝ ᱥᱟᱶᱛᱮ ᱢᱳ ᱪᱩ ᱜᱟᱰᱟ ᱪᱮᱛᱟᱱ ᱨᱮ ᱢᱤᱫ ᱠᱟᱴ ᱨᱮᱱᱟᱜ ᱥᱟᱠᱳ (bridge) ᱵᱮᱱᱟᱣ ᱞᱮᱱᱟ᱾ ᱱᱚᱣᱟ ᱥᱟᱠᱳ ᱫᱚ ᱑᱙᱕᱗ ᱥᱮ ᱑᱙᱕᱘ ᱨᱮ ᱵᱟᱱ ᱛᱮ ᱵᱚᱦᱮᱞ ᱞᱮᱱᱟ᱾ ᱒᱐᱐᱖ ᱥᱟᱞ ᱨᱮ ᱡᱚᱨᱢᱟᱱᱤ ᱨᱮᱱᱟᱜ ᱜᱚᱲᱚ ᱛᱮ ᱢᱟᱨᱮ ᱛᱚᱦᱚᱨ ᱛᱮ ᱕᱕ ᱢᱤᱴᱚᱨ ᱡᱤᱞᱤᱧ ᱢᱤᱫ ᱱᱟᱣᱟ ᱠᱟᱴ ᱨᱮᱱᱟᱜ ᱥᱟᱠᱳ ᱵᱮᱱᱟᱣ ᱮᱦᱚᱵ ᱞᱮᱱᱟ ᱟᱨ ᱒᱐᱐᱘ ᱨᱮ ᱯᱩᱨᱟᱹᱣ ᱞᱮᱱᱟ᱾[᱓]
ᱥᱟᱥᱚᱱᱤᱭᱟᱹ ᱦᱟᱹᱴᱤᱧ ᱠᱚ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱯᱩᱱᱟᱠᱷᱟ ᱦᱚᱱᱚᱛ ᱫᱚ ᱑᱑ ᱜᱚᱴᱟᱝ ᱥᱟᱥᱚᱱᱤᱭᱟᱹ ᱵᱚᱞᱚᱠ ᱨᱮ ᱦᱟᱹᱴᱤᱧ ᱟᱠᱟᱱᱟ ᱡᱟᱦᱟᱸ ᱫᱚ ᱜᱮᱣᱚᱜᱽ ᱠᱚ ᱢᱮᱛᱟᱜᱼᱟ᱾ ᱜᱮᱣᱚᱜᱽ ᱫᱚ ᱢᱤᱫ ᱡᱚᱝᱠᱷᱟᱜᱽ ᱥᱮ ᱦᱚᱱᱚᱛ ᱞᱟᱛᱟᱨ ᱨᱮ ᱢᱤᱫ ᱥᱟᱥᱚᱱᱤᱭᱟᱹ ᱦᱟᱹᱴᱤᱧ ᱠᱟᱱᱟ᱾ ᱜᱮᱞ-ᱢᱤᱫ ᱜᱚᱴᱟᱝ ᱜᱮᱣᱚᱜᱽ ᱠᱚᱫᱚ ᱦᱩᱭᱩᱜ ᱠᱟᱱᱟ:[᱔]
- ᱵᱟᱨᱯ
- ᱪᱩᱵᱽᱵᱩ
- ᱰᱡᱳᱢᱤ
- ᱜᱳᱭᱮᱱᱥᱟᱨᱤ
- ᱜᱩᱢᱟᱠᱷᱟ
- ᱠᱟᱵᱽᱡᱤᱥᱟ
- ᱞᱤᱝᱢᱩᱠᱷᱟ
- ᱥᱮᱝᱜᱟᱱᱟ
- ᱛᱟᱞᱳ
- ᱴᱳᱭᱮᱯᱤᱥᱟ
- ᱴᱳᱭᱮᱰᱣᱳᱝ
ᱦᱚᱱᱚᱛ ᱨᱮᱱᱟᱜ ᱡᱟᱹᱛᱤᱭᱟᱹᱨᱤ ᱟᱥᱮᱢᱵᱽᱞᱤ ᱨᱮ ᱵᱟᱨᱭᱟ ᱢᱟᱹᱪᱤ ᱢᱮᱱᱟᱜᱼᱟ, ᱡᱟᱦᱟᱸ ᱫᱚ ᱞᱤᱝᱢᱩ-ᱴᱳᱭᱮᱰᱣᱳᱝ ᱟᱨ ᱠᱟᱵᱽᱡᱤ-ᱛᱟᱞᱳ ᱴᱚᱴᱷᱟ ᱨᱮᱱᱟᱜ ᱠᱤᱱ ᱟᱹᱭᱩᱨ (ᱨᱤᱯᱨᱮᱡᱮᱱᱴ) ᱮᱫᱟ᱾
ᱨᱤᱛᱥᱟ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱯᱩᱱᱟᱠᱷᱟ ᱵᱮᱰᱟ ᱫᱚ ᱵᱷᱩᱴᱟᱱ ᱨᱮ ᱦᱳᱲᱳ ᱪᱟᱥ ᱞᱟᱹᱜᱤᱫ ᱧᱩᱛᱩᱢᱟᱱᱟ᱾ ᱵᱷᱩᱴᱟᱱ ᱨᱮᱱᱟᱜ ᱵᱟᱨᱭᱟ ᱢᱩᱬᱩᱛ ᱜᱟᱰᱟ, ᱯᱷᱳ ᱟᱨ ᱢᱳ ᱪᱩ ᱨᱮᱱᱟᱜ ᱵᱮᱰᱟ ᱫᱷᱟᱨᱮ ᱨᱮ ᱟᱨᱟᱜ ᱟᱨ ᱯᱩᱸᱰ ᱵᱟᱱᱟᱨ ᱞᱮᱠᱟᱱ ᱦᱳᱲᱳ ᱜᱮ ᱪᱟᱥ ᱦᱩᱭᱩᱜᱼᱟ᱾[᱕] ᱨᱤᱛᱥᱟ (ᱡᱟᱦᱟᱸ ᱨᱮᱱᱟᱜ ᱢᱮᱱᱮᱛ ᱵᱩᱨᱩ ᱞᱟᱛᱟᱨ) ᱯᱩᱱᱟᱠᱷᱟ ᱨᱮᱱᱟᱜ ᱢᱤᱫ ᱧᱩᱛᱩᱢᱟᱱ ᱟᱹᱛᱩ ᱠᱟᱱᱟ᱾ ᱟᱹᱛᱩ ᱨᱮᱱᱟᱜ ᱚᱲᱟᱜ ᱠᱚᱫᱚ ᱫᱷᱤᱨᱤ ᱨᱮᱱᱟᱜ ᱯᱷᱟᱣᱩᱱᱰᱮᱥᱚᱱ ᱥᱟᱶ ᱦᱟᱥᱟ ᱛᱮ ᱵᱮᱱᱟᱣ ᱟᱠᱟᱱᱟ᱾ ᱡᱚᱛᱚ ᱚᱲᱟᱜ ᱜᱮ ᱵᱟᱨ ᱛᱟᱞᱟ ᱩᱥᱩᱞ ᱢᱮᱱᱟᱜᱼᱟ᱾ ᱚᱲᱟᱜ ᱠᱚ ᱟᱠᱚᱴ ᱠᱟᱛᱮ ᱵᱟᱜᱟᱱ ᱟᱨ ᱦᱳᱲᱳ ᱠᱷᱮᱛ ᱢᱮᱱᱟᱜᱼᱟ᱾ ᱵᱟᱜᱟᱱ ᱨᱮ ᱥᱟᱫᱷᱟᱨᱚᱱ ᱞᱮᱠᱟᱛᱮ ᱠᱚᱢᱞᱟ ᱟᱨ ᱯᱚᱯᱤᱛᱟ ᱞᱮᱠᱟᱱ ᱡᱚ ᱡᱚ ᱫᱟᱨᱮ ᱠᱚ ᱢᱮᱱᱟᱜᱼᱟ᱾ ᱱᱚᱣᱟ ᱟᱹᱛᱩ ᱫᱚ ᱯᱩᱱᱟᱠᱷᱟ-ᱜᱟᱥᱟ ᱦᱟᱭᱣᱮ ᱠᱷᱚᱱ ᱑ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ ᱟᱨ ᱱᱤᱛᱚᱜ, ᱟᱹᱛᱩ ᱦᱚᱲ ᱠᱚ ᱑ ᱠᱤᱞᱚᱢᱤᱴᱚᱨ ᱪᱟᱥ ᱥᱚᱲᱚᱠ ᱵᱮᱱᱟᱣ ᱨᱮ ᱠᱚ ᱞᱟᱜᱟᱣ ᱟᱠᱟᱱᱟ᱾ ᱱᱟᱦᱟᱜ ᱥᱮᱨᱢᱟ ᱠᱚᱨᱮ, ᱪᱟᱥ ᱠᱟᱹᱢᱤ ᱫᱚ ᱢᱮᱥᱤᱱ ᱛᱮ ᱦᱩᱭᱩᱜ ᱠᱟᱱᱟ ᱟᱨ ᱰᱟᱝᱜᱽᱨᱟ ᱵᱚᱫᱚᱞ ᱛᱮ ᱯᱟᱣᱟᱨ-ᱴᱤᱞᱟᱨ ᱠᱚ ᱵᱮᱵᱷᱟᱨᱚᱜ ᱠᱟᱱᱟ, ᱡᱟᱦᱟᱸ ᱠᱷᱟᱹᱛᱤᱨ ᱟᱹᱛᱩ ᱦᱚᱲ ᱠᱚ ᱠᱤᱥᱟᱹᱬ ᱤᱫᱤᱜ ᱠᱟᱱᱟ᱾ ᱟᱨᱟᱜ ᱟᱨ ᱯᱩᱸᱰ ᱦᱳᱲᱳ ᱨᱮᱱᱟᱜ ᱟᱭᱢᱟ ᱪᱟᱥ ᱠᱷᱟᱹᱛᱤᱨ ᱱᱚᱣᱟ ᱟᱹᱛᱩ ᱫᱚ ᱵᱷᱩᱴᱟᱱ ᱨᱮᱱᱟᱜ 'ᱨᱟᱭᱤᱥ ᱵᱟᱣᱩᱞ' (ᱦᱳᱲᱳ ᱵᱟᱹᱴᱤ) ᱢᱮᱱᱛᱮ ᱠᱚ ᱢᱮᱛᱟᱜᱼᱟ᱾[᱖]
ᱯᱚᱨᱚᱵᱽ ᱠᱚ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱯᱩᱱᱟᱠᱷᱟ ᱰᱳᱢᱪᱳ, ᱡᱟᱦᱟᱸ ᱫᱚ ᱵᱷᱩᱴᱟᱱᱤ ᱥᱮᱨᱢᱟ ᱨᱮᱱᱟᱜ ᱯᱩᱭᱞᱩ ᱪᱟᱸᱫᱚ ᱨᱮ ᱦᱩᱭᱩᱜᱼᱟ, ᱵᱷᱩᱴᱟᱱᱤ ᱞᱟᱠᱪᱟᱨ ᱨᱮ ᱢᱤᱫ ᱢᱩᱬᱩᱛ ᱯᱚᱨᱚᱵᱽ ᱠᱟᱱᱟ᱾ ᱱᱚᱣᱟ ᱨᱮ ᱫᱷᱚᱨᱚᱢ ᱨᱮᱱᱟᱜ ᱟᱹᱨᱤ-ᱪᱟᱹᱞᱤ ᱥᱟᱶᱛᱮ ᱥᱟᱫᱚᱢ ᱫᱮᱡ ᱟᱨ ᱛᱚᱨᱣᱟᱞ ᱮᱱᱮᱡ ᱨᱮᱱᱟᱜ ᱩᱫᱩᱜ ᱥᱚᱫᱚᱨ ᱦᱩᱭᱩᱜᱼᱟ᱾[᱗]
