ᱯᱷᱟᱡᱤᱞᱠᱟ ᱡᱚᱸᱠᱥᱚᱱ ᱨᱮᱞᱣᱮ ᱥᱴᱮᱥᱚᱱ

ᱯᱷᱟᱡᱤᱞᱠᱟ ᱡᱚᱸᱠᱥᱚᱱ
ᱯᱷᱟᱡᱤᱞᱠᱟ ᱡᱚᱸᱠᱥᱚᱱ
ᱥᱤᱧᱚᱛᱤᱭᱟᱹ ᱨᱮᱞᱣᱮ ᱡᱚᱸᱠᱥᱚᱱ ᱥᱴᱮᱥᱚᱱ
ᱢᱮᱱᱮᱞᱟ ᱠᱟᱛᱷᱟ
ᱴᱷᱟᱶ	ᱥᱟᱭᱠᱤᱞ ᱢᱟᱨᱠᱮᱴ ᱰᱟᱦᱟᱨ, ᱯᱷᱟᱡᱤᱞᱠᱟ, ᱯᱟᱧᱡᱟᱵᱽ; ᱥᱤᱧᱚᱛ
ᱚᱛᱱᱚᱜ ᱴᱷᱟᱶ	30°24′32″N 74°01′30″E / 30.409°N 74.025°ECoordinates: 30°24′32″N 74°01′30″E / 30.409°N 74.025°E
ᱩᱥᱩᱞ	181 metres (594 ft)
ᱢᱟᱹᱞᱤᱠ ᱛᱟᱹᱨᱤ ᱨᱮ	ᱥᱤᱧᱚᱛᱤᱭᱟᱹ ᱨᱮᱞᱣᱮ
ᱪᱟᱪᱟᱣ	ᱠᱚᱧᱮ ᱨᱮᱞᱣᱮ
ᱞᱟᱭᱤᱱ (ᱠᱚ)	ᱞᱩᱫᱷᱤᱭᱟᱱᱟ–ᱯᱷᱟᱡᱤᱞᱠᱟ ᱞᱟᱭᱤᱱ; ᱫᱤᱞᱞᱤ–ᱯᱷᱟᱡᱤᱞᱠᱟ ᱞᱟᱭᱤᱱ; ᱟᱵᱚᱦᱟᱨ–ᱯᱷᱟᱡᱤᱞᱠᱟ ᱞᱟᱭᱤᱱ; ᱟᱢᱨᱩᱠᱟ-ᱯᱷᱟᱡᱤᱞᱠᱟ ᱞᱟᱭᱤᱱ (᱑᱙᱗᱒ ᱥᱟᱞ ᱨᱮ ᱵᱚᱫᱚᱞ ᱟᱠᱟᱱᱟ)
ᱯᱞᱮᱴᱯᱷᱚᱨᱢ	᱒
ᱴᱨᱮᱠ	5 ft 6 in (᱑,᱖᱗᱖ mm) ᱵᱨᱚᱰ ᱜᱮᱡᱽ
ᱵᱮᱱᱟᱣ
ᱜᱚᱲᱦᱚᱱ ᱨᱮᱭᱟᱜ ᱫᱷᱚᱨᱚᱱ	ᱚᱛ ᱨᱮ ᱥᱴᱮᱰᱟᱨᱰ
ᱯᱟᱨᱠᱤᱝ	ᱢᱮᱱᱟᱜᱼᱟ
ᱥᱟᱭᱠᱮᱞ ᱨᱮᱭᱟᱜ ᱥᱩᱵᱤᱫᱷᱟ	ᱵᱟᱹᱱᱩᱜᱼᱟ
ᱮᱴᱟᱜ ᱠᱟᱛᱷᱟ ᱠᱚ
ᱦᱟᱞᱚᱛ	ᱠᱟᱹᱢᱤᱦᱚᱨᱟ
ᱥᱴᱮᱥᱚᱱ ᱠᱳᱰ	FKA
ᱦᱟᱹᱴᱤᱧ(ᱠᱚ)	ᱯᱷᱤᱨᱚᱡᱽᱯᱩᱨ
ᱱᱟᱜᱟᱢ
ᱪᱟᱹᱞᱩ	᱑᱘᱙᱗
ᱤᱞᱮᱠᱴᱨᱤᱯᱷᱤᱠᱮᱥᱚᱱ	ᱵᱟᱹᱱᱩᱜᱼᱟ
	ᱪᱷᱟᱸᱪ:Infobox station/services
	ᱪᱷᱟᱸᱪ:Infobox station/services
	ᱪᱷᱟᱸᱪ:Infobox station/services
ᱴᱷᱟᱶ
	ᱯᱷᱟᱡᱤᱞᱠᱟ ᱡᱚᱸᱠᱥᱚᱱ ᱨᱮᱞᱣᱮ ᱥᱴᱮᱥᱚᱱ ᱯᱟᱧᱡᱟᱵᱽ ᱨᱮ ᱴᱷᱟᱶ

