ᱯᱷᱚᱨᱦᱤᱱ

ᱯᱷᱚᱨᱦᱤᱱᱟ ᱯᱨᱚᱵᱷᱟᱠᱚᱨ (ᱡᱟᱱᱟᱢ ᱟᱭᱳ ᱫᱚ ᱠᱷᱟᱱ) ᱫᱚ ᱢᱤᱫ ᱥᱤᱧᱚᱛᱤᱭᱟ. ᱮᱠᱴᱨᱮᱥ ᱠᱟᱱᱟᱭ, ᱡᱟᱦᱟᱸᱭ ᱫᱚ ᱦᱤᱱᱫᱤ, ᱠᱚᱱᱱᱚᱰᱟ ᱟᱨ ᱛᱟᱢᱤᱞ ᱯᱷᱤᱞᱢ ᱨᱮ ᱠᱟ.ᱢᱤ ᱠᱟᱱᱟᱭ । ᱑᱙᱙᱒ ᱥᱟᱞ ᱨᱮ ᱡᱟᱱ ᱛᱮᱨᱮ ᱱᱟᱢ ᱠᱷᱚᱱ ᱮᱛᱚᱦᱚᱵ ᱠᱟᱛᱮ ᱢᱤᱫ ᱧᱩᱛᱩᱢᱟᱱ ᱟᱠᱴᱨᱮᱥ ᱞᱮᱠᱟᱛᱮ ᱟᱡᱟᱜ ᱠᱮᱨᱤᱭᱚᱨ ᱫᱚ ᱠᱷᱟᱴᱚ ᱜᱮ ᱛᱟᱦᱮᱸ ᱠᱟᱱᱟ, ᱟᱨ ᱟᱠᱴᱨᱮᱥ ᱢᱟᱫᱷᱩᱨᱤ ᱫᱤᱠᱥᱤᱛ ᱥᱟᱶ ᱟᱡᱟᱜ ᱥᱚᱢᱟᱱ ᱞᱟᱹᱜᱤᱫ ᱛᱮ ᱢᱟᱱᱚᱛ ᱮ ᱧᱟᱢ ᱞᱮᱫᱼᱟ ᱾ ᱯᱷᱚᱨᱦᱤᱱ ᱫᱚ ᱠᱚᱧᱮ ᱥᱤᱧᱚᱛ ᱨᱮᱱᱟᱜ ᱯᱷᱤᱞᱢ ᱠᱚᱨᱮ ᱦᱚᱸᱭ ᱠᱟ.ᱢᱤ ᱟᱠᱟᱫᱟ, ᱡᱟᱦᱟᱸ ᱨᱮ ᱩᱱᱤ ᱫᱚ "ᱵᱤᱱᱫᱤᱭᱟ" ᱞᱮᱠᱟᱛᱮ ᱠᱟ.ᱢᱤ ᱟᱠᱟᱫᱟ। ᱑᱙᱙᱔ ᱥᱮᱨᱢᱟ ᱠᱷᱚᱱ ᱱᱩᱭ ᱫᱚ ᱢᱚᱱᱳᱡᱽ ᱯᱨᱚᱵᱷᱟᱠᱚᱨ ᱥᱟᱶᱮ ᱵᱟᱯᱞᱟ ᱞᱮᱱᱟ᱾

