ᱱᱟᱛᱷᱟᱱᱤᱭᱟᱞ ᱢᱩᱨᱢᱩ
| ᱱᱟᱛᱷᱟᱱᱤᱭᱟᱞ ᱢᱩᱨᱢᱩ
Nathaniel Murmu | |
|---|---|
 | |
| ᱡᱟᱱᱟᱢ | ᱓ ᱥᱮᱯᱴᱮᱢᱵᱚᱨ ᱑᱙᱒᱖ ᱱᱟᱨᱟᱭᱚᱱᱯᱩᱨ ᱢᱤᱥᱚᱱ, ᱯᱟᱹᱪᱷᱤᱢ ᱫᱤᱱᱟᱡᱽᱯᱩᱨ, ᱯᱟᱹᱪᱷᱤᱢ ᱵᱟᱝᱞᱟ |
| ᱜᱩᱨ | ᱒᱕ ᱚᱠᱴᱚᱵᱚᱨ ᱑᱙᱘᱙ (ᱩᱢᱮᱨ ᱖᱓ ᱥᱮᱨᱢᱟ) ᱥᱤᱧᱚᱛ |
| ᱠᱟᱹᱢᱤ | ᱚᱱᱚᱞᱤᱭᱟᱹ ᱨᱟᱡᱟᱨᱤᱭᱟᱹ |
| ᱡᱟᱹᱛᱤᱭᱟᱹᱛ | ᱥᱤᱧᱚᱛᱤᱭᱟᱹ |
| ᱥᱮᱪᱮᱫ | ᱢᱮᱴᱨᱤᱠ |
ᱱᱟᱛᱷᱟᱱᱤᱭᱟᱞ ᱢᱩᱨᱢᱩᱫᱚ ᱢᱤᱫ ᱧᱩᱛᱩᱢᱟᱱ ᱥᱟᱱᱛᱟᱲᱤ ᱚᱱᱚᱞᱤᱭᱟᱹ, ᱨᱟᱡᱽᱟᱹᱨᱤᱭᱟᱹ ᱟᱨ ᱥᱟᱶᱛᱟ ᱥᱩᱥᱟᱹᱨᱤᱭᱟᱹᱭ ᱛᱟᱦᱮᱸ ᱠᱟᱱᱟ᱾ ᱟᱡᱟᱜ ᱯᱩᱨᱟᱹ ᱧᱩᱛᱩᱢ ᱫᱚ ᱱᱟᱛᱷᱟᱱᱤᱭᱮᱞ ᱨᱚᱵᱤᱱᱥᱚᱱ ᱢᱩᱨᱢᱩ ᱛᱟᱦᱮᱸ ᱠᱟᱱᱟ᱾ ᱩᱱᱤ ᱫᱚ ᱟᱡᱟᱜ ᱟᱭᱢᱟ ᱚᱞ ᱠᱚᱨᱮ "ᱢᱟᱨᱥᱟᱞ ᱫᱩᱛ" ᱵᱟᱦᱱᱟ ᱧᱩᱛᱩᱢᱮ ᱵᱮᱵᱷᱟᱨᱮᱫ ᱛᱟᱦᱮᱱᱟ᱾
ᱡᱟᱱᱟᱢ ᱟᱨ ᱜᱷᱟᱨᱚᱸᱡᱽ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱱᱟᱛᱷᱟᱱᱤᱭᱟᱞ ᱢᱩᱨᱢᱩ ᱫᱚ ᱓ ᱥᱮᱯᱴᱮᱢᱵᱚᱨ ᱑᱙᱒᱖ ᱥᱟᱞᱮ ᱨᱮ ᱯᱩᱪᱷᱤᱢ ᱵᱟᱝᱞᱟ ᱯᱚᱱᱚᱛ ᱨᱮᱭᱟᱜ ᱯᱩᱪᱷᱤᱢ ᱫᱤᱱᱟᱡᱽᱯᱩᱨ ᱡᱤᱞᱟᱹ ᱨᱮᱭ ᱡᱟᱱᱟᱢ ᱞᱮᱱᱟ᱾ ᱟᱡᱟᱜ ᱡᱟᱱᱟᱢ ᱟᱛᱳ ᱫᱚ ᱦᱤᱞᱤ ᱛᱷᱟᱱᱟ ᱛᱟᱹᱨᱤ ᱨᱮ ᱢᱮᱱᱟᱜ ᱱᱟᱨᱟᱭᱚᱱᱯᱩᱨ ᱢᱤᱥᱚᱱ ᱠᱟᱱᱟ᱾ ᱟᱡ ᱵᱟᱵᱟᱦᱟᱜ ᱧᱩᱛᱩᱢ ᱫᱚ ᱠᱚᱨᱱᱮᱞᱤᱭᱟᱢ ᱢᱩᱨᱢᱩ ᱛᱟᱦᱮᱸᱠᱟᱱᱟ᱾ ᱟᱡ ᱜᱚᱜᱚᱣᱟᱜ ᱧᱩᱛᱩᱢ ᱫᱚ ᱱᱟᱥᱚ ᱥᱚᱨᱮᱱ (ᱢᱩᱨᱢᱩ) ᱛᱟᱦᱮᱸᱠᱟᱱᱟ᱾ ᱩᱱᱤ ᱫᱚ ᱤᱥᱟᱹᱭ ᱫᱷᱚᱨᱚᱢᱮ ᱢᱟᱱᱟᱣᱮᱫ ᱛᱟᱦᱮᱱᱟ᱾[᱑][᱒]
ᱥᱮᱪᱮᱫ ᱟᱨ ᱠᱟᱹᱢᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱩᱱᱤᱭᱟᱜ ᱮᱛᱚᱦᱚᱵ ᱥᱮᱪᱮᱫ ᱫᱚ ᱱᱟᱨᱟᱭᱚᱱᱯᱩᱨ ᱢᱤᱥᱚᱱ ᱨᱮᱜᱮ ᱮᱦᱚᱵ ᱞᱮᱱᱟ ᱟᱨ ᱛᱩᱨᱩᱭ ᱪᱟᱱᱚᱪ ᱫᱷᱟᱹᱵᱤᱡ ᱚᱸᱰᱮᱭ ᱯᱟᱲᱦᱟᱣ ᱞᱮᱱᱟ᱾ ᱚᱱᱟ ᱛᱟᱭᱚᱢ ᱵᱟᱞᱩᱨᱜᱷᱟᱴ ᱦᱟᱭ ᱤᱥᱠᱩᱞ, ᱫᱤᱱᱟᱡᱽᱯᱩᱨ ᱦᱟᱭ ᱤᱥᱠᱩᱞ ᱟᱨ ᱠᱩᱪᱵᱤᱦᱟᱨ ᱨᱮᱭᱟᱜ ᱨᱟᱡᱟ ᱢᱚᱱᱤᱱᱫᱽᱨᱚ ᱱᱟᱨᱟᱭᱚᱱ ᱦᱟᱭ ᱤᱥᱠᱩᱞ ᱠᱷᱚᱱ ᱟᱡᱟᱜ ᱥᱮᱪᱮᱫ ᱮ ᱯᱩᱨᱟᱹᱣ ᱞᱮᱫᱼᱟ᱾ ᱚᱸᱰᱮ ᱠᱷᱚᱱ ᱜᱮ ᱠᱚᱞᱮᱡᱽ ᱦᱚᱸᱭ ᱯᱟᱥ ᱞᱮᱫᱼᱟ᱾[᱒] ᱑᱙᱔᱖ ᱥᱟᱞᱮ ᱨᱮ ᱥᱮᱪᱮᱫ ᱯᱩᱨᱟᱹᱣ ᱠᱟᱛᱮ ᱵᱟᱞᱩᱨᱜᱷᱟᱴ ᱛᱮᱭ ᱨᱩᱣᱟᱹᱲ ᱮᱱᱟ᱾ ᱱᱟᱨᱟᱭᱚᱱᱯᱩᱨ ᱢᱤᱥᱚᱱ ᱨᱮ ᱢᱟᱪᱮᱛ ᱞᱮᱠᱟᱛᱮ ᱟᱡᱟᱜ ᱠᱟᱹᱢᱤ ᱡᱤᱭᱚᱱ ᱫᱚᱭ ᱮᱦᱚᱵ ᱞᱮᱫᱼᱟ᱾ ᱵᱟᱨ ᱥᱮᱨᱢᱟ ᱢᱟᱪᱮᱛ ᱞᱮᱠᱟᱛᱮ ᱠᱟᱹᱢᱤ ᱛᱟᱭᱚᱢ ᱩᱱᱤ ᱫᱚ ᱨᱟᱡᱽᱟᱹᱨᱤ ᱨᱮᱭ ᱥᱮᱞᱮᱫ ᱮᱱᱟ᱾
