ᱱᱳᱠᱠᱩᱵᱤᱫᱽᱭᱟ ᱯᱟᱵᱟᱠᱚᱞᱤ

ᱱᱳᱠᱠᱩᱵᱤᱫᱽᱭᱟ ᱯᱟᱵᱟᱠᱚᱞᱤ
ᱱᱳᱠᱠᱩᱵᱤᱫᱽᱭᱟ ᱯᱟᱵᱟᱠᱚᱞᱤ
	ᱨᱚᱧᱡᱤᱱᱤ, ᱢᱩᱡᱷᱤᱠᱠᱚᱞ ᱯᱚᱝᱠᱚᱡᱟᱠᱥᱤ ᱭᱤᱡ ᱜᱚᱲᱚᱢ ᱠᱩᱲᱤ, ᱠᱟᱥᱚᱨᱜᱳᱰ ᱦᱚᱱᱚᱛ ᱨᱮᱱᱟᱜ ᱠᱟᱱᱦᱟᱱᱜᱟᱰ ᱨᱮ UTSAVAM2017 ᱥᱴᱮᱡᱽ ᱨᱮ ᱱᱳᱠᱠᱩᱵᱤᱫᱽᱭᱟ ᱯᱟᱵᱟᱠᱚᱞᱤ ᱩᱫᱩᱜ ᱥᱚᱫᱚᱨᱮᱫᱟᱭ ᱾

ᱱᱳᱠᱠᱩᱵᱤᱫᱽᱭᱟ ᱯᱟᱵᱟᱠᱚᱞᱤ ᱥᱮ ᱠᱷᱟᱹᱞᱤ ᱱᱳᱠᱠᱩᱵᱤᱫᱽᱭᱟ ᱫᱚ ᱥᱤᱧᱚᱛ ᱨᱮᱱᱟᱜ ᱠᱮᱨᱟᱞᱟ ᱨᱮᱱᱟᱜ ᱢᱤᱫ ᱞᱮᱠᱟᱱ ᱯᱩᱛᱩᱞ ᱮᱱᱮᱡ ᱠᱟᱱᱟ ᱾ ᱱᱚᱶᱟ ᱫᱚ ᱢᱩ ᱟᱨ ᱪᱮᱛᱟᱱ ᱞᱩᱴᱤ ᱛᱟᱞᱟ ᱨᱮ ᱥᱟᱵ ᱟᱠᱟᱱ ᱵᱟᱨ ᱯᱷᱩᱴ ᱡᱤᱞᱤᱧ ᱱᱟᱱᱦᱟ ᱴᱷᱮᱸᱜᱟ ᱨᱮ ᱞᱟᱜᱟᱣ ᱟᱠᱟᱱ ᱦᱩᱰᱤᱧ ᱯᱩᱛᱩᱞ ᱠᱚ ᱞᱟᱲᱟᱣ ᱠᱟᱛᱮ ᱠᱟᱹᱦᱱᱤ ᱞᱟᱹᱭ ᱨᱮᱱᱟᱜ ᱢᱤᱫ ᱦᱚᱨᱟ ᱠᱟᱱᱟ ᱾ ᱱᱚᱶᱟ ᱨᱮᱫᱚ ᱟᱥᱚᱠᱟᱭ ᱛᱮ ᱨᱟᱢᱟᱭᱚᱬ ᱟᱨ ᱢᱟᱦᱟᱵᱷᱟᱨᱚᱛ ᱨᱮᱱᱟᱜ ᱠᱟᱹᱦᱱᱤ ᱠᱚ ᱩᱫᱩᱜ ᱥᱚᱫᱚᱨᱚᱜᱼᱟ ᱾

