ᱱᱮᱱ ᱟᱵᱤᱫᱤ
ᱥᱟᱭᱮᱫᱟ ᱱᱮᱱ ᱯᱷᱟᱛᱤᱢᱟ ᱟᱵᱤᱫᱤ (ᱡᱟᱱᱟᱢ ᱒᱓ ᱢᱮ ᱑᱙᱘᱕; ᱩᱨᱫᱩ: سیدہ نین فاطمہ عابدی) ᱫᱚ ᱢᱤᱫ ᱯᱟᱠᱤᱥᱛᱟᱱᱤ-ᱟᱢᱮᱨᱤᱠᱟᱱ ᱠᱨᱤᱠᱮᱴᱟᱨ ᱠᱟᱱᱟᱭ ᱟᱨ ᱡᱚᱡᱚᱢ ᱛᱤ ᱛᱮ ᱵᱮᱴᱟᱨ ᱞᱮᱠᱟᱛᱮ ᱠᱷᱮᱞ ᱠᱮᱫᱟᱭ᱾ ᱩᱱᱤ ᱫᱚ ᱯᱟᱠᱤᱥᱛᱟᱱ ᱛᱤᱨᱞᱟᱹ ᱠᱨᱤᱠᱮᱴ ᱴᱤᱢ ᱨᱮᱱ ᱵᱷᱟᱭᱤᱥ-ᱠᱟᱯᱴᱮᱱ ᱞᱮᱠᱟᱛᱮ ᱠᱟᱹᱢᱤ ᱠᱮᱫᱟ᱾ ᱩᱱᱤ ᱫᱚ ᱒᱐᱐᱖ ᱟᱨ ᱒᱐᱑᱘ ᱛᱟᱞᱟ ᱨᱮ ᱯᱟᱠᱤᱥᱛᱟᱱ ᱞᱟᱹᱜᱤᱫ ᱘᱗ ᱣᱟᱱ ᱰᱮ ᱤᱱᱴᱟᱨᱱᱮᱥᱱᱟᱞ ᱟᱨ ᱖᱘ ᱴᱣᱮᱱᱴᱤ᱒᱐ ᱤᱱᱴᱟᱨᱱᱮᱥᱱᱟᱞ ᱨᱮ ᱥᱮᱞᱮᱫ ᱮ ᱛᱟᱦᱮᱸ ᱠᱟᱱᱟ, ᱟᱨ ᱒᱐᱑᱒ ᱨᱮ WODIs ᱨᱮ ᱢᱤᱫ ᱥᱮᱱᱪᱩᱨᱤ ᱥᱠᱳᱨ ᱠᱟᱛᱮᱫ ᱯᱩᱭᱞᱩ ᱯᱟᱠᱤᱥᱛᱟᱱᱤ ᱠᱷᱮᱞᱚᱸᱰᱤᱭᱟᱹ ᱵᱮᱱᱟᱣ ᱮᱱᱟ, ᱟᱭᱟᱨᱞᱮᱱᱰ ᱵᱤᱨᱩᱫᱷ ᱨᱮ ᱑᱐᱑* ᱥᱠᱳᱨ ᱠᱟᱛᱮᱫ᱾ ᱩᱱᱤ ᱫᱚ ᱠᱟᱨᱟᱪᱤ ᱟᱨ ᱡᱟᱨᱟᱭ ᱛᱟᱨᱟᱠᱤᱭᱟᱛᱤ ᱵᱮᱸᱠ ᱞᱤᱢᱤᱴᱮᱰ ᱞᱟᱹᱜᱤᱫ ᱫᱤᱥᱚᱢ ᱠᱨᱤᱠᱮᱴ ᱠᱷᱮᱞ ᱠᱮᱫᱟ᱾
ᱯᱟᱥᱱᱟᱣ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱱᱮᱱ ᱟᱵᱤᱫᱤ ᱫᱚ ᱢᱤᱫ ᱥᱟᱭᱮᱫ ᱠᱟᱱᱟᱭ, ᱡᱟᱱᱟᱢ ᱒᱓ ᱢᱮ ᱑᱙᱘᱕ ᱠᱟᱨᱟᱪᱤ ᱨᱮ᱾ ᱟᱡᱟᱜ ᱜᱤᱫᱽᱨᱟᱹ ᱚᱠᱛᱚ ᱨᱮ, ᱩᱱᱤ ᱫᱚ ᱠᱟᱨᱟᱪᱤ ᱨᱮ ᱡᱟᱦᱮᱨ ᱟᱵᱵᱟᱥ ᱠᱨᱤᱠᱮᱴ ᱮᱠᱟᱰᱮᱢᱤ ᱨᱮ ᱴᱨᱮᱱᱤᱝ ᱮ ᱦᱟᱛᱟᱣ ᱞᱮᱫᱟ᱾ ᱩᱱᱤ ᱫᱚ ᱥᱟᱜᱷᱤᱨ ᱟᱵᱵᱟᱥ ᱦᱚᱛᱮᱛᱮ ᱠᱳᱪ ᱦᱩᱭ ᱞᱮᱱᱟ, ᱡᱟᱦᱮᱨ ᱟᱵᱵᱟᱥ ᱨᱮᱱ ᱦᱩᱰᱤᱧ ᱵᱚᱭᱦᱟ᱾[᱑]
ᱯᱟᱠᱤᱥᱛᱟᱱ ᱠᱟᱹᱢᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱒᱐᱐᱖
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱱᱮᱱ ᱫᱚ ᱑᱙ ᱰᱤᱥᱮᱢᱵᱚᱨ ᱒᱐᱐᱖ ᱨᱮ ᱡᱚᱭᱯᱩᱨ ᱨᱮ ᱥᱤᱧᱚᱛ ᱵᱤᱨᱩᱫᱷ ᱨᱮ ᱟᱡᱟᱜ ᱡᱮᱡᱟᱹᱛᱤᱭᱟᱹᱨᱤ ᱢᱤᱫ ᱫᱤᱱ ᱮᱛᱚᱦᱚᱵ ᱠᱮᱫᱟ᱾
᱒᱐᱐᱙
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱩᱱᱤ ᱫᱚ ᱚᱱᱟ ᱥᱮᱨᱢᱟ ᱛᱟᱭᱚᱢ ᱚᱥᱴᱨᱮᱞᱤᱭᱟ ᱨᱮ ᱛᱤᱨᱞᱟᱹ ᱠᱨᱤᱠᱮᱴ ᱡᱮᱜᱮᱛ ᱠᱟᱯ ᱨᱮ ᱴᱤᱢ ᱨᱮᱱ ᱦᱟᱹᱴᱤᱧ ᱮ ᱛᱟᱦᱮᱸ ᱠᱟᱱᱟ᱾
᱒᱐᱑᱐
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱱᱮᱱ ᱫᱚ ᱪᱤᱱ ᱨᱮ ᱒᱐᱑᱐ ᱮᱥᱤᱭᱟᱱ ᱜᱮᱢᱥ ᱨᱮ ᱥᱚᱱᱟ ᱢᱮᱰᱟᱞ ᱡᱤᱛᱠᱟᱹᱨᱚᱜ ᱴᱤᱢ ᱨᱮᱱ ᱥᱚᱦᱮᱫ ᱮ ᱛᱟᱦᱮᱸ ᱠᱟᱱᱟ᱾
ᱭᱩᱱᱟᱭᱴᱮᱰ ᱥᱴᱮᱴᱥ ᱠᱟᱹᱢᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱡᱟᱱᱩᱣᱟᱨᱤ ᱒᱐᱑᱗ ᱨᱮ, ᱩᱱᱤ ᱫᱚ ᱟᱥᱟᱫ ᱥᱟᱶ ᱮ ᱵᱟᱯᱞᱟ ᱮᱱᱟ ᱟᱨ ᱭᱩᱱᱟᱭᱴᱮᱰ ᱥᱴᱮᱴᱥ ᱚᱯᱷ ᱟᱢᱮᱨᱤᱠᱟ ᱛᱮ ᱥᱮᱱ ᱮᱱᱟ᱾ ᱒᱐᱑᱗ ᱛᱤᱨᱞᱟᱹ ᱡᱮᱜᱮᱛ ᱠᱟᱯ ᱨᱮ ᱠᱷᱮᱞ ᱠᱟᱛᱮᱫ, ᱩᱱᱤ ᱠᱨᱤᱠᱮᱴ ᱠᱷᱚᱱ ᱵᱨᱮᱠ ᱮ ᱦᱟᱛᱟᱣ ᱠᱮᱫᱟ᱾ ᱩᱱᱤ ᱫᱚ ᱒᱐᱑᱘ ᱨᱮ ᱰᱮᱵᱷᱮᱞᱚᱯᱢᱮᱱᱴ ᱴ᱒᱐ ᱛᱤᱨᱞᱟᱹ ᱠᱨᱤᱠᱮᱴ ᱪᱟᱢᱯᱤᱭᱚᱱᱥᱤᱯ ᱠᱷᱮᱞ ᱞᱟᱹᱜᱤᱫ ᱯᱟᱠᱤᱥᱛᱟᱱ ᱮ ᱨᱩᱣᱟᱹᱲ ᱮᱱᱟ᱾ ᱒᱐᱑᱘ ᱛᱤᱨᱞᱟᱹ ᱮᱥᱤᱭᱟ ᱠᱟᱯ ᱨᱮ ᱯᱟᱠᱤᱥᱛᱟᱱ ᱞᱟᱹᱜᱤᱫ ᱠᱷᱮᱞ ᱠᱟᱛᱮᱫ, ᱟᱵᱤᱫᱤ ᱫᱚ ᱭᱩᱱᱟᱭᱴᱮᱰ ᱥᱴᱮᱴᱥ ᱨᱮ ᱠᱟᱹᱢᱤ ᱠᱟᱱ ᱟᱡ ᱨᱮᱱ ᱡᱟᱶᱟᱭ ᱧᱟᱯᱟᱢ ᱞᱟᱹᱜᱤᱫ ᱛᱩᱨᱩᱭ ᱪᱟᱸᱫᱚ ᱵᱨᱮᱠ ᱮ ᱦᱟᱛᱟᱣ ᱠᱮᱫᱟ᱾ ᱒᱐᱑᱙ ᱨᱮ, ᱩᱱᱤ ᱟᱨ ᱟᱡ ᱨᱮᱱ ᱡᱟᱶᱟᱭ ᱫᱚ ᱟᱠᱚ ᱨᱮᱱ ᱠᱚᱲᱟ ᱜᱤᱫᱽᱨᱟᱹ ᱟᱵᱤᱫᱤ ᱠᱚ ᱡᱟᱱᱟᱢ ᱠᱮᱫᱮᱭᱟ᱾ ᱛᱟᱭᱚᱢ ᱛᱮ ᱩᱱᱠᱩ ᱫᱚ ᱭᱩᱱᱟᱭᱴᱮᱰ ᱥᱴᱮᱴᱥ ᱨᱮ ᱠᱚ ᱵᱟᱥᱟ ᱮᱱᱟ ᱟᱨ ᱟᱵᱤᱫᱤ ᱫᱚ ᱯᱟᱠᱤᱥᱛᱟᱱᱤ ᱠᱨᱤᱠᱮᱴ ᱠᱷᱚᱱ ᱨᱤᱴᱟᱭᱟᱨ ᱮᱱᱟ᱾ ᱵᱟᱨ ᱥᱮᱨᱢᱟ ᱵᱷᱮᱜᱟᱨ ᱛᱟᱭᱚᱢ, ᱩᱱᱤ ᱫᱚ ᱭᱩᱱᱟᱭᱴᱮᱰ ᱥᱴᱮᱴᱥ ᱨᱮ ᱴᱚᱴᱷᱟᱠᱤᱭᱟᱹ ᱴᱩᱨᱱᱟᱢᱮᱱᱴ ᱠᱚ ᱠᱷᱮᱞ ᱮᱛᱚᱦᱚᱵ ᱠᱮᱫᱟ᱾ ᱮᱯᱨᱤᱞ ᱒᱐᱒᱑ ᱨᱮ, ᱩᱱᱤ ᱢᱮᱱ ᱠᱮᱫᱟ ᱡᱮ ᱯᱟᱠᱤᱥᱛᱟᱱ ᱠᱨᱤᱠᱮᱴ ᱵᱚᱨᱰ ᱩᱱᱤ ᱭᱩᱱᱟᱭᱴᱮᱰ ᱥᱴᱮᱴᱥ ᱛᱤᱨᱞᱟᱹ ᱴᱤᱢ ᱨᱮᱱᱟᱜ ᱨᱚᱯᱚᱲ ᱞᱟᱹᱜᱤᱫ ᱯᱟᱨᱢᱤᱥᱟᱱ ᱮ ᱮᱢ ᱠᱟᱫᱮᱭᱟ᱾ ᱩᱱᱤ ᱫᱚ ᱭᱩᱮᱥᱮ ᱱᱮᱥᱱᱟᱞ ᱣᱩᱢᱮᱱᱥ ᱪᱟᱢᱯᱤᱭᱟᱱᱥᱤᱯ ᱞᱟᱹᱜᱤᱫ ᱱᱟᱵᱤᱞ ᱟᱦᱢᱮᱫ ᱦᱚᱛᱮᱛᱮ ᱥᱯᱚᱱᱥᱚᱨ ᱦᱩᱭ ᱞᱮᱱᱟ, ᱢᱤᱫ ᱵᱤᱡᱽᱱᱮᱥ ᱴᱟᱭᱠᱩᱱ ᱟᱨ ᱭᱩᱮᱥᱮ ᱠᱨᱤᱠᱮᱴ ᱨᱮᱱ ᱢᱟᱨᱮ ᱵᱷᱟᱭᱤᱥ-ᱯᱨᱮᱥᱤᱰᱮᱱᱴ ᱠᱟᱱᱟᱭ᱾
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ Puthran, A. "Juggling cricket with a toddler in tow". Cricbuzz (in ᱟᱝᱜᱽᱨᱮᱡᱤ). Retrieved 2022-11-15.