ᱱᱤᱛᱩ ᱜᱟᱝᱜᱟᱥ
ᱱᱤᱛᱩ ᱜᱟᱝᱜᱟᱥ (ᱡᱟᱱᱟᱢ ᱑᱙ ᱚᱠᱴᱚᱵᱚᱨ ᱒᱐᱐᱐), ᱱᱤᱛᱩ ᱧᱩᱛᱩᱢ ᱛᱮᱦᱚᱸ ᱵᱟᱰᱟᱭᱚᱜ ᱠᱟᱱ, ᱢᱤᱫ ᱥᱤᱧᱚᱛᱤᱭᱟᱹ ᱵᱚᱠᱥᱟᱨ ᱠᱟᱱᱟᱭ ᱡᱟᱦᱟᱸᱭ ᱫᱚ ᱒᱐᱒᱓ ᱨᱮ ᱢᱤᱱᱤᱢᱟᱢᱣᱮᱴ ᱠᱟᱴᱮᱜᱚᱨᱤ ᱨᱮ ᱡᱮᱜᱮᱛ ᱪᱟᱢᱯᱤᱭᱚᱱ ᱠᱟᱱᱟᱭ ᱟᱨ ᱞᱟᱭᱤᱴ ᱯᱷᱞᱟᱭᱣᱮᱴ ᱨᱮ ᱵᱟᱨ ᱫᱷᱟᱣ ᱡᱮᱜᱮᱛ ᱭᱩᱛᱷ ᱪᱟᱢᱯᱤᱭᱚᱱ ᱠᱟᱱᱟᱭ ᱾ ᱩᱱᱤ ᱫᱚ ᱒᱐᱒᱓ ᱟᱭᱤᱵᱤᱮ ᱣᱩᱢᱮᱱᱥ ᱣᱚᱨᱞᱰ ᱵᱚᱠᱥᱤᱝ ᱪᱟᱢᱯᱤᱭᱟᱱᱥᱤᱯ ᱟᱨ ᱒᱐᱒᱒ ᱠᱚᱢᱚᱱᱣᱮᱞᱛᱷ ᱜᱮᱢᱥ ᱨᱮ ᱢᱤᱱᱤᱢᱟᱢᱣᱮᱴ ᱠᱟᱴᱮᱜᱚᱨᱤ ᱨᱮ ᱥᱚᱱᱟ ᱢᱮᱰᱟᱞ ᱮ ᱡᱤᱛᱠᱟᱹᱨ ᱟᱠᱟᱫᱟ ᱾
ᱮᱛᱚᱦᱚᱵ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱱᱤᱛᱩ ᱜᱟᱝᱜᱟᱥ ᱫᱚ ᱑᱙ ᱚᱠᱴᱚᱵᱚᱨ ᱒᱐᱐᱐ ᱨᱮ ᱦᱚᱨᱤᱭᱟᱬᱟ ᱨᱮᱱᱟᱜ ᱵᱷᱤᱣᱟᱱᱤ ᱦᱚᱱᱚᱛ ᱨᱮᱱᱟᱜ ᱫᱷᱟᱱᱟᱱᱟ ᱟᱹᱛᱩ ᱨᱮᱭ ᱡᱟᱱᱟᱢ ᱞᱮᱱᱟ ᱾ ᱟᱡ ᱵᱟᱵᱟ, ᱡᱟᱭ ᱵᱷᱟᱜᱽᱣᱟᱱ, ᱪᱚᱱᱰᱤᱜᱚᱰ ᱨᱮ ᱦᱚᱨᱤᱭᱟᱬᱟ ᱨᱟᱡᱽᱭᱚ ᱥᱚᱵᱷᱟ ᱨᱮ ᱢᱤᱫ ᱠᱟᱹᱢᱤᱭᱟᱹ ᱛᱟᱦᱮᱸ ᱠᱟᱱᱟ ᱾ ᱟᱡ ᱟᱭᱳᱣᱟᱜ ᱧᱩᱛᱩᱢ ᱫᱚ ᱢᱩᱠᱮᱥ ᱫᱮᱵᱤ ᱠᱟᱱᱟ ᱟᱨ ᱱᱤᱛᱩ ᱨᱮᱱ ᱟᱠᱥᱤᱛ ᱠᱩᱢᱟᱨ ᱧᱩᱛᱩᱢᱟᱱ ᱢᱤᱫ ᱦᱩᱰᱤᱧ ᱵᱚᱭᱦᱟ ᱢᱮᱱᱟᱭᱟ ᱾ ᱢᱩᱠᱮᱥ ᱫᱮᱵᱤ ᱞᱮᱠᱟᱛᱮ, ᱱᱤᱛᱩ ᱫᱚ ᱢᱤᱫ 'ᱱᱳᱴᱤ ᱜᱤᱫᱽᱨᱟᱹ' ᱛᱟᱦᱮᱸ ᱠᱟᱱᱟ ᱟᱨ ᱟᱹᱰᱤ ᱜᱮ ᱟᱡᱟᱜ ᱵᱚᱭᱦᱟ-ᱵᱩᱦᱤᱱ ᱠᱚ ᱥᱟᱶ ᱟᱨ ᱟᱥᱲᱟ ᱨᱮ ᱞᱟᱹᱲᱦᱟᱹᱭ ᱨᱮ ᱥᱮᱞᱮᱫᱚᱜ ᱠᱟᱱ ᱛᱟᱦᱮᱸᱱ ᱾ ᱟᱡ ᱵᱟᱵᱟ ᱫᱚ ᱫᱟᱲᱮ ᱪᱟᱞᱟᱣ ᱨᱮᱱᱟᱜ ᱢᱤᱫ ᱠᱚᱱᱥᱴᱨᱟᱠᱴᱤᱵᱷ ᱦᱚᱨ ᱧᱟᱢ ᱞᱟᱹᱜᱤᱫ ᱱᱤᱛᱩ ᱫᱚ ᱵᱚᱠᱥᱤᱝ ᱥᱟᱶ ᱩᱯᱨᱩᱢ ᱮ ᱮᱢᱟᱫᱮᱭᱟ ᱾ ᱱᱤᱛᱩ ᱜᱟᱝᱜᱟᱥ ᱫᱚ ᱑᱒ ᱵᱚᱨᱥᱚ ᱩᱢᱮᱨ ᱨᱮ ᱯᱷᱳᱨᱢᱟᱞᱤ ᱴᱨᱮᱱᱤᱝ ᱮᱛᱚᱦᱚᱵ ᱠᱮᱫᱟ ᱢᱮᱱᱠᱷᱟᱱ ᱩᱱᱤ ᱫᱚ ᱯᱩᱭᱞᱩ ᱵᱟᱨ ᱥᱮᱨᱢᱟ ᱨᱮ ᱪᱮᱫ ᱦᱚᱸ ᱤᱱᱨᱳᱰ ᱵᱟᱭ ᱵᱮᱱᱟᱣ ᱫᱟᱲᱮᱭᱟᱫᱟ ᱾ ᱟᱡᱟᱜ ᱯᱨᱚᱜᱽᱨᱮᱥ ᱨᱮᱱᱟᱜ ᱟᱱᱟᱴ ᱠᱷᱟᱹᱛᱤᱨ ᱫᱩᱠᱷᱤ ᱠᱟᱛᱮ ᱱᱤᱛᱩ ᱜᱟᱝᱜᱟᱥ ᱫᱚ ᱠᱷᱮᱞ ᱨᱮ ᱫᱟᱱ ᱠᱟᱹᱢᱤ ᱨᱮᱱᱟᱜ ᱜᱚᱴᱟ ᱠᱮᱫᱟ ᱢᱮᱱᱠᱷᱟᱱ ᱟᱡ ᱵᱟᱵᱟ ᱵᱚᱞᱚ ᱮᱱᱟ ᱾ ᱟᱡ ᱵᱟᱵᱟ ᱫᱚ ᱟᱡᱤᱡ ᱠᱩᱲᱤ ᱜᱤᱫᱽᱨᱟᱹ ᱵᱚᱠᱥᱟᱨ ᱵᱮᱱᱟᱣ ᱨᱮᱱᱟᱜ ᱠᱩᱠᱢᱩ ᱥᱟᱹᱠᱷᱭᱟᱹᱛ ᱜᱚᱲᱚ ᱞᱟᱹᱜᱤᱫ ᱟᱡᱟᱜ ᱪᱟᱹᱠᱨᱤ ᱠᱷᱚᱱ ᱯᱮ ᱥᱮᱨᱢᱟ ᱡᱤᱞᱤᱧ ᱵᱮᱛᱟᱱ ᱵᱮᱜᱚᱨ ᱪᱷᱩᱴᱤ ᱮ ᱤᱫᱤ ᱠᱮᱫᱟ ᱾ ᱩᱱᱤ ᱫᱚ ᱟᱡᱟᱜ ᱥᱩᱨ ᱨᱮᱱᱟᱜ ᱢᱤᱫ ᱦᱩᱰᱤᱧ ᱡᱟᱜᱟ ᱨᱮ ᱪᱟᱥ ᱠᱮᱫᱟ ᱟᱨ ᱱᱚᱝᱠᱟ ᱛᱮ ᱛᱩᱨᱩᱭ ᱞᱟᱠᱷ ᱴᱟᱠᱟ (US$7500) ᱨᱮᱱᱟᱜ ᱞᱳᱱ ᱤᱫᱤ ᱠᱮᱫᱟ ᱾ ᱩᱱᱤ ᱫᱚ ᱱᱤᱛᱩᱣᱟᱜ ᱴᱨᱮᱱᱤᱝ ᱟᱨ ᱰᱟᱭᱤᱴ ᱦᱚᱸ ᱯᱟᱨᱥᱚᱱᱟᱞᱤ ᱛᱮ ᱧᱮᱞ ᱠᱮᱫᱟ ᱾ ᱱᱚᱣᱟ ᱚᱠᱛᱚ ᱨᱮ, ᱱᱤᱛᱩ ᱜᱟᱝᱜᱟᱥ ᱫᱚ ᱧᱩᱛᱩᱢᱟᱱ ᱠᱳᱪ ᱡᱟᱜᱽᱫᱤᱥ ᱥᱤᱝ ᱦᱚᱛᱮᱛᱮ ᱧᱮᱞ ᱦᱩᱭ ᱞᱮᱱᱟ, ᱡᱟᱦᱟᱸᱭ ᱫᱚ ᱧᱩᱛᱩᱢᱟᱱ ᱵᱷᱤᱣᱟᱱᱤ ᱵᱚᱠᱥᱤᱝ ᱠᱞᱟᱵ ᱨᱮᱱᱟᱜ ᱵᱩᱱᱤᱭᱟᱹᱫᱤᱭᱟᱹ ᱠᱟᱱᱟᱭ ᱟᱨ ᱵᱤᱡᱮᱱᱫᱚᱨ ᱥᱤᱝ ᱨᱤᱱ ᱢᱮᱱᱴᱳᱨ ᱠᱷᱚᱱ ᱢᱤᱫ ᱦᱚᱲ ᱠᱟᱱᱟᱭ ᱾ ᱥᱨᱤ ᱜᱩᱨᱩ ᱜᱳᱵᱤᱱᱫ ᱥᱤᱝ ᱠᱚᱞᱮᱡᱽ ᱨᱮᱱᱟᱜ ᱢᱤᱫ ᱵᱤᱮ ᱵᱤᱫᱽᱭᱟᱹᱨᱛᱷᱤ ᱱᱤᱛᱩ ᱫᱚ ᱵᱷᱤᱣᱟᱱᱤ ᱵᱚᱠᱥᱤᱝ ᱠᱞᱟᱵ ᱮ ᱡᱳᱭᱮᱱ ᱠᱮᱫᱟ ᱟᱨ ᱴᱨᱮᱱ ᱞᱟᱹᱜᱤᱫ ᱟᱡ ᱵᱟᱵᱟᱣᱟᱜ ᱥᱠᱩᱴᱟᱨ ᱛᱮ ᱫᱤᱱᱟᱹᱢ ᱔᱐ ᱠᱤᱞᱳᱢᱤᱴᱟᱨ ᱥᱟᱸᱜᱷᱟᱨ ᱮᱫ ᱛᱟᱦᱮᱸᱱᱟ ᱾
ᱠᱮᱨᱤᱭᱚᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱒᱐᱒᱒ ᱠᱚᱢᱚᱱᱣᱮᱞᱛᱷ ᱜᱮᱢᱥ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱱᱤᱛᱩ ᱫᱚ ᱗ ᱚᱜᱚᱥᱴ ᱒᱐᱒᱒ ᱨᱮ ᱔᱘ ᱠᱮᱴᱮᱜᱚᱨᱤ (ᱢᱤᱱᱤᱢᱟᱢᱣᱮᱴ ᱠᱟᱴᱮᱜᱚᱨᱤ) ᱨᱮ ᱕-᱐ ᱛᱮ ᱤᱝᱞᱮᱱᱰ ᱨᱤᱱᱤᱡ ᱰᱮᱢᱤ-ᱡᱮᱰ ᱨᱮᱡᱥᱴᱟᱱ ᱮ ᱦᱟᱨᱟᱣ ᱛᱟᱭᱚᱢ ᱵᱚᱨᱢᱤᱝᱜᱚᱢ ᱨᱮ ᱠᱚᱢᱚᱱᱣᱮᱞᱛᱷ ᱜᱮᱢᱥ ᱒᱐᱒᱒ ᱨᱮ ᱥᱤᱧᱚᱛ ᱞᱟᱹᱜᱤᱫ ᱥᱚᱱᱟ ᱢᱮᱰᱟᱞ ᱮ ᱡᱤᱛᱠᱟᱹᱨ ᱠᱮᱫᱟ ᱾
᱒᱐᱒᱓ ᱟᱭᱤᱵᱤᱮ ᱣᱩᱢᱮᱱᱥ ᱣᱚᱨᱞᱰ ᱵᱚᱠᱥᱤᱝ ᱪᱟᱢᱯᱤᱭᱟᱱᱥᱤᱯ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱩᱱᱤ ᱫᱚ ᱢᱤᱱᱤᱢᱟᱢᱣᱮᱴ ᱠᱟᱴᱮᱜᱚᱨᱤ ᱨᱮ ᱒᱕ ᱢᱟᱨᱪ ᱒᱐᱒᱓ ᱨᱮ ᱢᱚᱝᱜᱳᱞᱤᱭᱟ ᱨᱤᱱᱤᱡ ᱞᱩᱛᱥᱟᱭᱠᱷᱟᱱᱤ ᱟᱞᱴᱟᱱᱴᱥᱮᱴᱥᱮᱜ ᱫᱚ ᱕-᱐ ᱛᱮ ᱦᱟᱨᱟᱣ ᱠᱟᱛᱮ ᱡᱮᱜᱮᱛ ᱪᱟᱢᱯᱤᱭᱚᱱ ᱵᱮᱱᱟᱣ ᱨᱮᱱᱟᱜ ᱛᱩᱨᱩᱭᱟᱜ ᱥᱤᱧᱚᱛᱤᱭᱟᱹ ᱵᱚᱠᱥᱟᱨ (ᱠᱚᱲᱟ ᱥᱮ ᱠᱩᱲᱤ) ᱮ ᱵᱮᱱᱟᱣ ᱮᱱᱟ ᱾