ᱯᱷᱩᱞᱟᱱ ᱨᱟᱹᱱᱤ
ᱯᱷᱩᱞᱟᱱ ᱨᱟᱹᱱᱤ (ᱡᱟᱱᱟᱢ ᱑᱙᱒᱘) ᱫᱚ ᱥᱤᱧᱚᱛ ᱨᱮᱱ ᱢᱤᱫ ᱪᱤᱛᱟᱹᱨ ᱵᱮᱱᱟᱣᱤᱡ ᱠᱟᱱᱟᱭ᱾[᱑][᱒]
ᱮᱛᱚᱦᱚᱵ ᱡᱤᱭᱚᱱ ᱟᱨ ᱥᱮᱪᱮᱫ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱯᱷᱩᱞᱟᱱ ᱨᱟᱹᱱᱤ ᱫᱚ ᱑᱙᱒᱘ ᱥᱟᱞᱮ ᱨᱮ ᱟᱢᱨᱤᱛᱥᱚᱨ ᱨᱮᱭ ᱡᱟᱱᱟᱢ ᱞᱮᱱᱟ᱾ ᱩᱱᱤ ᱫᱚ ᱢᱤᱫ ᱱᱟᱯᱟᱭ ᱥᱤᱠᱷ ᱜᱷᱟᱨᱚᱸᱡᱽ ᱨᱮᱱ ᱠᱟᱱᱟᱭ᱾ ᱩᱱᱤ ᱫᱚ ᱜᱤᱫᱽᱨᱟᱹ ᱜᱮ ᱛᱟᱦᱮᱸᱱ ᱚᱠᱛᱚ ᱨᱮ ᱟᱡᱤᱡ ᱮᱸᱜᱟᱛ ᱫᱚᱭ ᱵᱚᱸᱜᱟ ᱛᱟᱞᱟ ᱞᱮᱱᱟ᱾ ᱟᱡᱤᱡ ᱵᱟᱵᱟ ᱰᱨᱟᱢ ᱨᱟᱢ ᱥᱤᱝ ᱫᱚ ᱢᱤᱫ ᱰᱟᱠᱛᱚᱨ ᱮ ᱛᱟᱦᱮᱸ ᱠᱟᱱᱟ᱾ ᱩᱱᱤ ᱫᱚ ᱯᱷᱟᱭᱤᱱ ᱟᱨᱴᱥ ᱨᱮ, ᱵᱤᱥᱮᱥ ᱠᱟᱛᱮ ᱪᱤᱛᱟᱹᱨ ᱵᱮᱱᱟᱣ ᱟᱨ ᱮᱱᱮᱡ ᱨᱮ ᱟᱹᱰᱤ ᱜᱮ ᱨᱟᱹᱥᱠᱟᱹᱭ ᱩᱫᱩᱜ ᱞᱮᱫᱟ᱾ ᱰᱨᱟᱢ ᱨᱟᱢ ᱥᱤᱝ ᱫᱚ ᱟᱡᱤᱡ ᱠᱩᱲᱤ ᱜᱤᱫᱽᱨᱟᱹᱭ ᱟᱹᱰᱤ ᱫᱩᱞᱟᱹᱲ ᱟᱨ ᱜᱚᱨᱚᱵᱽ ᱥᱟᱶᱛᱮᱭ ᱫᱤᱥᱟᱹ ᱩᱫᱩᱜ ᱟᱨ ᱮ ᱦᱟᱨᱟ ᱵᱩᱨᱩ ᱞᱮᱫᱮᱭᱟ᱾ "ᱤᱧᱟᱜ ᱡᱤᱭᱚᱱ ᱫᱚ ᱥᱟᱹᱨᱤ ᱜᱮ ᱛᱮᱦᱨᱟᱣ ᱩᱢᱮᱨ ᱨᱮ ᱪᱤᱛᱟᱹᱨ ᱵᱮᱱᱟᱣ ᱮᱛᱚᱦᱚᱵ ᱠᱟᱛᱮ ᱮᱛᱚᱦᱚᱵ ᱞᱮᱱᱟ," ᱩᱱᱤ ᱚᱞᱟᱭ᱾ "ᱤᱧ ᱫᱚ ᱚᱱᱟ ᱚᱠᱛᱚ ᱨᱮᱱᱟᱜ ᱟᱹᱰᱤ ᱱᱟᱯᱟᱭ ᱩᱭᱦᱟᱹᱨ ᱢᱮᱱᱟᱜ ᱛᱤᱧᱟ ᱥᱠᱩᱞ ᱯᱚᱛᱚᱵ ᱨᱮᱱᱟᱜ ᱯᱟᱦᱴᱟ ᱨᱮ ᱯᱮᱱᱥᱤᱞ ᱛᱮ ᱪᱤᱛᱟᱹᱨ ᱵᱮᱱᱟᱣ ᱠᱟᱛᱮ, ᱤᱧ ᱡᱟᱦᱟᱸ ᱦᱚᱲ ᱟᱨ ᱡᱤᱱᱤᱥ ᱠᱚᱧ ᱠᱩᱥᱤᱭᱟᱜ ᱛᱟᱦᱮᱸᱫ ᱩᱱᱠᱩᱣᱟᱜ ᱥᱠᱮᱪ ᱵᱮᱱᱟᱣ ᱨᱮᱧ ᱪᱷᱩᱴᱟᱹᱣ ᱞᱮᱱᱟ।"