ᱯᱷᱟᱡᱤᱞᱠᱟ ᱡᱚᱸᱠᱥᱚᱱ ᱫᱚ ᱥᱤᱧᱚᱛᱤᱭᱟᱹ ᱯᱚᱱᱚᱛ ᱯᱟᱧᱡᱟᱵᱽ ᱨᱮ ᱯᱷᱟᱡᱤᱞᱠᱟ ᱦᱚᱱᱚᱛ ᱨᱮ ᱢᱮᱱᱟᱜᱼᱟ ᱟᱨ ᱯᱷᱟᱡᱤᱞᱠᱟ ᱨᱮᱱᱟᱜ ᱥᱮᱵᱟ ᱮᱫᱼᱟ ᱾

ᱨᱮᱞᱣᱮ ᱥᱴᱮᱥᱚᱱ

ᱯᱷᱟᱡᱤᱞᱠᱟ ᱨᱮᱞᱣᱮ ᱥᱴᱮᱥᱚᱱ ᱫᱚ ᱑᱘᱑ ᱢᱤᱴᱚᱨ (᱕᱙᱔ ᱯᱷᱤᱴ) ᱩᱥᱩᱞ ᱨᱮ ᱢᱮᱱᱟᱜᱼᱟ ᱟᱨ ᱱᱚᱶᱟ ᱨᱮᱱᱟᱜ ᱠᱳᱰ ᱫᱚ FKA ᱠᱚ ᱮᱢ ᱟᱠᱟᱫᱼᱟ ᱾^[᱑]

