ᱱᱤᱠᱠᱤ ᱦᱮᱢᱵᱨᱚᱢ
ᱱᱤᱠᱠᱤ ᱦᱮᱢᱵᱨᱚᱢ (ᱡᱟᱱᱟᱢ ᱑᱙᱗᱘)[᱑] ᱫᱚ ᱵᱤᱦᱟᱨ ᱨᱤᱱᱤᱡ ᱢᱤᱫ ᱥᱤᱧᱚᱛᱤᱭᱟᱹ ᱨᱟᱡᱽᱟᱹᱨᱤᱭᱟᱹ ᱠᱟᱱᱟᱭ ᱾ ᱩᱱᱤ ᱫᱚ ᱵᱷᱟᱨᱚᱛᱤᱭᱚ ᱡᱚᱱᱛᱟ ᱯᱟᱨᱴᱤ ᱨᱮᱱᱟᱜ ᱩᱫᱩᱜ ᱮᱫᱟᱭ ᱵᱟᱸᱠᱟ ᱦᱚᱱᱚᱛ ᱨᱮ ᱟᱹᱫᱤᱵᱟᱹᱥᱤ ᱠᱚ ᱞᱟᱹᱜᱤᱫ ᱮᱢ ᱟᱠᱟᱱ ᱠᱟᱴᱳᱨᱤᱭᱟᱹ ᱵᱤᱫᱷᱟᱱᱥᱚᱵᱷᱟ ᱵᱟᱪᱷᱱᱟᱣ ᱴᱚᱴᱷᱟ ᱠᱷᱚᱱ ᱵᱤᱦᱟᱨ ᱵᱤᱫᱷᱟᱱᱥᱚᱵᱷᱟ ᱨᱤᱱᱤᱡ ᱥᱚᱦᱮᱛ ᱠᱟᱱᱟᱭ ᱾[᱒] ᱒᱐᱒᱐ ᱥᱟᱞ ᱨᱮᱱᱟᱜ ᱵᱤᱦᱟᱨ ᱵᱤᱫᱷᱟᱱᱥᱚᱵᱷᱟ ᱵᱟᱪᱷᱱᱟᱣ ᱨᱮ ᱩᱱᱤ ᱵᱟᱪᱷᱚᱱ ᱞᱮᱱᱟᱭ ᱾[᱓][᱔][᱕]
ᱮᱛᱚᱦᱚᱵ ᱡᱤᱭᱚᱱ ᱟᱨ ᱥᱮᱪᱮᱫ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱦᱮᱢᱵᱨᱚᱢ ᱫᱚ ᱵᱟᱸᱠᱟ ᱦᱚᱱᱚᱛ ᱨᱮᱱᱟᱜ ᱵᱮᱞᱦᱟᱨ ᱨᱤᱱᱤᱡ ᱠᱟᱱᱟᱭ ᱾ ᱱᱩᱭᱤᱡ ᱡᱟᱶᱟᱭ ᱨᱚᱢᱮᱥ ᱦᱮᱢᱵᱨᱚᱢ ᱫᱚ ᱢᱤᱫ ᱵᱮᱯᱟᱨᱤᱭᱟᱹ ᱠᱟᱱᱟᱭ ᱾ ᱱᱩᱠᱩᱭᱤᱜ ᱢᱤᱫ ᱠᱚᱲᱟ ᱜᱤᱫᱽᱨᱟᱹ ᱥᱳᱱᱟᱞᱟᱞ ᱦᱮᱢᱵᱨᱚᱢ ᱠᱟᱱᱟᱭ ᱾ ᱩᱱᱤ ᱫᱚ ᱒᱐᱑᱒ ᱥᱟᱞ ᱨᱮ ᱟᱡᱟᱜ ᱰᱚᱠᱴᱚᱨᱮᱴ ᱯᱟᱲᱦᱟᱣ ᱯᱩᱨᱟᱹᱣ ᱠᱮᱫᱼᱟ ᱟᱨ ᱫᱩᱢᱠᱟᱹ ᱨᱮ ᱢᱮᱱᱟᱜ ᱥᱤᱫᱚ ᱠᱟᱹᱱᱦᱩ ᱢᱩᱨᱢᱩ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱷᱚᱱ ᱯᱤ.ᱮᱪ.ᱰᱤ. ᱧᱟᱢ ᱠᱮᱫᱼᱟ ᱾[᱑] ᱩᱱᱤ ᱫᱚ ᱥᱟᱫᱷᱟᱨᱚᱱ ᱵᱟᱪᱷᱱᱟᱣ ᱢᱟᱬᱟᱝ ᱵᱷᱟᱨᱚᱛ ᱨᱮᱱᱟᱜ ᱵᱟᱪᱷᱱᱟᱣ ᱠᱚᱢᱤᱥᱚᱱ ᱨᱮ ᱯᱷᱟᱭᱤᱞ ᱟᱠᱟᱱ ᱢᱤᱫ ᱥᱟᱠᱟᱢ ᱨᱮ ᱟᱡᱟᱜ ᱡᱤᱱᱤᱥ ᱠᱚ ᱑ ᱠᱳᱴᱤ ᱴᱟᱠᱟ ᱜᱚᱴᱟ ᱟᱠᱟᱫᱟ ᱾ ᱩᱱᱤ ᱵᱤᱨᱩᱫᱷ ᱨᱮ ᱪᱮᱫ ᱦᱚᱸ ᱠᱨᱤᱢᱤᱱᱟᱞ ᱠᱮᱥ ᱵᱟᱹᱱᱩᱜᱼᱟ ᱾[᱑]
ᱠᱟᱹᱢᱤ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱦᱮᱢᱵᱨᱚᱢ ᱫᱚ ᱵᱷᱟᱨᱚᱛᱤᱭᱚ ᱡᱚᱱᱛᱟ ᱯᱟᱨᱴᱤ ᱨᱮᱱᱟᱜ ᱩᱫᱩᱜ ᱠᱟᱛᱮ ᱠᱟᱴᱳᱨᱤᱭᱟᱹ ᱵᱤᱫᱷᱟᱱᱥᱚᱵᱷᱟ ᱵᱟᱪᱷᱱᱟᱣ ᱴᱚᱴᱷᱟ ᱠᱷᱚᱱ ᱒᱐᱒᱐ ᱥᱟᱞ ᱨᱮᱱᱟᱜ ᱵᱤᱦᱟᱨ ᱵᱤᱫᱷᱟᱱᱥᱚᱵᱷᱟ ᱵᱟᱪᱷᱱᱟᱣ ᱨᱮ ᱡᱤᱛᱠᱟᱹᱨ ᱞᱮᱱᱟᱭ ᱾[᱖][᱗] ᱩᱱᱤ ᱫᱚ ᱗᱔,᱗᱘᱕ ᱵᱷᱳᱴ ᱮ ᱧᱟᱢ ᱠᱮᱫᱼᱟ ᱟᱨ ᱟᱡ ᱥᱩᱨ ᱨᱤᱱ ᱦᱟᱯᱟᱨᱟᱣᱤᱡ ᱨᱟᱥᱴᱨᱤᱭᱟ ᱡᱟᱱᱟᱛ ᱰᱟᱞ ᱨᱮᱱ ᱥᱣᱤᱴᱤ ᱥᱤᱢᱟ ᱦᱮᱢᱵᱨᱚᱢ ᱫᱚ ᱖,᱔᱒᱑ ᱵᱷᱳᱴ ᱛᱮ ᱦᱟᱨᱟᱣ ᱠᱮᱫᱮᱭᱟ ᱾ ᱩᱱᱤ ᱟᱹᱫᱤᱵᱟᱹᱥᱤ ᱠᱚᱣᱟᱜ ᱟᱹᱭᱫᱟᱹᱨ ᱞᱟᱹᱜᱤᱫ ᱞᱟᱹᱲᱦᱟᱹᱭ ᱮᱫᱟᱭ ᱾[᱘][᱙] ᱒᱐᱑᱕ ᱨᱮᱱᱟᱜ ᱵᱤᱦᱟᱨ ᱵᱤᱫᱷᱟᱱᱥᱚᱵᱷᱟ ᱵᱟᱪᱷᱱᱟᱣ ᱨᱮ, ᱩᱱᱤ ᱯᱩᱭᱞᱩ ᱫᱷᱟᱣ ᱵᱤᱡᱮᱯᱤ ᱴᱤᱠᱮᱴ ᱨᱮ ᱵᱟᱪᱷᱱᱟᱣ ᱞᱟᱹᱲᱦᱟᱹᱭ ᱞᱮᱫᱼᱟ, ᱢᱮᱱᱠᱷᱟᱱ ᱠᱟᱱᱰᱤᱰᱮᱴ ᱥᱣᱟᱛᱤ ᱥᱤᱢᱟ ᱠᱷᱚᱱ ᱮ ᱦᱟᱨᱟᱣ ᱮᱱᱟ ᱾ ᱒᱐᱑᱕ ᱥᱟᱞ ᱨᱮ, ᱩᱱᱤ ᱫᱚ ᱔᱔,᱔᱒᱓ ᱵᱷᱳᱴ ᱧᱟᱢ ᱞᱮᱫᱟᱭ, ᱡᱚᱠᱷᱚᱱ ᱥᱤᱢᱟ ᱫᱚ ᱕᱔,᱗᱖᱒ ᱵᱷᱳᱴ ᱧᱟᱢ ᱞᱮᱫᱟᱭ ᱟᱨ ᱑᱐,᱓᱓᱙ ᱵᱷᱳᱴ ᱛᱮᱭ ᱡᱤᱛᱠᱟᱹᱨ ᱮᱱᱟ ᱾[᱑᱐]
ᱜᱷᱚᱴᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱑ ᱡᱩᱞᱟᱭ ᱒᱐᱒᱕ ᱨᱮ ᱟᱡᱟᱜ ᱠᱟᱨ ᱫᱚ ᱢᱤᱫᱴᱟᱹᱝ ᱫᱟᱨᱮ ᱨᱮ ᱴᱷᱚᱠᱚᱨ ᱠᱟᱛᱮ ᱥᱚᱲᱚᱠ ᱨᱮ ᱜᱷᱟᱹᱞ ᱮᱱᱟᱭ ᱾ ᱵᱤᱫᱷᱟᱭᱚᱠ ᱟᱨ ᱟᱡᱟᱜ ᱰᱨᱟᱭᱵᱷᱚᱨ ᱥᱟᱶᱛᱮ ᱟᱡᱟᱜ ᱠᱟᱨ ᱛᱟᱭᱚᱢ ᱛᱮ ᱪᱟᱞᱟᱜ ᱠᱟᱱ ᱯᱮᱭᱟ ᱮᱴᱟᱜ ᱥᱩᱠᱭᱩᱨᱤᱴᱤ ᱜᱟᱨᱰ ᱦᱚᱸ ᱠᱚ ᱜᱷᱟᱹᱞ ᱮᱱᱟ ᱾[᱑᱑] ᱵᱷᱚᱞᱡᱳᱨ ᱨᱮ ᱢᱤᱫ ᱯᱨᱚᱜᱨᱟᱢ ᱪᱟᱵᱟ ᱠᱟᱛᱮ, ᱩᱱᱤ ᱵᱳᱣᱥᱤ ᱨᱩᱣᱟᱹᱲ ᱠᱟᱱ ᱛᱟᱦᱮᱸᱫ ᱾ ᱥᱭᱟᱢᱵᱟᱡᱟᱨ ᱥᱩᱨ ᱨᱮ ᱦᱮᱪᱞᱟ ᱢᱳᱰ ᱨᱮ ᱟᱡᱟᱜ ᱜᱟᱰᱟ ᱢᱤᱫᱴᱟᱝ ᱵᱩᱨᱩ ᱨᱮ ᱜᱚᱡ ᱮᱱᱟ ᱟᱨ ᱟᱡ ᱛᱟᱭᱚᱢ ᱛᱮ ᱪᱟᱞᱟᱜ ᱠᱟᱱ ᱜᱟᱰᱟ ᱨᱮᱱ ᱯᱩᱱᱭᱟ ᱥᱩᱠᱨᱤᱴᱤ ᱜᱟᱨᱰ ᱠᱚ ᱜᱚᱡ ᱮᱱᱟ, ᱚᱠᱚᱭ ᱫᱚ ᱱᱤᱛᱚᱜ ᱥᱚᱨᱠᱟᱨᱤ ᱦᱚᱥᱯᱤᱴᱟᱞ ᱨᱮ ᱠᱚ ᱛᱤᱨᱞᱟᱹ ᱠᱟᱱᱟ ᱠᱚ ᱾[᱑᱒]