ᱮᱛᱚᱦᱚᱵ ᱟᱨ ᱡᱤᱭᱚᱱ

ᱯᱷᱚᱨᱦᱤᱱ ᱫᱚ ᱢᱤᱫ ᱥᱤᱧᱚᱛᱤᱭᱟᱹ ᱢᱩᱥᱞᱤᱢ ᱜᱷᱟᱨᱚᱸᱡᱽ ᱨᱮ ᱯᱷᱚᱨᱦᱤᱱ ᱠᱷᱟᱱ ᱢᱮᱱᱛᱮᱭ ᱡᱟᱱᱟᱢ ᱞᱮᱱᱟ ᱾

᱑᱙᱙᱓ ᱥᱟᱞᱮ ᱨᱮ ᱩᱱᱤ ᱫᱚ ᱠᱨᱤᱠᱮᱴᱟᱨ ᱢᱚᱱᱳᱡᱽ ᱯᱨᱚᱵᱷᱟᱠᱚᱨ ᱥᱟᱶ ᱧᱟᱯᱟᱢ ᱞᱮᱱᱟᱭ ᱟᱨ ᱩᱱᱤ ᱥᱟᱶ ᱥᱟᱹᱜᱟᱹᱭ ᱮᱦᱚᱵ ᱞᱮᱫ-ᱟ ᱾ ᱚᱱᱟ ᱚᱠᱛᱚ ᱨᱮ ᱯᱨᱚᱵᱷᱟᱠᱚᱨ ᱫᱚ ᱢᱤᱫ ᱵᱷᱮᱜᱟᱨ ᱵᱟᱯᱞᱟ ᱨᱮᱭ ᱛᱟᱦᱮᱸ ᱠᱟᱱᱟ ᱾ ᱑᱙᱙᱔ ᱨᱮ ᱱᱤᱠᱚᱦ ᱵᱟᱯᱞᱟ ᱦᱩᱭ ᱞᱮᱱᱟ ᱾ ᱨᱟᱦᱤᱞ ᱟᱨ ᱢᱟᱱᱚᱵᱚᱱᱥ ᱾ ᱒᱐᱐᱘ ᱥᱟᱞᱮ ᱨᱮ ᱯᱨᱚᱵᱷᱟᱠᱚᱨ ᱫᱚ ᱟᱡᱟᱜ ᱯᱩᱭᱞᱩ ᱠᱩᱲᱤ ᱥᱟᱱᱫᱷᱭᱟ ᱠᱷᱚᱱ ᱮ ᱵᱟᱯᱞᱟ ᱮᱱᱟ ᱾ ᱱᱩᱭ ᱟᱨ ᱯᱷᱚᱨᱦᱤᱱᱟ ᱫᱚ ᱚᱱᱟ ᱥᱮᱨᱢᱟ ᱨᱮ ᱟᱨᱦᱚᱸ ᱵᱟᱯᱞᱟ ᱮᱱᱟ, ᱱᱚᱶᱟ ᱫᱷᱟᱣ ᱫᱚ ᱦᱤᱱᱫᱩ ᱟᱹᱨᱤᱪᱟᱹᱞᱤ ᱞᱮᱠᱟᱛᱮ ᱵᱟᱯᱞᱟ ᱦᱩᱭ ᱞᱮᱱᱟ ᱾

ᱯᱷᱚᱨᱦᱤᱱᱟ ᱫᱚ ᱵᱟᱯᱞᱟ ᱛᱟᱭᱚᱢ ᱟᱡᱤᱡ ᱦᱚᱯᱚᱱ ᱟᱜ ᱧᱩᱛᱩᱢ ᱫᱚᱦᱚ ᱞᱮᱫ-ᱟ, ᱟᱨ ᱚᱠᱛᱚ- ᱚᱠᱛᱚ "ᱯᱷᱚᱨᱦᱤᱱᱟ ᱯᱨᱚᱵᱷᱟᱠᱚᱨ" ᱢᱮᱱᱛᱮ ᱦᱚᱸ ᱠᱚ ᱢᱮᱛᱟᱜ-ᱟ ᱾ ᱱᱩᱠᱩ ᱫᱚ ᱫᱤᱞᱞᱤ ᱨᱮ ᱟᱠᱚᱣᱟᱜ ᱜᱤᱫᱽᱨᱟ. ᱟᱨ ᱯᱨᱚᱵᱷᱟᱠᱚᱨ ᱟᱜ ᱵᱟᱵᱟ ᱥᱟᱶ ᱠᱚ ᱛᱟᱦᱮᱸᱱᱟ ᱾ ᱯᱨᱚᱵᱷᱟᱠᱚᱨ ᱟᱜ ᱢᱟᱨᱟᱝ ᱜᱤᱫᱽᱨᱟ. ᱨᱳᱦᱟᱱ (ᱡᱟᱦᱟᱸᱭ ᱫᱚ ᱟᱡᱟᱜ ᱯᱩᱭᱞᱩ ᱦᱚᱯᱚᱱ ᱠᱷᱚᱱ) ᱟᱨ ᱨᱳᱦᱟᱱ ᱟᱜ ᱦᱚᱯᱚᱱ ᱦᱚᱸ ᱜᱷᱟᱨᱚᱸᱡᱽ ᱥᱟᱶ ᱠᱚ ᱛᱟᱦᱮᱸᱱᱟ ᱾

