ᱱᱩᱱᱠᱩ ᱥᱚᱨᱮᱱ

ᱱᱩᱱᱠᱩ ᱥᱚᱨᱮᱱ Nunku Soren
ᱢᱩᱬ ᱧᱩᱛᱩᱢ	ᱱᱩᱱᱠᱩ ᱥᱚᱨᱮᱱ
ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ  ᱟᱨ  ᱡᱟᱱᱟᱢ ᱴᱷᱟᱶ	᱑᱙᱐᱗ ᱠᱷᱤᱨᱤᱵᱟᱹᱲᱤ, ᱫᱩᱢᱠᱟᱹ ᱦᱚᱱᱚᱛ, ᱵᱤᱦᱟᱨ (ᱱᱤᱛ ᱡᱷᱟᱨᱠᱷᱚᱸᱰ), ᱥᱤᱧᱚᱛ
ᱥᱮᱪᱮᱫ	ᱢᱮᱴᱨᱤᱠ
ᱥᱮᱪᱮᱫ ᱟᱠᱷᱲᱟ	C.M.S. ᱢᱤᱥᱚᱱ ᱥᱠᱩᱞ, ᱵᱷᱟᱜᱚᱞᱯᱩᱨ
ᱠᱟᱹᱢᱤ	ᱚᱱᱚᱞᱤᱭᱟᱹ, ᱛᱚᱨᱡᱚᱢᱟᱭᱤᱡ
ᱧᱩᱢᱦᱟᱞᱟᱝ ᱠᱟᱹᱢᱤ	ᱢᱩᱦᱤᱞᱟ ᱪᱮᱪᱮᱫ ᱫᱟᱹᱭ (᱑᱙᱕᱒) ᱨᱮᱦᱮᱫ ᱨᱟᱱ ᱜᱟᱹᱲᱣᱟᱹᱱ ᱨᱮᱱ ᱠᱚᱲᱟ ᱥᱟᱱᱛᱟᱲ ᱥᱚᱢᱟᱡᱽ
ᱥᱤᱨᱯᱷᱟᱹ	ᱵᱤᱥᱮᱥ ᱥᱤᱨᱯᱷᱟᱹ - ᱵᱷᱟᱨᱚᱛᱤᱭᱚ ᱥᱟᱱᱛᱟᱞᱤ ᱥᱟᱦᱤᱛᱭᱚ ᱵᱟᱹᱭᱥᱤ (᱑᱙᱗᱓)

᱕᱐ ᱫᱚᱥᱚᱠ ᱨᱮ ᱥᱟᱱᱛᱟᱲᱤ ᱥᱟᱶᱦᱮᱫ ᱪᱟᱨᱪᱟ ᱨᱮ ᱟᱹᱰᱤ ᱨᱟᱹᱥᱠᱟᱹᱭ ᱡᱟᱜᱟᱣ ᱞᱮᱫᱼᱟ ᱱᱩᱱᱠᱩ ᱥᱚᱨᱮᱱ (Nunku Soren)᱾ ᱩᱱ ᱚᱠᱛᱚ ᱨᱮᱭᱟᱜ ᱵᱤᱦᱟᱨ (ᱱᱤᱛᱚᱜ ᱡᱷᱟᱨᱠᱷᱚᱸᱰ) ᱯᱚᱱᱚᱛ ᱨᱮᱭᱟᱜ ᱫᱩᱢᱠᱟᱹ ᱦᱚᱱᱚᱛ ᱨᱮᱱᱟᱜ ᱠᱷᱤᱨᱤᱵᱟᱹᱲᱤ ᱟᱹᱛᱩ ᱨᱮ ᱑᱙᱐᱗ ᱥᱟᱞᱮ ᱨᱮ ᱩᱱᱤᱭᱟᱜ ᱡᱟᱱᱟᱢ ᱞᱮᱱᱟᱭ᱾ ᱵᱷᱟᱜᱚᱞᱯᱩᱨ ᱨᱮᱭᱟᱜ C.M.S. ᱢᱤᱥᱚᱱ ᱥᱠᱩᱞ ᱠᱷᱚᱱ ᱢᱮᱴᱨᱤᱠ ᱮ ᱯᱟᱥ ᱞᱮᱫᱼᱟ᱾ ᱱᱚᱣᱟ ᱠᱷᱚᱱ ᱵᱟᱹᱲᱛᱤ ᱱᱩᱱᱠᱩ ᱥᱚᱨᱮᱱ ᱤᱫᱤ ᱠᱟᱛᱮ ᱪᱮᱫ ᱦᱚᱸ ᱵᱟᱝ ᱵᱟᱰᱟᱭ ᱧᱟᱢ ᱟᱠᱟᱱᱟ᱾ ᱵᱟᱰᱟᱭᱚᱜᱼᱟ, ᱩᱱᱤ ᱫᱚ ᱟᱡ ᱛᱮᱜᱮ ᱟᱡᱟᱜ ᱪᱷᱟᱯᱟ ᱟᱠᱟᱱ ᱯᱚᱛᱚᱵ ᱠᱚ ᱥᱟᱱᱛᱟᱲ ᱯᱟᱨᱜᱟᱱᱟ ᱨᱮᱭᱟᱜ ᱦᱟᱴ ᱵᱟᱡᱟᱨ ᱨᱮ ᱟᱹᱠᱷᱨᱤᱧ ᱤᱫᱤᱭᱮᱫ ᱛᱟᱦᱮᱸᱫ᱾