ᱡᱩᱱ ᱒᱐᱒᱓ ᱨᱮ, ᱟᱡᱤᱡ ᱦᱚᱯᱚᱱ ᱥᱚᱱᱮᱞᱟᱞ ᱦᱮᱢᱵᱨᱚᱢ ᱦᱟᱛᱟᱝ ᱨᱮ ᱨᱟᱜ ᱚᱰᱚᱠ ᱠᱟᱛᱮ ᱜᱚᱡ ᱮᱱᱟᱭ ᱾[᱑᱓]
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- 1 2 3 "Dr. Nikki Hembrom(Bharatiya Janata Party(BJP)):Constituency- KATORIA (ST)(BANKA) - Affidavit Information of Candidate". myneta.info. Retrieved 2024-06-25.
- ↑ "Katoria voters repose faith in different parties". The Times of India. 2020-10-20. ISSN 0971-8257. Retrieved 2024-06-25.
- ↑ "Katoria Election Result 2020 Live Updates: Dr Nikki Hembrom of BJP Wins". News18 (in ᱟᱝᱜᱽᱨᱮᱡᱤ). 2020-11-10. Retrieved 2024-06-25.
- ↑ "Bihar Assembly Election Result 2020: Katoria Assembly Constituency". Deccan Herald (in ᱟᱝᱜᱽᱨᱮᱡᱤ). Retrieved 2024-06-25.
- ↑ "Live Katoria Election Results, Katoria विधानसभाचुनाव परिणाम 2023 - NDTV MPCG". www.ndtv.com. Retrieved 2024-06-25.
- ↑ "Bihar Election Results 2020". moneycontrol.com. Retrieved 31 July 2024.
