ᱱᱤᱞᱚᱢ ᱠᱟᱨᱠᱤ ᱱᱤᱦᱟᱨᱤᱠᱟ

ᱱᱤᱞᱚᱢ ᱠᱟᱨᱠᱤ ᱱᱤᱦᱟᱨᱤᱠᱟ (ᱱᱮᱯᱟᱞᱤ: नीलम कार्की निहारिका) (ᱡᱟᱱᱟᱢ ᱮᱯᱨᱤᱞ ᱙, ᱑᱙᱗᱕) ᱫᱚ ᱢᱤᱫ ᱱᱮᱯᱟᱞᱤ ᱩᱯᱟᱹᱱᱟᱥᱤᱭᱟᱹ, ᱚᱱᱚᱬᱦᱤᱭᱟᱹ ᱟᱨ ᱦᱩᱰᱤᱧ ᱠᱟᱹᱦᱱᱤ ᱚᱱᱚᱞᱤᱭᱟᱹ ᱠᱟᱱᱟᱭ ᱾ ᱩᱱᱤᱫᱚ ᱵᱮᱞᱤ, ᱦᱟᱣᱟᱱ, ᱪᱤᱨᱦᱟᱨᱚᱱ ᱟᱨ ᱭᱳᱜᱽᱢᱟᱭᱟ ᱚᱞ ᱞᱟᱹᱜᱤᱫ ᱟᱹᱰᱤ ᱵᱟᱹᱲᱛᱤ ᱵᱟᱰᱟᱭᱚᱜᱼᱟ ᱾ ᱟᱡᱟᱜ ᱯᱩᱭᱞᱩ ᱩᱯᱟᱹᱱᱟᱥ 'ᱢᱟᱩᱱ ᱡᱤᱵᱚᱱ' ᱫᱚ ᱑᱙᱙᱔ ᱥᱟᱞᱮ ᱨᱮ ᱪᱷᱟᱯᱟ ᱞᱮᱱᱟ ᱾

ᱥᱟᱶᱦᱮᱫᱤᱭᱟᱹ ᱠᱟᱹᱢᱤ ᱡᱤᱭᱚᱱ

ᱟᱡᱟᱜ ᱠᱟᱹᱢᱤ ᱠᱚ ᱫᱚ ᱠᱷᱚᱵᱚᱨ ᱠᱟᱜᱚᱡᱽ, ᱴᱮᱞᱤᱵᱤᱡᱚᱱ ᱟᱨ ᱨᱮᱰᱤᱭᱳ ᱢᱤᱰᱤᱭᱟ ᱨᱮ ᱟᱹᱰᱤ ᱠᱚ ᱠᱷᱚᱡᱚᱜᱼᱟ ᱾ ᱟᱡᱟᱜ ᱧᱩᱛᱩᱢᱟᱱ ᱫᱚ ᱱᱮᱯᱟᱞ ᱵᱟᱦᱨᱮ ᱨᱮᱦᱚᱸ ᱯᱟᱥᱱᱟᱣ ᱟᱠᱟᱱᱟ, ᱵᱤᱥᱮᱥ ᱠᱟᱛᱮ ᱵᱟᱦᱨᱮ ᱫᱤᱥᱚᱢ ᱨᱮᱱᱟᱜ ᱱᱮᱯᱟᱞᱤ ᱜᱟᱶᱛᱟ ᱠᱚᱨᱮ ᱾ ᱟᱡᱟᱜ ᱥᱟᱛᱟᱢ ᱠᱚᱫᱚ ᱵᱟᱹᱲᱛᱤ ᱠᱟᱭᱛᱮ ᱠᱚᱲᱟ ᱦᱚᱯᱚᱱ ᱠᱚᱣᱟᱜ ᱥᱟᱥᱚᱱ ᱥᱟᱶᱛᱟ, ᱡᱟᱹᱛᱤ, ᱪᱟᱥᱛᱟ, ᱨᱮᱸᱜᱮᱡ, ᱵᱷᱨᱚᱥᱴᱟᱪᱟᱨ ᱟᱨ ᱡᱩᱞᱩᱢ ᱪᱮᱛᱟᱱ ᱨᱮ ᱛᱟᱦᱮᱸᱱᱟ ᱾ ᱩᱱᱤᱫᱚ ᱟᱡᱟᱜ ᱯᱚᱛᱚᱵ ᱠᱚᱨᱮ ᱯᱟᱨᱤᱡᱟᱛ ᱫᱚ ᱩᱫᱽᱜᱟᱹᱣ ᱮᱢᱚᱜᱤᱡ ᱟᱨ ᱚᱨᱥᱚᱝ ᱮ ᱮᱢᱚᱜᱤᱡ ᱞᱮᱠᱟᱛᱮ ᱮ ᱞᱟᱹᱭᱟ ᱾