ᱥᱟᱶᱦᱮᱫ ᱪᱟᱨᱪᱟ

ᱜᱟᱢᱟᱢ ᱚᱞ ᱥᱟᱶ ᱥᱟᱶᱛᱮ ᱥᱟᱱᱛᱟᱲ ᱞᱟᱠᱪᱟᱨ ᱨᱮᱭᱟᱜ ᱱᱟᱱᱟᱼᱦᱩᱱᱟᱹᱨ ᱥᱟᱛᱟᱢ ᱤᱫᱤ ᱠᱟᱛᱮ ᱯᱚᱛᱚᱵ ᱮ ᱚᱞ ᱞᱮᱫᱼᱟ᱾ ᱪᱚᱞ ᱢᱮᱱᱟᱜ ᱥᱮᱨᱮᱧ ᱟᱨ ᱵᱷᱮᱜᱟᱨ ᱵᱷᱮᱜᱟᱨ ᱯᱟᱨᱟᱵᱽ ᱯᱩᱱᱟᱹᱭ ᱨᱮᱭᱟᱜ ᱥᱮᱨᱮᱧ ᱠᱚ ᱡᱟᱣᱨᱟ ᱠᱟᱛᱮ ᱯᱚᱛᱚᱵ ᱞᱮᱠᱟᱛᱮᱭ ᱪᱷᱟᱯᱟ ᱥᱚᱫᱚᱨ ᱞᱮᱫᱼᱟ᱾ ᱱᱚᱣᱟ ᱚᱠᱛᱚ ᱨᱮᱱ ᱚᱱᱚᱞᱤᱭᱟᱹ, ᱠᱚᱵᱤ ᱠᱚ ᱥᱟᱫᱷᱟᱨᱚᱱ ᱞᱮᱠᱟᱛᱮ ᱥᱮᱨᱮᱧ ᱟᱨ ᱚᱱᱚᱲᱦᱮᱸ ᱚᱞ ᱥᱟᱶ ᱥᱟᱶᱛᱮ ᱥᱟᱶᱦᱮᱫ ᱨᱮᱭᱟᱜ ᱮᱴᱟᱜ ᱦᱟᱹᱴᱤᱧ ᱠᱚᱨᱮ ᱦᱚᱸᱠᱚ ᱠᱟᱹᱢᱤ ᱟᱠᱟᱫᱼᱟ, ᱢᱮᱱᱠᱷᱟᱱ ᱱᱩᱱᱠᱩ ᱥᱚᱨᱮᱱ ᱫᱚᱭ ᱵᱷᱮᱜᱟᱨ ᱜᱮᱭᱟ᱾ ᱪᱮᱫᱟᱜ ᱥᱮ ᱩᱱᱤᱭᱟᱜ ᱚᱠᱟ ᱦᱚᱸ ᱚᱱᱚᱲᱦᱮᱸ ᱯᱚᱛᱚᱵ ᱵᱟᱝ ᱧᱟᱢ ᱟᱠᱟᱱᱟ᱾ ᱮᱱ ᱨᱮᱦᱚᱸ, ᱥᱟᱱᱛᱟᱲᱤ ᱯᱟᱹᱨᱥᱤ ᱟᱨ ᱥᱟᱶᱦᱮᱫ ᱨᱮᱭᱟᱜ ᱞᱟᱦᱟᱱᱛᱤ ᱨᱮ ᱱᱩᱱᱠᱩ ᱥᱚᱨᱮᱱ ᱟᱜ ᱧᱩᱛᱩᱢ ᱫᱚ ᱫᱤᱥᱟᱹ ᱛᱟᱦᱮᱸᱱᱟ᱾

