ᱱᱟᱢᱨᱚᱛᱟ ᱥᱤᱨᱳᱫᱽᱠᱟᱨ
ᱱᱟᱢᱨᱚᱛᱟ ᱥᱤᱨᱳᱫᱽᱠᱟᱨ (ᱡᱟᱱᱟᱢ ᱒᱒ ᱡᱟᱱᱩᱣᱟᱨᱤ ᱑᱙᱗᱒), ᱢᱤᱫ ᱵᱷᱟᱨᱚᱛᱤᱭᱚ ᱮᱠᱴᱨᱮᱥ, ᱯᱨᱚᱰᱭᱩᱥᱟᱨ ᱟᱨ ᱵᱤᱭᱩᱴᱤ ᱯᱮᱡᱮᱱᱴ ᱴᱟᱭᱤᱴᱟᱞᱦᱳᱞᱰᱟᱨ ᱠᱟᱱᱟᱭ, ᱡᱟᱦᱟᱸᱭ ᱫᱚ ᱑᱙᱙᱓ ᱨᱮ ᱯᱷᱮᱢᱤᱱᱟ ᱢᱤᱥ ᱤᱱᱰᱤᱭᱟ ᱛᱟᱡ ᱠᱚ ᱦᱚᱨᱚᱜ ᱟᱫᱮᱭᱟ᱾ ᱩᱱᱤ ᱢᱩᱬ ᱞᱮᱠᱟᱛᱮ ᱦᱤᱱᱫᱤ ᱯᱷᱤᱞᱢ ᱨᱮ ᱟᱡᱟᱜ ᱠᱟᱹᱢᱤ ᱞᱟᱹᱜᱤᱫ ᱵᱟᱰᱟᱭᱚᱜ ᱠᱟᱱᱟᱭ᱾
ᱩᱱᱤ ᱠᱟᱪᱪᱷᱮ ᱫᱷᱟᱜᱮ (᱑᱙᱙᱙), ᱮᱡᱷᱩᱯᱩᱱᱱᱟ ᱛᱷᱟᱨᱟᱠᱟᱱ (᱑᱙᱙᱙), ᱵᱷᱟᱥᱛᱟᱵᱽ: ᱫᱟ ᱨᱤᱭᱟᱞᱤᱴᱤ (᱑᱙᱙᱙) ᱟᱨ ᱯᱩᱠᱟᱨ (᱒᱐᱐᱐) ᱞᱮᱠᱟᱱ ᱯᱷᱤᱞᱢ ᱨᱮ ᱠᱟᱹᱢᱤ ᱞᱟᱹᱜᱤᱫ ᱟᱹᱰᱤ ᱱᱟᱯᱟᱭ ᱛᱮ ᱵᱟᱰᱟᱭᱚᱜ ᱠᱟᱱᱟᱭ, ᱡᱟᱦᱟᱸ ᱞᱟᱹᱜᱤᱫ ᱩᱱᱤ ᱟᱭᱤᱟᱭᱤᱮᱯᱷᱮ ᱵᱮᱥᱴ ᱥᱚᱯᱳᱨᱴᱤᱝ ᱮᱠᱴᱨᱮᱥ ᱟᱣᱟᱨᱰ ᱞᱟᱹᱜᱤᱫ ᱠᱚ ᱱᱳᱢᱤᱱᱮᱴ ᱞᱮᱫᱮᱭᱟ᱾ ᱩᱱᱤ ᱟᱥᱛᱤᱛᱣᱟ (᱒᱐᱐᱐), ᱫᱤᱞ ᱵᱷᱤᱞ ᱯᱭᱟᱨ ᱵᱷᱤᱭᱟᱨ (᱒᱐᱐᱒), ᱮᱞᱳᱥᱤ ᱠᱟᱨᱜᱤᱞ (᱒᱐᱐᱓) ᱟᱨ ᱵᱨᱤᱴᱤᱥ ᱥᱤᱱᱮᱢᱟ ᱵᱨᱟᱭᱤᱰ ᱮᱱᱰ ᱯᱨᱮᱡᱩᱰᱤᱥ (᱒᱐᱐᱔) ᱨᱮᱦᱚᱸ ᱧᱮᱞ ᱟᱠᱟᱱᱟ, ᱡᱟᱦᱟᱸ ᱫᱚ ᱵᱤᱥᱮᱥ ᱠᱟᱛᱮ ᱭᱩᱠᱮ ᱨᱮ ᱥᱟᱠᱥᱮᱥᱯᱷᱩᱞ ᱛᱟᱦᱮᱸ ᱠᱟᱱᱟ᱾