ᱯᱟᱨᱴᱤᱴᱤᱥᱚᱱ ᱢᱟᱲᱟᱝ ᱱᱟᱜᱟᱢ

ᱮᱛᱚᱢ ᱯᱟᱧᱡᱟᱵᱽ ᱨᱮᱞᱣᱮ ᱠᱚᱢᱯᱟᱹᱱᱤ ᱫᱚ ᱑᱙᱘᱗ ᱥᱟᱞ ᱨᱮ ᱫᱤᱞᱞᱤ-ᱵᱷᱟᱴᱤᱱᱰᱟ-ᱯᱷᱟᱡᱤᱞᱠᱟ-ᱵᱟᱦᱟᱣᱟᱞᱯᱩᱨ-ᱥᱚᱢᱢᱟ ᱥᱟᱛᱛᱟ ᱨᱮᱞᱣᱮ ᱞᱟᱭᱤᱱ ᱮᱦᱚᱵ ᱠᱮᱫᱼᱟ ᱾^[᱒] ᱱᱚᱶᱟ ᱞᱟᱭᱤᱱ ᱫᱚ ᱨᱳᱦᱛᱟᱠ, ᱡᱤᱸᱫᱽ, ᱱᱟᱨᱣᱟᱱᱟ, ᱵᱷᱟᱴᱤᱱᱰᱟ, ᱠᱳᱴ ᱠᱟᱯᱩᱨᱟ, ᱢᱩᱠᱛᱚᱥᱚᱨ, ᱯᱷᱟᱡᱤᱞᱠᱟ, ᱟᱢᱨᱩᱠᱟ ᱟᱨ ᱵᱟᱦᱟᱣᱟᱞ ᱱᱟᱜᱟᱨ ᱞᱮᱠᱟᱛᱮ ᱥᱮᱱᱚᱜᱼᱟ ᱟᱨ ᱥᱚᱢᱢᱟ ᱥᱚᱛᱛᱟ (ᱱᱤᱛᱚᱜ ᱯᱟᱠᱤᱥᱛᱟᱱ ᱨᱮ) ᱞᱮᱠᱟᱛᱮ ᱠᱚᱨᱟᱪᱤ ᱫᱷᱟᱹᱨᱤᱡ ᱥᱚᱡᱷᱮ ᱡᱚᱲᱟᱣ ᱟᱠᱟᱱᱟ ᱾ ᱢᱚᱠᱞᱚᱰᱜᱚᱸᱡᱽ ᱡᱚᱸᱠᱥᱚᱱ (ᱛᱟᱭᱚᱢ ᱛᱮ ᱱᱚᱣᱟ ᱨᱮᱱᱟᱜ ᱧᱩᱛᱩᱢ ᱢᱟᱱᱰᱤ ᱥᱟᱫᱤᱠᱜᱚᱸᱡᱽ ᱡᱚᱸᱠᱥᱚᱱ ᱟᱨ ᱱᱤᱛᱚᱜ ᱯᱟᱠᱤᱥᱛᱟᱱ ᱨᱮ) ᱨᱮᱞᱣᱮ ᱞᱟᱭᱤᱱ ᱠᱷᱚᱱ ᱦᱤᱱᱫᱩᱢᱟᱞᱠᱳᱴ, ᱟᱵᱳᱦᱟᱨ, ᱵᱷᱚᱴᱤᱸᱰᱟ, ᱯᱟᱴᱤᱭᱟᱞᱟ ᱞᱮᱠᱟᱛᱮ ᱟᱢᱵᱟᱞᱟ ᱫᱷᱟᱹᱨᱤᱡ ᱛᱮ ᱵᱷᱮᱡᱟᱨ ᱠᱟᱛᱮ ᱑᱙᱐᱒ ᱥᱟᱞᱮ ᱨᱮ ᱱᱚᱶᱟ ᱠᱚᱢᱯᱟᱱᱤ ᱦᱚᱛᱮᱛᱮ ᱮᱛᱚᱦᱚᱵ ᱞᱮᱱᱟ ᱛᱟᱦᱮᱸᱫ ᱾^[᱓]

ᱱᱟᱜᱟᱢᱤᱭᱟᱹ ᱵᱟᱦᱟᱣᱟᱞᱯᱩᱨ ᱮᱠᱥᱯᱨᱮᱥ ᱴᱨᱮᱱ ᱫᱚ ᱵᱷᱮᱜᱟᱨ ᱵᱮᱯᱟᱨ ᱢᱟᱲᱟᱝ ᱫᱤᱞᱞᱤ ᱠᱷᱚᱱ ᱵᱷᱟᱴᱤᱱᱰᱟ, ᱯᱷᱟᱡᱤᱠᱟᱞ ᱟᱨ ᱥᱟᱢᱢᱟ ᱥᱚᱛᱛᱟ ᱞᱮᱠᱟᱛᱮ ᱵᱟᱦᱟᱣᱟᱞᱯᱩᱨ ᱪᱟᱞᱟᱜ ᱠᱟᱱ ᱛᱟᱦᱮᱱᱟ ᱟᱨ ᱗᱒᱖ ᱠᱤᱞᱚᱢᱤᱴᱚᱨ (᱔᱕᱑ ᱢᱤᱞ) ᱨᱮᱱᱟᱜ ᱥᱟᱺᱜᱤᱧ ᱫᱚ ᱑᱔ ᱴᱟᱲᱟᱝ ᱟᱨ ᱓᱐ ᱴᱤᱯᱤᱡ ᱨᱮ ᱯᱩᱨᱟᱹᱣ ᱠᱟᱱ ᱛᱟᱦᱮᱱᱟ ᱾ ᱑᱙᱔᱗ ᱥᱮᱨᱢᱟ ᱢᱟᱲᱟᱝ ᱫᱤᱞᱞᱤ-ᱥᱚᱢᱢᱟ ᱥᱚᱛᱛᱟ ᱨᱮᱱᱟᱜ ᱚᱠᱛᱚ ᱫᱚ ᱱᱚᱝᱠᱟ ᱛᱟᱦᱮᱸ ᱠᱟᱱᱟ ᱾ ᱑᱔᱔ ᱰᱟᱣᱩᱱ ᱵᱟᱦᱟᱣᱟᱞᱯᱩᱨ ᱮᱠᱥᱯᱨᱮᱥ ᱫᱚ ᱫᱤᱞᱞᱤ ᱠᱷᱚᱱ ᱑᱕.᱒᱕ ᱴᱟᱲᱟᱝ ᱨᱮ ᱪᱟᱞᱟᱜ ᱠᱟᱱᱟ ᱛᱟᱦᱮᱸᱫ ᱾ ᱫᱚᱦᱲᱟ ᱨᱳᱦᱛᱟᱠ ᱑᱖.᱔᱔ ᱴᱟᱲᱟᱝ ᱨᱮ; ᱡᱤᱸᱫᱽ ᱑᱗.᱔᱒ ᱴᱟᱲᱟᱝ ᱨᱮ; ᱵᱷᱟᱴᱤᱱᱰᱟ ᱒᱑.᱐᱕ ᱴᱟᱲᱟᱝ ᱨᱮ; ᱯᱷᱟᱡᱤᱞᱠᱟ ᱒᱓.᱓᱐ ᱴᱟᱲᱟᱝ ᱨᱮ; ᱟᱢᱨᱩᱠᱟ ᱒᱓.᱕᱙ ᱚᱠᱛᱚ ᱨᱮ; ᱢᱮᱠᱞᱚᱰᱜᱚᱸᱡᱽ ᱐᱐.᱔᱐ ᱴᱟᱲᱟᱝ ᱨᱮ; ᱵᱟᱦᱟᱣᱟᱞ ᱱᱟᱜᱟᱨ ᱐᱑.᱔᱕ ᱴᱟᱲᱟᱝ ᱨᱮ; ᱥᱚᱢᱢᱟ ᱥᱚᱛᱛᱟ ᱐᱕.᱔᱐ ᱴᱟᱲᱟᱝ ᱨᱮ (ᱵᱚᱫᱚᱞ) ᱾ ᱫᱚᱥᱟᱨ ᱦᱤᱞᱚᱜ ᱫᱚ ᱐᱕.᱕᱕ ᱴᱟᱲᱟᱝ ᱨᱮ ᱵᱟᱦᱟᱣᱟᱞ ᱯᱩᱨ ᱥᱮᱴᱮᱨᱚᱜ ᱠᱟᱱ ᱛᱟᱦᱮᱸᱫ ᱾ ᱑᱔᱓ ᱪᱮᱛᱟᱱ ᱵᱟᱦᱟᱣᱟᱞᱯᱩᱨ ᱮᱠᱥᱯᱨᱮᱥ ᱫᱚ ᱵᱟᱦᱟᱣᱟᱞᱯᱩᱨ ᱠᱷᱚᱱ ᱑᱙.᱐᱐ ᱴᱟᱲᱟᱝ ᱨᱮ ᱪᱟᱞᱟᱜ ᱠᱟᱱ ᱛᱟᱦᱮᱱᱟ, ᱛᱟᱭᱚᱢ ᱛᱮ ᱑᱙.᱓᱕ ᱴᱟᱲᱟᱝ ᱨᱮ ᱥᱚᱢᱥᱚᱛᱛᱟ ᱥᱴᱮᱥᱚᱱ ᱨᱮ ᱨᱩᱣᱟᱹᱲ ᱠᱟᱛᱮ ᱐᱑.᱓᱐ ᱴᱟᱲᱟᱝ ᱨᱮ ᱯᱷᱟᱡᱤᱞᱠᱟ, ᱐᱔.᱐᱐ ᱴᱟᱲᱟᱝ ᱨᱮ ᱵᱷᱟᱴᱤᱱᱰᱟ ᱞᱮᱠᱟᱛᱮ ᱦᱮᱡ ᱠᱟᱛᱮ ᱫᱚᱥᱟᱨ ᱦᱤᱞᱚᱜ ᱫᱚ ᱐᱙.᱓᱐ ᱴᱟᱲᱟᱝ ᱨᱮ ᱫᱤᱞᱞᱤ ᱥᱮᱴᱮᱨᱚᱜ ᱠᱟᱱ ᱛᱟᱦᱮᱱᱟ ᱾ ᱑᱙᱔᱗ ᱥᱮᱨᱢᱟ ᱨᱮ ᱵᱷᱮᱜᱟᱨ ᱛᱟᱭᱚᱢ ᱱᱚᱣᱟ ᱴᱨᱮᱱ ᱫᱚ ᱥᱚᱢᱥᱚᱛᱛᱟ ᱠᱷᱚᱱ ᱵᱟᱦᱟᱣᱟᱞᱯᱩᱨ-ᱞᱳᱫᱷᱨᱟᱱ-ᱢᱩᱞᱛᱟᱱ-ᱠᱷᱟᱱᱮᱣᱟᱞ-ᱞᱟᱦᱳᱨ ᱰᱟᱦᱟᱨ ᱠᱷᱚᱱ ᱱᱟᱨᱳᱣᱟᱞ ᱡᱚᱸᱠᱥᱚᱱ ᱫᱷᱟᱹᱨᱤᱡ ᱪᱟᱞᱟᱜ ᱠᱟᱱᱟ ᱾