ᱨᱟᱡᱽᱟᱹᱨᱤ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱨᱟᱡᱽᱟᱹᱨᱤ ᱨᱮ ᱩᱱᱤ ᱫᱚ Revolutionary Socialist Party (RSP) ᱨᱤᱱᱤᱡ ᱡᱤᱭᱚᱱ ᱵᱷᱩᱨ ᱨᱟᱹᱥᱤᱭᱟᱹᱭ ᱛᱟᱦᱮᱸᱠᱟᱱᱟ᱾ ᱱᱟᱛᱷᱟᱱᱤᱭᱮᱞ ᱢᱩᱨᱢᱩ ᱫᱚ ᱑᱙᱖᱒, ᱑᱙᱖᱗, ᱑᱙᱖᱙ ᱟᱨ ᱑᱙᱗᱗ ᱥᱟᱞᱮ ᱨᱮ ᱯᱩᱪᱷᱤᱢ ᱵᱟᱝᱞᱟ ᱵᱤᱫᱷᱟᱱᱥᱚᱵᱷᱟ ᱨᱮᱱ ᱵᱤᱫᱷᱟᱭᱚᱠ ᱞᱮᱠᱟᱛᱮᱭ ᱵᱟᱪᱷᱚᱱ ᱞᱮᱱᱟ᱾ ᱱᱚᱶᱟ ᱚᱠᱛᱮ ᱨᱮ ᱩᱱᱤ ᱫᱚ ᱟᱹᱫᱤᱵᱟᱹᱥᱤ ᱞᱟᱦᱟᱱᱛᱤ ᱞᱟᱹᱜᱤᱫ ᱟᱭᱢᱟ ᱠᱚᱢᱤᱥᱚᱱ ᱥᱟᱶ ᱡᱚᱲᱟᱣᱮ ᱛᱟᱦᱮᱸᱠᱟᱱᱟ᱾
ᱥᱟᱶᱦᱮᱫ ᱮᱱᱮᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ᱑᱙᱕᱔-᱕᱕ ᱥᱟᱞᱮ ᱨᱮ ᱵᱟᱞᱩᱨᱜᱷᱟᱴ ᱨᱮ "ᱡᱩᱜᱽ ᱟᱨᱥᱟᱞ" ᱪᱷᱟᱯᱟᱜᱟᱲᱮ ᱵᱮᱨᱮᱫ ᱞᱮᱫᱟ᱾ ᱚᱸᱰᱮ ᱠᱷᱚᱱ ᱜᱮ "ᱡᱩᱜᱽ ᱟᱨᱥᱟᱞ" ᱧᱩᱛᱩᱢᱟᱱ ᱪᱟᱸᱫᱚᱠᱤᱭᱟᱹ ᱯᱟᱛᱷᱟᱢᱮ ᱯᱟᱨᱥᱟᱞ ᱞᱮᱫᱟ᱾