ᱭᱳᱜᱽᱢᱟᱭᱟ

ᱭᱳᱜᱽᱢᱟᱭᱟ ᱫᱚ ᱟᱡᱟᱜ ᱟᱹᱰᱤ ᱧᱩᱛᱩᱢᱟᱱ ᱠᱟᱹᱢᱤ ᱠᱚ ᱢᱩᱫᱽ ᱨᱮ ᱢᱤᱫᱴᱟᱹᱝ ᱠᱟᱱᱟ ᱾ ᱭᱳᱜᱽᱢᱟᱭᱟ ᱫᱚ ᱛᱤᱨᱞᱟᱹ ᱢᱩᱲᱩᱛ ᱪᱩᱨᱤᱛ ᱭᱳᱜᱽᱢᱟᱭᱟ ᱱᱮᱣᱯᱟᱱᱮ (᱑᱘᱖᱐–᱑᱙᱔᱑) ᱭᱟᱜ ᱡᱤᱭᱚᱱ ᱪᱮᱛᱟᱱ ᱨᱮ ᱟᱫᱷᱟᱨᱤᱛ ᱜᱮᱭᱟ, ᱡᱟᱦᱟᱸᱭ ᱫᱚ ᱵᱷᱳᱡᱽᱯᱩᱨ ᱨᱮ ᱡᱟᱱᱟᱢ ᱟᱠᱟᱱ ᱢᱤᱫ ᱫᱷᱚᱨᱚᱢ ᱢᱩᱲᱩᱛ ᱟᱨ ᱛᱤᱨᱞᱟᱹ ᱠᱚᱣᱟᱜ ᱦᱚᱠ ᱞᱟᱹᱜᱤᱫ ᱞᱟᱹᱲᱦᱟᱹᱭᱤᱭᱟᱹ ᱠᱟᱱᱟᱭ, ᱡᱟᱦᱟᱸᱭ ᱫᱚ ᱟᱹᱰᱤ ᱫᱟᱲᱮᱭᱟᱱ ᱨᱟᱬᱟ ᱥᱟᱥᱚᱱ ᱵᱤᱨᱩᱫᱷ ᱨᱮᱭ ᱞᱟᱹᱲᱦᱟᱹᱭ ᱞᱮᱫ ᱛᱟᱦᱮᱸᱫ ᱾ ᱠᱟᱨᱠᱤ ᱭᱟᱜ ᱠᱷᱚᱸᱫᱽᱨᱚᱱ ᱟᱨ ᱯᱚᱛᱚᱵ ᱫᱚ ᱭᱳᱜᱽᱢᱟᱭᱟ ᱫᱚ ᱱᱮᱯᱟᱞᱤ ᱢᱩᱲᱩᱛ ᱥᱟᱶᱛᱟ ᱨᱮ ᱟᱹᱜᱩ ᱨᱮ ᱟᱹᱰᱤ ᱢᱟᱨᱟᱝ ᱚᱨᱥᱚᱝ ᱮ ᱮᱢ ᱟᱠᱟᱫᱼᱟ ᱢᱮᱱᱛᱮ ᱠᱚ ᱢᱟᱱᱟᱣᱟ ᱾

ᱥᱤᱨᱯᱷᱟᱹ ᱠᱚ

ᱩᱱᱤᱫᱚ ᱒᱐᱑᱖ ᱥᱟᱞᱮ ᱨᱮ ᱟᱡᱟᱜ ᱩᱯᱟᱹᱱᱟᱥ 'ᱪᱤᱨᱦᱟᱨᱚᱱ' ᱞᱟᱹᱜᱤᱫ ᱯᱚᱫᱽᱢᱚᱥᱨᱤ ᱥᱟᱦᱤᱛᱭᱚ ᱯᱩᱨᱚᱥᱠᱟᱨ ᱮ ᱡᱤᱛᱠᱟᱹᱨ ᱞᱮᱱᱟ ᱾ ᱱᱚᱣᱟ ᱩᱯᱟᱹᱱᱟᱥ ᱫᱚ ᱢᱚᱫᱚᱱ ᱯᱩᱨᱚᱥᱠᱟᱨ ᱞᱟᱹᱜᱤᱫ ᱦᱚᱸ ᱥᱚᱴᱞᱤᱥᱴ ᱨᱮ ᱥᱮᱞᱮᱫ ᱞᱮᱱᱟ ᱾

ᱩᱱᱤᱫᱚ ᱒᱐᱑᱘ ᱥᱟᱞᱮ ᱨᱮ ᱟᱡᱟᱜ ᱩᱯᱟᱹᱱᱟᱥ 'ᱭᱳᱜᱽᱢᱟᱭᱟ' ᱞᱟᱹᱜᱤᱫ ᱢᱚᱫᱚᱱ ᱯᱩᱨᱚᱥᱠᱟᱨ ᱮ ᱡᱤᱛᱠᱟᱹᱨ ᱞᱮᱱᱟ ᱾ ᱩᱱᱤᱫᱚ ᱚᱱᱟ ᱥᱤᱨᱯᱷᱟᱹᱭ ᱡᱤᱛᱠᱟᱹᱨ ᱟᱠᱟᱫ ᱯᱩᱱᱭᱟᱹ ᱛᱤᱨᱞᱟᱹ ᱚᱱᱚᱞᱤᱭᱟᱹ ᱠᱚ ᱢᱩᱫᱽ ᱨᱮ ᱢᱤᱫ ᱦᱚᱲ ᱠᱟᱱᱟᱭ ᱾