ᱧᱮᱞ ᱵᱟᱲᱟ

ᱱᱳᱠᱠᱩᱵᱤᱫᱽᱭᱟ ᱯᱟᱵᱟᱠᱚᱞᱤ ᱫᱚ ᱥᱤᱧᱚᱛ ᱨᱮᱱᱟᱜ ᱠᱮᱨᱟᱞᱟ ᱨᱮ ᱧᱮᱞᱚᱜ ᱠᱟᱱ ᱢᱤᱫ ᱞᱮᱠᱟᱱ ᱯᱩᱛᱩᱞ ᱮᱱᱮᱡ ᱠᱟᱱᱟ ᱾ ᱱᱚᱶᱟ ᱫᱚ ᱢᱩ ᱟᱨ ᱪᱮᱛᱟᱱ ᱞᱩᱴᱤ ᱛᱟᱞᱟ ᱨᱮ ᱥᱟᱵ ᱟᱠᱟᱱ ᱢᱤᱫ ᱱᱟᱱᱦᱟ ᱴᱷᱮᱸᱜᱟ ᱨᱮ ᱞᱟᱜᱟᱣ ᱟᱠᱟᱱ ᱦᱩᱰᱤᱧ ᱯᱩᱛᱩᱞ ᱠᱚ ᱞᱟᱲᱟᱣ ᱠᱟᱛᱮ ᱠᱟᱹᱦᱱᱤ ᱞᱟᱹᱭ ᱨᱮᱱᱟᱜ ᱢᱤᱫ ᱦᱚᱨᱟ ᱠᱟᱱᱟ ᱾^[᱑]

ᱱᱳᱠᱠᱩᱵᱤᱫᱽᱭᱟ ᱫᱚ ᱠᱮᱨᱟᱞᱟ ᱨᱤᱱ ᱵᱷᱮᱞᱟᱯᱟᱱᱤᱠᱠᱚᱨ ᱜᱟᱶᱛᱟ ᱦᱚᱛᱮᱛᱮ ᱩᱫᱩᱜ ᱥᱚᱫᱚᱨᱚᱜ ᱠᱟᱱ ᱢᱤᱫ ᱦᱚᱲ ᱠᱟᱹᱨᱤ ᱠᱟᱱᱟ ᱾^[᱒] ᱱᱚᱶᱟ ᱫᱚ ᱢᱩᱬᱩᱛ ᱞᱮᱠᱟᱛᱮ ᱳᱱᱟᱢᱛᱷᱩᱞᱞᱟᱞ ᱠᱚ ᱢᱮᱛᱟᱜ ᱠᱟᱱ ᱛᱟᱦᱮᱸᱫ ᱪᱮᱫᱟᱜ ᱥᱮ ᱱᱚᱶᱟ ᱫᱚ ᱳᱱᱟᱢ ᱫᱤᱱ ᱨᱮᱠᱚ ᱩᱫᱩᱜ ᱥᱚᱫᱚᱨᱮᱫ ᱛᱟᱦᱮᱸᱫ ᱾^[᱒] ᱢᱤᱫ ᱱᱳᱠᱠᱩᱵᱤᱫᱽᱭᱟ ᱯᱩᱛᱩᱞ ᱮᱱᱮᱡ ᱨᱮ ᱟᱥᱚᱠᱟᱭ ᱛᱮ ᱨᱟᱢᱟᱭᱚᱬ ᱨᱮᱱᱟᱜ ᱠᱟᱹᱦᱱᱤ ᱠᱚ ᱩᱫᱩᱜ ᱥᱚᱫᱚᱨᱚᱜᱼᱟ, ᱡᱮᱞᱮᱠᱟ ᱨᱟᱢ ᱟᱨ ᱨᱟᱵᱚᱬ ᱟᱜ ᱞᱟᱹᱲᱦᱟᱹᱭ ᱟᱨ ᱥᱤᱛᱟ ᱦᱟᱜ ᱨᱩᱣᱟᱹᱲ ᱾^[᱑] ᱢᱟᱦᱟᱵᱷᱟᱨᱚᱛ ᱨᱮᱱᱟᱜ ᱠᱟᱹᱦᱱᱤ ᱠᱚ ᱦᱚᱸ ᱩᱫᱩᱜ ᱥᱚᱫᱚᱨᱚᱜ ᱜᱮᱭᱟ ᱾^[᱒]

