ᱰᱤᱭᱚᱱ ᱵᱟᱸᱥᱟ

ᱰᱤᱭᱚᱱ ᱵᱟᱸᱥᱟ ᱫᱚ ᱠᱟᱱᱟᱰᱟ ᱨᱮᱭᱟᱜ ᱵᱨᱤᱴᱤᱥ ᱠᱚᱞᱚᱢᱵᱤᱭᱟ ᱵᱚᱴᱟᱱᱤᱠᱟᱞ ᱜᱟᱨᱰᱮᱱ ᱨᱮ ᱦᱚᱭ ᱦᱤᱥᱤᱫ ᱟᱨ ᱥᱟᱸᱪᱚᱭ ᱠᱟᱹᱢᱤ ᱦᱚᱨᱟ ᱨᱤᱱᱤᱡ ᱠᱚᱳᱨᱰᱤᱱᱮᱴᱟᱨ ᱠᱟᱱᱟᱭ᱾^[᱑] ᱩᱱᱤ ᱫᱚ ᱥᱤᱧᱚᱛ ᱨᱤᱱᱤᱡ ᱢᱤᱫ ᱧᱩᱛᱩᱢᱟᱱ ᱥᱟᱹᱜᱟᱹᱭᱤᱭᱟᱹᱭ ᱛᱟᱦᱮᱸ ᱠᱟᱱᱟ᱾

ᱯᱟᱹᱪᱷᱞᱟᱹ ᱦᱟᱞᱚᱛ

ᱵᱟᱸᱥᱟ ᱫᱚ ᱥᱤᱧᱚᱛ ᱨᱮᱭᱟᱜ ᱢᱩᱢᱵᱟᱭ ᱨᱮ ᱡᱟᱱᱟᱢ ᱟᱨ ᱦᱟᱨᱟ ᱵᱩᱨᱩ ᱞᱮᱱᱟᱭ᱾ ᱩᱱᱤ ᱫᱚ ᱢᱩᱢᱵᱟᱭ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮ ᱠᱟᱹᱣᱰᱤ ᱟᱹᱨᱤ ᱟᱨ ᱵᱮᱯᱟᱨ ᱨᱮ ᱵᱮᱪᱞᱚᱨ ᱰᱤᱜᱽᱨᱤ ᱮ ᱯᱩᱨᱟᱹᱣ ᱠᱮᱫᱟ ᱟᱨ ᱑᱙᱙᱕ ᱨᱮ ᱢᱩᱢᱵᱟᱭ ᱨᱮᱭᱟᱜ ᱥᱳᱯᱷᱤᱭᱟ ᱯᱚᱞᱤᱴᱮᱠᱱᱤᱠ ᱨᱮ ᱥᱟᱶᱛᱟ ᱥᱟᱹᱜᱟᱹᱭ ᱢᱤᱰᱤᱭᱟ ᱨᱮ ᱢᱤᱫ ᱰᱤᱯᱞᱳᱢᱟ ᱮ ᱠᱮᱫ ᱠᱮᱫᱟ᱾ ᱩᱱᱤ ᱫᱚ ᱞᱚᱱᱰᱚᱱ ᱥᱠᱩᱞ ᱚᱯᱷ ᱤᱠᱳᱱᱚᱢᱤᱠᱥ (᱒᱐᱐᱐) ᱠᱷᱚᱱ ᱩᱛᱱᱟᱹᱣ ᱥᱴᱳᱰᱤᱡᱽ ᱨᱮ ᱢᱟᱥᱴᱚᱨ ᱰᱤᱜᱽᱨᱤ ᱦᱚᱸ ᱢᱮᱱᱟᱜ ᱛᱟᱭᱟ, ᱟᱨ ᱒᱐᱐᱘ ᱨᱮ ᱵᱟᱸᱥᱟ ᱫᱚ ᱟᱢᱮᱨᱤᱠᱟ ᱨᱮᱭᱟᱜ ᱥᱴᱮᱱᱯᱷᱳᱨᱰ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮ ᱥᱟᱹᱜᱟᱹᱭ ᱞᱟᱹᱜᱤᱫ ᱢᱤᱫ ᱟᱹᱰᱤ ᱜᱚᱨᱚᱵᱟᱱ ᱡᱚᱱ ᱮᱥ ᱱᱟᱭᱤᱴ ᱯᱷᱮᱞᱳᱥᱤᱯ ᱮ ᱧᱟᱢ ᱠᱮᱫᱟ᱾ ᱒᱐᱐᱙ ᱨᱮᱱᱟᱜ ᱛᱟᱞᱟ ᱨᱮ ᱩᱱᱤ ᱠᱟᱱᱟᱰᱟ ᱨᱮᱭᱟᱜ ᱥᱟᱭᱤᱢᱚᱱ ᱯᱷᱨᱟᱥᱮᱨ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮ ᱯᱚᱨᱭᱟᱵᱚᱨᱚᱱ ᱯᱚᱲᱦᱚᱱ ᱨᱮ ᱯᱤᱮᱪᱰᱤ ᱯᱟᱹᱴᱷᱩᱣᱟᱹ ᱞᱮᱠᱟᱛᱮ ᱵᱷᱤᱛᱨᱤ ᱮᱱᱟᱭ, ᱢᱮᱱᱠᱷᱟᱱ ᱒᱐᱑᱒ ᱨᱮ ᱥᱚᱸᱥᱟᱫᱷᱟᱱ ᱟᱨ ᱯᱚᱨᱭᱟᱵᱚᱨᱚᱱ ᱯᱨᱚᱵᱚᱸᱫᱷᱚᱱ ᱨᱮ ᱢᱟᱥᱴᱚᱨ ᱥᱟᱶ ᱮ ᱜᱨᱮᱡᱩᱣᱮᱴ ᱠᱮᱫᱟ᱾ ᱒᱐᱑᱐ ᱫᱷᱟᱹᱵᱤᱡ ᱩᱱᱤ ᱫᱚ ᱫᱮᱥᱤ ᱥᱟᱶᱛᱟ ᱥᱟᱸᱪᱟᱭ ᱟᱨ ᱞᱟᱠᱪᱟᱨ ᱫᱷᱚᱨᱚᱦᱚᱨ ᱨᱮ ᱨᱤᱥᱚᱨᱪ ᱨᱮᱭ ᱦᱮᱡ ᱪᱟᱞᱟᱣ ᱮᱱᱟ ᱟᱨ ᱠᱣᱟᱱᱴᱞᱮᱱ ᱯᱚᱞᱤᱴᱮᱠᱱᱤᱠ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮ ᱵᱷᱟᱥᱚᱱ ᱮ ᱮᱢ ᱠᱮᱫᱟ᱾^[᱒] ᱒᱐᱑᱕ ᱠᱷᱚᱱ ᱒᱐᱒᱑ ᱫᱷᱟᱹᱵᱤᱡ ᱩᱱᱤ ᱵᱨᱤᱴᱤᱥ ᱠᱚᱞᱚᱢᱵᱤᱭᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮ ᱥᱮᱞᱮᱫ ᱠᱷᱚᱱ ᱢᱟᱬᱟᱝ ᱨᱮ ᱞᱚᱣᱟᱨ ᱯᱷᱨᱟᱥᱮᱨ ᱮᱵᱳᱨᱤᱡᱤᱱᱟᱞ ᱱᱳᱞᱮᱡ ᱯᱨᱳᱡᱮᱠᱴ ᱮ ᱥᱟᱢᱵᱽᱲᱟᱣ ᱠᱮᱫᱟ, ᱡᱟᱦᱟᱸ ᱫᱚ ᱛᱮᱞ ᱰᱷᱟᱹᱣ ᱟᱨ ᱦᱚᱭ ᱦᱤᱥᱤᱫ ᱵᱚᱫᱚᱞ ᱨᱮ ᱡᱚᱵᱟᱵ ᱮ ᱮᱢ ᱠᱮᱫᱟ᱾