- ᱟᱡᱟᱜ ᱠᱩᱨᱩᱢᱩᱴᱩ ᱛᱮ ᱑᱙᱕᱙ ᱥᱟᱞᱮ ᱨᱮ ᱡᱷᱟᱨᱠᱷᱟᱱᱰ ᱨᱮᱭᱟᱜ ᱫᱩᱢᱠᱟᱹ ᱨᱮ "All India Santali Linguistic Committee" ᱵᱮᱨᱮᱫ ᱞᱮᱱᱟ᱾ ᱱᱚᱶᱟ ᱠᱚᱢᱤᱴᱤ ᱯᱟᱦᱴᱟ ᱠᱷᱚᱱ ᱜᱮ "ᱟᱲᱟᱝ" ᱧᱩᱛᱩᱢᱟᱱ ᱯᱟᱛᱷᱟᱢ ᱨᱳᱢᱟᱱ ᱪᱤᱠᱤ ᱛᱮ ᱪᱷᱟᱯᱟ ᱮᱦᱚᱵ ᱞᱮᱱᱟ᱾
- ᱑᱙᱖᱕ ᱥᱟᱞᱮ ᱨᱮ ᱠᱚᱞᱠᱟᱛᱟ ᱨᱮ "ᱥᱟᱱᱛᱟᱞᱤ ᱞᱤᱴᱟᱨᱮᱨᱤ ᱮᱱᱰ ᱠᱟᱞᱪᱟᱨᱟᱞ ᱥᱚᱥᱟᱭᱴᱤ" ᱵᱮᱨᱮᱫ ᱨᱮ ᱟᱡᱟᱜ ᱟᱹᱰᱤ ᱢᱟᱨᱟᱝ ᱮᱱᱮᱢ ᱛᱟᱦᱮᱸᱠᱟᱱᱟ᱾
- ᱑᱙᱗᱑ ᱥᱟᱞᱮ ᱠᱷᱚᱱ ᱑᱙᱘᱙ ᱫᱷᱟᱹᱵᱤᱡ ᱩᱱᱤ ᱫᱚ "ᱡᱩᱜᱽ ᱥᱤᱨᱤᱡᱚᱞ" ᱯᱟᱛᱷᱟᱢ ᱨᱮᱱ ᱡᱤᱭᱚᱱ ᱵᱷᱩᱨ ᱥᱟᱯᱲᱟᱣᱤᱭᱟᱹᱭ ᱛᱟᱦᱮᱸᱠᱟᱱᱟ᱾
- ᱩᱱᱤ ᱫᱚ ᱨᱳᱢᱟᱱ ᱪᱤᱠᱤ ᱪᱮᱛᱟᱱ ᱨᱮ ᱟᱹᱰᱤ ᱜᱚᱨᱚᱡᱽ ᱛᱟᱦᱮᱸᱠᱟᱱ ᱛᱟᱭᱟ᱾ ᱚᱱᱟᱛᱮ "ᱡᱩᱜᱽ ᱥᱤᱨᱤᱡᱚᱞ" ᱯᱟᱛᱷᱟᱢ ᱫᱚ ᱨᱳᱢᱟᱱ ᱪᱤᱠᱤ ᱛᱮᱜᱮᱭ ᱯᱟᱨᱥᱟᱞᱮᱫ ᱛᱟᱦᱮᱱᱟ᱾
- ᱟᱡᱟᱜ ᱟᱭᱢᱟ ᱥᱟᱶᱛᱟᱨᱤ ᱟᱨ ᱨᱟᱡᱽᱟᱹᱨᱤ ᱚᱱᱚᱞ, ᱠᱟᱹᱦᱱᱤ ᱟᱨ ᱥᱮᱨᱮᱧ ᱠᱚ "ᱢᱟᱨᱥᱟᱞ ᱫᱩᱛ" ᱵᱟᱦᱱᱟ ᱧᱩᱛᱩᱢ ᱛᱮ ᱯᱟᱨᱥᱟᱞ ᱟᱠᱟᱱᱟ᱾
ᱯᱟᱨᱥᱟᱞ ᱟᱠᱟᱱ ᱯᱩᱛᱷᱤ ᱠᱚ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- "ᱟᱱᱟᱲᱤ ᱦᱚᱲ" ᱫᱚ ᱢᱤᱫ ᱯᱩᱛᱷᱤ ᱠᱟᱱᱟ, ᱡᱟᱦᱟᱸ ᱨᱮᱭᱟᱜ ᱯᱟᱨᱥᱟᱞ ᱥᱮᱨᱢᱟ ᱫᱚ ᱵᱟᱝ ᱵᱟᱰᱟᱭ ᱟᱠᱟᱱᱟ᱾
