ᱱᱮᱦᱟ ᱠᱤᱨᱯᱟᱞ
ᱱᱮᱦᱟ ᱠᱤᱨᱯᱟᱞ ᱫᱚ ᱢᱤᱫ ᱵᱷᱟᱨᱚᱛᱤᱭᱚ ᱥᱟᱶᱛᱟ ᱠᱟᱨᱵᱟᱨᱤᱡᱽ ᱠᱟᱱᱟᱭ ᱾ ᱩᱱᱤ ᱫᱚ ᱟᱨᱴᱥ ᱟᱨ ᱢᱮᱱᱴᱟᱞ ᱦᱮᱞᱛᱷ ᱨᱮ ᱠᱟᱹᱢᱤ ᱠᱷᱟᱹᱛᱤᱨ ᱵᱟᱰᱟᱭᱚᱜ ᱠᱟᱱᱟᱭ ᱾[᱑] ᱩᱱᱤ ᱒᱐᱐᱘ ᱨᱮ ᱤᱱᱰᱤᱭᱟ ᱟᱨᱴ ᱯᱷᱮᱭᱟᱨ ᱮ ᱛᱷᱟᱯᱚᱱ ᱠᱮᱫᱟ ᱟᱨ ᱩᱱᱤ ᱫᱚ ᱢᱮᱱᱴᱟᱞ ᱦᱮᱞᱛᱷ ᱜᱟᱶᱛᱟ ᱟᱢᱟᱦᱟ ᱨᱤᱱᱤᱡ ᱥᱟᱦᱟᱭᱚᱠ ᱛᱷᱟᱯᱚᱱᱤᱡᱽ ᱦᱚᱸ ᱠᱟᱱᱟᱭ ᱾ ᱩᱱᱤ ᱫᱚ ᱱᱟᱨᱤ ᱥᱟᱠᱛᱤ ᱯᱩᱨᱚᱥᱠᱟᱨ ᱛᱮ ᱠᱚ ᱥᱤᱨᱯᱷᱟᱹ ᱟᱠᱟᱫᱮᱭᱟ ᱾ ᱵᱷᱟᱨᱚᱛ ᱥᱚᱨᱠᱟᱨ ᱦᱚᱛᱮᱛᱮ ᱵᱷᱟᱨᱚᱛ ᱨᱮ ᱛᱤᱨᱞᱟᱹ ᱠᱚ ᱞᱟᱹᱜᱤᱫ ᱱᱚᱣᱟ ᱫᱚ ᱡᱚᱛᱚ ᱠᱷᱚᱱ ᱪᱮᱛᱟᱱ ᱢᱟᱱ ᱠᱟᱱᱟ ᱾
ᱮᱛᱚᱦᱚᱵ ᱡᱤᱭᱚᱱ ᱟᱨ ᱥᱮᱪᱮᱫ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱱᱮᱦᱟ ᱠᱤᱨᱯᱟᱞ ᱫᱚ ᱱᱟᱣᱟ ᱫᱤᱞᱞᱤ, ᱵᱷᱟᱨᱚᱛ ᱨᱮᱭ ᱡᱟᱱᱟᱢ ᱞᱮᱱᱟ, ᱚᱸᱰᱮ ᱩᱱᱤ ᱟᱡᱟᱜ ᱜᱤᱫᱽᱨᱟᱹ ᱚᱠᱛᱚ ᱮ ᱠᱷᱮᱢᱟᱣ ᱠᱮᱫᱟ ᱾ ᱩᱱᱤ ᱥᱟᱨᱫᱟᱨ ᱯᱟᱴᱮᱞ ᱵᱤᱫᱽᱭᱟᱞᱟᱭ ᱟᱥᱲᱟ ᱟᱨ ᱛᱟᱭᱚᱢ ᱛᱮ ᱫᱤᱞᱞᱤ ᱨᱮ ᱞᱮᱰᱤ ᱥᱨᱤ ᱨᱟᱢ ᱠᱚᱞᱮᱡᱽ ᱨᱮ ᱯᱚᱞᱤᱴᱤᱠᱟᱞ ᱥᱟᱭᱤᱱᱥ ᱮ ᱯᱟᱲᱦᱟᱣ ᱠᱮᱫᱟ ᱾ ᱩᱱᱤ ᱫᱚ ᱟᱡᱟᱜ ᱟᱥᱲᱟ ᱟᱨ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱥᱮᱨᱢᱟ ᱚᱠᱛᱚ ᱨᱮ ᱮᱥ ᱯᱤ ᱟᱭ ᱥᱤ ᱮᱢ ᱮ ᱥᱤ ᱮ ᱣᱟᱭ ᱥᱟᱶ ᱥᱮᱞᱮᱫ ᱮ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱟᱨᱴᱥ ᱞᱚᱱᱰᱚᱱ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱷᱚᱱ ᱢᱟᱨᱠᱮᱴᱤᱝ ᱨᱮ ᱢᱟᱥᱴᱟᱨᱥ ᱰᱤᱜᱽᱨᱤ ᱢᱮᱱᱟᱜ ᱛᱟᱭᱟ ᱾[᱒][᱓]
ᱠᱟᱹᱢᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱠᱤᱨᱯᱟᱞ ᱒᱐᱐᱘ ᱨᱮ ᱤᱱᱰᱤᱭᱟ ᱟᱨᱴ ᱯᱷᱮᱭᱟᱨ (ᱢᱟᱲᱟᱝ ᱤᱱᱰᱤᱭᱟ ᱟᱨᱴ ᱥᱩᱢᱤᱴ) ᱮ ᱛᱷᱟᱯᱚᱱ ᱠᱮᱫᱟ ᱾ ᱱᱚᱣᱟ ᱯᱷᱮᱭᱟᱨ ᱫᱚ ᱥᱟᱢᱟᱠᱟᱞᱤᱱ ᱠᱟᱹᱨᱤ ᱪᱮᱛᱟᱱ ᱨᱮ ᱟᱡᱟᱜ ᱡᱩᱨ ᱮᱢ ᱠᱷᱟᱹᱛᱤᱨ ᱵᱟᱰᱟᱭᱚᱜ ᱠᱟᱱ ᱛᱟᱦᱮᱸᱱᱟ ᱾ ᱩᱱᱤ ᱵᱷᱟᱨᱚᱛ ᱨᱮ ᱠᱟᱹᱨᱤ ᱵᱟᱡᱟᱨ ᱡᱤᱣᱟᱹᱣ ᱨᱮ ᱡᱟᱥ ᱮ ᱮᱢ ᱠᱮᱫᱟ ᱾ ᱚᱜᱚᱥᱴ ᱒᱐᱑᱗ ᱨᱮ, ᱩᱱᱤ ᱠᱚᱢᱯᱟᱹᱱᱤ ᱨᱮ ᱑᱐% ᱫᱟᱣ ᱵᱟᱧᱪᱟᱣ ᱠᱟᱛᱮ ᱤᱥᱛᱤᱯᱷᱟ ᱮᱢ ᱠᱮᱫᱟ ᱾ ᱢᱤᱫ ᱫᱟᱥᱚᱠ ᱛᱟᱭᱚᱢ ᱩᱱᱤ ᱥᱣᱤᱡᱟᱨᱞᱮᱱᱰ ᱟᱫᱷᱟᱨᱤᱛ ᱮᱢ ᱥᱤ ᱮᱪ ᱜᱩᱴ ᱨᱮ ᱟᱡᱟᱜ ᱠᱟᱹᱨᱤ ᱵᱤᱡᱱᱮᱥ ᱮ ᱟᱹᱠᱷᱨᱤᱧ ᱠᱮᱫᱟ ᱾
ᱩᱱᱤ ᱵᱷᱟᱨᱚᱛᱤᱭᱚ ᱠᱚᱢᱚᱨᱥ ᱮᱱᱰ ᱤᱱᱰᱟᱥᱴᱨᱤ ᱨᱮᱱᱟᱜ ᱯᱷᱮᱰᱮᱨᱮᱥᱚᱱ (ᱮᱯᱷ ᱟᱭᱤ ᱥᱤ ᱥᱤ ᱟᱭᱤ) ᱨᱮᱱᱟᱜ ᱠᱟᱹᱨᱤ ᱞᱟᱹᱜᱤᱫ ᱡᱟᱹᱛᱤᱭᱟᱹᱨᱤ ᱥᱟᱞᱟᱦᱠᱟᱨ ᱠᱟᱢᱤᱴᱤ ᱨᱮ ᱥᱮᱵᱟᱭ ᱮᱢ ᱠᱮᱫᱟ ᱾
