ᱯᱷᱟᱦᱢᱤᱫᱟ ᱦᱩᱥᱮᱱ

ᱰᱚᱠᱴᱚᱨ ᱯᱷᱟᱦᱢᱤᱫᱟ ᱦᱩᱥᱮᱱ (ᱵᱟᱯᱞᱟ ᱢᱟᱬᱟᱝ ᱧᱩᱛᱩᱢ ᱯᱷᱟᱦᱢᱤᱫᱟ ᱢᱮᱢᱚᱱ) (ᱥᱤᱱᱫᱷᱤ: ڊاڪٽر فهميده حسين ميمڻ) ᱫᱚ ᱢᱤᱫ ᱥᱤᱱᱫᱷᱤ ᱚᱱᱚᱞᱤᱭᱟᱹ, ᱥᱠᱚᱞᱟᱨ, ᱯᱟᱹᱨᱥᱤ ᱟᱹᱱᱤᱡ ᱟᱨ ᱵᱩᱫᱷᱤᱡᱤᱵᱤ ᱠᱟᱱᱟᱭ ᱾

ᱮᱛᱚᱦᱚᱵ ᱡᱤᱭᱚᱱ

ᱰᱚᱠᱴᱚᱨ ᱯᱷᱟᱦᱢᱤᱫᱟ ᱦᱩᱥᱮᱱ ᱫᱚ ᱡᱩᱞᱟᱭ ᱕, ᱑᱙᱔᱘ ᱥᱟᱞᱮ ᱨᱮ, ᱯᱟᱠᱤᱥᱛᱟᱱ ᱨᱮᱱᱟᱜ ᱥᱤᱱᱫᱷ ᱯᱚᱱᱚᱛ ᱨᱮᱱᱟᱜ ᱦᱟᱭᱫᱽᱨᱟᱵᱟᱫᱽ ᱦᱚᱱᱚᱛ ᱨᱮᱱᱟᱜ ᱛᱟᱱᱫᱚ ᱡᱟᱢ ᱨᱮᱭ ᱡᱟᱱᱟᱢ ᱞᱮᱱᱟ ᱾ ᱟᱡ ᱵᱟᱵᱟ ᱢᱚᱦᱚᱢᱢᱚᱫᱽ ᱭᱟᱠᱩᱱ "ᱱᱤᱭᱟᱡᱽ" ᱦᱚᱸ ᱢᱤᱫ ᱥᱠᱚᱞᱟᱨ ᱮ ᱛᱟᱦᱮᱸ ᱠᱟᱱᱟ ᱡᱟᱦᱟᱸᱭ ᱫᱚ ᱦᱟᱯᱷᱤᱡᱽ ᱥᱤᱨᱟᱡᱤ ᱟᱜ ᱚᱱᱚᱬᱦᱮᱸ ᱯᱟᱨᱥᱤᱭᱟᱱ ᱠᱷᱚᱱ ᱥᱤᱱᱫᱷᱤ ᱯᱟᱹᱨᱥᱤ ᱛᱮᱭ ᱛᱚᱨᱡᱚᱢᱟ ᱞᱮᱫ ᱛᱟᱦᱮᱸᱫ ᱾ ᱟᱡ ᱵᱚᱭᱦᱟ ᱥᱤᱨᱟᱡᱩᱞ ᱦᱟᱠ ᱢᱮᱢᱚᱱ ᱦᱚᱸ ᱢᱤᱫ ᱵᱟᱰᱟᱭᱟᱱ ᱚᱱᱚᱞᱤᱭᱟᱹ ᱟᱨ ᱨᱤᱥᱟᱨᱪᱟᱨ ᱮ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱯᱟᱠᱤᱥᱛᱟᱱ ᱨᱮᱱ ᱢᱤᱫ ᱵᱟᱰᱟᱭᱟᱱ ᱚᱱᱚᱞᱤᱭᱟᱹ, ᱥᱠᱚᱞᱟᱨ, ᱯᱟᱹᱨᱥᱤ ᱟᱹᱱᱤᱡ ᱟᱨ ᱵᱩᱫᱷᱤᱡᱤᱵᱤ ᱠᱟᱱᱟᱭ ᱾ ᱩᱱᱤᱭᱟᱜ ᱠᱟᱹᱢᱤ ᱴᱚᱴᱷᱟ ᱫᱚ ᱦᱩᱭᱩᱜ ᱠᱟᱱᱟ: ᱥᱟᱶᱦᱮᱫ, ᱯᱟᱹᱨᱥᱤ ᱥᱟᱬᱮᱥ, ᱛᱤᱨᱞᱟᱹ ᱥᱟᱛᱟᱢ ᱟᱨ ᱮᱱᱛᱷᱨᱳᱯᱳᱞᱳᱡᱤ ᱾ ᱩᱱᱤᱭᱟᱜ ᱵᱤᱥᱮᱥ ᱫᱚ ᱢᱟᱨᱟᱝ ᱠᱞᱟᱥᱤᱠᱟᱞ ᱨᱟᱹᱥᱠᱟᱹ ᱚᱱᱚᱬᱦᱮᱸᱭᱟᱹ ᱥᱟᱦ ᱟᱵᱽᱫᱩᱞ ᱞᱟᱛᱤᱯᱷ ᱵᱷᱤᱴᱟᱭᱤ ᱪᱮᱛᱟᱱ ᱨᱮ ᱯᱟᱲᱦᱟᱣ ᱠᱟᱱᱟ ᱾ ᱰᱚᱠᱴᱚᱨ ᱯᱷᱟᱦᱢᱤᱫᱟ ᱫᱚ ᱢᱮ ᱒᱐᱐᱘ ᱥᱟᱞᱮ ᱠᱷᱚᱱ ᱢᱟᱨᱪ ᱒᱐᱑᱕ ᱥᱟᱞᱮ ᱫᱷᱟᱹᱵᱤᱡ ᱥᱤᱱᱫᱷᱤ ᱯᱟᱹᱨᱥᱤ ᱟᱹᱭᱫᱟᱹᱨᱤ ᱨᱮᱱ ᱪᱮᱭᱟᱨᱯᱟᱨᱥᱚᱱ ᱮ ᱛᱟᱦᱮᱸ ᱠᱟᱱᱟ ᱾

ᱚᱱᱟ ᱢᱟᱬᱟᱝ ᱨᱮ ᱩᱱᱤ ᱫᱚ ᱑᱐ ᱥᱮᱨᱢᱟ ᱫᱷᱟᱹᱵᱤᱡ ᱠᱟᱨᱟᱪᱤ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮ ᱥᱟᱦ ᱟᱵᱽᱫᱩᱞ ᱞᱟᱛᱤᱯᱷ ᱪᱮᱭᱟᱨ ᱨᱮᱱ ᱰᱤᱨᱮᱠᱴᱚᱨ ᱞᱮᱠᱟᱛᱮᱭ ᱠᱟᱹᱢᱤ ᱟᱠᱟᱫᱟ ᱾ ᱚᱱᱟ ᱢᱟᱬᱟᱝ ᱨᱮ ᱩᱱᱤ ᱫᱚ ᱚᱱᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮᱜᱮ ᱥᱤᱱᱫᱷᱤ ᱰᱤᱯᱟᱨᱴᱢᱮᱱᱴ ᱨᱮᱱ ᱯᱨᱳᱯᱷᱮᱥᱚᱨ ᱟᱨ ᱪᱮᱭᱟᱨᱯᱟᱨᱥᱚᱱ ᱞᱮᱠᱟᱛᱮ ᱦᱚᱸᱭ ᱠᱟᱹᱢᱤ ᱟᱠᱟᱫᱟ ᱾ ᱰᱚᱠᱴᱚᱨ ᱯᱷᱟᱦᱢᱤᱫᱟ ᱦᱩᱥᱮᱱ ᱫᱚ ᱢᱤᱫ ᱪᱚᱞᱚᱠ ᱚᱱᱚᱞᱤᱭᱟᱹ ᱠᱟᱱᱟᱭ ᱡᱟᱦᱟᱸ ᱫᱚ ᱟᱡᱟᱜ ᱧᱩᱛᱩᱢ ᱛᱮ ᱑᱕ ᱠᱷᱚᱱ ᱵᱟᱹᱲᱛᱤ ᱯᱩᱛᱷᱤ ᱠᱚ ᱢᱮᱱᱟᱜ ᱛᱟᱭᱟ ᱟᱨ ᱥᱟᱶᱛᱮ ᱥᱟᱶᱦᱮᱫ ᱨᱤᱠᱨᱤᱛᱤᱥᱤᱢ, ᱯᱟᱹᱨᱥᱤ ᱥᱟᱬᱮᱥ ᱡᱟᱦᱟᱸ ᱨᱮ ᱥᱤᱱᱫᱷᱤ ᱯᱟᱹᱨᱥᱤ, ᱥᱟᱦ ᱟᱵᱽᱫᱩᱞ ᱞᱟᱛᱤᱯᱷ ᱵᱷᱤᱴᱟᱭᱤ ᱟᱜ ᱚᱱᱚᱬᱦᱮᱸ ᱟᱨ ᱡᱮᱱᱰᱟᱨ ᱤᱥᱩ ᱨᱮᱱᱟᱜ ᱵᱷᱮᱜᱟᱨ ᱵᱷᱮᱜᱟᱨ ᱯᱟᱦᱴᱟ ᱤᱫᱤ ᱠᱟᱛᱮ ᱨᱤᱥᱟᱨᱪ ᱟᱨᱴᱤᱠᱟᱞ ᱦᱚᱸ ᱢᱮᱱᱟᱜ ᱛᱟᱭᱟ ᱾