ᱥᱤᱨᱳᱫᱽᱠᱟᱨ ᱛᱮᱞᱩᱜᱩ ᱥᱤᱱᱮᱢᱟ ᱮᱠᱴᱚᱨ ᱢᱟᱦᱮᱥ ᱵᱟᱵᱩ ᱥᱟᱶ ᱮ ᱵᱟᱯᱞᱟ ᱟᱠᱟᱱᱟ ᱡᱟᱦᱟᱸᱭ ᱥᱟᱶ ᱩᱱᱤ ᱨᱤᱱ ᱵᱟᱨᱭᱟ ᱜᱤᱫᱽᱨᱟᱹ ᱢᱮᱱᱟᱜ ᱠᱤᱱᱟ᱾[᱑]
ᱮᱛᱚᱦᱚᱵ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱱᱟᱢᱨᱚᱛᱟ ᱥᱤᱨᱳᱫᱽᱠᱟᱨ ᱫᱚ ᱒᱒ ᱡᱟᱱᱩᱣᱟᱨᱤ ᱑᱙᱗᱒ ᱨᱮ ᱜᱳᱣᱟᱱ ᱚᱨᱤᱡᱤᱱ ᱨᱮᱱ ᱢᱤᱫ ᱢᱚᱦᱟᱨᱟᱥᱴᱨᱤᱭᱟᱱ ᱜᱷᱟᱨᱚᱸᱡᱽ ᱨᱮ ᱡᱟᱱᱟᱢ ᱞᱮᱱᱟᱭ᱾ ᱩᱱᱤ ᱮᱠᱴᱨᱮᱥ ᱥᱤᱞᱯᱟ ᱥᱤᱨᱳᱫᱽᱠᱟᱨ ᱤᱡ ᱢᱟᱨᱟᱝ ᱵᱚᱭᱦᱟ ᱠᱟᱱᱟᱭ, ᱟᱨ ᱧᱩᱛᱩᱢᱟᱱ ᱢᱟᱨᱟᱴᱷᱤ ᱮᱠᱴᱨᱮᱥ ᱢᱤᱱᱟᱠᱥᱤ ᱥᱤᱨᱳᱫᱽᱠᱟᱨ ᱨᱤᱱᱤᱡ ᱜᱨᱮᱱᱰ ᱜᱟᱨᱞ ᱠᱟᱱᱟᱭ, ᱡᱟᱦᱟᱸᱭ ᱵᱨᱚᱦᱢᱟᱪᱟᱨᱤ (᱑᱙᱓᱘) ᱨᱮ ᱠᱟᱹᱢᱤ ᱞᱮᱫᱟ᱾
ᱠᱮᱨᱤᱭᱚᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱢᱚᱰᱮᱞᱤᱝ ᱠᱮᱨᱤᱭᱚᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱤᱨᱳᱫᱽᱠᱟᱨ ᱢᱤᱫ ᱢᱳᱰᱮᱞ ᱞᱮᱠᱟᱛᱮ ᱠᱟᱹᱢᱤ ᱠᱮᱫᱟ, ᱟᱨ ᱑᱙᱙᱓ ᱨᱮ ᱢᱤᱥ ᱤᱱᱰᱤᱭᱟ ᱛᱟᱡ ᱠᱚ ᱦᱚᱨᱚᱜ ᱟᱫᱮᱭᱟ᱾ ᱩᱱᱤ ᱢᱤᱥ ᱤᱭᱩᱱᱤᱵᱷᱟᱨᱥ ᱯᱮᱡᱮᱱᱴ ᱨᱮ ᱵᱷᱟᱨᱚᱛ ᱮ ᱨᱤᱯᱨᱮᱡᱮᱱᱴ ᱠᱮᱫᱟ ᱟᱨ ᱛᱩᱨᱩᱭ ᱴᱷᱟᱶ ᱨᱮ ᱯᱩᱨᱟᱹᱣ ᱠᱮᱫᱟ᱾
ᱮᱠᱴᱤᱝ ᱠᱮᱨᱤᱭᱚᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱩᱱᱤ ᱑᱙᱗᱗ ᱨᱮᱭᱟᱜ ᱯᱷᱤᱞᱢ ᱥᱤᱨᱰᱤ ᱠᱮ ᱥᱟᱭᱤ ᱵᱟᱵᱟ ᱨᱮ ᱥᱟᱛᱨᱩᱜᱷᱟᱱ ᱥᱤᱱᱦᱟ ᱥᱟᱶ ᱢᱤᱫ ᱦᱩᱰᱤᱧ ᱨᱳᱞ ᱨᱮ ᱢᱤᱫ ᱜᱤᱫᱽᱨᱟᱹ ᱟᱨᱴᱤᱥᱴ ᱞᱮᱠᱟᱛᱮ ᱧᱮᱞ ᱮᱱᱟ᱾
ᱥᱤᱨᱳᱫᱽᱠᱟᱨ ᱨᱤᱱᱤᱡ ᱰᱮᱵᱩᱴ ᱯᱷᱤᱞᱢ ᱯᱩᱨᱟᱵᱽ ᱠᱤ ᱞᱟᱭᱤᱞᱟ ᱯᱟᱪᱪᱷᱤᱢ ᱠᱤ ᱪᱷᱟᱭᱤᱞᱟ ᱦᱩᱭᱩᱜ ᱨᱮᱭᱟᱜ ᱛᱟᱦᱮᱸ ᱠᱟᱱᱟ, ᱟᱠᱥᱟᱭ ᱠᱩᱢᱟᱨ ᱟᱨ ᱥᱩᱱᱤᱞ ᱥᱮᱴᱴᱤ ᱢᱩᱬ ᱨᱮ ᱟᱨ ᱱᱟᱫᱤᱢ ᱥᱨᱟᱵᱚᱱ ᱦᱚᱛᱮᱛᱮ ᱥᱮᱨᱮᱧ ᱨᱮ ᱦᱩᱭᱩᱜ ᱨᱮᱭᱟᱜ ᱛᱟᱦᱮᱸ ᱠᱟᱱᱟ᱾ ᱱᱚᱣᱟ ᱯᱷᱤᱞᱢ ᱫᱚ ᱪᱮᱫ ᱦᱚᱸ ᱵᱟᱝ ᱨᱤᱞᱤᱡᱽ ᱞᱮᱱᱟ᱾ ᱥᱤᱨᱳᱫᱽᱠᱟᱨ ᱨᱤᱱᱤᱡ ᱰᱮᱵᱩᱴ ᱯᱷᱤᱞᱢ ᱢᱮᱨᱮ ᱫᱳ ᱟᱱᱢᱳᱞ ᱨᱟᱛᱟᱱ ᱛᱟᱦᱮᱸ ᱠᱟᱱᱟ᱾ ᱩᱱᱤ ᱛᱟᱭᱚᱢ ᱛᱮ ᱵᱷᱟᱥᱛᱟᱵᱽ ᱟᱨ ᱠᱟᱪᱪᱷᱮ ᱫᱷᱟᱜᱮ (ᱵᱟᱱᱟᱨ ᱑᱙᱙᱙) ᱨᱮ ᱥᱴᱟᱨ ᱮᱱᱟ᱾ ᱢᱟᱬᱟᱝ ᱨᱮ ᱟᱡᱟᱜ ᱯᱟᱨᱯᱷᱚᱨᱢᱮᱱᱥ ᱫᱚ ᱥᱟᱨᱦᱟᱣ ᱞᱮᱱᱟ᱾