᱒᱐᱑᱙ ᱨᱮ, ᱠᱤᱨᱯᱟᱞ ᱟᱢᱤᱛ ᱢᱟᱞᱤᱠ ᱥᱟᱶ ᱟᱢᱟᱦᱟ ᱦᱮᱞᱛᱷ (ᱢᱟᱲᱟᱝ ᱤᱱᱟᱨ ᱦᱟᱣᱟᱨ) ᱨᱮᱭ ᱥᱮᱞᱮᱫ ᱮᱱᱟ ᱾ ᱟᱢᱟᱦᱟ ᱦᱮᱞᱛᱷ ᱫᱚ ᱵᱷᱟᱨᱚᱛ ᱨᱮ ᱛᱮᱨᱟᱯᱤ ᱮᱢ ᱠᱟᱛᱮ ᱢᱤᱫ ᱢᱮᱱᱴᱟᱞ ᱦᱮᱞᱛᱷ ᱜᱟᱶᱛᱟ ᱠᱟᱱᱟ ᱾[᱔][᱕][᱖]
᱒᱐᱒᱔ ᱨᱮ ᱩᱱᱤ ᱰᱨ ᱱᱟᱱᱫᱤᱱᱤ ᱢᱩᱨᱟᱞᱤ ᱥᱟᱶ "ᱢᱮᱱᱴᱟᱞ ᱦᱮᱞᱛᱷ: ᱞᱤᱵᱽᱰ ᱮᱠᱥᱯᱮᱨᱤᱭᱮᱱᱥᱮᱥ ᱚᱯᱷ ᱨᱤᱥᱤᱞᱤᱭᱮᱸᱥ ᱮᱱᱰ ᱦᱳᱯ" ᱨᱮ ᱥᱟᱦᱟᱭᱚᱠ ᱚᱱᱚᱞᱤᱭᱟᱹ ᱛᱟᱦᱮᱸ ᱠᱟᱱᱟ ᱾
ᱥᱤᱨᱯᱷᱟᱹ ᱠᱚ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱒᱐᱑᱒ ᱨᱮ, ᱠᱤᱨᱯᱟᱞ ᱤᱱᱰᱤᱭᱟ ᱴᱩᱰᱮ ᱨᱤᱱ ᱒᱕ ᱯᱟᱣᱟᱨ ᱛᱤᱨᱞᱟᱹ ᱞᱤᱥᱴ ᱨᱮ ᱥᱮᱞᱮᱫ ᱛᱟᱦᱮᱸ ᱠᱟᱱᱟ ᱾ ᱒᱐᱑᱔ ᱟᱨ ᱒᱐᱑᱕ ᱨᱮ ᱯᱷᱳᱨᱪᱩᱱ ᱤᱱᱰᱤᱭᱟ ᱟᱡᱟᱜ ᱔᱐ ᱟᱱᱰᱟᱨ ᱔᱐ ᱞᱤᱥᱴ ᱨᱮ ᱧᱩᱛᱩᱢ ᱮ ᱚᱞ ᱞᱮᱫ ᱛᱟᱦᱮᱸᱱ ᱾ ᱒᱐᱑᱔ ᱨᱮ, ᱩᱱᱤ ᱤᱱᱰᱤᱭᱟ ᱴᱩᱰᱮ ᱴᱷᱮᱱ ᱠᱷᱚᱱ ᱢᱳᱥᱴ ᱯᱟᱣᱟᱨᱯᱷᱩᱞ ᱣᱤᱢᱮᱱ ᱟᱣᱟᱨᱰ ᱮ ᱧᱟᱢ ᱠᱮᱫᱟ ᱾ ᱵᱤᱡᱱᱮᱥ ᱴᱩᱰᱮ ᱢᱮᱜᱟᱡᱤᱱ ᱩᱱᱤ ᱒᱐᱑᱒-᱑᱔ ᱞᱟᱹᱜᱤᱫ "ᱵᱤᱡᱱᱮᱥ ᱨᱮ ᱟᱹᱰᱤ ᱫᱟᱲᱮ ᱣᱟᱞᱤ ᱛᱤᱨᱞᱟᱹ" ᱮ ᱧᱩᱛᱩᱢ ᱠᱮᱫᱮᱭᱟ ᱾ ᱒᱐᱑᱔ ᱨᱮ, ᱠᱤᱨᱯᱟᱞ ᱯᱷᱳᱨᱵᱮᱥ ᱤᱱᱰᱤᱭᱟ ᱟᱨᱴ ᱟᱣᱟᱨᱰ ᱨᱮ ᱟᱨᱴ ᱮᱱᱴᱟᱨᱯᱨᱟᱭᱤᱡᱟᱨ ᱚᱯᱷ ᱫᱤ ᱤᱭᱟᱨ ᱮ ᱵᱮᱱᱟᱣ ᱮᱱᱟ ᱾