ᱥᱟᱹᱜᱟᱹᱭ

ᱵᱟᱸᱥᱟ ᱫᱚ ᱥᱤᱧᱚᱛ ᱨᱤᱱᱤᱡ ᱢᱤᱫ ᱧᱩᱛᱩᱢᱟᱱ ᱥᱟᱹᱜᱟᱹᱭᱤᱭᱟᱹᱭ ᱛᱟᱦᱮᱸ ᱠᱟᱱᱟ, ᱵᱟᱹᱲᱛᱤ ᱫᱚ ᱑᱙᱙᱐ ᱟᱨ ᱒᱐᱐᱐ ᱜᱮᱞᱟᱝ ᱨᱮ, ᱪᱟᱹᱥᱤ ᱠᱚ ᱛᱟᱞᱟ ᱨᱮ ᱜᱚᱡ ᱨᱮᱭᱟᱜ ᱠᱟᱛᱷᱟᱭ ᱩᱫᱩᱜ ᱥᱚᱫᱚᱨ ᱠᱮᱫᱟ, ᱥᱤᱧᱚᱛ ᱨᱮ ᱫᱷᱚᱨᱢᱚ ᱞᱟᱹᱜᱤᱫ ᱦᱩᱞ ᱠᱚ, ᱢᱟᱱᱣᱟ ᱟᱹᱭᱫᱟᱹᱨᱤ, ᱵᱷᱟᱨᱚᱛᱤᱭᱚ ᱯᱚᱨᱭᱟᱵᱚᱨᱚᱱ ᱵᱚᱛᱚᱨ ᱟᱨ ᱮᱴᱟᱜ ᱟᱹᱰᱤᱜᱟᱱ ᱜᱮ ᱱᱟᱯᱟᱭ ᱢᱩᱫᱽᱫᱟᱹ ᱠᱚ᱾ ᱩᱱᱤ ᱫᱚ ᱑᱙᱙᱕ ᱠᱷᱚᱱ ᱑᱙᱙᱙ ᱫᱷᱟᱹᱵᱤᱡ ᱫᱤ ᱴᱟᱭᱤᱢᱥ ᱚᱯᱷ ᱤᱱᱰᱤᱭᱟ ᱞᱟᱹᱜᱤᱫ ᱠᱟᱹᱢᱤ ᱠᱮᱫᱟ, ᱟᱨ ᱛᱟᱭᱚᱢ ᱛᱮ ᱒᱐᱐᱑ ᱠᱷᱚᱱ ᱒᱐᱐᱘ ᱫᱷᱟᱹᱵᱤᱡ ᱯᱷᱨᱚᱱᱴᱞᱟᱭᱤᱱ ᱢᱮᱜᱟᱡᱤᱱ ᱞᱟᱹᱜᱤᱫ ᱠᱟᱹᱢᱤ ᱠᱮᱫᱟ᱾ ᱩᱱᱤᱭᱟᱜ ᱪᱷᱟᱯᱟ ᱥᱚᱫᱚᱨ ᱚᱱᱩᱪᱷᱮᱫ ᱠᱚ ᱢᱟᱱᱣᱟ ᱟᱹᱭᱫᱟᱹᱨᱤ, ᱨᱟᱡᱽᱟᱹᱨᱤ, ᱵᱤᱨ ᱡᱤᱵᱽ ᱥᱟᱸᱪᱟᱭ ᱟᱨ ᱦᱚᱭ ᱦᱤᱥᱤᱫ ᱵᱚᱫᱚᱞ ᱪᱮᱛᱟᱱ ᱨᱮ ᱢᱮᱱᱟᱜᱼᱟ᱾^[᱓] ᱱᱮᱛᱟᱨ ᱜᱮ ᱩᱱᱤ ᱫᱚ ᱫᱤ ᱜᱟᱨᱰᱤᱭᱟᱱ ᱟᱨ ᱫᱤ ᱴᱳᱨᱳᱱᱴᱳ ᱥᱴᱟᱨ ᱞᱟᱹᱜᱤᱫ ᱮ ᱚᱞ ᱟᱠᱟᱫᱟ᱾ ᱩᱱᱤ ᱫᱚ ᱥᱠᱟᱨᱰ ᱧᱩᱛᱩᱢ ᱛᱮ ᱯᱩᱨᱚᱥᱠᱟᱨ ᱟᱢᱮᱴ ᱯᱩᱛᱷᱤᱭ ᱚᱞ ᱟᱠᱟᱫᱟ: ᱮᱠᱥᱯᱮᱨᱤᱢᱮᱱᱴᱥ ᱣᱤᱛᱷ ᱵᱷᱟᱭᱳᱞᱮᱸᱥ ᱤᱱ ᱜᱩᱡᱽᱨᱟᱴ (᱒᱐᱐᱖)᱾

