ᱱᱤᱨᱚᱫᱽ ᱪᱳᱣᱫᱷᱩᱨᱤ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ

ᱱᱤᱨᱚᱫᱽ ᱪᱳᱣᱫᱷᱩᱨᱤ (ᱤᱝᱨᱟᱹᱡᱤ: Nirod Choudhury) ᱫᱚ ᱥᱤᱧᱚᱛ ᱫᱤᱥᱚᱢ ᱟᱥᱟᱢ ᱯᱚᱱᱚᱛ ᱨᱮᱱ ᱢᱤᱫᱴᱮᱱ ᱧᱩᱢᱩᱜᱚᱜ ᱞᱮᱠ ᱥᱟᱶᱦᱮᱫᱤᱭᱟᱹ ᱟᱨ ᱠᱷᱚᱵᱚᱨᱤᱭᱟᱹ ᱠᱟᱱᱟᱭ| ᱑᱙᱗᱕ ᱥᱮᱨᱢᱟ ᱨᱮ ᱨᱤᱞᱤᱥ ᱞᱮᱱᱟ ᱟᱥᱟᱢᱤᱥ ᱯᱷᱤᱞᱢ ᱟᱵᱽᱫᱩᱞ ᱢᱚᱡᱤᱛ ᱦᱚᱛᱮ ᱛᱮ ᱫᱤᱥᱟᱹ ᱩᱫᱩᱜ "ᱪᱟᱢᱮᱞᱤ ᱢᱮᱢ ᱥᱟᱦᱮᱵᱽ" ᱨᱮᱱ ᱠᱟᱹᱦᱟᱹᱱᱤ ᱚᱞᱚᱜ-ᱤᱡ ᱞᱮᱠᱟ ᱛᱮ ᱱᱤᱨᱚᱫᱽ ᱪᱳᱣᱫᱷᱩᱨᱤ ᱫᱚ ᱦᱚᱲ ᱠᱚ ᱛᱟᱞᱟ ᱨᱮ ᱩᱯᱨᱩᱢ ᱢᱮᱱᱟᱭᱟ| ᱩᱱᱤ ᱫᱚ ᱟᱢᱫᱟᱡᱽ ᱵᱟᱨ ᱥᱮᱨᱢᱟ ᱞᱮᱠᱟ ᱟᱥᱟᱢ ᱵᱟᱱᱤ ᱵᱮᱣᱨᱟ ᱥᱟᱠᱟᱢ ᱨᱮ ᱥᱩᱛᱨᱮᱛ ᱞᱮᱠᱟ ᱛᱮᱭᱮ ᱠᱟᱹᱢᱤ ᱞᱮᱫᱟ| ᱟᱥᱟᱢ ᱵᱟᱱᱤ ᱥᱟᱠᱟᱢ ᱨᱮ ᱩᱱᱤ ᱫᱚ ᱢᱤᱫ ᱞᱮᱛᱟᱲ ᱜᱮ ᱡᱩᱥᱴᱤᱥ ᱩᱯᱮᱱ ᱨᱟᱡᱽᱠᱷᱩᱣᱟ ᱦᱚᱛᱮ ᱛᱮ ᱦᱚᱭ ᱞᱮᱱ ᱑᱙᱗᱐ ᱥᱮᱨᱢᱟ ᱨᱮᱭᱟᱜ ᱜᱚᱜᱚᱡ ᱠᱟᱱᱰᱚ ᱤᱫᱤ ᱠᱟᱛᱮ ᱞᱮᱛᱟᱲ ᱵᱮᱣᱨᱟ ᱚᱞ ᱤᱫᱤ ᱠᱟᱛᱮ ᱱᱤᱭᱟᱹ ᱠᱷᱚᱵᱚᱨ ᱫᱚ ᱜᱚᱴᱟ ᱯᱚᱱᱚᱛ ᱨᱮ ᱦᱚᱲ ᱠᱚ ᱵᱟᱰᱟᱭ ᱞᱮᱫᱟ|

ᱮᱛᱚᱦᱚᱵ ᱡᱤᱭᱚᱱ ᱟᱨ ᱥᱮᱪᱮᱫ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱑᱙᱓᱖ ᱥᱮᱨᱢᱟ ᱨᱮᱭᱟᱜ ᱒᱔ ᱮᱯᱨᱤᱞ ᱢᱟᱹᱦᱤᱛ ᱦᱤᱞᱚᱜ ᱨᱮ ᱛᱤᱱᱤᱥᱩᱠᱤᱭᱟ ᱦᱚᱱᱚᱛ ᱨᱮᱭᱟᱜ ᱰᱩᱢᱰᱩᱢᱟ ᱨᱮ ᱱᱤᱨᱚᱫᱽ ᱪᱳᱣᱫᱷᱩᱨᱤ ᱫᱚᱭᱮ ᱡᱟᱱᱟᱢ ᱞᱮᱱᱟ| ᱩᱱᱤ ᱨᱮᱱ ᱟᱯᱟᱛ ᱴᱮᱫ ᱟᱜ ᱧᱩᱛᱩᱢ ᱫᱚ ᱥᱟᱱᱟᱨᱟᱢ ᱪᱳᱣᱫᱷᱩᱨᱤ ᱛᱟᱦᱮᱸᱠᱟᱱ ᱛᱟᱭᱟ| ᱩᱱᱤ ᱫᱚ ᱰᱟᱝᱚᱨᱤ ᱴᱚᱴᱷ ᱨᱮᱱ ᱵᱮᱯᱟᱨᱤᱭᱟᱹᱭ ᱛᱟᱦᱮᱸᱠᱟᱱᱟ| ᱦᱩᱰᱤᱧ ᱱᱟᱝ ᱨᱮ ᱩᱱᱤ ᱫᱚ ᱰᱩᱢᱰᱩᱢᱟ ᱨᱮ ᱜᱮ ᱚᱞ ᱯᱟᱲᱦᱟᱣ ᱠᱟᱛᱮ ᱛᱟᱭᱱᱚᱢ ᱛᱮ ᱠᱚᱴᱚᱱ ᱠᱚᱞᱮᱡᱤᱭᱮᱴ ᱥᱚᱨᱠᱟᱨᱤ ᱪᱮᱛᱟᱱ ᱢᱟᱫᱽᱭᱚᱢᱤᱠ ᱥᱠᱩᱞ ᱨᱮ ᱟᱡᱟᱜ ᱥᱠᱩᱞ ᱨᱮᱭᱟᱜ ᱚᱞᱚᱜ ᱯᱟᱲᱦᱟᱣ ᱫᱚᱭ ᱢᱩᱪᱟᱹᱫ ᱠᱮᱫ ᱛᱟᱭᱟ| ᱰᱟᱝᱚᱨᱤ ᱨᱮ ᱢᱟᱪᱮᱛ ᱞᱮᱠᱟ ᱛᱮ ᱟᱡᱟᱜ ᱠᱟᱹᱢᱤ ᱡᱤᱭᱚᱱᱮ ᱮᱛᱚᱦᱚᱵ ᱞᱮᱫ ᱛᱟᱭᱟ ᱢᱮᱱᱠᱷᱟᱱ, ᱚᱱᱟ ᱵᱟᱹᱜᱤ ᱠᱟᱛᱮ ᱜᱩᱣᱟᱦᱟᱴᱤ ᱛᱮ ᱦᱮᱡ ᱠᱟᱛᱮ ᱜᱩᱣᱟᱦᱟᱴᱤ ᱨᱮᱭᱟᱜ ᱠᱚᱴᱚᱱ ᱠᱚᱞᱮᱡᱽ ᱠᱷᱚᱱ ᱥᱱᱟᱛᱚᱠ ᱰᱤᱜᱽᱨᱤ ᱦᱟᱢᱮᱴ ᱠᱟᱛᱮ ᱟᱨ ᱤᱱᱟᱹ ᱛᱟᱭᱱᱚᱢ ᱜᱩᱣᱟᱦᱟᱴᱤ ᱡᱮᱜᱮᱫ ᱵᱤᱨᱫᱟᱹ ᱜᱟᱲ ᱨᱮ ᱮᱢᱹᱮᱹ ᱨᱮᱭᱮ ᱵᱷᱩᱨᱛᱤ ᱞᱮᱸᱟ|