ᱩᱱᱤ ᱫᱚ ᱟᱹᱰᱤ ᱠᱟᱹᱴᱤᱡ ᱩᱢᱮᱨ ᱠᱷᱚᱱ ᱠᱟᱹᱴᱤᱡ ᱠᱟᱹᱦᱱᱤ ᱟᱨ ᱚᱱᱚᱬᱦᱮᱸ ᱚᱞ ᱮ ᱮᱛᱚᱦᱚᱵ ᱠᱮᱫᱟ ᱟᱨ ᱟᱡᱟᱜ ᱧᱩᱛᱩᱢ ᱛᱮ ᱠᱟᱹᱴᱤᱡ ᱠᱟᱹᱦᱱᱤ ᱨᱮᱱᱟᱜ ᱢᱤᱫ ᱯᱩᱛᱷᱤ ᱦᱚᱸ ᱢᱮᱱᱟᱜ ᱛᱟᱭᱟ ᱾ ᱩᱱᱤ ᱫᱚ ᱵᱟᱜᱮ ᱥᱮᱨᱢᱟ ᱠᱷᱚᱱ ᱯᱷᱩᱨᱜᱟᱹᱞ ᱠᱚᱞᱟᱢ, ᱟᱨᱴᱤᱠᱟᱞ ᱟᱨ ᱨᱤᱠᱨᱤᱛᱤᱠ ᱠᱚ ᱵᱷᱮᱜᱟᱨ ᱵᱷᱮᱜᱟᱨ ᱱᱤᱭᱩᱡᱽ ᱯᱮᱯᱟᱨ ᱟᱨ ᱢᱮᱜᱟᱡᱤᱱ ᱨᱮᱭ ᱚᱞ ᱟᱹᱜᱩᱭᱮᱫᱟ ᱾ ᱩᱱᱤ ᱫᱚ ᱟᱵᱽᱫᱩᱞ ᱦᱩᱥᱮᱱ ᱥᱟᱶ ᱮ ᱵᱟᱯᱞᱟ ᱟᱠᱟᱱᱟ ᱟᱨ ᱩᱱᱠᱩ ᱨᱮᱱ ᱓ ᱜᱚᱴᱟᱝ ᱜᱤᱫᱽᱨᱟᱹ ᱢᱮᱱᱟᱜ ᱠᱚᱣᱟ ᱾ ᱰᱚᱠᱴᱚᱨ ᱥᱩᱱᱤᱛᱟ ᱦᱩᱥᱮᱱ, ᱟᱨᱩᱱᱟ ᱦᱩᱥᱮᱱ ᱟᱨ ᱢᱤᱫ ᱠᱚᱲᱟ ᱜᱤᱫᱽᱨᱟᱹ ᱥᱟᱦᱢᱤᱨ ᱦᱩᱥᱮᱱ ᱾