ᱦᱟᱹᱴᱤᱧ ᱛᱟᱭᱚᱢ

ᱵᱷᱮᱜᱟᱨᱮᱱ ᱛᱟᱭᱚᱢ ᱯᱷᱟᱡᱤᱠᱟᱞ ᱠᱷᱚᱱ ᱫᱤᱞᱞᱤ ᱥᱟᱹᱜᱟᱹᱭ ᱵᱚᱫᱚᱞ ᱮᱱᱟ ᱟᱨ ᱵᱷᱚᱴᱤᱸᱰᱟ ᱞᱟᱹᱜᱤᱫ ᱛᱮ ᱜᱮ ᱴᱨᱮᱱ ᱪᱟᱞᱟᱜ ᱠᱟᱱ ᱛᱟᱦᱮᱸᱫ ᱾ ᱑᱙᱔᱗ ᱥᱟᱞᱮ ᱨᱮ, ᱯᱷᱟᱡᱤᱠᱟᱞ ᱫᱚ ᱞᱩᱫᱷᱤᱭᱟᱱᱟ ᱠᱷᱚᱱ ᱡᱚᱲᱟᱣ ᱞᱟᱹᱜᱤᱫ ᱘᱑ ᱠᱤᱞᱚᱢᱤᱴᱚᱨ (᱕᱐ ᱢᱤᱞ) ᱡᱤᱞᱤᱧ ᱯᱷᱟᱡᱤᱞᱠᱟ-ᱯᱷᱤᱨᱳᱡᱽᱯᱩᱨ (ᱯᱷᱤᱨᱳᱡᱽᱯᱩᱨ/ᱯᱷᱤᱨᱳᱡᱽᱯᱩᱨ) ᱨᱮᱞᱣᱮ ᱞᱟᱭᱤᱱ ᱵᱮᱱᱟᱣ ᱞᱮᱱᱟ ᱾ ᱑᱙᱖᱕ ᱟᱨ ᱑᱙᱗᱑ ᱥᱮᱨᱢᱟ ᱨᱮ ᱯᱟᱠᱤᱥᱛᱟᱱ ᱥᱟᱶ ᱦᱩᱭ ᱟᱠᱟᱱ ᱞᱟᱹᱲᱦᱟᱹᱭ ᱨᱮ ᱱᱚᱣᱟ ᱞᱟᱭᱤᱱ ᱫᱚ ᱵᱚᱫᱚᱞ ᱞᱮᱱᱟ ᱾ ᱢᱩᱪᱟᱹᱫ ᱨᱮ ᱑᱙᱗᱒ ᱥᱟᱞᱮ ᱨᱮ ᱘᱘.᱕ ᱠᱤᱞᱚᱢᱤᱴᱚᱨ (᱕᱕ ᱢᱤᱞ) ᱡᱤᱞᱤᱧ ᱯᱷᱟᱡᱤᱞᱠᱟ-ᱯᱤᱨᱳᱡᱽᱯᱩᱨ ᱨᱮᱞ ᱞᱟᱭᱤᱱ ᱨᱮᱱᱟᱜ ᱫᱚᱦᱲᱟ ᱵᱮᱱᱟᱣ ᱦᱩᱭ ᱞᱮᱱᱟ ᱾ ᱱᱚᱶᱟ ᱛᱟᱞᱟ ᱨᱮ ᱑᱙᱖᱕ ᱥᱟᱞᱮ ᱨᱮ, ᱪᱟᱱᱚᱱᱣᱟᱞᱟ ᱥᱤᱢᱟᱹ ᱠᱷᱚᱱ ᱦᱮᱡ ᱟᱠᱟᱱ ᱯᱷᱟᱡᱤᱞᱠᱟ-ᱟᱢᱨᱩᱠᱟ ᱒᱒.᱕ ᱠᱤᱞᱚᱢᱤᱴᱚᱨ (᱑᱔ ᱢᱤᱞ) ᱞᱟᱭᱤᱱ ᱟᱨ ᱠᱟᱵᱩᱞ ᱥᱟᱦ ᱠᱷᱚᱱ ᱦᱮᱡ ᱟᱠᱟᱱ ᱯᱷᱟᱡᱤᱞᱠᱟ-ᱦᱤᱱᱫᱩ ᱢᱚᱞᱠᱳᱴ ᱔᱕.