ᱢᱟᱨᱮ ᱠᱟᱛᱷᱟ

ᱢᱟᱨᱮ ᱠᱟᱛᱷᱟ ᱠᱚ ᱞᱮᱠᱟᱛᱮ, ᱥᱮᱫᱟᱭ ᱨᱮ, ᱥᱤᱵᱽ ᱟᱨ ᱯᱟᱨᱵᱚᱛᱤ ᱫᱚ ᱠᱩᱨᱚᱵᱚᱱ ᱟᱨ ᱠᱩᱨᱚᱛᱷᱤ (ᱵᱷᱮᱞᱟᱱ ᱟᱨ ᱵᱷᱮᱞᱟᱛᱷᱤ) ᱟᱜ ᱨᱩᱯ ᱠᱤᱱ ᱦᱟᱛᱟᱣ ᱞᱮᱫᱟ ᱾^[᱑] ᱚᱱᱟ ᱚᱠᱛᱚ ᱨᱮ ᱵᱚᱸᱜᱟ ᱥᱤᱵᱽ ᱫᱚ ᱵᱚᱸᱜᱟ ᱯᱟᱨᱵᱚᱛᱤ ᱨᱟᱹᱥᱠᱟᱹ ᱚᱪᱚᱭᱮ ᱞᱟᱹᱜᱤᱫ ᱢᱤᱫ ᱠᱟᱹᱨᱤᱭ ᱩᱫᱩᱜ ᱥᱚᱫᱚᱨ ᱞᱮᱫᱟ ᱾^[᱑]^[᱓] ᱵᱚᱸᱜᱟ ᱥᱤᱵᱽ ᱜᱮ ᱯᱩᱭᱞᱩ ᱫᱷᱟᱣ ᱵᱤᱨ ᱨᱮᱱᱟᱜ ᱮᱡᱷᱤᱞᱟᱢᱯᱟᱞᱟ ᱫᱟᱨᱮ ᱠᱷᱚᱱ ᱜᱮᱫ ᱟᱠᱟᱱ ᱠᱟᱴ ᱛᱮ ᱠᱤᱪᱷᱩ ᱯᱩᱛᱩᱞ ᱵᱮᱱᱟᱣ ᱠᱟᱛᱮ ᱟᱨ ᱚᱱᱟ ᱞᱟᱛᱟᱨ ᱨᱮ ᱢᱤᱫ ᱠᱟᱢᱩᱠ ᱴᱷᱮᱸᱜᱟ ᱞᱟᱜᱟᱣ ᱠᱟᱛᱮ ᱱᱳᱠᱠᱩᱵᱤᱫᱽᱭᱟᱭ ᱩᱫᱩᱜ ᱥᱚᱫᱚᱨ ᱞᱮᱫᱟ ᱾^[᱑]^[᱓] ᱱᱚᱶᱟ ᱯᱟᱹᱛᱭᱟᱹᱣ ᱢᱮᱱᱟᱜᱼᱟ ᱡᱮ ᱱᱚᱶᱟ ᱠᱟᱹᱨᱤ ᱫᱚ ᱛᱟᱭᱚᱢ ᱛᱮ ᱵᱷᱮᱞᱟᱨ ᱜᱟᱶᱛᱟ ᱨᱤᱱ ᱛᱟᱭᱚᱢ ᱯᱤᱲᱦᱤ ᱠᱚ ᱴᱷᱮᱱ ᱯᱟᱥᱱᱟᱣ ᱮᱱᱟ ᱾^[᱑]