ᱯᱩᱛᱷᱤ ᱛᱟᱹᱞᱠᱟᱹ

ᱩᱱᱤᱭᱟᱜ ᱯᱚᱛᱚᱵ ᱠᱚ ᱨᱮᱭᱟᱜ ᱛᱟᱹᱞᱠᱟᱹ:

• (᱑) "ᱢᱩᱦᱤᱞᱟ ᱪᱮᱪᱮᱫ ᱫᱟᱹᱭ" - ᱱᱚᱣᱟ ᱛᱚᱨᱡᱚᱢᱟ ᱜᱟᱢᱟᱢ ᱫᱚ ᱑᱙᱕᱒ ᱥᱟᱞᱮ ᱨᱮ ᱪᱷᱟᱯᱟ ᱥᱚᱫᱚᱨ ᱞᱮᱱᱟ᱾ ᱱᱚᱣᱟ ᱯᱚᱛᱚᱵ ᱪᱷᱟᱰᱟ ᱠᱟᱛᱮ ᱩᱱᱤᱭᱟᱜ ᱮᱴᱟᱜ ᱚᱠᱟ ᱯᱚᱛᱚᱵ ᱨᱮᱭᱟᱜ ᱪᱷᱟᱯᱟ ᱥᱮᱨᱢᱟ ᱵᱟᱝ ᱵᱟᱰᱟᱭ ᱧᱟᱢ ᱟᱠᱟᱱᱟ᱾
• (᱒) "ᱠᱚᱞᱮᱡᱽ ᱠᱩᱲᱤ ᱥᱩᱥᱤᱞᱟ" - ᱱᱚᱣᱟ ᱦᱚᱸ ᱢᱤᱫ ᱛᱚᱨᱡᱚᱢᱟ ᱜᱟᱢᱟᱢ ᱠᱟᱱᱟ᱾
• (᱓) "ᱟᱯᱟᱵᱟᱨᱮ ᱠᱩᱥᱤ ᱵᱟᱯᱞᱟ"
• (᱔) "ᱟᱢᱨᱮᱱ ᱡᱩᱨᱤ"
• (᱕) "ᱨᱮᱦᱮᱫ ᱨᱟᱱ" - ᱯᱤ. ᱳ. ᱵᱚᱰᱤᱝᱼᱟᱜ 'Santal Medicine & Connected Folklore'-ᱨᱮᱭᱟᱜ ᱥᱟᱱᱛᱟᱲᱤ ᱛᱚᱨᱡᱚᱢᱟ᱾ ᱱᱚᱣᱟ ᱫᱚ ᱯᱩᱱᱭᱟᱹ ᱦᱟᱹᱴᱤᱧ ᱨᱮ ᱦᱟᱹᱴᱤᱧ ᱢᱮᱱᱟᱜᱼᱟ᱾
• (᱖) "ᱵᱟᱹᱦᱩ-ᱡᱟᱶᱟᱭ ᱦᱚᱨᱚᱜ" - ᱱᱚᱣᱟ ᱫᱚ ᱥᱮᱨᱮᱧ ᱯᱚᱛᱚᱵ ᱠᱟᱱᱟ᱾ ᱥᱟᱶᱛᱟ ᱨᱮ ᱵᱟᱹᱦᱩ ᱟᱨ ᱡᱟᱶᱟᱭ ᱯᱟᱦᱴᱟ ᱨᱮᱱ ᱦᱚᱲ ᱠᱚᱣᱟᱜ ᱵᱟᱯᱞᱟ ᱨᱮᱭᱟᱜ ᱠᱟᱛᱷᱟ ᱜᱚᱴᱟ ᱛᱟᱭᱚᱢ, ᱢᱩᱫᱟᱹᱢ ᱥᱮ ᱢᱟᱞᱟ ᱥᱮ ᱮᱴᱟᱜ ᱡᱟᱦᱟᱸᱱᱟᱜ ᱛᱮ ᱵᱟᱹᱦᱩ ᱟᱨ ᱡᱟᱶᱟᱭ ᱠᱚ ᱪᱤᱱᱦᱟᱹ ᱠᱤᱱᱟᱹ᱾ ᱱᱚᱣᱟ ᱚᱠᱛᱚ ᱨᱮ ᱡᱟᱦᱟᱸ ᱥᱮᱨᱮᱧ ᱠᱚ ᱥᱮᱨᱮᱧᱟ, ᱚᱱᱟ ᱨᱮᱭᱟᱜ ᱜᱮ ᱛᱩᱢᱟᱹᱞ ᱯᱚᱛᱚᱵ ᱠᱟᱱᱟ᱾
• (᱗) "ᱵᱟᱯᱞᱟ ᱥᱮᱨᱮᱧ" - ᱵᱟᱯᱞᱟ ᱚᱠᱛᱚ ᱨᱮᱭᱟᱜ ᱫᱚᱝ ᱥᱮᱨᱮᱧ ᱨᱮᱭᱟᱜ ᱛᱩᱢᱟᱹᱞ ᱯᱚᱛᱚᱵ᱾