ᱥᱮᱪᱮᱫ

ᱰᱚᱠᱴᱚᱨ ᱯᱷᱟᱦᱢᱤᱫᱟ ᱦᱩᱥᱮᱱ ᱫᱚ ᱟᱡᱟᱜ ᱮᱛᱚᱦᱚᱵ ᱤᱥᱠᱩᱞ ᱦᱟᱭᱫᱽᱨᱟᱵᱟᱫᱽ ᱥᱤᱱᱫᱷ ᱨᱮᱱᱟᱜ ᱢᱳᱰᱮᱞ ᱤᱥᱠᱩᱞ ᱠᱷᱚᱱ ᱮ ᱠᱟᱹᱢᱤ ᱠᱮᱫᱟ, ᱟᱨ ᱑᱙᱖᱘ ᱥᱟᱞᱮ ᱨᱮ ᱠᱟᱨᱟᱪᱤ ᱨᱮᱱᱟᱜ ᱰᱤ. ᱡᱮ. ᱥᱟᱭᱤᱱᱥ ᱠᱚᱞᱮᱡᱽ ᱠᱷᱚᱱ ᱟᱡᱟᱜ ᱜᱨᱮᱡᱩᱭᱮᱥᱟᱹᱱ ᱮ ᱯᱩᱨᱟᱹᱣ ᱠᱮᱫᱟ ᱾ ᱩᱱᱤ ᱫᱚ ᱑᱙᱗᱐ ᱥᱟᱞᱮ ᱨᱮ ᱦᱟᱭᱫᱽᱨᱟᱵᱟᱫᱽ ᱨᱮ ᱥᱤᱱᱫᱷ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮᱱᱟᱜ ᱤᱝᱞᱤᱥ ᱰᱤᱯᱟᱨᱴᱢᱮᱱᱴ ᱠᱷᱚᱱ ᱤᱝᱞᱤᱥ ᱛᱮ ᱟᱨ ᱑᱙᱗᱒ ᱥᱟᱞᱮ ᱨᱮ ᱚᱱᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱷᱚᱱ ᱜᱮ ᱥᱤᱱᱫᱷᱤ ᱛᱮ ᱢᱟᱥᱴᱟᱨᱥ ᱰᱤᱜᱽᱨᱤ ᱠᱟᱹᱢᱤ ᱠᱮᱫᱟ ᱾

᱑᱙᱙᱐ ᱥᱟᱞᱮ ᱨᱮ ᱩᱱᱤ ᱫᱚ ᱠᱟᱨᱟᱪᱤ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮᱱᱟᱜ ᱡᱮᱱᱮᱨᱟᱞ ᱦᱤᱥᱴᱨᱤ ᱰᱤᱯᱟᱨᱴᱢᱮᱱᱴ ᱠᱷᱚᱱ ᱦᱤᱱᱫᱤ ᱯᱟᱹᱨᱥᱤ ᱛᱮ ᱰᱤᱯᱞᱳᱢᱟ ᱠᱳᱨᱥ ᱮ ᱠᱟᱹᱢᱤ ᱠᱮᱫᱟ ᱾ ᱟᱨᱦᱚᱸ ᱑᱙᱙᱒ ᱥᱟᱞᱮ ᱨᱮ, ᱩᱱᱤ ᱫᱚ ᱥᱤᱱᱫᱷᱤ ᱥᱟᱶᱦᱮᱫ ᱨᱮ ᱟᱡᱟᱜ ᱰᱚᱠᱴᱚᱨᱥ ᱛᱷᱤᱥᱤᱥ ᱠᱟᱹᱢᱤ ᱠᱟᱛᱮ ᱯᱤ. ᱮᱪ. ᱰᱤ ᱮ ᱧᱟᱢ ᱠᱮᱫᱟ ᱾

