ᱱᱤᱵᱽᱨᱩᱛᱤ ᱨᱟᱭ
ᱱᱤᱵᱽᱨᱩᱛᱤ ᱨᱟᱭ (ᱡᱟᱱᱟᱢ ᱥᱩᱨᱥᱩᱯᱩᱨ ᱑᱙᱖᱙) ᱫᱚ ᱤᱱᱴᱮᱞ ᱤᱱᱰᱤᱭᱟ ᱨᱤᱱᱤᱡ ᱢᱩᱬ ᱟᱨ ᱤᱱᱴᱮᱞ ᱯᱷᱟᱣᱱᱰᱨᱤ ᱥᱚᱨᱵᱷᱤᱥᱮᱥ ᱨᱤᱱᱤᱡ ᱩᱯ-ᱯᱟᱨᱥᱮᱫ ᱮ ᱛᱟᱦᱮᱸ ᱠᱟᱱᱟ᱾ ᱩᱱᱤ ᱫᱚ ᱱᱟᱨᱤ ᱥᱚᱠᱛᱤ ᱯᱩᱨᱚᱥᱠᱟᱨ ᱮ ᱧᱟᱢ ᱟᱠᱟᱫᱟ, ᱡᱟᱦᱟᱸ ᱫᱚ ᱥᱤᱧᱚᱛ ᱨᱮᱱ ᱛᱤᱨᱞᱟᱹ ᱠᱚ ᱞᱟᱹᱜᱤᱫ ᱡᱚᱛᱚ ᱠᱷᱚᱱ ᱢᱟᱨᱟᱝ ᱥᱤᱵᱷᱤᱞᱤᱭᱟᱱ ᱢᱟᱹᱱ ᱠᱟᱱᱟ᱾
ᱠᱮᱨᱤᱭᱚᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱱᱤᱵᱽᱨᱩᱛᱤ ᱨᱟᱭ ᱫᱚ ᱥᱩᱨᱥᱩᱯᱩᱨ ᱑᱙᱖᱙ ᱥᱟᱞᱮ ᱨᱮ ᱥᱤᱧᱚᱛ ᱫᱤᱥᱚᱢ ᱨᱮᱱᱟᱜ ᱩᱛᱛᱚᱨ ᱯᱨᱚᱫᱮᱥ ᱯᱚᱱᱚᱛ ᱨᱮᱱᱟᱜ ᱜᱚᱨᱟᱠᱷᱯᱩᱨ ᱨᱮᱭ ᱡᱟᱱᱟᱢ ᱞᱮᱱᱟ᱾ ᱩᱱᱤ ᱫᱚ ᱞᱚᱠᱱᱚᱣ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱷᱚᱱ ᱵᱟ ᱮ ᱯᱟᱲᱦᱟᱣ ᱞᱮᱱᱟ᱾ ᱤᱱᱟᱹ ᱛᱟᱭᱚᱢ ᱩᱱᱤ ᱫᱚ ᱵᱟᱯᱞᱟ ᱮᱱᱟ ᱟᱨ ᱩᱱᱤᱭᱟᱜ ᱵᱟᱨᱜᱮᱞ ᱥᱮᱨᱢᱟ ᱩᱢᱮᱨ ᱨᱮ ᱟᱢᱮᱨᱤᱠᱟ ᱛᱮᱭ ᱪᱟᱞᱟᱣ ᱮᱱᱟ, ᱚᱸᱰᱮ ᱩᱱᱤ ᱫᱚ ᱨᱮᱱᱥᱮᱞᱟᱨ ᱯᱚᱞᱤᱴᱮᱠᱱᱤᱠ ᱤᱱᱥᱴᱤᱪᱭᱩᱴ, ᱱᱤᱭᱩ ᱭᱚᱨᱠ ᱠᱷᱚᱱ ᱮ ᱵᱤ.ᱮᱥᱥᱤ ᱮᱢᱟᱛᱷᱮᱢᱮᱴᱤᱠᱥ ᱟᱨ ᱚᱯᱮᱨᱮᱥᱚᱱᱥ ᱨᱤᱥᱚᱨᱪ ᱨᱮ ᱟᱨ ᱤᱱᱟᱹ ᱛᱟᱭᱚᱢ ᱚᱨᱮᱜᱚᱱ ᱥᱴᱮᱴ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱷᱚᱱ ᱤᱧᱡᱤᱱᱤᱭᱟᱹᱨᱤᱝ ᱨᱮ ᱢᱟᱥᱴᱚᱨᱥ ᱮ ᱦᱟᱛᱟᱣ ᱠᱮᱫᱟ᱾ ᱩᱱᱤ ᱫᱚ ᱑᱙᱙᱔ ᱥᱟᱞᱮ ᱨᱮ ᱤᱱᱴᱮᱞ ᱨᱮ ᱠᱟᱹᱢᱤ ᱮᱦᱚᱵ ᱠᱮᱫᱟ ᱟᱨ ᱒᱐᱐᱕ ᱥᱟᱞᱮ ᱨᱮ ᱠᱚᱨᱱᱟᱴᱚᱠ ᱨᱮᱱᱟᱜ ᱨᱟᱡᱽᱜᱟᱲ ᱵᱮᱝᱜᱟᱞᱩᱨᱩ ᱛᱮᱭ ᱪᱟᱞᱟᱣ ᱮᱱᱟ᱾ ᱩᱱᱤ ᱫᱚ ᱚᱱᱟ ᱥᱮᱨᱢᱟ ᱜᱮ ᱩᱱ ᱚᱠᱛᱚ ᱨᱤᱱᱤᱡ ᱯᱟᱨᱥᱮᱛ ᱢᱚᱱᱢᱚᱦᱚᱱ ᱥᱤᱝ ᱦᱚᱛᱮᱛᱮ ᱥᱤᱧᱚᱛ ᱨᱤᱱ ᱵᱟᱦᱨᱮ ᱫᱤᱥᱚᱢ ᱨᱤᱱ ᱱᱟᱜᱟᱨᱤᱠ ᱞᱮᱠᱟᱛᱮ ᱛᱷᱟᱭᱤ ᱵᱷᱤᱥᱟ ᱢᱟᱹᱱ ᱮ ᱧᱟᱢ ᱠᱮᱫᱟ᱾
᱒᱐᱒᱒ ᱥᱟᱞᱮ ᱦᱟᱹᱵᱤᱡ, ᱩᱱᱤ ᱫᱚ ᱤᱱᱴᱮᱞ ᱤᱱᱰᱤᱭᱟ ᱨᱤᱱᱤᱡ ᱢᱩᱬ ᱟᱨ ᱤᱱᱴᱮᱞ ᱯᱷᱟᱣᱱᱰᱨᱤ ᱥᱚᱨᱵᱷᱤᱥᱮᱥ ᱨᱤᱱᱤᱡ ᱩᱯ-ᱯᱟᱨᱥᱮᱫ ᱮ ᱛᱟᱦᱮᱸ ᱠᱟᱱᱟ, ᱡᱟᱦᱟᱸᱭ ᱫᱚ ᱗,᱐᱐᱐ ᱟᱥᱲᱟ ᱨᱮ ᱑᱕᱐,᱐᱐᱐ ᱠᱷᱚᱱ ᱵᱟᱹᱲᱛᱤ ᱯᱟᱹᱴᱷᱩᱣᱟᱹᱭ ᱴᱨᱮᱱᱤᱝ ᱟᱠᱟᱫ ᱠᱚᱣᱟ᱾ ᱢᱟᱲᱟᱝ ᱥᱮᱨᱢᱟ ᱩᱱᱤ ᱫᱚ ᱫᱤ ᱦᱤᱱᱫᱩ ᱵᱤᱡᱽᱱᱮᱥ ᱞᱟᱭᱤᱱ ᱮ ᱞᱟᱹᱭ ᱟᱠᱟᱫᱟ "ᱥᱤᱧᱚᱛ ᱫᱚ ᱟᱢᱮᱨᱤᱠᱟ ᱵᱟᱦᱨᱮ ᱨᱮ ᱤᱱᱴᱮᱞ ᱞᱟᱹᱜᱤᱫ ᱡᱚᱛᱚ ᱠᱷᱚᱱ ᱢᱟᱨᱟᱝ ᱟᱨ ᱮᱱᱰ ᱰᱤ ᱚᱲᱟᱜ ᱠᱟᱱᱟ ᱟᱨ ᱟᱞᱮ ᱫᱚ ᱞᱮᱛᱟᱲ ᱜᱮᱞᱮ ᱵᱟᱹᱲᱛᱤᱜ ᱠᱟᱱᱟ"᱾ ᱩᱱᱤ ᱫᱚ ᱴᱟᱴᱟ ᱴᱮᱠᱱᱚᱞᱚᱡᱤᱥ ᱨᱮᱱᱟᱜ ᱵᱚᱨᱰ ᱚᱯᱷ ᱰᱟᱭᱨᱮᱠᱴᱚᱨᱥ ᱨᱮᱦᱚᱸᱭ ᱥᱮᱞᱮᱫ ᱞᱮᱱᱟ᱾
᱒᱐᱒᱒ ᱥᱟᱞᱮ ᱨᱮᱱᱟᱜ ᱡᱮᱜᱮᱛᱤᱭᱟᱹᱨᱤ ᱛᱤᱨᱞᱟᱹ ᱢᱟᱦᱟᱸ ᱨᱮ, ᱨᱟᱭ ᱫᱚ ᱯᱟᱨᱥᱮᱛ ᱨᱟᱢ ᱱᱟᱛᱷ ᱠᱚᱵᱤᱸᱫᱽ ᱴᱷᱮᱱ ᱠᱷᱚᱱ ᱒᱘ ᱜᱚᱴᱟᱝ ᱮᱴᱟᱜ ᱛᱤᱨᱞᱟᱹ ᱥᱟᱶᱛᱮ ᱱᱟᱨᱤ ᱥᱚᱠᱛᱤ ᱯᱩᱨᱚᱥᱠᱟᱨ ᱮ ᱧᱟᱢ ᱠᱮᱫᱟ, ᱡᱟᱦᱟᱸ ᱨᱮ ᱠᱚᱨᱱᱟᱴᱚᱠ ᱨᱤᱱᱤᱡ ᱥᱳᱵᱷᱟ ᱜᱟᱥᱛᱤ ᱦᱚᱸᱭ ᱥᱮᱞᱮᱫ ᱢᱮᱱᱟᱭᱟ᱾ ᱩᱱᱤ ᱫᱚ ᱟᱹᱛᱩ ᱴᱚᱴᱷᱟ ᱨᱮ ᱵᱨᱚᱰᱵᱮᱸᱰ ᱤᱱᱴᱚᱨᱱᱮᱴ ᱡᱚᱲᱟᱣ ᱟᱨ ᱥᱮᱢᱤᱠᱚᱱᱰᱚᱠᱴᱚᱨ ᱪᱤᱯᱥ ᱨᱮ ᱱᱟᱣᱟ ᱠᱟᱹᱢᱤ ᱠᱚ ᱩᱫᱩᱜ ᱥᱚᱫᱚᱨ ᱞᱟᱹᱜᱤᱫ ᱮ ᱢᱟᱹᱱ ᱥᱟᱨᱦᱟᱣ ᱞᱮᱫᱮᱭᱟ᱾[᱑]
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ Anil, Aswetha (9 March 2022). "Who is Nivruti Rai? All you need to know about the Nari Shakti Puraskar winner". Hindustan Times (in ᱟᱝᱜᱽᱨᱮᱡᱤ). Retrieved 21 April 2022.