ᱱᱟᱜᱟᱢ

ᱱᱳᱠᱠᱩᱵᱤᱫᱽᱭᱟ ᱫᱚ ᱢᱤᱫ ᱠᱟᱹᱨᱤ ᱠᱟᱱᱟ ᱡᱟᱦᱟᱸ ᱫᱚ ᱛᱨᱟᱵᱷᱟᱱᱠᱳᱨ ᱨᱤᱱ ᱨᱟᱡᱟ ᱠᱚ ᱞᱩᱜᱽᱲᱤ ᱟᱨ ᱥᱟᱠᱚᱢ ᱮᱢ ᱠᱟᱛᱮ ᱠᱚ ᱩᱫᱽᱜᱟᱹᱣ ᱞᱮᱫ ᱛᱟᱦᱮᱸᱫ ᱾^[᱔] ᱱᱚᱶᱟ ᱠᱟᱹᱨᱤ ᱫᱚ ᱳᱱᱟᱢ ᱫᱤᱱ ᱨᱮ ᱮᱛᱚᱢ ᱠᱮᱨᱟᱞᱟ ᱨᱮ ᱟᱹᱰᱤ ᱧᱩᱛᱩᱢᱟᱱ ᱛᱟᱦᱮᱸ ᱠᱟᱱᱟ ᱾^[᱔] ᱢᱮᱱᱠᱷᱟᱱ ᱱᱚᱶᱟ ᱯᱩᱛᱩᱞ ᱮᱱᱮᱡ ᱫᱚ, ᱚᱠᱛᱚ ᱥᱟᱶᱛᱮ ᱩᱫᱩᱜ ᱥᱚᱫᱚᱨ ᱠᱷᱚᱱ ᱟᱫ ᱮᱱᱟ ᱾^[᱔] ᱛᱟᱭᱚᱢ ᱛᱮ, ᱢᱩᱡᱷᱤᱠᱠᱚᱞ ᱯᱚᱝᱠᱚᱡᱟᱠᱥᱤ ᱱᱚᱶᱟ ᱠᱟᱹᱨᱤ ᱫᱚ ᱦᱚᱲ ᱠᱚᱣᱟᱜ ᱢᱮᱫ ᱥᱟᱢᱟᱝ ᱛᱮᱭ ᱟᱹᱜᱩ ᱨᱩᱣᱟᱹᱲ ᱞᱮᱫᱟ ᱾^[᱕] ᱢᱩᱡᱷᱤᱠᱠᱚᱞ ᱯᱚᱝᱠᱚᱡᱟᱠᱥᱤ ᱭᱤᱡ ᱜᱚᱲᱚᱢ ᱠᱩᱲᱤ ᱨᱚᱧᱡᱤᱱᱤ ᱦᱚᱸ ᱱᱳᱠᱠᱩᱵᱤᱫᱽᱭᱟ ᱯᱟᱵᱟᱠᱚᱞᱤ ᱨᱤᱱᱤᱡ ᱢᱤᱫ ᱧᱩᱛᱩᱢᱟᱱ ᱩᱫᱩᱜ ᱥᱚᱫᱚᱨᱤᱭᱟᱹ ᱠᱟᱱᱟᱭ ᱾^[᱔]

ᱵᱮᱱᱟᱣ

ᱱᱳᱠᱠᱩᱵᱤᱫᱽᱭᱟ ᱞᱟᱹᱜᱤᱫ ᱯᱩᱛᱩᱞ ᱠᱚᱫᱚ ᱮᱡᱷᱤᱞᱟᱢᱯᱟᱞᱟ (ᱟᱞᱥᱴᱳᱱᱤᱭᱟ ᱥᱠᱳᱞᱟᱨᱤᱥ) ᱨᱮᱱᱟᱜ ᱠᱟᱴ ᱜᱮᱫ ᱠᱟᱛᱮ ᱵᱮᱱᱟᱣᱜᱼᱟ ᱾^[᱑] ᱵᱟᱨ ᱯᱷᱩᱴ ᱡᱤᱞᱤᱧ ᱴᱷᱮᱸᱜᱟ ᱡᱟᱦᱟᱸ ᱨᱮ ᱯᱩᱛᱩᱞ ᱠᱚ ᱞᱟᱜᱟᱣ ᱠᱚᱜᱼᱟ, ᱚᱱᱟ ᱫᱚ ᱠᱟᱢᱩᱠ (ᱟᱨᱮᱠᱟ ᱠᱮᱴᱮᱪᱩ) ᱨᱮᱱᱟᱜ ᱠᱟᱴ ᱛᱮ ᱵᱮᱱᱟᱣᱜᱼᱟ ᱾^[᱑] ᱨᱚᱝ ᱞᱮᱠᱟᱛᱮ ᱠᱩᱭᱞᱟᱹ, ᱥᱟᱠᱟᱢ ᱨᱮᱱᱟᱜ ᱨᱟᱥᱟ ᱟᱨ ᱡᱚ ᱨᱮᱱᱟᱜ ᱨᱟᱥᱟ ᱞᱮᱠᱟᱱ ᱟᱯᱱᱟᱨᱟᱜ ᱨᱚᱝ ᱡᱤᱱᱤᱥ ᱠᱚ ᱵᱮᱵᱷᱟᱨᱚᱜᱼᱟ ᱾^[᱑]

