ᱱᱤᱨᱢᱚᱞᱟ ᱫᱮᱵᱤ (ᱠᱩᱥᱛᱤ ᱠᱷᱮᱞᱚᱸᱰᱤᱭᱟᱹ)
ᱱᱤᱨᱢᱚᱞᱟ ᱫᱮᱵᱤ (ᱡᱟᱱᱟᱢ: ᱒᱖ ᱡᱩᱱ ᱑᱙᱘᱔) ᱫᱚ ᱢᱤᱫ ᱵᱷᱟᱨᱚᱛᱤᱭᱟᱹ ᱯᱷᱨᱤᱥᱴᱟᱭᱤᱞ ᱠᱩᱥᱛᱤ ᱠᱷᱮᱞᱚᱸᱰᱤᱭᱟᱹ ᱠᱟᱱᱟᱭ᱾ ᱩᱱᱤ ᱫᱚ ᱒᱐᱑᱐ ᱠᱚᱢᱚᱱᱣᱮᱞᱛᱷ ᱠᱷᱮᱞᱚᱸᱰ ᱨᱮ ᱠᱩᱲᱤ ᱦᱚᱯᱚᱱ ᱠᱚᱣᱟᱜ ᱯᱷᱨᱤᱥᱴᱟᱭᱤᱞ ᱔᱘ ᱠᱤᱞᱚᱜᱨᱟᱢ ᱦᱮᱯᱨᱟᱣ ᱨᱮ ᱨᱩᱯᱟᱹ ᱢᱮᱰᱟᱞ ᱮ ᱟᱢᱮᱴ ᱞᱮᱫᱼᱟ᱾
ᱩᱱᱤ ᱫᱚ ᱤᱥᱣᱚᱨ ᱥᱤᱝ ᱟᱨ ᱠᱤᱛᱟᱵᱚ ᱫᱮᱵᱤ ᱴᱷᱮᱱ ᱮ ᱡᱟᱱᱟᱢ ᱞᱮᱱᱟ᱾ ᱱᱤᱨᱢᱚᱞᱟ ᱫᱚ ᱤᱥᱣᱚᱨ ᱥᱤᱝ ᱟᱜ ᱢᱚᱬᱮ ᱜᱚᱴᱟᱝ ᱜᱤᱫᱽᱨᱟᱹ ᱠᱷᱚᱱ ᱡᱚᱛᱚ ᱠᱷᱚᱱ ᱢᱟᱨᱟᱝᱤᱡ ᱠᱟᱱᱟᱭ᱾ ᱯᱩᱱᱟᱢ, ᱡᱟᱦᱟᱸᱭ ᱫᱚ ᱡᱚᱛᱚ ᱠᱷᱚᱱ ᱦᱩᱰᱤᱧ ᱮ ᱠᱟᱱᱟᱭ, ᱩᱱᱤ ᱦᱚᱸ ᱢᱤᱫ ᱠᱩᱥᱛᱤ ᱠᱷᱮᱞᱚᱸᱰᱤᱭᱟᱹ ᱠᱟᱱᱟᱭ᱾ ᱱᱤᱨᱢᱚᱞᱟ ᱫᱚ ᱒᱐᱐᱑ ᱥᱟᱞᱮ ᱨᱮ ᱠᱩᱥᱛᱤ ᱫᱚ ᱟᱹᱰᱤ ᱜᱟᱹᱦᱤᱨ ᱥᱟᱞᱟᱜ ᱮ ᱮᱛᱚᱦᱚᱵ ᱞᱮᱫᱼᱟ ᱟᱨ ᱚᱱᱟ ᱛᱟᱭᱚᱢ ᱩᱱᱤ ᱫᱚ ᱚᱱᱟ ᱥᱮᱨᱢᱟ ᱨᱮᱜᱮ ᱡᱟᱹᱛᱤᱭᱟᱹᱨᱤ ᱪᱟᱢᱯᱤᱭᱟᱱᱥᱤᱯ ᱮ ᱡᱤᱛᱠᱟᱹᱨ ᱞᱮᱱᱟ᱾
ᱩᱱᱤ ᱫᱚ ᱦᱚᱨᱤᱭᱟᱱᱟ ᱨᱮᱱᱟᱜ ᱦᱤᱥᱟᱨ ᱦᱚᱱᱚᱛ ᱨᱮᱱᱟᱜ ᱠᱟᱱᱟᱭ ᱟᱨ ᱦᱚᱨᱤᱭᱟᱱᱟ ᱯᱩᱞᱤᱥ ᱨᱮ ᱠᱟᱹᱢᱤ ᱠᱟᱱᱟᱭ᱾ ᱠᱟᱱᱟᱰᱟ ᱨᱮ ᱒᱐᱐᱗ ᱠᱚᱢᱚᱱᱣᱮᱞᱛᱷ ᱪᱟᱢᱯᱤᱭᱟᱱᱥᱤᱯ ᱨᱮ ᱥᱚᱱᱟ ᱢᱮᱰᱟᱞ ᱧᱟᱢ ᱠᱟᱛᱮ ᱩᱱᱤ ᱫᱚ ᱒᱐᱐᱗ ᱥᱟᱞᱮ ᱨᱮ ᱥᱚᱵᱼᱤᱱᱥᱯᱮᱠᱴᱚᱨ ᱮ ᱵᱮᱱᱟᱣ ᱮᱱᱟ᱾ ᱩᱱᱤ ᱫᱚ ᱒᱐᱑᱐ ᱥᱟᱞᱮ ᱨᱮ ᱥᱯᱮᱱ ᱨᱮ ᱡᱮᱜᱮᱛᱟᱹᱨᱤ ᱠᱩᱥᱛᱤ ᱨᱮ ᱦᱚᱸ ᱥᱚᱱᱟ ᱢᱮᱰᱟᱞ ᱮ ᱡᱤᱛᱠᱟᱹᱨ ᱞᱮᱱᱟ᱾