ᱥᱤᱨᱯᱟᱹ ᱠᱚ

ᱩᱱᱤ ᱫᱚ ᱒᱐᱐᱖-᱒᱐᱐᱗ ᱨᱮ 'ᱯᱚᱨᱭᱟᱵᱚᱨᱚᱱ ᱨᱤᱯᱳᱨᱴᱤᱝ' ᱟᱨ 'ᱯᱩᱛᱷᱤ ᱠᱚ (ᱵᱟᱝ-ᱯᱷᱤᱠᱥᱚᱱ)' ᱞᱟᱹᱜᱤᱫ ᱨᱟᱢᱱᱟᱛᱷ ᱜᱳᱭᱮᱱᱠᱟ ᱮᱠᱥᱮᱞᱮᱱᱥ ᱤᱱ ᱡᱚᱨᱱᱟᱞᱤᱡᱚᱢ ᱮᱣᱟᱨᱰ ᱨᱮᱱᱟᱜ ᱵᱟᱨᱭᱟᱭ ᱟᱢᱮᱴ ᱠᱮᱫᱟ, ᱡᱟᱦᱟᱸ ᱫᱚ ᱵᱷᱟᱨᱚᱛ ᱨᱤᱱᱤᱡ ᱨᱟᱥᱴᱨᱚᱯᱚᱛᱤ ᱮ. ᱯᱤ. ᱡᱮ. ᱠᱟᱞᱟᱢ ᱦᱚᱛᱮᱛᱮ ᱥᱚᱫᱚᱨ ᱦᱩᱭ ᱞᱮᱱ ᱛᱟᱦᱮᱸᱱ;^[᱔] ᱒᱐᱐᱕ ᱨᱮ ᱮᱥᱤᱭᱟ ᱠᱚᱧᱮ ᱞᱟᱹᱜᱤᱫ ᱡᱟᱹᱛᱤᱭᱟᱹᱨᱤ ᱯᱷᱮᱰᱟᱨᱮᱥᱚᱱ ᱚᱯᱷ ᱡᱚᱨᱱᱟᱞᱤᱥᱴᱥ (ᱟᱭᱤᱮᱯᱷᱡᱮ) ᱡᱚᱨᱱᱟᱞᱤᱡᱚᱢ ᱯᱷᱳᱨ ᱴᱳᱞᱚᱨᱮᱸᱥ ᱯᱨᱟᱭᱤᱡ; ᱒᱐᱐᱓ ᱨᱮ ᱡᱚᱨᱱᱟᱞᱤᱡᱚᱢ ᱞᱟᱹᱜᱤᱫ ᱥᱟᱸᱥᱠᱨᱤᱛᱤ ᱮᱣᱟᱨᱰ;^[᱕] ᱟᱨ ᱒᱐᱐᱓ ᱨᱮ ᱯᱤᱯᱩᱞᱥ ᱭᱩᱱᱤᱭᱚᱱ ᱯᱷᱳᱨ ᱥᱤᱵᱷᱤᱞ ᱞᱤᱵᱚᱨᱴᱤᱡ ᱦᱩᱢᱟᱱ ᱨᱟᱭᱤᱴᱥ ᱮᱣᱟᱨᱰ᱾

ᱥᱟᱹᱠᱷᱭᱟᱹᱛ

↑ https://www.linkedin.com/in/dionnebunsha/?originalSubdomain=ca ᱪᱷᱟᱸᱪ:Self-published source
↑ https://www.linkedin.com/in/dionnebunsha/details/experience/ ᱪᱷᱟᱸᱪ:Self-published source
↑ "Class of 2009".
↑ "Ramnath Goenka Excellence in Journalism Awards 2006". Express India. Archived from the original on 28 January 2015. Retrieved 2014-11-01.
↑ "IFJ Global - Announcement of Winners for South Asia IFJ Journalism for Tolerance Prize". IFJ.org. 2005-12-23. Archived from the original on 10 September 2014. Retrieved 2011-09-02.

ᱵᱟᱦᱨᱮ ᱡᱚᱱᱚᱲ

ᱢᱩᱠᱷᱭᱟᱹ ᱣᱮᱵᱽᱥᱟᱭᱤᱴ of Dionne Bunsha

[1] ttps://www.linkedin.com/in/dionnebunsha/?originalSubdomain=ca ᱪᱷᱟᱸᱪ:Self-published source

[2] ttps://www.linkedin.com/in/dionnebunsha/details/experience/ ᱪᱷᱟᱸᱪ:Self-published source

[3] "Class of 2009".

[4] "Ramnath Goenka Excellence in Journalism Awards 2006". Express India. Archived from the original on 28 January 2015. Retrieved 2014-11-01.

[5] "IFJ Global - Announcement of Winners for South Asia IFJ Journalism for Tolerance Prize". IFJ.org. 2005-12-23. Archived from the original on 10 September 2014. Retrieved 2011-09-02.

[᱑]

[᱒]

[᱓]

[᱔]

[᱕]