ᱩᱫᱩᱜ ᱥᱚᱫᱚᱨ

ᱱᱚᱶᱟ ᱠᱟᱹᱨᱤ ᱫᱚ ᱚᱛ ᱨᱮ ᱟᱴᱮᱫ ᱟᱠᱟᱱ ᱜᱟᱥ ᱯᱟᱹᱴᱤ ᱨᱮ ᱫᱩᱲᱩᱵ ᱠᱟᱛᱮ ᱠᱚ ᱩᱫᱩᱜ ᱥᱚᱫᱚᱨᱟ ᱾ ᱱᱳᱠᱠᱩᱵᱤᱫᱽᱭᱟ ᱯᱟᱵᱟᱠᱚᱞᱤ ᱫᱚ ᱢᱤᱫ ᱱᱤᱞᱟᱵᱷᱤᱞᱟᱠᱠᱩ ᱡᱩᱞ ᱠᱟᱛᱮ ᱟᱨ ᱜᱚᱬᱮᱥ, ᱥᱚᱨᱚᱥᱣᱚᱛᱤ ᱟᱨ ᱞᱚᱠᱷᱢᱤ ᱭᱟᱜ ᱛᱷᱩᱢ ᱞᱟᱹᱜᱤᱫ ᱱᱮᱦᱚᱸᱨ ᱠᱟᱛᱮ ᱮᱛᱚᱦᱚᱵᱚᱜᱼᱟ ᱾^[᱑] ᱤᱱᱟᱹ ᱛᱟᱭᱚᱢ ᱢᱩ ᱟᱨ ᱪᱮᱛᱟᱱ ᱞᱩᱴᱤ ᱛᱟᱞᱟ ᱨᱮ ᱥᱟᱵ ᱟᱠᱟᱱ ᱵᱟᱨ ᱯᱷᱩᱴ ᱡᱤᱞᱤᱧ ᱠᱟᱴ ᱨᱮᱱᱟᱜ ᱴᱷᱮᱸᱜᱟ ᱨᱮ ᱞᱟᱜᱟᱣ ᱟᱠᱟᱱ ᱯᱮᱭᱟ ᱵᱟᱹᱛᱤ (ᱥᱤᱵᱽ ᱟᱜ ᱯᱮᱭᱟ ᱢᱮᱫ ᱨᱮᱱᱟᱜ ᱪᱤᱱᱦᱟᱹ) ᱠᱚ ᱡᱩᱞᱟ ᱾^[᱑]

ᱮᱛᱚᱦᱚᱵ ᱱᱮᱦᱚᱸᱨ ᱛᱟᱭᱚᱢ ᱯᱩᱛᱩᱞ ᱮᱱᱮᱡ ᱮᱛᱚᱦᱚᱵᱚᱜᱼᱟ ᱾ ᱵᱟᱨ ᱯᱷᱩᱴ ᱡᱤᱞᱤᱧ ᱴᱷᱮᱸᱜᱟ ᱨᱮ ᱞᱟᱜᱟᱣ ᱟᱠᱟᱱ ᱯᱩᱛᱩᱞ ᱠᱚᱫᱚ ᱤᱱᱟᱹ ᱛᱟᱭᱚᱢ ᱵᱚᱦᱚᱜ ᱪᱮᱛᱟᱱ ᱨᱮ ᱥᱚᱢᱟᱱ ᱠᱚ ᱫᱚᱦᱚᱭᱟ, ᱡᱟᱦᱟᱸ ᱫᱚ ᱢᱩ ᱟᱨ ᱪᱮᱛᱟᱱ ᱞᱩᱴᱤ ᱛᱟᱞᱟ ᱨᱮ ᱥᱟᱵ ᱠᱚᱜᱼᱟ ᱾^[᱑] ᱯᱩᱛᱩᱞ ᱠᱚ ᱡᱚᱲᱟᱣ ᱟᱠᱟᱫ ᱥᱩᱛᱟᱹᱢ ᱫᱚ ᱥᱮᱨᱮᱧ ᱟᱨ ᱠᱟᱹᱦᱱᱤ ᱨᱮᱱᱟᱜ ᱛᱟᱞ ᱞᱮᱠᱟᱛᱮ ᱛᱤ ᱛᱮ ᱟᱹᱰᱤ ᱵᱟᱹᱭ ᱵᱟᱹᱭ ᱛᱮ ᱞᱟᱲᱟᱣ ᱦᱩᱭᱩᱜᱼᱟ ᱾^[᱑]