ᱠᱮᱨᱤᱭᱚᱨ

ᱯᱷᱚᱨᱦᱤᱱ ᱫᱚ ᱑᱙᱙᱒ ᱥᱟᱞ ᱨᱮ ᱫᱤᱯᱟᱠ ᱵᱚᱞᱨᱟᱡᱽ ᱵᱤᱡᱽ ᱟᱜ ᱡᱚᱱ ᱛᱮᱨᱮ ᱱᱟᱢ ᱨᱮ ᱨᱳᱱᱤᱛ ᱨᱚᱭ ᱥᱟᱶ ᱮᱱᱮᱡ ᱮ ᱮᱛᱚᱦᱚᱵ ᱞᱮᱫ-ᱟ ᱟᱨ ᱢᱩᱬᱩᱛ ᱟᱠᱴᱨᱮᱥ ᱢᱚᱫᱷᱩᱨᱤ ᱫᱤᱠᱥᱛ ᱥᱟᱶ ᱟᱡᱟᱜ ᱥᱚᱢᱟᱱ ᱞᱮᱠᱟᱛᱮ ᱩᱱᱤ ᱫᱚ ᱟᱹᱰᱤ ᱜᱮ ᱧᱩᱛᱩᱢᱟᱱ ᱞᱮᱱᱟᱭ ᱾ ᱯᱷᱚᱨᱦᱤᱱᱟ ᱫᱚ ᱑᱙᱙᱓ ᱥᱟᱞᱮ ᱨᱮ ᱥᱤᱞᱯᱟ ᱥᱮᱴᱴᱤ ᱟᱜ ᱴᱨᱤᱞᱟᱨ ᱵᱟᱡᱤᱜᱚᱨ (Baazigar) ᱨᱮ ᱥᱚᱯᱳᱨᱴᱤᱝ ᱨᱳᱞ ᱮ ᱵᱟᱧᱪᱟᱣ ᱞᱮᱫ ᱛᱟᱦᱮᱸᱫ ᱾

ᱯᱷᱚᱨᱦᱤᱱ ᱫᱚ ᱠᱟᱢᱟᱞ ᱦᱟᱥᱟᱱ ᱟᱜ ᱠᱟᱞᱟᱭᱜᱚᱱᱚᱱ (᱑᱙᱙᱓) ᱨᱮ ᱮᱱᱮᱡ ᱞᱟᱹᱜᱤᱫ ᱵᱟᱡᱤᱜᱚᱨ ᱮ ᱵᱟᱧᱪᱟᱣ ᱞᱮᱫ ᱛᱟᱦᱮᱸᱫ, ᱡᱟᱦᱟᱸ ᱨᱮ ᱩᱱᱤ ᱫᱚ ᱵᱤᱱᱫᱤᱭᱟ ᱢᱮᱱᱛᱮᱭ ᱚᱞ ᱟᱠᱟᱫ ᱛᱟᱦᱮᱸᱫ ᱟᱨ ᱦᱟᱥᱟᱱ ᱟᱜ ᱫᱩᱞᱟᱹᱲ ᱮᱱᱮᱡ ᱮ ᱠᱷᱮᱞ ᱞᱮᱫ ᱛᱟᱦᱮᱸᱫ ᱾ ᱤᱱᱰᱤᱭᱟᱱ ᱮᱠᱥᱯᱨᱮᱥ ᱨᱮᱱ ᱢᱤᱫᱴᱮᱱ ᱨᱤᱵᱷᱤᱴᱚᱨᱮ ᱢᱮᱱ ᱞᱮᱫᱟ ᱡᱮ ᱩᱱᱤ ᱫᱚ ᱯᱷᱤᱞᱢ ᱨᱮ "ᱵᱟᱹᱲᱛᱤ ᱪᱮᱫ ᱦᱚᱸ ᱵᱟᱭ ᱠᱟᱹᱢᱤᱭᱟ"᱾ ᱱᱚᱶᱟ ᱚᱠᱛᱚ ᱨᱮ, ᱯᱷᱚᱨᱦᱤᱱ ᱫᱚ ᱦᱟᱞᱞᱤ ᱢᱮᱥᱛᱨᱩ (᱑᱙᱙᱒) ⁇ ᱟᱡᱟᱜ ᱠᱚᱱᱱᱚᱰᱟ ᱯᱩᱭᱞᱩ, ᱟᱜᱽ ᱠᱟ ᱛᱩᱯᱷᱟᱱ (᱑᱙᱙᱓), ᱯᱷᱚᱡᱽ (᱑᱙᱙᱔) ᱟᱨ ᱱᱟᱡᱟᱨ ᱠᱮ ᱥᱚᱢᱱᱮ (᱑᱙᱙᱕) ᱮᱢᱟᱱ ᱯᱷᱤᱞᱢ ᱠᱚᱨᱮ ᱦᱚᱸᱭ ᱠᱟ. ᱩᱱᱤ ᱫᱚ ᱑᱙᱙᱘ ᱨᱮ ᱤᱱᱰᱟᱥᱴᱨᱤ ᱠᱷᱚᱱ ᱵᱟᱦᱨᱮ ᱞᱮᱱᱟᱭ ᱾

