ᱱᱚᱵᱽᱡᱳᱛ ᱠᱳᱣᱨ
ᱱᱚᱵᱽᱡᱳᱛ ᱠᱳᱣᱨ (ᱡᱟᱱᱟᱢ ᱑᱐ ᱯᱷᱮᱵᱽᱨᱩᱣᱟᱨᱤ ᱑᱙᱙᱐ ᱨᱮ ᱢᱤᱫ ᱥᱤᱠᱷ ᱡᱟᱴ ᱜᱷᱟᱨᱚᱸᱡᱽ ᱨᱮ) ᱫᱚ ᱢᱤᱫ ᱵᱷᱟᱨᱚᱛᱤᱭᱚ ᱨᱮᱥᱞᱟᱨ ᱠᱟᱱᱟᱭ ᱾ ᱩᱱᱤ ᱫᱚ ᱜᱞᱟᱥᱜᱳ ᱨᱮ ᱒᱐᱑᱔ ᱠᱚᱢᱚᱱᱣᱮᱞᱛᱷ ᱜᱮᱢᱥ ᱨᱮ ᱛᱤᱨᱞᱟᱹ ᱯᱷᱨᱤᱥᱴᱟᱭᱤᱞ ᱖᱗ ᱠᱤᱞᱳᱜᱨᱟᱢ ᱛᱷᱚᱠ ᱨᱮ ᱵᱷᱟᱨᱚᱛ ᱮ ᱨᱮᱯᱨᱮᱡᱮᱱᱴ ᱞᱮᱫᱼᱟ, ᱡᱟᱦᱟᱸ ᱨᱮ ᱩᱱᱤ ᱵᱨᱳᱸᱡᱽ ᱢᱮᱰᱟᱞ ᱮ ᱡᱤᱛᱠᱟᱹᱨ ᱞᱮᱫᱼᱟ ᱾ ᱩᱱᱤ ᱮᱥᱤᱭᱟᱱ ᱪᱟᱢᱯᱤᱭᱟᱱᱥᱤᱯ ᱨᱮ ᱥᱚᱱᱟ ᱢᱮᱰᱟᱞ ᱡᱤᱛᱠᱟᱹᱨ ᱟᱠᱟᱫ ᱯᱩᱭᱞᱩ ᱵᱷᱟᱨᱚᱛᱤᱭᱚ ᱛᱤᱨᱞᱟᱹ ᱨᱮᱥᱞᱟᱨ ᱮ ᱵᱮᱱᱟᱣ ᱮᱱᱟ ᱾
ᱠᱮᱨᱤᱭᱚᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱒᱐᱑᱑ ᱮᱥᱤᱭᱟᱱ ᱨᱮᱥᱞᱤᱝ ᱪᱟᱢᱯᱤᱭᱟᱱᱥᱤᱯ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱩᱡᱽᱵᱮᱠᱤᱥᱛᱟᱱ ᱨᱮᱱᱟᱜ ᱛᱟᱥᱠᱮᱱᱛ ᱨᱮ ᱦᱩᱭ ᱟᱠᱟᱱ ᱴᱩᱨᱱᱟᱢᱮᱱᱴ ᱨᱮ, ᱱᱚᱵᱽᱡᱳᱛ ᱛᱤᱨᱞᱟᱹ ᱯᱷᱨᱤᱥᱴᱟᱭᱤᱞ ᱖᱗ ᱠᱤᱞᱳᱜᱨᱟᱢ ᱛᱷᱚᱠ ᱨᱮᱱᱟᱜ ᱥᱮᱢᱤ-ᱯᱷᱟᱭᱱᱟᱞ ᱨᱮ ᱢᱚᱝᱜᱳᱞᱤᱭᱟ ᱨᱤᱱ ᱵᱟᱱᱡᱽᱭᱟᱨᱟᱜᱽᱡᱷ ᱳᱭᱩᱱᱥᱩᱨᱮᱱ ᱥᱟᱞᱟᱜ ᱮ ᱯᱷᱮᱥ ᱮᱱᱟ ᱟᱨ ᱓:᱑ ᱛᱮᱭ ᱦᱟᱨᱟᱣ ᱮᱱᱟ ᱾ ᱛᱟᱭᱚᱢ ᱛᱮ ᱩᱱᱤ ᱪᱤᱱ ᱨᱤᱱ ᱭᱩᱣᱟᱱᱭᱩᱣᱟᱱ ᱣᱟᱝ ᱵᱤᱨᱩᱫᱷ ᱨᱮ ᱵᱨᱳᱸᱡᱽ ᱢᱮᱰᱟᱞ ᱢᱮᱪ ᱨᱮᱭ ᱯᱷᱮᱥ ᱮᱱᱟ ᱟᱨ ᱟᱡᱤᱡ ᱪᱤᱱ ᱵᱤᱨᱳᱫᱷᱤ ᱕:᱐ ᱛᱮ ᱦᱟᱨᱟᱣ ᱠᱟᱛᱮ ᱵᱨᱳᱸᱡᱽ ᱢᱮᱰᱟᱞ ᱮ ᱡᱤᱛᱠᱟᱹᱨ ᱠᱮᱫᱼᱟ ᱾
᱒᱐᱑᱓ ᱨᱮᱥᱞᱤᱝ ᱣᱟᱨᱞᱰ ᱠᱟᱯ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱢᱚᱝᱜᱳᱞᱤᱭᱟ ᱨᱮᱱᱟᱜ ᱩᱞᱟᱱ-ᱵᱟᱟᱴᱟᱨ ᱨᱮ ᱦᱩᱭ ᱟᱠᱟᱱ ᱨᱮᱥᱞᱤᱝ ᱣᱟᱨᱞᱰ ᱠᱟᱯ ᱨᱮ, ᱱᱚᱵᱽᱡᱳᱛ ᱯᱮᱭᱟ ᱴᱷᱟᱶ ᱨᱮ ᱯᱩᱨᱟᱹᱣ ᱠᱟᱛᱮ ᱛᱤᱨᱞᱟᱹ ᱯᱷᱨᱤᱥᱴᱟᱭᱤᱞ ᱖᱗ ᱠᱤᱞᱳᱜᱨᱟᱢ ᱛᱷᱚᱠ ᱨᱮ ᱵᱨᱳᱸᱡᱽ ᱢᱮᱰᱟᱞ ᱮ ᱡᱤᱛᱠᱟᱹᱨ ᱠᱮᱫᱼᱟ ᱾
᱒᱐᱑᱓ ᱮᱥᱤᱭᱟᱱ ᱨᱮᱥᱞᱤᱝ ᱪᱟᱢᱯᱤᱭᱟᱱᱥᱤᱯ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱵᱷᱟᱨᱚᱛ ᱨᱮᱱᱟᱜ ᱱᱟᱣᱟ ᱫᱤᱞᱞᱤ ᱨᱮ ᱦᱩᱭ ᱟᱠᱟᱱ ᱴᱩᱨᱱᱟᱢᱮᱱᱴ ᱨᱮ, ᱱᱚᱵᱽᱡᱳᱛ ᱛᱤᱨᱞᱟᱹ ᱯᱷᱨᱤᱥᱴᱟᱭᱤᱞ ᱖᱗ ᱠᱤᱞᱳᱜᱨᱟᱢ ᱛᱷᱚᱠ ᱨᱮᱱᱟᱜ ᱥᱮᱢᱤ-ᱯᱷᱟᱭᱱᱟᱞ ᱨᱮ ᱠᱳᱨᱤᱭᱟ ᱨᱤᱱ ᱦᱭᱮᱠᱩᱝ ᱦᱟᱢ ᱥᱟᱞᱟᱜ ᱮ ᱯᱷᱮᱥ ᱮᱱᱟ ᱟᱨ ᱓:᱑ ᱛᱮᱭ ᱡᱤᱛᱠᱟᱹᱨ ᱮᱱᱟ ᱾ ᱛᱟᱭᱚᱢ ᱛᱮ ᱩᱱᱤ ᱢᱚᱝᱜᱳᱞᱤᱭᱟ ᱨᱤᱱ ᱱᱟᱥᱟᱱᱵᱩᱨᱢᱟ ᱳᱪᱤᱨᱵᱟᱴ ᱵᱤᱨᱩᱫᱷ ᱨᱮ ᱥᱚᱱᱟ ᱢᱮᱰᱟᱞ ᱵᱳᱴ ᱞᱟᱹᱜᱤᱫ ᱮ ᱠᱩᱣᱟᱞᱤᱯᱷᱟᱭ ᱮᱱᱟ ᱢᱮᱱᱠᱷᱟᱱ ᱑:᱓ ᱛᱮ ᱦᱟᱨᱟᱣ ᱠᱟᱛᱮ ᱥᱤᱞᱵᱷᱚᱨ ᱢᱮᱰᱟᱞ ᱞᱟᱹᱜᱤᱫ ᱮ ᱯᱩᱥᱴᱟᱹᱣ ᱠᱮᱫᱼᱟ ᱾
