ᱯᱷᱟᱵᱤᱫᱽ ᱚᱦᱢᱚᱫᱽ
| ᱟᱯᱱᱟᱨᱟᱜ ᱠᱟᱛᱷᱟ | |
|---|---|
| ᱯᱩᱨᱟᱹ ᱧᱩᱛᱩᱢ | ᱯᱷᱟᱵᱤᱫᱽ ᱯᱷᱟᱨᱩᱠ ᱚᱦᱢᱚᱫᱽ[᱑] |
| ᱡᱟᱱᱟᱢ | ᱒᱗ ᱡᱩᱞᱟᱭ ᱑᱙᱙᱕ ᱛᱷᱟᱞᱟᱥᱥᱮᱨᱤ, ᱠᱟᱱᱱᱩᱨ, ᱠᱮᱨᱟᱞᱟ, ᱥᱤᱧᱚᱛ |
| ᱵᱮᱴᱤᱝ | ᱡᱚᱡᱚᱢ-ᱛᱤᱛᱮ |
| ᱵᱚᱞᱤᱝ | ᱡᱚᱡᱚᱢ ᱛᱤ ᱚᱯᱷᱵᱨᱮᱠ |
| ᱯᱟᱴ | ᱚᱞᱞᱨᱟᱣᱩᱱᱰᱚᱨ |
| ᱚᱲᱟᱜ ᱫᱚᱞ ᱨᱮᱭᱟᱜ ᱠᱟᱛᱷᱟ | |
| ᱥᱮᱨᱢᱟ | ᱫᱚᱞ |
| ᱒᱐᱑᱔/᱑᱕–᱒᱐᱑᱗/᱑᱘ | ᱠᱮᱨᱟᱞᱟ |
| ᱒᱐᱑᱘/᱑᱙ ᱠᱷᱚᱱ ᱱᱤᱛ ᱫᱷᱟᱹᱨᱤᱡ | ᱯᱩᱰᱩᱪᱮᱨᱤ |
ᱯᱷᱮᱰᱟᱛ: ESPNcricinfo, ᱑᱑ ᱚᱠᱴᱚᱵᱚᱨ ᱒᱐᱑᱗ | |
ᱯᱷᱟᱵᱤᱫᱽ ᱯᱷᱟᱨᱩᱠ ᱚᱦᱢᱚᱫᱽ (ᱡᱟᱱᱟᱢ ᱒᱗ ᱡᱩᱞᱟᱭ ᱑᱙᱙᱕) ᱫᱚ ᱢᱤᱫ ᱥᱤᱧᱚᱛᱤᱭᱟᱹ ᱠᱨᱤᱠᱮᱴ ᱠᱷᱮᱞᱚᱸᱰᱤᱭᱟᱹ ᱠᱟᱱᱟᱭ, ᱡᱟᱦᱟᱸᱭ ᱫᱚ ᱚᱲᱟᱜ ᱠᱨᱤᱠᱮᱴ ᱨᱮ ᱠᱮᱨᱟᱞᱟ ᱨᱮᱱᱟᱜ ᱩᱫᱩᱜ ᱟᱠᱟᱱᱟ ᱟᱨ ᱱᱤᱛᱚᱜ ᱫᱚ ᱯᱩᱰᱩᱪᱮᱨᱤ ᱞᱟᱹᱜᱤᱫ ᱠᱷᱮᱞᱚᱸᱰ ᱠᱟᱱᱟᱭ ᱾ ᱩᱱᱤ ᱫᱚ ᱢᱤᱫ ᱚᱞᱨᱟᱣᱩᱱᱰᱚᱨ ᱠᱟᱱᱟᱭ ᱡᱟᱦᱟᱸᱭ ᱫᱚ ᱡᱚᱡᱚᱢ ᱛᱤ ᱛᱮ ᱵᱮᱴᱤᱝ ᱮᱫᱟᱭ ᱟᱨ ᱡᱚᱡᱚᱢ ᱛᱤ ᱛᱮ ᱚᱯᱷ-ᱥᱯᱤᱱ ᱵᱳᱞᱤᱝ ᱮᱫᱟᱭ ᱾[᱒]
ᱮᱛᱚᱦᱚᱵ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱯᱷᱟᱵᱤᱫᱽ ᱟᱜ ᱡᱟᱱᱟᱢ ᱫᱚ ᱒᱗ ᱡᱩᱞᱟᱭ ᱑᱙᱙᱕ ᱥᱟᱞᱮ ᱨᱮ ᱠᱮᱨᱟᱞᱟ ᱨᱮᱱᱟᱜ ᱠᱟᱱᱱᱩᱨ ᱦᱚᱱᱚᱛ ᱨᱮᱱᱟᱜ ᱛᱷᱟᱞᱟᱥᱥᱮᱨᱤ ᱨᱮ ᱦᱩᱭ ᱞᱮᱱᱟ ᱾[᱒] ᱩᱱᱤ ᱫᱚ ᱢᱟᱨᱮ ᱨᱟᱱᱡᱤ ᱠᱷᱮᱞᱚᱸᱰᱤᱭᱟᱹ ᱥᱤ.ᱴᱤ.ᱠᱮ. ᱩᱥᱢᱟᱱ ᱠᱩᱴᱴᱤ ᱟᱨ ᱥᱤ.