• (᱘) "ᱥᱚᱦᱨᱟᱭ ᱯᱚᱵᱚᱨ ᱟᱹᱨᱤᱪᱟᱹᱞᱤ ᱟᱨ ᱥᱚᱦᱨᱟᱭ ᱥᱮᱨᱮᱧ" - ᱥᱚᱦᱨᱟᱭ ᱥᱮᱨᱮᱧ ᱨᱮᱭᱟᱜ ᱛᱩᱢᱟᱹᱞ ᱯᱚᱛᱚᱵ᱾
• (᱙) "ᱠᱟᱨᱟᱢ ᱜᱚᱸᱥᱟᱭ" - ᱠᱟᱨᱟᱢ ᱯᱚᱨᱚᱵ ᱨᱮᱭᱟᱜ ᱵᱚᱨᱱᱚᱱᱟ ᱟᱨ ᱠᱟᱨᱟᱢ ᱥᱮᱨᱮᱧ ᱨᱮᱭᱟᱜ ᱛᱩᱢᱟ6 ᱯᱚᱛᱚᱵ᱾
• (᱑᱐) "ᱪᱟᱪᱚ ᱪᱷᱟᱹᱴᱭᱟᱹᱨ" - ᱱᱟᱣᱟ ᱡᱟᱱᱟᱢ ᱜᱤᱫᱽᱨᱟᱹ ᱟᱥᱚᱠᱟᱭ ᱥᱟᱶᱛᱟ ᱟᱹᱨᱤ ᱠᱟᱹᱢᱤᱦᱚᱨᱟ ᱛᱟᱞᱟ ᱛᱮ ᱡᱟᱹᱛᱤ ᱨᱮᱠᱚ ᱥᱮᱞᱮᱫ ᱠᱚᱣᱟ᱾ ᱱᱚᱣᱟ ᱟᱠᱷᱲᱟ ᱨᱮ ᱥᱮᱨᱮᱧᱚᱜ ᱠᱟᱱ ᱥᱮᱨᱮᱧ ᱠᱚ ᱨᱮᱭᱟᱜ ᱛᱩᱢᱟᱹᱞ ᱯᱚᱛᱚᱵ᱾
• (᱑᱑) "ᱞᱟᱜᱽᱲᱮ ᱥᱮᱨᱮᱧ" - ᱥᱮᱨᱮᱧ ᱯᱚᱛᱚᱵ᱾
• (᱑᱒) "ᱵᱟᱦᱟ ᱥᱮᱨᱮᱧ" - ᱵᱟᱦᱟ ᱯᱚᱨᱚᱵ ᱨᱮᱭᱟᱜ ᱥᱮᱨᱮᱧ ᱯᱚᱛᱚᱵ᱾
• (᱑᱓) "ᱜᱟᱹᱭ ᱰᱟᱝᱜᱽᱨᱟ ᱨᱟᱱ ᱯᱩᱛᱷᱤ" -
• (᱑᱔) "ᱥᱟᱱᱛᱟᱲ ᱥᱚᱢᱟᱡᱽ : ᱫᱷᱟᱹᱨᱛᱤ ᱡᱤᱭᱚᱱ ᱱᱤᱨᱟᱹᱭ ᱛᱮ ᱠᱷᱮᱢᱟᱣ ᱞᱟᱹᱜᱤᱫ ᱦᱩᱫᱤᱥ ᱵᱩᱫᱤᱥ" - ᱱᱚᱣᱟ ᱫᱚ ᱚᱱᱚᱞ ᱯᱚᱛᱚᱵ ᱠᱟᱱᱟ᱾
• (᱑᱕) "ᱠᱚᱪᱮ ᱠᱟᱬᱵᱟ"᱾
• (᱑᱖) "ᱜᱟᱲᱣᱟᱹᱱ ᱨᱮᱱ ᱠᱚᱲᱟ" - ᱠᱟᱹᱦᱱᱤ ᱯᱚᱛᱚᱵ᱾
• (᱑᱗) "ᱥᱟᱱᱛᱟᱞᱤ ᱵᱷᱮᱱᱛᱟ ᱠᱟᱛᱷᱟ"
• (᱑᱘) "ᱠᱚᱲᱟ ᱡᱮᱢᱚᱱ ᱵᱟᱪᱷ ᱛᱮᱢᱚᱱ"
• (᱑᱙) "ᱡᱩᱨᱤ ᱠᱩᱲᱤ ᱯᱟᱹᱥᱤᱜ ᱠᱟᱹᱦᱱᱤ"
• (᱒᱐) "ᱟᱞᱜᱟ ᱥᱟᱱᱛᱟᱞᱤ ᱯᱟᱲᱦᱟᱣ"