᱒᱐᱑᱕ ᱨᱮ, ᱩᱱᱤ ᱱᱟᱨᱤ ᱥᱟᱠᱛᱤ ᱯᱩᱨᱚᱥᱠᱟᱨ ᱛᱮᱠᱚ ᱥᱤᱨᱯᱷᱟᱹ ᱠᱮᱫᱮᱭᱟ ᱾ ᱱᱚᱣᱟ ᱥᱤᱨᱯᱷᱟᱹ ᱫᱚ ᱛᱤᱨᱞᱟᱹ ᱟᱨ ᱜᱤᱫᱽᱨᱟᱹ ᱩᱛᱱᱟᱹᱣ ᱢᱚᱱᱛᱨᱟᱞᱟᱭ, ᱵᱷᱟᱨᱚᱛ ᱥᱚᱨᱠᱟᱨ ᱦᱚᱛᱮᱛᱮ ᱩᱫᱩᱜ ᱥᱚᱫᱚᱨ ᱦᱩᱭ ᱞᱮᱱ ᱛᱟᱦᱮᱸᱱᱟ, ᱟᱨ ᱱᱚᱣᱟ ᱫᱚ ᱡᱮᱜᱮᱛ ᱛᱤᱨᱞᱟᱹ ᱢᱟᱦᱟᱸ ᱨᱮ ᱵᱷᱟᱨᱚᱛ ᱨᱤᱱᱤᱡ ᱯᱨᱮᱥᱤᱰᱮᱱᱴ ᱯᱨᱚᱬᱚᱵ ᱢᱩᱠᱷᱟᱨᱡᱤ ᱦᱚᱛᱮᱛᱮ ᱩᱱᱤ ᱪᱮᱛᱟᱱ ᱨᱮ ᱪᱟᱞ ᱦᱩᱭ ᱞᱮᱱ ᱛᱟᱦᱮᱸᱱᱟ ᱾ ᱚᱱᱟ ᱥᱮᱨᱢᱟ ᱜᱮ ᱩᱱᱤ ᱡᱮᱜᱮᱛ ᱮᱠᱟᱱᱚᱢᱤ ᱯᱷᱳᱨᱟᱢ ᱦᱚᱛᱮᱛᱮ ᱵᱷᱟᱨᱚᱛ ᱠᱷᱚᱱ ᱢᱤᱫ ᱭᱩᱝ ᱜᱞᱳᱵᱟᱞ ᱞᱤᱰᱟᱨ ᱧᱩᱛᱩᱢ ᱮᱢ ᱦᱩᱭ ᱞᱮᱱ ᱛᱟᱦᱮᱸᱱ ᱟᱨ ᱩᱱᱤ ᱮᱱᱰᱤᱴᱤᱣᱤ ᱦᱚᱛᱮᱛᱮ ᱒᱐᱑᱕ ᱤᱱᱰᱤᱭᱟᱱ ᱚᱯᱷ ᱫᱤ ᱤᱭᱟᱨ ᱟᱣᱟᱨᱰ ᱛᱮᱠᱚ ᱥᱤᱨᱯᱷᱟᱹ ᱠᱮᱫᱮᱭᱟ ᱾ ᱒᱐᱑᱗ ᱨᱮ, ᱠᱤᱨᱯᱟᱞ ᱮᱯᱳᱞᱳ ᱢᱮᱜᱟᱡᱤᱱ ᱨᱮᱱᱟᱜ "᱔᱐ ᱟᱱᱰᱟᱨ ᱔᱐ ᱜᱞᱳᱵᱟᱞ" ᱨᱮ ᱛᱟᱦᱮᱸ ᱠᱟᱱᱟ ᱾
ᱩᱱᱤ ᱟᱱᱟᱱᱛᱟ ᱮᱥᱯᱮᱱ ᱥᱮᱱᱴᱟᱨ ᱨᱮᱱᱟᱜ ᱠᱟᱢᱟᱞᱱᱟᱭᱟᱱ ᱵᱟᱡᱟᱡ ᱯᱷᱮᱞᱳᱥᱤᱯ ᱨᱤᱱᱤᱡ ᱢᱤᱫ ᱯᱷᱮᱞᱳ ᱠᱟᱱᱟᱭ ᱾ ᱒᱐᱑᱘ ᱨᱮ, ᱩᱱᱤ ᱢᱤᱫ ᱟᱭᱤᱡᱮᱱ ᱦᱟᱣᱟᱨ ᱤᱱᱳᱵᱷᱮᱥᱟᱱ ᱯᱷᱮᱞᱳ ᱞᱮᱠᱟᱛᱮ ᱵᱟᱪᱷᱟᱣ ᱦᱩᱭ ᱞᱮᱱ ᱛᱟᱦᱮᱸᱱᱟ ᱾ ᱥᱤ ᱮᱱ ᱵᱤ ᱥᱤ ᱴᱤ ᱵᱷᱤ ᱑᱘ ᱩᱱᱤ ᱒᱐᱒᱔ ᱨᱮ ᱡᱮᱱᱰᱟᱨ ᱮᱠᱣᱟᱞᱤᱴᱤ ᱯᱨᱳᱢᱳᱥᱚᱱ ᱞᱟᱹᱜᱤᱫ 'ᱯᱷᱤᱭᱩᱪᱟᱨ ᱯᱷᱤᱢᱮᱞ ᱯᱷᱳᱨᱣᱟᱨᱰ' ᱨᱮᱱᱟᱜ ᱫᱚᱥᱟᱨ ᱥᱤᱡᱟᱹᱱ ᱨᱮ ᱩᱞᱮᱠᱷ ᱠᱮᱫᱮᱭᱟ ᱾
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ Tripathi, Shailaja (February 9, 2013). "A fair share". The Hindu. Archived from the original on December 9, 2013.
- ↑ Singh, Shalini (December 25, 2016). "Empress of art". The Week. Archived from the original on 29 May 2024. Retrieved 29 May 2024.
- ↑ "Neha Kirpal". asia.wowawards.com (in ᱟᱢᱮᱨᱤᱠᱟᱱ ᱟᱝᱜᱽᱨᱮᱡᱤ). Archived from the original on 2020-07-03. Retrieved 2020-07-03.
- ↑ Ashrafi, Md Salman (January 9, 2024). "Mental health startup Amaha raises $4.4 Mn in Series A". Entrackr. Archived from the original on 29 May 2024. Retrieved 29 May 2024.
- ↑ "Mind over art". Mumbai Mirror. April 6, 2020.
- ↑ "'There is mental illness in every home today,' says co-founder of a mental health startup". CNBC TV18. February 10, 2024. Archived from the original on 29 May 2024. Retrieved 29 May 2024.