ᱯᱩᱱᱮ ᱨᱮᱞᱣᱮ ᱦᱟᱹᱴᱤᱧ
ᱯᱩᱱᱮ ᱨᱮᱞᱣᱮ ᱦᱟᱹᱴᱤᱧ ᱫᱚ ᱥᱤᱧᱚᱛᱤᱭᱟᱹ ᱨᱮᱞᱣᱮ ᱨᱮᱱᱟᱜ ᱛᱟᱞᱢᱟ ᱨᱮᱞᱣᱮ ᱴᱚᱴᱷᱟ ᱨᱮᱱᱟᱜ ᱛᱟᱞᱟ ᱨᱮ ᱢᱮᱱᱟᱜ ᱢᱚᱬᱮ ᱜᱚᱴᱟᱝ ᱨᱮᱞᱣᱮ ᱦᱟᱹᱴᱤᱧ ᱠᱷᱚᱱ ᱫᱚ ᱢᱤᱫᱴᱟᱹᱝ ᱠᱟᱱᱟ ᱾[᱑] ᱱᱚᱣᱟ ᱨᱮᱱᱟᱜ ᱦᱮᱰᱠᱩᱣᱟᱴᱚᱨ ᱫᱚ ᱥᱤᱧᱚᱛᱤᱭᱟᱹ ᱯᱚᱱᱚᱛ ᱢᱚᱦᱟᱨᱟᱥᱴᱨᱚ ᱨᱮᱱᱟᱜ ᱯᱩᱱᱮ ᱨᱮ ᱢᱮᱱᱟᱜᱼᱟ ᱾ ᱮᱴᱟᱜ ᱨᱮᱞᱣᱮ ᱦᱟᱹᱴᱤᱧ ᱠᱚ ᱫᱚ ᱦᱩᱭᱩᱜ ᱠᱟᱱᱟ ᱢᱩᱢᱵᱟᱭ ᱥᱤ.ᱮᱥ.ᱮᱢ.ᱴᱤ, ᱱᱟᱜᱽᱯᱩᱨ, ᱥᱳᱞᱟᱯᱩᱨ ᱟᱨ ᱵᱷᱩᱥᱟᱣᱚᱞ ᱾ ᱯᱩᱱᱮ ᱨᱮᱞᱣᱮ ᱦᱟᱹᱴᱤᱧ ᱨᱮ ᱗᱑ ᱜᱚᱴᱟᱝ ᱨᱮᱞᱣᱮ ᱥᱴᱮᱥᱚᱱ ᱢᱮᱱᱟᱜᱼᱟ ᱾[᱒][᱓]
ᱚᱱᱚᱝ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱯᱩᱱᱮ ᱦᱟᱹᱴᱤᱧ ᱨᱮ ᱢᱚᱦᱟᱨᱟᱥᱴᱨᱚ ᱯᱚᱱᱚᱛ ᱨᱮᱱᱟᱜ ᱯᱩᱱᱭᱟᱹ ᱦᱚᱱᱚᱛ ᱥᱮᱞᱮᱫ ᱢᱮᱱᱟᱜᱼᱟ, ᱡᱟᱦᱟᱸ ᱫᱚ ᱯᱩᱱᱮ, ᱥᱟᱛᱟᱨᱟ, ᱥᱟᱝᱞᱤ ᱟᱨ ᱠᱚᱞᱦᱟᱯᱩᱨ ᱠᱟᱱᱟ ᱾ ᱦᱟᱹᱴᱤᱧ ᱨᱮ ᱢᱤᱫ ᱮ᱑ ᱛᱷᱚᱠ ᱨᱮᱱᱟᱜ ᱨᱮᱞᱣᱮ ᱥᱴᱮᱥᱚᱱ, ᱯᱩᱱᱭᱟᱹ ᱮ ᱛᱷᱚᱠ ᱨᱮᱱᱟᱜ ᱥᱴᱮᱥᱚᱱ, ᱑ ᱵᱤ ᱛᱷᱚᱠ ᱨᱮᱱᱟᱜ ᱥᱴᱮᱥᱚᱱ, ᱑᱔ ᱥᱤ ᱛᱷᱚᱠ ᱨᱮᱱᱟᱜ ᱥᱴᱮᱥᱚᱱ, ᱑᱐ ᱰᱤ ᱛᱷᱚᱠ ᱨᱮᱱᱟᱜ ᱥᱴᱮᱥᱚᱱ, ᱓᱑ ᱤ ᱛᱷᱚᱠ ᱨᱮᱱᱟᱜ ᱥᱴᱮᱥᱚᱱ ᱟᱨ ᱑᱒ ᱮᱯᱷ ᱛᱷᱚᱠ ᱨᱮᱱᱟᱜ ᱥᱴᱮᱥᱚᱱ ᱢᱮᱱᱟᱜᱼᱟ, ᱡᱟᱦᱟᱸ ᱫᱚ ᱦᱟᱹᱴᱤᱧ ᱨᱮ ᱜᱩᱴ ᱗᱑ ᱨᱮᱞᱣᱮ ᱥᱴᱮᱥᱚᱱ ᱢᱮᱱᱟᱜᱼᱟ ᱾[᱔]
ᱱᱟᱜᱟᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱨᱮᱞ ᱢᱚᱱᱛᱨᱤ ᱫᱚ ᱑᱐ ᱡᱟᱱᱩᱣᱟᱨᱤ ᱑᱙᱙᱖ ᱦᱤᱞᱚᱜ ᱯᱩᱱᱮ ᱨᱮ ᱢᱤᱫᱴᱟᱹᱝ ᱱᱟᱣᱟ ᱨᱮᱞᱣᱮ ᱦᱟᱹᱴᱤᱧ ᱵᱮᱱᱟᱣ ᱨᱮᱱᱟᱜ ᱜᱚᱴᱟ ᱠᱮᱫᱼᱟ ᱾ ᱱᱟᱣᱟ ᱦᱟᱹᱴᱤᱧ ᱞᱟᱹᱜᱤᱫ ᱵᱤᱫ ᱫᱷᱤᱨᱤ ᱫᱚᱦᱚ ᱟᱠᱷᱲᱟ ᱫᱚ ᱑᱓ ᱡᱟᱱᱩᱣᱟᱨᱤ ᱑᱙᱙᱖ ᱨᱮ ᱦᱩᱭ ᱞᱮᱱᱟ ᱾ ᱮᱛᱚᱦᱚᱵ ᱨᱮ ᱱᱚᱶᱟ ᱦᱟᱹᱴᱤᱧ ᱫᱚ ᱞᱳᱱᱟᱣᱟᱞᱟ-ᱯᱩᱱᱮ ᱦᱟᱹᱴᱤᱧ ᱨᱮᱜᱮ ᱢᱮᱱᱟᱜᱼᱟ ᱾ ᱑ ᱮᱯᱨᱤᱞ ᱒᱐᱐᱓ ᱠᱷᱚᱱ ᱠᱟᱹᱢᱤᱭᱟ ᱾ ᱯᱩᱱᱮ-ᱫᱚᱣᱩᱸᱰ-ᱵᱟᱨᱟᱢᱚᱛᱤ ᱥᱮᱠᱥᱚᱱ ᱨᱮ ᱫᱚᱣᱩᱸᱰ ᱟᱨ ᱯᱩᱱᱮ-ᱢᱤᱨᱟᱡᱽ-ᱠᱮ.ᱳ.ᱯᱤ. ᱥᱮᱠᱥᱚᱱ ᱫᱚ ᱥᱮᱞᱮᱫ ᱟᱠᱟᱱᱟ, ᱡᱟᱦᱟᱸ ᱫᱚ ᱕᱐.᱓᱙ ᱠᱤᱞᱚᱢᱤᱴᱚᱨ ᱰᱟᱦᱟᱨ ᱨᱮᱱᱟᱜ ᱴᱷᱟᱶ ᱮ ᱟᱢᱮᱴ ᱟᱠᱟᱫᱼᱟ ᱾
ᱰᱤ.ᱟᱨ.ᱮᱢ. ᱚᱯᱷᱤᱥ ᱨᱮᱱᱟᱜ ᱢᱤᱫ ᱦᱟᱹᱴᱤᱧ ᱫᱚ ᱤᱨᱤᱥᱮᱱ ᱨᱮᱱᱟᱜ ᱠᱮᱢᱯᱟᱥ ᱠᱷᱚᱱ ᱠᱟᱹᱢᱤ ᱠᱟᱱᱟ ᱟᱨ ᱮᱴᱟᱜ ᱚᱯᱷᱤᱥ ᱫᱚ ᱜᱩᱰᱥ ᱥᱮᱰ ᱨᱮᱱᱟᱜ ᱢᱤᱫ ᱦᱟᱹᱴᱤᱧ ᱨᱮ ᱢᱮᱱᱟᱜᱼᱟ, ᱡᱟᱦᱟᱸ ᱫᱚ ᱟᱢᱵᱮᱰᱠᱚᱨ ᱰᱟᱦᱟᱨ ᱠᱷᱚᱱ ᱵᱚᱞᱚ ᱫᱟᱲᱮᱭᱟᱜᱼᱟ ᱾ ᱱᱟᱣᱟ ᱰᱤ.ᱟᱨ.ᱮᱢ. ᱚᱯᱷᱤᱥ ᱵᱷᱚᱵᱚᱱ ᱨᱮᱱᱟᱜ ᱯᱩᱭᱞᱩ ᱛᱷᱚᱠ ᱫᱚ ᱵᱮᱱᱟᱣ ᱦᱩᱭᱩᱜ ᱠᱟᱱᱟ ᱟᱨ ᱱᱚᱶᱟ ᱥᱮᱨᱢᱟ ᱨᱮᱱᱟᱜ ᱛᱟᱞᱟ ᱫᱷᱟᱹᱨᱤᱡ ᱛᱮᱭᱟᱨ ᱦᱩᱭ ᱫᱟᱲᱮᱭᱟᱜᱼᱟ ᱾[᱕]