[᱓] ᱩᱱᱤ ᱫᱚ ᱟᱨᱴ ᱨᱮ ᱚᱠᱚᱭ ᱴᱷᱮᱱ ᱠᱷᱚᱱ ᱦᱚᱸ ᱯᱷᱚᱨᱢᱟᱞ ᱴᱨᱮᱱᱤᱝ ᱵᱟᱭ ᱧᱟᱢ ᱟᱠᱟᱫᱟ, ᱢᱮᱱᱠᱷᱟᱱ ᱟᱡᱟᱜ ᱥᱮᱪᱮᱫ ᱫᱚ ᱞᱤᱵᱮᱨᱟᱞ ᱟᱨᱴᱥ ᱟᱨ ᱥᱟᱭᱠᱳᱞᱳᱡᱤ ᱨᱮ ᱢᱮᱱᱟᱜᱼᱟ᱾ ᱩᱱᱤ ᱫᱚ ᱮᱴᱟᱜ ᱪᱤᱛᱟᱹᱨ ᱵᱮᱱᱟᱣᱤᱡ ᱠᱚ ᱠᱟᱹᱢᱤ ᱚᱠᱛᱚ ᱨᱮ ᱧᱮᱞ ᱥᱟᱹᱱᱟᱭᱮᱫ ᱛᱟᱦᱮᱸᱫ ᱟᱨ ᱞᱟᱜᱮ ᱞᱟᱜᱮ ᱟᱡ ᱛᱮᱜᱮ ᱴᱨᱮᱱᱤᱝ ᱮ ᱦᱟᱛᱟᱣ ᱞᱮᱫᱟ, ᱟᱭᱢᱟ ᱚᱠᱛᱚ ᱫᱚ ᱧᱤᱫᱟᱹ ᱦᱟᱹᱵᱤᱡ ᱦᱚᱸᱭ ᱠᱟᱹᱢᱤᱭᱮᱫ ᱛᱟᱦᱮᱸᱫ᱾ ᱩᱱᱤ ᱫᱚ ᱟᱠᱚᱣᱟᱜ ᱢᱚᱱᱮ ᱨᱮᱱᱟᱜ ᱤᱪᱷᱟ ᱨᱮᱱᱟᱜ ᱠᱟᱛᱷᱟᱭ ᱢᱟᱱᱟᱣᱮᱫ ᱛᱟᱦᱮᱸᱫ, ᱵᱷᱮᱞᱟᱭ ᱱᱚᱣᱟ ᱫᱚ ᱵᱟᱦᱨᱮ ᱨᱮᱱᱟᱜ ᱞᱟᱹᱠᱛᱤᱭᱟᱱ ᱠᱟᱛᱷᱟ ᱥᱟᱶ ᱵᱤᱨᱩᱫᱽ ᱨᱮᱜᱮ ᱪᱮᱫᱟᱜ ᱵᱟᱝ ᱦᱩᱭᱩᱜ ᱢᱟ᱾ ᱩᱱᱤ ᱫᱚ ᱟᱡᱟᱜ ᱚᱠᱛᱚ ᱨᱮᱱᱟᱜ ᱵᱟᱹᱲᱛᱤ ᱦᱤᱸᱥ ᱫᱚ ᱥᱤᱨᱡᱚᱱᱟᱛᱢᱚᱠ ᱠᱟᱹᱢᱤ ᱨᱮᱭ ᱮᱢᱟᱣᱮᱫ ᱛᱟᱦᱮᱸᱫ, ᱛᱤᱥ ᱛᱤᱥ ᱫᱚ ᱟᱡᱟᱜ ᱮᱠᱟᱰᱮᱢᱤᱠ ᱞᱟᱹᱠᱛᱤᱭᱟᱱ ᱠᱟᱛᱷᱟ ᱨᱮ ᱦᱚᱸ ᱚᱵᱷᱮᱞᱟ ᱦᱩᱭᱩᱜ ᱠᱟᱱ ᱛᱟᱦᱮᱸᱫ᱾
ᱱᱤᱡᱮᱨ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱨᱟᱹᱱᱤ ᱫᱚ ᱑᱙᱔᱔ ᱥᱟᱞᱮ ᱨᱮ ᱮᱥ. ᱥᱟᱢᱥᱮᱨ ᱥᱤᱝ ᱥᱟᱶ ᱮ ᱵᱟᱯᱞᱟ ᱞᱮᱱᱟ᱾ ᱟᱡᱤᱡ ᱡᱟᱶᱟᱭ ᱫᱚ ᱯᱷᱟᱭᱤᱱ ᱟᱨᱴᱥ ᱨᱮ ᱫᱩᱞᱟᱹᱲ ᱛᱟᱦᱮᱸ ᱠᱟᱱᱟ᱾ ᱩᱱᱠᱤᱱ ᱫᱚ ᱥᱟᱶᱛᱮ ᱢᱤᱫ ᱜᱷᱟᱨᱚᱸᱡᱽ ᱠᱤᱱ ᱦᱟᱨᱟ ᱵᱩᱨᱩ ᱞᱮᱫᱟ ᱟᱨ ᱯᱚᱧᱡᱟᱵᱽ ᱨᱮ ᱟᱨᱴᱥ ᱟᱨ ᱥᱟᱶᱦᱮᱫ ᱨᱮᱱᱟᱜ ᱫᱷᱟᱹᱨᱛᱤ ᱨᱮ ᱠᱤᱱ ᱥᱮᱞᱮᱫ ᱞᱮᱱᱟ᱾ ᱩᱱᱠᱤᱱ ᱫᱚ ᱟᱢᱨᱤᱛᱥᱚᱨ ᱨᱮ ᱱᱤᱣ ᱢᱚᱰᱟᱨᱱ ᱦᱟᱭ ᱥᱠᱩᱞ ᱠᱤᱱ ᱪᱟᱞᱟᱣᱮᱫ ᱛᱟᱦᱮᱸᱫ, ᱟᱨ ᱯᱷᱩᱞᱟᱱ ᱫᱚ ᱚᱸᱰᱮ ᱟᱨᱴ ᱮ ᱯᱟᱲᱦᱟᱣᱮᱫ ᱛᱟᱦᱮᱸᱫ᱾ ᱟᱡᱤᱡ ᱦᱟᱲᱟᱢ ᱵᱟᱵᱟ ᱠᱟᱨᱛᱟᱨ ᱥᱤᱝ ᱵᱩᱢᱨᱟ ᱦᱚᱸ ᱪᱤᱛᱟᱹᱨ ᱵᱮᱱᱟᱣ ᱨᱮ ᱨᱟᱹᱥᱠᱟᱹ ᱛᱟᱦᱮᱸ ᱠᱟᱱ ᱛᱟᱭᱟ᱾ ᱵᱟᱯᱞᱟ ᱛᱟᱭᱚᱢ ᱡᱚᱠᱷᱚᱱ ᱨᱟᱹᱱᱤ ᱢᱤᱫ ᱪᱤᱛᱟᱹᱨ ᱮ ᱵᱮᱱᱟᱣ ᱠᱮᱫᱟ, ᱠᱟᱨᱛᱟᱨ ᱥᱤᱝ ᱵᱩᱢᱨᱟ ᱫᱚ ᱚᱱᱟ ᱧᱮᱞᱛᱮ ᱟᱹᱰᱤ ᱠᱩᱥᱤᱭᱮᱱᱟ ᱟᱨ ᱩᱱᱤ ᱫᱚ ᱑᱐᱐ ᱴᱟᱠᱟ ᱨᱮᱱᱟᱜ ᱯᱩᱭᱥᱟᱹ ᱥᱤᱨᱯᱷᱟᱹ ᱮᱢ ᱠᱟᱛᱮᱭ ᱩᱫᱽᱜᱟᱹᱣ ᱞᱮᱫᱮᱭᱟ ᱟᱨ ᱢᱤᱫ ᱯᱚᱛᱚᱵ ᱦᱚᱸᱭ ᱮᱢᱟᱫᱮᱭᱟ᱾ ᱩᱱᱤ ᱫᱚ ᱟᱹᱰᱤ ᱠᱩᱥᱤ ᱨᱟᱹᱥᱠᱟᱹ ᱛᱮᱭ ᱵᱟᱯᱞᱟ ᱞᱮᱱᱟ ᱟᱨ ᱚᱱᱠᱟᱱ ᱱᱟᱣᱟ ᱵᱟᱛᱟᱵᱟᱨᱚᱱ ᱨᱮ, ᱡᱟᱦᱟᱸ ᱨᱮᱭᱟᱜ ᱞᱟᱹᱭ ᱟᱠᱟᱫ ᱢᱟᱨᱟᱝ ᱠᱮᱨᱟᱞᱟ ᱚᱱᱚᱬᱦᱤᱭᱟᱹ ᱢᱟᱦᱟ ᱠᱟᱵᱤ ᱥᱟᱝᱠᱟᱨᱟ ᱡᱤ.ᱠᱩᱨᱩᱯ ᱫᱚ ᱟᱡᱟᱜ ᱢᱤᱫ ᱪᱤᱴᱷᱤ ᱨᱮ "ᱟᱢᱟᱜ ᱨᱟᱹᱥᱠᱟᱹ ᱚᱲᱟᱜ ᱡᱟᱦᱟᱸᱨᱮ ᱚᱱᱚᱬᱦᱮᱸ ᱟᱨ ᱟᱨᱴ ᱫᱚ ᱢᱤᱫ ᱨᱟᱹᱥᱠᱟᱹ ᱵᱟᱯᱞᱟ ᱡᱤᱭᱚᱱ ᱠᱤᱱ ᱠᱷᱮᱢᱟᱣᱮᱫ ᱠᱟᱱᱟ" ᱢᱮᱱᱛᱮᱭ ᱚᱞ ᱞᱮᱫᱟ᱾
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ Tampy, K. P. Padmanabhan (1981). visions of beauty. amritsar.
- ↑ Templates, Johny. "A BLESSED BRUSH Phullan Rani". Retrieved 2020-10-23.
- ↑ "Phulan Rani - Biography". www.phulanrani.com. Archived from the original on 2017-10-31. Retrieved 2017-04-09.
ᱵᱟᱦᱨᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- Tampy, K. P. Padmanabhan., and Shamsher Singh.(1981)Visions of Beauty by Phulan Rani. Amritsar
- Kaur Singh.Nikky-Guninder(2011) - Sikhism : An Introduction. I.B.Tauris & Co Ltd. ISBN 978-1-84885-320-1 (HB)
- Singh, Nikky-Guninder Kaur. The Birth of the Khalsa: A Feminist Re-memory of Sikh Identity. Albany: State U of New York, 2005. Print.
- Parimoo,Ratan and Sarkar, Sandip(2009) - Historical Development of Contemporary Indian Art 1880-1947; Lalit Kala Akademi;New Delhi. ISBN 81-87507-35-7