ᱠᱟᱹᱢᱤ ᱠᱟᱹᱥᱱᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱤᱨᱚᱫᱽ ᱪᱳᱣᱫᱷᱩᱨᱤ ᱫᱚ ᱢᱤᱫ ᱥᱮᱡ ᱛᱮ ᱠᱟᱹᱦᱱᱤᱭᱟᱹ, ᱜᱟᱢᱟᱢᱤᱭᱟᱹ, ᱥᱮᱨᱮᱧ ᱡᱚᱲᱟᱣᱤᱡ ᱟᱨ ᱠᱷᱚᱵᱚᱨᱤᱭᱟᱹ ᱦᱚᱸ ᱠᱟᱱᱟᱭ| ᱠᱟᱪᱜᱷᱚᱨ, ᱵᱚᱱ ᱦᱚᱝᱥ, ᱵᱚᱱ ᱡᱩᱭ, ᱯᱟᱱᱤ, ᱢᱚᱱ ᱯᱨᱚᱡᱟᱯᱚᱛᱤ, ᱱᱚᱛᱩᱱ ᱟᱥᱟ ᱮᱢᱟᱱ ᱛᱮᱭᱟᱜ ᱥᱟᱶᱛᱮ ᱡᱟᱹᱛᱨᱤᱭᱟᱹ ᱥᱤᱨᱯᱟᱹ ᱦᱟᱢᱮᱴ "ᱪᱟᱢᱮᱞᱤ ᱢᱮᱢ ᱥᱟᱦᱮᱵᱽ" ᱥᱤᱱᱮᱢᱟ ᱫᱚ ᱟᱡ ᱦᱚᱛᱮ ᱛᱮ ᱜᱮ ᱚᱞ ᱞᱮᱱᱟ|

ᱠᱷᱚᱵᱚᱨᱤᱭᱟᱹ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱯᱟᱲᱜᱦᱟᱜ ᱠᱟᱱ ᱛᱦᱮᱸᱠᱟᱱ ᱚᱠᱛᱮ ᱠᱷᱚᱱ ᱜᱮ ᱩᱱᱤ ᱫᱚ ᱥᱤᱝᱦᱚ ᱯᱩᱨᱩᱥ ᱨᱟᱫᱷᱟ ᱜᱚᱵᱤᱱᱫᱚ ᱵᱚᱨ ᱵᱚᱨᱩᱣᱟ ᱣᱟᱜ ᱥᱚᱞᱦᱟ ᱛᱮ ᱟᱥᱟᱢ ᱴᱨᱤᱵᱤᱭᱩᱱ ᱨᱮ ᱞᱟᱭᱵᱽᱨᱤᱭᱟᱱ ᱞᱮᱠᱟ ᱛᱮᱭᱮ ᱠᱟᱹᱢᱤ ᱠᱟᱱ ᱛᱟᱦᱮᱸᱠᱟᱱᱟ| ᱮᱢᱹᱮᱹ ᱯᱟᱲᱦᱟᱣᱚᱜ ᱚᱠᱛᱮ ᱨᱮᱜᱮ ᱟᱥᱟᱢ ᱴᱨᱤᱵᱤᱣᱩᱱ ᱨᱮᱱ ᱥᱩᱛᱨᱮᱛᱟᱜ ᱴᱤᱵᱚᱞ ᱨᱮᱭ ᱠᱟᱹᱢᱤᱭᱮᱫ ᱠᱟᱱ ᱛᱟᱦᱮᱸᱠᱟᱱᱟ| ᱑᱙᱙᱑ ᱥᱮᱨᱢᱟ ᱨᱮᱭᱟᱜ ᱑᱖ ᱡᱩᱱ ᱢᱟᱹᱦᱤᱛ ᱦᱤᱞᱚᱜ ᱨᱮ ᱪᱳᱣᱫᱷᱩᱨᱤ ᱫᱚ ᱟᱥᱟᱢ ᱵᱟᱱᱤ ᱵᱮᱣᱨᱟ ᱥᱟᱠᱟᱢ ᱨᱮ ᱥᱟᱥᱟᱯᱲᱟᱣᱤᱡ ᱞᱮᱠᱞᱟ ᱛᱮᱭᱮ ᱠᱟᱹᱢᱤ ᱨᱮᱭᱟᱜ ᱫᱟᱭᱤᱠᱮ ᱦᱟᱛᱟᱣ ᱞᱮᱫᱟ ᱟᱨ ᱑᱙᱙᱓ ᱥᱮᱨᱢᱟ ᱨᱮᱟᱭᱜ ᱒᱘ ᱯᱷᱮᱵᱽᱨᱩᱣᱟᱨᱤ ᱦᱟᱹᱵᱤᱡ-ᱮ ᱠᱟᱹᱢᱤ ᱞᱮᱫᱟ|

ᱥᱟ.ᱠᱷᱭᱟ.ᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]