ᱴᱤ.ᱠᱮ. ᱢᱚᱥᱩᱫᱽ ᱟᱜ ᱜᱷᱟᱨᱚᱸᱡᱽ ᱨᱤᱱᱤᱡ ᱠᱟᱱᱟᱭ ᱾ ᱩᱱᱤ ᱫᱚ ᱢᱟᱦᱮ ᱨᱤᱱᱤᱡ ᱵᱟᱥᱤᱱᱫᱟ ᱠᱟᱱᱟᱭ ᱾[᱓] ᱩᱱᱤᱭᱤᱡ ᱢᱤᱫ ᱢᱟᱨᱟᱝ ᱵᱚᱭᱦᱟ ᱯᱷᱟᱡᱤᱞ ᱦᱚᱸ ᱢᱮᱱᱟᱭᱟ, ᱡᱟᱦᱟᱸ ᱫᱚ ᱢᱤᱫ ᱠᱨᱤᱠᱮᱴ ᱠᱷᱮᱞᱚᱸᱰᱤᱭᱟᱹ ᱠᱟᱱᱟᱭ ᱾[᱑]
ᱚᱲᱟᱜ ᱠᱟᱹᱢᱤ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱯᱷᱟᱵᱤᱫᱽ ᱫᱚ ᱟᱱᱰᱚᱨ-᱑᱙ ᱞᱮᱵᱚᱞ ᱨᱮ ᱥᱤᱧᱚᱛ ᱮᱛᱚᱢ ᱴᱚᱴᱷᱟ ᱨᱮᱱᱟᱜ ᱩᱫᱩᱜ ᱟᱠᱟᱫᱟ ᱾ ᱩᱱᱤ ᱫᱚ ᱒᱐᱑᱔ ᱨᱮ ᱥᱤ.ᱠᱮ. ᱱᱟᱭᱰᱩ ᱴᱨᱚᱯᱷᱤ ᱟᱱᱰᱚᱨ-᱒᱓ ᱴᱩᱨᱱᱟᱢᱮᱱᱴ ᱨᱮ ᱑᱔ ᱣᱤᱠᱮᱴ ᱮ ᱦᱟᱛᱟᱣ ᱞᱮᱫᱼᱟ ᱾[᱑] ᱩᱱᱤ ᱫᱚ ᱟᱭᱢᱟ ᱞᱮᱠᱟᱱ ᱠᱮᱨᱟᱞᱟ ᱴᱤᱢ ᱨᱮ ᱠᱟᱯᱴᱮᱱ ᱦᱚᱸᱭ ᱛᱟᱦᱮᱸ ᱠᱟᱱᱟ ᱾[᱓]
ᱩᱱᱤ ᱫᱚ ᱘ ᱱᱚᱵᱷᱮᱢᱵᱚᱨ ᱒᱐᱑᱔ ᱨᱮ ᱒᱐᱑᱔-᱑᱕ ᱵᱤᱡᱚᱭ ᱦᱟᱡᱟᱨᱮ ᱴᱨᱚᱯᱷᱤ ᱨᱮ ᱠᱮᱨᱟᱞᱟ ᱞᱟᱹᱜᱤᱫ ᱟᱡᱟᱜ ᱞᱤᱥᱴ ᱮ ᱮᱛᱚᱦᱚᱵ ᱞᱮᱫᱼᱟ ᱾[᱔] ᱩᱱᱤ ᱫᱚ ᱒᱗ ᱢᱟᱨᱪ ᱒᱐᱑᱕ ᱦᱤᱞᱚᱜ ᱒᱐᱑᱔-᱑᱕ ᱥᱮᱭᱚᱫᱽ ᱢᱩᱥᱛᱟᱠ ᱟᱞᱤ ᱴᱨᱚᱯᱷᱤ ᱨᱮ ᱠᱮᱨᱟᱞᱟ ᱞᱟᱹᱜᱤᱫ ᱟᱡᱟᱜ ᱴᱣᱮᱱᱴᱤ ᱒᱐ ᱮᱛᱚᱦᱚᱵ ᱞᱮᱫᱼᱟ ᱾[᱕] ᱩᱱᱤ ᱘ ᱚᱠᱴᱚᱵᱚᱨ ᱒᱐᱑᱕ ᱨᱮ ᱒᱐᱑᱕-᱑᱖ ᱨᱚᱬᱡᱤ ᱴᱨᱚᱯᱷᱤ ᱨᱮ ᱟᱡᱟᱜ ᱯᱩᱭᱞᱩ ᱫᱷᱟᱯ ᱨᱮ ᱮᱛᱚᱦᱚᱵ ᱞᱮᱫᱼᱟ ᱾[᱖] ᱜᱳᱣᱟ ᱵᱤᱨᱩᱫᱷ ᱟᱡᱟᱜ ᱫᱚᱥᱟᱨ ᱨᱚᱬᱡᱤ ᱠᱷᱮᱞ ᱨᱮ, ᱩᱱᱤ ᱫᱚ ᱘ ᱱᱚᱢᱵᱚᱨ ᱨᱮ ᱵᱮᱴᱤᱝ ᱠᱟᱛᱮ ᱢᱤᱫ ᱥᱟᱭ ᱥᱮᱠᱮᱱᱰᱟᱨ ᱮ ᱵᱮᱱᱟᱣ ᱞᱮᱫᱼᱟ, ᱡᱟᱦᱟᱸ ᱫᱚ ᱠᱮᱨᱟᱞ ᱨᱤᱱ ᱡᱟᱦᱟᱸᱭ ᱵᱮᱴᱤᱝ ᱠᱷᱮᱞᱚᱸᱰᱤᱭᱟᱹ ᱠᱚ ᱵᱮᱱᱟᱣ ᱞᱮᱫᱼᱟ, ᱩᱱᱤ ᱜᱮ ᱡᱚᱛᱚ ᱠᱷᱚᱱ ᱥᱮᱠᱮᱱᱰᱟᱨ ᱮ ᱵᱮᱱᱟᱣ ᱞᱮᱫᱼᱟ ᱾[᱑] ᱚᱜᱚᱥᱴ ᱒᱐᱑᱘ ᱨᱮ, ᱠᱮᱨᱟᱞ ᱨᱮᱱᱟᱜ ᱠᱮᱯᱴᱟᱱ ᱥᱟᱹᱪᱤᱱ ᱵᱮᱵᱤ ᱟᱜ ᱮᱱᱮᱡ ᱵᱟᱵᱚᱫᱽ ᱛᱮ ᱠᱮᱨᱟᱞ ᱠᱨᱤᱠᱮᱴ ᱟᱥᱳᱥᱤᱭᱮᱥᱚᱱ ᱘ ᱜᱚᱴᱟᱝ ᱠᱷᱮᱞᱚᱸᱰᱤᱭᱟᱹ ᱠᱚ ᱢᱩᱫᱽ ᱨᱮ ᱢᱤᱫᱴᱟᱹᱝ ᱠᱷᱮᱞᱚᱸᱰᱤᱭᱟᱹᱭ ᱛᱟᱦᱮᱸ ᱠᱟᱱᱟ ᱾[᱗] ᱩᱱᱤ ᱫᱚ ᱠᱮᱨᱟᱞ ᱞᱟᱹᱜᱤᱫ ᱛᱮ ᱯᱩᱭᱞᱩ ᱫᱷᱟᱯ ᱨᱮ ᱖ ᱜᱚᱴᱟᱝ ᱟᱨ ᱞᱤᱥᱴ-ᱮ ᱨᱮ ᱑᱑ ᱜᱚᱴᱟᱝ ᱠᱷᱮᱞ ᱟᱠᱟᱫᱟᱭ ᱾[᱓]
ᱱᱩᱭ ᱫᱚ ᱱᱤᱠᱷᱤᱞᱮᱥ ᱥᱩᱨᱮᱱᱫᱨᱚᱱ, ᱤᱠᱞᱟᱥ ᱱᱟᱦᱟ ᱟᱨ ᱚᱵᱽᱫᱩᱞ ᱥᱟᱯᱷᱟᱨ ᱥᱟᱶ ᱠᱮᱨᱟᱞᱟ ᱨᱤᱱ ᱯᱩᱱᱭᱟᱹ ᱠᱚᱨᱤᱠᱮᱴ ᱠᱷᱮᱞᱚᱸᱰᱤᱭᱟᱹ ᱠᱚ ᱢᱩᱫᱽ ᱨᱮ ᱢᱤᱫᱴᱟᱹᱝ ᱠᱟᱱᱟᱭ, ᱡᱟᱦᱟᱸᱭ ᱫᱚ ᱒᱐᱑᱘-᱑᱙ ᱥᱤᱧᱚᱛᱤᱭᱟᱹ ᱚᱲᱟᱜ ᱨᱤᱱ ᱥᱮᱨᱢᱟ ᱯᱩᱨᱟᱹᱣ ᱞᱟᱹᱜᱤᱫ ᱱᱟᱣᱟ ᱛᱮ ᱵᱮᱱᱟᱣ ᱟᱠᱟᱱ ᱯᱩᱰᱩᱪᱮᱨᱤ ᱠᱨᱤᱠᱮᱴ ᱫᱚᱞ ᱨᱮ ᱥᱮᱞᱮᱫᱚᱜ ᱞᱟᱹᱜᱤᱫ ᱟᱡᱟᱜ ᱫᱟᱣ ᱮ ᱵᱮᱱᱟᱣ ᱞᱮᱫᱼᱟ ᱾[᱘][᱙]
ᱩᱱᱤ ᱫᱚ ᱑᱙ ᱥᱮᱯᱴᱮᱢᱵᱚᱨ ᱒᱐᱑᱘ ᱨᱮ ᱢᱟᱱᱤᱯᱩᱨ ᱨᱮ ᱒᱐᱑᱘-᱑᱙ ᱵᱤᱡᱚᱭ ᱦᱟᱡᱟᱨᱮ ᱴᱨᱚᱯᱷᱤ ᱨᱮ ᱯᱩᱰᱩᱪᱮᱨᱤ ᱞᱟᱹᱜᱤᱫ ᱟᱡᱟᱜ ᱞᱤᱥᱴ ᱮ ᱮᱛᱚᱦᱚᱵ ᱠᱮᱫᱼᱟ ᱾ ᱱᱚᱶᱟ ᱫᱚ ᱯᱩᱰᱩᱪᱮᱨᱤ ᱨᱮᱱᱟᱜ ᱯᱩᱭᱞᱩ ᱚᱲᱟᱜ ᱢᱮᱪ ᱛᱟᱦᱮᱸ ᱠᱟᱱᱟ ᱾[᱑᱐] ᱩᱱᱤ ᱫᱚ ᱴᱤᱢ ᱨᱤᱱᱤᱡ ᱩᱯ-ᱠᱮᱯᱴᱮᱱ ᱦᱚᱸᱭ ᱛᱟᱦᱮᱸ ᱠᱟᱱᱟ ᱾[᱑᱑] ᱢᱮᱱᱠᱷᱟᱱ, ᱫᱚᱥᱟᱨ ᱫᱤᱱ, ᱥᱤᱧᱚᱛᱤᱭᱟᱹ ᱠᱨᱤᱠᱮᱴ ᱠᱚᱱᱴᱨᱚᱞ ᱵᱳᱨᱰ (ᱵᱤ.ᱥᱤ.ᱥᱤ.