ᱦᱚᱭ ᱦᱤᱥᱤᱫ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱯᱩᱱᱟᱠᱷᱟ ᱨᱮᱱᱟᱜ ᱩᱥᱩᱞ ᱫᱚ ᱑,᱒᱓᱖ ᱢᱤᱴᱚᱨ (᱔,᱐᱕᱕ ᱯᱷᱩᱴ)᱾ ᱱᱚᱸᱰᱮ ᱥᱮᱨᱢᱟ ᱨᱮ ᱥᱟᱱᱟᱢ ᱠᱷᱚᱱ ᱡᱟᱹᱥᱛᱤ ᱫᱟᱜ ᱡᱟᱹᱲᱤ ᱫᱚ ᱗᱘᱕.᱙ ᱢᱤᱞᱤᱢᱤᱴᱚᱨ ᱦᱩᱭᱩᱜᱼᱟ᱾ ᱞᱚᱞᱚᱥᱚᱝ (᱑᱙᱙᱐-᱒᱐᱑᱗ ᱦᱟᱹᱵᱤᱡ):
- ᱡᱚᱛᱚ ᱠᱷᱚᱱ ᱡᱟᱹᱥᱛᱤ ᱞᱚᱞᱚ : ᱡᱩᱱ-ᱡᱩᱞᱟᱭ ᱨᱮ ᱓᱖-᱓᱗°C ᱦᱟᱹᱵᱤᱡ ᱥᱮᱴᱮᱨᱚᱜᱼᱟ᱾
- ᱫᱤᱱᱟᱹᱢ ᱜᱚᱲ ᱡᱟᱹᱥᱛᱤ : ᱡᱩᱞᱟᱭ ᱨᱮ ᱓᱐.᱗°C᱾
- ᱫᱤᱱᱟᱹᱢ ᱜᱚᱲ ᱠᱚᱢ: ᱡᱟᱱᱩᱣᱟᱨᱤ ᱨᱮ ᱕.᱘°C ᱟᱨ ᱡᱩᱞᱟᱭ ᱨᱮ ᱒᱐.᱘°C᱾
- ᱡᱚᱛᱚ ᱠᱷᱚᱱ ᱠᱚᱢ ᱞᱚᱞᱚ: ᱡᱟᱱᱩᱣᱟᱨᱤ ᱨᱮ ᱐.᱐°C᱾
- ᱫᱟᱜ ᱡᱟᱹᱲᱤ:
ᱡᱩᱞᱟᱭ ᱪᱟᱸᱫᱚ ᱨᱮ ᱡᱚᱛᱚ ᱠᱷᱚᱱ ᱵᱟᱹᱲᱛᱤ ᱫᱟᱜ ᱧᱩᱨᱩᱜᱼᱟ (ᱜᱚᱲ ᱑᱕᱗.᱙ ᱢᱤᱞᱤᱢᱤᱴᱚᱨ)᱾ ᱱᱚᱵᱷᱮᱢᱵᱚᱨ ᱟᱨ ᱰᱤᱥᱮᱢᱵᱚᱨ ᱨᱮ ᱟᱹᱰᱤ ᱠᱚᱢ ᱫᱟᱜ ᱧᱩᱨᱩᱜᱼᱟ᱾[᱘]
ᱱᱚᱣᱟ ᱦᱚᱸ ᱧᱮᱞ ᱢᱮ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ "Punakha Dzong and Monastery". RAO Online. Retrieved 9 July 2021.
- ↑ Chhopel, Karma (2006-03-15). "Flash Floods and Debris Flows due to Glacial Lake Outburst Floods" (ppt). Proceedings of the International Workshop on Flash Flood Forecasting.
