ᱰᱤᱭᱟᱱᱟ ᱩᱯᱯᱟᱞ
ᱰᱤᱭᱟᱱᱟ ᱠᱚᱣᱨ ᱩᱯᱯᱟᱞ (ᱡᱟᱱᱟᱢ ᱓᱐ ᱡᱟᱱᱩᱣᱟᱨᱤ ᱑᱙᱘᱙) ᱵᱤᱴᱤᱥ ᱵᱤᱭᱩᱴᱤ ᱯᱮᱡᱮᱱᱴ ᱴᱟᱭᱴᱮᱞ ᱦᱚᱞᱰᱟᱨ, ᱮᱠᱴᱨᱮᱥ ᱟᱨ ᱵᱤᱡᱱᱮᱥ ᱮᱱᱴᱨᱚᱯᱨᱮᱱᱚᱨ ᱠᱟᱱᱟᱭ ᱾ ᱩᱱᱤ ᱫᱚ ᱢᱤᱥ ᱤᱱᱰᱤᱭᱟ ᱭᱩᱠᱮ ᱒᱐᱑᱒ ᱨᱮ ᱡᱤᱛᱠᱟᱹᱨᱤᱭᱟᱹ ᱠᱟᱱᱟᱭ ᱾ ᱩᱱᱤ ᱫᱚ ᱵᱤᱜᱽ ᱵᱨᱚᱫᱟᱨ (ᱵᱨᱤᱴᱤᱥ ᱥᱤᱨᱤᱡᱽ ᱑᱓) ᱨᱤᱱ ᱦᱟᱣᱩᱥᱢᱮᱴ ᱠᱷᱚᱱ ᱢᱤᱫ ᱦᱚᱲ ᱮ ᱛᱟᱦᱮᱸ ᱠᱟᱱᱟ, ᱯᱷᱤᱭᱟᱨ ᱯᱷᱮᱠᱴᱚᱨ, ᱠᱷᱟᱛᱨᱚᱸ ᱠᱮ ᱠᱷᱤᱞᱟᱲᱤ ᱕ ᱨᱤᱱ ᱠᱚᱱᱴᱮᱥᱴᱮᱱᱴ ᱠᱷᱚᱱ ᱢᱤᱫ ᱦᱚᱲ ᱮ ᱛᱟᱦᱮᱸ ᱠᱟᱱᱟ, ᱟᱨ ᱟᱭᱢᱟ ᱯᱷᱤᱞᱤᱢ ᱨᱮᱦᱚᱸ ᱧᱮᱞ ᱟᱠᱟᱱᱟᱭ ᱾ ᱩᱯᱯᱟᱞ ᱱᱤᱛᱚᱜ ᱰᱤᱠᱮᱭᱩ ᱣᱚᱨᱞᱰ ᱨᱮᱱᱟᱜ ᱟᱹᱰᱤ ᱜᱟᱱ ᱵᱤᱡᱱᱮᱥ ᱮ ᱪᱟᱞᱟᱣᱮᱫᱼᱟ ᱾ ᱩᱯᱯᱟᱞ ᱫᱚ ᱰᱤᱠᱮᱭᱩ ᱠᱟᱭᱤᱱᱰᱱᱮᱥ ᱰᱟᱭᱨᱤᱡᱽ ᱪᱮᱨᱤᱴᱮᱵᱚᱞ ᱴᱨᱚᱥᱴ ᱨᱤᱱᱤᱡ ᱵᱩᱱᱤᱭᱟᱹᱫᱤᱭᱟᱹ ᱠᱟᱱᱟᱭ ᱾ ᱰᱤᱭᱟᱱᱟᱣᱟᱜ ᱢᱩᱪᱟᱹᱫ ᱰᱚᱠᱩᱢᱮᱱᱴᱟᱨᱤ, ᱡᱟᱦᱟᱸ ᱩᱱᱤ ᱜᱮ ᱰᱟᱭᱨᱮᱠᱴ, ᱯᱨᱚᱰᱩᱥ ᱟᱨ ᱦᱚᱥᱴ ᱟᱠᱟᱫᱟ, ᱱᱤᱛᱚᱜ ᱡᱮᱜᱮᱛ ᱡᱟᱠᱟᱛ ᱪᱮᱱᱮᱞ ᱠᱚᱨᱮ ᱩᱫᱩᱜ ᱥᱚᱫᱚᱨᱚᱜ ᱠᱟᱱᱟ ᱾
ᱯᱟᱨᱥᱟᱞ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱩᱯᱯᱟᱞ ᱫᱚ ᱢᱤᱰᱤᱞᱥᱵᱚᱨᱚᱜᱽ ᱨᱮ ᱡᱟᱱᱟᱢ ᱞᱮᱱᱟᱭ ᱾ ᱩᱱᱤ ᱜᱤᱫᱽᱨᱟᱹ ᱛᱟᱦᱮᱸ ᱠᱟᱱ ᱚᱠᱛᱚ ᱟᱡ ᱵᱟᱵᱟ ᱫᱚ ᱠᱮᱱᱥᱟᱨ ᱛᱮᱭ ᱵᱚᱸᱜᱟ ᱛᱟᱞᱟ ᱞᱮᱱᱟ, ᱟᱨ ᱩᱱᱤ ᱫᱚ ᱑᱒ ᱵᱚᱪᱷᱚᱨ ᱩᱢᱮᱨ ᱨᱮ ᱢᱤᱰᱞᱮᱱᱰᱥ ᱛᱮᱭ ᱩᱪᱟᱹᱲ ᱞᱮᱱᱟ ᱾ ᱩᱯᱯᱟᱞ ᱱᱤᱛᱚᱜ ᱞᱚᱱᱰᱚᱱ ᱟᱨ ᱤᱱᱰᱤᱭᱟ ᱛᱟᱞᱟ ᱨᱮᱭ ᱛᱟᱦᱮᱸᱱᱟ ᱾
ᱵᱤᱜᱽ ᱵᱨᱚᱫᱟᱨ ᱑᱓
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱩᱯᱯᱟᱞ ᱫᱚ ᱒᱐᱑᱒ ᱨᱮ ᱵᱤᱜᱽ ᱵᱨᱚᱫᱟᱨ ᱑᱓ ᱨᱮᱭ ᱥᱮᱞᱮᱫ ᱞᱮᱱᱟ ᱾
ᱫᱤᱱ ᱑ ᱨᱮ, ᱩᱯᱯᱟᱞ ᱫᱚ ᱜᱮᱞ ᱢᱚᱬᱮ ᱜᱚᱴᱟᱝ ᱮᱴᱟᱜ ᱦᱟᱣᱩᱥᱢᱮᱴ ᱥᱟᱶᱛᱮ ᱚᱲᱟᱜ ᱮ ᱵᱚᱞᱚ ᱞᱮᱱᱟ ᱾ ᱩᱱᱤ ᱫᱚ ᱵᱤᱜᱽ ᱵᱨᱚᱫᱟᱨ ᱦᱚᱛᱮᱛᱮ ᱨᱮᱱᱰᱚᱢᱞᱤ ᱵᱟᱪᱷᱟᱣ ᱞᱮᱱᱟ ᱚᱲᱟᱜ ᱮ ᱵᱚᱞᱚᱜ ᱞᱟᱹᱜᱤᱫ ᱯᱩᱭᱞᱩ ᱦᱟᱣᱩᱥᱢᱮᱴ ᱞᱮᱠᱟᱛᱮ, ᱟᱨ ᱯᱟᱵᱽᱞᱤᱠ ᱤᱵᱷᱮᱠᱥᱚᱱ ᱠᱷᱚᱱ ᱤᱢᱭᱩᱱᱤᱴᱤ ᱧᱟᱢ ᱞᱟᱹᱜᱤᱫ ᱟᱡᱟᱜ ᱥᱟᱢᱟᱝ ᱨᱮ ᱢᱮᱱᱟᱜ ᱮᱴᱟᱜ ᱦᱟᱣᱩᱥᱢᱮᱴ ᱠᱷᱚᱱ ᱯᱮᱭᱟ ᱦᱚᱲ ᱮ ᱧᱩᱛᱩᱢ ᱮᱢ ᱞᱟᱹᱜᱤᱫ ᱛᱟᱦᱮᱸ ᱠᱟᱱᱟ ᱾ ᱫᱤᱱ ᱗᱐ ᱨᱮ, ᱩᱯᱯᱟᱞ ᱫᱚ ᱓ ᱟᱱᱟᱜ ᱴᱷᱟᱶ ᱨᱮ ᱚᱲᱟᱜ ᱮ ᱵᱟᱹᱜᱤ ᱠᱮᱫᱼᱟ ᱾ ᱩᱱᱤ ᱫᱚ ᱜᱚᱴᱟ ᱥᱤᱨᱤᱡᱽ ᱨᱮ ᱡᱚᱛᱚ ᱠᱷᱚᱱ ᱵᱟᱹᱲᱛᱤ ᱧᱩᱛᱩᱢ ᱮ ᱧᱟᱢ ᱞᱮᱫᱼᱟ ᱟᱨ ᱡᱚᱛᱚ ᱠᱷᱚᱱ ᱵᱟᱹᱲᱛᱤ ᱤᱵᱷᱮᱠᱥᱚᱱ ᱠᱷᱚᱱ ᱮ ᱵᱟᱧᱪᱟᱣ ᱞᱮᱱᱟ ᱾