ᱱᱳᱨᱟ ᱯᱳᱞᱤ
ᱱᱳᱨᱟ ᱢᱟᱨᱜᱟᱨᱮᱴ ᱯᱳᱞᱤ (ᱡᱟᱱᱟᱢ ᱛᱟᱦᱮᱸ ᱠᱟᱱᱟ ᱯᱷᱤᱥᱚᱨ; ᱒᱙ ᱡᱩᱞᱟᱭ ᱑᱘᱙᱔ – ᱑᱙᱘᱘) ᱫᱚ ᱯᱩᱭᱞᱩ ᱛᱤᱨᱞᱟᱹᱭ ᱛᱟᱦᱮᱸ ᱠᱟᱱᱟ ᱡᱟᱦᱟᱸᱭ ᱫᱚ ᱑᱙᱒᱔ ᱥᱟᱢᱟᱨ ᱚᱞᱤᱢᱯᱤᱠᱥ ᱨᱮ ᱴᱮᱱᱤᱥ ᱤᱵᱷᱮᱱᱴᱥ ᱨᱮ ᱦᱮᱯᱨᱟᱣ ᱠᱟᱛᱮ ᱥᱟᱢᱟᱨ ᱚᱞᱤᱢᱯᱤᱠᱥ ᱨᱮ ᱵᱷᱟᱨᱚᱛ ᱮ ᱨᱮᱯᱨᱮᱡᱮᱱᱴ ᱞᱮᱫᱟ᱾[᱑][᱒]
ᱱᱳᱨᱟ ᱯᱷᱤᱥᱚᱨ ᱫᱚ ᱵᱩᱫᱟᱣᱩᱱ, ᱵᱨᱤᱴᱤᱥ ᱤᱱᱰᱤᱭᱟ ᱨᱮᱭ ᱡᱟᱱᱟᱢ ᱞᱮᱱᱟ, ᱨᱮᱠᱚᱨᱰ ᱠᱚ ᱫᱚ ᱩᱫᱩᱜ ᱮᱫᱟ ᱡᱮ ᱑᱙᱐᱑ ᱨᱮ ᱩᱱᱤ ᱫᱚ ᱥᱠᱚᱴᱞᱮᱱᱰ ᱨᱮᱭ ᱛᱟᱦᱮᱸ ᱠᱟᱱᱟ ᱑᱙᱑᱑ ᱨᱮ ᱤᱥᱴᱵᱳᱨᱱ ᱨᱮ ᱵᱳᱨᱰᱤᱝ ᱟᱥᱲᱟ ᱪᱟᱞᱟᱣ ᱞᱟᱦᱟ, ᱩᱱᱤ ᱫᱚ ᱛᱟᱭᱚᱢ ᱛᱮ ᱑᱙᱑᱕ ᱨᱮ ᱥᱤᱰᱱᱤ ᱴᱨᱮᱯᱮᱥ ᱯᱳᱞᱤ ᱥᱟᱶ ᱮ ᱵᱟᱯᱞᱟ ᱞᱮᱱᱟ, ᱡᱟᱦᱟᱸᱭ ᱫᱚ ᱑᱙᱐᱒ ᱠᱷᱚᱱ ᱵᱷᱟᱨᱚᱛᱤᱭᱚ ᱟᱨᱢᱤ ᱨᱮᱭ ᱥᱮᱵᱟ ᱮᱢ ᱮᱫ ᱛᱟᱦᱮᱸᱫ ᱟᱨ ᱛᱟᱭᱚᱢ ᱛᱮ ᱢᱮᱡᱚᱨ ᱨᱮᱠᱚ ᱯᱨᱳᱢᱳᱴ ᱠᱮᱫᱮᱭᱟ᱾
ᱯᱳᱞᱤ ᱫᱚ ᱑᱙᱒᱔ ᱥᱟᱢᱟᱨ ᱚᱞᱤᱢᱯᱤᱠᱥ ᱨᱮ ᱛᱤᱨᱞᱟᱹ ᱥᱤᱝᱜᱮᱞᱥ ᱟᱨ ᱢᱤᱠᱥᱰ ᱰᱚᱵᱚᱞᱥ ᱴᱮᱱᱤᱥ ᱤᱵᱷᱮᱱᱴ ᱨᱮ ᱦᱮᱯᱨᱟᱣ ᱞᱮᱫᱟ, ᱡᱟᱦᱟᱸ ᱫᱚ ᱯᱮᱨᱤᱥ, ᱯᱷᱨᱟᱱᱥ ᱨᱮ ᱦᱩᱭ ᱞᱮᱱᱟ, ᱩᱱᱤ ᱫᱚ ᱠᱮᱱᱥ ᱨᱮ ᱢᱤᱫ ᱴᱩᱨᱱᱟᱢᱮᱱᱴ ᱨᱮ ᱥᱮᱢᱤ-ᱯᱷᱟᱭᱱᱟᱞ ᱨᱮ ᱥᱮᱴᱮᱨ ᱠᱟᱛᱮ ᱤᱵᱷᱮᱱᱴ ᱞᱟᱹᱜᱤᱫ ᱮ ᱥᱟᱯᱲᱟᱣ ᱞᱮᱱᱟ᱾ ᱚᱞᱤᱢᱯᱤᱠ ᱛᱤᱨᱞᱟᱹ ᱥᱤᱝᱜᱮᱞᱥ ᱨᱮ ᱩᱱᱤ ᱫᱚ ᱯᱩᱭᱞᱩ ᱨᱟᱣᱩᱱᱰ ᱨᱮ ᱵᱟᱭ ᱧᱟᱢ ᱠᱮᱫᱟ ᱫᱚᱥᱟᱨ ᱨᱟᱣᱩᱱᱰ ᱨᱮ ᱜᱨᱤᱠ ᱠᱷᱮᱞᱚᱸᱰᱤᱭᱟᱹ ᱞᱮᱱᱟ ᱵᱟᱞᱟᱣᱨᱤᱛᱳᱣᱼᱥᱠᱟᱨᱟᱢᱟᱜᱟ ᱥᱟᱶ ᱧᱟᱯᱟᱢ ᱞᱟᱦᱟ, ᱢᱩᱪᱟᱹᱫ ᱨᱮ ᱩᱱᱤ ᱫᱚ ᱯᱮᱭᱟ ᱥᱮᱴ ᱨᱮᱭ ᱡᱤᱛᱠᱟᱹᱨ ᱮᱱᱟ, ᱛᱮᱥᱟᱨ ᱨᱟᱣᱩᱱᱰ ᱨᱮ ᱩᱱᱤ ᱫᱚ ᱥᱯᱮᱱᱤᱥ ᱠᱷᱮᱞᱚᱸᱰᱤᱭᱟᱹ ᱞᱤᱞᱤ ᱟᱞᱵᱟᱨᱮᱡᱽ ᱵᱤᱨᱩᱫᱷ ᱨᱮᱭ ᱛᱟᱦᱮᱸ ᱠᱟᱱᱟ, ᱫᱩᱨᱵᱷᱟᱹᱜᱽᱭᱚ ᱵᱚᱥᱚᱛ ᱩᱱᱤ ᱫᱚ ᱯᱩᱨᱟᱹ ᱞᱮᱠᱟᱛᱮᱭ ᱵᱟᱦᱨᱮ ᱮᱱᱟ ᱟᱨ ᱥᱴᱨᱮᱴ ᱥᱮᱴ ᱨᱮ ᱐–᱖, ᱓–᱖ ᱛᱮᱭ ᱦᱟᱨᱟᱣ ᱮᱱᱟ᱾ ᱢᱤᱠᱥᱰ ᱰᱚᱵᱚᱞᱥ ᱨᱮ ᱩᱱᱤ ᱫᱚ ᱥᱤᱰᱱᱤ ᱡᱮᱠᱳᱵ ᱥᱟᱶ ᱮ ᱴᱤᱢ ᱟᱯ ᱞᱮᱱᱟ ᱡᱟᱦᱟᱸᱭ ᱫᱚ ᱵᱷᱟᱨᱚᱛ ᱠᱷᱚᱱ ᱦᱚᱸᱭ ᱛᱟᱦᱮᱸ ᱠᱟᱱᱟ, ᱩᱱᱠᱩ ᱫᱚ ᱯᱩᱭᱞᱩ ᱨᱟᱣᱩᱱᱰ ᱨᱮ ᱵᱟᱭ ᱧᱟᱢ ᱠᱮᱫᱟ, ᱛᱚᱵᱮ ᱫᱚᱥᱟᱨ ᱨᱟᱣᱩᱱᱰ ᱨᱮ ᱩᱱᱠᱩ ᱫᱚ ᱤᱨᱤᱥ ᱡᱳᱲᱤ ᱮᱰᱣᱤᱱ ᱢᱮᱠᱠᱨᱮ ᱟᱨ ᱢᱮᱨᱤ ᱣᱟᱞᱤᱥ ᱴᱷᱮᱱ ᱯᱮᱭᱟ ᱥᱮᱴ ᱨᱮᱠᱚ ᱦᱟᱨᱟᱣ ᱮᱱᱟ᱾[᱓]
