ᱯᱩᱱᱟᱢ ᱭᱟᱫᱚᱵᱽ
ᱯᱩᱱᱟᱢ ᱭᱟᱫᱚᱵᱽ (ᱡᱟᱱᱟᱢ ᱙ ᱡᱩᱞᱟᱭ ᱑᱙᱙᱕) ᱫᱚ ᱢᱤᱫ ᱵᱷᱟᱨᱚᱛᱤᱭᱚ ᱵᱷᱟᱨᱚᱛ ᱛᱩᱞᱟᱹᱣᱤᱡ ᱠᱟᱱᱟᱭ ᱡᱟᱦᱟᱸᱭ ᱫᱚ ᱒᱐᱑᱔ ᱥᱟᱞᱮ ᱨᱮ ᱜᱞᱟᱥᱜᱚᱣ ᱨᱮ ᱦᱩᱭ ᱞᱮᱱ ᱠᱚᱢᱚᱱᱣᱮᱞᱛᱷ ᱠᱷᱮᱞᱚᱸᱰ ᱨᱮ ᱛᱤᱨᱞᱟᱹ ᱠᱚᱣᱟᱜ ᱖᱓ ᱠᱤᱞᱚᱜᱨᱟᱢ ᱵᱷᱟᱨᱚᱛ ᱛᱩᱞᱟᱹᱣ ᱦᱮᱯᱨᱟᱣ ᱨᱮ ᱵᱨᱚᱸᱡᱽ ᱢᱮᱰᱟᱞ ᱮ ᱡᱤᱛᱠᱟᱹᱨ ᱞᱮᱱᱟ, ᱡᱟᱦᱟᱸᱨᱮ ᱱᱟᱭᱡᱮᱨᱤᱭᱟ ᱨᱤᱱᱤᱡ ᱚᱞᱟᱣᱟᱛᱚᱭᱤᱱ ᱟᱫᱮᱥᱟᱱᱢᱤ ᱫᱚ ᱥᱚᱱᱟ ᱢᱮᱰᱟᱞ ᱮ ᱡᱤᱛᱠᱟᱹᱨ ᱞᱮᱱᱟ᱾ ᱩᱱᱤ ᱫᱚ ᱒᱐᱑᱘ ᱥᱟᱞᱮ ᱨᱮ ᱚᱥᱴᱨᱮᱞᱤᱭᱟ ᱨᱮᱱᱟᱜ ᱜᱚᱞᱰ ᱠᱚᱥᱴ ᱨᱮ ᱦᱩᱭ ᱞᱮᱱ ᱠᱚᱢᱚᱱᱣᱮᱞᱛᱷ ᱠᱷᱮᱞᱚᱸᱰ ᱨᱮᱦᱚᱸ ᱥᱚᱱᱟ ᱢᱮᱰᱟᱞ ᱮ ᱡᱤᱛᱠᱟᱹᱨ ᱞᱮᱱᱟ᱾
ᱮᱛᱚᱦᱚᱵ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱢᱤᱫ ᱠᱟᱹᱴᱤᱡ ᱪᱟᱹᱥᱤ ᱨᱤᱱ ᱦᱚᱯᱚᱱ ᱮᱨᱟ ᱯᱩᱱᱟᱢ ᱫᱚ ᱵᱮᱱᱟᱨᱚᱥ ᱨᱮᱱᱟᱜ ᱟᱹᱛᱩ ᱨᱮ ᱟᱡ ᱟᱭᱳ ᱵᱟᱵᱟ ᱵᱟᱱᱟᱨ ᱜᱚᱲᱚ ᱥᱚᱦᱚᱫ ᱮᱢ ᱠᱟᱛᱮᱜ ᱮ ᱦᱟᱨᱟ ᱵᱩᱨᱩ ᱞᱮᱱᱟ᱾ ᱡᱮᱜᱮᱛᱤᱭᱟᱹᱨᱤ ᱵᱷᱟᱨᱚᱛ ᱛᱩᱞᱟᱹᱣᱤᱡ ᱵᱮᱱᱟᱣᱜ ᱞᱟᱹᱜᱤᱫ ᱯᱮ ᱥᱮᱨᱢᱟ ᱞᱮᱛᱟᱲ ᱴᱨᱮᱱᱤᱝ ᱠᱟᱛᱮᱜ, ᱡᱚᱠᱷᱚᱱ ᱯᱩᱱᱟᱢ ᱫᱚ ᱢᱩᱪᱟᱹᱫ ᱨᱮ ᱒᱐᱑᱔ ᱥᱟᱞᱮ ᱨᱮ ᱠᱚᱢᱚᱱᱣᱮᱞᱛᱷ ᱠᱷᱮᱞᱚᱸᱰ ᱨᱮ ᱵᱷᱟᱨᱚᱛ ᱫᱤᱥᱚᱢ ᱠᱷᱚᱱ ᱨᱮᱯᱨᱮᱡᱮᱱᱴ ᱨᱮᱱᱟᱜ ᱫᱟᱣ ᱮ ᱧᱟᱢ ᱠᱮᱫᱟ, ᱩᱱ ᱚᱠᱛᱚ ᱟᱡ ᱟᱭᱳ ᱵᱟᱵᱟ ᱴᱷᱮᱱ ᱩᱱᱤ ᱜᱚᱲᱚ ᱥᱚᱦᱚᱫ ᱮᱢ ᱞᱟᱹᱜᱤᱫ ᱯᱩᱭᱥᱟᱹ ᱵᱟᱝ ᱛᱟᱦᱮᱸ ᱠᱟᱱ ᱛᱟᱭᱟ᱾ ᱚᱱᱟᱛᱮ ᱟᱡ ᱵᱟᱵᱟ ᱫᱚ ᱯᱩᱱᱟᱢᱟᱜ ᱦᱟᱯᱲᱟᱢ ᱠᱚᱣᱟᱜ ᱢᱮᱨᱚᱢ ᱮ ᱟᱹᱠᱷᱨᱤᱧ ᱠᱮᱫᱟ ᱯᱩᱱᱟᱢᱟᱜ ᱥᱟᱸᱜᱷᱟᱨ ᱨᱮᱱᱟᱜ ᱠᱷᱚᱨᱪᱟ ᱮᱢ ᱞᱟᱹᱜᱤᱫ᱾ ᱟᱡᱟᱜ ᱫᱷᱚᱨᱚᱢ ᱟᱨ ᱟᱹᱰᱤ ᱠᱩᱨᱩᱢᱩᱴᱩ ᱠᱷᱟᱹᱛᱤᱨ ᱩᱛᱚᱨ ᱯᱨᱚᱫᱮᱥ ᱞᱮᱠᱟᱱ ᱯᱚᱱᱚᱛ ᱨᱮ ᱱᱚᱝᱠᱟᱱ ᱴᱷᱟᱶ ᱮ ᱥᱮᱴᱮᱨ ᱞᱮᱱᱟ ᱡᱟᱦᱟᱸᱨᱮ ᱠᱷᱮᱞᱚᱸᱰ ᱫᱚ ᱢᱤᱫ ᱠᱮᱨᱤᱭᱚᱨ ᱞᱮᱠᱟᱛᱮ ᱢᱟᱱᱟᱣ ᱵᱟᱛᱟᱣ ᱵᱟᱹᱱᱩᱜᱼᱟ, ᱚᱱᱟ ᱦᱚᱸ ᱳᱵᱤᱥᱤ ᱠᱩᱲᱤ ᱜᱤᱫᱽᱨᱟᱹ ᱦᱩᱭ ᱠᱟᱛᱮᱜ ᱠᱮᱨᱤᱭᱚᱨ ᱫᱚ ᱦᱟᱢᱟᱞ ᱜᱮ ᱛᱟᱦᱮᱸ ᱠᱟᱱᱟ᱾
ᱩᱱᱤ ᱫᱚ ᱟᱡᱟᱜ ᱟᱱᱰᱟᱨ ᱜᱽᱨᱮᱡᱩᱣᱮᱴ ᱠᱳᱨᱥ ᱞᱟᱹᱜᱤᱫ ᱵᱷᱩ ᱠᱟᱥᱤ ᱵᱤᱫᱽᱭᱟ ᱯᱤᱛᱷ ᱦᱚᱸᱭ ᱡᱚᱭᱮᱱ ᱞᱮᱱᱟ᱾
ᱭᱚᱥ ᱵᱷᱟᱨᱛᱤ ᱟᱣᱟᱨᱰ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱯᱩᱱᱟᱢ ᱫᱚ ᱒᱐᱑᱕ ᱥᱟᱞᱮ ᱨᱮ ᱩᱛᱚᱨ ᱯᱨᱚᱫᱮᱥ ᱥᱚᱨᱠᱟᱨ ᱯᱟᱦᱴᱟ ᱠᱷᱚᱱ ᱵᱷᱟᱨᱚᱛ ᱛᱩᱞᱟᱹᱣ ᱞᱟᱹᱜᱤᱫ ᱭᱚᱥ ᱵᱷᱟᱨᱛᱤ ᱥᱤᱨᱯᱷᱟᱹᱭ ᱟᱢᱮᱴ ᱟᱠᱟᱫᱟ᱾[᱑]
ᱠᱮᱨᱤᱭᱚᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱩᱱᱤ ᱫᱚ ᱒᱐᱑᱘ ᱥᱟᱞᱮ ᱨᱮ ᱠᱚᱢᱚᱱᱣᱮᱞᱛᱷ ᱠᱷᱮᱞᱚᱸᱰ ᱨᱮ ᱛᱤᱨᱞᱟᱹ ᱠᱚᱣᱟᱜ ᱖᱙ ᱠᱤᱞᱚᱜᱨᱟᱢ ᱦᱟᱹᱴᱤᱧ ᱨᱮ ᱒᱒᱒ ᱠᱤᱞᱚᱜᱨᱟᱢ ᱡᱚᱛᱚ ᱛᱮ ᱛᱩᱞᱟᱹᱣ ᱠᱟᱛᱮ ᱥᱚᱱᱟ ᱢᱮᱰᱟᱞ ᱮ ᱡᱤᱛᱠᱟᱹᱨ ᱞᱮᱱᱟ: ᱥᱱᱮᱪ ᱨᱮ ᱑᱐᱐ ᱠᱤᱞᱚᱜᱨᱟᱢ ᱟᱨ ᱠᱞᱤᱱ ᱮᱱᱰ ᱡᱟᱨᱠ ᱨᱮ ᱑᱒᱒ ᱠᱤᱞᱚᱜᱨᱟᱢ᱾
ᱩᱱᱤ ᱫᱚ ᱒᱐᱑᱔ ᱥᱟᱞᱮ ᱨᱮ ᱠᱚᱢᱚᱱᱣᱮᱞᱛᱷ ᱠᱷᱮᱞᱚᱸᱰ ᱨᱮ ᱒᱐᱒ ᱠᱤᱞᱚᱜᱨᱟᱢ ᱡᱚᱛᱚ ᱛᱮ ᱛᱩᱞᱟᱹᱣ ᱠᱟᱛᱮ ᱵᱨᱚᱸᱡᱽ ᱢᱮᱰᱟᱞ ᱮ ᱡᱤᱛᱠᱟᱹᱨ ᱞᱮᱱᱟ, ᱥᱱᱮᱪ ᱨᱮ ᱘᱘ ᱠᱤᱞᱚᱜᱨᱟᱢ ᱟᱨ ᱠᱞᱤᱱ ᱮᱱᱰ ᱡᱟᱨᱠ ᱨᱮ ᱑᱑᱔ ᱠᱤᱞᱚᱜᱨᱟᱢ᱾ ᱩᱱᱤ ᱫᱚ ᱵᱟᱨᱟᱱᱟᱥᱤ ᱠᱟᱥᱤ ᱵᱤᱫᱽᱭᱟ ᱯᱤᱛᱷ ᱨᱮ ᱟᱱᱰᱟᱨ ᱜᱽᱨᱮᱡᱩᱣᱮᱴ ᱠᱳᱨᱥ ᱞᱟᱹᱜᱤᱫ ᱮ ᱪᱟᱞᱟᱣ ᱞᱮᱱᱟ᱾
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ "यश भारती सम्मान से 56 हस्तियां अलंकृत 12063610". jagran.com (in ᱦᱤᱱᱫᱤ). 2015-02-09. Retrieved 2024-09-06.