ᱟᱭᱤ), ᱮᱴᱟᱜ ᱯᱚᱱᱚᱛ ᱜᱟᱶᱛᱟ ᱠᱷᱚᱱ ᱵᱤᱨᱚᱫᱷ ᱥᱟᱢᱟᱝ ᱫᱟᱯᱨᱟᱢ ᱠᱟᱛᱮ, ᱯᱩᱰᱩᱪᱮᱨᱤ ᱫᱚ ᱮᱢ ᱟᱠᱟᱱ ᱠᱷᱟᱥ ᱫᱟᱵᱚᱱ, ᱡᱟᱦᱟᱸ ᱨᱮ ᱫᱚ ᱴᱤᱢ ᱫᱚ ᱵᱟᱦᱨᱮ ᱨᱤᱱ ᱠᱷᱮᱞᱚᱸᱰᱤᱭᱟᱹ ᱠᱚ ᱯᱷᱤᱞᱰ ᱞᱟᱹᱜᱤᱫ ᱫᱟᱣ ᱮᱢ ᱟᱠᱟᱱᱟ, ᱚᱱᱟ ᱫᱚ ᱵᱟᱝ ᱠᱷᱮᱞᱚᱜ ᱠᱟᱱᱟ ᱾ ᱱᱚᱶᱟ ᱫᱚ ᱠᱷᱮᱞ ᱨᱮ ᱚᱠᱚᱭ ᱦᱚᱸ ᱴᱚᱴᱷᱟᱠᱤᱭᱟᱹ ᱠᱨᱤᱠᱮᱴᱟᱨ ᱵᱟᱠᱚ ᱠᱷᱮᱞ ᱞᱮᱫ ᱛᱟᱦᱮᱸᱫ ᱢᱮᱱᱛᱮ ᱠᱚ ᱵᱟᱰᱟᱭ ᱞᱮᱫ ᱛᱟᱦᱮᱸᱫ ᱾[᱑᱒] ᱯᱷᱟᱵᱤᱫᱽ ᱫᱚ ᱵᱤ.ᱥᱤ.ᱥᱤ.ᱟᱭᱤ. ᱨᱮᱱᱟᱜ ᱞᱟᱹᱠᱛᱤᱭᱟᱱ ᱠᱟᱛᱷᱟ ᱠᱚ ᱯᱩᱨᱟᱹᱣ ᱞᱮᱫᱮᱭᱟ, ᱡᱟᱦᱟᱸ ᱞᱮᱠᱟᱛᱮ ᱠᱷᱮᱞᱚᱸᱰᱤᱭᱟᱹ ᱫᱚ ᱯᱚᱱᱚᱛ ᱨᱮ ᱡᱟᱱᱟᱢ ᱦᱩᱭᱩᱜ ᱢᱟ ᱟᱨᱵᱟᱝ ᱢᱤᱫ ᱥᱮᱨᱢᱟ ᱠᱷᱚᱱ ᱰᱷᱮᱨ ᱫᱷᱟᱹᱨᱤᱡ ᱨᱟᱡᱟᱹᱨᱤ ᱦᱩᱭᱩᱜ ᱢᱟ ᱾[᱑᱓][᱓] ᱩᱱᱤ ᱫᱚ ᱥᱤᱠᱠᱤᱢ ᱨᱮ ᱙.᱒ ᱳᱵᱚᱨ ᱨᱮ ᱘ ᱨᱟᱱ ᱮᱢ ᱠᱟᱛᱮ ᱕ ᱣᱤᱠᱮᱴ ᱮ ᱦᱟᱛᱟᱣ ᱞᱮᱫᱼᱟ, ᱡᱟᱦᱟᱸ ᱫᱚ ᱥᱤᱧᱚᱛᱤᱭᱟᱹ ᱞᱤᱥᱴ ᱮ ᱠᱨᱤᱠᱮᱴ ᱨᱮ ᱢᱤᱫᱴᱟᱹᱝ ᱠᱷᱮᱞ ᱨᱮ ᱡᱚᱛᱚ ᱠᱷᱚᱱ ᱠᱚᱢ ᱫᱷᱚᱱ ᱛᱮ ᱵᱚᱞᱤᱝ ᱨᱮᱱᱟᱜ ᱨᱤᱠᱚᱨᱰ ᱠᱟᱱᱟ ᱾[᱑᱔]
ᱩᱱᱤ ᱫᱚ ᱒᱐᱑᱘-᱑᱙ ᱵᱤᱡᱚᱭ ᱦᱟᱡᱟᱨᱮ ᱴᱨᱚᱯᱷᱤ ᱨᱮ ᱯᱩᱰᱩᱪᱮᱨᱤ ᱞᱟᱹᱜᱤᱫ ᱡᱚᱛᱚ ᱠᱷᱚᱱ ᱵᱟᱹᱲᱛᱤ ᱣᱤᱠᱮᱴ ᱦᱟᱛᱟᱣᱤᱡ ᱵᱚᱞᱤᱵᱷᱤᱡ ᱛᱟᱦᱮᱸ ᱠᱟᱱᱟᱭ, ᱩᱱᱤ ᱫᱚ ᱢᱚᱬᱮ ᱢᱮᱪ ᱨᱮ ᱜᱮᱞ ᱢᱤᱫ ᱣᱤᱠᱮᱴ ᱦᱟᱛᱟᱣ ᱞᱮᱫᱼᱟ ᱾[᱑᱕] ᱩᱱᱤ ᱫᱚ ᱯᱩᱰᱩᱪᱮᱨᱤ ᱨᱮᱱᱟᱜ ᱯᱩᱭᱞᱩ ᱨᱚᱬᱡᱤ ᱴᱨᱳᱯᱷᱤ ᱡᱤᱛᱟᱹᱣ ᱨᱮ ᱢᱟᱱ ᱚᱯᱷ ᱫᱤ ᱢᱮᱪ ᱧᱩᱛᱩᱢ ᱮ ᱧᱟᱢ ᱞᱮᱫ ᱛᱟᱦᱮᱸᱫ, ᱡᱟᱦᱟᱸ ᱨᱮ ᱩᱱᱤ ᱫᱚ ᱥᱮᱱᱪᱩᱨᱤ ᱵᱮᱱᱟᱣ ᱠᱟᱛᱮ ᱟᱨ ᱢᱮᱪ ᱨᱮ ᱖ ᱣᱤᱠᱮᱴ (᱒/᱒᱒, ᱔/᱘) ᱦᱟᱛᱟᱣ ᱠᱟᱛᱮ ᱟᱡᱟᱜ ᱥᱟᱱᱟᱢ ᱯᱟᱦᱴᱟ ᱯᱟᱨᱯᱷᱚᱨᱢᱮᱱᱥ ᱨᱮ ᱢᱤᱫ ᱥᱮᱬᱟ ᱮᱱᱮᱢ ᱮᱢ ᱠᱮᱫᱟᱭ ᱾[᱓]
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- 1 2 3 4 "Fabid: Multi-skilled and Aggressive". The New Indian Express.
- 1 2 "Fabid Ahmed". ESPNcricinfo. Retrieved 11 October 2015.
- 1 2 3 4 5 "Kerala boy Fabid Ahmed stars in Puducherry's historical first Ranji win". The Times of india.
- ↑ "South Zone, Secunderabad, Nov 8 2014, Vijay Hazare Trophy". ESPNcricinfo. Retrieved 16 December 2021.
- ↑ "South Zone, Kochi, Mar 27 2015, Syed Mushtaq Ali Trophy". ESPNcricinfo. Retrieved 16 December 2021.
- ↑ "Group C, Hyderabad (Deccan), Oct 8 - 11 2015, Ranji Trophy". ESPNcricinfo. Retrieved 16 December 2021.
- ↑ "Sanju Samson among 13 players sanctioned by Kerala". ESPNcricinfo. Retrieved 31 August 2018.
- ↑ "Four Kerala cricketers switch allegiance to Puducherry team ahead of the 2018-19 Domestic Season". sportskeeda. Retrieved 25 October 2018.
- ↑ "List of domestic transfers ahead of the 2018-19 Ranji Trophy season". ESPNcricinfo.
- ↑ "Plate, Vijay Hazare Trophy at Vadodara, Sep 19 2018". ESPNcricinfo. Retrieved 19 September 2018.
- ↑ "Rohit Damodaren to lead Pondy in Vijay Hazare". The Times of India.
- ↑ "BCCI revokes eligibility 'allowance' to Puducherry". ESPNcricinfo. Retrieved 20 September 2018.
- ↑ "BCCI cancels registration of 8 Puducherry players for flouting eligibility criteria". Cricket Country. Retrieved 20 September 2018.
- ↑ "Stats: Fabid Ahmed concedes eight runs in 9.2 overs in the Vijay Hazare Trophy". CricTracker. Retrieved 16 December 2021.
- ↑ "Vijay Hazare Trophy, 2018/19 - Puducherry: Batting and bowling averages". ESPNcricinfo. Retrieved 8 October 2018.