ᱰᱟᱴᱟ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search
ᱰᱟᱴᱟ
Teeth by David Shankbone.jpg
ᱞᱟᱹᱴᱩ ᱦᱚᱲᱟᱜ ᱰᱟᱴᱟ
Denticao.jpg
ᱢᱚᱪᱟ ᱵᱷᱤᱛᱨᱤᱨᱮ ᱰᱟᱴᱟ ᱨᱮᱱᱟᱜ ᱠᱚᱢᱯᱤᱣᱴᱟᱨ ᱛᱮ ᱵᱮᱱᱟᱣ ᱪᱤᱛᱟᱹᱨ
Identifiers
MeSH D014070
Anatomical terminology

ᱰᱟᱴᱟ ᱫᱚ ᱢᱮᱨᱩᱫᱚᱱᱰᱚ ᱢᱮᱱᱟᱜ ᱛᱟᱹᱠᱩ ᱡᱤᱵᱽ ᱠᱳᱣᱟ ᱦᱚᱲᱢᱚ ᱨᱮᱱᱟᱜ ᱢᱤᱫᱴᱮᱱ ᱚᱝᱥᱚ ᱠᱟᱱᱟ᱾ ᱡᱟᱸᱦᱟᱸᱱᱟᱜ ᱡᱚᱢ ᱞᱟᱹᱜᱤᱛ ᱰᱟᱴᱟ ᱜᱮ ᱡᱚᱛᱚ ᱠᱷᱚᱱ ᱡᱟᱹᱨᱩᱲ ᱠᱟᱱᱟ᱾ ᱟᱭᱢᱟ ᱡᱤᱵᱽ ᱡᱤᱭᱟᱹᱞᱤ ᱠᱳᱣᱟᱜ ᱰᱟᱴᱟ ᱜᱮ ᱦᱚᱲᱢᱚ ᱨᱮᱱᱟᱜ ᱡᱚᱛᱚ ᱠᱷᱚᱡ ᱠᱮᱴᱮᱡ ᱚᱝᱥᱚ ᱠᱟᱱ ᱛᱟᱠᱩᱣᱟ᱾

ᱰᱟᱴᱟ ᱨᱮᱱᱟᱜ ᱨᱚᱠᱚᱢ ᱥᱚᱠᱚᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  • ᱢᱳᱞᱟᱨ ᱥᱮ ᱠᱚᱥ ᱰᱟᱴᱟ᱾
  • ᱠᱟᱨᱱᱟᱥᱤᱭᱟᱞ ᱰᱟᱴᱟ, ᱱᱚᱣᱟ ᱰᱟᱴᱟ ᱫᱚ ᱡᱤᱞ ᱡᱚᱢ ᱡᱤᱵᱽ ᱡᱟᱱᱳᱣᱟ ᱵᱷᱤᱛᱨᱤ ᱨᱮᱜᱮ ᱦᱩᱭᱩᱜᱼᱟ᱾
  • ᱯᱨᱤ ᱢᱳᱞᱟᱨ ᱰᱟᱴᱟ᱾
  • ᱠᱮᱱᱟᱭᱤᱱ ᱰᱟᱴᱟ᱾
  • ᱤᱱᱥᱤᱥᱚᱨ ᱰᱟᱴᱟ᱾

ᱜᱚᱲᱦᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱰᱟᱴᱟ ᱨᱮᱱᱟᱜ ᱪᱮᱛᱟᱱ ᱵᱷᱟᱜᱽ ᱫᱚ ᱢᱩᱠᱩᱴ ᱠᱚ ᱢᱮᱛᱟᱜ ᱠᱟᱱᱟ᱾ ᱡᱟᱸᱦᱟᱸ ᱫᱚ ᱢᱟᱥᱠᱩᱲᱟ ᱪᱮᱛᱟᱱ ᱛᱟᱸᱦᱮᱸᱱᱟ᱾ ᱰᱟᱴᱟ ᱨᱮᱱᱟᱜ ᱨᱮᱦᱮᱫ ᱫᱚ ᱢᱟᱥᱠᱩᱲᱟ ᱟᱨ ᱡᱟᱝ ᱛᱮ ᱮᱥᱮᱫ ᱛᱟᱸᱦᱮᱸᱱᱟ᱾ ᱢᱤᱫᱴᱮᱱ ᱰᱟᱴᱟ ᱨᱮᱱᱟᱜ ᱯᱚᱱᱮᱭᱟ ᱫᱷᱟᱹᱵᱤᱡ ᱨᱮᱦᱮᱫ ᱛᱟᱸᱦᱮᱸᱱᱟ᱾

