ᱯᱷᱨᱟᱱᱥ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search
Flag of France

ᱯᱷᱨᱟᱱᱥ (French: [fʁɑ̃s]), officially the French Republic (French: République française, pronounced [ʁepyblik fʁɑ̃sɛz]), ᱫᱚ ᱤᱣᱨᱳᱯ ᱨᱮᱱᱟᱜ ᱢᱤᱫᱴᱮᱱ ᱫᱤᱥᱚᱢ ᱠᱟᱱᱟ᱾ ᱱᱟᱜᱟᱢ ᱥᱮ ᱟᱹᱨᱤᱪᱟᱹᱞᱤ ᱞᱮᱠᱟᱛᱮ ᱯᱷᱨᱟᱱᱥ ᱫᱚ ᱟᱹᱰᱤ ᱡᱟᱹᱨᱩᱲ ᱫᱤᱥᱚᱢ ᱠᱟᱱᱟ᱾ ᱟᱛ ᱦᱟᱥᱟ ᱨᱮᱱᱟᱜ ᱡᱟᱜᱟ ᱞᱮᱠᱟᱛᱮ ᱤᱣᱨᱳᱯ ᱨᱮᱱᱟᱜ ᱛᱮᱥᱟᱨ ᱞᱟᱹᱴᱩ ᱫᱤᱥᱚᱢ ᱠᱟᱱᱟ ᱯᱷᱨᱟᱱᱥ᱾ ᱦᱚᱲᱟᱜ ᱮᱞᱮᱞ ᱞᱮᱠᱟᱛᱮᱫᱚ ᱯᱩᱱᱟᱜ ᱞᱟᱹᱴᱩ ᱫᱤᱥᱚᱢ ᱠᱟᱱᱟ᱾

ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱫᱷᱟᱹᱨᱛᱤ ᱨᱮᱱᱟᱜ ᱯᱟᱹᱪᱷᱤᱢ ᱫᱤᱥᱚᱢᱠᱩ ᱵᱷᱤᱛᱨᱤᱨᱮ ᱯᱷᱨᱟᱱᱥ ᱫᱚ ᱟᱹᱰᱤ ᱢᱟᱨᱮ ᱫᱤᱥᱚᱢ ᱠᱟᱱᱟ᱾ ᱯᱷᱨᱟᱱᱥ ᱨᱮᱱ ᱯᱩᱭᱞᱩ ᱦᱚᱲ ᱠᱩ ᱵᱟᱵᱚᱛ ᱟᱹᱰᱤ ᱢᱚᱡᱽᱛᱮ ᱵᱟᱝ ᱵᱟᱰᱟᱭ ᱟᱠᱟᱱᱟ᱾ ᱫᱟᱹᱠᱷᱤᱱ ᱯᱟᱹᱪᱷᱤᱢ ᱯᱷᱨᱟᱱᱥ ᱨᱮ ᱜᱩᱦᱟᱹ ᱨᱮ ᱧᱟᱢ ᱟᱠᱟᱱ ᱪᱤᱛᱟᱹᱨ ᱠᱩ ᱫᱚ ᱡᱤᱥᱩᱣᱟᱜ ᱡᱟᱱᱟᱢ ᱠᱷᱚᱱ ᱑᱕᱐᱐᱐ ᱥᱮᱨᱢᱟ ᱞᱟᱦᱟ ᱨᱮᱱᱟᱜ ᱠᱟᱱᱟ᱾ᱟᱹᱰᱤ ᱫᱤᱱ ᱯᱷᱨᱟᱱᱥ ᱨᱮᱫᱚ ᱨᱟᱡᱽ ᱥᱟᱥᱚᱱ ᱛᱟᱸᱦᱮᱸ ᱠᱟᱱᱟ᱾ ᱑᱗᱘᱙ ᱥᱮᱨᱢᱟ ᱨᱮ ᱯᱷᱚᱨᱟᱥᱤ ᱦᱩᱞ ᱛᱟᱭᱚᱢ ᱨᱟᱡᱽ ᱥᱟᱥᱚᱱ ᱫᱚ ᱨᱟᱹᱯᱩᱫ ᱮᱱᱟ᱾

ᱯᱩᱭᱞᱩ ᱫᱷᱟᱹᱨᱛᱤ ᱞᱟᱹᱲᱦᱟᱹᱭ ᱯᱷᱨᱟᱱᱥ ᱨᱮᱱᱟᱜ ᱟᱹᱰᱤ ᱢᱟᱨᱟᱝ ᱡᱟᱜᱟᱛᱮ ᱦᱩᱭᱞᱮᱱᱟ᱾ ᱚᱱᱟ ᱠᱷᱟᱹᱛᱤᱨ ᱫᱤᱥᱚᱢ ᱦᱟᱞᱮᱰᱟᱞᱮ ᱪᱟᱵᱟ ᱞᱮᱱᱟ᱾ ᱫᱚᱥᱟᱨ ᱫᱷᱟᱹᱨᱛᱤ ᱞᱟᱹᱲᱦᱟᱹᱭ ᱨᱮ ᱡᱟᱨᱢᱟᱱᱤ ᱩᱛᱟᱹᱨ ᱯᱷᱨᱟᱱᱥ ᱮ ᱫᱚᱠᱷᱚᱞ ᱞᱮᱛᱛᱮ ᱛᱟᱞᱟ ᱯᱷᱨᱟᱱᱥ ᱨᱮᱱᱟᱜ ᱵᱷᱤᱥᱤᱛᱮ (Vichy) ᱥᱚᱨᱠᱟᱨ ᱵᱮᱱᱟᱣ ᱦᱩᱭᱞᱮᱱᱟ᱾

ᱚᱛᱱᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱯᱷᱨᱟᱱᱥ ᱨᱮᱱᱟᱜ ᱚᱛ ᱦᱟᱥᱟ ᱟᱹᱰᱤ ᱱᱟᱱᱟᱦᱩᱱᱟᱹᱨ ᱜᱮᱭᱟ᱾ ᱩᱛᱟᱹᱨ ᱥᱮᱡ ᱫᱚ ᱪᱚᱯᱚᱫ ᱟᱨ ᱥᱚᱢᱟᱱ ᱜᱮᱭᱟ᱾ ᱫᱟᱹᱠᱷᱤᱱ ᱛᱟᱞᱟ ᱥᱮᱡ ᱫᱚ ᱩᱥᱩᱞ ᱜᱮᱭᱟ᱾ ᱯᱩᱨᱩᱵ ᱥᱮᱡ ᱫᱚ ᱦᱟᱹᱨᱤᱭᱟᱹᱲ ᱵᱩᱨᱩ ᱟᱨ ᱵᱚᱨᱚᱯᱷ ᱛᱮ ᱯᱮᱨᱮᱡ ᱟᱠᱟᱱ ᱟᱞᱯᱥ ᱵᱩᱨᱩᱢᱟᱞᱟ ᱢᱮᱱᱟᱜ-ᱟ᱾ ᱯᱷᱨᱟᱱᱥ ᱨᱮᱱᱟᱜ ᱢᱟᱨᱟᱝ ᱜᱟᱰᱟ ᱠᱚᱫᱚ ᱦᱩᱭᱩᱜ ᱠᱟᱱᱟ ᱥᱮᱱ, ᱞᱳᱭᱟᱨ, ᱜᱟᱨᱚᱱ ᱟᱨ ᱨᱳᱱ᱾

ᱟᱹᱨᱤᱪᱟᱹᱞᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱯᱷᱚᱨᱟᱥᱤ ᱟᱹᱨᱤᱪᱟᱹᱞᱤ ᱫᱚ ᱟᱹᱰᱤᱜᱮ ᱥᱚᱨᱮᱥ ᱜᱮᱭᱟ᱾ ᱯᱷᱚᱨᱟᱥᱤ ᱫᱟᱠᱟ ᱩᱛᱩ ᱥᱮ ᱡᱚᱢᱟᱜ ᱵᱮᱱᱟᱣ ᱫᱚ ᱜᱚᱴᱟ ᱫᱷᱟᱹᱨᱛᱤ ᱨᱮᱜᱮ ᱟᱹᱰᱤ ᱧᱩᱛᱩᱢᱟᱱ ᱢᱮᱱᱛᱮ ᱞᱮᱠᱷᱟᱜ-ᱟ᱾

ᱟᱨᱦᱚᱸ ᱧᱮᱞᱢᱮ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱟᱨᱦᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

Economy
Government
Culture
Photos

ᱯᱷᱮᱰᱟᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]