ᱱᱚᱱᱫᱤᱱᱤ ᱠᱚᱨᱱᱟᱴᱚᱠᱤ
| ᱱᱚᱱᱫᱤ | |
|---|---|
 ᱠᱮᱱᱭᱟ ᱨᱮ ᱱᱚᱱᱫᱤ | |
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱱᱚᱱᱫᱤᱱᱤ ᱠᱚᱨᱱᱟᱴᱚᱠᱤ ᱘ ᱡᱟᱱᱩᱣᱟᱨᱤ ᱑᱙᱓᱙ ᱠᱚᱞᱦᱟᱯᱩᱨ, ᱠᱚᱞᱦᱟᱯᱩᱨ ᱯᱚᱱᱚᱛ, ᱵᱨᱤᱴᱤᱥ ᱨᱟᱡᱽ (ᱱᱤᱛ ᱫᱚ ᱢᱚᱦᱟᱨᱟᱥᱴᱨᱚ, ᱥᱤᱧᱚᱛ) |
| ᱜᱩᱨ | ᱒᱕ ᱢᱟᱨᱪ ᱒᱐᱑᱔ (᱗᱕ ᱵᱚᱭᱚᱥ) ᱢᱩᱢᱵᱟᱭ, ᱢᱚᱦᱟᱨᱟᱥᱴᱨᱚ, ᱥᱤᱧᱚᱛ |
| ᱠᱟᱹᱢᱤ | ᱮᱠᱴᱨᱮᱥ |
| ᱠᱟᱹᱢᱤ ᱚᱠᱛᱚ | 1948–1983 |
| ᱥᱤᱨᱯᱷᱟᱹ | Filmfare Best Supporting Actress Award for ᱟᱸᱪᱟᱞ (1960) |
ᱱᱚᱱᱫᱤᱱᱤ ᱠᱚᱨᱱᱟᱴᱚᱠᱤ (᱘ ᱡᱟᱱᱩᱣᱟᱨᱤ ᱑᱙᱓᱙ ᱼ ᱒᱕ ᱢᱟᱨᱪ ᱒᱐᱑᱔),[᱑] ᱱᱚᱱᱫᱟ ᱧᱩᱛᱩᱢ ᱛᱮ ᱵᱟᱰᱟᱭᱚᱜ ᱠᱟᱱ ᱢᱤᱫ ᱥᱤᱧᱚᱛᱤᱭᱟᱹ ᱟᱠᱴᱨᱮᱥ ᱠᱟᱱᱟᱭ, ᱡᱟᱦᱟᱸᱭ ᱫᱚ ᱦᱤᱱᱫᱤ ᱟᱨ ᱢᱚᱨᱟᱴᱷᱤ ᱯᱷᱤᱞᱢ ᱨᱮ ᱠᱟ.ᱢᱤ ᱟᱠᱟᱫ-ᱟ ᱾ ᱥᱤᱧᱚᱛᱤᱭᱟᱹ ᱥᱤᱱᱮᱢᱟ ᱨᱤᱱᱤᱡ ᱡᱚᱛᱚ ᱠᱷᱚᱱ ᱱᱟᱯᱟᱭ ᱟᱠᱴᱨᱮᱥ ᱢᱮᱱᱛᱮ ᱠᱚ ᱢᱟᱱᱟᱣᱟ ᱾ ᱟᱡᱟᱜ ᱠᱮᱨᱤᱭᱚᱨ ᱫᱚ ᱓᱐ ᱥᱮᱨᱢᱟ ᱫᱷᱟᱹᱵᱤᱡ ᱪᱟᱞᱟᱣ ᱞᱮᱱᱟ ᱾ ᱩᱱᱤ ᱫᱚ ᱪᱷᱳᱴᱤ ᱵᱟᱦᱮᱱ, ᱫᱷᱩᱞ ᱠᱟ ᱯᱷᱩᱞ, ᱵᱷᱟᱵᱽᱵᱤ, ᱠᱟᱞᱟ ᱵᱟᱡᱟᱨ, ᱠᱟᱱᱳᱱ, ᱦᱚᱢ ᱫᱳᱱᱳ, ᱡᱚᱵᱽ ᱡᱚᱵᱽ ᱯᱷᱩᱞ ᱠᱷᱤᱞᱮ, ᱜᱚᱢᱱᱟᱢ, ᱤᱴᱴᱮᱯᱷᱚᱠ, ᱴᱨᱮᱱ ᱟᱨ ᱯᱨᱮᱢ ᱨᱚᱜᱽ ᱨᱮ ᱟᱡᱟᱜ ᱮᱱᱮᱡ ᱞᱟᱹᱜᱤᱫ ᱛᱮ ᱵᱟᱰᱟᱭᱚᱜᱼᱟ ᱾[᱒][᱓]
