ᱱᱟᱡᱽᱢᱟ ᱥᱟᱫᱮᱠ
ᱱᱟᱡᱽᱢᱟ ᱥᱟᱫᱮᱠ (᱑᱙᱔᱓ – ᱘ ᱡᱟᱱᱣᱟᱨᱤ ᱒᱐᱑᱕) ᱫᱚ ᱯᱟᱠᱤᱥᱛᱟᱱ ᱨᱮᱱ ᱢᱤᱫ ᱢᱩᱬᱩᱛ ᱛᱤᱨᱞᱟᱹ ᱡᱚᱨᱱᱟᱞᱤᱥᱴ, ᱚᱱᱚᱞᱤᱭᱟᱹ, ᱢᱟᱹᱱᱢᱤ ᱟᱹᱭᱫᱟᱹᱨᱤ ᱮᱠᱴᱤᱵᱤᱥᱴ, ᱵᱤᱥᱮᱥ ᱠᱟᱛᱮ ᱛᱤᱨᱞᱟᱹ ᱠᱚᱣᱟᱜ ᱟᱹᱭᱫᱟᱹᱨᱤ, ᱢᱤᱫ ᱟᱨᱴᱤᱥᱴ, ᱢᱤᱫ ᱦᱚᱭᱫᱟᱜ ᱵᱟᱧᱪᱟᱣᱤᱡ, ᱟᱨ ᱢᱤᱫ ᱪᱤᱛᱟᱹᱨ ᱵᱮᱱᱟᱣᱤᱡ ᱮ ᱛᱟᱦᱮᱸ ᱠᱟᱱᱟ᱾ ᱩᱱᱤ ᱫᱚ ᱠᱟᱹᱣᱰᱤ ᱟᱹᱨᱤ ᱥᱟᱛᱟᱢ ᱪᱮᱛᱟᱱ ᱨᱮ ᱨᱤᱥᱚᱨᱪ ᱦᱚᱸᱭ ᱠᱚᱨᱟᱣ ᱞᱮᱫᱟ ᱟᱨ ᱟᱭᱢᱟ ᱯᱚᱛᱚᱵ ᱮ ᱚᱞ ᱞᱮᱫᱟ ᱟᱨ ᱟᱨᱴᱤᱠᱚᱞ ᱮ ᱚᱞ ᱞᱮᱫᱟ᱾ ᱩᱱᱤ ᱫᱚ ᱑᱙᱗᱕ ᱥᱟᱞᱮᱨᱮ ᱥᱤᱨᱠᱟᱛ ᱜᱟᱦ ᱮ ᱵᱮᱱᱟᱣ ᱠᱮᱫᱟ, ᱢᱤᱫ ᱛᱤᱨᱞᱟᱹ ᱮᱱᱡᱤᱳ ᱡᱟᱦᱟᱸ ᱫᱚ ᱛᱤᱨᱞᱟᱹ ᱠᱚ ᱵᱤᱨᱩᱫᱽ ᱨᱮ ᱢᱟᱹᱱᱢᱤ ᱟᱹᱭᱫᱟᱹᱨᱤ ᱨᱮᱱᱟᱜ ᱵᱷᱟᱭᱳᱞᱮᱥᱚᱱ ᱮ ᱥᱚᱫᱚᱨᱟ᱾ ᱩᱱᱤ ᱫᱚ ᱯᱟᱠᱤᱥᱛᱟᱱ ᱨᱮ ᱛᱤᱨᱞᱟᱹ ᱠᱚᱣᱟᱜ ᱮᱠᱥᱚᱱ ᱯᱷᱳᱨᱟᱢ (ᱣᱤᱮᱮᱯᱷ) ᱦᱚᱸᱭ ᱵᱮᱱᱟᱣ ᱠᱮᱫᱟ᱾[᱑]
ᱡᱤᱭᱚᱱ ᱪᱩᱨᱤᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱟᱫᱮᱠ ᱫᱚ ᱑᱙᱔᱓ ᱥᱟᱞᱮᱨᱮ ᱵᱮᱝᱜᱟᱞ, ᱵᱨᱤᱴᱤᱥ ᱤᱱᱰᱤᱭᱟ ᱨᱮᱭ ᱡᱟᱱᱟᱢ ᱞᱮᱱᱟ ᱟᱨ ᱥᱟᱢᱟᱝ ᱯᱟᱠᱤᱥᱛᱟᱱ (ᱱᱮᱛᱟᱨ ᱵᱟᱝᱞᱟᱫᱮᱥ) ᱨᱮ ᱚᱛ ᱪᱟᱥ ᱨᱮᱱᱟᱜ ᱦᱚᱭᱦᱤᱥᱤᱫ ᱨᱮ ᱦᱟᱨᱟ ᱵᱩᱨᱩ ᱞᱮᱱᱟ ᱡᱟᱦᱟᱸ ᱫᱚ ᱟᱡᱟᱜ ᱵᱷᱮᱜᱟᱨ ᱩᱭᱦᱟᱹᱨ ᱮ ᱞᱟᱹᱭ ᱥᱚᱫᱚᱨ ᱠᱮᱫᱟ᱾ ᱩᱱᱤ ᱫᱚ ᱰᱷᱟᱠᱟ ᱨᱮᱱᱟᱜ ᱵᱤᱠᱟᱨᱩᱱᱱᱤᱥᱟ ᱱᱩᱱ ᱥᱠᱩᱞ ᱟᱨ ᱠᱚᱞᱮᱡᱽ ᱨᱮᱭ ᱯᱟᱲᱦᱟᱣ ᱞᱮᱱᱟ ᱟᱨ ᱤᱝᱞᱤᱥ ᱛᱮ ᱚᱞ ᱨᱮ ᱟᱡᱟᱜ ᱵᱤᱥᱮᱥ ᱫᱟᱲᱮ ᱞᱟᱹᱜᱤᱫ ᱮ ᱵᱟᱰᱟᱭᱚᱜ ᱠᱟᱱ ᱛᱟᱦᱮᱸᱱᱟ᱾ ᱵᱟᱯᱞᱟ ᱛᱟᱭᱚᱢ ᱩᱱᱤ ᱫᱚ ᱠᱟᱨᱟᱪᱤ ᱮ ᱪᱟᱞᱟᱣ ᱮᱱᱟ ᱡᱟᱦᱟᱸᱨᱮ ᱩᱱᱤ ᱫᱚ ᱮᱛᱚᱦᱚᱵ ᱨᱮ ᱢᱤᱫ ᱮᱰᱵᱷᱟᱨᱴᱟᱭᱤᱡᱤᱝ ᱮᱡᱮᱱᱥᱤ ᱞᱟᱹᱜᱤᱫ ᱢᱤᱫ ᱠᱚᱯᱤᱨᱟᱭᱤᱴᱟᱨ ᱞᱮᱠᱟᱛᱮ ᱠᱟᱹᱢᱤ ᱠᱮᱫᱟ᱾ ᱡᱚᱠᱷᱚᱱ ᱩᱱᱤ ᱫᱚ ᱑᱙ ᱥᱮᱨᱢᱟ ᱨᱤᱱᱤᱡ ᱮ ᱛᱟᱦᱮᱸ ᱠᱟᱱᱟ ᱩᱱ ᱫᱚ ᱩᱱᱤ ᱫᱚ ᱠᱟᱨᱟᱪᱤ ᱨᱮ ᱪᱤᱛᱟᱹᱨ ᱵᱮᱱᱟᱣ ᱨᱮᱱᱟᱜ ᱟᱡᱟᱜ ᱯᱩᱭᱞᱩ ᱩᱫᱩᱜ ᱥᱚᱫᱚᱨ ᱮ ᱫᱚᱦᱚ ᱠᱮᱫᱟ᱾
ᱥᱟᱫᱮᱠ ᱫᱚ ᱟᱭᱢᱟ ᱠᱷᱚᱵᱚᱨ ᱠᱟᱜᱚᱡᱽ ᱞᱟᱹᱜᱤᱫ ᱢᱤᱫ ᱡᱚᱨᱱᱟᱞᱤᱥᱴ ᱞᱮᱠᱟᱛᱮ ᱠᱟᱹᱢᱤ ᱮ ᱮᱛᱚᱦᱚᱵ ᱠᱮᱫᱟ, ᱮᱛᱚᱦᱚᱵ ᱨᱮ ᱰᱳᱱ ᱥᱟᱶ ᱟᱨ ᱛᱟᱭᱚᱢ ᱛᱮ ᱫᱟ ᱱᱭᱩᱡᱽ ᱟᱨ ᱫᱟ ᱱᱭᱩᱡᱽ ᱤᱱᱴᱟᱨᱱᱮᱥᱱᱟᱞ ᱞᱟᱹᱜᱤᱫ ᱠᱟᱹᱢᱤ ᱠᱮᱫᱟ᱾