ᱚᱞᱤᱢᱯᱤᱠᱥ ᱛᱟᱭᱚᱢ ᱚᱱᱟ ᱚᱠᱛᱚ ᱨᱮᱜᱮ, ᱯᱳᱞᱤ ᱫᱚ ᱤᱝᱞᱮᱱᱰ ᱮ ᱥᱟᱸᱜᱷᱟᱨ ᱠᱮᱫᱟ ᱟᱨ ᱮᱛᱚᱢ ᱤᱝᱞᱮᱱᱰ ᱨᱮ ᱟᱨ ᱠᱤᱪᱷᱩ ᱵᱟᱹᱲᱛᱤ ᱴᱩᱨᱱᱟᱢᱮᱱᱴ ᱮ ᱠᱷᱮᱞ ᱠᱮᱫᱟ, ᱡᱟᱦᱟᱸ ᱨᱮ ᱴᱩᱱᱵᱨᱤᱡᱽ ᱣᱮᱞᱥ ᱴᱮᱱᱤᱥ ᱴᱩᱨᱱᱟᱢᱮᱱᱴ ᱥᱮᱞᱮᱫ ᱛᱟᱦᱮᱸ ᱠᱟᱱᱟ, ᱟᱨ ᱵᱮᱠᱥᱦᱤᱞᱼᱚᱱᱼᱥᱤ ᱨᱮ ᱢᱤᱫ ᱤᱵᱷᱮᱱᱴ, ᱱᱚᱣᱟ ᱛᱟᱭᱚᱢ ᱟᱨ ᱪᱮᱫ ᱨᱮᱠᱚᱨᱰ ᱵᱟᱝ ᱧᱟᱢᱚᱜ ᱠᱟᱱᱟ᱾
᱑᱙᱘᱘ ᱨᱮ ᱱᱳᱨᱟ ᱯᱳᱞᱤ ᱫᱚ ᱞᱤᱳᱢᱤᱱᱥᱴᱟᱨ, ᱦᱮᱨᱮᱯᱷᱚᱨᱰᱥᱟᱭᱟᱨ ᱨᱮᱭ ᱵᱚᱸᱜᱟ ᱛᱟᱞᱟ ᱮᱱᱟ᱾
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ "When Polley made history in Paris". The Hindu. 13 July 2012. Retrieved 13 May 2017.
- ↑ "First female competitors at the Olympics by country". Olympedia. Retrieved 26 June 2020.
- ↑ "Tennis at the 1924 Paris Summer Games: Mixed Doubles Round Two". Olympics at Sports-Reference.com. Archived from the original on 17 April 2020. Retrieved 13 May 2017.