ᱮᱛᱚᱦᱚᱵ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱱᱚᱱᱫᱟ ᱫᱚ ᱢᱚᱦᱟᱨᱟᱥᱴᱨᱚ ᱨᱮᱱ ᱢᱤᱫ ᱵᱷᱤᱱᱟᱭᱚᱠ ᱫᱟᱢᱳᱫᱚᱨ ᱠᱚᱨᱱᱟᱴᱚᱠᱤ (Master Vinayak) ᱟᱜ ᱜᱷᱟᱨᱚᱸᱡᱽ ᱨᱮ ᱡᱟᱱᱟᱢ ᱞᱮᱱᱟᱭ ᱾ ᱱᱚᱱᱫᱟ ᱫᱚ ᱢᱤᱫ ᱢᱚᱨᱟᱴᱷᱤ ᱮᱠᱴᱚᱨ-ᱯᱨᱚᱰᱭᱩᱥᱚᱨ-ᱰᱟᱭᱨᱮᱠᱴᱚᱨ ᱠᱟᱱᱟᱭ ᱾ ᱢᱤᱥᱴᱚᱨ ᱵᱤᱱᱚᱭᱚᱠ ᱫᱚ ᱥᱤᱧᱚᱛ ᱯᱷᱤᱞᱢ ᱤᱱᱰᱟᱥᱴᱨᱤ ᱨᱮ ᱟᱭᱢᱟ ᱦᱚᱲ ᱥᱟᱶ ᱡᱩᱲᱟᱹᱭ ᱛᱟᱦᱮᱸ ᱠᱟᱱᱟ ᱾ ᱟᱡᱤᱡ ᱵᱚᱭᱦᱟ ᱵᱚᱥᱩᱫᱮᱵᱽ ᱠᱚᱨᱱᱟᱴᱚᱠᱤ ᱫᱚ ᱢᱤᱫ ᱥᱤᱱᱮᱢᱟᱴᱳᱜᱨᱟᱯᱷᱚᱨ ᱛᱟᱦᱮᱸ ᱠᱟᱱᱟ ᱾ ᱟᱨ ᱵᱟᱵᱩᱨᱚᱣ ᱯᱮᱱᱫᱷᱟᱨᱠᱚᱨ (᱑᱘᱙᱖-᱑᱙᱖᱗) ᱟᱨ ᱵᱷᱚᱞᱡᱤ ᱯᱮᱱᱫᱷᱟᱨᱠᱚᱨ (᱑᱘᱙᱗-᱑᱙᱙᱔) ᱫᱚ ᱟᱡᱤᱡ ᱡᱟᱱᱟᱢ ᱵᱟᱵᱟ ᱠᱟᱱᱟ ᱠᱚ ᱾ ᱩᱱᱤ ᱫᱚ ᱯᱷᱤᱞᱢ ᱰᱟᱭᱨᱮᱠᱴᱚᱨ ᱵᱷᱤ. ᱥᱟᱱᱛᱟᱨᱟᱢ ᱢᱤᱥᱴᱚᱨ ᱵᱤᱱᱚᱭᱚᱠ ᱫᱚ ᱢᱚᱝᱜᱮᱥᱠᱚᱨ ᱜᱷᱟᱨᱚᱸᱡᱽ ᱨᱮᱱ ᱢᱤᱫ ᱥᱟᱹᱜᱟᱹᱭᱤᱡ ᱛᱟᱦᱮᱸ ᱠᱟᱱᱟᱭ ᱟᱨ ᱟᱡᱟᱜ ᱯᱷᱤᱞᱢ ᱯᱷᱟᱭᱤᱞᱤ ᱢᱚᱝᱜᱚᱞᱟᱜᱚᱨ ᱨᱮ ᱞᱚᱛᱟ ᱢᱚᱝᱜᱮᱥᱠᱚᱨ ᱫᱚ ᱯᱷᱤᱞᱢ ᱤᱱᱰᱚᱥᱴᱨᱤ ᱨᱮᱭ ᱥᱮᱞᱮᱫ ᱞᱮᱫ-ᱟ ᱾
ᱱᱚᱱᱫᱟ ᱫᱚ ᱗ ᱵᱚᱪᱷᱚᱨ ᱩᱢᱮᱨ ᱨᱮᱜᱮ ᱟᱡ ᱵᱟᱵᱟ ᱔᱑ ᱵᱚᱪᱷᱚᱨ ᱩᱢᱮᱨ ᱨᱮ ᱑᱙᱔᱗ ᱥᱟᱞᱮᱨᱮ ᱜᱩᱨ ᱞᱮᱱᱟᱭ ᱾ ᱜᱷᱟᱨᱚᱸᱡᱽ ᱨᱮ ᱟᱹᱰᱤ ᱞᱟᱹᱠᱛᱤᱭᱟᱱ ᱚᱠᱛᱚ ᱛᱟᱦᱮᱸ ᱠᱟᱱᱟ ᱾ ᱑᱙᱕᱐ ᱥᱮᱨᱢᱟ ᱨᱮᱱᱟᱜ ᱮᱛᱚᱦᱚᱵ ᱨᱮ ᱯᱷᱤᱞᱢ ᱨᱮ ᱠᱟᱢᱤ ᱠᱟᱛᱮ ᱟᱡᱟᱜ ᱜᱷᱟᱨᱚᱸᱡᱽ ᱨᱮ ᱜᱚᱲᱚ ᱥᱚᱦᱚᱫ ᱞᱟᱹᱜᱤᱫ ᱩᱱᱤ ᱫᱚ ᱜᱤᱫᱽᱨᱟ. ᱟᱠᱴᱨᱮᱥ ᱮ ᱛᱟᱦᱮᱸ ᱠᱟᱱᱟ ᱾ ᱯᱷᱤᱞᱤᱢ ᱨᱮ ᱥᱮᱞᱮᱫᱚᱜ ᱠᱷᱟᱹᱛᱤᱨ ᱟᱡᱟᱜ ᱥᱮᱪᱮᱫ ᱫᱚ ᱵᱟᱹᱲᱤᱡ ᱮᱱᱟ ᱟᱨ ᱚᱲᱟᱜ ᱨᱮ ᱧᱩᱛᱩᱢᱟᱱ ᱟᱥᱲᱟ ᱢᱟᱪᱮᱛ ᱟᱨ ᱵᱚᱢᱵᱮ ᱥᱠᱟᱣᱴᱥ ᱠᱚᱢᱤᱥᱚᱱᱚᱨ ᱜᱳᱠᱩᱞᱰᱟᱥ ᱵᱷᱤ. ᱢᱚᱠᱷᱤ ᱯᱷᱤᱞᱢ ᱨᱮ ᱠᱮᱨᱤᱭᱚᱨ ᱮᱛᱚᱦᱚᱵ ᱠᱟᱛᱮ, ᱩᱱᱤ ᱟᱡᱟᱜ ᱛᱩᱨᱩᱭ ᱜᱚᱴᱟᱝ ᱵᱚᱭᱦᱟ, ᱠᱩᱲᱤ ᱜᱤᱫᱽᱨᱟ. ᱠᱚᱭ ᱥᱟᱥᱚᱱ ᱟᱨ ᱥᱮᱪᱮᱫ ᱮ ᱮᱢ ᱞᱮᱫᱼᱟ ᱾ ᱟᱡᱤᱡ ᱢᱤᱫ ᱵᱚᱭᱦᱟ ᱫᱚ ᱢᱚᱨᱟᱴᱷᱤ ᱯᱷᱤᱞᱢ ᱰᱤᱨᱮᱠᱴᱚᱨ ᱡᱚᱭᱯᱨᱚᱠᱟᱥ ᱠᱚᱨᱱᱟᱴᱚᱠᱤ ᱠᱟᱱᱟᱭ ᱾ ᱡᱟᱦᱟᱸᱭ ᱫᱚ ᱮᱠᱴᱨᱮᱥ ᱡᱚᱭᱥᱨᱤ ᱴᱤ ᱥᱟᱶ ᱵᱟᱯᱞᱟ ᱞᱮᱱᱟᱭ ᱾
᱑᱙᱖᱕ ᱥᱟᱞᱮ ᱨᱮ, ᱡᱚᱵᱽ ᱡᱚᱵᱽ ᱯᱷᱩᱞ ᱠᱷᱤᱞᱮ ᱞᱟᱹᱜᱤᱫ ᱠᱟᱥᱢᱤᱨ ᱨᱮ ᱯᱷᱤᱞᱢ ᱪᱤᱛᱟᱹᱨ ᱚᱠᱛᱚ ᱨᱮ, ᱰᱤᱨᱮᱠᱴᱚᱨ ᱥᱩᱨᱟᱡᱽ ᱯᱨᱚᱠᱟᱥ ᱫᱚᱭ ᱢᱮᱱ ᱞᱮᱫ-ᱟ ᱡᱮ ᱢᱚᱦᱟᱨᱟᱥᱴᱨᱤᱭᱟᱱ ᱞᱤᱴᱮᱱᱮᱱᱴ ᱠᱚᱞᱚᱱᱮᱞ ᱱᱚᱱᱫᱟ ᱟᱜ ᱢᱚᱱᱮᱨᱮ ᱟᱞᱚᱢ ᱦᱮᱡ ᱞᱮᱱᱟ ᱟᱨ ᱩᱱᱤ ᱫᱚ ᱱᱚᱱᱫᱟ ᱟᱜ ᱵᱟᱯᱞᱟ ᱨᱮᱱᱟᱜ ᱯᱨᱳᱯᱷᱮᱥᱚᱨ ᱟᱡᱟᱜ ᱢᱟᱢᱟ ᱴᱷᱮᱱ ᱮ ᱥᱮᱞᱮᱫ ᱞᱟᱹᱜᱤᱫ ᱮ ᱢᱮᱱ ᱞᱮᱫ-ᱟ ᱾ ᱢᱩᱪᱟᱹᱫ ᱨᱮ, ᱱᱚᱶᱟ ᱠᱷᱚᱱ ᱡᱟᱦᱟᱱ ᱡᱤᱱᱤᱥ ᱵᱟᱭ ᱧᱟᱢ ᱞᱮᱱᱟ ᱾ ᱱᱚᱱᱫᱟ ᱨᱤᱱ ᱵᱚᱭᱦᱟ ᱠᱚ ᱫᱚ ᱟᱡ ᱞᱟᱹᱜᱤᱫ ᱟᱭᱢᱟ ᱠᱚᱲᱟ ᱠᱚ ᱠᱩᱞᱤ ᱞᱮᱫᱮᱭᱟ, ᱢᱮᱱᱠᱷᱟᱱ ᱩᱱᱤ ᱫᱚ ᱩᱱᱠᱩ ᱥᱟᱱᱟᱢ ᱠᱚᱭ ᱵᱚᱞᱚ ᱠᱮᱫᱮᱭᱟ ᱾
᱑᱙᱙᱒ ᱥᱟᱞᱮ ᱨᱮ, ᱢᱤᱫ ᱛᱟᱞᱟ ᱡᱩᱜᱽ ᱨᱮᱱ ᱱᱚᱱᱫᱟ ᱫᱚ ᱰᱤᱨᱮᱠᱴᱚᱨ ᱢᱚᱱᱢᱳᱦᱚᱱ ᱫᱮᱥᱟᱭ ᱥᱟᱶ ᱣᱚᱦᱤᱰᱟ ᱨᱮᱦᱢᱟᱱ ᱟᱜ ᱞᱟᱹᱭᱛᱮ ᱵᱟᱯᱞᱟ ᱮᱱᱟᱭ ᱾ ᱢᱮᱱᱠᱷᱟᱱ ᱜᱤᱨᱜᱟᱶ ᱨᱮ ᱟᱡᱟᱜ ᱠᱮᱱᱥᱟᱨ ᱟᱜ ᱜᱚᱡ ᱛᱟᱭᱚᱢ ᱢᱤᱫ ᱥᱮᱨᱢᱟ ᱛᱟᱭᱚᱢ ᱟᱡᱟᱜ ᱟᱭᱳ ᱫᱚ ᱠᱮᱱᱥᱟᱨ ᱟᱜ ᱜᱩᱨ ᱮᱱᱟ ᱾ ᱚᱱᱚᱞ ᱞᱮᱠᱟᱛᱮ, ᱩᱱᱤ ᱡᱟᱦᱟᱸ ᱨᱮᱭ ᱛᱤᱸᱜᱩ ᱞᱮᱱ ᱛᱟᱦᱮᱸᱫ ᱚᱱᱟ ᱫᱚ ᱨᱚᱦᱚᱲ ᱮᱱᱟ ᱾ ᱱᱚᱱᱫᱟ ᱫᱚ ᱵᱟᱞᱮ ᱵᱟᱯᱞᱟ ᱞᱮᱱᱟᱭ ᱾
ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱱᱚᱱᱫᱟ ᱫᱚ ᱢᱩᱢᱵᱟᱭ ᱨᱮ ᱟᱡᱟᱜ ᱚᱲᱟᱜ ᱨᱮ ᱛᱟᱦᱮᱸ ᱛᱟᱦᱮᱱᱟᱭ, ᱡᱟᱦᱟᱸ ᱨᱮ ᱟᱡᱟᱜ ᱜᱷᱟᱨᱚᱸᱡᱽ ᱟᱨ ᱟᱹᱰᱤ ᱥᱩᱨ ᱥᱩᱯᱩᱨ ᱠᱚ ᱥᱟᱶ ᱜᱮ ᱛᱟᱦᱮᱸ ᱠᱟᱱᱟᱭ ᱾ ᱯᱷᱤᱞᱢ ᱤᱱᱰᱟᱥᱴᱨᱤ ᱨᱮ ᱟᱡᱟᱜ ᱥᱩᱨ ᱥᱩᱯᱩᱨ ᱠᱚᱫᱚ ᱛᱟᱦᱮᱸ ᱠᱟᱱᱟ ᱣᱟᱦᱤᱰᱟ ᱨᱮᱦᱢᱟᱱ, ᱱᱚᱨᱜᱤᱥ, ᱟᱥᱟ ᱯᱟᱨᱮᱠᱷ, ᱦᱮᱞᱮᱱ, ᱥᱟᱭᱨᱟ ᱵᱟᱱᱩ, ᱢᱟᱞᱟ ᱥᱤᱱᱦᱟ, ᱥᱟᱫᱷᱟᱱᱟ, ᱥᱠᱤᱞᱟ ᱟᱨ ᱡᱚᱵᱤᱱ ᱡᱟᱞᱤᱞ ᱾ ᱒᱐᱑᱐ ᱥᱮᱨᱢᱟ ᱨᱮ ᱢᱟᱨᱟᱴᱷᱤ ᱯᱷᱤᱞᱢ ᱱᱟᱴᱟᱨᱟᱝᱜᱽ (᱒᱐᱑᱐) ᱨᱮᱱᱟᱜ ᱥᱠᱨᱤᱱᱤᱝ ᱞᱟᱹᱜᱤᱫ ᱛᱮ ᱨᱟᱦᱢᱟᱱ ᱥᱟᱶᱛᱮ ᱩᱱᱤ ᱫᱚ ᱥᱚᱨᱵᱚᱡᱚᱱᱤᱠ ᱮᱱᱮᱡ ᱮ ᱮᱛᱚᱦᱚᱵ ᱞᱮᱫ-ᱟ ᱾[᱔]
ᱜᱩᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱒᱕ ᱢᱟᱨᱪ ᱒᱐᱑᱔ ᱨᱮ ᱟᱡᱟᱜ ᱵᱷᱚᱨᱥᱳᱵᱟ ᱚᱲᱟᱜ ᱨᱮ ᱗᱕ ᱵᱚᱪᱷᱚᱨ ᱩᱢᱮᱨ ᱨᱮ ᱢᱩᱢᱵᱟᱭ ᱨᱮ ᱜᱩᱨ ᱮᱱᱟᱭ ᱾[᱕] ᱱᱩᱭ ᱫᱚ ᱟᱡᱤᱡ ᱥᱣᱟᱥᱛᱤᱠ ᱠᱚᱨᱱᱟᱴᱠᱤ ᱟᱨ ᱠᱚᱨᱚᱱ ᱜᱩᱨᱵᱟᱠᱥᱟᱱᱤ ᱫᱚ ᱢᱩᱢᱵᱟᱭ ᱨᱮ ᱰᱟᱭᱨᱮᱠᱴᱚᱨ ᱠᱟᱱᱟᱠᱤᱱ ᱾[᱖]
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ "Birthday special: 7 lesser known facts about veteran actress Nanda". indiatvnews.com. 7 January 2016. Retrieved 12 December 2017.
- ↑ "Veteran Bollywood Actress Nanda Passes Away -Bollywood, Featured, General News - India News Portal". indiascanner.com. Archived from the original on 8 September 2017. Retrieved 31 March 2014.
- ↑ "The Top 10 Films of Nanda". Rediff.
- ↑ "With Nanda's death, I have lost a very good friend: Actor Mala Sinha - Hindustan Times". Archived from the original on 29 March 2014.
- ↑ Death of Indian actress Nanda, in.lifestyle.yahoo.com. Retrieved 30 March 2014.
- ↑ Death of Indian actress Nanda, in.lifestyle.yahoo.com. Retrieved 30 March 2014.
ᱵᱟᱦᱨᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ᱱᱚᱱᱫᱤᱱᱤ ᱠᱚᱨᱱᱟᱴᱚᱠᱤ (ᱤᱱᱴᱚᱨᱱᱮᱴ ᱢᱩᱵᱷᱤ ᱰᱟᱴᱟᱵᱮᱥ ᱨᱮ)
- Veteran actress Nanda makes a rare appearance in 2010, movies.indiatimes.com. Retrieved 29 March 2014.
- Nanda's official website. Retrieved 29 March 2014.