ᱱᱮᱢᱨᱟᱦ ᱱᱤᱭᱟᱡᱤ
ᱱᱮᱢᱨᱟᱦ ᱱᱤᱭᱟᱡᱤ (ᱚᱱᱚᱞ ᱧᱩᱛᱩᱢ: ᱱᱮᱢᱨᱟᱦ ᱚᱦᱢᱚᱫᱽ; ᱡᱟᱱᱟᱢ: ᱙ ᱥᱮᱯᱴᱮᱢᱵᱚᱨ ᱑᱙᱙᱐ ᱵᱷᱟᱠᱠᱟᱨ, ᱯᱟᱠᱤᱥᱛᱟᱱ ᱨᱮ) ᱫᱚ ᱢᱤᱫ ᱯᱟᱠᱤᱥᱛᱟᱱᱤ ᱩᱨᱫᱩ ᱯᱟᱹᱨᱥᱤ ᱨᱤᱱᱤᱡ ᱩᱯᱱᱭᱟᱥ ᱚᱞᱤᱡ ᱟᱨ ᱚᱱᱚᱞᱤᱭᱟᱹ ᱠᱟᱱᱟᱭ᱾ ᱩᱱᱤ ᱫᱚ ᱮᱛᱚᱦᱚᱵ ᱫᱚ ᱢᱤᱭᱟᱱᱣᱟᱞᱤ ᱨᱤᱱᱤᱡ ᱠᱟᱱᱟᱭ᱾
ᱠᱟᱹᱢᱤ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱱᱮᱢᱨᱟᱦ ᱚᱦᱢᱚᱫᱽ ᱫᱚ ᱟᱡᱟᱜ ᱯᱩᱭᱞᱩ ᱩᱯᱱᱭᱟᱥ ᱢᱮᱨᱮ ᱠᱷᱩᱣᱟᱵᱽ, ᱢᱮᱨᱮ ᱡᱩᱜᱽᱱᱩ ᱑᱖ ᱥᱮᱨᱢᱟ ᱩᱢᱮᱨ ᱨᱮ ᱒᱐᱐᱗ ᱥᱟᱞᱮᱨᱮ ᱥᱩᱣᱟ ᱰᱟᱭᱡᱮᱥᱴ ᱨᱮ ᱩᱪᱷᱟᱹᱱ ᱞᱮᱱᱟ, ᱡᱟᱦᱟᱸ ᱫᱚ ᱛᱤᱨᱞᱟᱹ ᱠᱚᱣᱟᱜ ᱪᱟᱸᱫᱚᱠᱤᱭᱟᱹ ᱢᱮᱜᱟᱡᱤᱱ ᱠᱟᱱᱟ, ᱡᱟᱦᱟᱸ ᱛᱟᱭᱚᱢ ᱛᱮ ᱦᱟᱨᱰᱠᱚᱵᱚᱨ ᱯᱚᱛᱚᱵ ᱞᱮᱠᱟᱛᱮ ᱩᱪᱷᱟᱹᱱ ᱞᱮᱱᱟ᱾ ᱤᱝᱞᱤᱥ ᱥᱟᱶᱦᱮᱫ ᱨᱮ ᱟᱡᱟᱜ ᱢᱟᱥᱴᱚᱨᱥ ᱰᱤᱜᱽᱨᱤ ᱧᱟᱢ ᱛᱟᱭᱚᱢ ᱩᱱᱤ ᱫᱚ ᱯᱩᱨᱟᱹ ᱚᱠᱛᱚ ᱨᱮᱱᱟᱜ ᱠᱟᱹᱢᱤ ᱞᱮᱠᱟᱛᱮ ᱚᱞ ᱡᱚᱠᱷᱟ ᱮ ᱦᱟᱛᱟᱣ ᱠᱮᱫᱟ᱾ ᱩᱱᱤ ᱫᱚ ᱛᱮᱦᱮᱧ ᱦᱟᱹᱵᱤᱡ ᱑᱒ ᱜᱚᱴᱟᱝ ᱩᱯᱱᱭᱟᱥ ᱮ ᱚᱞ ᱟᱠᱟᱫᱟ᱾ ᱡᱚᱛᱚ ᱩᱯᱱᱭᱟᱥ ᱫᱚ ᱮᱴᱟᱜ ᱠᱷᱚᱱ ᱵᱷᱮᱜᱟᱨ ᱛᱷᱤᱢ ᱮ ᱫᱚᱦᱚᱭᱟ᱾ ᱩᱱᱤᱭᱟᱜ ᱵᱨᱮᱠᱛᱷᱨᱩ ᱩᱯᱱᱭᱟᱥ ᱫᱚ ᱢᱩᱥᱷᱟᱯᱷ ᱛᱟᱦᱮᱸ ᱠᱟᱱᱟ, ᱡᱟᱦᱟᱸ ᱫᱚ ᱱᱟᱣᱟ ᱫᱤᱞᱞᱤ ᱡᱮᱜᱮᱛ ᱯᱚᱛᱚᱵ ᱢᱮᱞᱟ ᱒᱐᱑᱗ ᱨᱮ ᱵᱮᱥᱴ ᱥᱮᱞᱤᱝ ᱩᱨᱫᱩ ᱯᱚᱛᱚᱵ ᱛᱟᱦᱮᱸ ᱠᱟᱱᱟ᱾