ᱦᱟᱹᱴᱤᱧ ᱨᱮ ᱗᱑ ᱜᱚᱴᱟᱝ ᱥᱴᱮᱥᱚᱱ ᱢᱮᱱᱟᱜᱼᱟ, ᱡᱟᱦᱟᱸ ᱠᱷᱚᱱ ᱯᱩᱱᱮ ᱫᱚ ᱮ᱑ ᱥᱴᱮᱥᱚᱱ ᱞᱮᱠᱟᱛᱮ ᱟᱨ ᱢᱤᱨᱟᱡᱽ ᱟᱨ ᱠᱳᱞᱦᱟᱯᱩᱨ ᱫᱚ ᱮ ᱥᱴᱮᱥᱚᱱ ᱞᱮᱠᱟᱛᱮ ᱥᱮᱞᱮᱫ ᱟᱠᱟᱱᱟ ᱾
ᱫᱟᱣᱩᱸᱰ-ᱟᱱᱠᱟᱭ ᱥᱮᱠᱥᱚᱱ ᱨᱮᱱᱟᱜ ᱒᱔ ᱜᱚᱴᱟᱝ ᱥᱴᱮᱥᱚᱱ ᱫᱚ ᱯᱩᱱᱮ ᱨᱮᱞᱣᱮ ᱦᱟᱹᱴᱤᱧ ᱨᱮ ᱥᱮᱞᱮᱫ ᱦᱩᱭᱩᱜᱼᱟ ᱾ ᱱᱤᱛᱚᱜ ᱫᱟᱣᱩᱸᱰ-ᱟᱱᱠᱟᱭ ᱥᱮᱠᱥᱚᱱ ᱫᱚ ᱥᱳᱞᱟᱯᱩᱨ ᱨᱮᱞᱣᱮ ᱦᱟᱹᱴᱤᱧ ᱨᱮ ᱥᱮᱞᱮᱫ ᱢᱮᱱᱟᱜᱼᱟ ᱾ ᱯᱩᱱᱮ ᱦᱟᱹᱴᱤᱧ ᱨᱮ ᱥᱮᱞᱮᱫᱚᱜ ᱛᱮ ᱚᱦᱢᱚᱫᱽᱱᱚᱜᱚᱨ ᱟᱨ ᱯᱩᱱᱮ ᱨᱮᱞᱣᱮ ᱥᱴᱮᱥᱚᱱ ᱛᱟᱞᱟ ᱨᱮ ᱰᱮᱢᱩ ᱥᱮᱵᱟ ᱮᱛᱚᱦᱚᱵᱚᱜ ᱨᱮᱱᱟᱜ ᱫᱟᱲᱮ ᱵᱟᱹᱲᱛᱤ ᱦᱩᱭᱩᱜᱼᱟ ᱾[᱖]
ᱴᱤᱠᱮᱴᱤᱝ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱯᱩᱱᱮ ᱨᱮᱞᱣᱮ ᱦᱟᱹᱴᱤᱧ ᱫᱚ ᱥᱮᱨᱢᱟ ᱨᱮ ᱓.᱓᱕ ᱠᱳᱴᱤ ᱦᱩᱰᱤᱧ ᱱᱚᱜᱚᱨᱤ ᱟᱨ ᱓.᱖᱓ ᱠᱳᱴᱤ ᱵᱟᱝ-ᱦᱩᱰᱤᱧ ᱱᱚᱜᱚᱨᱤ ᱯᱟᱥᱮᱱᱡᱚᱨ ᱠᱚ ᱦᱤᱡᱩᱜ ᱥᱮᱱᱚᱜᱼᱟ ᱾
ᱯᱩᱱᱮ ᱡᱚᱸᱠᱥᱚᱱ ᱨᱮ ᱯᱟᱥᱮᱱᱡᱚᱨ ᱨᱤᱡᱚᱨᱵᱷᱮᱴᱥᱚᱱ ᱥᱤᱥᱴᱮᱢ (ᱯᱤᱟᱨᱮᱥ) ᱨᱮᱱᱟᱜ ᱥᱩᱵᱤᱫᱷᱟ ᱢᱮᱱᱟᱜᱼᱟ, ᱚᱱᱟ ᱥᱟᱶᱛᱮ ᱯᱩᱱᱮ ᱥᱚᱦᱚᱨ ᱨᱮ ᱯᱩᱱᱭᱟᱹ ᱥᱟᱭᱵᱟᱨ ᱵᱩᱠᱤᱝ ᱚᱯᱷᱤᱥ (ᱥᱤ.ᱵᱤ.