᱒᱐᱑᱔ ᱠᱚᱢᱚᱱᱣᱮᱞᱛᱷ ᱜᱮᱢᱥ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱛᱤᱨᱞᱟᱹ ᱯᱷᱨᱤᱥᱴᱟᱭᱤᱞ ᱖᱙ ᱠᱤᱞᱳᱜᱨᱟᱢ ᱛᱷᱚᱠ ᱨᱮ ᱦᱮᱯᱨᱟᱣ ᱠᱟᱛᱮ ᱱᱚᱵᱽᱡᱳᱛ ᱥᱮᱢᱤ-ᱯᱷᱟᱭᱱᱟᱞ ᱨᱮ ᱠᱟᱱᱟᱰᱟ ᱨᱤᱱ ᱰᱳᱨᱤ ᱭᱮᱴᱥ ᱥᱟᱞᱟᱜ ᱮ ᱯᱷᱮᱥ ᱮᱱᱟ ᱟᱨ ᱟᱡ ᱴᱷᱮᱱ ᱔:᱐ ᱛᱮᱭ ᱦᱟᱨᱟᱣ ᱮᱱᱟ ᱾ ᱢᱮᱱᱠᱷᱟᱱ ᱩᱱᱤ ᱵᱨᱳᱸᱡᱽ ᱢᱮᱰᱟᱞ ᱵᱳᱴ ᱨᱮ ᱦᱮᱯᱨᱟᱣ ᱫᱟᱲᱮ ᱠᱟᱛᱮ ᱥᱠᱚᱴᱞᱮᱱᱰ ᱨᱤᱱ ᱥᱟᱨᱟ ᱡᱳᱱᱥ ᱔:᱐ ᱛᱮ ᱦᱟᱨᱟᱣ ᱠᱟᱛᱮ ᱵᱨᱳᱸᱡᱽ ᱢᱮᱰᱟᱞ ᱮ ᱡᱤᱛᱠᱟᱹᱨ ᱠᱮᱫᱼᱟ ᱾
ᱯᱨᱳ ᱨᱮᱥᱞᱤᱝ ᱞᱤᱜᱽ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱱᱚᱵᱽᱡᱳᱛ ᱫᱚ ᱯᱨᱳ ᱨᱮᱥᱞᱤᱝ ᱞᱤᱜᱽ ᱨᱤᱱ ᱵᱮᱸᱜᱟᱞᱩᱨᱩ ᱯᱷᱨᱮᱸᱪᱟᱭᱤᱡᱤ (JSW ᱥᱯᱳᱨᱴ ᱨᱤᱱ ᱢᱟᱹᱞᱤᱠ ᱠᱟᱱᱟ) ᱦᱚᱛᱮᱛᱮ ᱠᱤᱨᱤᱧ ᱟᱠᱟᱱ ᱵᱟᱨᱭᱟ ᱵᱷᱟᱨᱚᱛᱤᱭᱚ ᱛᱤᱨᱞᱟᱹ ᱨᱮᱥᱞᱟᱨ ᱠᱚ ᱢᱩᱫᱽ ᱨᱮ ᱢᱤᱫ ᱦᱚᱲ ᱠᱟᱱᱟᱭ ᱾
ᱯᱨᱳ ᱨᱮᱥᱞᱤᱝ ᱞᱤᱜᱽ ᱫᱚ ᱖ ᱜᱚᱴᱟᱝ ᱥᱚᱦᱚᱨ ᱨᱮ ᱑᱐ ᱠᱷᱚᱱ ᱒᱗ ᱰᱤᱥᱮᱢᱵᱚᱨ ᱫᱷᱟᱹᱵᱤᱡ ᱫᱚᱦᱚ ᱞᱟᱹᱜᱤᱫ ᱛᱟᱦᱮᱸ ᱠᱟᱱᱟ ᱾