ᱱᱤᱛᱭᱟ ᱢᱮᱦᱨᱟ
ᱱᱤᱛᱭᱟ ᱢᱮᱦᱨᱟ ᱫᱚ ᱢᱩᱢᱵᱟᱭ ᱨᱮᱭ ᱛᱟᱦᱮᱸᱱ ᱠᱟᱱ ᱢᱤᱫ ᱥᱤᱧᱚᱛᱤᱭᱟᱹ ᱯᱷᱤᱞᱢ ᱰᱤᱨᱮᱠᱴᱚᱨ ᱟᱨ ᱥᱠᱨᱤᱱᱨᱟᱭᱤᱴᱟᱨ ᱠᱟᱱᱟᱭ᱾ ᱩᱱᱤ ᱫᱚ ᱵᱟᱹᱲᱛᱤ ᱠᱟᱛᱮ ᱨᱳᱢᱟᱱᱴᱤᱠ ᱰᱨᱟᱢᱟ ᱯᱷᱤᱞᱢ ᱵᱟᱨ ᱵᱟᱨ ᱫᱮᱠᱷᱳ (᱒᱐᱑᱖), ᱟᱨ ᱯᱨᱟᱭᱤᱢ ᱵᱷᱤᱰᱤᱭᱳ ᱥᱤᱨᱤᱡᱽ ᱢᱮᱰ ᱤᱱ ᱦᱮᱵᱮᱱ (᱒᱐᱑᱙–ᱱᱤᱛ ᱦᱟᱹᱵᱤᱡ) ᱟᱨ ᱵᱤᱜᱽ ᱜᱟᱨᱞᱥ ᱰᱚᱱᱴ ᱠᱨᱟᱭ (᱒᱐᱒᱔)[᱑][᱒][᱓][᱔] ᱨᱮᱭᱟᱜ ᱠᱟᱹᱢᱤ ᱠᱷᱟᱹᱛᱤᱨ ᱵᱟᱰᱟᱭᱚᱜᱼᱟ᱾ ᱟᱡᱟᱜ ᱠᱟᱹᱢᱤ ᱡᱤᱭᱚᱱ ᱨᱮᱭᱟᱜ ᱮᱛᱚᱦᱚᱵ ᱨᱮ ᱩᱱᱤ ᱫᱚ ᱮᱠᱥᱮᱞ ᱮᱱᱴᱟᱨᱴᱮᱱᱢᱮᱱᱴ ᱥᱟᱶ ᱟᱹᱰᱤ ᱥᱩᱨ ᱥᱟᱹᱜᱟᱹᱭ ᱮ ᱵᱮᱱᱟᱣ ᱞᱮᱫᱟ, ᱯᱷᱚᱨᱦᱟᱱ ᱟᱠᱷᱛᱟᱨ ᱫᱚ ᱞᱟᱠᱥᱭᱟ (᱒᱐᱐᱔) ᱟᱨ ᱰᱚᱱ (᱒᱐᱐᱖) ᱞᱮᱠᱟᱱ ᱯᱷᱤᱞᱢ ᱨᱮ ᱮᱥᱤᱥᱴᱮᱱᱴ ᱞᱮᱠᱟᱛᱮᱭ ᱠᱟᱹᱢᱤ ᱞᱮᱫᱟ᱾ ᱩᱱᱤ ᱫᱚ ᱧᱩᱛᱩᱢᱟᱱ ᱡᱮᱜᱮᱛᱟᱹᱨᱤ ᱰᱤᱨᱮᱠᱴᱚᱨ ᱠᱚᱦᱚᱸᱭ ᱮᱥᱤᱥᱴ ᱟᱠᱟᱫ ᱠᱚᱣᱟ, ᱡᱮᱞᱮᱠᱟ ᱟᱝ ᱞᱤ ᱟᱡᱟᱜ ᱚᱥᱠᱟᱨ ᱮᱢᱟᱱ ᱯᱷᱤᱞᱢ ᱞᱟᱭᱤᱯᱷ ᱚᱯᱷ ᱯᱟᱭ (᱒᱐᱑᱒) ᱨᱮ, ᱟᱨ ᱢᱤᱨᱟ ᱱᱟᱭᱟᱨ ᱟᱡᱟᱜ ᱧᱩᱛᱩᱢᱟᱱ ᱯᱷᱤᱞᱢ ᱠᱚ ᱡᱮᱞᱮᱠᱟ ᱫᱟ ᱱᱮᱢᱥᱮᱠ (᱒᱐᱐᱖) ᱟᱨ ᱫᱟ ᱨᱤᱞᱚᱠᱴᱮᱱᱴ ᱯᱷᱚᱱᱰᱟᱢᱮᱱᱴᱟᱞᱤᱥᱴ (᱒᱐᱑᱒) ᱨᱮ᱾