ᱳ.) ᱦᱚᱸ ᱢᱮᱱᱟᱜᱼᱟ, ᱡᱮᱢᱚᱱ ᱰᱮᱠᱠᱟᱱ ᱡᱤᱢᱠᱷᱟᱱᱟ, ᱥᱚᱝᱠᱚᱨ ᱥᱮᱴᱷ ᱨᱳᱰ, ᱨᱚᱵᱤᱵᱟᱨ ᱯᱮᱴ ᱟᱨ ᱯᱩᱱᱮ ᱠᱮᱸᱴ ᱾ ᱯᱤ.ᱟᱨ.ᱮᱥ. ᱨᱮᱱᱟᱜ ᱵᱮᱵᱚᱥᱛᱟ ᱠᱷᱟᱲᱠᱤ, ᱪᱤᱸᱪᱣᱟᱲ, ᱢᱤᱨᱟᱡᱽ, ᱠᱚᱞᱦᱟᱯᱩᱨ, ᱥᱚᱛᱟᱨᱟ, ᱥᱟᱝᱜᱽᱞᱤ, ᱠᱟᱨᱟᱰ, ᱵᱟᱨᱟᱢᱚᱛᱤ ᱨᱮᱦᱚᱸ ᱢᱮᱱᱟᱜᱼᱟ ᱾ ᱨᱟᱠᱷᱟ ᱠᱟᱹᱢᱤᱭᱟ ᱠᱚ ᱦᱚᱛᱮᱛᱮ ᱪᱟᱞ ᱟᱠᱟᱱ ᱟᱨ ᱵᱟᱨᱭᱟ ᱯᱤ.ᱟᱨ.ᱮᱥ. ᱥᱴᱮᱥᱚᱱ ᱠᱷᱟᱲᱠᱤ ᱠᱮᱸᱴ ᱟᱨ ᱫᱮᱦᱩ ᱨᱳᱰ ᱨᱮ ᱠᱟᱹᱢᱤ ᱠᱟᱱᱟ ᱾ ᱤᱪᱚᱞᱠᱚᱨᱚᱱᱡᱤ ᱯᱳᱥᱴ ᱚᱯᱷᱤᱥ ᱨᱮ ᱯᱤ.ᱟᱨ.ᱮᱥ ᱫᱚ ᱱᱚᱸᱰᱮᱱᱟᱜ ᱠᱟᱹᱢᱤᱭᱟᱹ ᱠᱚ ᱦᱚᱛᱮᱛᱮ ᱪᱟᱞᱟᱜ ᱠᱟᱱᱟ ᱾
ᱯᱩᱱᱮ ᱨᱮᱞᱣᱮ ᱦᱟᱹᱴᱤᱧ ᱫᱚ ᱯᱩᱭᱞᱩ ᱨᱮᱞᱣᱮ ᱦᱟᱹᱴᱤᱧ ᱠᱟᱱᱟ ᱡᱟᱦᱟᱸ ᱫᱚ ᱡᱚᱛᱚ ᱭᱩᱴᱤᱮᱥ ᱟᱨ ᱭᱩᱴᱤᱮᱥ ᱥᱟᱶ ᱯᱤ.ᱟᱨ.ᱮᱥ ᱡᱟᱭᱜᱟ ᱠᱚ ᱨᱮᱱᱟᱜ ᱛᱷᱟᱯᱚᱱ ᱯᱩᱨᱟᱹᱣ ᱞᱮᱫᱼᱟ ᱾ ᱱᱤᱛᱚᱜ ᱱᱚᱣᱟ ᱦᱚᱱᱚᱛ ᱨᱮ ᱕᱙ ᱜᱚᱴᱟᱝ ᱭᱩᱴᱤᱮᱥ (ᱵᱮ-ᱨᱟᱠᱷᱟ ᱴᱤᱠᱮᱴᱤᱝ ᱥᱤᱥᱴᱮᱢ) ᱢᱮᱱᱟᱜᱼᱟ, ᱚᱱᱟ ᱢᱩᱸᱫᱽ ᱠᱷᱚᱱ ᱑᱒ ᱜᱚᱴᱟᱝ ᱫᱚ ᱭᱩᱴᱤᱮᱥ ᱥᱟᱶᱛᱮ ᱯᱤ.ᱟᱨ.ᱮᱥ ᱡᱟᱭᱜᱟ ᱨᱮ ᱢᱮᱱᱟᱜᱼᱟ ᱾
ᱡᱚᱲᱟᱣ ᱠᱚ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱱᱚᱣᱟ ᱛᱟᱞᱢᱟ ᱨᱮᱞᱣᱮ ᱴᱚᱴᱷᱟ ᱨᱮᱱᱟᱜ ᱮᱴᱟᱜ ᱨᱮᱞᱣᱮ ᱦᱟᱹᱴᱤᱧ ᱠᱚᱭ ᱡᱚᱲᱟᱣ ᱮᱫᱟ
- ᱞᱳᱱᱟᱣᱟᱞᱟ (ᱪᱷᱟᱰᱟ ᱠᱟᱛᱮ)-ᱯᱩᱱᱮ ᱡᱚᱸᱠᱥᱚᱱ-ᱫᱟᱣᱩᱸᱰ ᱡᱚᱸᱠᱥᱚᱱ