ᱵᱮᱠᱜᱨᱟᱣᱩᱱᱰ ᱨᱮ ᱵᱮᱵᱷᱟᱨᱚᱜ ᱠᱟᱱ ᱥᱟᱯᱟᱵ ᱠᱚᱫᱚ ᱜᱚᱧᱪᱤᱨᱟ ᱟᱨ ᱠᱟᱭᱢᱟᱬᱤ ᱠᱟᱱᱟ ᱾^[᱔]

ᱱᱳᱠᱠᱩᱵᱤᱫᱽᱭᱟ ᱪᱮᱛᱟᱱ ᱨᱮ ᱠᱟᱹᱢᱤ ᱠᱚ

ᱨᱮᱥᱢᱤ ᱨᱟᱫᱷᱟᱠᱨᱤᱥᱱᱚᱱ ᱟᱜ ᱰᱚᱠᱭᱩᱢᱮᱱᱴᱟᱨᱤ ᱯᱷᱤᱞᱢ ᱱᱳᱠᱠᱩᱵᱤᱫᱽᱭᱟ, ᱫᱟ ᱞᱟᱭᱤᱯᱷ ᱚᱯᱷ ᱮ ᱞᱳᱱ ᱥᱴᱨᱤᱝ ᱯᱚᱯᱮᱴᱤᱭᱚᱨ (Nokkuvidya, The life of a lone string puppeteer), ᱡᱟᱦᱟᱸ ᱫᱚ ᱠᱮᱨᱟᱞᱟ ᱨᱮᱱᱟᱜ ᱡᱮᱡᱟᱹᱛᱤᱭᱟᱹᱨᱤ ᱰᱚᱠᱭᱩᱢᱮᱱᱴᱟᱨᱤ ᱟᱨ ᱥᱚᱨᱴ ᱯᱷᱤᱞᱢ ᱯᱷᱮᱥᱴᱤᱵᱷᱟᱞ ᱨᱮ ᱩᱫᱩᱜ ᱥᱚᱫᱚᱨ ᱞᱮᱱᱟ, ᱚᱱᱟ ᱫᱚ ᱱᱳᱠᱠᱩᱵᱤᱫᱽᱭᱟ ᱟᱨ ᱱᱚᱶᱟ ᱨᱤᱱ ᱩᱫᱩᱜ ᱥᱚᱫᱚᱨᱤᱭᱟᱹ ᱯᱚᱝᱠᱚᱡᱟᱠᱥᱤ ᱟᱨ ᱨᱚᱧᱡᱤᱱᱤ ᱤᱫᱤ ᱠᱟᱛᱮ ᱠᱟᱱᱟ ᱾^[᱖]

ᱟᱨᱦᱚᱸ ᱧᱮᱞ ᱢᱮ

ᱪᱟᱫᱚᱨ ᱵᱟᱫᱚᱨ, ᱥᱤᱧᱚᱛ ᱨᱤᱱ ᱥᱟᱱᱛᱟᱲ ᱦᱚᱲ ᱠᱚᱣᱟᱜ ᱯᱩᱛᱩᱞ ᱮᱱᱮᱡ
ᱜᱳᱯᱟᱞᱤᱞᱟ, ᱥᱤᱧᱚᱛ ᱨᱮᱱᱟᱜ ᱳᱰᱤᱥᱟ ᱯᱚᱱᱚᱛ ᱨᱮᱱᱟᱜ ᱯᱩᱛᱩᱞ ᱮᱱᱮᱡ
ᱠᱟᱴᱷᱯᱩᱛᱞᱤ, ᱥᱤᱧᱚᱛ ᱨᱮᱱᱟᱜ ᱨᱟᱡᱚᱥᱛᱷᱟᱱ ᱯᱚᱱᱚᱛ ᱨᱮᱱᱟᱜ ᱯᱩᱛᱩᱞ ᱮᱱᱮᱡ
ᱨᱟᱵᱚᱬ ᱪᱷᱟᱭᱟ, ᱥᱤᱧᱚᱛ ᱨᱮᱱᱟᱜ ᱳᱰᱤᱥᱟ ᱯᱚᱱᱚᱛ ᱨᱮᱱᱟᱜ ᱩᱢᱩᱞ ᱯᱩᱛᱩᱞ ᱮᱱᱮᱡ
ᱥᱚᱠᱷᱤ ᱠᱟᱱᱫᱷᱮᱭ, ᱥᱤᱧᱚᱛ ᱨᱮᱱᱟᱜ ᱳᱰᱤᱥᱟ ᱯᱚᱱᱚᱛ ᱨᱮᱱᱟᱜ ᱥᱩᱛᱟᱹᱢ ᱯᱩᱛᱩᱞ ᱮᱱᱮᱡ
ᱩᱢᱩᱞ ᱮᱱᱮᱡ, ᱩᱢᱩᱞ ᱯᱩᱛᱩᱞ ᱮᱱᱮᱡ ᱡᱟᱦᱟᱸ ᱫᱚ ᱥᱤᱧᱚᱛ ᱨᱮ ᱯᱩᱭᱞᱩ ᱥᱟᱥᱟᱭ ᱥᱮᱨᱢᱟ ᱵᱤ.ᱥᱤ.ᱤ. ᱨᱮ ᱮᱛᱚᱦᱚᱵ ᱞᱮᱱᱟ
ᱛᱷᱳᱞᱯᱟᱵᱟᱠᱩᱛᱷᱩ, ᱥᱤᱧᱚᱛ ᱨᱮᱱᱟᱜ ᱠᱮᱨᱟᱞᱟ ᱟᱨ ᱛᱟᱢᱤᱞᱱᱟᱰᱩ ᱯᱚᱱᱚᱛ ᱨᱮᱱᱟᱜ ᱩᱢᱩᱞ ᱯᱩᱛᱩᱞ ᱮᱱᱮᱡ
ᱛᱷᱳᱞᱩ ᱵᱳᱢᱢᱟᱞᱟᱛᱟ, ᱥᱤᱧᱚᱛ ᱨᱮᱱᱟᱜ ᱟᱸᱫᱷᱨᱚ ᱯᱨᱚᱫᱮᱥ ᱯᱚᱱᱚᱛ ᱨᱮᱱᱟᱜ ᱩᱢᱩᱞ ᱯᱩᱛᱩᱞ ᱮᱱᱮᱡ
ᱛᱳᱜᱟᱞᱩ ᱜᱳᱢᱵᱮᱭᱟᱛᱟ, ᱥᱤᱧᱚᱛ ᱨᱮᱱᱟᱜ ᱠᱚᱨᱱᱟᱴᱚᱠ ᱯᱚᱱᱚᱛ ᱨᱮᱱᱟᱜ ᱩᱢᱩᱞ ᱯᱩᱛᱩᱞ ᱮᱱᱮᱡ
ᱣᱟᱭᱟᱝ, ᱤᱱᱰᱚᱱᱮᱥᱤᱭᱟ ᱨᱮᱱᱟᱜ ᱯᱩᱛᱩᱞ ᱮᱱᱮᱡ ᱡᱟᱦᱟᱸ ᱫᱚ ᱥᱤᱧᱚᱛᱤᱭᱟᱹ ᱯᱩᱛᱩᱞ ᱮᱱᱮᱡ ᱠᱷᱚᱱ ᱩᱫᱽᱜᱟᱹᱣ ᱟᱠᱟᱱᱟ