ᱯᱷᱟᱦᱢᱤᱫᱟ ᱦᱩᱥᱮᱱ ᱦᱚᱸ ᱑᱙᱘᱑ ᱥᱟᱞᱮ ᱨᱮ ᱵᱮᱪᱞᱟᱨ ᱚᱯᱷ ᱞᱳ ᱰᱤᱜᱽᱨᱤ (ᱮᱞ. ᱮᱞ. ᱵᱤ) ᱮ ᱧᱟᱢ ᱠᱮᱫᱟ ᱾

ᱠᱟᱹᱢᱤ

᱑᱙᱗᱒ ᱥᱟᱞᱮ ᱨᱮ ᱰᱚᱠᱴᱚᱨ ᱯᱷᱟᱦᱢᱤᱫᱟ ᱦᱩᱥᱮᱱ ᱫᱚ ᱥᱤᱱᱫᱷ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮᱱᱟᱜ ᱥᱮᱪᱮᱫ ᱤᱱᱥᱴᱤᱴᱭᱩᱴ ᱨᱮ ᱤᱝᱞᱤᱥ ᱨᱮᱱ ᱞᱮᱠᱪᱟᱨᱟᱨ ᱞᱮᱠᱟᱛᱮ ᱵᱟᱦᱟᱞ ᱦᱩᱭ ᱞᱮᱱᱟ, ᱡᱟᱦᱟᱸ ᱫᱚ ᱩᱱᱤ ᱑᱙᱗᱕ ᱥᱟᱞᱮ ᱫᱷᱟᱹᱵᱤᱡ ᱮ ᱦᱟᱛᱟᱣ ᱠᱮᱫᱟ ᱾ ᱑᱙᱗᱘ ᱥᱟᱞᱮ ᱠᱷᱚᱱ ᱑᱙᱘᱘ ᱥᱟᱞᱮ ᱫᱷᱟᱹᱵᱤᱡ ᱩᱱᱤ ᱫᱚ ᱠᱟᱨᱟᱪᱤ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮ ᱥᱤᱱᱫᱷᱤ ᱨᱮᱱ ᱞᱮᱠᱪᱟᱨᱟᱨ ᱞᱮᱠᱟᱛᱮᱭ ᱯᱟᱲᱦᱟᱣ ᱠᱮᱫᱟ ᱾ ᱑᱙᱘᱘ ᱥᱟᱞᱮ ᱨᱮ ᱩᱱᱤ ᱫᱚ ᱜᱚᱲᱚ ᱯᱨᱳᱯᱷᱮᱥᱚᱨ ᱞᱮᱠᱟᱛᱮ ᱵᱟᱦᱟᱞ ᱦᱩᱭ ᱞᱮᱱᱟ, ᱡᱟᱦᱟᱸ ᱫᱚ ᱩᱱᱤ ᱑᱙᱙᱕ ᱥᱟᱞᱮ ᱫᱷᱟᱹᱵᱤᱡ ᱮ ᱦᱟᱛᱟᱣ ᱠᱮᱫᱟ ᱡᱚᱠᱷᱚᱱ ᱩᱱᱤ ᱫᱚ ᱢᱤᱫ ᱯᱩᱨᱟᱹ ᱯᱨᱳᱯᱷᱮᱥᱚᱨ ᱞᱮᱠᱟᱛᱮ ᱵᱟᱦᱟᱞ ᱦᱩᱭ ᱞᱮᱱᱟ, ᱟᱨ ᱛᱟᱭᱚᱢ ᱛᱮ ᱑᱙᱙᱗ ᱥᱟᱞᱮ ᱨᱮ ᱰᱤᱯᱟᱨᱴᱢᱮᱱᱴ ᱨᱮᱱ ᱪᱮᱭᱟᱨᱯᱟᱨᱥᱚᱱ ᱦᱚᱸᱭ ᱦᱩᱭ ᱞᱮᱱᱟ ᱾

᱑᱙᱙᱘ ᱥᱟᱞᱮ ᱨᱮ ᱰᱚᱠᱴᱚᱨ ᱯᱷᱟᱦᱢᱤᱫᱟ ᱦᱩᱥᱮᱱ ᱫᱚ ᱠᱟᱨᱟᱪᱤ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮ ᱥᱟᱦ ᱟᱵᱽᱫᱩᱞ ᱞᱟᱛᱤᱯᱷ ᱵᱷᱤᱴᱟᱭᱤ ᱪᱮᱭᱟᱨ ᱨᱮᱱ ᱰᱤᱨᱮᱠᱴᱚᱨ ᱨᱮᱱᱟᱜ ᱯᱚᱫᱽ ᱮ ᱦᱟᱛᱟᱣ ᱠᱮᱫᱟ ᱾ ᱢᱮ ᱒᱐᱐᱘ ᱥᱟᱞᱮ ᱨᱮ ᱰᱚᱠᱴᱚᱨ ᱦᱩᱥᱮᱱ ᱫᱚ ᱥᱤᱱᱫᱷᱤ ᱯᱟᱹᱨᱥᱤ ᱟᱹᱭᱫᱟᱹᱨᱤ ᱨᱮᱱ ᱪᱮᱭᱟᱨᱯᱟᱨᱥᱚᱱ ᱟᱜ ᱪᱟᱹᱥᱢᱟ ᱟᱨ ᱯᱨᱮᱥᱴᱤᱡᱤᱭᱟᱥ ᱯᱚᱫᱽ ᱨᱮᱭ ᱵᱟᱦᱟᱞ ᱦᱩᱭ ᱞᱮᱱᱟ ᱾