᱕ ᱠᱤᱞᱚᱢᱤᱴᱚᱨ (᱒᱘ ᱢᱤᱞ) ᱞᱟᱭᱤᱱ ᱠᱚ ᱵᱚᱫᱚᱞ ᱠᱮᱫᱼᱟ ᱾ ᱑᱙᱖᱕ ᱨᱮᱱᱟᱜ ᱞᱟᱹᱲᱦᱟᱹᱭ ᱨᱮ ᱯᱟᱠᱤᱥᱛᱟᱱᱤ ᱯᱷᱩᱨᱜᱟᱹᱞ ᱮ ᱞᱟᱹᱲᱦᱟᱹᱭ ᱞᱟᱹᱜᱤᱫ ᱛᱮ ᱯᱷᱟᱡᱤᱞᱠᱟ-ᱪᱟᱱᱚᱱᱣᱟᱞᱟ-ᱟᱢᱨᱩᱠᱟ ᱞᱟᱭᱤᱱ ᱫᱚ ᱵᱚᱫᱚᱞ ᱞᱮᱱᱟ ᱛᱟᱦᱮᱸᱫ, ᱑᱙᱖᱕ ᱨᱮᱱᱟᱜ ᱞᱟᱹᱲᱦᱟᱹᱭ ᱨᱮ ᱯᱟᱠᱤᱥᱛᱟᱱᱤ ᱩᱰᱟᱹᱱ ᱯᱷᱟᱹᱫᱽ ᱦᱚᱛᱮᱛᱮ ᱟᱞᱜᱟ ᱛᱮ ᱢᱤᱫᱴᱟᱹᱝ ᱯᱟᱥᱮᱱᱡᱚᱨ ᱴᱨᱮᱱ ᱨᱮ ᱵᱚᱢᱵᱟᱨᱤ ᱠᱮᱫ ᱛᱟᱭᱚᱢ ᱟᱨ ᱑᱐᱐ ᱠᱷᱚᱱ ᱵᱟᱹᱲᱛᱤ ᱯᱟᱥᱮᱱᱡᱚᱨ ᱠᱚ ᱜᱚᱡ ᱮᱱ ᱛᱟᱭᱚᱢ ᱯᱷᱟᱡᱤᱞᱠᱟ-ᱦᱤᱱᱫᱩᱢᱟᱞᱠᱳᱴ ᱞᱟᱭᱤᱱ ᱫᱚ ᱵᱚᱫᱚᱞ ᱞᱮᱱᱟ ᱛᱟᱦᱮᱸᱫ ᱾ ᱯᱷᱟᱡᱤᱞᱠᱟ ᱟᱨ ᱟᱵᱳᱦᱚᱨ ᱛᱟᱞᱟ ᱨᱮᱱᱟᱜ ᱥᱟᱹᱜᱟᱹᱭ ᱫᱚ ᱒᱐᱑᱐ ᱥᱟᱞ ᱫᱷᱟᱹᱨᱤᱡ ᱵᱟᱹᱱᱩᱜᱼᱟ ᱾ ᱯᱷᱟᱡᱤᱞᱠᱟ-ᱟᱵᱳᱦᱚᱨ ᱱᱟᱣᱟ ᱞᱟᱭᱤᱱ ᱯᱨᱚᱡᱮᱠᱴ ᱨᱮᱱᱟᱜ ᱒᱐᱑᱐ ᱥᱟᱞ ᱨᱮ ᱥᱚᱫᱚᱨ ᱞᱮᱱᱟ ᱟᱨ ᱯᱷᱟᱡᱤᱞᱠᱟ ᱟᱨ ᱟᱵᱳᱦᱚᱨ ᱛᱟᱞᱟ ᱔᱓.᱖᱕ ᱠᱤᱞᱚᱢᱤᱴᱚᱨ (᱒᱗ ᱢᱤᱞ) ᱱᱟᱣᱟ ᱕ ᱯᱷᱩᱴ ᱖ ᱤᱸᱪ (᱑,᱖᱗᱖ ᱢᱤᱞᱤᱢᱤᱴᱚᱨ) ᱵᱨᱚᱰᱜᱮᱡᱽ ᱞᱟᱭᱤᱱ ᱫᱚ ᱒᱐᱑᱒ ᱥᱟᱞ ᱨᱮ ᱮᱛᱚᱦᱚᱵ ᱞᱮᱱᱟ ᱾^[᱔] ᱢᱮᱱᱠᱷᱟᱱ ᱛᱮᱦᱮᱧ ᱫᱷᱟᱹᱨᱤᱡ, ᱯᱷᱟᱡᱤᱞᱠᱟ ᱠᱷᱚᱱ ᱫᱚ ᱖ ᱜᱚᱴᱟᱝ ᱢᱮᱞ/ᱮᱠᱥᱯᱨᱮᱥ ᱴᱨᱮᱱ ᱜᱮ ᱪᱟᱞᱟᱜ ᱠᱟᱱᱟ ᱾ ᱢᱮᱱᱠᱷᱟᱱ, ᱵᱷᱟᱨᱚᱛᱤᱭᱚ ᱨᱮᱞᱣᱮ ᱯᱷᱟᱡᱤᱞᱠᱟ ᱠᱷᱚᱱ ᱟᱨ ᱯᱷᱟᱡᱤᱞᱠᱟ ᱦᱚᱛᱮᱛᱮ ᱱᱟᱣᱟ ᱴᱨᱮᱱ ᱵᱟᱝ ᱮᱛᱚᱦᱚᱵᱟ ᱾

