ᱴᱟᱴᱟ ᱜᱷᱟᱨᱚᱸᱡᱽ
| ᱴᱟᱴᱟ ᱜᱷᱟᱨᱚᱸᱡᱽ | |
|---|---|
| ᱱᱤᱛᱟᱜ ᱴᱚᱴᱷᱟ | ᱢᱩᱢᱵᱟᱭ, ᱢᱚᱦᱟᱨᱟᱥᱴᱨᱚ, ᱥᱤᱧᱚᱛ |
| ᱥᱤᱨᱡᱚᱱ ᱨᱮᱭᱟᱜ ᱴᱷᱟᱶ | ᱥᱩᱨᱚᱛ, ᱜᱩᱡᱽᱨᱟᱴ, ᱥᱤᱧᱚᱛ |
| ᱨᱟᱹᱥᱤᱭᱟᱹ | ᱡᱟᱢᱥᱮᱫᱽᱡᱤ ᱴᱟᱴᱟ ᱫᱳᱨᱚᱵᱽᱡᱤ ᱴᱟᱴᱟ ᱨᱚᱛᱚᱱᱡᱤ ᱴᱟᱴᱟ ᱱᱟᱵᱷᱟᱞ ᱴᱟᱴᱟ ᱟᱨ. ᱰᱤ ᱴᱟᱴᱟ ᱡᱮ. ᱟᱨ. ᱰᱤ. ᱴᱟᱴᱟ ᱨᱚᱛᱚᱱ ᱴᱟᱴᱟ ᱡᱤᱢᱤ ᱱᱟᱵᱷᱟᱞ ᱴᱟᱴᱟ ᱥᱤᱢᱚᱱ ᱴᱟᱴᱟ ᱱᱳᱭᱮᱞ ᱴᱟᱴᱟ |
| ᱥᱮᱞᱮᱫ ᱜᱷᱟᱨᱚᱸᱡᱽ ᱠᱚ | ᱯᱮᱴᱤᱴ ᱜᱷᱟᱨᱚᱸᱡᱽ ᱥᱚᱠᱞᱟᱛᱣᱟᱞᱟ ᱜᱷᱟᱨᱚᱸᱡᱽ ᱵᱷᱟᱵᱷᱟ ᱜᱷᱟᱨᱚᱸᱡᱽ ᱢᱤᱥᱛᱨᱤ ᱜᱷᱟᱨᱚᱸᱡᱽ |
| ᱟᱯᱟᱛ ᱫᱷᱚᱱ | ᱴᱟᱴᱟ ᱥᱚᱱᱥ |
ᱴᱟᱴᱟ ᱜᱷᱟᱨᱚᱸᱡᱽ ᱫᱚ ᱢᱤᱫ ᱥᱤᱧᱚᱛᱤᱭᱟᱹ ᱵᱮᱯᱟᱨᱤ ᱜᱷᱟᱨᱚᱸᱡᱽ ᱠᱟᱱᱟ, ᱡᱟᱦᱟᱸ ᱫᱚ ᱥᱤᱧᱚᱛ ᱨᱮᱱᱟᱜ ᱢᱩᱢᱵᱟᱭ ᱨᱮ ᱢᱮᱱᱟᱜᱼᱟ ᱾ ᱢᱩᱬᱩᱛ ᱠᱚᱢᱯᱟᱹᱱᱤ ᱫᱚ ᱴᱟᱴᱟ ᱥᱚᱱᱥ ᱠᱟᱱᱟ, ᱡᱟᱦᱟᱸ ᱫᱚ ᱴᱟᱴᱟ ᱜᱩᱴ ᱨᱮᱱᱟᱜ ᱢᱩᱬᱩᱛ ᱦᱳᱞᱰᱤᱝ ᱠᱚᱢᱯᱟᱹᱱᱤ ᱠᱟᱱᱟ ᱾ ᱱᱚᱣᱟ ᱠᱚᱢᱯᱟᱹᱱᱤ ᱨᱤᱱ ᱖᱕% ᱥᱴᱚᱠ ᱫᱚ ᱴᱟᱴᱟ ᱜᱷᱟᱨᱚᱸᱡᱽ ᱨᱮᱱᱟᱜ ᱟᱹᱰᱤ ᱞᱮᱠᱟᱱ ᱪᱟᱨᱪᱟᱨᱛᱷ ᱴᱨᱚᱥᱴ ᱠᱚᱣᱟᱜ ᱟᱭᱳ ᱟᱲᱟᱝ ᱨᱮ ᱢᱮᱱᱟᱜᱼᱟ, ᱡᱟᱦᱟᱸ ᱫᱚ ᱨᱚᱛᱚᱱ ᱴᱟᱴᱟ ᱴᱨᱚᱥᱴ ᱟᱨ ᱫᱳᱨᱚᱵᱽ ᱴᱟᱴᱟ ᱴᱨᱚᱥᱴ ᱠᱟᱱᱟ ᱾ ᱯᱟᱞᱳᱱᱡᱤ ᱢᱤᱥᱛᱨᱤ ᱜᱷᱟᱨᱚᱸᱡᱽ ᱨᱤᱱ ᱑᱘% ᱦᱤᱥ ᱫᱚ ᱯᱟᱞᱳᱱᱡᱤ ᱢᱤᱥᱛᱨᱤ ᱜᱷᱟᱨᱚᱸᱡᱽ ᱨᱤᱱ ᱠᱟᱱᱟ ᱠᱚ ᱟᱨ ᱮᱴᱟᱜ ᱠᱚ ᱫᱚ ᱴᱟᱴᱟ ᱥᱚᱱᱥ ᱨᱤᱱ ᱠᱟᱱᱟ ᱠᱚ ᱾
ᱴᱟᱴᱟ ᱫᱚ ᱢᱤᱫ ᱯᱟᱨᱥᱤ ᱜᱷᱟᱨᱚᱸᱡᱽ ᱠᱟᱱᱟ ᱠᱚ ᱟᱨ ᱢᱩᱬ ᱞᱮᱠᱟᱛᱮ ᱱᱩᱠᱩ ᱫᱚ ᱜᱩᱡᱽᱨᱟᱴ ᱯᱚᱱᱚᱛ ᱨᱮᱱᱟᱜ ᱱᱟᱵᱽᱥᱟᱨᱤ ᱠᱷᱚᱱ ᱢᱩᱢᱵᱟᱭ ᱠᱚ ᱦᱮᱡ ᱞᱮᱱᱟ ᱾ ᱜᱷᱟᱨᱚᱸᱡᱽ ᱨᱮᱱᱟᱜ ᱢᱩᱬᱩᱛ ᱫᱚ ᱡᱟᱢᱥᱮᱫᱽᱡᱤ ᱴᱟᱴᱟ ᱛᱟᱦᱮᱸ ᱠᱟᱱᱟᱭ ᱾[᱑]
ᱧᱩᱛᱩᱢᱟᱱ ᱥᱚᱦᱮᱫ ᱠᱚ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ᱡᱟᱢᱥᱮᱫᱽᱡᱤ ᱴᱟᱴᱟ (᱓ ᱢᱟᱨᱪ ᱑᱘᱓᱙ - ᱑᱙ ᱢᱮ ᱑᱙᱐᱔), ᱡᱟᱦᱟᱸᱭ ᱫᱚ ᱥᱤᱧᱚᱛᱤᱭᱟᱹ ᱤᱱᱰᱚᱥᱴᱨᱤᱡᱽ ᱨᱤᱱᱤᱡ ᱵᱟᱵᱟ ᱠᱷᱚᱱ ᱫᱚ ᱢᱤᱫ ᱢᱩᱬ ᱦᱚᱲ ᱞᱮᱠᱟᱛᱮ ᱵᱟᱰᱟᱭᱚᱜᱼᱟ ᱾[᱒] ᱩᱱᱤ ᱟᱨ ᱩᱱᱤᱭᱤᱡ ᱵᱟᱦᱩ ᱦᱤᱨᱟᱵᱟᱭᱤ ᱱᱤ ᱫᱟᱵᱽᱵᱩ ᱫᱚ ᱢᱤᱫ ᱠᱩᱲᱤ ᱜᱤᱫᱽᱨᱟᱹ ᱟᱨ ᱵᱟᱨᱭᱟ ᱠᱚᱲᱟ ᱜᱤᱫᱽᱨᱟᱹ ᱨᱤᱱ ᱟᱭᱳ-ᱵᱟᱵᱟ ᱠᱤᱱ ᱛᱟᱦᱮᱸ ᱠᱟᱱᱟ :
- ᱫᱷᱩᱱᱵᱟᱭᱤ ᱴᱟᱴᱟ, ᱡᱟᱢᱥᱮᱫᱽᱡᱤ ᱟᱨ ᱦᱤᱨᱟᱵᱟᱭᱤ ᱴᱟᱴᱟ ᱟᱜ ᱠᱩᱲᱤ ᱜᱤᱫᱽᱨᱟ. ᱵᱟᱝ ᱵᱟᱯᱞᱟ ᱟᱠᱟᱱ ᱾
- ᱫᱳᱨᱚᱵᱽᱡᱤ ᱴᱟᱴᱟ (᱒᱗ ᱚᱜᱚᱥᱴ ᱑᱘᱕᱙ - ᱓ ᱡᱩᱱ ᱑᱙᱓᱒), ᱡᱟᱢᱥᱮᱫᱽᱡᱤ ᱭᱤᱡ ᱢᱟᱨᱟᱝ ᱦᱚᱯᱚᱱ, ᱥᱤᱧᱚᱛᱤᱭᱟᱹ ᱤᱱᱰᱚᱥᱴᱨᱤᱭᱟᱞ, ᱯᱟᱨᱳᱯᱠᱟᱨᱤ ᱟᱨ ᱴᱟᱴᱟ ᱜᱨᱩᱯ ᱨᱤᱱᱤᱡ ᱫᱚᱥᱟᱨ ᱯᱟᱨᱥᱮᱛ ᱾ ᱟᱡᱤᱡ ᱵᱟᱦᱩ, ᱢᱮᱦᱮᱨᱵᱟᱭ ᱴᱟᱴᱟ, ᱟᱴᱚᱢᱤᱠ ᱥᱟᱬᱮᱥᱤᱭᱟᱹ ᱦᱳᱢᱤ ᱡᱮ. ᱵᱷᱟᱵᱷᱟ ᱭᱤᱡ ᱟᱭᱳ ᱠᱤᱱ ᱛᱟᱦᱮᱸ ᱠᱟᱱᱟ ᱾ ᱱᱩᱠᱩ ᱨᱤᱱ ᱫᱚ ᱜᱤᱫᱽᱨᱟ. ᱵᱟᱝ ᱠᱚ ᱛᱟᱦᱮᱸ ᱠᱟᱱᱟ ᱾