ᱮᱛᱚᱦᱚᱵ ᱡᱤᱭᱚᱱ ᱟᱨ ᱥᱮᱪᱮᱫ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱢᱮᱦᱨᱟ ᱫᱚ ᱟᱢᱨᱤᱛᱥᱚᱨ ᱨᱮ ᱢᱤᱫ ᱯᱚᱧᱡᱟᱵᱤ ᱦᱤᱱᱫᱩ ᱜᱷᱟᱨᱚᱸᱡᱽ ᱨᱮᱭ ᱡᱟᱱᱟᱢ ᱞᱮᱱᱟ᱾ ᱟᱡᱤᱡ ᱮᱸᱜᱟᱛ ᱫᱚ ᱢᱤᱫ ᱯᱷᱮᱥᱚᱱ ᱰᱤᱡᱟᱭᱱᱟᱨ ᱮ ᱛᱟᱦᱮᱸ ᱠᱟᱱᱟ᱾ ᱩᱱᱤ ᱫᱚ ᱰᱮᱦᱨᱟᱫᱩᱱ ᱨᱮᱭᱟᱜ ᱣᱮᱞᱦᱟᱢ ᱜᱟᱨᱞᱥ ᱥᱠᱩᱞ, ᱢᱤᱫ ᱵᱳᱨᱰᱤᱝ ᱥᱠᱩᱞ ᱨᱮᱭ ᱯᱟᱲᱦᱟᱣ ᱞᱮᱱᱟ᱾ ᱟᱡᱟᱜ ᱥᱠᱩᱞ ᱥᱮᱪᱮᱫ ᱯᱩᱨᱟᱹᱣ ᱠᱟᱛᱮ ᱩᱱᱤ ᱫᱚ ᱫᱤᱞᱞᱤ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮ ᱥᱟᱶᱦᱮᱫ ᱮ ᱯᱟᱲᱦᱟᱣ ᱠᱮᱫᱟ, ᱚᱱᱟ ᱛᱟᱭᱚᱢ ᱱᱤᱭᱩᱭᱚᱨᱠ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮ ᱯᱷᱤᱞᱢ ᱯᱨᱚᱰᱚᱠᱥᱚᱱ ᱟᱨ ᱰᱤᱨᱮᱠᱥᱚᱱ ᱯᱨᱚᱜᱨᱟᱢ ᱮ ᱠᱮᱫᱟ᱾[᱕]
ᱠᱟᱹᱢᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱢᱮᱦᱨᱟ ᱫᱚ ᱒᱐᱐᱑ ᱥᱟᱞᱮ ᱨᱮ ᱱᱤᱭᱩᱭᱚᱨᱠ ᱨᱮ ᱥᱯᱟᱭᱤᱠ ᱞᱤ ᱯᱨᱚᱰᱚᱠᱥᱚᱱ ᱨᱮᱱᱟᱜ ᱓ ᱮ.ᱮᱢ. ᱧᱩᱛᱩᱢᱟᱱ ᱯᱷᱤᱞᱢ ᱨᱮ ᱯᱨᱚᱰᱚᱠᱥᱚᱱ ᱮᱥᱤᱥᱴᱮᱱᱴ ᱞᱮᱠᱟᱛᱮ ᱯᱷᱤᱞᱢ ᱵᱮᱱᱟᱣ ᱡᱤᱭᱚᱱ ᱮᱛᱚᱦᱚᱵ ᱞᱮᱫᱟ᱾ ᱥᱤᱧᱚᱛ ᱨᱩᱣᱟᱹᱲ ᱦᱮᱡ ᱨᱮᱭᱟᱜ ᱟᱥ ᱤᱫᱤ ᱠᱟᱛᱮ, ᱩᱱᱤ ᱫᱚ ᱥᱤᱧᱚᱛ ᱨᱮᱱ ᱯᱷᱤᱞᱢ ᱵᱮᱱᱟᱣᱤᱭᱟᱹ ᱠᱚ ᱮᱥᱤᱥᱴ ᱮ ᱮᱛᱚᱦᱚᱵ ᱠᱮᱫᱟ ᱟᱨ ᱠᱟᱹᱢᱤ ᱨᱮᱭᱟᱜ ᱠᱟᱭᱫᱟ ᱠᱟᱹᱱᱩᱱ ᱮ ᱪᱮᱫ ᱠᱮᱫᱟ᱾ ᱮᱥᱤᱥᱴᱮᱱᱴ ᱰᱤᱨᱮᱠᱴᱚᱨ ᱞᱮᱠᱟᱛᱮ ᱩᱱᱤ ᱫᱚ ᱟᱭᱢᱟ ᱥᱤᱧᱚᱛᱤᱭᱟᱹ ᱟᱨ ᱡᱮᱜᱮᱛᱟᱹᱨᱤ ᱯᱨᱚᱡᱮᱠᱴ ᱠᱚᱨᱮ ᱠᱟᱹᱢᱤ ᱟᱠᱟᱫᱟ, ᱡᱮᱞᱮᱠᱟ ᱞᱟᱠᱥᱭᱟ, ᱫᱟ ᱱᱮᱢᱥᱮᱠ, ᱰᱚᱱ, ᱞᱤᱴᱤᱞ ᱡᱤᱡᱩ, ᱫᱟ ᱨᱤᱞᱚᱠᱴᱮᱱᱴ ᱯᱷᱚᱱᱰᱟᱢᱮᱱᱴᱟᱞᱤᱥᱴ, ᱟᱨ ᱞᱟᱭᱤᱯᱷ ᱚᱯᱷ ᱯᱟᱭ᱾
ᱢᱮᱦᱨᱟ ᱫᱚ ᱒᱐᱐᱕ ᱥᱟᱞᱮ ᱨᱮ ᱥᱴᱟᱨ ᱣᱟᱱ ᱨᱮᱱᱟᱜ ᱴᱤᱱ ᱠᱚᱢᱮᱰᱤ ᱥᱤᱴᱠᱚᱢ ᱦᱮᱯᱤ ᱜᱳ ᱞᱚᱠᱤ ᱮ ᱰᱤᱨᱮᱠᱴ ᱞᱮᱫᱟ᱾
ᱢᱮᱦᱨᱟᱣᱟᱜ ᱰᱤᱨᱮᱠᱴᱚᱨᱤᱭᱟᱞ ᱵᱨᱮᱠᱛᱷᱨᱩ ᱫᱚ ᱒᱐᱑᱓ ᱥᱟᱞᱮ ᱨᱮ ᱦᱤᱴ ᱴᱤᱵᱷᱤ ᱥᱳ ᱒᱔ ᱨᱮᱱᱟᱜ ᱥᱤᱧᱚᱛᱤᱭᱟᱹ ᱨᱤᱢᱮᱠ ᱨᱮᱱᱟᱜ ᱯᱩᱭᱞᱩ ᱥᱤᱡᱚᱱ ᱥᱟᱶ ᱦᱮᱡ ᱮᱱᱟ, ᱡᱟᱦᱟᱸ ᱫᱚ ᱠᱚᱞᱚᱨᱥ ᱴᱤᱵᱷᱤ ᱨᱮ ᱩᱫᱩᱜ ᱥᱚᱫᱚᱨ ᱞᱮᱱᱟ᱾ ᱚᱱᱤᱞ ᱠᱟᱯᱩᱨ ᱟᱠᱴᱤᱝ ᱟᱠᱟᱫ ᱱᱚᱣᱟ ᱥᱳ ᱫᱚ ᱟᱹᱰᱤ ᱜᱮ ᱠᱚ ᱠᱩᱥᱤ ᱞᱮᱫᱟ ᱟᱨ ᱱᱚᱣᱟ ᱨᱮᱭᱟᱜ ᱰᱤᱨᱮᱠᱥᱚᱱ, ᱯᱚᱨᱯᱷᱚᱨᱢᱟᱱᱥ ᱟᱨ ᱮᱱᱥᱮᱢᱵᱚᱞ ᱠᱟᱥᱴ ᱠᱷᱟᱹᱛᱤᱨ ᱠᱚ ᱥᱟᱨᱦᱟᱣ ᱞᱮᱫᱟ᱾
᱒᱐᱑᱖ ᱥᱟᱞᱮ ᱨᱮ, ᱢᱮᱦᱨᱟ ᱫᱚ ᱟᱡᱟᱜ ᱯᱩᱭᱞᱩ ᱯᱷᱤᱪᱟᱨ ᱯᱷᱤᱞᱢ ᱵᱟᱨ ᱵᱟᱨ ᱫᱮᱠᱷᱳ ᱮ ᱰᱤᱨᱮᱠᱴ ᱞᱮᱫᱟ, ᱡᱟᱦᱟᱸᱨᱮ ᱥᱤᱫᱷᱟᱨᱛᱷ ᱢᱟᱞᱦᱚᱛᱨᱟ ᱟᱨ ᱠᱟᱴᱨᱤᱱᱟ ᱠᱮᱭᱯᱷ ᱠᱤᱨᱫᱟᱹᱨ ᱨᱮ ᱠᱤᱱ ᱛᱟᱦᱮᱸ ᱠᱟᱱᱟ, ᱟᱨ ᱱᱚᱣᱟ ᱫᱚ ᱮᱠᱥᱮᱞ ᱮᱱᱴᱟᱨᱴᱮᱱᱢᱮᱱᱴ ᱟᱨ ᱫᱷᱚᱨᱢᱟ ᱯᱨᱚᱰᱚᱠᱥᱚᱱᱥ ᱠᱤᱱ ᱥᱟᱶᱛᱮ ᱵᱮᱱᱟᱣ ᱞᱮᱫᱟ᱾