- ↑ "Bihar Elections: Women Candidates Fared Better in Reserved Seats". The Wire (in ᱟᱝᱜᱽᱨᱮᱡᱤ). Retrieved 2024-06-25.
- ↑ Tewary, Amarnath (2021-12-04). "Nitish Kumar should address issues I raised at NDA meeting: Nikki Hembrom". The Hindu (in Indian English). ISSN 0971-751X. Retrieved 2024-06-26.
- ↑ "Bihar Assembly Election Result 2020: Katoria Assembly Constituency". Deccan Herald (in ᱟᱝᱜᱽᱨᱮᱡᱤ). Retrieved 2025-07-16.
- ↑ "KATORIA (ST) Election 2020: Get Latest News Updates of the KATORIA (ST) Constituency Seat in Bihar Assembly Election 2020". The Indian Express (in ᱟᱝᱜᱽᱨᱮᱡᱤ). Retrieved 2025-07-16.
- ↑ "Bihar BJP MLA Nikki Hembram Injured After Her Car Hits Tree in Munger District". News18 (in ᱟᱝᱜᱽᱨᱮᱡᱤ). Retrieved 2025-07-16.
- ↑ "Katoria MLA's escort vehicle overturns, four guards injured". Hindustan Hindi. 2 July 2025. Retrieved 16 July 2025.
- ↑ "Banka News: बीजेपी विधायक के बेटे की मौत, ऐसे गई जान, क्षेत्र में पसरा सन्नाटा". Zee News Hindi (in ᱦᱤᱱᱫᱤ). Retrieved 2025-07-16.