- ᱨᱚᱛᱚᱱ ᱴᱟᱴᱟ (᱒᱘ ᱱᱚᱵᱷᱮᱢᱵᱚᱨ ᱑᱙᱓᱗ - ᱙ ᱚᱠᱴᱚᱵᱚᱨ ᱒᱐᱒᱔), ᱴᱟᱴᱟ ᱜᱩᱴ ᱨᱤᱱᱤᱡ ᱕ ᱟᱱᱤᱡ ᱯᱟᱨᱥᱮᱛ, ᱱᱟᱵᱷᱟᱞ ᱴᱟᱴᱟ ᱟᱡᱤᱡ ᱯᱩᱭᱞᱩ ᱵᱟᱦᱩ ᱥᱩᱱᱩ ᱠᱩᱢᱤᱥᱟᱨᱤᱭᱮᱴ ᱛᱤᱠᱤᱱᱤᱡ ᱦᱚᱯᱚᱱ ᱾
- ᱡᱤᱢᱤ ᱴᱟᱴᱟ ᱫᱚ ᱱᱟᱵᱷᱟᱞ ᱴᱟᱴᱟ ᱟᱡᱤᱡ ᱯᱩᱭᱞᱩ ᱵᱟᱦᱩ ᱥᱩᱱᱩ ᱠᱩᱢᱤᱥᱟᱨᱤᱭᱮᱴ ᱛᱤᱠᱤᱱᱤᱡ ᱦᱚᱯᱚᱱ ᱠᱟᱱᱟᱭ ᱾
- ᱱᱳᱭᱮᱞ ᱴᱟᱴᱟ, ᱴᱨᱮᱱᱴ ᱨᱤᱱᱤᱡ ᱪᱮᱭᱟᱨᱯᱚᱨᱥᱚᱱ, ᱱᱟᱵᱷᱟᱞ ᱴᱟᱴᱟ ᱭᱤᱡ ᱦᱚᱯᱚᱱ ᱫᱚ ᱟᱡᱤᱡ ᱫᱚᱥᱟᱨ ᱵᱟᱦᱩ ᱥᱤᱢᱳᱱ ᱠᱷᱚᱱ ᱦᱚᱛᱮᱛᱮ ᱾
- ᱨᱚᱛᱚᱱᱡᱤ ᱫᱟᱫᱟᱵᱟᱭᱤ ᱴᱟᱴᱟ (᱑᱘᱕᱖-᱑᱙᱒᱖), ᱴᱟᱴᱟ ᱜᱩᱴ ᱥᱮᱵᱟ ᱭᱤᱡ ᱢᱤᱫᱴᱟᱹᱝ ᱢᱩᱬᱩᱛ ᱦᱚᱲ ᱠᱟᱱᱟᱭ ᱾ ᱩᱱᱤ ᱟᱡ ᱵᱟᱵᱟ ᱫᱟᱫᱟᱵᱷᱟᱭ ᱫᱚ ᱡᱟᱢᱥᱮᱫᱽᱡᱤ ᱴᱟᱴᱟ ᱟᱡ ᱟᱭᱳ ᱡᱤᱣᱚᱱᱵᱟᱭ ᱭᱤᱡ ᱵᱚᱭᱦᱟ ᱠᱟᱱᱟᱭ ᱾ ᱚᱱᱟᱛᱮ ᱨᱚᱛᱚᱱᱡᱤ ᱫᱚ ᱡᱟᱢᱥᱮᱫᱽᱡᱤ ᱭᱤᱡ ᱢᱟᱢᱚ ᱦᱟᱛᱚᱢ ᱵᱚᱭᱦᱟ ᱠᱟᱱᱟᱭ ᱟᱨ ᱩᱱᱤ ᱫᱚ ᱴᱟᱴᱟ ᱜᱷᱟᱨᱚᱸᱡᱽ ᱨᱤᱱᱤᱡ ᱠᱟᱱᱟᱭ ᱾ ᱩᱱᱤ ᱫᱚ ᱯᱷᱨᱟᱱᱥ ᱠᱮᱛᱷᱚᱞᱤᱠ ᱥᱩᱡᱮᱱ ᱵᱨᱤᱭᱮᱨᱮ ᱥᱟᱶ ᱵᱟᱯᱞᱟ ᱞᱮᱱᱟᱭ ᱟᱨ ᱩᱱᱤ ᱨᱤᱱ ᱢᱚᱬᱮ ᱜᱚᱴᱟᱝ ᱜᱤᱫᱽᱨᱟᱹ ᱢᱮᱱᱟᱜ ᱠᱚᱣᱟ:
- ᱡᱮ. ᱟᱨ. ᱰᱤ. ᱴᱟᱴᱟ (᱒᱙ ᱡᱩᱞᱟᱭ ᱑᱙᱐᱔ - ᱒᱙ ᱱᱚᱵᱷᱮᱢᱵᱚᱨ ᱑᱙᱙᱓), ᱨᱚᱛᱚᱱᱡᱤ ᱫᱟᱫᱟᱵᱷᱟᱭ ᱴᱟᱴᱟ ᱭᱤᱡ ᱦᱚᱯᱚᱱ, ᱩᱱᱤᱭᱤᱡ ᱵᱟᱦᱩ ᱫᱚ ᱥᱩᱡᱮᱱ ᱾ ᱴᱟᱴᱟ ᱜᱩᱴ ᱨᱤᱱᱤᱡ ᱯᱩᱱᱭᱟ. ᱯᱟᱨᱥᱮᱛ ᱞᱮᱠᱟᱛᱮ, ᱩᱱᱤ ᱫᱚ ᱥᱤᱧᱚᱛᱤᱭᱟᱹ ᱩᱰᱟᱹᱱ ᱨᱮᱱᱟᱜ ᱮ ᱟᱹᱭᱩᱨ ᱞᱮᱫ ᱛᱟᱦᱮᱸᱫ ᱟᱨ ᱴᱟᱴᱟ ᱮᱭᱟᱨᱞᱟᱭᱤᱱᱥ (ᱡᱟᱦᱟᱸ ᱫᱚ ᱛᱟᱭᱚᱢ ᱛᱮ ᱮᱭᱟᱨ ᱤᱱᱰᱤᱭᱟ ᱧᱩᱛᱩᱢ ᱛᱮ ᱵᱟᱰᱟᱭᱚᱜ ᱠᱟᱱᱟ) ᱮ ᱛᱷᱟᱯᱚᱱ ᱞᱮᱫᱼᱟ ᱾
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ "JRD's first proposal at work: a postal air service". www.thehindubusinessline.com (in ᱟᱝᱜᱽᱨᱮᱡᱤ). 5 ᱚᱠᱴᱚᱵᱚᱨ 2021. Archived from the original on 12 ᱥᱮᱯᱴᱮᱢᱵᱚᱨ 2022. Retrieved 12 ᱥᱮᱯᱴᱮᱢᱵᱚᱨ 2022.
- ↑ "Forbes India Magazine - Tata Sons: Passing the Baton". forbesindia.com. Archived from the original on 4 ᱥᱮᱯᱴᱮᱢᱵᱚᱨ 2019. Retrieved 17 ᱱᱚᱵᱷᱮᱢᱵᱚᱨ 2015.
ᱜᱚᱲᱚ ᱯᱩᱛᱷᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- "Tata family tree". At Tata Central Archives.
- "Tata family". Encyclopædia Britannica.
ᱵᱟᱦᱨᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- Tata family tree, Economic times
- The most successful Tata Archived ᱒᱑ ᱚᱠᱴᱚᱵᱚᱨ ᱒᱐᱒᱐ at the Wayback Machine. Viral Panda