ᱮᱱᱟᱢᱮᱞ ᱫᱚ ᱰᱟᱴᱟ ᱵᱟᱨᱦᱮ ᱨᱮᱱᱟᱜ ᱠᱮᱴᱮᱡ ᱚᱝᱥᱚ ᱠᱟᱱᱟ ᱡᱟᱸᱦᱟᱸ ᱫᱚ ᱠᱮᱞᱥᱤᱭᱟᱢ ᱟᱨ ᱯᱷᱚᱥᱯᱷᱮᱴ ᱛᱮ ᱵᱮᱱᱟᱣ ᱟᱠᱟᱱᱟ᱾

ᱰᱮᱱᱴᱤᱱ ᱫᱚ ᱰᱟᱴᱟ ᱨᱮᱱᱟᱜ ᱵᱷᱤᱛᱨᱤ ᱚᱝᱥᱚ ᱠᱟᱱᱟ᱾ ᱜᱚᱴᱟ ᱰᱟᱴᱟ ᱡᱩᱲᱮ ᱜᱮ ᱱᱚᱣᱟ ᱫᱚ ᱛᱟᱸᱦᱮᱸᱱᱟ᱾

ᱥᱤᱢᱮᱞᱴ ᱫᱚ ᱰᱟᱴᱟ ᱨᱮᱱᱟᱜ ᱟᱰᱮᱯᱟᱥᱮ ᱯᱟᱛᱞᱟ ᱢᱤᱫᱴᱮᱱ ᱚᱝᱥᱚ ᱠᱟᱱᱟ᱾

ᱢᱟᱹᱱᱢᱤ ᱰᱟᱴᱟ ᱨᱮᱱᱟᱜ ᱡᱚᱛᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱡᱤᱵᱲ ᱡᱤᱭᱟᱹᱞᱤ ᱵᱷᱤᱛᱨᱤ ᱨᱮ ᱢᱟᱹᱱᱢᱤ ᱠᱳᱣᱟᱜ ᱰᱟᱴᱟ ᱫᱚ ᱪᱮᱦᱨᱟ ᱱᱟᱯᱟᱭ ᱧᱮᱞ ᱞᱟᱹᱜᱤᱛ ᱡᱚᱛᱚᱱ ᱨᱮᱱᱟᱜ ᱡᱟᱹᱨᱩᱲ ᱢᱮᱱᱟᱜᱼᱟ᱾ ᱮᱴᱟᱜ ᱡᱤᱵᱽ ᱡᱤᱭᱟᱹᱞᱤ ᱠᱳᱣᱟᱜ ᱰᱟᱴᱟ ᱫᱚ ᱥᱟᱯᱷᱟ ᱵᱟᱝ ᱞᱟᱜᱟᱣ ᱠᱳᱣᱟ᱾ ᱛᱟᱵᱮ ᱢᱟᱹᱱᱢᱤ ᱰᱟᱴᱟ ᱫᱚ ᱫᱤᱱᱟᱹᱢ ᱫᱤᱱ ᱥᱟᱯᱷᱟ ᱞᱟᱹᱠᱛᱤ ᱠᱟᱱᱟ᱾

ᱫᱤᱱᱟᱹᱢ ᱫᱤᱱ ᱡᱚᱢ ᱯᱚᱨᱮ ᱥᱮᱛᱟᱜ ᱟᱨ ᱧᱤᱫᱟᱹ ᱡᱚᱢ ᱯᱚᱨᱮ ᱰᱟᱴᱟ ᱥᱟᱯᱷᱟ ᱡᱟᱹᱨᱩᱲᱟ᱾

ᱵᱟᱨᱦᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱯᱷᱮᱰᱟᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]