ᱚᱞ ᱦᱟᱛᱟᱣ ᱥᱴᱟᱭᱤᱞ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱱᱮᱢᱨᱟᱦ ᱚᱦᱢᱚᱫᱽ ᱫᱚ ᱟᱭᱢᱟ ᱚᱠᱛᱚ ᱨᱮ ᱠᱩᱨᱟᱱ ᱟᱨ ᱱᱚᱣᱟ ᱨᱮᱱᱟᱜ ᱟᱭᱟᱛ ᱠᱚ ᱟᱡᱟᱜ ᱚᱞ ᱨᱮᱭ ᱥᱮᱞᱮᱫ ᱜᱮᱭᱟ᱾ ᱩᱱᱤᱭᱟᱜ ᱠᱟᱹᱢᱤ ᱠᱚᱫᱚ ᱵᱷᱟᱹᱜᱤ ᱞᱮᱠᱟᱛᱮ ᱨᱤᱥᱚᱨᱪ ᱟᱨ ᱟᱭᱢᱟ ᱛᱷᱤᱢ ᱟᱨ ᱥᱴᱟᱭᱤᱞ ᱨᱮᱱᱟᱜ ᱵᱤᱪᱟᱹᱨ ᱠᱷᱟᱹᱛᱤᱨ ᱵᱟᱰᱟᱭᱚᱜᱼᱟ᱾ ᱩᱱᱤ ᱫᱚ ᱯᱮ ᱥᱮᱨᱢᱟ ᱞᱮᱛᱟᱲ ᱫᱟ ᱱᱭᱩᱡᱽ ᱣᱩᱢᱮᱱ ᱯᱟᱣᱟᱨ ᱕᱐ ᱛᱟᱹᱞᱠᱟᱹ ᱨᱮ ᱴᱷᱟᱶ ᱮ ᱧᱟᱢ ᱞᱮᱫᱟ᱾
ᱡᱟᱧᱡᱟᱵᱤᱞ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱢᱟᱨᱪ ᱒᱐᱑᱖ ᱨᱮ ᱱᱮᱢᱨᱟᱦ ᱚᱦᱢᱚᱫᱽ ᱫᱚ ᱟᱡᱟᱜ ᱱᱤᱡᱮᱨᱟᱜ ᱯᱚᱛᱚᱵ ᱫᱚᱠᱟᱱ ᱡᱟᱧᱡᱟᱵᱤᱞ ᱮ ᱮᱛᱚᱦᱚᱵ ᱠᱮᱫᱟ᱾ "ᱡᱟᱧᱡᱟᱵᱤᱞ" ᱧᱩᱛᱩᱢ ᱫᱚ ᱟᱨᱚᱵᱤ ᱟᱹᱲᱟᱹ ᱡᱟᱦᱟᱸ ᱨᱮᱱᱟᱜ ᱢᱮᱱᱮᱛ ᱫᱚ ᱟᱫᱷᱟ ᱟᱨ ᱱᱚᱣᱟ ᱫᱚ ᱡᱟᱱᱱᱟᱦ ᱨᱮᱱᱟᱜ ᱢᱤᱫ ᱡᱷᱟᱨᱱᱟ ᱨᱮᱱᱟᱜ ᱨᱩᱯ ᱩᱫᱩᱜᱟ᱾[᱑] ᱱᱚᱣᱟ ᱥᱟᱛᱟᱢ ᱨᱮ ᱫᱟᱜ ᱫᱚ ᱣᱟᱦᱤ ᱤᱞᱟᱦᱤ (ᱵᱷᱚᱜᱽᱣᱟᱱ ᱦᱚᱛᱮᱛᱮ ᱩᱫᱽᱜᱟᱹᱣ ᱮᱢ), ᱤᱞᱢ (ᱵᱟᱰᱟᱭ), ᱟᱨ ᱵᱤᱪᱟᱹᱨ ᱨᱮᱱᱟᱜ ᱪᱤᱱᱦᱟᱹ ᱠᱟᱱᱟ᱾ ᱱᱚᱝᱠᱟ ᱛᱮ ᱱᱚᱣᱟ ᱯᱚᱛᱚᱵ ᱫᱚᱠᱟᱱ ᱵᱟᱰᱟᱭ ᱟᱨ ᱵᱤᱪᱟᱹᱨ ᱨᱮᱱᱟᱜ ᱥᱨᱳᱛ ᱦᱩᱭ ᱠᱟᱛᱮ "ᱡᱟᱧᱡᱟᱵᱤᱞ" ᱫᱚ ᱩᱫᱽᱜᱟᱹᱣ ᱨᱮᱱᱟᱜ ᱢᱤᱫ ᱠᱟᱹᱴᱤᱡ ᱡᱷᱟᱨᱱᱟ ᱩᱫᱩᱜᱟ᱾[᱒]
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ "Zanjabeel- A Bookstore By Nemrah Ahmed". Zanjabeel- A Bookstore By Nemrah Ahmed (in ᱟᱝᱜᱽᱨᱮᱡᱤ). Retrieved 2023-10-16.
- ↑ "Zanjabeel Launch Story". Zanjabeel- A Bookstore By Nemrah Ahmed (in ᱟᱝᱜᱽᱨᱮᱡᱤ). Retrieved 2023-10-16.