᱒᱐᱑᱔ ᱥᱟᱞᱮ ᱨᱮ ᱯᱷᱚᱨᱦᱤᱱ ᱫᱚ ᱟᱡᱟᱜ ᱯᱩᱭᱞᱩ ᱯᱷᱤᱞᱢ ᱡᱚᱱ ᱛᱮᱨᱮ ᱱᱟᱢ ᱨᱮᱱᱟᱜ ᱥᱤᱠᱣᱮᱞ ᱨᱮ ᱯᱷᱤᱞᱢ ᱨᱮ ᱨᱩᱣᱟᱹᱲ ᱮᱱᱟᱭ, ᱡᱟᱦᱟᱸ ᱫᱚ ᱫᱤᱯᱚᱠ ᱵᱚᱞᱨᱟᱡᱽ ᱵᱤᱡ ᱮ ᱰᱤᱨᱮᱠᱴᱚᱨ ᱟᱠᱟᱫᱟ ᱾ ᱒᱐᱒᱒ ᱥᱮᱨᱢᱟ ᱦᱟᱹᱵᱤᱡ, ᱩᱱᱤ ᱫᱚ ᱵᱟᱨᱭᱟ ᱯᱨᱚᱰᱚᱠᱥᱚᱱ ᱨᱮ ᱠᱟᱹᱢᱤ ᱠᱟᱱᱟᱭ: ᱦᱚᱨᱤᱥ ᱠᱳᱴᱤᱭᱟᱱ ᱟᱜ ᱨᱟᱭᱴ (ᱡᱟᱦᱟᱸ ᱫᱚ ᱟᱢᱡᱚᱱ ᱯᱨᱟᱭᱢ ᱵᱷᱤᱰᱤᱭᱳ ᱨᱮ ᱨᱤᱞᱤᱡ ᱦᱩᱭᱩᱜᱼᱟ) ᱟᱨ ᱥᱤᱵᱷᱚᱢ ᱱᱟᱜᱚᱨ ᱟᱜ ᱱᱮᱛᱟᱨᱟᱜ ᱰᱤᱨᱮᱠᱴᱚᱨᱤ ᱵᱷᱮᱱᱪᱟᱨ ᱾

ᱵᱟᱦᱨᱮ ᱡᱚᱱᱚᱲ

• Farheen (ᱤᱱᱴᱚᱨᱱᱮᱴ ᱢᱩᱵᱷᱤ ᱰᱟᱴᱟᱵᱮᱥ ᱨᱮ)