᱑᱙᱗᱕ ᱥᱟᱞᱮᱨᱮ ᱟᱡᱟᱜ ᱫᱤᱥᱚᱢ ᱨᱮ ᱢᱟᱹᱱᱢᱤ ᱟᱹᱭᱫᱟᱹᱨᱤ ᱵᱷᱟᱭᱳᱞᱮᱥᱚᱱ ᱨᱮᱱᱟᱜ ᱩᱫᱽᱜᱟᱹᱣ ᱠᱷᱟᱹᱛᱤᱨ ᱥᱟᱫᱮᱠ ᱫᱚ ᱮᱭᱟᱭ ᱦᱚᱲ ᱥᱟᱶᱛᱮ ᱢᱮᱥᱟ ᱠᱟᱛᱮ ᱥᱤᱨᱠᱟᱛ ᱜᱟᱦ ᱧᱩᱛᱩᱢ ᱛᱮ ᱢᱤᱫ ᱮᱱᱡᱤᱳ ᱮ ᱵᱮᱱᱟᱣ ᱠᱮᱫᱟ᱾ ᱩᱱᱤ ᱫᱚ ᱑᱙᱘᱑ ᱥᱟᱞᱮᱨᱮ ᱯᱟᱠᱤᱥᱛᱟᱱ ᱨᱮ ᱛᱤᱨᱞᱟᱹ ᱠᱚᱣᱟᱜ ᱮᱠᱥᱚᱱ ᱯᱷᱳᱨᱟᱢ (ᱣᱤᱮᱮᱯᱷ) ᱦᱚᱸᱭ ᱵᱮᱱᱟᱣ ᱠᱮᱫᱟ; ᱱᱚᱣᱟ ᱫᱚ ᱢᱩᱬᱩᱛ ᱞᱮᱠᱟᱛᱮ ᱡᱮᱱᱮᱨᱟᱞ ᱡᱤᱭᱟᱼᱩᱞᱼᱦᱚᱠ ᱦᱚᱛᱮᱛᱮ ᱞᱟᱹᱜᱩ ᱟᱠᱟᱱ ᱟᱹᱱ ᱞᱮᱠᱟᱛᱮ ᱛᱤᱨᱞᱟᱹ ᱠᱚᱣᱟᱜ ᱟᱹᱭᱫᱟᱹᱨᱤ ᱨᱮᱱᱟᱜ ᱵᱷᱟᱭᱳᱞᱮᱥᱚᱱ ᱛᱟᱦᱮᱸ ᱠᱟᱱᱟ, ᱡᱟᱦᱟᱸᱭ ᱫᱚ ᱛᱚᱠᱷᱚᱱ ᱯᱟᱠᱤᱥᱛᱟᱱ ᱨᱤᱱᱤᱡ ᱫᱤᱥᱚᱢ ᱜᱚᱢᱠᱮ ᱮ ᱛᱟᱦᱮᱸ ᱠᱟᱱᱟ᱾ ᱩᱱᱤ ᱫᱚ ᱫᱟ ᱱᱭᱩᱡᱽ ᱞᱟᱹᱜᱤᱫ "ᱣᱤ - ᱢᱤᱫ ᱦᱟᱯᱛᱟᱠᱤᱭᱟᱹ ᱢᱮᱜᱟᱡᱤᱱ" ᱮ ᱵᱮᱱᱟᱣ ᱠᱮᱫᱟ, ᱛᱟᱭᱚᱢ ᱛᱮ "ᱫᱟ ᱱᱭᱩᱡᱽ ᱚᱱ ᱯᱷᱨᱟᱭᱤᱰᱮ" ᱢᱮᱱᱛᱮ ᱧᱩᱛᱩᱢ ᱠᱚ ᱵᱚᱫᱚᱞ ᱠᱮᱫᱟ ᱟᱨ ᱱᱚᱣᱟ ᱠᱷᱚᱱ ᱦᱚᱸ ᱵᱟᱹᱲᱛᱤ "ᱫᱟ ᱱᱭᱩᱡᱽ ᱚᱱ ᱥᱟᱱᱰᱮ" ᱛᱮ ᱠᱚ ᱵᱚᱫᱚᱞ ᱠᱮᱫᱟ, ᱡᱟᱦᱟᱸ ᱨᱮ ᱟᱭᱢᱟ ᱛᱷᱚᱠ ᱨᱮᱱᱟᱜ ᱥᱟᱛᱟᱢ ᱠᱚ ᱥᱮᱞᱮᱫ ᱛᱟᱦᱮᱸ ᱠᱟᱱᱟ᱾ ᱫᱟ ᱱᱭᱩᱡᱽ ᱵᱟᱹᱜᱤ ᱠᱟᱛᱮ ᱩᱱᱤ ᱫᱚ ᱟᱭᱢᱟ ᱠᱷᱚᱵᱚᱨ ᱠᱟᱜᱚᱡᱽ ᱞᱟᱹᱜᱤᱫ ᱯᱷᱨᱤᱞᱟᱸᱥ ᱡᱚᱨᱱᱟᱞᱤᱥᱴ ᱞᱮᱠᱟᱛᱮ ᱠᱟᱹᱢᱤ ᱠᱮᱫᱟ, ᱡᱟᱦᱟᱸ ᱨᱮ ᱫᱟ ᱱᱭᱩᱡᱽ, ᱢᱟᱹᱱᱢᱤ ᱟᱹᱭᱫᱟᱹᱨᱤ, ᱡᱮᱱᱰᱟᱨ ᱥᱟᱛᱟᱢ, ᱟᱨ ᱦᱚᱭᱫᱟᱜ ᱥᱟᱹᱜᱟᱹᱭ ᱥᱟᱛᱟᱢ ᱠᱚ ᱥᱮᱞᱮᱫ ᱛᱟᱦᱮᱸ ᱠᱟᱱᱟ᱾ ᱠᱷᱚᱵᱚᱨ ᱠᱟᱜᱚᱡᱽ ᱠᱚ ᱞᱟᱹᱜᱤᱫ ᱠᱟᱹᱢᱤ ᱵᱚᱸᱫᱽ ᱠᱟᱛᱮ ᱩᱱᱤ ᱫᱚ ᱟᱡᱟᱜ ᱚᱠᱛᱚ ᱵᱟᱹᱲᱛᱤ ᱠᱟᱛᱮ ᱥᱤᱨᱠᱟᱛ ᱜᱟᱦ ᱟᱨ ᱣᱤᱮᱮᱯᱷ ᱨᱮᱱᱟᱜ ᱠᱟᱹᱢᱤᱦᱚᱨᱟ ᱠᱚ ᱯᱨᱚᱢᱳᱴ ᱨᱮ ᱮᱢ ᱠᱮᱫᱟ᱾
ᱜᱩᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱟᱫᱮᱠ ᱫᱚ ᱘ ᱡᱟᱱᱣᱟᱨᱤ ᱒᱐᱑᱕ ᱥᱟᱞᱮᱨᱮ ᱠᱟᱨᱟᱪᱤ ᱨᱮ ᱗᱒ ᱥᱮᱨᱢᱟ ᱩᱢᱮᱨ ᱨᱮ ᱨᱮᱱᱟᱞ ᱯᱷᱮᱞᱤᱭᱚᱨ ᱟᱨ ᱪᱮᱥᱴ ᱠᱚᱱᱡᱮᱥᱚᱱ ᱠᱷᱟᱹᱛᱤᱨ ᱮ ᱜᱩᱨ ᱮᱱᱟ᱾
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ Hasan, Shazia (9 January 2015). "Rights activist, journalist Najma Sadeque is dead". Dawn. Retrieved 17 March 2016.