ᱯᱟᱨᱥᱚᱱᱟᱞ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱒᱐᱐᱐ ᱨᱮ, ᱥᱤᱨᱳᱫᱽᱠᱟᱨ ᱛᱮᱞᱩᱜᱩ ᱮᱠᱴᱚᱨ ᱢᱟᱦᱮᱥ ᱵᱟᱵᱩ ᱥᱟᱶ ᱵᱟᱢᱥᱤ ᱨᱮᱭᱟᱜ ᱥᱮᱴ ᱨᱮ ᱧᱟᱯᱟᱢ ᱞᱮᱱᱟ᱾ ᱯᱷᱤᱞᱢ ᱪᱟᱵᱟ ᱠᱟᱛᱮ ᱞᱚᱜᱚᱱ ᱜᱮ ᱩᱱᱠᱤᱱ ᱰᱮᱴᱤᱝ ᱮᱦᱚᱵ ᱠᱮᱫᱟ᱾ ᱩᱱᱠᱤᱱ ᱑᱐ ᱯᱷᱮᱵᱽᱨᱩᱣᱟᱨᱤ ᱒᱐᱐᱕ ᱨᱮ ᱢᱩᱢᱵᱟᱭ ᱨᱮ ᱠᱤᱱ ᱵᱟᱯᱞᱟ ᱮᱱᱟ᱾ ᱥᱤᱨᱳᱫᱽᱠᱟᱨ ᱱᱤᱛᱚᱜ ᱟᱡ ᱡᱟᱶᱟᱭ ᱥᱟᱶ ᱦᱟᱭᱫᱽᱨᱟᱵᱟᱫᱽ ᱨᱮ ᱛᱟᱦᱮᱸᱱ ᱠᱟᱱᱟ᱾ ᱱᱩᱠᱤᱱ ᱡᱩᱨᱤ ᱨᱤᱱ ᱵᱟᱨᱭᱟ ᱜᱤᱫᱽᱨᱟᱹ ᱢᱮᱱᱟᱜ ᱠᱤᱱᱟ, ᱢᱤᱫ ᱠᱚᱲᱟ ᱟᱨ ᱢᱤᱫ ᱠᱩᱲᱤ᱾
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ Kavirayani, Suresh (22 July 2012). "Mahesh Babu names his daughter Sitara". The Times of India. Retrieved 22 July 2012.
ᱵᱟᱦᱨᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ] |
ᱣᱤᱠᱤᱢᱤᱰᱤᱭᱟ ᱠᱚᱢᱚᱱᱥ ᱨᱮ ᱱᱟᱢᱨᱚᱛᱟ ᱥᱤᱨᱳᱫᱽᱠᱟᱨ ᱵᱟᱵᱚᱛᱫᱽ ᱛᱮ ᱨᱮᱫ ᱢᱮᱱᱟᱜᱼᱟ ᱾. |
- ᱱᱟᱢᱨᱚᱛᱟ ᱥᱤᱨᱳᱫᱽᱠᱟᱨ (ᱤᱱᱴᱚᱨᱱᱮᱴ ᱢᱩᱵᱷᱤ ᱰᱟᱴᱟᱵᱮᱥ ᱨᱮ)
- ᱤᱱᱥᱴᱟᱜᱨᱟᱢ ᱨᱮ ᱱᱟᱢᱨᱚᱛᱟ ᱥᱤᱨᱳᱫᱽᱠᱟᱨ