- "ᱠᱟᱹᱠᱤ ᱜᱳ" ᱯᱩᱛᱷᱤ ᱨᱮᱭᱟᱜ ᱯᱟᱨᱥᱟᱞ ᱥᱮᱨᱢᱟ ᱫᱚ ᱵᱟᱝ ᱵᱟᱰᱟᱭ ᱟᱠᱟᱱᱟ᱾
- "ᱵᱩᱨᱥᱤ ᱥᱮᱸᱜᱮᱞ" ᱯᱩᱛᱷᱤ ᱨᱮᱭᱟᱜ ᱯᱟᱨᱥᱟᱞ ᱥᱮᱨᱢᱟ ᱫᱚ ᱵᱟᱝ ᱵᱟᱰᱟᱭ ᱟᱠᱟᱱᱟ᱾
- "ᱠᱚᱢᱭᱩᱱᱤᱥᱴ ᱤᱥᱛᱟᱦᱟᱨ" ᱫᱚ ᱢᱤᱫ ᱚᱱᱚᱞ ᱯᱩᱛᱷᱤ ᱠᱟᱱᱟ, ᱡᱟᱦᱟᱸ ᱫᱚ ᱑᱙᱗᱘ ᱥᱟᱞᱮ ᱨᱮ ᱯᱟᱨᱥᱟᱞ ᱟᱠᱟᱱᱟ᱾
- "ᱚᱡᱚᱭ ᱜᱟᱰᱟ ᱰᱷᱤᱯ ᱨᱮ" ᱫᱚ ᱢᱤᱫ ᱜᱟᱢᱟᱢ ᱠᱟᱱᱟ, ᱡᱟᱦᱟᱸ ᱫᱚ ᱑᱙᱙᱔ ᱥᱟᱞᱮ ᱨᱮ ᱯᱟᱨᱥᱟᱞ ᱟᱠᱟᱱᱟ᱾ ᱱᱚᱶᱟ ᱫᱚ ᱥᱟᱱᱛᱟᱲᱤ ᱥᱟᱶᱦᱮᱫ ᱨᱮᱱᱟᱜ ᱢᱤᱫ ᱫᱟᱢᱟᱱ ᱯᱩᱛᱷᱤ ᱞᱮᱠᱟᱛᱮ ᱞᱮᱠᱷᱟᱜᱼᱟ᱾
ᱢᱟᱹᱱ ᱟᱨ ᱵᱚᱸᱜᱟ ᱛᱟᱞᱟ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱟᱱᱛᱟᱲᱤ ᱯᱟᱹᱨᱥᱤ-ᱥᱟᱶᱦᱮᱫ ᱟᱨ ᱥᱟᱶᱛᱟ ᱨᱮ ᱟᱡᱟᱜ ᱮᱱᱮᱢ ᱠᱷᱟᱹᱛᱤᱨ ᱯᱩᱪᱷᱤᱢ ᱵᱟᱝᱞᱟ ᱥᱚᱨᱠᱟᱨ ᱫᱚ ᱑᱙᱘᱙ ᱥᱟᱞᱮ ᱨᱮ "ᱜᱩᱱᱤᱡᱚᱱ"ᱢᱟᱹᱱ ᱛᱮᱭ ᱥᱟᱨᱦᱟᱣ ᱞᱮᱫᱮᱭᱟ᱾ ᱱᱟᱛᱷᱟᱱᱤᱭᱮᱞ ᱢᱩᱨᱢᱩ ᱫᱚ ᱒᱕ ᱚᱠᱴᱚᱵᱚᱨ ᱑᱙᱘᱙ ᱥᱟᱞᱮ ᱨᱮᱭ ᱵᱚᱸᱜᱟ ᱛᱟᱞᱟ ᱭᱮᱱᱟ᱾