ᱥᱟᱹᱠᱷᱭᱟᱹᱛ

↑ "Arrivals at Fazilka". indiarailinfo. Retrieved 20 February 2014.
↑ "IR History: Early Days II (1870–1899)". IRFCA. Retrieved 20 February 2014.
↑ "Chapter VII Communications". Archived from the original on 23 February 2014. Retrieved 20 February 2014.
↑ "Rail link between Abohar, Fazilka opens today". Hindustan Times. 15 ᱡᱩᱞᱟᱭ 2012. Archived from the original on 13 ᱢᱟᱨᱪ 2014. Retrieved 20 ᱯᱷᱮᱵᱽᱨᱩᱣᱟᱨᱤ 2014.

ᱵᱟᱦᱨᱮ ᱡᱚᱱᱚᱲ

ᱯᱷᱟᱡᱤᱞᱠᱟ ᱨᱮ ᱴᱨᱮᱱ ᱠᱚ

[1] "Arrivals at Fazilka". indiarailinfo. Retrieved 20 February 2014.

[2] "IR History: Early Days II (1870–1899)". IRFCA. Retrieved 20 February 2014.

[3] "Chapter VII Communications". Archived from the original on 23 February 2014. Retrieved 20 February 2014.

[4] "Rail link between Abohar, Fazilka opens today". Hindustan Times. 15 ᱡᱩᱞᱟᱭ 2012. Archived from the original on 13 ᱢᱟᱨᱪ 2014. Retrieved 20 ᱯᱷᱮᱵᱽᱨᱩᱣᱟᱨᱤ 2014.

[᱑]

[᱒]

[᱓]

[᱔]