ᱱᱟᱠᱷᱚᱫᱟ ᱢᱚᱥᱡᱤᱫᱽ
| ᱱᱟᱠᱷᱚᱫᱟ ᱢᱚᱥᱡᱤᱫᱽ | |
|---|---|
নাখোদা মসজিদ | |
 The mosque at night, in 2014 | |
| Religion | |
| Affiliation | ᱥᱩᱱᱱᱤ ᱤᱥᱞᱟᱢ |
| Sect | ᱦᱟᱱᱟᱯᱷᱤ ᱟᱥᱲᱟ |
| Ecclesiastical or organisational status | ᱢᱚᱥᱡᱤᱫᱽ!-- or |
| Status | Active |
| Location | |
| Location | ᱠᱚᱞᱠᱟᱛᱟ, ᱯᱚᱪᱷᱤᱢ ᱵᱟᱝᱞᱟ |
| Country | ᱤᱧᱚᱛ |
  ᱠᱚᱞᱠᱟᱛᱟ ᱨᱮ ᱴᱷᱟᱶ | |
| Geographic coordinates | 22°34′35″N 88°21′21″E / 22.57639°N 88.35583°ECoordinates: 22°34′35″N 88°21′21″E / 22.57639°N 88.35583°E |
| Architecture | |
| Architect(s) | Cutchi Memon Jamat |
| Type | Mosque architecture |
| Style | |
| Founder | ᱱᱟᱵᱟᱵᱽ ᱥᱤᱨᱟᱡᱽ ᱩᱫᱽ ᱫᱳᱞᱦᱟ |
| Completed | 1926 |
| Construction cost |  1,500,000 |
| Specifications | |
| Direction of façade | West |
| Capacity | 10,000 worshipers |
| Dome(s) | Three |
| Minaret(s) | 27 |
| Minaret height | 46 m (151 ft) (highest) |
| Website | |
| nakhodamasjid | |
ᱱᱟᱠᱷᱚᱫᱟ ᱢᱚᱥᱡᱤᱫᱽ ᱫᱚ ᱢᱤᱫᱴᱟᱹᱝ ᱥᱩᱱᱱᱤ ᱢᱚᱥᱡᱤᱫᱽ ᱠᱟᱱᱟ, ᱡᱟᱦᱟᱸ ᱫᱚ ᱵᱷᱟᱨᱚᱛ ᱫᱤᱥᱚᱢ ᱯᱚᱪᱷᱤᱢ ᱵᱟᱝᱞᱟ ᱯᱚᱱᱚᱛ ᱨᱮᱭᱟᱜ ᱠᱚᱞᱠᱟᱛᱟ ᱨᱮ ᱢᱮᱱᱟᱜᱼᱟ ᱾ ᱱᱚᱣᱟ ᱢᱚᱥᱡᱤᱫᱽ ᱫᱚ ᱛᱟᱞᱢᱟ ᱠᱚᱞᱠᱟᱛᱟ ᱨᱮᱭᱟᱜ ᱵᱩᱨᱨᱟᱵᱟᱡᱟᱨ ᱵᱮᱯᱟᱨ ᱴᱚᱴᱷᱟ ᱨᱮᱭᱟᱜ ᱪᱤᱛᱯᱩᱨ ᱮᱞᱟᱠᱟ ᱨᱮ, ᱡᱟᱠᱟᱨᱤᱭᱟ ᱥᱴᱨᱤᱴ ᱟᱨ ᱨᱚᱵᱤᱱᱫᱽᱨᱚ ᱥᱚᱨᱚᱱᱤ ᱨᱮᱭᱟᱜ ᱡᱚᱲᱟᱣ ᱰᱟᱦᱟᱨ ᱨᱮ ᱢᱮᱱᱟᱜᱼᱟ ᱾ ᱑᱙᱒᱖ ᱥᱟᱞᱮ ᱨᱮ ᱵᱮᱱᱟᱣ ᱯᱩᱨᱩᱱ ᱟᱠᱟᱱ ᱱᱚᱣᱟ ᱢᱚᱥᱡᱤᱫᱽ ᱫᱚ ᱠᱚᱞᱠᱟᱛᱟ ᱨᱮᱭᱟᱜ ᱢᱩᱬ ᱢᱚᱥᱡᱤᱫᱽ ᱠᱟᱱᱟ ᱟᱨ ᱱᱚᱣᱟ ᱫᱚ ᱦᱟᱱᱟᱯᱷᱤ ᱥᱠᱩᱞ ᱥᱟᱞᱟᱜ ᱡᱩᱲᱟᱹᱭ ᱢᱮᱱᱟᱜᱼᱟ ᱾
ᱱᱟᱜᱟᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱑᱘᱕᱔ ᱥᱟᱞᱮ ᱢᱟᱬᱟᱝ ᱨᱮ, ᱱᱤᱛᱟᱹᱜ ᱴᱷᱟᱶ ᱨᱮ ᱵᱟᱨᱭᱟ ᱵᱷᱮᱜᱟᱨ ᱵᱷᱮᱜᱟᱨ ᱢᱚᱥᱡᱤᱫᱽ ᱛᱟᱦᱮᱸ ᱠᱟᱱᱟ ᱾ ᱦᱟᱡᱤ ᱡᱟᱠᱟᱨᱤᱭᱟ, ᱢᱤᱫᱴᱟᱹᱝ (ᱠᱩᱴᱪᱷᱤ) ᱠᱩᱴᱪᱷᱤ ᱢᱮᱢᱚᱱ ᱵᱮᱯᱟᱨᱤ ᱟᱨ ᱵᱮᱯᱟᱨ ᱨᱮ ᱟᱹᱰᱤ ᱢᱟᱨᱟᱝ ᱦᱚᱲ, ᱩᱱᱤ ᱫᱚ ᱱᱤᱭᱟᱹᱢᱤ ᱢᱩᱥᱟᱞᱞᱤ (ᱵᱷᱟᱠᱛ) ᱮ ᱛᱟᱦᱮᱸ ᱠᱟᱱᱟ ᱾ ᱠᱩᱴᱪᱷᱤ ᱢᱮᱢᱚᱱ ᱫᱚ ᱢᱤᱫᱴᱟᱹᱝ ᱢᱩᱥᱞᱤᱢ ᱜᱟᱶᱛᱟ ᱠᱟᱱᱟ ᱡᱟᱦᱟᱸ ᱫᱚ ᱑᱘᱒᱓ ᱥᱟᱞᱮ ᱠᱷᱚᱱ ᱠᱚᱞᱠᱟᱛᱟ ᱠᱚ ᱦᱮᱡ ᱞᱮᱱᱟ ᱾
ᱦᱟᱡᱤ ᱡᱟᱠᱟᱨᱤᱭᱟ ᱫᱚ ᱥᱩᱱᱱᱤ ᱢᱩᱥᱞᱤᱢ ᱜᱟᱶᱛᱟ ᱨᱮᱱ ᱟᱹᱭᱩᱨᱤᱭᱟᱹ ᱮ ᱛᱟᱦᱮᱸ ᱠᱟᱱᱟ ᱡᱟᱦᱟᱸ ᱫᱚ ᱱᱤᱛᱚᱜᱟᱜ ᱢᱚᱥᱡᱤᱫᱽ ᱨᱮᱭᱟᱜ ᱥᱩᱨ ᱥᱩᱯᱩᱨ ᱨᱮ ᱠᱚ ᱛᱟᱦᱮᱸᱱ ᱠᱟᱱ ᱛᱟᱦᱮᱸᱫ ᱾ ᱠᱩᱴᱪᱷᱤ ᱢᱮᱢᱚᱱ ᱫᱚ ᱢᱤᱫᱴᱟᱹᱝ ᱵᱮᱯᱟᱨ ᱜᱟᱶᱛᱟ ᱠᱟᱱᱟ ᱟᱨ ᱩᱱᱠᱩ ᱨᱮᱭᱟᱜ ᱟᱹᱰᱤ ᱜᱟᱱ ᱜᱮ ᱡᱟᱦᱟᱡᱽ ᱵᱮᱯᱟᱨ ᱛᱟᱦᱮᱸ ᱠᱟᱱᱟ ᱾ ᱦᱟᱡᱤ ᱡᱟᱠᱟᱨᱤᱭᱟ ᱫᱚ ᱚᱱᱟ ᱜᱟᱶᱛᱟ ᱨᱮᱱ ᱢᱩᱠᱷᱤᱭᱟᱹᱭ ᱛᱟᱦᱮᱸ ᱠᱟᱱᱟ, ᱩᱱᱤ ᱫᱚ ᱙᱙ ᱜᱚᱴᱟᱝ ᱡᱟᱦᱟᱡᱽ ᱛᱟᱦᱮᱸ ᱠᱟᱱᱟ ᱟᱨ ᱟᱹᱰᱤ ᱜᱟᱱ ᱚᱛ ᱦᱟᱥᱟ ᱨᱮᱱ ᱢᱟᱹᱞᱤᱠ ᱮ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱪᱤᱱᱤ ᱵᱮᱯᱟᱨ ᱨᱮᱱ ᱨᱟᱡᱟ ᱦᱚᱸᱠᱚ ᱢᱮᱛᱟᱭ ᱠᱟᱱ ᱛᱟᱦᱮᱸᱫ ᱟᱨ ᱱᱚᱣᱟ ᱫᱚ ᱠᱚᱞᱠᱟᱛᱟ ᱨᱮᱭᱟᱜ ᱛᱟᱞᱢᱟ ᱮᱵᱷᱮᱱᱤᱭᱩ ᱨᱮ ᱛᱟᱦᱮᱸᱱ ᱠᱟᱱ ᱰᱮᱰ ᱜᱷᱟᱨᱚᱸᱡᱽ ᱦᱚᱸ ᱠᱚ ᱯᱩᱥᱴᱟᱹᱣ ᱫᱟᱲᱮᱭᱟᱜᱼᱟ ᱾