ᱢᱟᱹᱱ ᱟᱨ ᱥᱤᱨᱯᱷᱟᱹ

ᱪᱮᱛᱟᱱ ᱨᱮ ᱚᱞ ᱟᱠᱟᱱ ᱯᱚᱛᱚᱵ ᱠᱚ ᱢᱩᱫᱽ ᱨᱮ ᱟᱭᱢᱟ ᱯᱚᱛᱚᱵ ᱜᱮ ᱵᱟᱝ ᱪᱷᱟᱯᱟ ᱟᱠᱟᱱᱟ᱾ ᱡᱟᱦᱟᱸ ᱜᱮ ᱦᱩᱭᱮᱱ, ᱱᱩᱱᱠᱩ ᱥᱚᱨᱮᱱ ᱟᱜ ᱚᱞ 'ᱯᱮᱲᱟᱦᱚᱲ', 'ᱦᱚᱲ ᱥᱚᱢᱵᱟᱫᱽ' ᱥᱟᱶᱛᱮ ᱮᱴᱟᱜ ᱯᱚᱛᱨᱚᱼᱯᱚᱛᱨᱤᱠᱟ ᱠᱚᱨᱮ ᱪᱷᱟᱯᱟ ᱥᱚᱫᱚᱨ ᱞᱮᱱᱟ᱾ ᱫᱮᱣᱜᱷᱚᱨ ᱨᱮᱭᱟᱜ 'ᱵᱷᱟᱨᱚᱛᱤᱭᱚ ᱥᱟᱱᱛᱟᱞᱤ ᱥᱟᱦᱤᱛᱭᱚ ᱵᱟᱹᱭᱥᱤ' ᱯᱟᱦᱴᱟ ᱠᱷᱚᱱ ᱑᱙᱗᱓ ᱥᱟᱞᱮ ᱨᱮ ᱩᱱᱤ ᱫᱚ ᱵᱤᱥᱮᱥ ᱥᱤᱨᱯᱷᱟᱹ ᱮᱢ ᱠᱟᱛᱮ ᱠᱚ ᱢᱟᱹᱱ ᱞᱮᱫᱮᱭᱟ᱾