- ᱯᱩᱱᱮ ᱡᱚᱸᱠᱥᱚᱱ - ᱥᱟᱛᱟᱨᱟ - ᱥᱟᱝᱞᱤ - ᱢᱤᱨᱟᱡᱽ ᱡᱚᱸᱠᱥᱚᱱ - ᱠᱚᱞᱦᱟᱯᱩᱨ
- ᱫᱟᱣᱩᱸᱰ ᱡᱚᱸᱠᱥᱚᱱ - ᱵᱟᱨᱟᱢᱚᱛᱤ ᱾[᱖]
- ᱞᱳᱱᱟᱱᱫᱽ ᱡᱚᱸᱠᱥᱚᱱ - ᱯᱷᱚᱞᱴᱚᱱ
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ "Railway Zones and Divisions in The Country". Press Information Bureau. Ministry of Railways (Government of India). 21 July 2017. Retrieved 1 January 2025.
- ↑ "Welcome to Pune Division"Central Railway Retrieved 3 July 2014.
- ↑ "System Map"
- ↑ "Pune Division at a glance"
- ↑ "Railway keeps Plan B ready" The Times Of India
- ↑ ᱖.᱐ ᱖.᱑ "Pune railway division area to increase, 24 stations to be added". www.hindustantimes.com. Retrieved 2023-09-12.
ᱵᱟᱦᱨᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ] |
ᱣᱤᱠᱤᱢᱤᱰᱤᱭᱟ ᱠᱚᱢᱚᱱᱥ ᱨᱮ ᱯᱩᱱᱮ ᱨᱮᱞᱣᱮ ᱦᱟᱹᱴᱤᱧ ᱵᱟᱵᱚᱛᱫᱽ ᱛᱮ ᱨᱮᱫ ᱢᱮᱱᱟᱜᱼᱟ ᱾. |