ᱦᱟᱡᱤ ᱡᱟᱠᱟᱨᱤᱭᱟ ᱫᱚ ᱢᱤᱫᱴᱟᱹᱝ ᱫᱟᱱ ᱮᱢᱚᱜᱤᱡ ᱟᱨ ᱫᱷᱚᱨᱚᱢ ᱦᱚᱲ ᱮ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱵᱟᱨᱭᱟ ᱢᱚᱥᱡᱤᱫᱽ ᱨᱮᱭᱟᱜ ᱠᱟᱹᱢᱤ ᱵᱷᱟᱨ ᱮ ᱦᱟᱛᱟᱣ ᱠᱮᱫᱼᱟ ᱟᱨ ᱵᱟᱨᱭᱟ ᱢᱚᱥᱡᱤᱫᱽ ᱛᱟᱞᱟ ᱨᱮᱱᱟᱜ ᱚᱛ ᱦᱟᱥᱟ ᱦᱚᱸᱭ ᱠᱤᱨᱤᱧ ᱠᱮᱫᱼᱟ ᱾ ᱤᱱᱟᱹ ᱛᱟᱭᱚᱢ ᱩᱱᱤ ᱫᱚ ᱟᱡᱟᱜ ᱯᱩᱭᱥᱟᱹ ᱛᱮ ᱢᱤᱫᱴᱟᱹᱝ ᱟᱹᱰᱤ ᱢᱟᱨᱟᱝ ᱢᱚᱥᱡᱤᱫᱽ ᱮ ᱵᱮᱱᱟᱣ ᱠᱮᱫᱼᱟ ᱡᱟᱦᱟᱸ ᱫᱚ ᱱᱟᱠᱷᱚᱫᱟ ᱢᱚᱥᱡᱤᱫᱽ ᱧᱩᱛᱩᱢ ᱛᱮ ᱵᱟᱰᱟᱭᱚᱜ ᱠᱟᱱᱟ ᱾ ᱯᱟᱨᱥᱤ ᱯᱟᱹᱨᱥᱤ ᱛᱮ ᱱᱟᱠᱷᱚᱫᱟ ᱢᱮᱱᱮᱛ ᱫᱚ ᱥᱟᱞᱟᱨ ᱠᱟᱱᱟ ᱟᱨ ᱩᱱᱤ ᱫᱚ ᱡᱟᱦᱟᱡᱽ ᱵᱮᱯᱟᱨ ᱨᱮ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱡᱟᱠᱟᱨᱤᱭᱟ ᱢᱟᱫᱽᱨᱟᱥᱟ ᱦᱚᱸᱭ ᱵᱮᱱᱟᱣ ᱠᱮᱫᱼᱟ ᱟᱨ ᱠᱩᱴᱪᱷᱤ ᱢᱮᱢᱚᱱ ᱠᱚᱣᱟᱜ ᱞᱟᱹᱜᱤᱫ ᱛᱮ ᱯᱩᱱᱭᱟᱹ ᱵᱤᱞᱰᱤᱝ ᱦᱚᱸᱭ ᱠᱤᱨᱤᱧ ᱠᱮᱫᱼᱟ ᱾ ᱦᱟᱡᱤ ᱡᱟᱠᱟᱨᱤᱭᱟ ᱫᱚ ᱦᱟᱡᱤ ᱣᱟᱦᱤᱫᱟᱱᱟ ᱥᱟᱶᱛᱮ, ᱩᱱᱤ ᱨᱮᱱ ᱠᱟᱠᱟ ᱦᱚᱯᱚᱱ, ᱵᱮᱯᱟᱨ ᱯᱟᱴᱱᱟᱨ ᱟᱨ ᱟᱹᱰᱤ ᱜᱟᱹᱦᱤᱨ ᱜᱟᱛᱮ, ᱢᱟᱱᱤᱠᱛᱟᱞᱟ ᱵᱩᱨᱤᱭᱟᱞ ᱜᱨᱟᱣᱩᱸᱰ ᱦᱚᱸᱭ ᱠᱤᱨᱤᱧ ᱠᱮᱫᱼᱟ ᱡᱟᱦᱟᱸ ᱫᱚ ᱒᱔᱘ ᱮ, ᱵᱤ, ᱟᱨ ᱥᱤ, ᱟᱪᱟᱨᱤᱭᱟ ᱯᱟᱨᱯᱷᱩᱞᱟ ᱪᱚᱸᱫᱽᱨᱚ ᱨᱳᱰ, ᱠᱚᱞᱠᱟᱛᱟ ᱨᱮ ᱢᱮᱱᱟᱜᱼᱟ ᱾ ᱚᱱᱟ ᱵᱩᱨᱤᱭᱟᱞ ᱜᱨᱟᱣᱩᱸᱰ ᱨᱮ ᱵᱤᱵᱤ ᱡᱤᱛᱟᱱ ᱢᱚᱥᱡᱤᱫᱽ ᱟᱨ ᱫᱟᱨᱜᱟᱦ ᱦᱚᱸ ᱢᱮᱱᱟᱜᱼᱟ ᱾ ᱱᱚᱣᱟ ᱫᱚ ᱠᱩᱴᱪᱷᱤ ᱢᱮᱢᱚᱱ ᱠᱚ ᱞᱟᱹᱜᱤᱫ ᱢᱤᱫᱴᱟᱹᱝ ᱱᱤᱡᱮᱨ ᱵᱩᱨᱤᱭᱟᱞ ᱜᱨᱟᱣᱩᱸᱰ ᱠᱟᱱᱟ ᱢᱮᱱᱠᱷᱟᱱ ᱴᱨᱚᱥᱴᱤ ᱠᱷᱚᱱ ᱪᱷᱩᱴᱤ ᱦᱟᱛᱟᱣ ᱠᱟᱛᱮ ᱮᱴᱟᱜ ᱜᱟᱶᱛᱟ ᱨᱮᱱ ᱦᱚᱲ ᱦᱚᱸ ᱠᱚ ᱵᱩᱨᱤᱭᱟᱞ ᱫᱟᱲᱮᱭᱟᱜᱼᱟ ᱾ ᱢᱳᱣᱞᱟᱱᱟ ᱠᱷᱟᱭᱨᱩᱫᱤᱱ, ᱩᱱᱤ ᱨᱮᱱ ᱮᱨᱟ ᱟᱨ ᱜᱷᱟᱨᱚᱸᱡᱽ ᱨᱮᱱ ᱥᱚᱦᱮᱫ ᱠᱚ ᱱᱚᱰᱮ ᱠᱚ ᱵᱩᱨᱤᱭᱟᱞ ᱟᱠᱟᱫ ᱠᱚᱣᱟ ᱾
ᱦᱟᱡᱤ ᱡᱟᱠᱟᱨᱤᱭᱟ ᱫᱚ ᱥᱩᱱᱫᱚᱨᱭᱟ ᱯᱟᱹᱛᱤ (ᱨᱚᱵᱤᱱᱫᱽᱨᱚ ᱥᱚᱨᱚᱱᱤ) ᱨᱮ ᱦᱟᱯᱷᱤᱡᱽ ᱡᱟᱢᱟᱞ ᱢᱚᱥᱡᱤᱫᱽ ᱵᱮᱱᱟᱣ ᱨᱮ ᱦᱚᱸᱭ ᱜᱚᱲᱚ ᱟᱠᱟᱫᱼᱟ ᱟᱨ ᱢᱟᱫᱤᱱᱟ ᱥᱚᱨᱤᱯᱷ ᱨᱮ ᱱᱟᱦᱮᱨ-ᱮ-ᱡᱩᱵᱮᱫᱟ ᱵᱮᱱᱟᱣ ᱨᱮ ᱦᱚᱸᱭ ᱮᱱᱮᱢ ᱮᱢ ᱟᱠᱟᱫᱼᱟ ᱾ ᱩᱱᱤ ᱫᱚ ᱡᱟᱠᱟᱨᱤᱭᱟ ᱢᱩᱥᱡᱤᱫᱽ ᱨᱮᱱ ᱮᱠᱞᱟ ᱴᱨᱚᱥᱴᱤ/ ᱢᱩᱛᱟᱣᱟᱞᱞᱤ ᱦᱚᱸᱭ ᱛᱟᱦᱮᱸ ᱠᱟᱱᱟ ᱡᱟᱦᱟᱸ ᱫᱚ ᱱᱟᱠᱷᱚᱫᱟ ᱢᱚᱥᱡᱤᱫᱽ ᱧᱩᱛᱩᱢ ᱛᱮ ᱦᱚᱸ ᱵᱟᱰᱟᱭᱚᱜ ᱠᱟᱱᱟ ᱾ ᱚᱱᱟ ᱚᱠᱛᱚ ᱨᱮ ᱤᱡᱤᱯᱴ, ᱤᱨᱟᱠ ᱟᱨ ᱢᱟᱫᱤᱱᱟ ᱠᱷᱚᱱ ᱟᱹᱰᱤ ᱜᱟᱱ ᱟᱨᱚᱵᱽ ᱦᱚᱲ ᱵᱷᱟᱨᱚᱛ ᱠᱚ ᱦᱤᱡᱩᱜ ᱠᱟᱱ ᱛᱟᱦᱮᱸᱫ ᱾ ᱦᱟᱡᱤ ᱡᱟᱠᱟᱨᱤᱭᱟ ᱫᱚ ᱱᱟᱠᱷᱚᱫᱟ ᱢᱚᱥᱡᱤᱫᱽ ᱨᱮ ᱱᱚᱣᱟ ᱟᱨᱚᱵᱽ ᱤᱢᱟᱢ ᱮ ᱵᱟᱦᱟᱞ ᱠᱮᱫ ᱠᱚᱣᱟ ᱾ ᱟᱨ ᱢᱤᱫᱴᱟᱹᱝ ᱧᱩᱛᱩᱢᱟᱱ ᱦᱚᱲ ᱡᱟᱦᱟᱸᱭ ᱫᱚ ᱦᱟᱡᱤ ᱡᱟᱠᱟᱨᱤᱭᱟ ᱟᱨ ᱢᱳᱣᱞᱟᱱᱟ ᱠᱷᱟᱭᱨᱩᱫᱤᱱ (ᱵᱷᱟᱨᱚᱛ ᱨᱮᱱ ᱯᱩᱭᱞᱩ ᱥᱮᱪᱮᱫ ᱢᱚᱱᱛᱨᱤ ᱨᱮᱱ ᱵᱟᱵᱟ) ᱥᱟᱞᱟᱜ ᱟᱹᱰᱤ ᱜᱟᱹᱦᱤᱨ ᱥᱟᱹᱜᱟᱹᱭ ᱛᱟᱦᱮᱸ ᱠᱟᱱ ᱛᱟᱭᱟ ᱩᱱᱤ ᱫᱚ ᱢᱳᱣᱞᱟᱱᱟ ᱟᱵᱩᱞ ᱠᱟᱞᱟᱢ ᱟᱡᱟᱫᱽ ᱮ ᱛᱟᱦᱮᱸ ᱠᱟᱱᱟ ᱾ ᱢᱳᱣᱞᱟᱱᱟ ᱠᱷᱟᱭᱨᱩᱫᱤᱱ ᱫᱚ ᱱᱟᱠᱷᱚᱫᱟ ᱢᱚᱥᱡᱤᱫᱽ ᱨᱮ ᱵᱟᱭᱟᱱ ᱮ ᱮᱢᱮᱫ ᱛᱟᱦᱮᱸᱫ ᱟᱨ ᱡᱚᱠᱷᱚᱱ ᱡᱚᱠᱷᱚᱱ ᱤᱢᱟᱢᱚᱛ ᱦᱚᱸᱭ ᱮᱢᱮᱫ ᱛᱟᱦᱮᱸᱫ ᱾ ᱑᱘᱖᱕ ᱥᱟᱞᱮ ᱨᱮ ᱡᱚᱠᱷᱚᱱ ᱦᱟᱡᱤ ᱡᱟᱠᱟᱨᱤᱭᱟ ᱜᱚᱡ ᱮᱱᱟ, ᱩᱱ ᱨᱮ ᱩᱱᱤ ᱨᱮᱱ ᱦᱚᱯᱚᱱ, ᱦᱟᱡᱤ ᱱᱩᱨ ᱢᱚᱦᱚᱢᱢᱚᱫᱽ ᱡᱟᱠᱟᱨᱤᱭᱟ, ᱩᱱᱤ ᱨᱮᱱ ᱵᱟᱵᱟ ᱞᱮᱠᱟ ᱜᱮ ᱠᱟᱹᱢᱤ ᱮᱦᱚᱵ ᱠᱮᱫᱼᱟ, ᱟᱨ ᱠᱚᱞᱠᱟᱛᱟ ᱢᱩᱥᱞᱤᱢ ᱚᱨᱯᱷᱟᱱᱮᱡᱽ ᱵᱮᱱᱟᱣ ᱨᱮ ᱟᱹᱰᱤ ᱜᱟᱱ ᱜᱚᱲᱚ ᱮᱢ ᱠᱮᱫᱼᱟ ᱾
ᱪᱤᱛᱟᱹᱨ ᱠᱚ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]-
ᱡᱤᱞᱤᱧ ᱠᱷᱚᱱ -
ᱥᱩᱨ ᱠᱷᱚᱱ ᱫᱩᱣᱟᱹᱨ -
ᱟᱨ ᱢᱤᱫ ᱴᱟᱝ -
ᱥᱟᱦᱟ ᱫᱩᱣᱟᱹᱨ -
ᱟᱵᱩᱞᱴᱚᱱ ᱯᱩᱞ -
ᱟᱵᱩᱞᱴᱚᱱ ᱯᱩᱞ
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱵᱟᱦᱨᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ] |
ᱣᱤᱠᱤᱢᱤᱰᱤᱭᱟ ᱠᱚᱢᱚᱱᱥ ᱨᱮ ᱱᱟᱠᱷᱚᱫᱟ ᱢᱚᱥᱡᱤᱫᱽ ᱵᱟᱵᱚᱛᱫᱽ ᱛᱮ ᱨᱮᱫ ᱢᱮᱱᱟᱜᱼᱟ ᱾. |