ᱥᱟᱹᱠᱷᱭᱟᱹᱛ

1 2 3 4 5 6 7 8 9 10 11 12 13 "'11 വയസ്സ് മുതൽ നോക്കുവിദ്യ പാവകളി പഠിച്ചുതുടങ്ങി; മച്ചിങ്ങ വീണ് മുഖത്ത് ചതവും ഈർക്കിലി കുത്തിക്കയറലും അന്ന് പതിവാണ്'; പത്മശ്രീയേക്കാൾ തിളക്കത്തോടെ പങ്കജാക്ഷിയമ്മ! | Padmasree award winner". vanitha.in (in ᱢᱟᱞᱟᱭᱟᱞᱟᱹᱢ). Vanitha. Archived from the original on 2023-04-10. Retrieved 2023-04-10.
1 2 3 "അന്യം നിന്ന നോക്കുവിദ്യ പാവകളിയുമായി ഒരു മുത്തശ്ശിയും കൊച്ചുമകളും, അവരെ ലോകത്തിന് മുന്നിലെത്തിച്ച് മറ്റൊരു പെൺകുട്ടി". Mathrubhumi (in ᱢᱟᱞᱟᱭᱟᱞᱟᱹᱢ). 2021-04-10. Archived from the original on 2023-04-10. Retrieved 2023-04-10.
1 2 "Meet KS Renjini: The 22-year-old Keralite striving to popularise rare 'nokkuvidya pavakali' art". The New Indian Express. Archived from the original on 2023-04-10. Retrieved 2023-04-10.
1 2 3 4 5 C. H, VVija (2022-04-17). "രഞ്ജിനിയും നോക്കുവിദ്യ പാവകളിയും". www.madhyamam.com (in ᱢᱟᱞᱟᱭᱟᱞᱟᱹᱢ). Madhyamam. Archived from the original on 2023-04-10. Retrieved 2023-04-10.
↑ Anand, Shilpa Nair (2021-04-28). "Nokkuvidya Pavakali's lone practitioner". The Hindu (in Indian English). ISSN 0971-751X. Archived from the original on 2023-04-10. Retrieved 2023-04-10.
↑ "This Malayalam documentary is about a little-known puppetry form performed by women". The News Minute (in ᱟᱝᱜᱽᱨᱮᱡᱤ). 2021-12-17. Archived from the original on 2023-04-10. Retrieved 2023-04-10.

[Vanitha-1] 1 2 3 4 5 6 7 8 9 10 11 12 13 "'11 വയസ്സ് മുതൽ നോക്കുവിദ്യ പാവകളി പഠിച്ചുതുടങ്ങി; മച്ചിങ്ങ വീണ് മുഖത്ത് ചതവും ഈർക്കിലി കുത്തിക്കയറലും അന്ന് പതിവാണ്'; പത്മശ്രീയേക്കാൾ തിളക്കത്തോടെ പങ്കജാക്ഷിയമ്മ! | Padmasree award winner". vanitha.in (in ᱢᱟᱞᱟᱭᱟᱞᱟᱹᱢ). Vanitha. Archived from the original on 2023-04-10. Retrieved 2023-04-10.

[Mathrubhumi-2] 1 2 3 "അന്യം നിന്ന നോക്കുവിദ്യ പാവകളിയുമായി ഒരു മുത്തശ്ശിയും കൊച്ചുമകളും, അവരെ ലോകത്തിന് മുന്നിലെത്തിച്ച് മറ്റൊരു പെൺകുട്ടി". Mathrubhumi (in ᱢᱟᱞᱟᱭᱟᱞᱟᱹᱢ). 2021-04-10. Archived from the original on 2023-04-10. Retrieved 2023-04-10.

[:0-3] 1 2 "Meet KS Renjini: The 22-year-old Keralite striving to popularise rare 'nokkuvidya pavakali' art". The New Indian Express. Archived from the original on 2023-04-10. Retrieved 2023-04-10.

[Madhyamam-4] 1 2 3 4 5 C. H, VVija (2022-04-17). "രഞ്ജിനിയും നോക്കുവിദ്യ പാവകളിയും". www.madhyamam.com (in ᱢᱟᱞᱟᱭᱟᱞᱟᱹᱢ). Madhyamam. Archived from the original on 2023-04-10. Retrieved 2023-04-10.

[5] Anand, Shilpa Nair (2021-04-28). "Nokkuvidya Pavakali's lone practitioner". The Hindu (in Indian English). ISSN 0971-751X. Archived from the original on 2023-04-10. Retrieved 2023-04-10.

[6] "This Malayalam documentary is about a little-known puppetry form performed by women". The News Minute (in ᱟᱝᱜᱽᱨᱮᱡᱤ). 2021-12-17. Archived from the original on 2023-04-10. Retrieved 2023-04-10.

[᱑]

[᱒]

[᱓]

[᱔]

[᱕]

[᱖]