᱒᱐᱑᱙ ᱥᱟᱞᱮ ᱨᱮ, ᱢᱮᱦᱨᱟ ᱫᱚ ᱮᱢᱟᱡᱚᱱ ᱯᱨᱟᱭᱤᱢ ᱵᱷᱤᱰᱤᱭᱳ ᱞᱟᱹᱜᱤᱫ ᱟᱹᱰᱤ ᱜᱮ ᱥᱟᱨᱦᱟᱣ ᱟᱠᱟᱱ ᱰᱨᱟᱢᱟ ᱥᱤᱨᱤᱡᱽ ᱢᱮᱰ ᱤᱱ ᱦᱮᱵᱮᱱ ᱨᱮᱭ ᱠᱟᱹᱢᱤ ᱞᱮᱫᱟ, ᱡᱟᱦᱟᱸᱨᱮ ᱩᱱᱤ ᱫᱚ ᱥᱤᱡᱚᱱ ᱑ ᱞᱟᱹᱜᱤᱫ ᱰᱤᱨᱮᱠᱴᱚᱨ, ᱥᱳᱨᱟᱱᱟᱨ ᱟᱨ ᱮᱠᱡᱤᱠᱭᱩᱴᱤᱵᱷ ᱯᱨᱚᱰᱭᱩᱥᱚᱨ ᱞᱮᱠᱟᱛᱮᱭ ᱠᱟᱹᱢᱤ ᱞᱮᱫᱟ᱾ ᱟᱨᱡᱩᱱ ᱢᱟᱛᱷᱩᱨ, ᱥᱳᱵᱷᱤᱛᱟ ᱫᱷᱩᱞᱤᱯᱟᱞᱟ, ᱡᱤᱢ ᱥᱟᱨᱵᱷ ᱟᱨ ᱠᱟᱞᱠᱤ ᱠᱳᱪᱞᱤᱱ ᱠᱚ ᱢᱮᱱᱟᱜ ᱠᱚᱣᱟ ᱱᱚᱣᱟ ᱥᱳ ᱟᱨ ᱱᱩᱠᱩᱣᱟᱜ ᱠᱟᱹᱢᱤ ᱫᱚ ᱡᱚᱛᱚ ᱦᱚᱲ ᱠᱚ ᱠᱩᱥᱤ ᱞᱮᱫᱟ, ᱟᱨ IMDb ᱨᱮᱱᱟᱜ '᱕᱐ ᱢᱚᱥᱴ ᱯᱚᱯᱩᱞᱟᱨ ᱤᱱᱰᱤᱭᱟᱱ ᱣᱮᱵᱽ-ᱥᱳᱡᱽ ᱚᱯᱷ ᱚᱞ ᱴᱟᱭᱤᱢ' ᱞᱤᱥᱴ ᱨᱮ ᱱᱚᱣᱟ ᱦᱚᱸ ᱥᱮᱞᱮᱫ ᱢᱮᱱᱟᱜᱼᱟ᱾
ᱩᱱᱤ ᱫᱚ ᱟᱢᱟᱡᱚᱱ ᱯᱨᱟᱭᱤᱢ ᱵᱷᱤᱰᱤᱭᱳ ᱨᱮ ᱩᱪᱷᱟᱹᱱ ᱟᱠᱟᱱ ᱥᱤᱧᱚᱛᱤᱭᱟᱹ ᱦᱤᱱᱫᱤ ᱯᱟᱹᱨᱥᱤ ᱛᱮ ᱵᱮᱱᱟᱣ ᱟᱠᱟᱱ ᱮᱱᱛᱷᱚᱞᱚᱡᱤ ᱯᱷᱤᱞᱢ ᱚᱱᱯᱚᱡᱽᱰ (᱒᱐᱒᱐) ᱨᱮᱱᱟᱜ ᱦᱟᱹᱴᱤᱧ ᱪᱟᱸᱫᱽ ᱢᱩᱵᱟᱨᱚᱠ ᱮ ᱚᱞ ᱟᱨ ᱰᱤᱨᱮᱠᱴ ᱞᱮᱫᱟ᱾ ᱱᱚᱣᱟ ᱠᱟᱹᱦᱱᱤ ᱫᱚ ᱢᱤᱫ ᱚᱴᱚ-ᱨᱤᱠᱥᱟ ᱪᱟᱞᱟᱣᱤᱡ, ᱚᱵᱷᱤᱥᱮᱠ ᱵᱮᱱᱟᱨᱡᱤ ᱟᱠᱴᱤᱝ ᱟᱠᱟᱫᱟᱭ ᱟᱨ ᱨᱟᱛᱱᱟ ᱯᱟᱴᱷᱚᱠ ᱟᱠᱴᱤᱝ ᱟᱠᱟᱫ ᱢᱤᱫ ᱵᱷᱮᱜᱟᱨ ᱛᱟᱦᱮᱸᱱ ᱟᱨᱡᱩᱢᱟᱱ ᱛᱤᱨᱞᱟᱹ ᱛᱟᱞᱟ ᱨᱮᱱᱟᱜ ᱵᱷᱮᱜᱟᱨ ᱜᱟᱛᱮᱭᱟᱨᱤ ᱪᱮᱛᱟᱱ ᱨᱮ ᱫᱷᱮᱭᱟᱱ ᱮᱢ ᱟᱠᱟᱫᱟ, ᱡᱟᱦᱟᱸ ᱫᱚ ᱱᱟᱯᱟᱭ ᱨᱤᱵᱷᱤᱭᱩ ᱠᱚ ᱧᱟᱢ ᱞᱮᱫᱟ ᱟᱨ ᱱᱚᱣᱟ ᱨᱮᱭᱟᱜ ᱢᱚᱱᱮ ᱦᱟᱹᱥᱩ ᱚᱞ ᱟᱨ ᱰᱤᱨᱮᱠᱥᱚᱱ ᱠᱷᱟᱹᱛᱤᱨ ᱠᱚ ᱥᱟᱨᱦᱟᱣ ᱞᱮᱫᱟ᱾
᱒᱐᱒᱓ ᱥᱟᱞᱮ ᱨᱮ, ᱢᱮᱦᱨᱟ ᱫᱚ ᱢᱮᱰ ᱤᱱ ᱦᱮᱵᱮᱱ ᱨᱮᱭᱟᱜ ᱫᱚᱥᱟᱨ ᱥᱤᱡᱚᱱ ᱞᱟᱹᱜᱤᱫ ᱰᱤᱨᱮᱠᱴᱚᱨ ᱞᱮᱠᱟᱛᱮᱭ ᱨᱩᱣᱟᱹᱲ ᱦᱮᱡ ᱞᱮᱱᱟ᱾
ᱩᱱᱤ ᱫᱚ ᱮᱢᱟᱡᱚᱱ ᱯᱨᱟᱭᱤᱢ ᱵᱷᱤᱰᱤᱭᱳ ᱞᱟᱹᱜᱤᱫ ᱠᱚᱢᱤᱝ-ᱚᱯᱷ-ᱮᱡᱽ ᱰᱨᱟᱢᱟ ᱵᱤᱜᱽ ᱜᱟᱨᱞᱥ ᱰᱚᱱᱴ ᱠᱨᱟᱭ (᱒᱐᱒᱔) ᱮ ᱵᱮᱱᱟᱣ ᱟᱨ ᱰᱤᱨᱮᱠᱴ ᱞᱮᱫᱟ᱾ ᱡᱩᱣᱟᱹᱱ-ᱮᱰᱟᱞᱴ ᱥᱳ ᱫᱚ ᱡᱚᱛᱚ ᱠᱩᱲᱤ ᱠᱚᱣᱟᱜ ᱵᱳᱨᱰᱤᱝ ᱥᱠᱩᱞ ᱨᱮᱱ ᱯᱟᱹᱴᱷᱩᱣᱟᱹ ᱠᱚᱣᱟᱜ ᱡᱤᱭᱚᱱ ᱪᱮᱛᱟᱱ ᱨᱮ ᱵᱮᱱᱟᱣ ᱟᱠᱟᱱᱟ, ᱡᱟᱦᱟᱸᱨᱮ ᱩᱱᱠᱩᱣᱟᱜ ᱩᱯᱨᱩᱢ, ᱠᱞᱟᱥ ᱟᱨ ᱦᱟᱨᱟ ᱵᱩᱨᱩᱜ ᱨᱮᱭᱟᱜ ᱠᱟᱛᱷᱟ ᱠᱚ ᱞᱟᱹᱭ ᱥᱚᱫᱚᱨ ᱟᱠᱟᱱᱟ᱾
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ Ghosh, Sankhayan (2016-09-05). "Why Nitya Mehra doesn't like reality". www.livemint.com/. Retrieved 2018-03-23.
- ↑ Reuters Editorial. "Interview: Nitya Mehra on 'Baar Baar Dekho'". IN (in Indian English). Archived from the original on 20 February 2018. Retrieved 2018-03-23.
- ↑ "Baar Baar Dekho: The film is a person's life story from 18-60, says Ritesh Sidhwani".
- ↑ "Made In Heaven writers Zoya, Reema, Nitya, Alankrita on their debut series that 'unmasks' big, fat Indian weddings". Firstpost. 2019-03-11.
- ↑ "Amritsar-born Nitya Mehra hopes her debut directorial film Baar Baar Dekho becomes a 'game-changer'". The Indian Express (in ᱟᱢᱮᱨᱤᱠᱟᱱ ᱟᱝᱜᱽᱨᱮᱡᱤ). 2016-09-06. Retrieved 2018-03-23.
ᱵᱟᱦᱨᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ᱱᱤᱛᱭᱟ ᱢᱮᱦᱨᱟ (ᱤᱱᱴᱚᱨᱱᱮᱴ ᱢᱩᱵᱷᱤ ᱰᱟᱴᱟᱵᱮᱥ ᱨᱮ)