᱑᱙᱖᱘ ᱥᱟᱞᱮ ᱠᱷᱚᱱ ᱮᱛᱚᱦᱚᱵ ᱠᱟᱛᱮ ᱛᱟᱹᱨᱤᱠ ᱫᱷᱟᱹᱵᱤᱡ ᱜᱚᱴᱟ ᱱᱚᱶᱟ ᱥᱮᱨᱢᱟ ᱨᱮ, ᱰᱚᱠᱴᱚᱨ ᱯᱷᱟᱦᱢᱤᱫᱟ ᱦᱩᱥᱮᱱ ᱫᱚ ᱵᱷᱮᱜᱟᱨ ᱵᱷᱮᱜᱟᱨ ᱯᱷᱨᱳᱸᱴ ᱨᱮ ᱥᱤᱱᱫᱷᱤ, ᱩᱨᱫᱩ ᱟᱨ ᱤᱝᱞᱤᱥ ᱛᱮ ᱚᱞ ᱟᱹᱜᱩᱭᱮᱫᱟ: ᱢᱤᱫ ᱠᱚᱞᱟᱢᱤᱥᱴ, ᱮᱰᱤᱴᱟᱨ, ᱨᱤᱥᱟᱨᱪᱟᱨ, ᱛᱚᱨᱡᱚᱢᱟ ᱟᱹᱱᱤᱡ, ᱚᱱᱚᱞᱤᱭᱟᱹ ᱟᱨ ᱯᱟᱹᱨᱥᱤ ᱥᱟᱬᱮᱥᱤᱭᱟᱹ ᱞᱮᱠᱟᱛᱮ ᱾ ᱰᱚᱠᱴᱚᱨ ᱦᱩᱥᱮᱱ ᱫᱚ ᱫᱤᱥᱚᱢ ᱨᱮ ᱟᱹᱰᱤ ᱜᱟᱱ ᱢᱟᱨᱟᱝ ᱥᱮᱪᱮᱫ ᱤᱱᱥᱴᱤᱴᱭᱩᱴ ᱨᱮᱱᱟᱜ ᱵᱳᱨᱰ ᱨᱮ ᱥᱚᱦᱮᱫ ᱞᱮᱠᱟᱛᱮᱭ ᱠᱟᱹᱢᱤ ᱠᱟᱱᱟ ᱾

ᱱᱮᱛᱟᱨ ᱩᱱᱤ ᱫᱚ ᱥᱤᱱᱫᱷ ᱯᱚᱱᱚᱛ ᱨᱮᱱᱟᱜ ᱥᱤᱱᱫᱷᱤ ᱯᱟᱹᱨᱥᱤ ᱟᱹᱭᱫᱟᱹᱨᱤ (SLA) ᱨᱮᱱ ᱪᱮᱭᱟᱨᱯᱟᱨᱥᱚᱱ ᱯᱚᱫᱽ ᱠᱷᱚᱱ ᱮ ᱨᱤᱴᱟᱭᱟᱨ ᱮᱱᱟ ᱾

ᱩᱱᱤ ᱫᱚ ᱟᱡᱟᱜ ᱠᱟᱹᱢᱤ ᱟᱨ ᱮᱱᱮᱢ ᱞᱟᱹᱜᱤᱫ ᱟᱹᱰᱤ ᱜᱟᱱ ᱥᱤᱨᱯᱷᱟᱹ ᱟᱨ ᱩᱯᱨᱩᱢ ᱦᱚᱸᱭ ᱧᱟᱢ ᱟᱠᱟᱫᱟ ᱾

ᱵᱟᱦᱨᱮ ᱡᱚᱱᱚᱲ

• https://web.archive.org/web/20080819184811/http://www.presidentofpakistan.gov.pk/NationalAwards.aspx
• https://web.archive.org/web/20080527221947/http://www.sindhtoday.net/world/328.htm
• http://www.uok.edu.pk/faculties/sindhi/index.php
• Dawn Review: Profile on Fahmida Hussain (1999) [᱑]
• Shah Latif Chair Publications [᱒]
• Dawn, June 5, 2008: Dr Fahmida appointed SLA Chairperson [᱓]