- ↑ Nestroy, H. N. (2008). "Re-construction of the Cantilever Bridge crossing the Mochhu (Mo-River) connecting Punakha village and Punakha Dzong in adapted traditional Bhutanese architecture". Pro Bhutan e.v. Retrieved 2009-01-23.
- ↑ "About Dzongkhag". 21 June 2024.
- ↑ "Ritsha Village of Punakha Valley, Places to visit in Punakha, Best time to visit Ritsha Village | Bhutan Holidays". bhutanholidays.net. Retrieved 2020-06-11.
- ↑ "An Overview of Ritsha Village in Punakha Valley That You Must Visit | Bhutan Tourism". Bhutan. Retrieved 2020-06-11.
- ↑ Bstan-vdzin-rnam-rgyal, ed. (2008). Dzongs of Bhutan: fortresses of the Dragon kingdom (2. ed.). Thimphu: Bhutan Times. ISBN 978-99936-705-2-0.
- ↑ "Climate Data Book of Bhutan, 2018" (PDF). National Center for Hydrology and Meteorology. Retrieved 20 February 2025.
ᱵᱟᱦᱨᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱯᱩᱱᱟᱠᱷᱟ ᱥᱚᱨᱠᱟᱨᱤ ᱣᱮᱵᱽᱥᱟᱭᱤᱴ ᱣᱤᱠᱤᱵᱷᱚᱭᱮᱡᱽ ᱠᱷᱚᱱ ᱯᱩᱱᱟᱠᱷᱟ ᱥᱟᱸᱜᱷᱟᱨ ᱜᱚᱲᱚ ᱯᱩᱱᱟᱠᱷᱟ ᱡᱚᱝ ᱵᱟᱵᱚᱛ ᱵᱷᱤᱛᱨᱤ ᱠᱟᱛᱷᱟ ᱯᱷᱞᱤᱠᱟᱨ ᱨᱮ ᱯᱩᱱᱟᱠᱷᱟ ᱡᱚᱝ ᱨᱮᱱᱟᱜ ᱪᱤᱛᱟᱹᱨ ᱠᱚ