ᱱᱩᱨ ᱟᱯᱷᱨᱚᱡᱽ ᱠᱷᱩᱣᱟᱡᱟ
ᱱᱩᱨ ᱟᱯᱷᱨᱚᱡᱽ ᱠᱷᱩᱣᱟᱡᱟ (ᱥᱤᱱᱫᱷᱤ: نور افروز خواجہ, ᱕ ᱡᱩᱞᱟᱭ, ᱑᱙᱕᱓) ᱫᱚ ᱦᱟᱭᱫᱨᱟᱵᱟᱫᱽ, ᱥᱤᱱᱫᱷ, ᱯᱟᱠᱤᱥᱛᱟᱱ ᱨᱤᱱᱤᱡ ᱢᱤᱫ ᱥᱮᱪᱮᱫᱤᱭᱟᱹ, ᱚᱱᱚᱞᱤᱭᱟᱹ ᱟᱨ ᱥᱚᱢᱟᱞᱚᱪᱚᱠ ᱠᱟᱱᱟᱭ᱾ ᱩᱱᱤ ᱫᱚ ᱥᱤᱱᱫᱷ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱡᱟᱢᱥᱦᱚᱨᱳ ᱨᱮ ᱰᱤᱱ, ᱯᱷᱮᱠᱟᱞᱴᱤ ᱚᱯᱷ ᱟᱨᱴᱥ ᱞᱮᱠᱟᱛᱮ ᱠᱟᱹᱢᱤ ᱟᱠᱟᱫᱟ᱾ ᱩᱱᱤ ᱫᱚ ᱟᱨᱴᱥ ᱟᱨ ᱦᱭᱩᱢᱮᱱᱤᱴᱤ ᱨᱮᱱᱟᱜ ᱡᱮᱜᱮᱛᱤᱭᱟᱹᱨᱤ ᱡᱚᱨᱱᱟᱞ ᱟᱨ ᱠᱮᱸᱡᱷᱟᱨ ᱟᱨ ᱥᱤᱱᱫᱷᱤ ᱯᱟᱹᱨᱥᱤ ᱨᱮ ᱮᱭᱟᱭ ᱜᱚᱴᱟᱝ ᱠᱷᱚᱱ ᱵᱟᱹᱲᱛᱤ ᱯᱚᱛᱚᱵ ᱮ ᱚᱞ ᱟᱠᱟᱫᱟ᱾[᱑]
ᱮᱛᱚᱦᱚᱵ ᱡᱤᱭᱚᱱ ᱟᱨ ᱥᱮᱪᱮᱫ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱱᱩᱨ ᱟᱯᱷᱨᱚᱡᱽ ᱠᱷᱩᱣᱟᱡᱟ ᱫᱚ ᱕ ᱡᱩᱞᱟᱭ ᱑᱙᱕᱓ ᱥᱟᱞᱮᱨᱮ ᱴᱟᱱᱰᱚ ᱣᱟᱞᱤ ᱢᱩᱦᱚᱢᱢᱚᱫᱽ, ᱦᱟᱭᱫᱨᱟᱵᱟᱫᱽ ᱥᱤᱱᱫᱷ ᱨᱮᱭ ᱡᱟᱱᱟᱢ ᱞᱮᱱᱟ᱾ ᱟᱡ ᱵᱟᱵᱟ ᱚᱦᱢᱚᱫᱽ ᱟᱞᱤ ᱛᱟᱦᱤᱨᱟᱱᱤ ᱠᱷᱩᱣᱟᱡᱟ ᱫᱚ ᱰᱟᱱᱰᱳ (ᱥᱤᱱᱫᱷᱤ: ڏندو) ᱵᱟᱫᱤᱱ ᱦᱚᱱᱚᱛ ᱨᱮᱱᱟᱜ ᱴᱟᱣᱩᱱ ᱨᱤᱱᱤᱡ ᱵᱮᱯᱟᱨᱤ ᱮ ᱛᱟᱦᱮᱸ ᱠᱟᱱᱟ᱾ ᱩᱱᱤ ᱫᱚ ᱴᱨᱮᱱᱤᱝ ᱠᱚᱞᱮᱡᱽ ᱦᱟᱭᱫᱨᱟᱵᱟᱫᱽ ᱠᱷᱚᱱ ᱮᱛᱚᱦᱚᱵ ᱥᱮᱪᱮᱫ ᱮ ᱧᱟᱢ ᱠᱮᱫᱟ᱾ ᱩᱱᱤ ᱫᱚ ᱯᱨᱟᱭᱢᱟᱨᱤ ᱥᱠᱩᱞ ᱥᱠᱚᱞᱟᱨᱥᱤᱯ ᱵᱤᱱᱤᱰ ᱨᱮ ᱥᱤᱱᱫᱷ ᱨᱮ ᱯᱩᱭᱞᱩ ᱴᱷᱟᱶ ᱮ ᱧᱟᱢ ᱠᱮᱫᱟ᱾ ᱩᱱᱤ ᱫᱚ ᱤᱨᱟᱹᱞ ᱟᱱᱟᱜ ᱪᱟᱱᱚᱪ ᱥᱠᱚᱞᱟᱨᱥᱤᱯ ᱵᱤᱱᱤᱰ ᱨᱮ ᱦᱚᱸ ᱴᱷᱟᱶ ᱮ ᱧᱟᱢ ᱞᱮᱫᱟ᱾ ᱩᱱᱤ ᱫᱚ ᱥᱚᱨᱠᱟᱨ ᱢᱤᱨᱟᱱ ᱥᱠᱩᱞ ᱦᱟᱭᱫᱨᱟᱵᱟᱫᱽ ᱠᱷᱚᱱ ᱢᱮᱴᱨᱤᱠ ᱵᱤᱱᱤᱰ ᱟᱨ ᱡᱩᱵᱮᱫᱟ ᱜᱟᱨᱞᱥ ᱠᱚᱞᱮᱡᱽ ᱦᱟᱭᱫᱨᱟᱵᱟᱫᱽ ᱠᱷᱚᱱ ᱤᱱᱴᱟᱨᱢᱤᱰᱤᱭᱮᱴ ᱮ ᱯᱟᱥ ᱠᱮᱫᱟ᱾ ᱩᱱᱤ ᱫᱚ ᱑᱙᱗᱓ ᱥᱟᱞᱮᱨᱮ ᱥᱤᱱᱫᱷᱤ ᱨᱮ ᱥᱤᱱᱫᱷ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱷᱚᱱ ᱜᱨᱮᱡᱩᱣᱮᱴ ᱮ ᱦᱟᱛᱟᱣ ᱠᱮᱫᱟ᱾ ᱩᱱᱤ ᱫᱚ ᱑᱙᱙᱗ ᱥᱟᱞᱮᱨᱮ ᱧᱩᱛᱩᱢᱟᱱ ᱥᱠᱳᱞᱟᱨ ᱟᱞᱟᱢᱟ ᱜᱩᱞᱟᱢ ᱢᱩᱥᱛᱚᱯᱷᱟ ᱠᱟᱥᱢᱤ ᱟᱜ ᱧᱮᱞ ᱫᱚᱦᱚ ᱨᱮ ᱚᱱᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱷᱚᱱ ᱜᱮ ᱯᱤᱮᱪᱰᱤ ᱮ ᱠᱚᱨᱟᱣ ᱠᱮᱫᱟ᱾[᱒]
ᱠᱟᱹᱢᱤ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱩᱱᱤ ᱫᱚ ᱑᱙᱗᱓ ᱥᱟᱞᱮᱨᱮ ᱥᱤᱱᱫᱷ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮᱱᱟᱜ ᱥᱤᱱᱫᱷᱤ ᱵᱤᱵᱷᱟᱜᱽ ᱨᱮ ᱞᱮᱠᱪᱟᱨᱟᱨ ᱞᱮᱠᱟᱛᱮ ᱟᱡᱟᱜ ᱠᱟᱹᱢᱤ ᱡᱤᱭᱚᱱ ᱮ ᱮᱛᱚᱦᱚᱵ ᱠᱮᱫᱟ᱾ ᱩᱱᱤ ᱫᱚ ᱑᱙᱙᱗ ᱥᱟᱞᱮᱨᱮ ᱚᱱᱟ ᱵᱤᱵᱷᱟᱜᱽ ᱨᱮ ᱜᱮ ᱯᱨᱚᱯᱷᱮᱥᱟᱨ ᱮ ᱵᱮᱱᱟᱣ ᱮᱱᱟ᱾ ᱩᱱᱤ ᱫᱚ ᱒᱐᱐᱕ ᱠᱷᱚᱱ ᱒᱐᱑᱓ ᱥᱟᱞᱮ ᱦᱟᱹᱵᱤᱡ ᱵᱤᱵᱷᱟᱜᱽ ᱨᱤᱱᱤᱡ ᱪᱮᱭᱟᱨᱢᱮᱱ ᱞᱮᱠᱟᱛᱮ ᱟᱨ ᱛᱟᱭᱚᱢ ᱛᱮ ᱒᱐᱑᱐ ᱠᱷᱚᱱ ᱒᱐᱑᱓ ᱥᱟᱞᱮ ᱦᱟᱹᱵᱤᱡ ᱰᱤᱱ ᱯᱷᱮᱠᱟᱞᱴᱤ ᱚᱯᱷ ᱟᱨᱴᱥ ᱞᱮᱠᱟᱛᱮ ᱠᱟᱹᱢᱤ ᱠᱮᱫᱟ᱾[᱓] ᱩᱱᱤ ᱫᱚ ᱢᱤᱨᱡᱟ ᱠᱟᱞᱤᱪ ᱵᱮᱜᱽ ᱪᱮᱭᱟᱨ ᱨᱤᱱᱤᱡ ᱰᱟᱭᱨᱮᱠᱴᱚᱨ ᱞᱮᱠᱟᱛᱮ ᱦᱚᱸ ᱠᱟᱹᱢᱤ ᱠᱮᱫᱟ᱾ ᱩᱱᱤ ᱫᱚ ᱥᱤᱱᱫᱷᱤ ᱯᱟᱹᱨᱥᱤ ᱟᱹᱭᱫᱟᱹᱨᱤ ᱨᱤᱱ ᱵᱳᱨᱰ ᱚᱯᱷ ᱜᱚᱵᱷᱚᱨᱱᱟᱨᱥ ᱨᱤᱱᱤᱡ ᱥᱚᱦᱮᱫ, ᱤᱱᱥᱴᱤᱴᱭᱩᱴ ᱚᱯᱷ ᱥᱤᱱᱫᱷᱳᱞᱳᱡᱤ ᱨᱮᱱᱟᱜ ᱮᱰᱵᱷᱟᱭᱡᱚᱨᱤ ᱠᱚᱢᱤᱴᱤ ᱨᱤᱱᱤᱡ ᱥᱚᱦᱮᱫ, ᱟᱨ ᱟᱭᱢᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱚᱣᱟᱜ ᱵᱳᱨᱰ ᱚᱯᱷ ᱥᱴᱟᱰᱤᱡᱽ ᱨᱤᱱᱤᱡ ᱥᱚᱦᱮᱫ ᱥᱟᱶᱛᱮ ᱟᱭᱢᱟ ᱥᱮᱪᱮᱫ, ᱥᱟᱶᱦᱮᱫ ᱟᱨ ᱥᱟᱶᱛᱟᱨᱤ ᱤᱱᱥᱴᱤᱴᱭᱩᱴ ᱨᱤᱱᱤᱡ ᱥᱚᱦᱮᱫ ᱮ ᱛᱟᱦᱮᱸ ᱠᱟᱱᱟ᱾
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ "Dr Noor Afroz Khuwaja". Sindhiana - The Sindhi Encyclopedia. Sindhi Language Authority. Retrieved 30 January 2022.
- ↑ Buriro, Riazat (2013-07-01). "سنڌي ادب ۾ تنقيدون ۽ تجزيا: ڊاڪٽر نور افروز خواجه جو ڪتاب "مشڪ کٿوريءَ مَڻ" - پروين موسيٰ ميمڻ". سنڌي ادب ۾ تنقيدون ۽ تجزيا. Retrieved 2022-01-30.
- ↑ "Bio-bibliography.com - Authors". www.bio-bibliography.com. Retrieved 2022-06-24.